رواية انت قدري الفصل الخامس5بقلم زهراء

حمزه: ازيك يا طنط مها...عامله ايه يا حبيبتي.

مها: الحمد لله..يابني..انت اخبارك ايه..

حمزه: بخير الحمد لله..

مها: ازيك يا ادم يا يبني..اخبار رجلك ايه..

ادم: الحمد لله احسن..وبص لفاطمه وقال: البركه في دكتوره فاطمه..والدكتوره رهف طبعا..

فاطمه ابتسمت له..

مها: طب الحمد لله يا حبيبي..ربنا يشفيك يارب..

ادم : اللهم امين..

رهف بحماس: يلا يلا..طالع علي السلم..

وقفوا كلهم....واول ما دخل..فرقعوا المدفع اللي بيطلع..زينه ده..بس رهف ما عرفتش..فضحكوا عليها...حمزه بضحك: هاتي كده هاتي..وفرقعه

احمد بفرحه: ايه المفجأه الحلوه دي...

مها حضنته وقالت: مبروك يا حبيبي..احلي معيد عندنا...

رهف: الف مبروك يا حبيبي..احلي دكتور في الدنيا..

احمد: الله يبارك فيكي يا رهووف

وسلم علي حمزه و ادم وحضنهم

فاطمه: الف مبروك يا احمد..من نجاح لنجاح دايما..

  احمد: الله يبارك فيكي..يا فطومه.. وفضل يدور بعينه عليها بس مش موجوده...

فاطمه: اهي ليلي جت اهيه...

احمد فرح وبص عليها بلهفه..

ليلي بخجل: مبروك يا احمد..

احمد بابتسامة: الله يبارك فيكي يا ليلي.. وفضل باصصلها... ليلي اتكسفت وراحت عند رهف..

ادم قرب من حمزه وقال: الواد احمد بيحب البت دي...

حمزه: لا يا شيخ..ماهي باينه زي عين الشمس..ده وشه نور اول ما شافها..

رهف: ازيك يا لولا..

ليلي: الحمد لله يا رهوفه..انت اخبارك ايه...

رهف: سيبك مني دلوقتي مش عارفه تاخدي الواد بالحضن كده..وتباركيله...

ليلي اتكسفت وخدودها احمرت...

فاطمه: بس يا بت متكسفيهاش بقي...

رهف: هو ايه الكسوف..بدل ما مقضينها نظرات كده...من ساعه ماجات..

ليلي: يوه يا رهف..

فاطمه: بت فضيحه..وانت يا بت..اتقلي كده شويه...

ليلي : حاضر...

رهف: سيبي البت يا فاطمه..بت يا ليلي..دلعي الواد شويه....

فاطمه ضحكت جامد: انت بتقولي ايه اسكتيي....

احمد: بس  و قلت بقي ادام دخلتها اثبت نفسي فيها...

ادم: برافو عليك..

حمزه: شاطر والله..

احمد : الحمد لله... بقيت عامل ايه دلوقتى يا ادم...

ادم: الحمد لله يا صحبي..

رهف: بت يا فاطمه..هما بيتكلموا في ايه...

فاطمه: احنا مالنا...ايه الفضول ده..

مها: تعالي..يااحمد يلا..عشان تقطع التورته...

احمد: تمام يا حبيبتي.. ومسك السكينه..ولسه هيقطع..

رهف: استني...لازم نغنيللك..يلا...وقعدوا يغنوا ويسقفوا...

وحمزه باصصلها وهو مبتسم..

 رهف وهي بتضحك: اشطر كتكوت...كلهم ضحكو علي كلمتها.  

احمد: كتكوت ايه بس..صلي علي النبي..(قولو عليه افضل الصلاة والسلام )..

مها: يلا يا ولاد تعالو..عشان تاكلوا...

احمد خاد طبق وراح عند ليلي...: ليلي اتفضلي..

ليلي بابتسامة: شكرا..

احمد: كنت فين..لما جيت ملقتكيش..

ليلي: كنت بساعد ماما في حاجه..وبجد الف مبروك..انا فخوره بيك..

احمد بحب: الله يبارك فيكي يا قلبي..

ليلي خدودها احمرت وبصت في الارض...

احمد:  يخرابي علي اللي بيتكسف يا ناس..ليلي انا عاملك مفجأه..

ليلي: بجد ايه المفجأه..

احمد: يا جماعه بصولي كده انا هقول..حاجه مهمه..

وبص ناحيه ليلي: وقال طبعا انتوا عارفين ان انا وليلي بنحب بعض..وعشان كده انا قررت اني هطلب ايد ليلي علي سنه الله ورسوله...

ليلي مكنتش مصدقه..

مها بفرحه: بجد مبروك يا حبايبي...وزرغطت..

حمزه: الف مبروك يا حبيبي..

ادم: الف مبرووك يا عريس...

احمد بابتسامة: الله يبارك فيكوا ..عقلبالكوا يارب..

فاطمه بفرحه: لا الفرحه دي تستاهل كمان زرغوطه وزرغطت...وادم باصلها وابتسم جامد..

رهف: هاتي حضن يا لولا..مبروك يا روحي..

ليلي بفرحه: الله يبارك فيكي..يا رهووف..

فاطمه بدموع: مبروك..يا حبيبتي..كبرتي وبقيتي عروسه...

ليلي حضنتها بحب وقالت: حبيبتي ربنا يخليكي ليا..

مها: تعالي في حضني..يا حبيبتي..الف مبروك يا روحي..هيلاقي احسن منك فين..

ليلي حضنتها: تسلميلي يا حبيبتي...

مها: بصي بقي بكره بليل..هنطلع ونطلب ايدك رسمي...

فاطمه: دانتوا تنورونا...

رهف: اخويا العريس...الف مبروك يا حبيبي..والله انت راجل..

احمد ابتسم وقال: الله يبارك فيكي يا حبيبتي..عقبالك يا رهوف وافرح بيكي كده...

رهف بضحك: من بوقك لباب السما...

حمزه كانت عينه عليها وابتسم..وقال: انت مختلفه اوي يا رهف..

واليوم خلص وكل واحد روح..

.......................................................

تاني يوم بقي....

رهف طالعه من الاسانسير..سمعت صوت اغاني جاي من شقه حمزه...استغربت كده ودخلت شقتها...

مها: انتي جيتي.يا رهف..فاطمه كل شويه تسأل عليكي..تشوفك جيتي ولا لسه..

رهف: ايوه ماهي رنت عليا..هطلعها دلوقتي...

بقولك صحيح يا ماما..امال فين احمد

مها: احمد خد حاجته وراح عند ادم وحمزه

.. من الصبح وهما مشغالين اغاني..وعمالين يرقصوا..وبيظبط نفسه بقي..

رهف ابتسمت وقالت: كويس ربنا يفرحه..

مها: يارب يا حبيبتي...عقبالك يارب..

رهف: يارب..ادعي يا ماما..ادعي..

مها ضحكت وقالت: بدعي..علي اخري والله..شكلها قربت تستجاب..

رهف فهمت قصدها وقالت: انا داخله اوضتي..ورجعت تاني..وقالت: انتي مش ساهله يا ماما...

مها ضحكت عليها وقالت: لا ده قلب الام بس..

........................................

فاطمه: طالعه زي القمر يا لولو...

رهف: بسم الله ماشاء الله..طالعه توحفه..يا لولا...

ليلي: بجد..

 رهف: زي القمر يا حبيبتي...

سناء: يلا يا بنات..خلصتوا...ليلي ايه الحلاوه دي الله اكبر..

ليلي: حبيبتي..يا ماما..

سناء: عقبالك يا فاطمه انت ورهف...ونفرح بيكوا..

رهف: يارب يا سوسو..

فاطمه ضحكت علي رهف وقالت: واقعه...

سناء : الباب بيخبط شكلهم وصلوا...

ليلي خدت نفس وقالت: انا متوتره اووي..ياماما..لا مش عايزه اتخطب..

فاطمه ورهف ضحكوا عليها..

فاطمه: اهدي يا ليلي..ده احمد دانتي عرفاه من اول ما اتولدتي..

ليلي: تصدقي صح..

رهف: هتبقي مرات اخويا اوعاا..

ليلي بحماس: ايوا بقي..

..........................................

خالد: واحنا يشرفنا..ده احمد ابني وانا اللي مربيه علي ايدي..

مها: يبقي اتفقنا..

خالد: سناء يلا نادي علي البنات عشان نقرأ الفاتحه..

سناء: حاضر..

يلا يا بنات تعالو..عشان نقرأ الفاتحه..بت انتي وهي انتوا اللي بتعالجوا..الشباب اللي بره دول...

فاطمه ورهف بصوا لبعض: شباب مين..

رهف اتفجأت وقالت: ايه ده حمزه بره..فاطمه بفرحه : ادم جه..

سناء: اه بره مالكوا كده..ده بسم الله ماشاء الله..عيال عسل..ودمهم سكر..تعرفوا ان ما كل واحده فيكوا..اتخطبت لواحد منهم..انا ومها مش هنحلكوا...

فاطمه: امم انتي ومها..

رهف: شغل العصابات اشتغل اهوه..

سناء: يلا يا بت انتي وهي قدامي ..

..............................................

خالد: تعالي يا ليلي..اقعدي جنب احمد..

ليلي راحت قعدت جنبه.ورهف وفاطمه وقفوا جنب مها..

حمزه قرب من ادم و قال: ولا يا ادم هما مين دول..

ادم بضحك: انا عمال اقول كده برضو.. وبص لفاطمه  وقال: فاطمه شكلها حلو اوي..

حمزه بابتسامة: ورهف كمان. 

ادم:ايوا بقي يا عم...

أحمد : ليلي شكلك توحفه اوي.. 

ليلي ابتسمت وقالت: وانت كمان..علي فكره..

خالد: يلا عشان نقرأ الفاتحه..

الجميع : امين..

مها: يلا يا احمد..لبس ليلي خاتمها..

رهف: استنوا..نشغل يا دبله الخطوبه..الاول..

كلهم ضحكوا..علي طريقتها..

رهف: كده تمام..يلا لبسها...

وكلهم بدأوا يسقفوا و يغنوا...

ورهف بصت علي حمزه ولقيته بيغني وبيسقف..ابتسمت من غير ما تحس..وقالت فيه نفسها: شكلك هتقعي يا رهف...

وفاطمه بصت لادم..وعينهم اتقابلت وقلبهادق بسرعه..ف ابتسملها..وهي كمان ابتسمت له..وقالت في نفسها : انا ليه ببقي فرحانه وانت مبسوط وازعل لو انت متضايق..انا حبيتك ولا ايه...

احمد: ليلي انا مش مصدق نفسي..حاسس اني بحلم..

ليلي بفرحه: وانا كمان والله..مش مصدقه اني لابسه دبلتك..

احمد باس الدبله بتاعته وقال: بحبك يا لولتي..

ليلي اتكسفت وقالت بصوت واطي: وانا كمان..

احمد: لا انا مسمعتش..

ليلي بصوت اعلي: وانا كمان..

احمد بصلها بحب....وقال: ربنا يخليكي ليا...

................................

حمزه كان واقف لوحده لقي رهف جايه ابتسم..

رهف: ازيك يا حمزه..منورنا والله..

حمزه : تمام الحمدلله...منوره بيكوا..

رهف: فرحت انك طلعت..

حمزه: وانا كمان والله بقالي كتير معيشتش اجواء عائليه حلوه كده...

رهف ابتسمت وقالت: كويس 

حمزه : بس شكلك حلو انهارده..

رهف قلبها دق واتكسفت وقالت: شكرا..يا حمزه..

حمزه: العفو..بقولك ايه هي البلكونه فين..

رهف: اهيه وشاورتله عليها..بتسأل ليه..

حمزه: هتعرفي دلوقتي..احمد تعالي عايزك..

ادم: بس هو ده اللي حصل وفقت من العمليه..لقيت..رجلي فيها وجع..

فاطمه: زعلت بجد..شغلكوا صعب اووي..ابقي خلي بالك من نفسك...بعد كده..

ادم: ان شاء الله ..بس تعرفي ده من حسن حظي ..عشان اتعرف عليكي..

فاطمه فرحت من كلامه وابتسمت وقالت: وانا كمان مبسوطه اني اتعرفت عليك..

حمزه: ادم تعالي يلا..

ادم: تمام..عن اذنك يا فاطمه...

فاطمه هزت رأسها وقالت: اتفضل..

حمزه وادم واحمد خرجوا البلكونه...وكلهم جم عشان يعرفوا هيعملوا ايه...

احمد ولع العاب ناريه وحدفها في السما...

وحمزه وادم طلعوا المسدسات بتاعتهم وضربوا نار في السما....

وجابوا شماريخ وفضلوا يرقصوا...واحمد وحمزه سندوا ادم ورقص ...

ورهف وفاطمه فضلوا يسقفوا وهما مبسوطين..

سناء وهي بتسقف: والله شباب عسل يا مها ربنا يحفظهم...

مها: اه والله عملوا جو..

رهف: بقولك ايه يا فاطمه ما تيجي نقولهم يخلونا نجرب..

فاطمه: انا بخاف يا ستي..

رهف شدتها من ايدها: بتخافي من ايه تعالي بس..

رهف: حمزه

حمزه: نعم يا رهف..

رهف بحماس: انا عايزه اجرب اضرب بالمسدس..

حمزه: متأكده..

رهف: ايوا..

حمزه: طيب جربي وانا معاكي اهوه

ادم: متخافيش يا فاطمه...

فاطمه: هو بيعمل صوت جامد..

ادم: ابقي غمضي عينك لما تضغطي...

فاطمه: طيب..

حمزه: خدي يا رهف..امسكيه حلو.. وهي بتمسكه لمست ايده بالغلط..وبصتله وهو بصلها..نزلت عنيها بسرعه..

رهف وهي بتغير الموضوع..: اه ده تقيل...

حمزه وهو بيضحك: امال انتي فاكراه..لعبه..

رهف: كده مظبوط..

حمزه: برافو..شكلك خبره...

رهف: لا دي اول مره امسكه..بس بحب افلام الاكشن وكده..

حمزه: يلا ارفعي..لفوق..لما تحسي انك جاهزه اضغطي..

رهف خدت نفس : تمام..واحد اتنين..تلاته..وضربت..

حمزه بابتسامة: شاطره يا رهف..

رهف: انا انبسطت اووي..

حمزه: كويس...

ادم: خلاص يا فاطمه..بتصوتي ليه..ضرب خلاص..

فاطمه وهي بتفتح عنيها: خلاص كده..

رهف وهي بتضحك: بموت يا فطومه..فضحتينا يا بنتي..

فاطمه: منا قلتلك بخاف..وبصت لادم معلش بقي..

ادم: لا عادي..اهم حاجه انك جربتي..

فاطمه ابتسمت : ايوا صح..

......................................................

رهف وهي بتتقلب علي السرير: يوه بقي عايزه اتخمد.. وبعدين سرحت وافتكرت كل ذكرياتها..مع حمزه.و ابتسمت وقالت: خليت لحياتي..طعم يا حمزه..

                الفصل السادس من هنا