رواية بابت بقي بطلي تستغلي منصب ابوكي الفصل الخامس5بقلم ليلان سلامة
بصراحه انا لقيت يزن...
اتخض واتصدم كَريم عم يزن وقال:
_ لقيتُه فين هو فين؟
_ اهدي يا كريم يزن حالياً للاسف مش عايز يشوفك...
_ ليه؟
_ انتَ بتسأل يا كريم؟
_ محتاج افهم!
_ يزن دلوقتي مقتنع انك السبب في وفاه ابوه يا كريم الصدمه صعبه عليه خصوصاً انه ملهوش حد...
_ ملهوش حد ازاي يا نوح وأنا بعمل ايه؟
_ متضحكش علىّ نفسك يا كريم مفيش حد وقف جمب يزن نهائي سواء عائله ابوه او امه..
_ طب اعمل ايه عايز اعوضه بس نفسي اشوفه عارف اني غلطت اني مردتش ادي فلوس ل أخويا بس والله لو كان قالي عمليه وانه تعبان اكيد مكنتش هبخل عليه!
_ لا يا كريم انتَ غلطت اخوك طلب فلوس يبقى تسلفُه علىّ طول مش ترفض ودلوقتي بتقول ياريت للي جرا ما كان!!
_ طب اعمل ايه دلوقتي نفسي اعوض يزن هُو حياته عامله ازاي طيب عايش ازاي؟
_ لسه معرفتش معلومات عنُه بس يزن شغال في سباقات بايك وكدا...
أتكلم كريم بإستغراب وقال:
_ بايك؟
_ ايوا..
_ هو انتَ شوفت يزن فين؟
_ ميرال بنتي كانت بتصلحله البايك بتاعته المهم حصلت مشكله يعني وعرفت انه هو...
_ طب ايه مش هنروحله؟
_ حقيقي مش عارف!
_____________________________
عند ميرال و مروان:
اتكلم مروان وقال:
_ منك الله يا شيخه اشوف فيكي يوم انا اتاخرت علىّ شُغلي..
_ فدايا يا مراميرو...
_ انا مش عايز اسمع صوتك صوتك بينرفزني وبعد مراميرو دي اتكتمي بقى خالص!!
قعدت اضحك وبعدين وصلنا الجامعه أتكلم مروان وقال:
_ وصلنا يا اختي مش عايز مشاكل مع حد ولا دكاتره ولا تمشي تسيطي في الكليه انك بنت لوا أتمني تهمدي بقى لاني زهقت منك بصراحه يارب تتجوزي يا شيخه وتغوري....
_ طب ما تتجوز انتَ وتمشي ونرتاح منك!!
قولت كدا وطلعت أجري قبل ما يمسكني وقعدت اضحك بصيت عليه لقيته بيبصلي بوعيد مشيت وبعدين روحت ل ملك صاحبتي وقولت:
_ لوكي عامله ايه؟
_ لوكي؟انتِ سخنه يا ميرال؟
_ يعني لا كدا عاجب ولا كدا عاجب....
_ لالا مش القصد دا كدا عاجب اوي كمان....
اتكلمت بتصنع البرائه وقولت:
_ لوكي...
_ قولي يا ميرال عايزه ايه؟
_ عايزه نروح سبق تاني!!
اتكلمت ملك وهي شبه بتصرخ ومنظرها كان مضحك بشكل وقالت:
_ سبق سبق انتِ شكلك اتجننتي وابوكي يعرف ويحبسنا...
_ لالا متخافيش محدش هيعرف وهنروح علىّ طول...
_ مش مصدقاكي معرفش ليه قلبي مش مرتاحلك...
_ تعرفي عني كدا؟
_ يا بت دا انتِ كدا اساساً مبتحرميش ابداً انتِ عايزه أبوكي يعمل فيكي ايه اكتر من كدا الله يكون في عونه منك يا شيخه...
_ كدا يا لوكي حتي عيب والله هتودينا علشان خاطري علشان خاطري..
وبعد زن كتير مني طول اليوم ملك اخيراً اتنزلت ووافقت...
_____________________________
في البيت:
روحت وبعدين قعدت ادور علىّ ماما لقيتها في المطبخ دخلت وقولت:
_ بخ..
لقيت ماما اتكلمت بفزع وخضه وقالت وهي بتحط ايديها علىّ قلبها:
_ اقول فيكي ايه يا بنت بطني هتقطعيلي الخلف....
_ فدايا يا ماما اي حاجه...
لقيت الشبشب هيترمي عليا قولت اطلع بكرامتي او للي تبقى من كرامتي طلعت غيرت وصليت قرأت قرآن ونمت شويه صحيت نزلت لقيت ماما قاعده بتتفرج على التيليفزيون اتكلمت وقولت:
_ هو فين بابا؟
_ مش جاي النهارده وراه شُغل!
_ بجد؟
_ في ايه مالك اتبسطي كدا؟
_ اتبسط ايه بس وبابا حبيبي مش هيبقى موجود في البيت يا خساره...
بصتلي ماما بإستغراب فا اتكلمت وقولت:
_ ماما أنا نازله..
_ اه قولي كدا بقى انك نازله متلفيش وتدوري...
_ والله يا ماما هرجع بدري..
_ انتِ بنتي ومن بطني بس انا والله العظيم ما بأمنلك يا خوفي منك...
روحت مسكت ايديها بالعافيه وبوستها وقولت:
_ دا انتِ ست الكل ومخلفه حتت قشطه بالعسل هنزل بسرعه ومش هتاخر...
اتكلمت ماما بغُلب مني وقالت:
_ والله يا ميرال لو اتاخرتي انتِ حره...
_ تعيش ماما تعيش..
قولت كدا وطلعت أجري علىّ السلم وغيرت ونزلت وصلت السبق انا وملك....
دخلنا قعدنا و بداو ينده علىّ الأسماء وطبعاً اسم يزن منهم وللي عرفت ان يزن من أقدم الناس هنا وأكتر و مش بيخسر علشان كدا مسمينه الغول!!
كانت جولات خفيفه كُل لاعب جوله بدأت الجولات تتلعب و طبعاً يزن كسب دا الغُول خلص السبق مطولش لان الجولات خفيفه بصيت علىّ يزن لقيتُه قاعد في رُكن قولت لملك اني هروح اجيب حاجه روحتله وقولت:
_ ايه جبت بايك جديده؟
بصلي كأنه متفاجئش من وجودي وقال:
_ ايوا...
_ طب ايه حلوه وريني بقى...
_ اوريكي ايه ابعدي عن البايك دا انتِ التانيه هببتيها علىّ الاخر..
_ مش انتَ للي خربها يعيني الله يكون في عونها...
_ تعرفي تسكتي؟!
_ لا يعني مش بعرف، ممكن اسألك سؤال؟
_ ارغي؟!
_ ليه متشوفش وتقابله يمكن يطلع مظلوم!!
فجاءه لقيته اتحول حرفيا واتعصب وقال بصوت عالي:
_ وانتِ مال اهلك انتِ ومال مشاكلي متدخليش في للي ملكيش فيه انتِ سامعه وملكيش دعوه بيا مش عايز اشوف وشك تاني!!
بصيت عليه وانا عيوني مليانه دموع اتصدمت متوقعتش ردت الفعل دي كان نفسي اساعده رغم اني عناديه و مُتعبه بس انا حساسه جداً وبعيط من أقل حاجه و للحقيقه سواء بابا او مروان عمرهم ما كلموني كدا رغم للي بعمله!!
حسيت اني مش قادره امسك دموعي و سحبت شنطتي وطلعت أجري علىّ برا اول رصيف قابلني قعدت عليه و قعدت اعيط صعبت عليا نفسي اوي بعد شويه وقت لقيت خيال حد واقف ورايا ببص لقيتُه هو يزن اتنهد تنهيده طويله وقعد جمبي وقال:
_ آسف مكنش قصدي...
بصتُله و الدموع في عيني ومردتش عليه فا قال:
_ ايه مردتيش؟
_ مردتش في ايه؟
_ قولت اسف!
_ تمام..
_ وكدا المفروض أصدق!
_ تصدق ايه؟
_ انك مش زعلانه؟
_ عادي..
_ آسف مكنش قصدي اتعصب عليكي بس مش بحب حد يجيب سيره الموضوع دا ابداً بعد ما مشيتي استوعبت ان قصدك خير مبحبش ازعل حد مني..
دموعي نزلت وقولت:
_ وانا مش زعلانه...
_ طب خلاص بطلي عياط...
_ مبعيطش...
_ كل دا و مبتعيطيش دا فضلك تكه و الشارع هيبقى بحر ب دموعك...
ابتسمت وقولت:
_ ليه بردو مش عايز تقابل عمك؟
أتكلم بنفاذ صبر وقال:
_ اهي عيزاني اتحول تاني..
_ تتحول ليه؟
_ مش عايز اتكلم في الموضوع دا!!
_ ليه؟
_ اللهم طولك يا روح يا ستي انا حُر براحتي..
اتكلمت بقمص وقولت:
_ خلاص براحتك فعلاً...
_ طب زعلتي ليه دلوقتي؟
_ مزعلتش!!!
_ طب خلاص ايه رايك نعمل ديل؟
_ ايه هُو؟
_ نبطل خناق وصدقيني لما احس اني قادر اتكلم هقولك بس انسيني لو اكتشفت انك مبعوته من أبوكي قال يعني علشان ترجعوني ل عمي انا مش عيل صغير علشان تعملو كدا!!
_ والله العظيم ما مبعوته من بابا بابا ميعرفش اني هنا اصلاً، همشي انا بقى اشوفك وقت تاني...
_ استني طيب اوصلك؟!
_ لا ملهوش لزوم صاحبتي معايا واخوها هيجي يخدنا..
هز راسه و فضل واقف لحد ما مشينا ومشي وبعدين روحت....
___________________________
عند يزن:
طلع البيت ولقى كارما واقفه أتكلم بإستغراب وقال:
_ في ايه يا كارما واقفه كدا ليه عم حسن كويس؟
_ الحمد لله كويس انتَ اتاخرت كدا ليه؟
اتكلم يزن بتنهيدت تعب وقال:
_ مفيش والله لسه مخلص مشاويري و لسه جاي....
_ طب استني هجبلك اكل...
دخلت كارما جابت ل يزن اكل وقالت دوق بقى وقولي رايك أتكلم يزن بعد ما داق وقال:
_ جامد يا كرامله شكراً والله كُنت مقتول جوع...
_ مفيش شُكر بينا دا أقل حاجه...
أتكلم يزن بضحك وقال:
_ ايوا يا عم بقى...
ضحكت كارما فا إتكلم يزن وقال:
_ ادخلي يلا نامي علشان شغلك والكليه..
_حاضر تصبح علىّ خير...
_ وانتِ من اهله....
__________________________
عند ميرال:
روحت دخلت لقيت ماما قاعده زي ما سبتها فا قولتلها:
_ شوفتي علشان تعرفي اني متاخرتش انتِ حتي قاعده نفس القاعده...
اتكلمت ماما بخضه وقالت:
_ بسم الله الرحمن الرحيم انتِ بتطلعي منين يا بنتي حرام عليكي قلبي مش مستحمل للي بتعمليه فيا دا!!
_ معلش يا ست الكُل حقك عليا...
_ اطلعي غيري يلا وتعالي علشان تكلي....
_ حاضر...
____________________________
طلعت الاوضه غيرت ونزلت وقعدت أكل لقيت مروان داخل البيت وقال:
_ أتمني متكونيش عملتي اي مشكله!
بصتله وأنا بتصنع الاستغراب وقولت:
_ انا يا ابني بتاعت مشاكل؟
ابتسم بسُخريه وقال:
_ لا امي...
فجاءه ابتسمت بإنتصار وناديت علىّ ماما للي في المطبخ وقولت:
_ تعالي يا ماما تعالي شوفي ابنك الظابط المُحترم بيقول عليكي بتاعت مشا....
مكملتش الجُمله علشان لقيت ايده اتحطت علىّ بوقي وماما طلعت من المطبخ قالت:
_ بتقولي ايه يا ميرال،ايه يا مروان ما تسيب اختك ايه للي انتَ عامله فيها دا!
أتكلم مروان بصوت واطي وهمس ليا وقال:
_ هسيبك ومتنطقيش هجبلك شاورما...
بصتله وعيوني مليانه فرحه ما أنا مش عارفه اتكلم سابني وبعدين قال ل ماما علشان يتوه الموضوع:
_ ايه يا امي مش هتجبيلي اكل؟
_ حاضر يا حبيبي...
خلصت اكل وطلعت الاوضه قعدت افكر في يزن وازاي اقدر اساعده!بس غلبني النوم فا نمت...
___________________________
تاني يوم:
روحت الكليه حضرت مُحاضراتي وبليل روحت السبق و مكنش في جولات لان كان يزن لوحده للي موجود بيلعب!!
نزلتله وقولت:
_ بتحب البايكس اوي كدا؟
بص علياً وكأنه كان عارف اني جايه وقال:
_ بلاقي نفسي فيهم!!
كان معايا اتشوكليت قسمتها بيني وبينه وقولت:
_ خد دي هتبسطك...
_ مفيش حاجه بتبسطني!
_ ليه؟
أتكلم وهو بيقعد جمبي علىّ السور وقال:
_ عادي مش فارق معايا اي حاجه..
_ طب دوقها مني طيب هتلاقي بتنط سعاده علىّ وشك دي مني يا عم هُو انا اي حد؟!
_ لا يا ستي دا انتِ بنت نوح بيه فعلاً انتِ مش اي حد!!
_ متجبش سيره بابا ولا تعاملني حلو علشان بس بابا لا عاملني بطابعتك....
_ بعاملك بطبيعتي متخافيش...
قعدت اضحك و بعدين وقفت ضحك وفضلنا ساكتين بناكل الاتشوكليت في صمت فا اتكلمت وقولت:
_ تعرف يا يزن؟
_ اشجيني؟
_ حاجتين بكرهم في حياتي النكد و الملل...
هزلي راسه فا قولت:
_ النكد وانتَ ساكت لا يا بابا دا انا مليش في النكد انا واحده رغايه والملل اننا قاعدين في وش بعض لا بنتكلم ولا بنعمل حاجه....
بصلي وقال:
_ مبحبش اتكلم...
_ معايا غير يا بابا...
همهم بهدوء فا اتكلمت وقولت:
_ زنزونه بقولك ايه؟
_ زنزونه انتِ اتعبطي في دماغك شكلك!!
_ ما علينا استني بس ما تيجي نركب البايك نعمل سباق بيني وبينك...
بصلي بصدمه وقال:
_ انتِ عايزه تلعبي مع الغُول؟
_ ايوا يا عم يلا بيناا
طلعت أجري وهُو ابتسم ونزل ورايا وبدأنا نلعب وهُو يعلمني حجات ولعبنا سباق بجد وطبعاً يزن الكسب...
_ متتحدنيش تاني...
_ متحدكش ايه انتَ كسبان بالغش!!
_ غش والله ما حد غشاش غيرك انتِ مجرتيش من اول الشاره هناك وجايه من النص وكسبتك....
قعدت اضحك واتكلمت وقولت:
_ عُمري ما كنت اتخيل اني ممكن اقعد معاك كنت بشوفك مش بنادم بشوفك لوح تلج....
لقيته ضحك بصوت عالي وقال:
_ اه انا بارد شويه..
_ شويه بس؟قول شويتين تلاته!!
_ طب يلا بينا نمشي...
_ يلا....
مشينا و شوفت أيس كريم قولت ل يزن:
_ ايه رايك اعزمك علىّ أيس كريم...
_ هجبلك بس هعزمك انا...
مستناش ردي وراح جاب أيس كريم وبعد شويه لقيته راجع وهو جايبه وقال:
_ امسكي يا ستي احلي أيس كريم....
مسكته وبدات اكل فيه وقولت:
_ يزن هو انتَ في كُليه ايه؟
_ كُنت في هندسه!!
_ انتَ اتخرجت؟
_ لا..
_ امل ازاي كُنت؟
_ وقفت تعليم بعد وفاه أبويا الله يرحمه...
_ ليه كدا المفروض تكمل تعليمك؟
_ عادي بقى للي المفروض اكمل تعليمي علشانه مبقاش موجود...
_ بس انتَ المفروض تكمل علشان نفسك يا يزن مش علشان حد؟!!
_ ولما اخلص تعليم؟ولا اي حاجه هتحصل....
_ مستني ايه يحصل هتخلص تعليم وتبدأ تشتغل وتشوف حياتك!!
_ مش عايز عاجباني حياتي كدا اكتر.....
سكت مردتش اضغط عليه اكتر من كدا كويس انه فتحلي قلبه حتي لو حته صغيره....
_ وانتِ في كليه ايه؟
_ هندسه؟
_ في قسم ايه؟
_ ميكانيكا...
_ ومش بتروحي الورشه ليه؟
_ بابا رافض القسم ورافض شُغلي في الميكانيكا....
_ واستسلمتي بسهوله؟
_ مستسلمتش بس...
_ بس ايه عافري علشان حلمك....
_ طب هنعمل ديل!
_ ايه هُو؟
_ انتَ تفكر ترجع تعليم وأنا صدقني مش هستسلم!!
_ موعدكيش!!
_ لا يا يزن بقى قولت ديل!!
_ هفكر!!
بصيتله مش حابه اني اضغط عليه وقولت:
_ ماشي وهستني ردك!!
مشيت وهو فضل معايا لحد ما وصلت البيت وعدا حوالي شهر ونص وانا اروح الكليه واعدي على يزن نتمشى ونرغي واصدعه لحد ما في يوم كُنت طالعه من الكُليه لقيت يزن برا روحتله وقولت:
_ زنزون ايه رجعت الكليه؟
_ لا بس هي فين كليه طب؟
_ ايه ناوي تحول من هندسه ل طب مينفعش دا انتَ حتي علمي رياضه...
_ ميرال؟
_ نعم...
_عملتي ايه في الكليه؟
_ الحمد لله والله كليت الهم كُله...
ضحك يزن بصوت عالي و بعدين لقيت بنت واقفه بتتكلم ل يزن و بتتكلم بنظرات غريبه:
_ مين دي يا يزن؟