رواية انت قدري الفصل الرابع4بقلم زهراء

رهف: انا مش مضايقه..هضايق ليه..دي طريقته من اول يوم..بس انا اللي هبله وقلت ده سوء فهم وهو كويس...وايه اصلا اللي حصل لكل ده..

فاطمه: انا مش فاهمه اصلا ايه اللي حصل..هو ادم بيضغط علي نفسه اووي..فمستحملش ووقع..وانا مديت له ايدي.. بس مرضاش يقوم معايا...بس تعرفي  هو صعب عليا..مش عارفه ليه..وخايفه انه فعلا يستسلم..هو دايما كان بيحاول يبقي قوي قدامنا...

رهف: وانا كمان..هتبقي مشكله بجد..لو مكملش..ربنا يهديه..

فاطمه: يارب..انا طالعه..

رهف: طالعه فين تعالي..نقعد مع بعض شويه.

فاطمه: لا محتاجه اريح شويه..ابقي تعالي انتي شويه .

رهف: تمام يا فطومه..متزعليش نفسك..هو اللي خسر دكتوره قمر زيك... وابتسمت..

فاطمه ابتسمت وهزت رأسها وطلعت...

............................

حمزه وهو متضايق

: انت عايز تجنني..يعني ايه مش هتكمل..انت مسمعتش الدكتوره...

ادم بوجع: حمزه انت مش حاسس..باللي فيا..احساس العجز هيموتني..

حمزه قعد قدامه وحط ايده علي كتفه: مش حاسس بيك ازاي انت اخويا..انا اكتر واحد حاسس بيك..ومقدر وعارف انت تعبان قد ايه

...بس هتعمل ايه...هتتعب شويه وهترجع احسن من الاول..ولا تستسلم وتضيع كل حاجه من ايدك..

ادم بص في الارض وسكت..

حمزه : رد عليا يا صحبي...

ادم : مش عارف يا حمزه...مش عارف..

حمزه: مش عارف ايه بس..طب عشان خاطري..والله انا ما عارف اشتغل من غيرك ..حاسس اني تايه..لو مش عشان نفسك...ارجع عشاني لو ليا غلاوه عندك...

ادم: طيب يا حمزه..هفكر..

حمزه قرب منه وباس رأسه وقال: والله انا حاسس بيك وانت قدها ياصحبي..وسابه ودخل اوضته..

ادم حاسس انه تايه ومش عارف يعمل ايه...ورفع ايده للسما وقال: يارب..يارب انا عارف انه ابتلاء ولازم اصبر...انا راضي يارب..بس تعبت..هون عليا يارب وقويني...

..........................

مها: يلا يا رهف..عشان نحط الاكل..

رهف: انا جيت اهوه..

مها: خد يا احمد الصحن ده..وديه لحمزه وادم..عارفهم..اللي قدامنا...

رهف باستغراب: ليه يا ماما..هما معندهمش اكل..

مها: بس يا بت..بعدين شباب ولوحدهم زمانهم مش بيطبخوا..

احمد: حاضر..يا ماما..انا عارفهم ..اتعرفنا علي بعض في الكافيه..

مها: طيب..يلا روح

رهف فضلت تحرك المعلقه في صحنها وتفكر وقالت في نفسها: يا تري ادم هيعمل ايه..وانت يا حمزه انا مش فهماك انا حاسه انك كويس..بس طريقتك صعبه..

مها: بت يا رهف..مبتاكليش ليه..يا رهف..

رهف فاقت من شرودها علي صوت امها: نعم يا ماما...

مها: فيه حاجه مضيقاكي..يا رهف..

رهف: لا يا حبيبتي..بفكر في حاجه في الشغل بس

مها ابتسمت: ماشي يا حبيبتي..سيبك من الشغل دلوقتي وكلي..عمالك مكرونه بشاميل هتاكلي صوابعك.. وراها.

رهف: تسلم ايدك يا حبيبتي..باين عليها توحفه..

مها: بألف هنا..

..................................

حمزه : خليك انت يا ادم انا هفتح....مين جاي اهوه..

اهلا..ازيك يا احمد تعالي...

احمد: تمام الحمدلله...امي باعتالكوا..ده

حمزه: ايه ده...تعبت نفسها والله

احمد بابتسامة: دي حاجه بسيطه..

حمزه: تسلم يا احمد واشكرهالي اووي..تسلم ايديها..تعالي ادخل..

احمد: لا معلش مره..تانيه ابقي سالملي علي ادم...

حمزه بابتسامة: تمام...الله يسلمك..هستناك مره تانيه..

احمد: ان شاء الله يا حبيبي...مع السلامه..

حمزه: مع السلامه...وقفل الباب...

ادم: مين اللي جه وايه ده..

حمزه: ده احمد..طنط مها بعتالنا اكل..ست كويسه اووي والله...

ادم: اه فعلا..

حمزه: يلا بقي ملكش حجه هتاكل..يعني هتاكل..

هجيب معالق واجي..

ادم بابتسامة: طيب..

حمزه: يلا خد وسم الله يلا وكل..

ادم: حمزه... انا فكرت

حمزه: بجد..متأكد يا ادم من قرارك..

ادم: اه..انا هكمل جلسات..بكره هروح للدكتوره فاطمه..ونبدأ..

حمزه بفرحه: انت بتتكلم جد..وقام وقف وقال: بالحضن يا صحبي..وحضنوا بعض..

ادم بابتسامة: ربنا يخليك ليا..

حمزه: ويخليك ليا يا حبيب قلبي..والله فتحت نفسي..

ادم: يلا اما ناكل انا جعان اوي..

حمزه: يلا..وانا كمان..

........................

رهف: يلا يا فاطمه..انا لبست هستناكي..قدام الباب..اهوه..وفتحت الباب...وطلعت..ووقفت.لقت الباب بتاع شقه حمزه بيفتح...عملت نفسها بتبص في الموبايل...

حمزه فتح الباب وشافها واقفه و كان متردد انه يكلمها....بس مكالمهاش وركب الاسانسير ونزل..

رهف: حست انها اتضايقت انه مكلمهاش وقالت: ايه يا. حبيبتي مضايقه ليه..مستنيه ييجي يقولك انا اسف..مش فارق معايا اصلا..

فاطمه: انا جيت...

رهف: يلا عشان منتأخرش..

فاطمه: بصت علي شقه ادم كده بحزن..وقالت: يلا..

رهف : يوه لسه هنستني الاسانسير بقي...

..........................

فاطمه قاعده في مكتبها وعماله تفكر في ادم واللي حصل امبارح...وفجأه الباب خبط  ..

فاطمه:ادخل ..وفجأه دخل ادم..فاطمه مكنتش مصدقه...

ادم بابتسامة: يلا يا دكتوره عشان نبدأ الجلسه...

فاطمه: ايه ده ادم..جلسه ايه..ومين قالك اصلا اني هعملك جلسات تاني....

ادم: شكلك لسه زعلانه..

فاطمه وهي بترفع كتفها: ابدا هزعل ليه...انت ادري  بمصلحتك..

ادم: مصلحتي هنا ومعاكي..

فاطمه فرحت من جواها بكلامه..بس مبينتش وقالت: كان فين الكلام ده امبارح..

ادم: انا اسف علي اللي عملته..واسف اني مقدرتش تعبك معايا..بس غصب عني..

فاطمه : انا مقدره ده كله وفهماك وعارفه ان الموضوع مأثر عليك..بس كنت فاكره انك مش هتستسلم بالسهوله دي...علي العموم انا معاك وهنبدأ من جديد..بس اوعدني انك هتكمل المرادي..وصدقني انا لو شايفه احتمال واحد في الميه انك مش هتمشي مكنتش بدأت معاك...

ادم بابتسامة: تمام..واوعدك اني هكمل..لحد ما ابقي كويس تاني...

فاطمه بابتسامة: اتفقنا..هجهز العياده عشان نبدأ...

ادم: تمام...

.......................

رهف وهي بتبص في الملف: كده تمام.. هكتبلها   علي خروج...

حمزه: دكتوره رهف ممكن اتكلم معاكي شويه...

رهف اتفجأت من وجوده وبصت للممرضه وقالت: تمام..روحي انتي..

بصت لحمزه: ايه اللي جابك يا حضره الظابط فيه حاجه...

حمزه: جاي مع ادم عشان الجلسه..

رهف باستغراب: جلسه ايه هو مش قال..انه مش هيكمل..

حمزه : لا ماهو فكر تاني وقرر يكمل...

فاطمه ابتسمت وقالت: كويس والله...طيب انا راحه العياده عشان..اساعد في الجلسه...

  حمزه حك رأسه وقال بإحراج: دكتوره رهف..انا بعتذر علي امبارح..مكنش ينفع اني اتكلم كده..

رهف: لا متعتذرش...الظاهر اني اتعديت حدودي..

حمزه: لا ابدا متعدتيش حدودك ولا حاجه..انا مقدر خوفك عليه..خصوصا انه لو مكملش كان هيحصل مشكله..فاتمني متزعليش مني...

رهف بابتسامة: خلاص انا مش زعلانه..كويس انه هدي وفكر في الصح...

حمزه : يعني كده صافي يا لبن..

رهف ضحكت وقالت: حليب يا اشطاا..يلا بينا بقي نروح..العياده...

حمزه:يلا..

.................................

فاطمه بحماس: يلا ..يلا..هاه..برافو يا ادم...

ادم بفرحه: انا مشيت عليها صح...

فاطمه: ايوا..الفرحه اللي بجد بقي لما تمشي من غير اي مساعده..

ادم: ان شاء الله..يارب..

حمزه: شد حيلك بس يا صحبي...

رهف بصت لادم وقالت: انا مبسوطه انك رجعت يا ادم..برافو..

ادم بابتسامة: متشكر اووي..وبص لحمزه وقال: بس حمزه هو السبب في ده..

فاطمه بابتسامة: انت صاحب بجد..

رهف بصت لحمزه بابتسامة وقالت: انت شخص كويس اوي..

حمزه اتأثر من كلامهم وقال: ادم ده اخويا ..ويامه وقف معايا..ودي اقل حاجه اعملها معاه...ومتشكر اوي علي كلامكوا..

ادم بصله وقال: حبيبي...تسلملي يارب...

رهف: انا اتأثرت اووي بجد..ربنا يخليكوا لبعض..

ادم وحمزه: يارب..

فاطمه: عموما..احنا كده خلصنا انهارده...عقبال المره الجايه...

ادم: ان شاء الله...

حمزه: طيب انا هروح عشان اطلع العربيه عشان متقفش كتير يا ادم...

ادم: تمام

فاطمه: استني..هكتبلك علي شويه فيتامينات..

ادم : تمام...وبص لرهف وقال: دكتوره رهف...اتمني انك متكونيش..شايله من حمزه..والله هو مفيش اطيب منه..ومع الوقت هتعرفي ده..بس هو ساعات بيقول كلام وخلاص...

رهف بابتسامة: لا ابدا انا مش شايله ولا حاجه...وانا عارفه انه شخص كويس..دايما..بيعتذر علي غلطه وده مش اي حد يعمله...

ادم بابتسامة: كويس اووي...

حمزه: يلا يا ادم انا طلعت العربيه...

فاطمه : اتفضل يا ادم الروشته..

ادم : تمام...سلام..

فاطمه: سلام...

حمزه بص لرهف: مع السلامه يا دكتوره رهف...

رهف بلطف: مع السلامه...

............................................

رهف: كده تمام كل حاجه جاهزه...فاطمه هاتي التورته بقي من التلاجه...

فاطمه: حاضر...

مها: شاطرين..يا بنات..بقولك ايه يا رهف..

رهف: نعم يا ماما..

مها: متروحي تنادي للشباب يحتفلوا معانا..

رهف بعدم فهم: شباب مين...

مها: حمزه وادم يا بت..واحمد هيفرح عشان هما بقوا صحاب..

رهف: طيب يا ماما..

مها: يلا ...

رهف: حاضر..

...............................

رهف رنت الجرس...

حمزه فتح الباب وقال: ايه ده دكتوره رهف..ازيك

رهف: تمام الحمد لله...احنا عاملين احتفال بسيط كده..عشان احمد بقي معيد في الكليه..وماما قالتلي..انادي عليكوا تحتفلوا معانا...

حمزه بابتسامة: الف مبروك..حاضر هجيب ادم واجي..

رهف: تمام يا استاذ حمزه...عن اذنك..

حمزه: بقولك ايه..ما بلاش استاذ دي ...احنا مبقيناش غرب..قوليلي حمزه..بس

رهف بابتسامة: تمام بس بشرط انت كمان تقولي رهف بس..

حمزه: تمام..يا رهف..حلو كده

رهف: اه تمام كده..يا حمزه..

حمزه ضحك وقال: شفتي كده احلي ازاي..

رهف: ممكن...تمام ..يلا تعالو بسرعه قبل ما ييجي....

حمزه: تمام وقفل الباب وابتسم وقال: حاسس اني اول مره اسمع اسمي..

رهف حست انها اتبسطت من كلامه وكل شويه تفتكر وتبتسم.

                  الفصل الخامس من هنا