رواية حين جمعنا القدر الفصل الثامن8بقلم جودي محمد
نزلت صور ليلي واسر وكانو حديث السوشيال ميديا واتصل اللواء ب اسر وباركله جه الصبح واسر وليلي نزلو على الفطار
ناهد: نزلتو ليه يحبيبي كنت هطلعلكو الفطار
اسر : عادي يست الكل زهقنا من القعده لوحدنا
ناهد: يواد حد يزهق من عروسته بردو
ضم اسر ليلي : يا امي انا قولت زهقنا من القعده مش زهقت منها متغلطيناش بقا
ضحكو كلهم وقعدو يفطروا ودخل عليهم يوسف الاخد ليلي بالحضن وبارك ليها واعتذر عن العمله وليلي فرحت بس اسر مكنش مرتاحله
داوود: جهزتو شنطكو عشان الطياره الفجر
اسر : لسه والله ي بابا هنطلع نجهزها بعد الفطار
ناهد: تروحو وتيجو بالسلامه يحبيبي
اسر : الله يسلمك يحببتي
هند: مالك يحببتي سرحانه في اي
ليلي : ها لا ولا حاجه يحببتي انا معاكو اهو
هند: ولا الجواز واخد عقلك
ليلي بضحك : لا بفكر هاخد اي معايا وانا مسافره
ضحكت هند: متقلقيش يحببتي هجهزلك انا الشنطه
ليلي بخضه حاولت تداريها وخلت اسر ضحك عليها راحت ليلي نغزته في جنبه
ليلي : لا يست الكل متتعبيش نفسك انا هعملها
خلصو فطار وطلعوا عشان يجهزو الشنط ومر اليوم بسلام وجه وقت السفر وودعوهم كلهم وهند وناهد بيعيطو من الفرحه بيهم بس محدش يعرف الحقيقه راحو المطار وركبو الطياره وبدات ليلي تخاف لأنها اول مره تركب طياره واسر لاحظ ده
اسر : انتي خايفه ولا اي مالك اهدي
ليلي برعب: انا مرعوبه يا اسر
اسر : طب اهدي مفيش حاجه
بدات الطياره تطلع ف مسكت ليلي في دراع اسر من الرعب ودفنت وشها في كتفه ابتسم اسر على حركتها وطبطب علي ايديها
اسر : خلاص يا ليلي متخافيش فتحي عينك بقينا في الجو
ليلي فتحت عيونها براحه وبصت على شكل السما وبدات تهدى
ليلي : واو المنظر جميل اوي
اسر : اه يلا نامي بقا عشان قدامنا طريق طويل لبالي
نام اسر وليلي وقبل الوصول صحيو وليلي خافت من الهبوط ومسكت في اسر تاني نزلو من الطياره وراحو الفندق وليلي كان عاجبها المناظر الطبيعية والمكان اوي كانت اوضتهم جميله ومتزينه عشان هما عرسان وبتطل على منظر جميل قررو انهم يريحو شويه بعدين ينزلو يتفسحو وجم ينامو لقو الكنبه صغيره
ليلي : انت ممكن تنام على السرير وانا هنام على الكنبه عشان مش هتكفيك
اسر : لا نامي متشغليش بالك بيا
وراح اسر على الكنبه وحاول ينام عليها بس معرفش وكانت ليلي بتضحك عليه وهما عمال يتقلب قعد اسر بنرفزه
اسر : بتضحكي علي اي
ليلي : سوري مش قصدي والله على فكره انت ممكن تيجي على السرير عادي السرير واسع ومتخافش مش هاكلك يعني
بصلها اسر بغيظ وطلع على السرير ونامو صحيت ليلي لقت نفسها في حضن اسر فضلت تتأمله اول مره تشوفه وهو نايم وملامحه الحاده شكلها هادي طردت ليلي الأفكار دي من دماغها وقامت خدت شاور ولبست مايوه وعليه كاش وراحت تصحي اسر عشان ينزلو المايه
ليلي : اسرر اسررر يلا اصحى عشان نلحق البحر
اسر بنوم: بس ي ليلي عايز انام
ليلي : انت بقالك كتير نايم يلا بقا عايزين نتبسط
اسر : ليلي متعصبنيش مش نازل في حته انزلي انتي
بصتله ليلي بزعل وهو حط دماغه تحت المخدة قررت تنزل هو كان مفكر لما يقول كده هي هتقعد بس هي نزلت بعد شويه قام اسر وبينادي على ليلي مش بترد عرف انها نزلت بص من البلكونه لقاها نايمه على الشازلونج بالمايوه بتاخد تان اتعصب اسر ولبس ونزلها وليلي مغمضه عينيها اتفاجئت ب ايد قويه بتشدها وبتطلع بيها على الاوضه
ليلي : اي الجنان البتعمله ده سيب ايدي يا اسر الناس بتتفرج علينا
اسر بزعيق خض ليلي : اخرسي خالص
ليلي دموعها نزلت من مسكته لايدها وزعيقه ليها دخل اسر الاوضه وزق ليلي خلاها اتخبطت في الحيطه اتاوهت ب الم بس اسر مهتمش كل القدامه منظرها بالمايوه وكله بيتفرج عليها
اسر : ممكن افهم اي القرف الانتي لبساه ده قعدالي بالمايوه قدام الرجاله والرايح والجاي يتفرج عليكي يهانمم
ليلي : انت بتقول اي انا على طول بلبس كده انت ازاي تقول كده
اسر : على طول اه ليه بقا ان شاء الله نازله من غيري عشان الرجاله تتفرج عليكي عاجبك الوضع مش كده ردي عليااا
اتصدمت ليلي من كلامه وكانت هتضربه بالقلم بس اسر مسك ايديها في ثواني
ليلي : الانت بتقوله ده صدقني هتندم عليه
اسر بيضغط على ايديها
اسر : انتي اتجننتي عايزه تمدي ايدك عليا كمان مهو دا الناقص واضح ان خالو معرفش يربي انو يسيبك تلبسي كده بس انا ممكن افوقك عادي
ليلي : اخرسسس انا متربيه غصب عنك وابعد ايدك عني يا اسر انت كده راجل يعني لما تمسكني كده سبنييي
اسر : انا راجل غصب عنك
واتنرفز اسر اكتر وضرب ليلي بالقلم خلا ليلي اتصدمت ودموعها وقفت وهو كمان اتصدم وسابها فورا بصتله ليلي بزعل وجريت دخلت الحمام وقفلت على نفسها وقعدت ورا الباب تعيط بصمت بس صوت شهاقتها كان واصل لاسر الكان هيخبط عليها بس رجع في كلامه قرر ينزل ويسيبها تهدى نزل اسر وفضل يتمشى وهو بيلوم نفسه على الحصل وليلي فوق اول ما سمعت انو خرج خرجت من الحمام غيرت المايوه ولبست بيجامه بينك رقيقه وحضنت نفسها في السرير وفضلت تعيط لحد ما نامت بعد شويه كان اسر طلع دخل لقى ليلي نايمه والدموع على خدها كان عايز يصحيها ويعتذر بس مرضيش يزعجها دخل اخد شاور اول ما طلع لقى ليلي صحيت وقاعده في البلكونه قرر يدخل يتكلم معاها اول ما دخل
اسر : ليلي اناا ..
ليلي : انا عايزه اتطلق
اسر : نعمم طلاق اي
ليلي: طلاق زي اي طلاق في اي
اسر : انتي مع اول مشكله بينا عايزه تطلقي اعقلي ي ليلي بلاش شغل عيال
لفتله ليلي بعصبيه
ليلي : شغل عيال ! انك تمد ايدك عليا لسبب تافهه وانا اطلب الطلاق ده شغل عيال ؟؟
اسر : ده مش سبب تافه ده اولا ثانيا انا عمري ما كنت همد ايدي عليكي بس انتي الغلطتي فيا
ليلي : وانت مغلطش فيا وفي تربيتي تعرف اي انت عن تربيتي مالك بيها اصلا بص يا اسر اليمد ايده مره يمدها عشره وانا مش هكمل مع واحد ايده سبقاه وهمجي بالشكل ده
اتعصب اسر بس حاول يمسك نفسه
اسر : طب بصي يا ليلي طلاق مش هطلق واه انا همجي وماشي بدراعي عندك حاجه تانيه ؟
ليلي: وانا هعرف اطلق منك بطريقتي ي اسر
كور اسر ايده بغضب خلى ليلي تخاف منه وترجع خطوه لورا خوفها منه زعله خلاه ينزل ايده وقرب منها وهي خافت وفضلت ترجع بس هو مسكها وضم وشها بين ايده وبصوت حنون
اسر : ليلي انا حقيقي اسف انا مكنش قصدي اضربك ولا قصدي اخوفك مني بالطريقه دي
اتكسفت ليلي من قربه ليها وبدات مقاومتها تضعف قدام نبرة صوته وحضوره الطاغي عليها بس افتكرت القلم المعلم على وشها لحد دلوقتي ف بعدت ايده عنها وبعدت عنه
ليلي: بس انا خوفت منك وخايفه مع اي مشكله تانيه تمد ايدك عليا يا اسر انا بكره العنف
اسر : صدقيني مش هتتكرر انا اصلا مش عارف عملت كده ازاي بس عصبيتي عمتني وانا شايفك نايمه بالمنظر ده وحواليكي كل الناس دي مشوفتش قدامي
ليلي: كان ممكن تتفاهم معايا حقيقي كنت هفهمك وهعمل الانت عايزه
قرب اسر منها تاني ورفع وشها لي
اسر : انا اسف حقك عليا لو اتكررت تاني اعملي الانتي عايزاه ماشي؟
ليلي بصتله بضعف وهزت راسها ب ماشي ابتسم اسر وباس خدها الضربها عليه خلا ليلي وشها يحمر ضحك على منظرها
اسر : يلا روحي البسي عشان ننزل نتمشى شويه
دخلت ليلي تجري لبست بنطلون جينز وتيشيرت قررت انها تلبس حاجه مقفوله عشان تتجنب اي مشاكل مع اسر ونزلو اتمشو واكلو ورجعو نامو وعدا شهر العسل في هدوء بدون أحداث تذكر بس ليلي واسر قربو من بعض في الفتره دي واسر بقا يرتاح مع ليلي جدا بس لسه مش معترف انو بيحبها ياترى هيجي الوقت ويعترف لنفسه انو بيحبها ولا لا مسيرنا نشوف ...