رواية بابت بقي بطلي تستغلي منصب ابوكي الفصل الثامن8بقلم ليلان سلامة
انا اظن ردي وصلك انتَ مرفوض.
وانا عرفت قصتك وانك سايب تعليمك عمري ما هجوز بنتي ل واحد زيك ابداً انتَ واحد فاشل و صايع مبتعملش حاجه غير انك كل يوم قعدلي في سباقات....
في اللحظه دي عيوني اتملت دموع ونزلت خطوه علىّ السلم لقيت يزن بيبصلي نظره انا انا حاستها كُلها خيبه أمل و كسره قام وقف وقال وهُو بيحاول يطلع صُوته وقال:
_ تمام.....
بصيتله بصه كُلها خذلان كنت مستنيه منه اي رد ملقتش منه اي حاجه فضل باصصلي حوالي دقايق بصيت حسيت عيونه اتملت دموع في اللحظه دي لف ومشي مشي وسابني!!
نزلت ل بابا علىّ السلم وأنا عيوني لسه مليانه دموع اتكلمت وأنا بهز راسي وبروح ناحيه بابا وقولت:
_ ليه عملت كدا يا بابا؟
فضل باصصلي صرخت وقولت وأنا باكد علىّ كلامي:
_ ليه؟
_ دا مينفعكيش...
_ بس هي حياتي أنا واختارها زي ما انا عايزه واختار الشخص للي حكمل معاه حياتي....
_ بس انا أبوكي و عندي خبره عنك انا عارف ان دا مينفعكيش!!!
_ بس انا بحبه يا بابا!!!
_ بصي يا ميرال يا حبيبتي الحُب مش كُل حاجه في حاجات تانيه اهم وانا شايف انكو مش مناسبين ل بعض...
قولت والدموع ماليه عيوني:
_ لا طول ما احنا بنحب بعض ومتفاهمين هنقدر نحل كُل حاجه...
_ بس انتِ هو اختلاف سما وأرض يا ميرال...
_ لا يا بابا مفيش اختلاف بينا هو مر ب ظروف أثرت عليه بس لكن هو بدأ يرجع تاني....
_ مفيش اختلاف؟انتِ بتضحكي علىّ نفسك يزن حالياً ميقدرش يعيشك في المستوي للي انتِ عايشه فيه يزن مختلف عنك ماديا واجتماعيا وكل حاجه يزن ابوه كان في السجن مش مختلف عنك ازاي؟!!
بصتله وأنا مش قادره استوعب حاجه ودموعي نازله علىّ خدي وقولت:
_ من امتي وإحنا بنفكر ب الطريقه دي يا بابا ليه قولتله كدا ليه تكسرو بالشكل كدا...
_ قولت كدا علشان يفوق من الاوهام للي في دماغه يا ميرال علشان انتِ وهو لو السما اطربقت علىّ الأرض مش هتبقو ل بعض......
مسحت دموعي بإيدي واتكلمت بثقه ساعتها معرفش جبتها منين وقولت:
_ وأنا مش هتجوز غير يزن يا بابا و لو مش لي مش حبقى ل غيرو....
_ انتِ بتقفي قدام أبوكي علشان البنادم دا؟
_ انا مش بقف قدامك انا بوضحلك بس....
أتكلم بابا بعصبيه وقال:
_ بتوضحيلي ايه!طب انا هوافق علىّ أكرم و هتتجوزيه....
اتكلمت وأنا بنهار وقولت:
_ انا مش هتجوزه يا بابا مبحبهوش ليه دايماً مصمم تكسرني وتتحكم فيا؟
قولت الجُمله دي ولقيت ايده نزلت علىّ وشي لفيت وشي لي وبصتله وأنا حاطه إيدي علىّ خدي نظره كلها كسر فيا حسيت ساعتها قلبي للي اتوجع مش خدي.......
جه عليا سليم و مروان وقال سليم:
_ اطلعي فوق يا ميرال دلوقتي...
_____________________________
عند يزن:
طلع من البيت عندنا وهُو تايه ركب العربيه وطلب عم حسن من كارما انها هي تسوق لحد ما وصلو البيت و يزن متكلمش كلمه نزل من العربيه طلع علىّ شقته علىّ طول فتح الباب وقفله ولاول مره بعد وفاه خالد بابا يزن يزن يعيط قام مسك صوره باباه و هو بيعيط وقال:
_ اول مره احس اني صغير كدا هو انا للي حلمت حلم مش علىّ قدي؟طيب مش فاهم ليه عمل كدا؟اقسم بالله كُنت حشيلها في عيوني وقلبي كُنت حعمل المُستحيل علشان اسعدها ومخلهاش تعوز حاجه كنت حشتغل واعافر لحد ما اعيشها في المستوي للي هي فيه واحسن ليه الدنيا بتعمل فيا كدا؟وكل حاجه بحبها بتروح مني؟قلبي اتكسر وانا شايفها قُدامي بتبصلي مستنيه مني اي رد بس هقول ايه؟ابوها قال الحقيقه انا فعلاً فاشل و صايع حاسس اني مقهور كل حاجه بتروح مني لما الدنيا بدأت تضحكلي وجت للي تعوضني عن سنين العذاب راحت خلاص!!!!!
سكت يزن لما سمع خبط علىّ الباب كارما وهي بتقول:
_ افتح يا يزن علشان خاطري افتح متقلقنيش عليك اكتر من كدا....
راح يزن فتح الباب دخلت كارما وقالت:
_ يزن انتَ كويس يا حبيبي؟
هز يزن راسه ومردش...
عيطت كارما وقالت:
_ رد عليا طيب؟
_ متقلقيش كويس....
_ يزن هما والله ما يستهلوك كفايا انهم كانو حيدو بنتهم ل راجل يحافظ عليها انساها يا يزن هي مش شبهك ولا حتكون ربنا يكرمك بالاحسن منها....
رمي يزن الفازا وقال:
_ مفيش احسن منها مفييش....
جرت كارما عليه ومسكت ايده المتعوره وقالت وهي بتعيط:
_ يزن حبيبي اهدى استني اعملك الجرح علشان بينزف....
راحت كارما شقتها جابت شاش وحجات علشان تطهر جرح يزن جت و لفتله ايده كان يزن سرحان في نقطه ومش مركز اتكلمت كارما وهي لسه بتعيط وقالت:
_ يزن ركز شويه يا حبيبي...
بدأ يستوعب يزن وقال:
_ حبيبك!
_ ايوا حبيبي وكُل حاجه ليا....
قال يزن وهو مش فاهم:
_ حبيبك ازاي مش فاهم انتِ اتهبلتي ولا ايه يا كارما!!
قامت كارما من علىّ الكرسي واتكلمت بنرفزه وقالت:
_ لا متهبلتش بس انا خلاص فاض بيا وتعبت وزهقت يزن انا بحبك بحبك اوي يا يزن بحبك من زمان وانتَ ولا هنا حبيتك من ساعت ما عيني جت عليك وانتَ ولا شايفني ولا حاسس بيا وهي جت بكُل بساطه في شهرين خدت قلبك للي انا في السنين دي معرفتش اكسبه طول عمرك شايفني اختك بس انا مش شيفاك كدا طول عمري شيفاك حبيبي و جوزي وتخيلت يوم ما حتتجوز حد حيبقى انا طب ليه هي اشمعنا هي هي أحسن مني في ايه علشان تختارها هي قولي هي أحسن مني في ايه؟
أتكلم يزن بخضه وصدمه وقال:
_ انتِ بتقولي ايه يا كارما احنا طول عمرنا اخوات عمري ما حسيت انك بتحبيني!!
_ بطل بقى بطل تضحك علىّ نفسك الناس كلها عارفه اني بحبك بس انتَ مكنتش شايفني...
قام يزن علشان يمشي مسكته كارما وقالت:
_ رايح فين متمشيش!
_ لازم امشي مش قادر...
مشي يزن وكارما فضلت تعيط وقالت:
_ كدا خسرته خالص لا اخ ولا حبيب....
_____________________________
في البيت:
أتكلم سليم بنرفزه ل بابا وقال:
_ انتَ ازاي يا نوح تعمل كدا وافقت يجي ليه من الاول؟
_ علشان اوضحلو انهم مينفعوش لبعض...
أتكلم مروان وقال:
_ وانتَ عملت ايه دلوقتي يا بابا مكسرتش فرحتها؟
زعق بابا وقال:
_ محدش يدخل هي بنتي وأنا حُر...
اتكلمت ماما بخنقه وقالت:
_ لا انتَ مش حُر يا نوح هي ميرال صغيره علشان متبقاش عارفه هي عايزه ايه؟انتَ ضربتها ليه هي مغلطتش انتَ عايز تجوزها بالغصب اقسم بالله ما حيحصل يا نوح....
_ قولتلكو محدش لي دعوه متدخلوش هو مينفعهاش ابوه رد سجون و هو صايع اجوزها ل ايه ان شاء الله ويتقال عليا نوح رما بنته؟ولا ايه؟
اتكلمت ماما بإستغراب وقالت:
_ من امتي وإحنا بنفكر في كلام الناس انا للي يهمني سعاده بنتي وبس وهو ملهوش ذنب الولد باين عليه محترم وطمنك ودخل البيت من بابه وحيصرف ورث ابوه علشان تبقى كل حاجه رسميه وفي النور يزن مغلطتش في حاجه يا نوح!!!
_ افكر في كلام الناس لان دا جواز يعني حيفضل مربوط ب بنتك طول العُمر....
_ والله لو بنتي مبسوطه وسعيده معاه ميفرقليش حاجه يزن مش ذنبه المشاكل للي بين ابوه وعمه....
_ خلاص يا مريم مش وقت كلام...
_ يعني ايه مش وقت كلام انتَ ليه مصمم تضيع بنتي؟ليه مصمم دايماً تكسرها انا ساكته وبقول ابوها وحقه لكن توصل تجوزها بالغصب ليه ان شاء الله؟
_ انا ماشي يا مريم....
مشي بابا وأنا لبست ونزلت لقيت ماما جايه تحضني قولت وأنا بطمنها:
_ متقلقيش عليا انا كويسه...
أتكلم مروان وقال:
_ رايحه فين يا حبيبتي؟
_ رايحه اتمشي شويه...
_ طب نيجي معاكي انا و سليم؟
_ لالا خليكو عايزه أبقى لوحدي شويه....
مشيت ولقيت رجلي ودتني عن السبق دخلت لقيت يزن قاعد و عيونه مليانه دموع وسرحان نزلتله قعدت جمبه واتفاجاء من وجودي واتكلم وهو بيمسح دمعه خانته وقال:
_ ميرال انتِ بتعملي ايه هنا؟
رفعت كتفي ب بساطه وقولت بوجع:
_ صدقني معرفش بس رجلي جابتني هنا....
فضلنا ساكتين شويه واحنا بنبص لبعض فا إتكلم يزن وقال:
_ مالك؟
_ انتَ بتسأل؟
_ مش قصدي حصل بينك ايه انتِ و ابوكي بعد ما مشيت عارف اكيد الموضوع معداش بسهوله....
_ يزن انا اسفه عن للي بابا قاله بجد بجد اسفه حقك عليا أوعي تزعل...
_ مش زعلان هو عنده حق...
_ لا معندهُوش حق يا يزن..
_ المهم حصل ايه؟
حكيتله كُل حاجه حصلت اتفاجئت من ردت فعله لما قال:
_ طب وفيها ايه قابلي العريس يمكن يطلع كويس وتتجوزو...
بصتله بصه خذلان لتاني مره وقولت:
_ يعني انتَ عادي بنسبالك تشوفني مع غيرك؟
_ أدام ما مبسوطه خلاص...
_ وانتَ؟
_ وأنا هاخد للي شبهي...
_ ومين للي شبهك بقى كارما صح؟
هز راسه وقال:
_ اه اكتشفت انها بتحبني اعترفتلي النهارده...
_ وانتَ ايه منعك تتجوزها؟
_ قلبي،بس هركن قلبي و اتجوزها وعايز اقولك انك هتفضلي في قلبي وهتفضلي أحسن حاجه حصلتلي في حياتي....
بقيت حاسه اني حتجنن من ردوده و بروده فا اتكلمت ودموعي بتنزل علىّ خدي وقولت بنرفزه:
_ انتَ ايه يا أخي انتَ ايه معندكش دم ايه البرود دا يعني انا أقف في وش أبويا و ازعق معاه علشان احارب علشانك وانتَ بكل بجاحه بتقولي شوفي العريس يمكن تتجوزه انتَ ايه معندكش مشاعر و بتحس و بكل برود وبجاحه تقول قدامي حتتجوز كارما انتَ ايه؟انتَ بتستسلم عند اول محطه لينا امل لو اتجوزنا هتعمل ايه حتسبني كل مره؟عايزني اتجوز غيرك طيب حكون ل غيرك واقسم بالله يا يزن هترجع تندم ليه مش عايز تحارب وتحاول علشاني مستهلش انك تحاول؟
أتكلم والدموع بتنزل من عيونه واول مره اشوفه منهار بالشكل دا وقال:
_ لا تستهلي تستهلي كل حاجه حلوه بس مش عايز ادخلك حرب فيها خسرانين...
_ وانتَ حكمت عليها من قبل ما تبدأ...
_ مش انا للي حكمت هي محكوم عليها من أبوكي وبعدين عنده حق انتِ تستهلي حد احسن مني...
_ تعرف بابا عنده حق انه رفضك سيبتني من اول مشكله....
رميت الكلمه دي وأنا قاصده اوجعه زي ما وجعني....
سحبت شنطتي ومشيت ودموعي نازله بهستريه ووجع في قلبي مش طبيعي..
______________________________
روحت بفتح الباب لقيت مروان قام وقف وفتحلي دراعته طلعت جريت عليه بكُل قويتي و حضنته جامد اوي وعيطت بحب مروان أخويا جداً رغم اننا بنرخم كتير علىّ بعض بس هو دايماً اي حاجه بتحصلي بيبقى اول داعم ليا فضل يطبطب مروان على راسي وانا في حضنه وقال:
_ بس يا حبيبتي متخافيش واهدي والله كل حاجه هتبقى بخير.....
_ قلبي واجعني اوي يا مروان...
_ سلامته يا حبيبت مروان والله متزعلي مفيش حاجه تستاهل دموعك،ليه روحتيله بتوجعي نفسك ليه يا حبيبتي؟
_ معرفش يا مروان لقيت نفسي عنده!!
حسيت اني دوخت قال مروان:
_ مالك يا ميرال انتِ كويسه؟
هزيت راسي لي ب لا...
طلعني مروان اوضتي ودخلني السرير انام وفضل جمبي طول الليل قومت الصُبح لقيت مروان قاعد علىّ كُرسي ونايم صعب عليا قومته وقولت:
_ مروان مروان قوم يا حبيبي نام في اوضتك...
قام بخضه وقال:
_ انتِ كويسه؟
_ ايوا متقلقش يا حبيبي و حروح الكليه...
_ طيب يا ميرو البسي يلا وحوصلك النهارده....
هزيت راسي ليه ونزلت لقيت ماما بتحط الفطار علىّ السفره شافتني جت عليا حضنتني وقالت:
_ حبيبت ماما عامله ايه النهارده؟
_ الحمد لله يا حبيبتي....
_ اقعدي يلا عملتلك الفطار للي بتحبيه روح يا مروان نادي سليم....
راح مروان نادي سليم وجم وقال:
_ هو بابا لسه مجاش؟
_ لا بات في الشغل...
أتكلم سليم وقال:
_ يلا يا ميرو علشان منتأخرش...
_ خليك انتَ النهارده يا سليم حوصلها انا...
_ والله ابداً...
ابتسمت وقولت:
_ خلاص تعالو انتو الاتنين...
بصو لبعض وضحكو ومروان قال:
_ فكره بردو...
______________________________
في الكليه:
وصلنا ونزلت لقيت مروان نازل معايا و مسك إيدي وابتسم ابتسامه طمنتني أتكلم مروان وقال:
_ خت اجازه اسبوع هنقديهم مع بعض انا وانتِ و سليم ،هنقعد في الكافيه دا نستناكي....
هزيت راسي بهدُوء وأنا من جوايا فرحانه عارفه انهم بيعملو كدا علشان يطلعوني من المود.....
دخلت المُحاضر وبصيت بعيني لقيت ملك قاعده روحتلها وحضنتها وقولت:
_ عامله ايه؟
_ الحمد لله يا ميرا وانتِ؟
_ الحمد لله...
قولت كدا ولقيت الدكتور بدأ يشرح خلصت المحاضره وطلعت لقيت يزن واقف وكأنه مستني حد ابتسمت بسُخريه مثلاً بعد للي قاله هيكون جيلي اكيد جاي ل كارما لقيته بصلي وعيونا اتلاقت ل ثواني فوقت من دا لما مروان قرب عليا ومسك إيدي وسليم معاه بعدت عيني عنُه لقيت مروان بأس ايدي وقال:
_ يلا يا نورعيني....
هزيت راسي ومشيت معاهم وانا عارفه ان عيونه عليا مردتش ابص منعاً اني اهين نفسي اكتر من كدا بعد للي قاله....
_______________________________
عدت فتره سمعت فيها ان يزن خطب كارما ابتسمت بوجع كل ما افتكر اليوم دا قلبي كان وجعني بشكل!!!
بس بطمن ل وجود سليم و مروان بيحولو دايماً يعملولي اي حاجه بحبها ويطلعوني من المود حقيقي ممتنه ليهم و ل وجودهم في حياتي هُما أكبر داعم نفسي ليا سعات بقعد افكر لو مش موجودين في حياتي كان ممكن حصلي ايه من وجعي....
وبابا انا وهو مش بنتكلم نهائي غير للضروره وبشكل رسمي....
عدت فتره اشتغلت في ورشه كبيره و في يوم عرفت ان في مسابقات روحت وكَان في شخص مجهول حيلاعب يزن....
ابتدت المُسابقه وكالعاده كسب يزن فا لقيتُه قرب علىّ الشخص دا فا قلع الخوذه واتعرف المجهول لما يزن بصوت عالي قال:
_ انتِ يا ميييراااال؟
_ ايوا...
لقيته شدني من إيدي و سحبني وراه وطلعنا برا مكان السبق بعيد عن الناس لقيته بيزعق وقال:
_ هو انا مش قولت متشتركيش ولا انتِ مبتفهميش؟
اتنرفزت علىّ زعيقه و قولت:
_ وانتَ مالك؟
_ للي انتَ مالك متعصبنيييش!!!
_ هُو انتَ حتمثل فيها احنا مبيناش حاجه علشان تمسكني وتسحبني وراك زي الكلبه انا خلاص حتجوز زي ما انت قُولت؟
_ انتِ بتعملي فيا كدا لييييييه؟
_ بعمل فيك ايه كُنا بنحب بعض وخلاص محصلش نصيب قولتلي اقعد مع العريس يمكن يطلع كويس ونتجوز انا وهو ايه مُشكلتك؟
أتكلم بغيره وقال:
_ عادي يعني حتتجوزي غيري وبتقوليها قدامي وعادي يعني؟
اتكلمت وأنا بحاول امثل البرود وقولت:
_ عادي طب ما انتَ خطبت غيري كويس انك حسيت نفس الاحساس لما قولتلي انك حتتجوز كارما....
_ انتِ شايفه للي أبوكي عمله عادي؟
زعقت فيه وقولت:
_ انتَ ايه يا بنادم انا اعتذرتلك وقولتلك مش عادي وقولت اني وقفت في وش أبويا انتَ ليه عايز تعيش دور الضحيه في قصتنا...
_مش بعيش دور الضحيه....
_ خلاص يا يزن حكايتنا خلصت خلاص...
كملت بدموع وقولت:
_ بس هو انا مكنتش استحق انك تحاول علشاني؟
_ لا تستحقي تستحقي كل حاجه حلوه....
اتكلمت وقولت:
_ يلا حمشي انا بقى اشوف وشك بخير ربنا يوفقك في حياتك مع كارما.....
_ استني،هو في ايه كل شويه خطبت وربنا يوفقك مع كارما هو في ايه؟
_ مش مستاهل تمثل يا يزن انا عرفت انك خطبتها...
_ انا مخطبتش حد!!!