رواية بابت بقي بطلي تستغلي منصب ابوكي الفصل الرابع4بقلم ليلان سلامة
يزن!!
بصُله يزن وقال:
_ ايوا...
أتكلم بابا بصدمه وقال:
_ انتَ كُنت فين الخمس سنين دول يا ابني!!
رد يزن ببرود وقال:
_ موجود...
_ موجود ايه احنا قلبنا عليك الدُنيا!!
_ عادي حضرتك ما انا عايش اهو!!
_ عايش ايه يا يزن عمك كان قالب عليك الدُنيا...
ضحك يزن بسُخريه وقال:
_ اه فعلاً مموت نفسُه علشاني!!
اتكلم بابا وقال:
_ يزن عمك بيحبك وفعلاً كان قلقان عليك!!
_ عادي هو عايش الدُنيا موقفتش عليا!!
_ انتَ للي هربت منُه يا يزن ليه هربت؟!احنا بندور عليك بقالنا خمس سنين من ساعت ما انتَ غيبت...
مردش يزن وراح ياخد البايك علشان يمشي شدُه بابا من هدُومه وقال بحده:
_ انتَ مش هتمشي من هنا مش بعد ما الاقيك تمشي عمك قالب عليك الدُنيا!!
أتكلم مروان أخويا بسُرعه وقال:
_ ايوا انتَ مينفعش تمشي هنرجعك ل عمك!!
أتكلم يزن بصُراخ وقال:
_ مترجعونيش لحد وأنا مقولتش لحد يدور عليا!!
أتكلم بابا بحده اكبر وقال:
_ يعني ايه عمك لازم يعرف اننا لقيناك وانك عايش!!
_ مش مهم يعرف ولا يعرفش ولا اقولك قُوله ميت!!
يزن قال كدا ومشي وبابا كلف حد انُه يراقبه دخلنا البيت وبعدين قولت:
_ بابا انتَ تعرف يزن ازاي؟
_ يزن دا قضيه عندي!!
_ قضيه ازاي مش فاهمه!!
_ مش وقته يا ميرال!!
_ يعني ايه يا بابا عاي...
قطعني مروان وهو بيقول:
_ خلاص يا ميرال مش وقته...
طلعت اوضتي وبعدين مفيش دقايق لقيت الباب بيخبط ودخل مروان أخويا وللي قال:
_ مالك انتِ زعلتي ولا ايه؟
_ لا مفيش عادي..
ضحك وقال:
_ واضح جداً..،تعالى يا ستي احكيلك...
سقفت بحماس وقولت:
_ احكي..
_ بصي يزن دا عنده عم عمُه دا يبق صاحب شركه وابوه كان شغال عنده...
اتكلمت وأنا بحاول افهم وقولت:
_ استني بس ابو مين للي شغال مع عم يزن...
_ لا فتحي مخك معايا شويه انا مش فاضي ل غبائك...
حدفت المخده عليك وقولت:
_ ما تحترم نفسك...
_ طب خلاص مش حاكي..
مسكت فيه وقولت بدلع:
_ كدا يا مرموري مش هتحكيلي!!
_ مرمورك!!
_ خلص بقى..
_ المهم يزن عنده عم و ابو يزن كان شغال عندُه!
_ قصدك شغال معاه!
_ لا عنده..
_ طب ازاي هما مش اخوات ازاي شغال عنده؟
_ الشركه دي للي فتحها كان عم يزن و ابو يزن ملهوش فيها حاجه فا كان شغال عند عم يزن زيه زي الغريب جت بعد فتره كبيره وسنين ياكتشفو ان ابو يزن كان بيسرق حجات وبيوقع أسهم من الشركه حصلت مُشكله كبيره جداً وطبعاً عم يزن بلغ عن اخوه خالد للي هو ابو يزن وبعدين فعلاً الادله كلها كانت ضده و اتحكم عليه ب 3 سنين حبس..
_ و خالد بابا يزن طلع؟
_ لا للاسف اتوفي في السجن كان مريض قلب وكَان عايز يعمل عمليه ولما طلب من اخوه فلوس اخوه رفض عرفنا بعد موته ب فتره ان ابو يزن سرق الفلوس دي علشان يعمل العمليه كان خايف علىّ يزن لان يزن يتيم و أمه اتوفت وهي بتولده فا سرق الفلوس وللاسف اخوه بلغ عنُه!
_ طب وليه عم يزن مدهوش الفلوس؟
_ عرفنا بردو ان عم يزن رفض علشان اصلاً خالد اخوه ملقهوش انه تعبان وعنده القلب!!
_ بس دا مش مُبرر!!
_ عارفين!
_ طب ليه بابا بيقول ل يزن ان عمه قالب عليه الدنيا وانه بيحبه وليه يزن مش طايق عمه؟
_ اولاً يزن شايف ان عمه السبب في وفاه ابوه بعد وفاه ابو يزن طلب عمه من اهل ام يزن انه يخده ويربيه بحُكم ان اصلا عائله ام يزن مكنوش هيقدرو يربوه هما علىّ قد حالهم للاسف!
_ طب ليه بابا بيقول انُه يزن هرب من خمس سنين؟
_ بعد ما يزن راح عند عمه عدت فتره كبيره وعرفنا ان يزن هرب فضلنا ندور عليه وشقلبنا الدنيا عليه وملقنهوش!!
_ طب ليه عم يزن طلب ان يزن يعيش معاه وهو السبب في موت ابوه؟!
_ ميرال حبيبتي هما مش من بقيت اهلي للي انا اعرفه قولتُه يلا مع السلامه...
قال كدا ومشي فضلت في دوامه أفكاري حقيقي يزن صعب عليا جداً حقيقي حكايته صعبه اوي....
فوقت من دوامه أفكاري امي وهي بتنده عليا علشان ننزل ناكل نزلت وكلنا وقولت:
_ بابا هتعمل ايه مع يزن؟
_ لسه مش عارف...
خلصنا اكل وبعدين قعدنا في الليفنج وبابا قال:
_ انا مجمعكو ودي اول مره اعملها في حياتي اني اخد رايكو في حاجه في شُغلي بس القصه دي حقيقي صعبه عليا،رايكو اكلم عم يزن؟
اتكلمت ماما وقالت:
_ ايوا كلمه!ممكن يكون مظلوم ويزن واخد فكره غلط عنه!
اتكلم مروان وقال:
_ بس يا بابا يزن مش هيوافق يقابل عمُه!!
اتكلمت وقولت:
_ لو العلاقه بينهم اصلا كانت حلوه قوله لو لا فا متقلهوش...
اتكلم بابا وقال بتفكير:
_ تمام...
مشي بابا وبعدين قولت ل ماما:
_ والله جوزك دا اكيد هيعمل حاجه تانيه غير للي قولناه...
_ يا بت اتلمي دا أبوكي...
_ هو انا شتمته...
ضحكت ماما بغُلب وقالت:
_ ايه هتفضلي حابسه نفسك في الاوضه كتير؟
اتكلمت بسرعه و بحماس وقولت:
_ هتدوني العربيه والفيزا وترجعوني الجامعه و اخرج..
_ اطلعي يا بت تساعديني دا انا امك لكن للي بتقولي عليه دا اتصرفي مع ابوكي انا مليش دعوه...
_ ما تقنعيه...
_ والله ابدا آخر مره صالحته بالعافيه وانتِ بت عنيده ودماغك نشفه وقولتلك انتِ للي هتزعلي في الاخر وادي اهو النتيجه...
اتكلمت بمرح وقولت:
_ خلي قلبك صافي..
_ انا قلبي مش صافي يا جزمه وبعدين تعالي هنا من امتي وإحنا بنروح سبقات ولينا في الكلام دا؟
دخل بابا علىّ كلام ماما وقال:
_ ردي ولا مش عارفه تقولي ايه؟
اتكلمت بحماس ومرح وقولت:
_ لولا اني اشتغلت من وراكو و روحت السبق من وراكو بردو مكنتوش هتلاقو يزن...
بصلي بابا بغضب وبصيت لقيت ماما كاتمه ضحكتها وقالت:
_ بس يا بت عيب...
أتكلم بابا بتقليد ماما وقال:
_ بس يا بت عيب دا للي ربنا قدرك عليه بدل ما تديها قلمين...
قومت أجري بسرعه وانا بضحك ...
_________________________
عند بابا وماما:
قعدت ماما تضحك أتكلم بابا وقال:
_ خليكي انتِ اضحكي كدا وتضحك عليكي بكلمتين..
_ طب مش بذمتك يا راجل عندها حق...
ضحك بابا وبعدين وقفو ضحك وماما قالت:
_ مالك يا نوح؟
خد بابا نفس وقال:
_ والله يا مريم موضوع يزن دا موضوع كبير وشاغل تفكيري...
_ بس دي مشاكل عائليه بينهم يا نوح يعني ملكش دعوه...
_ ايوا يا مريم بس كَريم عم يزن صاحبي مقدرش اسيبه كدا...
_ مش عارفه اقولك ايه يا نوح والله...
بابا بأس ايد ماما وقال:
_متقوليش حاجه يا حبيبتي اطلعي نامي يلا...
_ طب عايزاك في موضوع..
_ اممم..
_ مش هتفرج علىّ البت؟
_ لما اجي نشوف الموضوع دا!!
_ انتَ رايح فين؟
_ شُغل!!
_ ماشي يا حبيبي ربنا معاك...
___________________________
عند يزن:
مشي من عندنا روح دخل البيت فا إتكلم عم حسن وقال:
_ ايه يا يزن يا ابني اتاخرت ليه؟
_ معلش يا عم حسن حقك عليا...
_ بس يا ولا متقولش كدا دا انتَ ابني...
_ حبيبي يا عم حسن...
_ مالك يا حبيبي وشك مخطوف مش علىّ بعضك...
_ لا مفيش..
_ عليا انا!انا عارفك وفاهمك اكتر من بنتي يا ابني...
_ قابلت النهارده نوح باشا السعدي ومروان ابنه...
اتصدم عم حسن وقال:
_ وعملت ايه؟
_ معملتش حاجه والله يا عم حسن مشيت وسيبته!
_ ايوا يعني قالك ايه؟
_ قالي عمك قالب عليك الدنيا وعمك بيحبك وكلام كدا مدخلش دماغي...
_ ليه يا ابني كدا يمكن عمك فعلاً قالب عليك الدنيا...
اتكلم يزن بعصبيه وقال:
_ ما هو عايش عادي يا عم حسن وبعدين أنا مش عايزه في حياتي مش بالعافيه....
_ خلاص يا ابني اهدي مفيش حاجه متعملش حاجه غصب عنك....
الباب خبط ودخلت منُه كارما بنت عم حسن وقالت:
_ ازيك يا بابا عامل ايه يا حبيبي؟
_ الحمد لله يا دكتوره وانتِ اخبارك ايه؟
_ الحمد لله، ازيك يا يزن عامل ايه؟
_ الحمد لله وانتِ يا دكتوره كارما؟!
ضحكت كارما وقالت:
_ في ايه هو انتَ وبابا يا جماعه انا دكتوره بس للناس لكن انتو حبايبي...
ضحك يزن و عم حسن وبعدين قام يزن وقال:
_ همشي انا يا عم حسن اشوفك بكرا ان شاء الله...
_ ليه كدا يا ابني استني شويه..
بأس يزن راس عم حسن وقال:
_ معلش يا عم حسن والله مش فاضي وبعدين كارما جات اهي..
_ ماشي يا ابني ربنا يكرمك..
_ يارب يا عم حسن...
اتكلمت كارما بتوتر وقالت:
_ استني يا يزن كُل معانا طيب هعمل الاكل بسرعه...
_ لا والله يا كارما مش قادر دلوقتي مره تانيه..
_ مش هينفع انتَ مكلتش...
_ مره التانيه تسلمي يا كرامله...
مشي يزن وبعدين قال عم حسن:
_ بتحبيه مش كدا؟
اتكلمت كارما بتوتر وقالت:
_ هاا لا يعني دا أخويا احنا متربيين مع بعض...
_ عليا انا الكلام دا؟دا انا أبوكي وفاهمك!!
اتكلمت كارما والدموع في عنيها وقالت:
_ بحبه اوي يا بابا من ساعت ما شوفته وأنا حبيتُه...
_ و مقولتليش ليه كاتمه في قلبك ليه؟
عيطت كارما وقالت:
_ خوفت خوفت اوي...
_ متخافيش يا قلبي وبعدين يارب يجعله من نصيبك يا بنتي...
_ يعني انتَ موافق يا بابا؟!
_ ايوا هو انا هلاقي احسن من يزن، هو بس ياخد خطوه ومش هرفض انا بحبه وهو زي ابني بظبط...
مسحت كارما دموعها وضحكت بسعاده....
___________________________
عند يزن:
دخل شقتُه وللِي جمب عم حسن ورمي المفاتيح وقعد علىّ اول كُرسي قابله شاف صورت باباه وقام جبها وقال:
_ ليه عملت فينا كدا مش كان زمانك معايا دلوقتي ومش متبهدل البهدلة دي أنا تعبت انا بقيت بهرب من الدُنيا كُلها بقيت فاشل وضايع و مش لاقي حاجه اعملها غير اني اروح السباقات بحس هناك اني حُر ومنغير قيُود حاسس اني لقيت نفسي هناك طول ما انا قُدام الناس بحس بوجع قلبي مبيطلعش وجع قلبي غير في البايك دا انتَ عارف اني مبقتش بعيط مبقتش عارف اعيط بقيت شخص تاني بسببك وبسبب للي عملته مقولتليش ليه انك تعبان ومحتاج فلوس كُنت هديت الدنيا واشتغلت بدل الشُغلانه ميه واجيب فلوس العمليه ليه عملت فيا كدا أنا بقيت حاسس اني مكشوف للناس كُلها بقيت حاسس اني مكسور بداري كسرتي في السباقات هناك بحس اني مش مكشوف محدش عارفني انتَ مُتخيل اني بقيت بمشي ب الخوذه مبقلعهاش مبقتش عايز حد يعرف انا مين انا انتهيت خلاص!!!!
______________________________
تاني يوم:
عند ميرال:
_ قومت ونزلت لقيت بابا بيجهز نفسه علشان يمشي اتكلمت وقولت:
_ بابا!
_ نعم!
_ عايزه اروح الجامعه!!
بصلي بابا وقال:
_ بتروحي مش مركزه ملهاش لازمه..
_ يعني ايه يا بابا وعد مني هركز...
_ انا مش بأمنلك ولا بثق في كلامك....
_ طب جرب المره دي...
_ جربت كتير!!
_ يا بابا علشان خاطري...
بصيت لقيت مروان نازل على السلم وقولت:
_ و كمان اتفقت مع مروان انه هيوصلني وهو وافق..
بصلي مروان وقولت بيتوعد وقال بهمس ليا:
_ بقى اتفقنا اوصلك الكليه يا كدابه!!
بصلي بابا بثقه وقال:
_ عارف انك بتكذبي بس فكره فعلا خد اختك وصلها الكليه يا مروان..
سقفت بحماس وطلعت أجري اغير هدومي أتكلم مروان بتوتر:
_ يا بابا انا عندي شُغل..
_ مروان انا قولت للي عندي تاخد اختك توصلها الكليه...
مشي بابا ونزلت لقيت مروان قاعد جه مسكني من قافيا وقال:
_ دا انتِ كدابه كدب يا شيخه!!
_ يلا يا مرموري علشان هنتاخر علىّ المحاضرات..
مشينا ركبنا العربيه و وصلت الكُليه ومشي مروان دخلت وقابلت ملك صاحبتي وقالت:
_ عاش من شافك يا بنتي فينك كُل دا...
_ بابا منعني من الخروج...
_ بسبب للي حصل؟
_ ايوا...
دخلنا المحاضرات بتاعتنا.....
__________________________
عند بابا في مكتبه:
وصل كريم عم يزن مكتب بابا وقال:
_ ازيك يا نوح عامل ايه؟
_ الحمد لله يا كريم وانتَ؟
_ الحمد لله ايه خير الموضوع للي عايزني فيه...
_ بصراحه انا لقيت يزن......