رواية حين جمعنا القدر الفصل السادس6بقلم جودي محمد
اسر مركز في ضرب الولد والذكريات بتحاوطه عند ليلي قاعده مخنوقه والذكريات بتهاجمها قعد واحد شكله مريب جنبها
الشخص: اي يحلوه جايه تبع مين
اتخضت ليلي وبعدت عنه
الشخص : مالك بس خايفه كده ليه متخافيش يقمر
قرب عليها اكتر وليلي بعدت
الشخص : متردي يحلوه ولا القطه كلت لسانك
ليلي : لو سمحت ابعد من هنا
الشخص : ابعد اي بس حد يشوف الحلويات دي ويبعد
قامت ليلي عشان تمشي بس شدها من ايديها
ليلي : سيب ايدي انت اتجننت
الشخص : اتجننت! طب ليه الغلط يحلوه طب تعالي
حاول يشدها وليلي بتقاومه وبصت على اسر لقته مش شايف البيحصل صرخت ب اسمه انتبه اسر ليها ومخدش باله ان البيلعب قصاده كان بيهجم عليه وضربه في دراعه جامد بس اسر مهتمش للوجع وجري على ليلي شدها من الشخص البلطجي وضربه ومسكو في بعض وبدات رجالة الراجل ده تيجي وتتلم حوالين اسر وليلي شافت اصابت دراع اسر البقى لونه ازرق لاحظ اسر ردة فعل ليلي وافتكر رعبها من المكان وبدأ يبان عليها اعراض الانهيار العصبي ف ساب الراجل ومسك سلاحه بسرعه وضرب طلقه في الجو خلت السكون عم على المكان
اسر : انا المقدم اسر الخولي يشوية كلاب كل واحد على مكانه يلااا بدات الناس والبلطجيه يجرو وراح اسر عند ليلي
اسر: ليلي ليلي ركزي معايا بصيلي متخافيش مفيش حاجه
ليلي بدون وعي : دراعك دراعك بابا دراعك اسر
اسر : ششش اهدي مفيش حاجه دي بسيطه قومي معايا قومي
سند اسر ليلي للعربيه وركبها واتحركو
اسر : ليلي فوقي خليكي معايا في ايي
بدات ليلي تعيط بهستيريه وتنادي ب اسم باباها وقف اسر العربيه ونزل فتح الباب وشد ليلي في حضنه بيحاول يهديها اتشبتت ليلي في وفضلت تعيط وهو بيحاول يهديها
اسر : ششش انا معاكي متخافيش مفيش حاجه بصيلي ي ليلي
بدات ليلي بعد شويه تستوعب وتستجيب لكلام اسر وبصت لدراعه
ليلي : لازم نروح المستشفى
اسر : طيب بس اهدي مفيش حاجه دي بسيطه والله
ليلي : بابا قال إنها بسيطه وقعد سنين مش بيحرك دراعه يلا ي اسر ارجوك
اسر : طيب يلا هنروح تعالي
راحو المستشفى وطلعت اصابه بسيطه الدكتور طلب من اسر يفضل معلق دراعه لمدة أسبوعين بس خرجو وخلاص مروحين
اسر : ارتاحتي يستي طلعت بسيطه اهي زي ما قولتلك
هزت ليلي راسها واتحركو وهما في الطريق
اسر : انا اسف ي ليلي مكنش ينفع اخدك معايا انا من عصبيتي نسيت انك بتخافي من المصارعه
ليلي : حصل خير
اسر : هو الواد كان ماسكك ليه ي ليلي
ليلي : انت كل ده مكنتش عارف
اسر : لا عارف بس عايز اعرف الحصل بالظبط
حكتله ليلي الحصل واسر اتعصب وقعد يضغط على ايده لحد ما ابيضت
اسر : ابن الللل ... ممكن افهم مندتيش عليا اول ما قرب منك ليه ازاي تسبيه كل ده
بصتله ليلي بصدمه وعصبيه : والله انا ناديت على حضرتك كتير بس انت الكنت في عالم تاني مفوقتش غير على صريخي
اسر : انا الغلطان مكنش ينفع اخدك معايا مكان زي ده وكمان باللبس ده
ليلي : نعم وماله لبسي من امتى واللبس لي علاقه اصلا
اسر : دراعتك الباينه ورجلك مكنش ينفع تروحي المكان ده كده
ليلي : والله ي اسر الكلام ده تقوله لنفسك وانت واخدني مكان زي ده وعارف الفي ومفرقش معاك اي الممكن يجرالي متجبش غلطك فيا
كانو وصلو ف نزلت ليلي ورزعت الباب ونزل اسر وراها بعصبيه
اسر : كلامنا لسه مخلصش استني ي ليلي
مردتش ليلي عليه ودخلت الفيلا لقتهم كلهم متجمعين قالت السلام عليكم وكانت طالعه اوضتها
يوسف : استني عندك هو انتي خلاص مبقاش ليكي راجل رايحه جايه ومحدش عارف بتروحي فين وبتيجي منين
ليلي: يوسف انا حقيقي مش فيقالك خلي كلامك ده بعدين
كان رايح يوسف ناحيتها بعصبيه بس اسر مسكه
اسر : هو انت مبتحرمش
نزلت ليلي وبعدت اسر عن يوسف
ليلي : ملكش دعوه ولا تدخل بيني وبين اخويا تمام
جز اسر على سنانه: انتي بتقولي اي
ليلي : السمعته
هند : تعالي ي ليلي احنا قاعدين مستنيين تيجي تفهمينا اي البيحصل وجواز اي من غير منعرف
ليلي : مفيش حاجه تتشرح ي ماما ومفيش جواز ده كان قرار ورجعنا في ولا في جواز ولا في حاجه متقلقوش
اسر : نعم يروح امك لامؤخذه ي طنط
ليلي : زي ما سمعت ي اسر انا مش موافقه والجوازه دي مش هتحصل
سابتهم ليلي وطلعت وسابت اسر وراها بيزعق
اسر : طب الجوازه هتم يا ليلي وغصب عنك ووريني هتعملي ايي
داوود : انت لسه مصمم خلي في دم حتى ده هي نفسها مش موافقه
اسر بضيق : بابا انا طلبت ليلي من خالي قبل الحادثه وهو كان موافق وقبل ميموت قالي نتجوز ومجتش فرصه اقولكو بسبب الحصل هي دي الحكايه وانا و ليلي هنتجوز خلصتت
سابهم اسر وطلع هو كمان وعدا اسبوعين وليلي واسر مش بيتعاملو مع بعض خالص صحي اسر الصبح على صوت تلفونه بيرن رد من غير ميشوف مين
اسر: الو
اللواء: الباشا نايم ومش حاسس بالمصايب البتحصل خمس دقايق وتكون قدامي مفهوم يحضرة الظابط
قام اسر قعد ولسه هيرد كان اللواء قفل في وشه اتنهد اسر وقام اخد شاور وجهز وهو مش فاهم في اي المفروض انو واخد اجازه اسبوعين عشان اصابته ويبقى جنب اهله جهز اسر ونزل كانو كلهم متجمعين على الفطار وليلي في اوضتها
اسر : صباح الخير انا رايح الشغل
ناهد : صباح الفل يحبيبي شغل اي انت مش واخد اجازه اسبوعين
اسر: اللواء طلبني ي ماما وكده كده الاجازه خلاص اخر يوم فيها انهارده
ناهد : ماشي يحبيبي طب اقعد افطر
اسر: لا مش هينفع مستعجل امال ليلي فين
ناهد: لسه نايمه وأخواتها خرجو متقلقش
اسر : ماما ليلي امانه عندك لحد ما ارجع
باس راس ناهد ومشي واول ما وصل قابل زين صاحبه
زين: اي يبني اللواء قالب عليك الدنيا
اسر : مش فاهم في اي هخش وافهم
خبط اسر ودخل أدى التحيه واللواء اذنله يقعد
اللواء : سيادتك واخدلي اجازه عشان صورك تنزلي ع النت مع واحده مره ماسك ايديها والتانيه بتتخانق عشانها مفكر نفسك في الشارع ياسيادة المقدم
اسر : يا فندم دي مش واحده دي بنت خالي وهنتجوز قريب وصور اي البتخانق فيها دي
اللواء : نازل صور ليك انت وهي على النت وانت في مكان شمال انت ناسي انك ظابط بتعمل اي في مكان زي ده وحضرتك نايم ولا اكن في مصيبه بتحصل
فتح اسر موبايله لقى صور كتير لي هو وليلي بعنوان
" شاهد ليلي القصاص في اماكن واوضاع مختلفه مع الظابط الشهير اسر الخولي "
اسر : انا اسف جدا يا فندم بس انا لازم امشي عشان الحق ليلي قبل متشوف الصور وانا هتصرف حضرتك متقلقش
اللواء : ليلي اي وتتصرف اي اقف عندك ياسيادة المقدم انت مش واعي لحجم المصيبه الانت فيها في صور ليك وانت بتضرب نار وضارب ناس في مكان مشبوه انت المفروض متحول للتحقيق
اسر : يا فندم دي كانت مجرد خناقه واستعملت سلاحي دفاع مش اكتر
اللواء : بص يا اسر انت المفروض هيتحقق معاك بس انا أدخلت وشوفت حل وسط واتكلمت معاهم واحتراما لوالدك وان دي اول غلطه ليك من ساعة ما بقيت معانا ف انت موقوف عن العمل لمدة شهر
اسر: نعم شهر اي يافندم مينفعش هو اي الحصل لكل ده
اللواء : فكرة انك مش واعي لحجم المصيبه الانت فيها ف دي كارثه اتفضل ي حضرة الظابط سلم سلاحك وامضي هنا وبعد شهر تكون قدامي يا اسر واتمنى متعملش مصايب تانيه
اسر : يا فندم بس
اللواء : مبسش يا سيادة المقدم دي أوامر اتفضل يلا
خرج اسر متعصب جدا ركب عربيته وروح البيت وكان اول واحد قابله كان داوود العرف كل حاجه
داوود : اتوقفت عن العمل ياسيادة المقدم بعد كل البنيته ده تيجي انت تبوظ كل حاجه بطيشك منظرنا اي دلوقتي متردد
اسر بزعيق : ارد اقول اي وانت مش همك اي حاجه غير اسمك وسمعتك وعمرك مفكرت فينا ولا همك اي حاجه غير شغلك وطلعتني زيك عشان اكمل مسيرتك بس انا مش زيك ولا عمري هكون زيك ولا هحرم عيالي من حب ابوهم ولا هخليهم ناقصهم حاجه ولا يحسو ان شغلي اهم منهم سبني في حالي ي بابا سيبك مني وكفايه تحكمات لحد كده بقا عشان زهقت
سابهم اسر وطلع وليلي كانت واقفه على السلم وسمعت كل حاجه وزعلت جدا على اسر كانت نازله تجري تدور عليه عشان تشوف هيتصرفو ازاي بس لقت الجو مشحون جدا بصلها اسر وعدا من جنبها وطلع ومسح دمعه نزلت من عينه دخل اوضة التدريب وفضل يتمرن بعصبيه نزلت ليلي ووقفت قدام هند و ناهد الدمعت على ابنها النفسيته مدمره وبصت لداوود بعتاب
ليلي : اسر اتوقف عن شغله ليه
اتدخل يزن : بسببك بسبب سرمحتكو من ورانا وصوركو الفي كل حته
غمضت ليلي عنيها بياس مش من كلام يزن من انها السبب في الحصل لاسر فتحت عنيها ولفت عشان تطلع فجأه صرخت بوجع ...