رواية عنيدة في جحيم الفهد الفصل الثالث3بقلم اميرة خالد
الفصل الثالث
في قسم نده جاسر على العسكري وقال له راحت للبنت من الحجز
رد العسكري بنت مين يا فندم
رد البنت اللي انا اديتها لك النهارده وقلت لك تروق عليها
رد العسكري ما هي البنت دي خرجت يا فندم
اتعصب جاسر وقال خرجت ازاي
رد العسكري اللي سياده اللواء هو اللي خرجها النهارده
قال جاسر طب تروق عليها
رد العسكري لا يا باشا ده هي اللي روقت على النسوان تحت وظبطتهم
رد جاسر طب هو اللواء يعرفها
رد عليه والله ما عارف يا باشا كل اللي اعرفه ان هو خلى حسن باشا انه يجيبها من الحجز واخرجت من مكتبه
رد جاسر طب روح انت
وعدت فتره طويله واميمه حبت بسمله وبقت تاخدها معاها في كل حته حتى الجمعيه وبقت تتعلم بسمله الشغل في الجمعيه وكمان تعلمت تلبس كويس وتلف الحجاب كويس و اميمه مبسوطه منها جدا
اما ادهم في حياته ماشيه من الشغل للفيلا من الفيلا للشغل وما فيش اي حاجه جديده ونسي موضوع بسمله ده
والنهارده في الجمعيه كانت بسمله بتساعد البنات بعمل الحفله بتاعه التبرعات وراحت المكتب اميمه وقالت لها كل حاجه جاهزه يا اميمه هانم
ردت عليها تمام يا بسمله يلا بينا خلينا نروح نلبس وبعد كده نرجع هنا ثاني
قالت بسمله هو انا ينفع اعتذر عن الحفله النهارده
ردت اميمه ليه يا حبيبتي
اتكسفت بسمله تقول لها ان ما عندهاش حاجه تحضر بيها الحفله
وفهمت اميمه وقالت لها لا يا بسمله مش هينفع تعتذري وكمان انا بحتاجك معايا انتي بتفهميني من النظره عكس البنات الثانيه
ردت بسمله حاضر هبقى مع حضرتك وخرجوا ركبوا العربيه
وقالت اميمه اطلع على الاتيليه يا اشرف
رد عليها حاضر يا هانم
وبعد وقت وصلوا الاتيليه ودخلت اميمه وهي بتقول ازيك يا صافي عامله ايه
ردت عليها كويسه يا اميمه هانم طلبك موجود
ردت اميمه تمام بصي يا صافي انا عايزاك تجيبي لي فستان شيك جدا للانسه الحلوه اللي معايا ديت
ردت صافي عينيا الاتنين ثواني وراحت جابت فستان تحفه جدا وبسمله تنحت من جماله

و قالت اميمه انا عايزه بالطرحه والاكسسوارات بتاعتها
ردت صافي كل حاجه جاهزه
و قالت بسمله بصوت واطي مش هينفع اميمه هانم اخذ الحاجات ديت
ردت اميمه اسمعيني بس يا بسمله دي مش اول ولا اخر حفله هتحضريها معايا فلازم تكوني بتلبسي الفساتين دي وتبقي شيك
ردت بسمله بس ده شكله غالي قوي
ردت اميمه انا عارفه عشان كده هخصم كل شهر حاجه من مرتبك
اتكسفت بسمله وقالت لها تمام
وقالت اميمه خلاص خدي صافي الكارت اهو ادفعي كل حاجه وحطي الحاجه في الشنط وانا هبعت لك اشرف ياخدهم دلوقتي
رده صافي تمام يا هانم
وفي شركه ادهم كان متعصب وبيقول ازاي المبلغ ده كله يطلع من الشركه من غير ما اعرف
رد زين ما انت عارف ان ابراهيم بيه هو اللي اخذه
وقال ادهم ياخدهم ازاي والشركه داخله صفقه زي ديت اجيب الفلوس انا دلوقتي منين طب شوف البنك الحساب فيه فلوس تغطي اللي هو خدها
رد زين للاسف ما فيش
اتجنن ادهم ويقول لي بس اعمل معاه ايه انا خلاص تعبت
رد زين اهدى بس يا ادهم هيجرى لك حاجه
رد ادهم هيجرى لي اكثر من كده انت عارف ان الشرط الجزائي يودينا في داهيه وممكن نتحبس فيها
رد زين طب ما تتصل بحماك وتخليه يساعدك
ضحك ادهم بسخريه وقال له وانت فاكر ان سعد هيساعدني بسهوله كده اكيد هيطلب تزيد نسبته في الشركه ويكون هو صاحب القرار الاول والاخير فيها وانا مستحيل اعمل كده
رد زين طب اتصل باميمه هانم هي اللي ممكن برده تساعدك
رد عليه انا مش هتصل بحد انا هروح بنفسي اجيب الفلوس من ابراهيم بيه دلوقتي حالا
رد زين ما هو للاسف انت مش هتعرف تجيب الفلوس من ابراهيم بيه عشان هو سافر لندن من ساعتين..
اتجنن ادهم وقال له وما قلت ليش ليه
رد زين ما انت عارف اني ما كنتش هنا وطول النهار بره في الاجتماعات
رد ادهم تمام يا زين اخرج دلوقتي وسيبني افكر في المصيبه ديت
وبعد وقت لبسه بسمله الفستان ولفه الطرحه بطريقه جديده زي البنات معلموها
وقال باسم شكلك حلو قوي يا بسمله
قالت له انت اللي حلو يا باسم
ضحك وقال لها طيب انا هروح العب بقى كوره مع العيال تحت
ردت بسمله طب خلي بالك من نفسك وتعشى مع عم فكري ولو حبيت تنام نام عندهم وانا لما ارجع هبقى اخدك
رد عليها طيب وخرجت بسمله بعد ما خلصت كل حاجه ونزلت على شقه اميمه وفتحت بالمفتاح
ودخلت لقت اميمه لابسه الفستان وشكلها شيك جدا وانبهرت اميمه من شكل بسمله ورسمه عينيها بالكحل الجميل
وقالت لها زي القمر يا بسمله ابتسمت
وقالت لها حضرتك اللي قمر
ضحكه اميمه وقالت لها طيب يا ستي ممكن بقى تجيبي لي الشوز من جوه
ردت بسمله من عيني الاثنين ودخلت الاوضه جابت الشوز والشنطه بتاعتها وخرجت ولبست اميمه
وقالت جاهزه بسمله
ردت عليها طبعا يا هانم واميمه مسكت ايد بسمله ونزلت بيها على تحت وركبه العربيه
وفي الشركه ادهم كان بيتكلم في التليفون بيزعق يعني ازاي تعمل كده يا بابا وانت عارف ان الشركه داخله صفقه كبيره
رد ابراهيم فلوسي وانا حر فيها اعمل اللي انا عايزه
رد ادهم وانا غلطان اني لسه في الشركه لغايه دلوقتي ما عملتش ليا البيزنس الخاص بيا وبحاول اكبر شركتك
رد ابراهيم ما حدش طلب منك كده وانا اعمل اللي انا عايزه انت مش واصي عليا
اتعصب ادهم وقال له وصيه مش وصيه انت بتضيع فلوسك على نسوان شمال لغايه ما يضيعوك
اتعصب ابراهيم وقال له ما لكش دعوه بخليك في حالك وقفل السكه في وشه
وتجنن ادهم وقدامه حل من الاثنين يا اما ياخد قرض من البنك وساعتها الصفقه ممكن تروح او ياخذ فلوس من حماه او جدته ولغايه دلوقتي هو متحير بينهم
ودخل زين وقال له سعد في الشركة النهارده
رد ادهم باستغراب دي اول مره يعملها
رد زين شكله كده المخبرين بتوعه قالوا لي على ابوك عمله
رد ادهم شكلها ناقصاه هو كمان
ودخلت السكرتيره بعد ما خبطت الباب وقالت له انه سعد بيطالبه في مكتبه
و رد ادهم ببرود قولي له ان انا مش فاضي
ردت السكرتيره حاضر يا فندم وخرجت
وقال زين هتعمل ايه
رد عليه بفكر اخد قرض من البنك بس لقيت ان ممكن المستثمرين يعرفوا وساعتها تحصل مشكله كبيره يا اما اخذ من سعد او اميمه هانم
رد زين وانا رايي اخذ من جدتك احسن بلاش سعد عشان انت عارفه هيصطاد في الميه العكره
رد ادهم انا مش عارف اعمل ايه انا تعبت من الموضوع ده
رد زين معلش يا ادهم هنعمل ايه يعني واخبط الباب
وقال ادب ادخلي يا سميه و قال سعد بابتسامه صفراء انا عرفت ان انت مشغول قلت اجي لك انا
رد ادهم اتفضل يا سعد بيه تشرب ايه
رد عليه قهوه يا ادهم ورفع التليفون وطلب ثلاثه قهوه
وقال خير يا سعد بيه في حاجه
رد عليه بصراحه كده انا حابب نفض الشراكه اللي بيني وبينك في الشركه
اتصدم ادهم من الكلام
و قال زين ليه سعد بيه عايز تفض الشراكه
رد سعد انت عارف ان انا اشتريت شركه المصطفى للمقاولات وديت محتاجه فلوس كثيره الفتره ديت وكمان انا مش هبقى فاضي للشركه هنا
رد ادهم بسخريه وانت من امتى بتيجي الشركه اساسا انا اللي شايل كل حاجه
رد سعد فعشان كده حبيت اسيبها لك وانت تشيلها كلها
رد ادهم تمام وعايز كام وبص له زين بمعنى انت بتعمل ايه
و رد سعد 20,000,000 جنيه وهتنازل عن حصتي في الشركه
رد ادهم تمام
و قال سعد خلاص انا هكلم المحامي يخلص الورق وبكره ان شاء الله نمضيه واخد الفلوس بتاعتي
رد ادهم تمام
و قال سعد صحيح هو انت هتتجوز شاهي امتى
رد ادهم مش دلوقتي خالص
رد سعد اوكي يا ادهم وخرج
واتكلم زين ايه اللي انت عملته ده يا ادهم انت عارف الموقف الشركه الماليه عامل ازاي وازاي توافق بحاجه زي ديت
رد ادهم انا لو كنت رفضت كان هو ممكن يطلب يشتري نصيبنا وساعتها كان هيقول في مبلغ اقل من حقنا
رد زين طب انت هتعمل ايه دلوقتي
رد ادهم فاكر الارض اللي انا ورثتها عن امه الله يرحمها اللي في طريق الصحراوي
رد زين ايوه عارفها مش ده اللي كان واحد عايز يشتريها ب 50 مليون
رد ادهم ايوه انا عايزك تتصل بيه وتقول له ان انا عايزه ابيع بس اخذ فلوسي كاش
رد زين تمام قوي وخرج زين يتصل على المشتري
وادهم اتنهد وطلب فنجان قهوه
وبعد وقت دخل زين وقال له انا اتصلت على المشتري ووافق بس هيدينا الفلوس على دفعات
رد ادهم وهيدفع كام الاول
رد عليه 15 مليون
اتعصب ادهم وقال مش هينفع انا كده مش بحل المشكله انا كده هبيع الارض كمان بخساره
رد زين ايه رايك لو استلفنا الفلوس من جدتك وخليناها دخلت شريكه في الشركه او ابعت لها انت الارض بتاعتك
رد ادهم انا قايم اروح لها دلوقتي واشوف هتقول لي ايه اذا كانت هتوافق ولا لا
رد زين تمام انا جاي معاك وخرجوا من الشركه وركبوا العربيه
وفي شقه اميمه كانت قاعده على الكرسي بترتاح وقالت الحفله كانت جميله جدا وكويس انها عدت على خير
ابتسمت بسمله وقالت فعلا والناس كثيره اتبرعت للبنات
ردت اميمه يا بنتي اللي بيعمل خير دايما هيلاقيه
ردت بسمله لو الناس كلها زيك ما كانش هيبقى في فقر ولا جهل
ابتسمت اميمه وقالت لها ممكن تعملي لي كوبايه عصير يا بسمله
ردت عليها من عيني الاثنين ودخلت المطبخ و جرس الباب رن وقامت اميمه تفتحه واتفاجئت بادهم وزين
وقال ادهم حضرتك خارجه
ردت عليه لا لسه راجعه من الحفله بتاعه الجمعيه
رد ادهم طب كويس انا عايزك في موضوع
ردت عليه موضوع ايه يا ادهم
وائل ادهم وهو بيقعد على الكنبه حصلت مشكله النهارده في الشركه
ردت اميمه مشكله ايه
وحكى لها ادهم كل اللي حصل واللي عمله ابراهيم معاه وكمان سعد
ردت اميمه انا مش عارفه اعمل ايه مع ابوك ده خلاص هتجنن منه ويا ريته بيتجوز واحده من سن لا دايما بيتجوز بنات صغيره وبيضحكوا عليه وياخدوا فلوسه
رد ادهم المهم هنحل المشكله دي ازاي
ردت اميمه طب وانا مالي
قال لها انا عارفه ان حضرتك مش عاجبك تصرفات بابا بس الشركه دي انا بنتها واحده واحده ومش مستعد اني اخسرها
ردت اميمه انا لو هساعدك فهساعدك عشان انت بس مش عشان خاطر ابوك فاهم يا ادهم
فرح ادهم و وقال لها اكيد طبعا
وخرجت بسمله من المطبخ ومعاها صينيه العصير وهي بتقول اتفضلي يا اميمه هانم كوبايه العصير
واتفاجئ ادهم بيها وكمان زين اللي اتصدم من جمالها في الفستان ورسمه عينيها
وقال ادهم ايه جاب الزباله دي هنا
ردت بسمله احترم نفسك يا بني ادم انت زباله
رد ادهم وكمان بتردي وقرب عشان يضربها
وزعقت اميمه في ايه يا ادهم مالك يا بسمله
ردت عليها ما فيش حاجه يا اميمه هانم لو احتاجت حاجه اندهها عليا
ردت اميمه تمام يا بسمله وخرجت بسمله
وقال ادهم هي البنت دي بتشتغل هنا
ردت اميمه اسمها بسمله مش بنت و ايه الطريقه الوحشه اللي انت اتكلمت بيها ديت
رد ادهم طريقه ايه انتى ما تعرفيش هي عملت ايه
ردت اميمه ومش عايزه اعرف المهم انت عايز الفلوس امتى
رد ادهم يا ريت دلوقتي حالا
ردت اميمه انا موافقه بس بشرط واحد
قال لها ايه هو قالت له تفسخ خطوبتك مع شاهي ديت واجوزك واحده على مزاجي وفي خلال سنه تخلف منها ولد وكمان حكتب لك كل حاجه عندي باسمك
رد ادهم اللي انتي بتقوليه ده يا اميمه هانم جواز ايه انا مش في دماغي الجواز دلوقتي
ردت عليه براحتك هو ده شرطي يا توافق يا ترفض
واتكلم زين ادهم موافق
وبص له ادهم بمعنى اللي انت بتعمله ده وغمز له زين
وقالت اميمه خلاص هبعت لك المحامي الصبح بالفلوس
و رد زين تمام قوي يا اميمه هانم يلا يا ادهم عشان نسيب اميمه هانم ترتاح
وخرجوا ركبوا العربيه وقال ادهم اللي انت قلته ده يا زين
رد عليه اسمعني بس وبعد كده شوف انا غلطان ولا لا انت هتوافق على كلامها وهي طبعا هتجيب لك العرايس وانت ابقى طفشهم وكمان لما ربنا يسهلها بالفلوس رجع حالها وهي هتزعل شويه
وانت ابقى راضيها بطريقتك وكده الموضوع اتحل وما فيش اي حاجه هتبوظ شغلنا ولا هتضيع الشركه من ايدين فكر ادهم في كلامه واقتنع بيه
وقال له تمام
اما في شقه اميمه مسكت التليفون واتصلت على المحامي
وقالت له فؤاد عايزك تجهز لي الورق بكره اللي هقول لك عليه
رد عليها حاضر يا هانم
وقالت له كمان اعمل شيك ب 50 مليون جنيه عشان تديه لادهم وقبل ما يستلم منك الفلوس اعمل اللي انا هقول لك عليه بالظبط
رد فؤاد حاضر يا هانم
وبعد دقائق قفلت معايا وقلعت هدومها ونامت على السرير وهي بتبتسم
وثاني يوم في الشركه وصل المحامي عند ادهم وقال له ده الشيك ب 50 مليون جنيه اللي اميمه هانم قالت عليه