رواية حين جمعنا القدر الفصل السابع7بقلم جودي محمد
جت ليلي تطلع شدها يوسف من شعرها على غفله صوتت ليلي من الخضه
ليلي : انت بتعمل اي يا يوسف سبنييي
يوسف : انا هربيكي والله منا سايبك
حاولو كلهم يبعدو يوسف عن ليلي بس يوسف فضل ماسكها من شعرها وفضل يضربها بالقلم وشفتها نزفت ودموعها نزلت بوجع وقهر واول ما يوسف ايده بعدت عن شعرها بعد ما حاشوه عنها طلعت تجري على فوق بس مش على اوضتها راحت للاوضه الأسر بيتمرن فيها دخلت وقفلت الباب واسر مكنش حاسس بيها كان مركز في التمرين وبيتمرن بعصبيه بدات ليلي تقرب منه وهي شعرها منعكش وشفتها بتنزف ودموعها نازله حس اسر بحد وراه لف بسرعه وكان لسه هيقولها تطلع عشان محتاج يفضل لوحده لكن اتصدم من منظرها
اسر : اي العمل فيكي كده اي دهه اي الدم دهه
مسح شفتها بصباعه ف بعدت ليلي وشها بوجع من لمسته
ليلي بعياط : يو يوسف
اتعصب اسر وكان رايح ينزل ليوسف لكن ليلي وقفت قدامه ومسكته
اسر : اوعي يا ليلي انا ه...
لكن قاطعته ليلي لما اترمت في حضنه وفضلت تعيط زعل اسر عليها وحاوطها بدراعه بيحاول يهديها لكن ليلي عياطها بيزيد بوجع وقهر
اسر : ششش خلاص يا ليلي اهدي انا هجبلك حقك منه حقك عليا انا والله منا سايبه
فضلت ليلي تعيط شويه لحد ما اسر هداها سكتت ليلي بس فضلت في حضن اسر شويه وبتشهق من العياط كل شويه واسر يطبطب عليها بعدها اسر عنه شويه عدلها شعرها وبص على جرح شفتها حسس عليه براحه ملامح ليلي انكمشت بوجع اتنهد اسر
اسر : خليكي هنا هنزل اجيب حاجه عشان التعويره دي واجي
هزت ليلي راسها من غير كلام ونزل اسر دور على يوسف بعينه ملقهوش اتوعدله ان مش هيرحمه راح جاب لزق وجه يطلع وقفه سؤال هند
هند: ليلي معاك يبني هي كويسه
اسر : متقلقيش يطنط هي كويسه
وطلع اسر بدون كلمه زياده ودخل لقى ليلي واقفه زي ما هي دموعها بتنزل بصمت اتنهد بزعل عليها وعلى كل البيحصل فيها وهي لسه صغيره قرب منها ورفع وشها لي مسح الدم براحه وحطلها لزقه على التعويره
اسر : هتفضلي تعيطي لحد امتى يا ليلي
ليلي بعياط: انا تعبت اوي يا اسر هو ليه بيكرهني كده بيعمل معايا كده ليه ازاي اصلا مصدق كل البيحصل ده بدل ميبقى سندي وضهري من بعد بابا هو اليعمل فيا كده
اسر صعبت عليه ليلي وحاجه جواه قالتله انو لازم يفضل جنبها ويحميها شدها اسر لحضنه
اسر : طب اهدي بس اهدي عايزك تهدي خالص ومتفكريش في حاجه خالص وانا جنبك مش هسيبك صدقيني
ليلي : حتى انت زعلان مني وانا زعلانه منك اوي بس مليش غيرك اروحله
اسر : مين قال اني زعلان انا مش زعلان ويستي لو انتي زعلانه مني ف حقك عليا انا حيوان اني زعلتك اضحكي بقا بطلي نكد
ضحكت ليلي وبتطلع من حضنه الباب اتفتح بعدت ليلي عن اسر بسرعه دخل يوسف بغضب واسر اول ما شافه اتعصب وليلي اول ماشافته وقفت ورا اسر تستخبى في
يوسف : يبجاحتك لسه ضاربك عشان صورك الزباله معاه وانتي هنا بتحضني في ومستخبيه في
قرب يوسف عشان يشد ليلي قبل ما ايده توصل ليها كان اسر مسك ايده لواها وفضل يضغط عليها ويوسف بيصرخ ب الم
اسر بفحيح : جرب يا يوسف تختبر صبري مره كمان وصدقني مش هخلي فيك حته سليمه
بعدها صوت صرخة يوسف بوجع من كسر دراعه نزل اسر تحت هو وليلي
اسر : اطلع خد اخوك جبس دراعه عشان كسرتهوله
هند: يمصيبتي اي العملته ده بس يا اسر
اسر : ده عشان مد ايده على ليلي يفكر يجي جنبها تاني صدقوني مش هخلي في حته سليمه
داوود : انت بقيت بلطجي
قام داوود عشان يطلع
اسر : استنى معلش ي بابا عايز اقول حاجه انا كتب كتابي على ليلي بكره بليل ياريت تجهزوا نفسكو
ناهد: ازاي بس يبني مش هنلحق نعمل حاجه
اسر : متقلقيش يا امي انا هظبط كل حاجه
داوود: انتي بتقولي اي يوليه ده بدل ما تعقليه
ناهد: اسكت انت انا عايزه افرح ب ابني والهو عايزه يعمله
ليلي: ليه حضرتك رافض يعمو
داوود: لا يبنتي انا مش رافض ولا حاجه
ليلي : امال اي
داوود: انا بس شايف انو متسرع ومضايق انو بيعمل كل حاجه من غير ما يقول
ليلي : يمكن هو عنده أسبابه ي عمو عندك حق تضايق انو مقالش بس هو شرح لحضرتك الحصل وبعدين اسر مش صغير عشان حضرتك تتعامل معاه كده هو دلوقتي راجل كبير ومسؤول عن قراراته المفروض حضرتك تثق في وتشجعه مش كده
هز داوود راسه بهدوء وقام عشان يطلع وهو معدي من جنبهم طبطب على كتف ليلي واسر بص لليلي بشكر واضح وكل واحد طلع اوضته وقعدت ليلي تفكر في كل البيحصل وانها خلاص هتتجوز اسر وفضل ابطالنا في تفكير طول الليل لحد تاني يوم وليلي واسر يعتبر مناموش من التفكير وبدات التجهيزات في الفيلا قررو انهم هيعملو حاجه بسيطه وصورتين عشان الصحافه وانتهى الأمر جه بليل اسر بيجهز وليلي كمان لبست ليلي فستان ابيض رقيق وميكب خفيف وسرحت شعرها وسابته مفرود عند اسر لبس بنطلون اسود وقميص اسود وفتح اول زرارين الكشفو عن عضلات صدره القويه خلص اسر وراح خبط على اوضة ليلي مامتها فتحت الباب ودخل اسر وشاف ليلي أعجب جدا بجمالها الهادي والرقيق ابتسمتله ليلي بتوتر وهو مدلها دراعه مسكت في ونزلو وهند وراهم بتزغرط وناهد تحت بتزغرط ويوسف واقف مش طايق نفسه ويزن من جواه فرح لاخته اما يوسف ف كان بيتوعد لاسر وليلي انو هيدمر حياتهم وقرر انو مش هيشوف المهزله دي ومشي بغيظ اسر كان متابعه وفاهم هو بيفكر في اي وقرر انو ياخد حزره منه جه المأذون وكتبوا الكتاب وقام اسر باس راس ليلي وحضنها وكل الموجودين باركو ليهم وجه يزن حضن ليلي وبارك ليها وليلي انبسطت جدا بده وقعدو شويه وقالو ليهم يطلعو اوضتهم جم وهما طالعين وقفهم داوود واداهم تذكرتين
اسر : اي ده ي بابا
داوود: تذكرتين سفر يحبيبي عشان شهر العسل
اتصدم اسر عشان مكنش متوقع ولا كان ناوي يسافر هو في الأول وفي الاخر جواز يعتبر مصلحه بصتله ليلي ولاحظت تعابير وشه الزعلتها وردت هي على داوود
ليلي : ميرسي جدا يعمو ربنا يخليك لينا
داوود: العفو يبنتي على اي تتهنو بيهم
فاق اسر من سرحانه: شكرا يبابا
داوود : العفو يبني يلا اطلعوا يعرسان
طلع اسر وليلي جناح اسر الناهد عملت في شوية تعديلات الصبح دخل اسر وقعد على السرير وليلي بتفتح الدولاب عشان تغير هدومها
ليلي : اي الهدوم دي مش بتاعتيي
اسر : اه ما هي امي وامك راحو جابو شوية هدوم ليكي الصبح
ليلي : ينهار ابيض انا مش هلبس الكلام دهه
اسر : ليه بس ماله
ليلي : كله قصير وقليل الأدب
ضحك اسر عليها وحاولت ليلي تلاقي حاجه تلبسها اخدت بيجامه ستان بنص وشورت ودخلت الحمام اخدت شاور وغيرت وطلعت لقت اسر قاعد مستنيها تخرج
ليلي : انت قاعد كده ليه
اسر : عايز اتكلم معاكي تعالي اقعدي هتفضلي واقفه
قعدت ليلي بتوتر
اسر : بصي انا مكنتش عامل حسابي على موضوع السفر ده خالص وللأسف مش لاقي حجه اقولها عشان منسافرش ف احنا مضطرين نسافر ولا عندك اقتراح تاني
ليلي : لا مفيش مشكله عادي
اسر : تمام نامي انتي على السرير وانا هنام على الكنبه يلا تصبحي على خير
بصتله ليلي بهدوء ومتكلمتش طلعت على السرير
ليلي : وانت من اهله
عدا الليل وكل واحد بيدعي ان هو نايم بس الحقيقه ان محدش عرف ينام من التفكير....