رواية احفاد الرفاعي الفصل الواحد والاربعون41 بقلم صباح صابر
مراد بقوة وغضب: أنا مش اسعدك تق*تل حد أنت كل اللي مطلوب منك تقولي مين اللي عمل كدة وأنا هعوضك عن كل الايام اللي عيشتها وهنسيك أيام الحبس
شوقي: أنا اللي هيخلني أنسي الايام دي هو موت محمد الرفاعي
مراد بعد بكل برود وأتجه ناحية الكرسي وقعد: أنا عارف ان محمد الرفاعي هو اللي عمل كدة حتي لو مش هو أنا هقتل أي حد إذا كان مين هو السبب في موت أبويا فا قولي مين اللي عمل كدة وأنا مستعد أديك كل اللي أنت عاوزة اما تشرط عليا ده مفروغ منه
سكت شوقي هو وبيفكر في كلامه وبعد ثواني أتكلم مراد وهو بيصتنع اللامبالاة: نورت يا شوقي
شوقي بلع ريقة ولسة أيخرج وقف ولف و اتكلم بموافقة:ماشي هقولك مين اللي عمل كدة بس بمقابل 2 مليون جنيه
أبتسم مراد: وأنا موافق قال كدة هو وبيخرخ ورقة وقلم وبيحطهم على المكتب
_ سيب رقمك وعنوانك و بكرة هتكون الفلوس عندك
شوقي بسعادة: حاضر يا باشا
وكتب رقم تليفون والعنوان
_ بعد إذنك يا مدير
قال كدة وخرج، عيونة جات على بيت الرفاعي أبتسم بخبث هو وبيخطط لفكرة الخبيثة بتوقيع مراد في محمد وإني لما مراد يجهز الفلوس يقوله أني محمد هو اللي قتل أبوه وأمة وكمل طريقة و مشفش اللي كان ماشي وراء بيرقبة من بعيد وصل شوقي البيت اللي قاعد في إيه وطلع أما الشخص كان بيبص عليه وملامح الغضب والحقد على وشه
محمدي: غلط لما متأكد زمان أنك موت بس سهلة المرة دي مش هسيبك غير و أنا مخلص عليك خرج تليفونة وأتصل على جمال
بعد دقائق رد جمال
_ إيه يا باشا
المحمدي: أنت فين يا جمال
_ في البيت
_ ماشي أنا عرفت مكان بيت الراجل اللي أتخلص عليه
جمال: تمام يا محمدي أبعت العنوان وانا هنفذ النهاردة
_ ماشي
قال كدة ولغي المكالمة رجع المحل
🟤🟤🟤🟤🟤🟤🟤🟤🟤🟤
اما عند سليم
شهد: سليم أرجوك بلاش عناد أنت لو حصلك حاجة أنا ممكن أموت أنا روحي فيك
سليم: أنتِ خائفه لية مفيش حاجة أتحصل ثقي فيا
_ أنا واثقة فيك بس لا جواز في السر تاني مقدرش
_ شهد أنتِ هتنزلي وهنكتب كتب الكتاب لانك لو رفضي حاجة زي كدة أعتبري إني علاقتنا أنتهت
_ أنت بتقول إية بدل متيجي وتقف قدام أهلي بتخيارني أكسر أهلي أو أخسرك
_ أنا وأنتِ عارفين كويس جداً إني أهلك مهما عملت مش هيوافقة عليا
شهد: وأنا بحبك بس مش هقدر أكسر أهلي يا سليم
قالت كدة وأنهت المكالمة سليم قبل ميرد كانت قفلت حاول يتصل فيها بس مردتيش سليم بغضب خبط على العربية: لا مش هقدر أستحمل تكون لحد غيري
معاذ: أهدي يا سليم
سليم: بحبها يا معاذ فكرة أنها تبعد عني دي مبقدرش أعيشها
معاذ: مش هتبعد بس هو جدو يعرف با الموضوع ده
_ أيوة يعرف ورافض
معاذ: لو بتحبها روح وأقف قدام أهلها ومتخليش الجوازة دي تكمل مهما حصل
_ أنا هعمل كدة وشهد المحمدي هتكون ليا مهما كان اللي أيحصل حتي لو وصلت أني أقتل ومكتونش للغيري
معاذ: هتكون ليك أنا وأثق متقليش
🟤🟤🟤🟤🟤🟤🟤🟤🟤
أما في بيت عائلة الرفاعي كانت رحمة نايمة على رجل ملك وبتردد أغنية رومانسية بكل حب
ملك : الحب ده كلة لمين يا ست رحمة
رحمة رفعت إيديها : لمراد جوزي وحبيبي أنا مش مصدقة يا ملك أني حبيتة با السرعة دي بس هو طيب وحنين
ملك : هو مين
ـ مراد
ـ ده ضاحك عليكي بقا واكل عقلك
ـ لا هو أساسا مبيفكرش فيا ولا بيحبني الحب كلة لهانم شروق
ـ مش دي اللي كانت مرات حاتم
ـ اه هي يا اختي كل اللي أيجنني أنها في البيت معاه دلوقتي تفتكري قاعدين يحبوا في بعض
ـ يعني هو مراد يوم ما يحب يحب بنت الولية اللي مررت حياته
سمية : هتبطلوا تجيبوا في سيرة الناس أمتة
رحمة: ده جوزي عادي خليها تكلم براحتها
مريم : خلاص يعني أستقرتي على أنه جوزك
رحمة: أيوة يا ماما ده أنا حتي هخلي يجبلي دبلة
مني: طب الحمد الله ربنا يسعدكم
منال : يارب
مريم : وهو أخواتك يعرفوا الكلام اللي بتقولي ده
رحمة أتعدلت : اه يا ماما أنس يعرف
سهر ضحكت : وهو أنس بس هو اللي أخوكي
مريم : رحمة بلاش أنك تستهبلي أخواتك وكمان متبينيش لمراد أنك حابة الحب ده
منال : أيوة عشان مهما كان هو متجوزك عشان يكسرنا أو يذيكي
رحمة: لا يا ماما منال هو طيب وحنين
مني : اسمعي الكلام يا رحمة ومتنسيش أني لو هو طيب وحنين بس في عقربة قاعدة معاكم في البيت
ملك : اه يا رحمة تيتة عندها حق
مريم : مش لما أخواتها يوفقوا أنها ترجع
رحمة: أنس وافق
مريم : ده غير أنس في ٤ يا حبيبتي و عمامك
ـ ٱه يا ماما مانتي السبب كنتي متوصية في ولاد عمي كلهم و المفروض أروح أتحايل على ٤ عشان أرجع
مريم : وهو ده اللي أيحصل
مني : امال أنس لية منزلش
مريم : يمكن يكون نايم
سمية : طب أطلعي صحي أنس يا ملك أبوكي زمانه راجع ولو ملقوش في المحل أيعمل مشكله
مريم : أيوة وكمان عمي زمانه في الطريق
لسة هتقوم سمعت صوت حد نازل على السلم هو وبيصفر
_ اهو نزل لوحده
بعد دقيقة دخل أنس: صباح الخير
الكل: صباح الورد يا حبيبي
_ عامله ايه يا تيته
مني: عامله نفسي هبله يا اخويا إيه اللي منومك لحد دلوقتي أنت عارف لو جدك هنا كان هيعمل في وشك ده اي
_ عارف يا تيته بس ما كانتش ثلاث ساعات اللي راحت عليا فيهم نومه
مريم: وبترد كمان يا وقح
أنس: طب هتعملوا لي فطار ولا أنزل افطر في المحل
رحمة قامت هي وملك: لا نعمل لك يا اخويا
_ ماشي يلا بسرعه عشان عايز انزل المحل
دخلت ملك ورحمه وعملوا الفطار ليه وبعد نص ساعه نزل المحل فتحوا ودخلوا ابتسم ابتسامه خبيثة هو بيبص على المحل و اتكلم اخيرا بقيت بتاعي في شويه حاجات كنت مش عارف عملهم فيك وعشان كدة جدي شافني مناسب جدا ان أنا امسك المحل رمي اخواتي كلهم في الصحراء و سابني انا في التكييف مش بحبك من فراغ يا جدو هو و بيعمل شويه تعديل في المحل وبعد ما عدل راح وقعد على الكرسي وحط رجل على رجل على المكتب و اتكلم المحل ده كله بقى بتاعي انا من النهارده الباشا الرئيس بتاع المحل
بس قبل ما يكمل
دخل عبد الرحمن الاول ما دخل زعق فيه: انت يا حيوان ليه ما مسحتش قدام المحل
_ المحل بتاعي قلها بانفعال
_ قوم يا حيوان انت امسح قدام محل ولمع الازاز كله
_يا عمي انا الرئيس النهارده
_ رئيس في عينك اخلص اعمل اللي بقول لك عليه نفخ انس وقام وبدا يعمل اللي قاله عليه
🟤🟤🟤🟤🟤🟤🟤🟤🟤🟤🟤🟤🟤
كانت واقفة منتظرة الاتوبيس بس مرة واحدة وقفت قدامها عربية أبتسمت سارة لما شافت لون العربية
فتح الشباك حازم: يلا أركبي
ركبت سارة بسعادة: إزيك
_ الحمدلله عملتي إيه في الامتحان
_كان سهل جداً يا حازم وحلته كلة
_ طب كويس
سارة: أنت عارف حصل حجات كتيرة جداً في لجنة
_ إيه
حكتله سارة على اللي حصل وبعد دقايق
حازم: ناقص امتحانات تاني
_ أيوة آخر أمتحان بعد العيد
_ ربنا معاكي
_ يارب
سكتت وبعد دقايق اتكلمت: حازم هو أنت في حد في حياتك
حازم باستغراب: تقصدي إيه
_ يعني بتحب أو حبيت قبل كدة
_ لا معنديش
أستغربت: إزاي أكيد جات عليك فترة وحبيت في الكلية
_ لا محبيتش أنا مقتنع إني الحب بيجي بعد الجواز أو يبقي في حاجة رسمية بينك وبين الشخص اللي بتحبة
أبتسمت سارة: أنا بردو بفكر كدة كنت مفكرة إني الوحيدة اللي تفكريها كده
ضحك حازم: لا أنا معاكي
سارة : طب إية الموصفات اللي بتمنها في مراتك المستقبلية
_ واحدة هادئة متفاهمة تعامل أهلي كويس
_ بس يعني مش عاوز واحدة جميلة
_ الجمال مش با الشكل الجمال جمال الروح أنا مقتنع بكدة
_ أحم أنا هعكسك دلوقتي لاني مش هقدر أكتم الكلمة دي جوايا " أنت إزاي جامد ومزه وحلو وفيك كل الصفات الحلوة "
ضحك حازم
_وضحكتك حوار تاني خالص انت جوزي فا عادي مش كدة
_ أيوة يا ستي عادي
_ أنا بقي مواصفات فتي أحلامي بس لسة أتكمل
حازم بعيون بطلع شطاط: بت أنتِ هتتهبلي ولا إيه مواصفات فتي أحلامك مين اللي اتقوليلي عليه وأنتي على ذمتي
_ أنت قولتلي مواصفات فتاة أحلامك
_ أنا أقول انتي لا
_ لا ماليش دعوة أنا عايزة أقول
_ لا مش هتقولي وعدي يومك بدل مفتح باب العربية وارميكي منو
قال كدة هو وبيركز في الطريق: فتي
أحلامها مفكر نفسها بتكلم مع بنت خالتها
🟤🟤🟤🟤🟤🟤🟤🟤🟤
في نفس الوقت عند ياسين كان نازل على السلم وهو مخنوق ومش طايق نفسة
أمل من فوق: ومتنساش اللبن
ياسين: حاضر
خرج من البيت وبعدها خرجت ابتسامه وهو شايف أنس واقف بيلمع الازازة وهو مش طايق نفسة قرب منه وأتكلم من وراء: أنت يا ابني روح يلا جيب شاي لمعلمك
انس بتلقائية: ماشي
بس مرة واحدة ساب الحاجة لما سمع ضحكت ياسين اللي قعد على الكرسي وحط رجل على رجل
أنس: يا حيوان مين ده اللي يجبلك شاي
_ أنت يا حتت مكانيكي ولا راح ولا جي
_ وأنت حتت دكتور بهايم بتعالج البهايم وأنت بهيم
_ دكتور بيطري يا جاهل أقول إيه مانتا كنت بتشيل ملاحق
_ يا زبالة فاكر ياض لما كنت بتحايل عليا على سوال
_ أتعيرني أعيرك يا ميكانيكي
_ على ألاقل واخد 4سنين بتقدير جيد جداً
_ يا فرحتي يا شحات كنت بتشحت الدرجات دي في اللجنة
لسة أنس أيرد سمع صوت رقيق بيتكلم
ليان: صباح الخير يا أنس
_ صباح النور
مليكة؛: هو جدو موجود جوه عاوزة
بس مكملتش كلامها لما شافت ياسين اللي وقف يبص لانس شوية والمليكة شوية وعمال يكرر في سره مستحيل تكون حبيبتي قريبة البغل صاحبه أما انس فكان في عالم موازي هو وسرحان في منة اللي كانت بتتمني أني الارض تنشق وتبلعها عكسة كان بيتمني يحضنها ويحبسها في قلبه
منة لنفسها: يارب تركب نظارا أو تعمي لما تفكر أنك تبصيلي يا صايع يا مجرم أما أنس فكان بيقول لنفسه اكيد سرحانة في عيوني بس متقلقيش يا حبييتي هحبسك فيها
أنس: لا عمك عبد الرحمن هو اللي جوه
وبعدها قرب من منة: تشربي إيه يا أنسة
منة لنفسها: أشرب قهوة في جنازتك يا بارد
وبعدها بصيت لانس و اتكلمت وهي بتكز على سننها : لا متشكر
ليان: يلا ندخل لعمي
قالت كدة ودخلوا
أنس لسة ايدخل مسكة ياسين من دراعة: يارب تتجاوزها قولي اللي دخلت مع أخت مراد مش بنت عمك صح
_ آه مش بنت عمي دي أختي و يلا اخلع من هنا أما أدخل أشوف موزتي مالها
دخل المحل وياسين وقف مصدوم عيونه على المحل وكان جردل مايه من الدور العاشر نزل عليه دفعة واحدة
ياسين: اخته اللي مع بنت عمه يا فرحتك الكبيرة بغيبتي يا أمي
راح و أشتري كل الطلبات من السوق وطول ما هو ماشي يتردد في عقلة: دي أختي
لحد موصل بيتهم طلع ودخل حط الحاجة
امل: مالك في إيه
ياسين: محدش يكلمني
_ قولي بس في إيه
_ مافيش دخل الغرفة وقفل على نفسة الباب وشغل أغنية حزينة وقفل النور وهو ببردد مع الأغنية: غريب الحب مين فاهمة ما بين اثنين واحدة اخت صاحبة وهو بكره العائلة دي
دخلت في الوقت ده أمل هي وبتزعق: فين اللبن يا أخره صبري
_ لبن إيه يا أمي اللي بتكلمي عليها و أبنك في الحالة دي
_ قوم وبطل استهبال عاوزة أعمل أرز باللبن
_ متعمليش يا ماما مش هطفح
_ مش أنت ده أخوك و مراته بعملهم حاجة حلوة
_ هما أطفال
_ اخلص يا ياسين
نفخ ياسين وقام عايشين مع أطفال ونزل يجيب البن
🟤🟤🟤🟤🟤🟤🟤🟤🟤🟤🟤🟤🟤🟤🟤
منة بعد محكيت لعبد الرحمن على اللي حصل
_ هو ده كل اللي حصل يا عمو
عبد الرحمن: ماشي أنا هتكلم معاه وأشوف الحوار ده يا بنتي
أنس: الكلام معاه مش هيجيب فايدة هو عاوز يتربي من جديد
منة: من فضلك يا عمو أنا مش عايزة حد تاني يدخل في الموضوع ده غير حضرتك
أنس: أيوة عندك حق متقليش أنا هتصرف معاه
منة: أنا أقصد أنت علفكره
أنس: بس أنا مش حد أنا حبيبك ونصك التاني
نفخت منة ولسة أترد
أتكلم عبد الرحمن: أنت ملكش دعوة في الموضوع ده يا أنس ومتنساش أنك مضي على عدم تعرض ليحي
انس لسة أيرد
سابقة عبد الرحمن: روح شوف شغلك يا أنس
أنس عيونة جات على منة بوجع شديد في قلبة
_ حاضر
قال كدة وخرج خرجت مليكة وليان وراه
مليكة: أن شاءلله ترجعلها الذاكرة متزعلش نفسك يا حبيبي
انس: أنا مش زعلان اطلعوا يلا على فوق
_ حاضر
بصيت مليكة على ليان اللي وقفت وعيونها كانت على محل مراد
_ ليان يلا نطلع
ليان: لا أطلعي أنتي أنا هروح أشوف مراد
انس: لا طبعاً مينفعش وكمان أنا شايف المحمدي هو وداخل المحل
_ لا ان شاء الله ميكنش موجود ارجوك يا أنس عاوزة اشوفة
_ بس انا خائفة عليكي
_ متخافش هو قالي تعالي في أي وقت
هز راسة أنس بعدم حيلة
وليان راحت ناحية المحل بكل سعادة
🟤🟤🟤🟤🟤🟤🟤🟤🟤🟤
في نفس الوقت قامت شروق من جمب شهد وراحت ناحية دولابها فتحتة وأخدت بيجامة لانها كانت حاسة أني جسمها متكسر دخلت التوليت في الوقت ده أفتكرت اختبار الحمل اللي عملتة أمبارح بسبب أنها حسيت بدوخة
مسكتة عشان ملامح وشها تتغير ودقات قلبها عليت وهي شايفة النتيجة موجب مسكت في الحوض ودموعها نزلت وملامحها أنكمشت هي وبتحاول تكلم بعد محسيت أنها أتشيلت
_ لا مستحيل يارب ارجوك لا مستحيل دموعها نزلت هي وبتضرب على وشها: إزاي إزاي يحصل كده ومخدتش بالها من صراخها عشان تتفاجي بشهد بتخبط على الباب
_ شروق أنتي كويسة
شروق مسحت دموعها بسرعة وفتحت الباب اول مفتحتة اتكلمت برعب شديد وانفعال: شهد الحقني أنا حامل بس مخدتش بالها من اللي كانت واقفة
حياة بعدم استيعاب : أنتي بتقولي إيه
في الوقت ده بعدت شروق برعب بس راحت عليها حياة و مسكتها من شعرها هي و بتصرخ فيها: حامل من أبن الرفاعي و نزلت فيها ضرب وشهد راحت هي وبتبعدها عنها
_ سيبها يا حياة
بس حياة كانت بتضرب فيها برجليها في بطنها
سيبها يا حياة سيبها البت هتموت في إيديك
🟤🟤🟤🟤🟤🟤🟤🟤🟤🟤🟤🟤🟤🟤
في الوقت ده وقفت ليان ولسه كانت أتفتح باب المحل وقفت لما شافت المحمدي جوة بلعت رئيها ولسة أتلف وأتمشي مراد لمحها من جوه قام بسرعة وراح وراها عشان يوقفها قبل متعدي الطريق
_ ليان
ليان وقفت وبصيت وراها وبعدها أبتسمت وراحت عليه بسعادة: مراد إزيك
_ الحمدلله أنتي عاملة إيه
_ بخير يا حبيبي
_ عملتي إيه في الامتحان
_ كان كويس
_ طب الحمدلله تعالي
_ لا بلاش عشان جدك
_ قولتلك أمبارح إني مفيش داعي للخوف ومحدش يقدر يكلمك
ليان هزت راسها ومشيت معاه لسة أيدخلوا المحل سمع مراد صريخ شهد اللي كانت بتصرخ بص ليان: تعالي دخلها الحوش: خليكي هنا
وطلع على فوق بسرعة قبل ميسمع منها أي رد ليان بصيت حوليها على الحوش ودقات قلبها عليت ورجعت بصيت على إيديها اللي حسيت بوجع شديد فيها
أما المحمدي قام من مكانة عشان يشوف إيه السبب اللي خلي مراد يقوم ويخرج خرج وعيونة لمحت ليان في الحوش والكره والحقد أترسم على وشه
🟤🟤🟤🟤🟤🟤🟤🟤🟤🟤🟤🟤🟤🟤
في بيت شوقي كان قاعد ومرجع ضهرة هو وبيفكر في حياتة اللي اتتغير لما يستلم فلوس وكمان أينتقم وأيضرب عصغورين بحجر سمع صوت تخبيط على الباب قام وراح فتح الباب بس أول مفتح الباب اتفاجئ بشخص بيطعنة با السكينة