رواية زينة اسد الصعيد الفصل الخامس5 بقلم فاديه النجار
اللهم صلي على سيدنا محمد وعلى اصحاب سيدنا محمد وسلم تسليماً كثيراً
كانت زينه تشعر بقلبها يفقز منها بسبب ان محسن سوف يطلقها بعد كلام اسد لها وطمانته لها
هيام دخلت عليها بعدما مشي اسد ومروان وجدت باب الاوضه مفتوحه وزينه تجلس علي الارض وهي تدعو الله ان ييسر امرها ويحمي اسد من غدر محسن والزمن
هيام... قومي يا بنتي واهدي اسد بيه محدش يقدر يغدر بيه
زينه...بخوف واضح انتي متعرفيش محسن يا خاله ده الغدر بيمشي في دمه وبعدين اللي ملوش خير في اهل بيته تخافي منه لانه معندوش قلب والراجل كتر خيره حمانا منه تفتكري هيسيبه اني اكتر واحدة عارفة محسن ويقدر يعمل ايه.
هيام... لا يا بنتي انتي اللي متعرفيش اسد الهواري قومي يا حبيبتي خدي بنتك في حضنك واحمدي ربنا انه بعتلك راجل زي اسد بيه يدافع عنك ويحميكي من كلاب السكك
اما اسد رجع الي السرايا
اسد.... السلام عليكم ورحمة الله وبركاتة كيفيك يا حجه اليوم
الحجه ... بخير يا ولدي بس سمعت كلام معجبنيش كده انت صحيح ضربت محسن ابو شاكر ليه يا اسد
اسد...... علشان نصرت مظلومه يا حجه وبعدين ده كلب ولا يسوي
الحجه رقيه.... طيب يا اسد يا ولد الهواري ومفكرتش في الناس هتقول ايه اللي دخلك انت بذات بينه وبين حرمته
اسد.... وهو يقف بشموخ تقصدي ايه يا حجه بس علشان اكون عارف انتي بتفكري فيا ازي بس ومن امتي واني بخاف من كلام الناس
الحجه رقيه.... لازم تخاف يا اسد لازم وتعرف انك كبير البلد وكبير الهواري يعني كل حاجة محسوبه عليك وانك تتدخل بين الراجل ومراته الناس هتفكر انك عينك منها
اسد...وهو يشعر بانه يتعري امام امه قال بشموخ وهو يرفض هذا الكلام الجارح امه الكلام ده ميتقالش لاسد الهواري اني راجل ميرضاش بالظلم واني شوفت ظلم بين بعيني يعني انا هكون شيطان لو سكت ربنا قال الساكت عن الحق شيطان اخرس يرضيكي اني اكون شيطان يا حجه هو ده اللي انتي عايزه
الحجه رقيه... بهدوء وحكمه عارفه انك مترضاش بالظلم وانك عمرك ما هتكون شيطان يا ولدي بس عيونك بتقول حاجة تانيه يا اسد واني اكتر واحده عارفك وعارفه تفكيرك وعيونك بتقول حاجة تانيه
اسد... وهو يزيح وجهه بعيد عنها انتي عايزه تقولي ايه يا حجه عايزني ارجع في كلمه عطيتها لمسكينه وارفض حمايتي ليها علشان ايه شويه اوهام
رقيه....لا مش علشان اوهام يا اسد اللي بتكلم فيه علشان هيبتك يا كبير علشان اسمك وقيمتك وسط البلد من اليوم ملكش دخل بالموضوع ده
اسد... عايزاني ارجع في حمايتي ليها ده استحالة يحصل اسد الهواري عمره ما رجع في كلمه عطاها لحد
رقيه.... طيب انا اللي بقولك يا اسد واني هتصرف في الموضوع ده بعيد عنك ايه هتكسر كلمتي
اسد... لا عشت ولا كنت يا حجه بس انتي كده بتقتليني قدام نفسي لما ارجع في كلمه عطيتها
رقيه.... وعندما رات تازم الوضع قالت خلاص يا ولدي اقعد كلك لقمه وقررت انها سوف تحل الموضوع من دون ان تظهر في الصوره
رن مروان علي اسد
اسد.... فتح الخط وكان الاتصال جاء في وقته حتي ينهي كلام والدته في موضوع زينه
مروان... ازيك يا اسد
اسد... ايه يا مروان لساتني فايتك من وقت قليل ايه حاجة حصلت
مروان..... لا مفيش يا اخوي بس دلوقتي مهران بيه جاي زياره هو بنته الانسه ماهي واني معرفتش ارفض الزياره يا خوي
اسد.... في باله والله اني ما مرتاح بس لله الامر من قبل ومن بعد
مروان.... اسد انت روحت فين يا خوي
اسد... ايه يا خوي معاك تمام يا مروان مفيش مشكله ينورو يا خوي انا هخبر الحجه بالزياره وان شاءلله خير
مروان... تمام يا خوي بكره هروح انتظرهم في المطار
اسد... تمام مع السلامه
الحجه بعد قفل اسد.... ايه يا ولدي مين ده اللي جاي زياره
اسد... ده شريكنا الجديد جاي هو بنته يا حجه جهزي غرف لاني هعرض عليهم يفضلو هنا ضيوف في السريا
الحجه....تمام يا ولدي هخلي البنات يجهزو كل حاجة.وتركها وصعد الي الاعلي
في بيت هيام كانت تجلس زينه وهي تطعم ابنتها والخاله هيام معها
ولكن سمعو خبط شديد نوعا ما علي الباب
زينه... يارب استرها ياتري مين
هيام... اهدي يا حبيبتي تلاقي حد عايزني في حاجة اهدي انتي بس اما اشوف مين
فتحت الخاله وجدت محسن يقف وهو يمسح علي شاربه
محسن... كيفك يا خاله
هيام... خير يا محسن عايز ايه
محسن... عايز مراتي يا خاله علشان ترجع بيتها هي وبنتي
هيام... مراتك مين دي ان شاءلله انت بتحلم مراتك مهتخرجش من هنا ابدا وانت روح من قصيرها طلقها
محسن.... استحاله اطلقها وبعدين اني روحت اتاسفت لعمها وهو اجي معايا خرج رجل من رواءه وظهر وجهه الخبيث الذي لا يقل خثه ونداله عن محسن
سيد.... كيفك يا حجه نادمي علي بنت اخوي خلينا نمشي من سكات
تكملت البارت هنا يا قمرات