رواية بابت بقي بطلي تستغلي منصب ابوكي الفصل السابع7بقلم ليلان سلامة
تقدري تقوليلي مين للي انتِ كُل شويه تحضنيه و وحشتني ويا حبيبي ومعرفش ايه
مش دا حبيبك بردو طب انتِ موجوده معايا هنا ليييييييييييه؟!!
بصتله بصدمه واستغراب ومشاعر كتير متلغبطه وقولت:
_ مش فاهمه هُو دا للي مغيرك معايا؟
بصلي بسُخريه وقال:
_ ميرال انتِ بتحبي واحد دلوقتي وشكلك مرتبطه!!
اتكلمت بإستعباط وقولت:
_ وفيها ايه مش فاهمه؟
_ للي فيها ايه!!
لقيته مسح وشه ب كف إيده وقال بتفاذ صبر وعصبيه:
ميرال انتِ بتحبي واحد بجد؟
اتكلمت وأنا بحاول مضحكش وابقى جد وقولت:
_ وانتَ متعصب ليه دلوقتي؟
_ ملكيش دعوه اتفضلي ردي علىّ سؤالي.....
_ اه بحبُه بحبُه اوي ومقدرش أعيش منغيرُه ارتحت؟
بصلي بصه طويله وقال:
_ ياريتني ارتحت...
وبعديها لقيته واخد بعضُه وماشي طلعت أجري وقفت قُدامه و قعدت اضحك أتكلم بصوت عالي و نرفزه وقال:
_ أوعي من وشي انتِ بتضحكي علىّ ايه؟
مردتش عليه ومكمله في ضحكي فا حاول يمشي وقفت قدامه فا قال بعصبيه:
_ أوعي من وشي بقى يا ميرال...
_ يزن انتَ صدقت بجد؟
_ صدقت ايه؟
_ اني بحب واحد؟
_ مش فاهم؟
اتنهدت وقولت:
_ يزن للي انتَ بتتكلم عليه دا عمي!!
بان علىّ وشه ملامح الاستغراب وقال:
_عمك ازاي مش فاهم؟
_ للي عمي ازاي عمي اخو أبويا...
_ بس دا صغير اوي...
_ ايوا هو صغير فعلاً....
سكتنا روحت قعدت علىّ سلمه لقيتها في وشي جه وقعد جمبي و الدنيا كانت بتشتي فا قولت:
_ الجو حلو اوي...
_ فعلاً...
_ انتَ مالك كُنت متعصب اوي يعني؟
_ ها أنا؟
_ اه متلفش وتدور ...
_ مبلفش وادور...
_ يزن انتَ كُنت غيران؟...
_ انا بحبك!...
بصيت لي بصدمه وأنا متلغبطه فا قال:
_ معرفش ازاي وامتي وليه بس انا بجد برتاح ل وجودك بقالي سنين محستش الاحساس دا....
فضلت بصاله في عينُه حسيت انُه سيكه مُرتبك ومش مرتب الكلام وحسيت بصدق ولمعه في عيُونه غُراب.....
_ عارف انك اكيد اتصدمتي ومش مستوعبه حالياً بس انا مكُنتش قادر اكتم اكتر من كدا انتِ الحاجه الوحيده للِي بحب يُومي عشانها علشان عارف انك هتيجي و تغيريلي مودي مش مستني منك اي رد دلوقتي انا قولت للي في قلبي بس.....
_ يزن انا مش عارفه...
قاطعني وقال بسُرعه:
_ والله ما مستني اي رد زي ما قولتلك قولتلك اني برتاح ل وجودك فا قولت للي في قلبي زي ما بتقوليلي دايماً،تيجي نروح البحر في الجو دا....
_ موافقه جداً....
لقيته قلع الجاكيت بتاعه وادهولي فا اتكلمت وقولت:
_ ايه دا؟
_ خدي البسيه الجو برد وانتِ مخففه.....
مقدرتش اناهد معاه وفعلاً خته ولبستُه روحنا البحر في الشتا دا وخدنا كُرسيين و جاب شويه خشب وولع نار وقعدنا فا قُولت:
_ ممكن تحكيلي شويه عن حياتك زمان؟
اتنهد تنهيده طويله حسيت انه بيهيئ نفسُه انه يرجع ماضيه للي بيوجعه وقال:
_ حياتي كانت عاديه كُنت عايش مع ابويا بعد وفاه امي للِي مشوفتهاش أبويا فضل حزين علىّ امي عُمره كله كان بينهم قصه حُب كبيره بس للاسف حصلها نزيف وهي بتولدني واتوفت عشت مع ابويا الله يرحمه وكان بيحاول يعوضني دايماً انا بحبه اوي وشاكر لي علىّ كل حاجه عملها......
لقيت يزن بدأ يمشي كفوف ايده علىّ درعاته وقال:
_ بس انا كنت محتاج امي اوي افتقدتها في حياتي انا مُفتقد الاحساس دا اوي كُنت بشوف صورها هي و ابويا واشوف الحُزن للي في عيون ابويا ببقى نفسي اهون عليه مره وانا صغير دخلت عليه اوضته لقيته ماسك صوره ماما وبعيط ومنهار شوفت ابويا كدا اتفزعت وأنا صغير كان بنسبالي ابويا مصدر دعمي وهو قويتي عمري ما شوفته مكسور لدرجادي سعتها قولتله ياريتني ما جيت انا السبب في موت امي والسبب في للي حصلك ساعتها حضني جامد اوي وقالي كلام طمني وطمن قلبي الذكرى دي عُمري ما نسيتها في حياتي ابويا دايماً كان بيهون عليا كتير وشالني كتير كان يروح شغله و يحضرني للمدرسه ويجي يعملي اكل ويذاكرلي ويرتب البيت و ينيمني كان بيعملي كل حاجه ابويا كان حياتي كُلها موته كسرني كسره انا لحد النهارده مش قادر افوق منها ذكرى موته كانها امبارح.......
ضحك ضحكه كُلها وجع وكسره وهو بيهز راسه وقال:
_ تخيلي تبقى في امتحان في الكُليه ويجيلك خبر وفاه ابوك وانتَ بتمتحن وكنتو الصبح سوا و بتضحكو وكل حاجه زي الفُل....
بصيت ليه ودمُوعي بتنزل عليه مهما الوجع للي جوا كبير وانا متأكده ان للي قاله دا جُزء من للي فقلبُه معرفتش اقول ايه بس فضلت بصاله رفع راسه ليا حاولت اطمنه بنظراتي فا قال:
_ متعيطيش مفيش حاجه مستهله دمُوعك دمُوعك غاليه...
اتكلمت وأنا بعيط وقولت:
_ بس دا دموعي عليك!
_ حتي لو عليا دموعك متنزلش ابداً...
لقيتا الشتا زاد بطريقه رهيبه فا اتكلمت بجنون و انا متحمسه:
_ يبقى دا وقت الايس كريم...
ضحك يزن وجه ورايا فا قولت:
_ هعزمك انا بقى...
_ انتِ مُخك اتلسع ولا ايه؟
_ ليه؟
_ بس يا ماما بس...
مشي وراح جاب أيس كريم و اداني واحده وقال:
_ وانتِ بقى ايه حكايتك مع ابوكي و ميكانيكا!!
_ المكانيكا دي حلمي انا بحب العربيات بجنون نفسي اشتغل فيها بس بابا رافض رفض تام....
_ متستسلميش وأنا معاكي....
ابتسمت و لأول مره اشوف يزن بعيُون تانيه وجوايا مشاعر كتير متلغبطه..................
_______________________________
روحت غيرت وقعدت افكر في كلام يزن قطع أفكاري خبط علىّ الباب روحت فتحت وكان سليم بصلي وقال:
_ مالك يا حبيبتي؟
_ مفيش يا سولي...
_هعمل مصدق تعالي تحت في الجنينه واحكيلي هنزل اعمل اتنين هوت شوكلت هزيت راسي ليه وهُو نزل وانا قفلت الباب....
نزلت لقيت سليم قاعد في الجنينه قعدت جمبه فقال:
_ مالك يا حبيبتي شكلك مش مظبط؟
_ عادي يا سليم...
_ عليا انا بردو ميرال انا مش بس عمك انا أبوكي واخوكي وكُل حاجه احكيلي انتِ مش واثقه فيا؟
_ لا طبعاً يا سليم ايه للي بتقوله دا انتَ عارف اني مش بثق غير فيك و انتَ عارف اني دايماً بحكيلك كُل حاجه وانك قريب مني.....
_ طب ايه للي مضايقك يا حبيبتي انا موجود وسامعك؟
حكيت ل سليم كُل حاجه من اول يوم شوفت يزن فيه لحد النهارده وللي حصل...
ابتسم سليم ابتسامه جانبيه غريبه وقال:
_ وانتِ احساسك ناحيته ايه؟
بصيتله بتفكير وقولت:
_ حقيقي مش عارفه بس انا ببقى مبسوطه معاه مش بحس اني مضايقه!!
_ وانتِ رديتي علىّ نفسك يا ميرو....
_ مش فاهمه...
_ بس انا فاهم وفاهم انك جواكي مشاعر لي...
_ وانتَ عرفت ازاي؟
_ من إجابتك قولتي انك مبسوطه معاه!
_ و اي حد مبسوط مع حد يبقى بيحبه!!
ابتسملي ابتسامه طمنتني ومسك كف إيدي وقال:
_ منغير اي اجابه منك يا ميرال انا فاهمك وكُل كلامك معناه إن جواكي مشاعر لي طب ليه عيطي لما حكى ماضيه؟
_ عادي صعب عليا!
_ ميرو حبيبي ممكن تسيبي لقلبك فرصه هو يفهم عايز ايه!
_ ازاي؟
_ يعني للي انا شايفه حالياً انك بتحكمي بعقلك يا ميرال وقلبك انتِ مش سمعاه اصلاً...
_ فعلاً؟
ضحك سليم ضحكه خفيفه وضم كف إيدي ل صدره وقال:
_ حبيبتي افهمي نفسك مضيعيش نفسك علشان اوهام في عقلك مش صح!!
بصيت في نقطه وسرحت فوقت لما سليم قال:
_ قومي يا ميرو يلا نامي و فكري في للي قولتهولك ماشي؟
هزيت راسي وطلعت و قعد افكر في يُومي النهارده مع يزن كان غريب اوي بس غلبني النوم من التعب......
______________________________
عند يزن:
روح وقعد وخد صوره باباه وقال:
_ اعترفتلها بحُبي النهارده،مش كنت دايما لما نقعد انا وانتَ وتيجي سيره الحُب و سيره امي تقعد تنصحني وتقولي متشيلش حاجه في قلبك؟ولاول مره احس اني بدأت ارجع للحياه تاني وبدات احس اني بتعافى رغم تعبي........
دخل يزن نام....
_____________________________
صحيت الصُبح لبست علشان اروح الجامعه نزلت لقيتهم بيفطرو فا روحتلهم وأنا بسحب كرسي علشان اقعد وقولت:
_ عائله خاينه والله بتفطرو من غيري مكنش العشم....
بصلي بابا بقرف وقال مروان:
_ محدش قالك تفضلي نايمه كل دا....
_ الا بقولك ايه يا مروان فين الشاورما هاا بقالك تلت شهور مجبتهاش....
جز مروان علىّ سنانه وقال:
_ يا عيون مروان بليل تكون عندك احلي شاورما....
قومت علشان أمشي قصدت اعدي من جمبه فقال بهمس منغير ما بابا ياخد باله وقال:
_ دا انا هوريكي هطلع عليكي القديم والجديد....
طلعت برا وانا شبه بجري قبل ما مروان يمسكني لقيت سليم ورايا وقال:
_ يلا بينا علشان أوصلك...
هزيت راسي ليه وركبنا العربيه ونزلت و سليم مشي قعدت ادور بعيني علىّ ملك صاحبتي ملقتهاش جايه ألف سمعت صوت يزن وهو بيقول:
_ بتدوري علىّ حد؟
_ اه علىّ صاحبتي...
اتكلم يزن وهو بيمثل القمص وقال:
_ وأنا للي فاكرك هتقولي بدور عليك يا يزن..
ضحكت وقولت:
_ بتعمل ايه هنا؟هنا مش كليه الطب...
_ مالك بتشدي علىّ كليه طب؟
_ ها وأنا هزعل ليه؟
أتكلم بخبث وقال:
_ شوفي نفسك بقى...
_ متغيرش الموضوع...
_ المهم يا ستي اقتنعت بكلامك وهرجع الكليه...
صوت في نص الكليه لدرجه اغلب الناس بصت عليا لقيت يزن بيقول:
_بس يا بت هتفضحينا....
_ معلش خدني الحماس...
_ فكرت في كلامك ولقيت عندك حق...
_ يا أخي اخيراً ازغرطلك طيب في نص الكليه...
_ طب اعمليها كدا...
_ يا عم متبقاش قفوش...
اتكلمت وأنا شبه بصوت وأنا ببص في الساعه وقولت:
_ المحاضرات...
قولت كدا وطلعت أجري...
ضرب يزن كف بكف وهو بيضحك وقال:
_ مش عارف ايه للي خلاني اتهبل في عقلي واحبك....
___________________________
دخلت المحاضره لقيت ملك قاعده طلعتلها وقولت:
_ بقى عماله ادور عليكي وانتِ قاعده سنيوره برنسس مستريحه!!!
_ مكنتش اعرف انك جايه...
_ علىّ اساس اني بغيب اوي مكنش اسبوعين يا ملك...
ضحكت ملك وحضنتني وقالت:
_ أنتِ حبيبتي...
ضحكت وبدا الدكتور يشرح و الدكتور دا مش بفهم منه حاجه و حاطتني في دماغه معرفش ليه!سندت راسي وانا بحاول انام...
فجاءه قومني الدكتور وقال:
_ ايه يا ميرال اجبلك بطانيه ولا حاجه وتنامي هنا؟
لقيت المدرج كُله بيضحك اتحرجت فا إتكلم الدكتور وقال:
_ انا كنت بقول ايه يا ميرال؟
_ حضرتك كُنت بتتريق وبتقول هتجبلي بطانيه معني ذالك اني مش مركزه!!!
_ وأنا المفروض افهم بقى معني ذالك صح؟!
_ مش قصدي يا دكتور..
_ قصدك ولا مش قصدك اتفضلي يلا اطلعي برا ومشوفش وشك وكدا كدا متقلقيش انتِ ساقطه....
قال كدا ولقيته بيبتسم ابتسامه سمجه ف قولت وأنا بسحب شنطتي:
_ قال يعني المُحاضره فاهمه حاجه اوي...
اتعصب الدكتور وقال:
_ طب اتفضلي بقى علىّ مكتب العميد وأنا جاي دلوقتي وهوقف الشرح على زمايلك....
_ حضرتك اشرحلهم عادي...
لقيته بدأ يزعق وصوته علي وقال:
_ هنروح للعميد و وريني هتنجحي ازاي...
مشيت طلعت برا لقيته جاي ورايا فا اتكلمت بثقه وقولت:
_ انا بنت نوح السعدي بمكلمه تيليفون أنجح وأنا نايمه في بيتنا....
زعق الدكتور وحرفيا كانت اغلب الجامعه موجوده وقال:
_ انتِ مش مُحترمه اساساً وريني بقى هتنجحي ازاي....
ببص لقيت يزن جاي عليا بخضه وقال:
_ في ايه؟
_ دا دكتور مستفز يا يزن بيقولي انا كدا كدا ساقطه بقوله اني بنت نوح السعدي وبمكالمه تيليفون أنجح وأنا في بيتنا قام مزعق...
لقيت يزن برقلي بعينه وقال للدكتور:
_ معلش يا دكتور حقك عليا انا دي بت اساسا دماغها تعبانه اه والله هبله...
_ انا مش هبله يا يزن...
بصلي يزن بتوعيد ونظره كلها تهديد وقالي بهمس:
_ اسكتي انتِ خالص دلوقتي...
فا كمل يزن كلامه للدكتور وقال:
_ حقك عليا انا يا دكتور ولو عملت كدا تاني وديها عند العميد...
_ لا دي بت مش محترمه....
ببص لقيت يزن غمض عينه وهو بيحاول يتحكم في عصبيته وقال:
_معلش يا دكتور نلم الموضوع المرادي حضرتك شايف الجامعه كلها بتتفرج علينا وصدقني انا اعرف ابوها هقوله يربيها ومش هتدخلك محاضره تاني....
_ خلاص أدام كدا ماشي...
بصلي الدكتور بغضب ومشي فا قولت ل يزن:
_ بقى أنا هبله وتعبانه في دماغي يا يزن؟؟؟
_ دا كان ممكن يديكي فصل يا ميرال الدكتور دا مبيهزرش احمدي ربنا ان الموضوع اتلم...
_ عندك حق دا كان بابا نفخني فيها...
ضحك يزن ولقيت كارما جايه علينا نفخت بضيق جت وقالت ل يزن:
_ مش يلا بقى علشان انا زهقت...
_ طيب يا كارما روحي العربيه وانا ثواني وجاي...
_ لا يا يزن يلا علشان اتاخرنا علىّ بابا مش معقول...
_ خلاص يا ميرال معلش همشي انا علشان عم حسن...
_ ماشي ربنا معاك....
قرب يزن مني وبعدنا عن كارما حته صغيره وقال:
_ هتروحي ازاي؟
_ سليم هيجي ياخدني..
لقيته اتحولت تعابير وشه وقال:
_ سليم مين؟
_ عمي يا يزن..
_ امممممم...
_ ايه؟
_ مفيش طب هتعملي ايه دلوقتي؟
_ مفيش هرن عليه اقوله خلصت...
_ طب اوصلك انا طيب...
_ لا طبعاً و انتَ مش شايف هي مش طيقاني ازاي...
نفخ يزن وقال:
_ طب رني عليه يا ميرال انجزي...
رنيت علىّ سليم ورد علىّ طول وقولت:
_ سولي انتَ فين؟
_ جايلك دلوقتي متقلقيش هستناكي تخلصي...
_ انا خلصت...
_ طب مقولتليش ليه من شويه انك هتخلصي؟
_ معلش والله مركزتش...
_ طب خلاص أنا داخل عليكي...
قفلت مع سليم وبصيت ل يزن وقولت:
_ داخل عليا دلوقتي...
بصلي يزن وقال وهو بيقلدني:
_ سولي انتَ فين؟!
ضحكت وبعدين لقيت كارما قربت وقالت:
_ ايه يا يزن هنفضل واقفين ل الصبح؟
_ لا يا كارما جاي اهو يلا بينا...
_ أمشي يا يزن متقلقش عليا للي هيعمل حاجه أكله ومتقلقش محدش هيقرب عارفين اني بنت لوا...
ضحك يزن وقال:
_ انتِ هتقوليلي...
مشي يزن ومعداش وقت كبير ولقيت سليم جه ركبت وروحنا بليل لقيت مروان داخل ومعاه شاورما رمالي الكيس وقال:
_ اهو علشان تهمدي شويه بقى..
ضحك سليم وقال:
_ هو ايه حوار الشاورما دا صحيح...
حكيت للي حصل لسليم وللي مبطلش ضحك وقالي:
_ استغلي بقى يا ميرو في اي حاجه تعوزيها اخوكي سداد...
أتكلم مروان باسف وقال:
_ وأنا للي اقول دا انا مليش غير عمي سليم وانت طلعت خاين...
ضحكنا وبعدين طلعت اوضتي غيرت ونزلت وكالعاده روحت ل يزن لقيتُه المرادي سرحان وواقف وساند جسمه على السور وقفت جمبه وقولت:
_ مالك؟
_ ميرال عايز أسألك سؤال وجاوبيني بصراحه...
_ اكيد قول...
أتكلم بتردد وقال:
_ بتحبيني؟أو علىّ الاقل حاسه ب اي حاجه ناحيتي وقولي الصراحه متقلقيش عليا!!
_ مقدرش اقولك اني حساها صريحه بس للي اقدر اقول ببقى مبسوطه معاك والوقت بيعدي بسُرعه....
لقيته ابتسم وقال:
_ طب انا كُنت عايز اجي اخطبك انا رجعت ل تعليمي تاني وهشتغل وارجع ل طموحاتي واحلامي من تاني....
بصيتله بصدمه منكرش اني فرحت جداً وقولت:
_ طيب...
_ طيب ايه كلمي باباكي قوليله...
ضحكت وقولت:
_ اكيد مش دلوقتي لما اروح هفاتحه في الموضوع...
طلعت الاتشوكليت وقسمتها بيني وبينه ضحك وقدينا يومنا ضحك وسباقات.......
______________________________
روحت وبعدين طلعت اوضتي غيرت هدومي و روحت ل بابا وقولت:
_ بابا عيزاك في موضوع..
_ خير يارب...
_ كل خير والله في عريس عايز يتقدم ليا...
قال بابا بإستغراب:
_ ومين للي امه داعيه عليه؟
_ يا بابا بقى...
ضحك وقال:
_ مين يا حبيبتي؟
_ يزن..
بصلي بابا بصدمه وقال:
_ يزن، يزن مين ابن اخو كريم صاحبي؟
فكرت في إيدي بتوتر وقولت:
_ ايوا هو...
_ طب خلي يجي بكرا؟
_ بكرا...
_ ايوا...
طلعت اوضتي بحماس رنيت علىّ يزن وقولتله معاده مع بابا بكره ان شاء الله...
_____________________________
عند يزن:
خبط علىّ عم حسن فتحت كارما وقالت:
_ ازيك يا يزن...
_ الحمد لله يا كرامله وانتِ عامله ايه؟
_ الحمد لله...
_ امل فين عم حسن...
_ جوا ادخله...
دخل يزن وباس راس عم حسن وقال:
_ عندي ليك خبر هيفرحك...
_ قولي يا حبيبي...
_ انا هخطب...
ابتسم عم حسن وقال:
_ ومين سعيده الحظ دي بقى؟
_ ميرال...
بلع عم حسن ريقه بصعوبه وقال:
_ ميرال مين؟
_ ميرال نوح السعدي!!
أتكلم عم حسن وهو مش قادر يستوعب وقال:
_ يعني انتَ عايز تخطب بنت نوح السعدي؟!
كانت داخله كارما وسمعت عم حسن وهُو بيقول كدا وقعت كوبايه العصير من ايديها فا قام يزن رحلها وقال:
_ خلي بالك يا كارما ابعدي شويه.....
حاولت كارما تتكلم و اتكلمت بصعوبه وقالت:
_ لا خليك هشيله انا.....
وفعلاً بعد يزن وقعد تاني وبعدين كارما رجعت قعدت معاهم وقال بإبتسامه:
_ مش هتبركيلي...
حاولت كارما علىّ قدر ما تقدر تمثل وقالت:
_ اباركلك علىّ ايه؟
_ انا هخطب...
_ ايه دا بجد مبروك...
قال يزن بمرح:
_ مش هتسالي مين؟
_ اكيد البنت للي كنت واقف معاها النهارده وللي انا اتخنقت معاها.....
ضحك يزن وقال:
_ هو باين عليا اوي كدا؟
_ يعني اه....
_ عقبالك يا كرامله،همشي انا بقى يا عم حسن وخليكو جاهزين في المعاد...
_____________________________
عند عم حسن:
أتكلم باسف وقال:
_ مش عارف اقولك ايه يا بنتي بس شيليه من قلبك هو خلاص قلبُه مش ملكه دلوقتي.....
اتكلمت كارما بعياط وكانت بتاخد نفسها بالعافيه وقالت:
_ يعني ايه يا بابا بجد هيتجوز غيري انا كنت حاسه والله من طريقته معاها بس انتَ طمنتني وقولتلي لا....
أتكلم عم حسن وهو بياخدها في حضنه وقال:
_ انسيه يا بنتي انتِ متستهليش وجع القلب دا انتِ تستهلي واحد يحبك وتبقى انتِ كُل حياته....
_ انساه ازاي يا بابا؟دا حُب طفولتي و مراهقتي وشبابي دي جُمله سهله قلبي وجعني اوي يا بابا مكنش سهل علىّ اسمع الجُمله دي ازاي يتجوزها وتفضل طول الوقت قدامي عيني حاسه اني بتكوي بنار لما يكون بس قُدامها تخيل يتجوزها هي و هتبقى هي مراته و ام عياله وكل حياته انتَ مش متخيل يا بابا يزن بيبقى مبسوط معاها ازاي انا حسيت،انا حلمت وهى نفذت....
ضم عم حسن كارما اكتر وقال:
_ بس يا حبيبتي اهدي خالص وربنا هيعوضك بحد انتِ تحبيه وهو يحبك وتكوني كل حاجه بنسباله.....
مسحت كارما دموعها وقالت:
_ بابا خلي ميتجوزهاش!!
_ لا طبعا يا كارما دي حياته هو وهو حُر مقدرش اكسر ب قلبه يا بنتي حتي لو على سعادتك،قومي يلا اغسلي وشك وشوفي هتلبسي ايه بكرا ان شاء الله.....
________________________________
كنت قاعده مستغربه علىّ استعجال بابا وانه خلى يزن يجي بكرا بس مهتمتش و لقيت الباب بيخبط ودخل منه سليم وقعد على السرير وقال:
_ سمعتي ل قلبك؟
بصتله بإستسامه وامتنان وقولت:
_ ايوا شكراً يا سليم علىّ وجودك انا بحبك....
قام سليم نكش شعري بخفه وقال:
_ يا بت في بنت تقول لعمها حبيبها شكراً...
ابتسمتله فا كمل وقال:
_ هتبقى احلى عروسه...
دخل مروان بسرعه الاوضه واتخضينا انا وسليم أتكلم مروان وقال:
_عايزه تتجوزي يا ميرال وتسبيني ومين يقرفني في حياتي دلوقتي؟
_ مش انتَ لسه داعي عليا يارب تتجوزي وتغوري....
راح مسك راسي وضمني ليه وقال:
_ اقسم بالله لو اعرف انها هتستجيب بالسرعه دي مكنتش داعيت.....
ضحكت وقال مروان:
_ اشمعنا يزن يا ميرال متقوليش عرفت منين بابا قالي؟
_ حقيقي مش عارفه بس مرتاحه....
ابتسم مروان بخفه وسليم عملي بايباي وطلعو وأنا نمت.....
_____________________________
تاني يوم:
صحيت مروحتش الجامعه النهارده قومت صليت وقرات قرآن والأذكار وقومت ألبس علىّ ما يزن يجي كنت متحمسه ومبسوطه ومكسوفه ومتوتره وجوايا كميه مشاعر متلغبطه....
سمعت صوت رن الجرس نزلت على السلم حته بحيث ميشوفونيش لقيت يزن ومعاه عم حسن والبت كارما قعدو وبعدين بابا وماما وسليم ومروان طلعلهم أتكلم حمحم يزن وقال:
_ بعد اذنك يا عمي انا طالب ايد ميرال بنت حضرتك....
_ وحضرتك بتشتغل ايه؟
_ بدرس لسه ومقدم شغل على شركات كتير وان شاء الله اتقبل...
_ وانتَ جاي تخطب من غير ما تكون بتشتغل؟
_ بص يا عمي انا بحب ميرال وأنا اه لسه بدرس بس معايا فلوس ورث ابويا الله يرحمه حبيت اجي اخطبها علشان تبقى علاقتنا رسميه مش اكتر وهي في عيوني والله.....
ابتسمت وعيون لمعت على كلام يزن بس جوايا حته مقلقه من بابا....
أتكلم بابا بحده شويه وقال:
_ بص يا ابني انتَ ليك كل الاحترام بس انا مش موافق وانتَ مرفوض انتَ لسه بتدرس ومشوارك طويل وبعدين أنا بيتقدم ل بنتي عرسان جاهزين من كل الجوانب وأنا حاسس انها معاك هتتبهدل....
_ حضرتك حكمت انها هتتبهدل ليه؟انا مش هتجوزها غير لما اكون جيبلها كل حاجه نفسها فيها و هعمل المستحيل وهشتغل ميت شغلانه علشان اعملها كل حاجه وتكون مبسوطه.....
_ انا اظن ردي وصلك انتَ مرفوض وأنا عرفت قصتك وانك سايب تعليمك عُمري ما هجوز بنتي ل واحد زيك ابداً انتَ واحد فاشل صايع مبتعملش حاجه غير انك كُل يوم قعدلي في سباقات.....