رواية انت قدري الفصل السادس6بقلم زهراء

فاطمه: اهلا يا ادم..تعالي..كويس جات في وقتك..بالظبط..

ادم: مواعيدي دايما مظبوطه..

فاطمه: اه امال..تعرف دي اول مره تيجي في ميعادك..

ادم ضحك وقال: اه عارف..

رهف دخلت..ودورت عليه بعينها بس مش موجود..

ازيك يا ادم..

ادم: تمام الحمدلله..

رهف: انت بقيت بتيجي لوحدك ولا ايه..

حمزه: لا..انا اقدر اسيبه..لوحده..

رهف اتفجأت لما سمعت صوته ولفت: منا استغربت برضو..

حمزه بابتسامة: دنا طلعت مهم اوي..

رهف اتوترت : لا..دنا بسأل عشان ادم..هييجي لوحده..يعني..

حمزه: طبعا..طبعا مصدقك..

رهف: انا راحه اجيب حاجه وجايه..ومشيت..

حمزه بص عليها وهي ماشيه وضحك..

................................

فاطمه: بجد يا ادم..انا فخوره بيك...

ادم: تسلمي..كلو يرجع ليكي والله..

حمزه بابتسامة: عااش يا صحبي..

فاطمه: يلا نكمل..ايه ده ايه الصوت ده..ده صوت رهف..

حمزه: ايوا فعلا...وفتح الباب و طلع..

رهف: واطي صوتك..متتكلمش معايا بالاسلوب ده..

حضرتك ماضي علي اقرار..بكده

الشخص: هو انتي لسه شفتي حاجه..دنا لسه هعلي صوتي اكتر..وافضحك..

حمزه: تعلي صوتك علي مين وتفضح مين معلش..سمعني كده تاني..

رهف حست براحه..اول ما حمزه جه...

الشخص: وانت مالك انت..كنت محامي ولا حاجه...

حمزه: لا مش محامي بس انا الظابط اللي هحبسك..

الشخص: انا معملتش حاجه...هي اللي خلت امي عاجزه...

رهف: انت بتقول ايه..قلتلك ميت مره..محتاجه علاج طبيعي..انت اللي مش عايز تتعب نفسك وتجيبها..وده الاقرار اللي ماضي عليه ومكتوب فيه كده...

حمزه: اهدي يا رهف..وريني كده..

رهف: اتفضل..

حمزه: كلامك مظبوط..طب وايه اللي المشكله بقي..

رهف: المشكله..ان هو مش عايز يجيبها تعمل علاج طبيعي..وعايز يجيب  السبب  عليا..في اللي حصلها..وهي اصلا من قبلها مش بتقدر تمشي..

حمزه: اممم..بص يا باشا..الورق اللي مع الدكتوره مظبوط..والغلط كله عليك..فبص بقي براحتك عايز تجيب والدتك انت حر..مش عايز انت حر برضو بس ذنبها في رقبتك..بس الكلام اللي قلته للدكتوره ده لازم تتحاسب عليه..

الشخص بخوف: خلاص والنبي..مش هعملها حاجه تاني..

حمزه: بص انت متقدرش..تعمل حاجه اصلا..يلا اعتذر للدكتوره...

الشخص: انا اسف يا دكتوره..حقك عليا..

رهف: انا مش هقبل اعتذارك غير في حاجه واحده.. لوجبت والدتك عشان تتعالج..

الشخص: حاضر من بكره هتبقي عندك..

حمزه: كده تمام..وانت راجل وقد كلمتك..اما نشوف...

الشخص: تمام..يا باشا..

حمزه: ماشي تقدر تتفضل..

الشخص: ماشي يا باشا..مع السلامه..

رهف بصت لحمزه وابتسمت وقالت: انا متشكره..اوي بجد..

حمزه: علي ايه..ده واجبي..

رهف بابتسامة: شكرا..

فاطمه: تسلم بجد اول مره نجيب حقنا..

حمزه: بجد..ليه كده..

رهف بأسف: دايما اهل المريض..ممكن يعلو صوتهم ..ويخربوا الدنيا..وانت لو اتكلمت..تبقي معندكش ذوق ولا رحمه...

حمزه: اي حاجه تحصل بعد كده..رني عليا وانا هاجي اتصرف...

رهف بابتسامة: تمام...

...............................

فاطمه: وبعدين بقي يا طنط مها..خلاه يعتذر لها..

مها:  يسلم..والله راجل..من اول ما شفته وهو دخل قلبي..

رهف: يلا يا فاطمه..انا جهزت..

مها بصلها ومبتسمه..

رهف: مالك يا ماما..فيه حاجه..

مها: ابدا مبسوطه بس...

رهف بصت لفاطمه: فيه ايه انت كمان..

فاطمه: ابدا بقول لطنط..علي اللي حصل انهارده..

رهف: ايه اللي حصل انهارده..

فاطمه وهي بتغمز: حمزه وشهامه حمزه..

رهف برقتلها: منك لله يا شيخه..انتي انضميتي للعصابه...

فاطمه: اه حبيت الموضوع..اووي

رهف: طب يا فاطمه..لو مقمتيش دلوقتي..حالا..هحلف منا خارجه..معاكي في حته..

فاطمه قمت بسرعه: يلا سلام يا طنط..

مها: سلام يا حبايبي..خلي بالكوا من نفسكوا..ربنا يوقفلكوا ولاد الحلال...

رهف: حاضر ويارب يا حبيبتي..

.......................

فاطمه ورهف طلعوا لقوا ادم وحمزه واقفين عند الاسانسير...

فاطمه: ايه ده سبحان الله..

رهف: فيه ايه..

فاطمه: دعوه امك استجابت اهيه...

رهف: دعوه ايه...

فاطمه: اهو ولاد الحلال واقفين اهم..

رهف ضحكت جامد: مش قادره..بجد..دانتي..دماغك سوحتك علي الاخر

حمزه وادم سمعوا الصوت..وبصوا لقوهم..

حمزه بابتسامة: اهلا ازيكوا..

رهف وفاطمه: الحمد لله تمام..

ادم: راحيين فين كده...

فاطمه: راحين المول نشتري شويه حاجات

حمزه: سبحان ايه ايه الصدفه..دي احنا كمان راحين المول... لو كده تعالوا معانا في العربيه..

ادم قرب عليه وقال: مول ايه اللي احنا راحينه..طب والكافيه..

حمزه بهمس: اسكت..

رهف: احنا مش عايزين نتعبكوا معانا..

حمزه: لا مفيش تعب ولا حاجه..ده نفس المكان..

رهف: تمام..

حمزه فتح باب الاسانسير وقال: اتفضلوا..

.............................................

حمزه وهو بيسوق: تحبوا تسمعوا حاجه..

رهف: ممكن..

حمزه شغل الراديو..وفضل يقلب..

رهف: بس سيب البودكاست ده..

حمزه : ايه ده انتي بتحبي البودكاستات..

رهف: اه..اوي..بحس كده بالهدوء والراحه..

حمزه: وانا كمان..

رهف: كويس..اول مره الاقي حد شبهي..كلهم يقولوا لا الاغاني احسن..

حمزه: طبيعي..مش كلنا بنفضل نفس الحاجه..

ادم: وانت يا فاطمه..بتفضلي ايه...

فاطمه ابتسمت وقالت: بحب الشعر جدا..بحسه بيعبر عن اللي في قلبي..

ادم: وبتحبي الخيل..

فاطمه: ايوا جدا..نفسي اجربه اووي..بس انت عرفت ازاي..

ادم: بحس اللي بيحب الشعر بيحب الخيل...عموما صاحبي عنده مكان في خيل..بتاعه هو

فاطمه بفرحه: بجد نفسي اجربه اووي...ممكن تاخدني المكان ده..

ادم: حاضر بس اما اتحسن شويه..

فاطمه: تمام..بس ده وعد..

ادم: اكيد..

.........................................

رهف: وصلنا..اخيرا هعمل شوبينج..

فاطمه: ايوا عايزه اشتري حاجات كتير...

حمزه: تمام...لما تخلصوا رنوا علينا.. واحنا هنستناكوا في الكافيه..

رهف: طيب لو احنا اللي خلصنا الاول..

حمزه: مش هيحصل..اسمعني مني..

رهف: ليه بقي ان شاء الله..

حمزه: دي قاعده معروفه...

رهف: يا سلام..طيب هنشوف مين هيخلص الاول..

فاطمه: انت بتقولي ايه..مش هنعرف..

رهف: خالص..

فاطمه: تؤ..

رهف: خلاص..استنونا في الكافيه..

حمزه وهو بيضحك: ما كان من الاول...يلا نتقابل في الكافيه..

فاطمه: ادم

ادم: حاضر والله مش همشي كتير..

فاطمه بضحك: برافو عليك..

ادم بابتسامة: سلام..

فاطمه: سلام..

.........................

حمزه بص لآدم وغمز: برافو عليك..

ادم وهو بيضحك: دانت بارد...

حمزه: كده يا صحبي..

ادم: قدامي..بلاش دراما...استني صحيح.. مول ايه

والكافيه اللي كنت هموت واجربه..

حمزه: شفت انت برضو..انا اللي عامل عليك..مش انت قلت من يومين عايزين نجيب هدوم..وشويه حاجات نقصاك..

ادم: من يومين ايه دنا بقالي شهرين بقولك..

حمزه: المهم احنا جينا اهوه..مش مهم الطريقه..

ادم: اه ياخويا... استغلني كمان..

.......................................

رهف: ايه رأيك..

فاطمه: توحفهه مووت..علي طرحه برجاندي

هيبقي جامد..

رهف: صح معاكي حق...

فاطمه: يلا بقي عشان..نروح نجيب الشنطه..اللي انا عايزاها..

رهف: تمام..

حمزه: انا زهقت بقالنا..ساعتين قاعدين..بيجيبوا صحه منين..دول..

ادم: مش عارف بجد..

حمزه: استني اما ارن عليها...

رهف: الو

حمزه: الو يا رهف..انتوا فين..

رهف: احنا بنجيب اخر حاجه اهوه..اه دي توحفه يا فاطمه..انتوا خلصتوا ولا ايه..

حمزه: احنا خلصنا في نص ساعه اصلا..

رهف:بجد شطار خلاص..خلصنا اهوه .

حمزه: ماشي يا رهف..سلام..

رهف: سلام..

........................

ادم: ياه اخيرا..عاوز ازرغط..

فاطمه: اتأخرنا عليكوا..

ادم: لا ابدا..ده..لسه الساعه مجتش اتناشر لسه..

فاطمه وهي بتضحك: معلش معلش..

حمزه: ايه يا استاذه رهف..عرفتي ان التأخير عندكوا قاعده..

رهف: احنا سمعتنا بقت وحشه اووي.. صحيح جبتلك هديه...

فاطمه بصت لادم: وانا كمان..

حمزه: هديه..ايه هي..

رهف: غمض عينك..

حمزه: اهوه

رهف: فتح..

حمزه بابتسامة: الله تعرفي انا بدور عليه من بدري..

رهف: وانا كمان برضو..ولما لقيته قلت اجيبلك واحد..تشغله في العربيه..

حمزه بابتسامة: شكرا اوي يا رهف.. مش عارف اقولك ايه...

رهف: متقولش حاجه..دي هديه بسيطه..

ادم: تعرفي اني بحب الكتب بتاعته اووي..

فاطمه: كويس..كنت خايفه احسن ميعجبش..

ادم : لا بالعكس انا بحب كتب الخيال..اوي..متشكر اووي يا فاطمه..

فاطمه: لا ابدا..مفيش حاجه حبيت افاجئك..

ادم: اتبسطت اوي

فاطمه بابتسامة: كويس...

ادم: تشربي ايه بقي..

فاطمه: ممكن عصير مانجا..

ادم: تمام

حمزه: وانت يا رهف..

رهف: عايزه فرواله...

حمزه: لو سمحت.

..........................

سناء: مها تعالي بسرعه..

مها: فيه ايه..

سناء: بصي..راكبين معاهم العربيه..

مها: هما وصلوهم..عيال بتفهم والله...

سناء: يارب قرب البعيد..

مها: يارب..

طلعوا من الاسانسير...

رهف: متشكرين اوي علي التوصيله دي...

حمزه: العفو مفيش حاجه...

فاطمه: معلش علي التأخير..

ادم: لا عادي..غيرنا جو...

رهف: مع السلامه...

حمزه وادم: مع السلامه...

..........................................

سناء بابتسامة: حمد لله علي السلامه يا حبايبي..

رهف: فاطمه امك مالها...

فاطمه: ده هدوء ما قبل العاصفة..هتقوم تعجنا دلوقتي..

مها: تعالوا فرجوني..

فاطمه: لا فيه حاجه غلط...

رهف: حد لعب في الاعدادات باين...

سناء: انتوا لقيتوا تاكسي دلوقتي..

رهف: امم فمهت..

فاطمه: شافونا مش كده..

رهف: اكيد...لا اصل حمزه وادم وصلونا بالعربيه

...كانوا هما كمان راحين المول..

مها بابتسامة: هما وصلكوا وانتوا راحين كمان...

سناء: كتر خيرهم والله..

فاطمه ورهف: اه كتر خيرهم..

فاطمه: يلا يا ماما..اما نطلع..

سناء: يلا سلام يا مها..

رهف: انا داخله انام يا ماما..تعبت اوي..

مها: امال انتي قعدتي جنب حمزه ولا ايه..

رهف: لا يا ماما..مش للدرجادي.. قعدنا انا وفاطمه ورا

مها:امم شاطرين...

.........................................

فاطمه: ادم في الجلسه انهارده..اتحسن اوي..يعتبر عدي الصعب..

رهف: ايوا فعلا..فرحت عشانه..

ساره: ازيك يا رهف.. ازيك يا فاطمه

رهف وفاطمه: اهلا دكتوره ساره...

ساره: بقولك يا رهف..هو مين اللي بييجي مع استاذ ادم ده في الجلسه..بقالي كزا مره بشوفه...

رهف: ده صاحبه..

ساره: منا عارفه اسمه ايه يعني..مرتبط و لا ايه..

رهف: اسمه حمزه..وبعدين ده خاطب..بتسألي ليه..

ساره وملامحها اتغيرت: خاطب مش لابسه دبله وبعدين انتي عرفتي ازاي..

رهف: لا بيلبس دبله...هو انتي متعرفيش اصله جارنا..دنا حضرت خطوبته..

فاطمه واقفه ماسكه نفسها من الضحك..

ساره: بجد..طيب..شكرا يا رهف..

رهف: العفو يا حبيبتي...

فاطمه: حمزه مين اللي خطب..

رهف: دنا قلتلها كده وخلاص ..عشان متلفش عليه انتي عارفه ساره..

فاطمه: طيب وانت مالك..مش يمكن تعجبه..

رهف: اصل انا عامله عليه..وبعدين هي مش استايله..

فاطمه: امم وانت عرفتي استايله كمان..الله يسهلك يا عم..

رهف: بس يا بت..يلا عشان نتغدي جعت...

فاطمه : مصيرك هتعترفي يا رهوفه...

رهف لفت وضحكت علي كلامها...

               الفصل السابع من هنا