رواية بابت بقي بطلي تستغلي منصب ابوكي الفصل السادس6بقلم ليلان سلامة
مين دي يا يزن؟
بص ليها يزن وقال وهو بيضحك:
_ صديقتي!!
لقيتها بتبصلي من فوق ل تحت وقالت:
_ من امتي وانتَ ليك صحاب وكمان بنات و صاحبت بعدي ؟...
_ عادي بقى يا كرامله...
لقيته بتبصلي بقرف وقالت:
_ وانتِ بقى في معهد ايه ولا مكملتيش تعليم اصل بصراحه باين عليكي انك مش قد كدا وبيئه ...
بصتلها بصدمه وقولت:
_ معهد ايه يا بتاعه انتِ انا المُهندسه ميِرال نوح السعدي وايه مش قد كدا دي!!!
_ عادي طب ما انا دكتوره...
اتكلمت وأنا بقلدها وقولت:
_ عادي طب انا دكتوره هو انا اتريقت عليكي ولا حاجه يا بت انتِ وايه بيئه دي بقى انا بيئه يا ب.....
قطع كلامي يزن وقال بسرعه:
_ استهدو بالله بس يلا يا كارما نمشي،اشوفك بليل يا ميرال...
هزيت ليه راسي و مشيت فضل واقف لحد ما مشيت وبعدين مشي......
___________________________
في العربيه:
_ ليه يا كارما كدا؟مش عيب للي قولتيه؟
_ يعني يا يزن من عيب للي هي قالته ونعملها ايه يعني بنت نوح السعدي دي!!
_متعمليش حاجه يا كارما انتِ للي قليتي منها الاول رغم انا متاكد انك عرفاها دا الجامعه كلها تعرفها وتعرف انها بنت نوح السعدي!!!
_ انا مقلتش من حد انا اتكلمت عادي يعني...
_ كارما انا عارفك طب انتِ مضايقه منها ليه هي معملتلكيش حاجه اصل انا شايف نظراتك ليها من اول ما شوفتيها....
_ مش فاهمه انتَ بدافع عنها كدا ليه؟
_ مش بدافع يا كارما بقول الحقيقه....
_ وانتَ صاحبتها امتي بقى؟
أتكلم يزن ببساطه وقال:
_ عادي من فتره...
اتكلمت كارما بغيره وقالت:
_ ودا من امتي بقى وبقى ليك صُحاب و كمان بنات؟وبعدين ملقتش غير بنت نوح السعدي وللي دمروك!!!
خبط يزن الدريكسيون وقال:
_ بس يا كارما مش عايز اسمع!!
لفت كارما وشها ناحيه شباك العربيه وبدات تدمع وقالت:
_ براحتك يا يزن...
___________________________
في البيت:
وصلت البيت ولقيت بابا جريت عليه حضنته وقولت:
_ احلي اب في الدنيا دا ولا ايه؟
_ احلي ميرو دي ولا ايه؟
_ مالك يا بابا مزاجك رايق يعني؟
_ خلاص نرجع تاني بقى...
_ لا يا حاج الطيب احسن ايه للي محسن مزاجك قولي طيب...
_ عمك سلِيم راجع من السفر كمان يومين إن شاء الله...
قومت اتنطت من الفرحه حقيقي بحب سليم جداً اه مش بقول عمي علشان سليم قد مروان أخويا عمي صُغير لسه علىّ عمي دي!!
بوست بابا من خده وطلعت علىّ الاوضه رنيت علىّ يزن علشان كُنت عايزه اقُوله اني عايزه ادخل سبق معاه!!
__________________________
عند يزن:
وصل كارما وطلع معاها البيت عند عم حسن ودخل قال:
_ عم حسن انتَ فين؟
_ انا هنا يا يزن...
راح يزن حضن عم حسن وقال:
_ وحشتني يا حسُونه...
ضحك عم حسن وقال:
_ وانتَ كمان يا حبيبي....
دخلت كارما وهي باين انها متنرفزه فا بص ليها عم حسن بإستغرب وقال:
_ في ايه مالك يا حبيبتي؟
_ مفيش يا بابا...
_ مفيش ازاي انتو شادين مع بعض؟
بصت كارما ل يزن ومتكلمتش فا فهم عم حسن وقال:
_ شديتو مع بعض ليه؟
_ مفيش يا عم حسن والله موضوع تافه معرفش مالها النهارده...
قال كدا و موبيله رن بص وبعدين قال:
_ همشي انا يا عم حسن ولو عوزت حاجه خلي كارما تجيلي..
بص يزن ل كارما وقال:
_ متزعليش مني يا كرامله...
ابتسمت كارما وقالت:
_ مش زعلانه خلاص...
مشي يزن وقال عم حسن:
_ مالك يا دكتوره؟
اتكلمت كارما وهي بتعيط وحكت للي حصل فا اتكلم عم حسن وقال:
_ و ممكن يكونو صحاب بس يا كارما انتِ عارفه ان يزن لي علاقه بيهم اصلاً...
_ بس يا بابا دفاعه عنها ميقولش كدا!!
_ مدفعش عنها يا بنتي وانتِ بنفسك قولتي مكونتيش طيقاها وأنا عارفك لما متكنيش طايقه حد!!
ضحكت كارما وقالت:
_ يعني يا بابا بجد ممكن ميكنش في حاجه بينهم؟
_ مظنش يا بنتي ويزن كان قالي..
_ ماشي يا بابا هروح اعمل الاكل واجبلك الدوا واودي ل يزن اكل...
راحت كارما تعمل الاكل وقالت وهي بتعمل الاكل:
_ يمكن فعلاً الموضوع مش مستاهل و ميكنش بينهم حاجه بس معرفتش اسيطر علىّ مشاعري لما لقيتُه معاها!!!!
____________________________
عند يزن:
رد علىّ الموبيل فا اتكلمت بسرعه وقولت:
_ يزن المسابقه الجايه امتي؟
_ بعد بكره ان شاء الله..
_ طب بص اشتركلي..
_ حلو دا...
اتكلمت بحماس وقولت:
_ ايوا و ننافس بعض واكسبك يا غُول...
_ ايوا وتكسبي من نص الشاره...
_ لا المرادي من اولها متنساش تشتركلي....
_ انتِ شكلك اتعبطي في دماغك اشتركلك ايه يا مُتخلفه انتِ طبعاً لا...
_ لا ليه يا يزن؟
_ خطر عليكي مينفعش طبعاً...
_ يعني مش خطر عليك انتَ كمان؟
_ بس انا هقدر اتصرف لكن انتِ لا!!
_ لا يا يزن هتصرف والله هعرف...
_ لا يا ميرال ومتحوليش علشان لو قلبتي قرد مش هوافق واقسم بالله لو عرفت انك قدمتي هكسرلك رجلك دي انتِ سامعه!
_ طب أمشي بقى وأنا غلطانه اني كلمتك وقولتلك كنت قدمت علىّ طول...
_ طب اعمليها كدا!!وبعدين عايزه تتسبقي اتسبقي معايا انا منغير جو المسابقات يا ستي.....
_ لا مش مقتنعه انا عايزه حيات المنافسه...
_ تقتنعي ولا متقتنعيش دي براحتك لكن مفيش تقديم وهنلعب مع بعض بس!!
_ الصبر يارب....
_ يارب..
_ أمشي يا يزن انا غلطانه اني كلمتك سلام...
ضحك وقال:
_ سلام....
_____________________________
قفلت مع يزن وبعدين روحت صليت وقرات شويه قرآن ونزلت لقيت بابا وماما قاعدين روحت عليهم وقولت:
_ سليم جاي امتى بظبط؟
اتكلمت ماما بتفاذ صبر وقالت:
_ يا بت احترمي نفسك دا عمك ايه سليم دي!!
_ هما كام سنه يا ماما مشي الدنيا....
أتكلم بابا وقال:
_ سليم جاي كمان مثلاً اسبوع ولا حاجه....
لقينا مروان داخل وللي جرى بسرعه وقال:
_ هو سليم جاي؟
_ ايوا...
_ يلا علشان ناكل...
قعدنا ناكل وبعدين أتكلم مروان وقال:
_ أوعي تكوني عملتي مشاكل في الكليه...
_ يا أخي عيب عليك بقى معملتش مشاكل متخافش...
_ مبخفش غير من كلمه متخافش دي....
بصتله بطرف عيني وقولت:
_ فين الشاورما يا مروان؟
بصلي بإستغراب وقال:
_ شاورمت ايه انا قولتلك هجيبلك شاورما؟
_ اه يا مروان قولت بأماره لما قولت عند ام....
أتكلم سليم بسرعه وقطع كلامي وقال:
_ عيوني ليكي يا حبيبتي انا ليا غيرك....
بصلنا بابا بإستغراب وقال:
_ انا مش مرتحلكو انتو الاتنين...
اتكلمت وقولت:
_ يعني يا بابا اتنين اخوات بيحبو في بعض!!
أتكلم بابا بسخريه وقال:
_ اه وانتو يا حبايبي الحب مقطع بعضه....
اتكلمت ماما وقالت:
_ خلاص احنا علىّ الاكل اسكتو....
خلصنا اكل وروحت ل بابا وقولت:
_ بابا...
_ قولي علىّ طول يا ميرال مش ناقص انا...
_ انا نازله....
_ والمطلوب؟
_ توافق صدقني مش هتاخر زي المره للي فاتت...
اتكلمت ماما وقالت:
_ بصراحه يا نوح من ساعت آخر مره وهي مش بتتاخر....
بصلي بابا وقال:
_ ولو اتاخرتي؟
_ اعمل للي انتَ عايزه فيا!!
_ تمام...
_ ايه موافق؟
_ اممممم...
مسكت إيده و هزيته جامد وقولت:
_ قولي موافق موافق موافق...
_ موافق غوري من هنا يلا...
_ انتَ بتطردني يا حاج...
_ اه واتكلم علىّ الله بقى..
طلعت اوضتي وغيرت ونزلت وصلت مكَان السبق وكالعاده لقيت يزن لوحده نزلتله وقولت:
_ فكرت؟
كان مديلي ضهره رد وهو علىّ نفس وضعه وقال:
_ مش قادر اديكي رد....
قعدت علىّ اول سلمه قبلتني وقولت:
_ ليه بتحاول تبوظ حياتك وشخصيتك معانك مش كدا باين عليك طموح!!
وقف قدامي وربع إيده علىّ صدره ومال بجسمه علىّ السور وقال:
_ كُنت طموح كُنت!!
_ مفيش كُنت تقدر تبقى دلوقتي!!
_ دلوقتي خلاص فات الأوان...
_ مفتش حاجه انتَ للي مُقتنع ب دا!!
_ مقتنع بالحقيقه!
_ لا دي مش الحقيقه الحقيقه اننا لو وقفنا حياتنا علشان حد مات كُلنا مش هنعيش كلنا هنبقى فاشلين يا يزن الحياه هتبقى وحشه اوي!!
_ بس دا مش حد دا أبويا!حاسس اني اتصدمت خبر موته مع خبر للي حصل في شركه اخوه حاسس اني اتكسرت انا اتغدر بيا من اقرب الناس ليا،محدش كان معايا في وقوعي محدش كان معايا اصلاً انا بقى عندي برود غير طبيعي في مشاعري...
_ وأنا معاك نقدر نغير كُل دا...
_ متحاوليش مفيش امل فيا؟!
_ لا هفضل احاول واثقه اني هغيرك!!
_ طب وانتِ ايه استسلمتي؟
_ مستسلمتش بحاول!!
_ أفضلي حاولي لحد ما يوافق متتنزليش..
_ طب ما انتَ اتنازلت...
_ انا غير قصتنا مش واحده!!
_ يمكن مش واحده بس النتيجه واحده!!
_ متهيألك!!
_ ممكن تبدأ حياتك من جديد يا يزن؟
_ آسف مش بحب ازعلك بس مش هقدر عجباني حياتي كدا!!
_ حياتك ايه يا يزن انتَ بتسمي دي حياه؟
_ لا بس عجباني بعمل حاجه مريحاني...
_ مقولتش تبطل تعملها بس مش تبقى حياتك بالشكل دا انتَ بدمرها!!
_ هي مدمره لوحدها كفايا يا ميرال؟!
_ بص هديك فرصه تفكر وتراجع حسباتك بس اوعي تكون فاكر اني يأست انا هفضل وراك لحد ما توافق!!
بصلي وابتسم فا قولت:
_ ايه هنفضل كدا قولتلك ايه قبل كدا؟
قال وهو بيقلدني:
_ اكتر حاجتين بكرهم في حياتي يا يزن النكد والملل النكد انك مبتتكلمش والملل اننا مبنعملش حاجه...
قال كدا ونزل مسك البايك وشاولي نزلت وانا بضحك وبدا يعلمني حجات اكتر ونهزر ونضحك ونعمل سباقات وهو يكسبني و يسبني اكسب لحد ما تعبت وقولت:
_ خلاص يا يزن مفيش حيل العب تاني...
_ وقال عايزه تدخلي سباقات...
_ عندك حق انا مش بتاعت الكلام دا....
اتنهد يزن تنهيده طويله وقال:
_ متزعليش من كارما هي بنت طيبه وغلبانه....
بصيتله بقرف وقولت:
_ متجبليش سيره البت دي سُبحان من ألهمني الهدوء علشان كُنت هاجبها من شعرها...
ابتسم يزن وقال:
_ انتِ هتقوليلي خت البت ومشيت قبل ما تعملي فيها حاجه....
قربت منُه وقولت:
_ قصدك أيه بقى؟
_ اهدا يا باشا قصدي حلو...
ضحكت وبعدين طلعت اتشوكليت وقسمتها فا إتكلم يزن وقال:
_ تعرفي يا ميرال اتعودت علىّ وجود الاتشوكليت عارفك بقالي اكتر من شهر وكل يوم لازم ناكل وتقسمي......
_ ايوا وبجيب واحده بس علشان نبقى كلنا عيش وملح من نفس الطبق.....
ضحك يزن وقال:
_ انتِ فصيله اقسم بالله...
_ تعرف حاجه!
_ ايه؟
_ عمرك ما هتلاقي حد زيي يفرفشك كدا....
_ للامانه اه بصراحه بتفصليني بجنانك...
_ انا مش مجنونه يا يزن....
_ انتَ عم الناس يا باشا....
ضحكت وعدا حوالي اسبوع كان الأسبوع دا يزن بياخد كارما من الكليه واشوفه و ارخم عليه ونضحك واول ما اشوف كارما استأذن وامشي وبليل اروح اقابل يزن ونتكلم شويه...
لحد ما في يوم في الكُليه كنت طالعه من المحاضرات لقيت سليم واقف ساند علىّ العربيه وطلعت أجري بكل قويتي عليه وقولت:
_ سولي حبيبي وحشتني اوي اوي بجد...
_ وانتِ وحشتيني أكتر يا حبيبتي عامله ايه؟
اتكلمت بقمصه وقولت:
_ الحمد لله متغبش تاني يا سليم بجد..
_ انا مش هسافر تاني هستقر هنا في مصر...
_ بتهزري يا سليم والله...
ضحك وقال:
_ والله ما بهزر وكمان هقعد معاكو أبوكي مش راضي يسيبني...
_ دا احلي بابا والله ايوا بقى يا سولي ونقعد نسهر مع بعض....
ضحكنا وبعدين ركبت العربيه مع سليم وروحت....
دخلت انا وسليم البيت لقيت مروان قاعد ولما شاف سليم طلع جري عليه حضنه وقال:
_ وحشتني يا عمي والله...
_ انتَ اكتر يا حبيبي عامل ايه وعامل ايه في شغلك؟
_ الحمد لله...
_ طب الحمد لله..
لقينا ماما بنادي علينا علشان الاكل روحنا قعدنا ناكل وبعد شويه قعدنا مع بعض وماما وبابا طلعو نامو قولت ل سليم:
_ تيجي نقعد في الجنينه و نجيب شيبسي واتشوكليت وحاجه حلوه.....
_ يلا بينا يا حبيبتي....
أتكلم مروان وقال:
_ طب وانا طيب...
_ انتَ عندك شُغل للي عنده شُغل مبيسهرش....
_ طب ما انتِ عندك جامعه ومحدش أتكلم...
_ انتَ ظابط افرض لبست القواضي في بعض و جبت مشاكل بقى......
بصلي وقال وهو بيقوم:
_ انا هقوم علشان تعبان هموت وانام وانتِ حسابك معايا بعدين علشان مش فايقلك...
سهرت انا وسليم وفضلنا نتكلم كتير وهو حكالي عن البنت للي بيحبها.....
عدا حوالي تلت شهور علىّ وجود سليم ومبسوطه جدا بروح الكليه الصبح واسلم على يزن واروح مع سليم وبليل اروح ل يزن للي متغير معايا بقاله فتره وبليل ارجع اسهر انا وسليم وساعات انا وسليم و مروان....
في يوم لبست ونزلت علشان اروح ل يزن وصلت مكان السبق لقيته تحت كالعاده روحتله وقولت:
_ مالك؟
رد منغير ما يبصلي وقال:
_ مفيش كويس...
_ مش فاهمه انتَ متغير معايا بقالك فتره لو عملت حاجه ضايقتك قُولي....
_ معملتيش حاجه عادي..
اتكلمت بعصبيه و نفاذ صبر من طريقته وقولت:
_ يزن هو في ايه بجد انتَ رجعت تاني تبقى بارد ليه كدا؟
لقيتُه هبد للي كان في ايده علىّ الأرض وقال بعصبيه وحده:
_ تقدري تقوليلي مين للي انتِ كُل شويه تحضنيه و وحشتني ويا حبيبي ومعرفش ايه مش دا حبيبك بردو طب انتِ موجوده معايا هنا ليييييييييه؟!!