رواية انت قدري الفصل السابع7 بقلم زهراء
حمزه: ادم انا رايح الشغل..في مأموريه مستعجله
ادم: ماشي يا حبيبي..ربنا معاك..
حمزه: يارب..سلام.
رهف: انا راحه الشغل يا ماما..
مها: ماشي يا حبيبتي...
رهف فتحت الباب..شافت حمزه..ابتسمت وبصت عشان تسلم عليه..حمزه مشي مستعجل ومخدش باله منها..
رهف باستغراب: ايه ده فيه ايه..هو مستعجل ليه..كده.. وركبت الاسانسير ونزلت...
...............................
فاطمه: ايوا يا رهف..انا جايه اهوه.
ادم كان بيفتح الباب..وحط كيس الزباله..
فاطمه: ازيك يا ادم
ادم: ايه ده فاطمه..انتي راحه المستشفى دلوقتي..
فاطمه: اه..اصلي فتره مسائيه
ادم بابتسامة: ماشي ربنا معاكي..
فاطمه: ماشي..هات الكيس ده اما ارميه..
ادم: لا سبيه..حمزه لما ييجي..هينزله..
فاطمه: لا هات انا كده كده نازله..
ادم: طيب..اللي انتي شيفاه..بس حزبي..عشان هدومك..
فاطمه: لا متقلقش انا خبره..
ادم بابتسامة: شكرا يا فاطمه..
فاطمه: علي ايه بس..سلام
ادم : سلام..وفضل باصص عليها وهي نازله وابتسم وقال: ليا حق احبك والله..
...................................
ساره: دكتوره رهف..
رهف: نعم يا دكتوره ساره..
ساره:انا شفت استاذ حمزه تحت في الطواريء..هو فيه حاجه..
رهف باستغراب : استاذ حمزه مين جارنا..
ساره: ايوا هو..
رهف: إزاي يعني..مع مين..
ساره: لا ده هو اللي كان متعور..دراعه عليه دم..
رهف بخوف: ازاي..ودم ايه..
ساره: تعالي معايا..وانا اوريكي..
رهف: طيب يلا...
......................................
الدكتور: دي محتاجه خياطه..حوالي تمن غرز..
حمزه: تمانيه..مينفعش غير خياطه..
الدكتور: اه للاسف..
حمزه: طيب تمام..شوف الصح واعمله..وشاف رهف جايه...
الدكتور: ازيك يا دكتوره رهف..
رهف: اهلا يا دكتور احمد..حضرتك عامل ايه..
الدكتور: بخير الحمد لله..
رهف: فيه ايه يا حمزه ايه اللي حصل..
حمزه: مفيش كنت في مأموريه واتصبت في دراعي..
رهف: دي عايزه خياطه..مش تخلي بالك..
حمزه: اهو اللي حصل بقي..الحمد لله...
الدكتور: هو استاذ حمزه..تبعك..
رهف: ايوا استاذ حمزه جارنا..
الدكتور: تمام..اتشرفنا يا حضره الظابط..
حمزه: الشرف ليا..
رهف: وانت يا حمزه مقولتش لحد ليه جاي لوحدك..ولا رنيت عليا..
حمزه: منا مرضتش ارن علي ادم..مش عايز اتعبه..
ساره بخبث: ولا خطيبتك ولا اي حد يا استاذ حمزه..
رهف اتوترت اوي وقالت: يلا يا دكتوره ساره نسيب الدكتور يشوف شغله...
حمزه: لا ثانيه خطيبتي مين..
ساره: هو حضرتك مش خاطب..
حمزه: لا مفيش الكلام ده..مين اللي قال كده..
ساره بصت لرهف: وقالت دكتوره رهف اللي قالتلي..لا وحضرت خطوبتك كمان..
رهف في سرها: الله يخربيتك يا ساره.
حمزه بص لرهف وقال: اه افتكرت..فعلا كنت خاطب..بس فسخت دلوقتي..والظاهر انها متعرفش..
ساره بابتسامة: امم كويس..انا قلت كده برضو..علي العموم الف سلامه يا استاذ حمزه..
حمزه: الله يسلمك..
ساره: عن اذنك..
حمزه: اتفضلي..
وبص لرهف وقال: انا خاطب و انتي حضرتي خطوبتي كمان ماشاء الله..
رهف: انت مش فاهم..اصل كنت خايفه عليك منها..
حمزه: ليه هي بتخوف..
رهف: اصل هي معجبه بيك..
حمزه: طب وايه المشكله..متسبيها..
رهف: اصلك متعرفهاش...
حمزه: كنت عايز اجرب...
رهف: والله تصدق اننا غلطانه..ولا اقولك استني
..انا هروح انادي عليها..تيجي تشوف شغلها..
حمزه وهو بيضحك : خلاص خلاص..هبقي اروحلها انا...
رهف بصتله وقالت: طيب روحلها..انا مالي .
حمزه: حاضر..
رهف: واضح انك كويس..انا ماشيه..هنادي للدكتور ييجي يشوف شغله...
حمزه: الدكتور جه اهوه..
رهف: بقولك ايه يا دكتور احمد..بلاش تمن غرز..خليهم عشره ولا اتناشر..الاحتياط حلو برضو.. ومشيت..
الدكتور بضحك:: واضح انها بتعزك اوي..
حمزه بابتسامة: اه جدا. وضحك عليها..وقال: انت دايما مكشوفه يا رهف..
...................................
رهف ماشيه وهي بتكلم نفسها: انا غلطانه..روحلهاو حبوا في بعض..
فاطمه: انا جيت..جايه منين كده..
رهف: من الطواريء..اصل حمزه بيخيط دراعه تحت..
فاطمه: بجد من ايه..
رهف: اتصاب في الشغل..
فاطمه: ابقي تعالي اما نشوفه اما يخلص..
رهف: طيب نبقي نروح..
ساره: دكتوره رهف..شفتي الصدفه سبحان الله طلع فسخ خطوبته..ومقالكيش..
رهف مكنتش طايقها بس قالت بهدوء: امم نسي يقولي..
ساره: طيب المهم انه مش خاطب..
رهف: كويس..
ساره: سلام يا رهوفه..
رهف: انا رهوفه..
فاطمه: ايه الحوار ده هو كان خاطب وفسخ..
رهف: اسكتي دي سوسه..راحت قدامه وتقوله فين خطيبتك..قالها مين اللي قال كده قالتله رهف..
فاطمه بضحك: ينهار ابيض..وهو قال ايه..
رهف: تصدقي مرضاش يكسفني قدامها..وقال اه اصلي كنت خاطب وفسخت وانا مقولتش لرهف..
فاطمه: وربنا حمزه ده محترم وبيفهم..وخبطتها في كتفها وقالت: ومش عايز يكسفك يا جميل..
رهف بابتسامة : ايوه فعلا..ده لو قال الحقيقة ساره مكنتش هتسيبني..انقذني كالعاده..
فاطمه بغمزه: ربنا يخليهولك يا رهوفه..ودخلت العياده بسرعه..
رهف ضحكت وقالت: اه منك يا فاطمه...
..................................
ليلي : يعني انت يا احمد يعني انت مش هتيجي انهارده الكليه..
احمد: لا مفيش محاضرات..
ليلي: يخساره..كنا هنقعد مع بعض شويه ونشرب حاجه..
احمد طلع قدامها وحاطط الموبايل علي ودنه وقال: عايزه تشربي ايه
ليلي بفرحه: ايه ده انت جيت انهارده...
احمد: اه وخلصت محاضرات كمان..
ليلي: طب كويس يلا بينا..
احمد: عملتي ايه في المحاضره انهارده..
ليلي: الحمد لله كانت كويسه
احمد: الحمد لله..مودك تمام يعني..
ليلي بابتسامة: لما شفتك بقي ميه ميه..
احمد بابتسامة: يخرابي علي الكلام الحلو يا ناس...
........................
فاطمه: الف سلامه يا استاذ حمزه..
حمزه: الله يسلمك يا دكتوره فاطمه..
رهف: حافظ بقي علي الجرح وابقي تعالي وانا اغير لك عليه ...ومتجبش عليه مايه..
حمزه بابتسامة: حاضر...
رهف: انت هتروح إزاي..هتعرف تسوق..
حمزه: لا منا طلبت اوبر..
رهف: طيب كويس..خلي بالك من نفسك..
حمزه ابتسم تلقائي من كلمتها وقال: تمام..مع السلامه..
رهف: مع السلامه..
فاطمه : ايه يا رهف..متمسكي نفسك شويه..مش كده..
رهف: انا برضو..دانتي في الراحه والجايه..خالي بالك يا ادم..متمشيش يا ادم..
فاطمه ضكحت وقالت: دانتي متابعه بقي..
رهف : فكراني نايمه علي ودني..
فاطمه: اقولك علي حاجه..انا حاسه اني اتشديت لادم..دنا بقعد بليل افكر فيه..وحاجات غريبه..
رهف: اقولك علي الكبيره..وانا برضو نفس الحال مع حمزه...
فاطمه: يعيني علينا..هنعمل ايه..
رهف: احنا راحين في الطريق اللي بيروح فيه مش بيرجع سليم..
فاطمه: لا ان شاء الله..نعيش قصص حلوه كده..
رهف: ممكن..يعني عندك امل..
فاطمه: ليه لا..