رواية حالة حب الفصل الرابع4بقلم مريم محمود
همست ب صدمة
"معتصم!"
"مصدومة لي!"
"انت ازاي تتجرأ تيجي تاني انت مش بتفهم
قلتلك غور مكان مجيت"
مسك دراعي
"مش هغور ف حتة غير اما تسمعي الاول وتفهميني"
شديت ايدي منه بعنف
"انت اتجننت
ازاي تمسك ايدي بالطريقة دي
امشي لاني مش هسمعك
امشي
بدل م والله هلم عليك كل الي موجودين ف المول ووقتها هم يتعاملو معاك"
بصلي بتحدي ورجع مسك ايدي تاني وشدني معاه
كنت بقاومه وبزعق حتى الناس اتلمت
بصلهم وقال
"مراتي ومش بتسمع كلامي
ليكو فيه!"
برقت عيني من كذبه وبصيت للناس
" لا والله
انا لا مراته ولا اعرفه صدقوني"
بس الناس صدقته هو وبعضهم الي تمتم ب اننا مينفعش نفضح مشاكلنا كدا ع الملاء
وكل واحد بدأ يشق طريقه
نهلة خلصت وطلعت وهي بتقول
"خلاص ي آسيا استقريت عل..."
مكملتش كلامها ولقت معتصم بيسحبني معاه غصب عني
صوتت وجريت عليا تشدني منه بس هو كان اقوى
"انت ي متخلف انت واخدها ورايح فين"
مكانش بيرد على حد كان بيشدني وبس
نهلة حاولت تفلتني منه بس زقها ووقعت ع الارض
الناس اتلمو تاني ولكن معرفوش يعملو معاه اي حاجة وكل م حد يوقفو يقول الكلمتين الي حافظهم
"مراتي ومحدش ليه دعوة"
نهلة بدأت تنهار
كانت مرعوبة ل يعمل فيا حاجة
مسكت فونها ترن على هشام أخوها
بس مكانش بيرد رنت مرة واتنين وتلاتة
بس من غير فايدة
رنت على مهاب وكان مغلق
قالت ب خنقة
"ردو بقا حرام عليكو"
رنت على سامر الي أخيرا رد عليها بنوم
"ايوا ي نهلة
حرام عليكي قومتيني من احلى نومة"
قالت نهلة بصوتها المنهار
"سامر الحقني"
سامر قعد بخوف
"في ايه!"
بدأت نهلة تعيط
"معتصم جه المول ونا كنت ف البروفا وخد آسيا ومشي غصب عنها
تعالى الحقها ونبي معرفش ناوي على اي وواخدها ورايح فين"
قام سامر بسرعة
"مشي امتة وراح فين"
" مش عارفة مش عارفة أرجوك تعالى بسرعة
انا ف المول القريب مننا"
"انا جاي حالا"
لبس سامر هدومه ومشي بسرعة تحت انظار أهله الي مفهموش ماله
ركب العربية وكان بيسوق ب أقصى سرعة
موبايله رن وكان سراج
رد عليه
وقال سراج ب مزاح
"رديت بسرعة يعني
قولت هتبق نايم
المهم لقيتلك الكڤر الي كنت بتدور عليه"
جاله صوت سامر المتوتر
"سراج
معتصم خد آسيا ومعرفش راح بيها فين
الحقني ع المول
نهلة هناك
بسرعة"
وقف سراج بفزع
"انت بتقول اي
امتة الكلام دا"
"لسة نهلة مكلماني
ونا قربت أوصلها
تعالى بسرعة"
سراج مستناش يقفل المكالمة وجري ب أقصى سرعة عنده وهو ف باله انه هيموت معتصم لو لمس شعرة مني
كان معتصم مش سامع لحد حتى صريخي
لحد م كنا هنطلع م المول خالص بس وقفه بعض الشباب لما لقيو الوضع مريب وصراخي الي مش راضي يهدى
قال واحد من الشباب
" سيبها انت ماسكها كدا لي"
" ونت مين ان شاءالله عشان تقولي اسيبها ول مسبهاش"
"ملكش فيه وسيبها"
"مراتي بقلك وملكش دعوة
طرقنا"
"ورينا صور فرحكو
او قسيمة الجواز"
اتعصب معتصم
"انت هتحقق معايا اما اقلك مراتي تبق مراتي
ومتكترش ف الكلام"
استغليت خناقته دي ومسكت أيده عضيتها جامد ف
هو سابها ب وجع
اما انا ف جريت من قدامه
قال معتصم وهو بيحرك أيده بسبب الوجع
"بقا كدا
اقسم بالله مهسيبك"
جريت ب أقصى سرعة لحد م قابلت نهلة
قلتلها ونا بنهج
" يالي
يالي بسرعة"
لسوء الحظ اننا مكناش هنعرف نخرج من المول لان دا طريق معتصم يعني لو رجعنا هيعرف يمسكني
ف اضطرينا نجري ف المول من جوا لحد م يمل ويمشي
جرينا وطلعنا فوق ودخلنا احد المحلات
واختارنا دا بالذات لانه كان زحمة ونسائي
"تعالي هندخل البروفا"
دخلنا بروفا لقيناها فاضية واخيرا خدنا نفسنا
قالت نهلة بتعب من الجري
"انا رنيت ع سامر
المفروض يكون وصل الوقت"
قلتلها ونا الرعب متملك مني
"رني عليه تاني
شوفيه فين ينهلة
مش قادرة حاسة روحي هتطلع م الخوف"
نهلة جت ترن ولكن لقت رقم غريب بيرن
ردت وكان صوت سراج
قال بصوته المرعوب
"اي ينهلة انتو فين"
اول م سمعت صوت سراج عيط وخدت منها الفون
" سراج
تعالى بسرعة
أرجوك قبل م ييجي"
سراج اتجنن من صوتي خصوصا إني معيطة
"انتو فين بظبط ي آسيا احنا خلاص على وصول"
"معرفش
انا جريت منه انا ونهلة ودخلنا محل زحمة بتاع آنسات عشان ميعرفش يلحقنا
بس دا مجنون ويلحقنا
تعالى بسرعة يسراج ارجوك"
"اطمني بس وخليكي مكانك اول م نوصل هديكي رنة
اقسم بالله لو طلع عايش من تحت ايدي ميبقاش اسمي سراج"
قفلت معاه وشبه اطمنت بس كان لسة القلق والرعب بيتسللو جوايا كل م افتكر ان ممكن يفتح علينا الباب
مر عشر دقايق
بصيت على نهلة ونا التعب اتملك مني ونفسي بدأ يتخطف
" نهلة
انا هطلع اطل اشوفو موجود ول لا
ونتي رني على سراج استعجليه
مش هقدر افضل هنا كتير"
قالت نهلة ب اعتراض
" نتي عبيطة
لا طبعا
لو لمحك مش هيحلك
خلينا مستنيين هنا ولما سراج هيوصل هيكلمنا"
قولت بتعب ونا كلي عرق
"مش قادرة ي نهلة
نتي عارفة بتخنق م الاماكن المغلقة
هطلع اشوفه واخد نفس"
" طب هطلع معاكي"
" لا خليكي عشان لو حصل حاجة تبقي مع سراج ع الخط"
اضطريت اخرج
لاني عندي فوبيا الاماكن المغلقة
ولو فضلت فيها آكتر من نص ساعة
ممكن يحصلي اختناق
اتسحبت براحة ودورت حواليا بعيوني
واتنهدت لما ملقتهوش
مكانش ليه اي أثر
حمدت ربنا ف سري وكنت لسة هدخل ل نهلة لمحت سراج و سامر جايين بيجرو
و سراج كان بيتكلم ف الفون
الفرحة اتسللت جوايا وكنت هنادي عليه بس حسيت بحد كتم بقي وشدني
سراج رن ع نهلة
"انتو فين إحنا ف الدور التاني"
"في محل خاص بالانسات هتلاقيه ف اخر الطرقة
بسرعة ي سراج"
سراج لاحظ هدوء آسيا ف قالها
"فين آسيا ي نهلة"
"انت عارف ان عندها فوبيا من المكان المغلق
وحنا كنا متخبيين ف بروفا
ف طلعت تاخد نفسها وتتأكد من معتصم لسة بيلحقنا ول لا"
"انتي اتجننتي
ازاي تسمحيلها ي نهلة
اطلعي طيب برا كدا شوفيها"
بالفعل نهلة طلعت بس مكانش ليا اي اثر
دورت ف المحل بل طلعت برا المحل خالص وهنا قابلت سراج وسامر الي اول مشفوها جريو عليها
قال سراج بقلق
" فين آسيا "
دموع نهلة نزلو
" مش عارفة ي سراج
قالت مش هتبعد عن المحل وهتفضل فيه
طلعت ملقتهاش خالص"
حط سراج ايده ع جبهته بخوف
"لي ممنعتيهاش ي نهلة
لي سمحتيلها تخرج"
"كانت تعبانة والله ي سراج
لو قعدت كانت هتتخنق"
بدأو يدورو ف كل حتة عليا وينادو يمكن لو متخبية ف حتة تانية اطلع على صوتهم
بس لا حياة لمن تنادي
اما عندي
ف معتصم شدني لأحد المخازن وهو كاتم بقي
بصتله بعيوني المليانين دموع عشان يفلت ايده عن بقي
بس كل الي كان بيعمله هو انه يفتح باب المخزن براحة ويشوف سراج ونهلة وسامر لسة واقفين ول لا
حاولت اعضه تاني او أقاوم بجسمي
بس بصلي
"مش كل مرة هتظبط معاكي
متحاوليش تهربي ي آسيا لان الي بتعمليه دا هيأذيكي انتي"
دموعي نزلو اكتر ونا بدعي من جوايا اي حد يلحقني منه مش شرط سراج
المهم اي حد يلحقني من تحت ايده
عند سراج
بص ل نهلة
"نتي دورتي ف باقي البروفات
يمكن لمحت معتصم ف اتخبت ف واحدة فيهم"
هزت نهلة راسها ب معنى لا
ف
دخلت نهلة هي تدور عشان الحريم الي جوا بعد م طلب منها سراج كدا
بس طلعت وقالت ان مفيش اي حاجة جوا
الرعب اتسلل ل قلب سراج
وكل السيناريوهات السيئة كانت بتتملك من عقله
قال سامر
" يالو هندور تاني مش هنسكت"
كل واحد أتجه ف مكان يدور بس من غير اي فايدة وف الاخر رجعو ل نفس النقطة وبقو مع بعض
سراج كان هيتجنن
هكون روحت فين
قالت نهلة
"معتصم اكيد خدها ومشي
احنا قلبنا المول كله وملهاش اي اثر"
كان معتصم بيبص من طرف صغير من جمب الباب
ومنه قدرت اشوف سراج
كان واقف وباين عليه القلق
غمضت عيني بتعب ودموعي نزلو
واسوء حاجة شفتها
هي اختفاء سراج وسامر ونهلة من قدامي
دا معناه انهم مشيو
دا معناه اني خلاص
بعد وقت مش طويل لما حس معتصم انهم خلاص مشيو من المول كله
خرجني معاه ل برا بعد م هددني مخرجش اي صوت
ودخل مخزن تاني كان اكبر
والمخزن دا ليه باب خارجي
عشان البضاعة مينفعش تتحمل من قدام الباب الرئيسي
خرجني منه
قلتله بتعب وقلة حيلة
"سيبني ي معتصم أرجوك
سيبني بق انت عايز مني اي"
قالي وهو ساحبني معاه
"انتي الي رفضتي تسمعيني الاول
ف اضطريت اعمل كدا"
وقفته وقولت
"هسمعك
والله هسمعك
اتكلم"
"مش هنا
انا مش ضامن سراج ممكن يطلعلي من انهي حتة
عايز ابق انا ونتي لوحدنا"
عند سراج وسامر ونهلة
كانو راكبين العربية
قالت نهلة بنبرة القلق
"هتوصلها ازاي ي سراج
احنا منعرفش حتى رقم عربية معتصم"
" مش عارف
حاسس اني متكتف
معرفش هي بخير
هل هو أذاها
هتجنن عليها والله مش قادر افكر"
طبطب سامر عليه
" هنلاقيها ي سراج اهدى انت بس عشان نقدر نفكر
انا هكلم الشرطة واحكيلهم ع الي حصل وهم يتصرفو"
ف الوقت دا ريتال كانت بترن ع سراج
ولكن لما شاف إسمها زفر ب ضيق وكنسل عليها
رنت تاني ونهلة لاحظت
" انزل رد عليها ي سراج أكيد عايزة تتطمن عليك"
اتنهد سراج ونزل م العربية
" اي يريتال
هو انا مش كنسلت
يبق المفروض تعرفي اني مشغول"
"ومن امتة لما بتبق مشغول بتكنسل ي سراج"
سكت سراج ومردش
"مش هترد
عارفة
أكيد مع الهانم مش كدا"
أتكلم ب استغراب
"هانم مين"
" هو في غيرها
الانسة آسيا
الي من ساعة العيد ميلاد ونت مش مظبوط بسببها"
"قلتلك إمبارح
وهرجع أقولها تاني
انا واسيا اخوات
ومتربيين مع بعض
وبينا عشرة مش هنساها من يوم وليلة عشان اتخطبنا"
قالت ب هجوم
"انا مطلبتش منك تقطع علاقتك بيها
انا كل الي طلبته تقل معاملة معاها ي سراج
معقول حتى طلبي دا مش عارف تنفذه
معقول آسيا اغلى مني؟"
اتنهد بتعب بسبب عنادها
"انا مشغول ي ريتال
اما أخلص الي ورايا يبق أشوف الحوار دا"
قفل من غير م يسمع ردها
او بالأحرى
هو مش عايز يسمع ردها
مش عايز يجاوب ع السؤال دا
رغم ان اي حد مكانه هيختار خطيبته من غير تفكير
بس لي هو فكر
لي مش عايز يجاوب
لي حاسس السؤال سهل بس اجابته تقيلة اوي وصعبة
قفل فونه واتنهد ورجع العربية
طلب من سامر يروح مركز الشرطة عشان يقدرو يشرحو الي حصل دا للشرطة افضل من مكالمة ع الفون
-------------------------------------
"انت جايبني هنا لي"
بصلي ب ابتسامة
"لان المكان دا اول مرة قلبي اكدلي فيه اني بحبك"
"انت كداب
انت عمرك م حبتني
انت انسان رخيص وواطي
ومتعرفش معنى النخوة"
"اقعدي
وهتفهمي كل حاجة
مش طلبتي مني تسمعيني
طيب
اسمعيني"
قعدت غصب عني عشان اسمعه واخلص منه وامشي
" أتفضل احكي
سامعاك"
"آسيا
انا مخونتكيش
ولا حتى هربت وسيبتك"
"دا الكلام الي مستنيني اسمعه ؟!
ويترا عايز اي
أصدقك ؟"
صوته بدأ يهدى ويتحول ل نبرة فيها ضعف
"آسيا انا مهربتش
انا
كنت مسجون"
" إيه؟!"