رواية حين جمعنا القدر الفصل التاسع9 بقلم جودي محمد
رجع اسر وليلي القاهره وناهد وهند كانو في استقبالهم وفرحو بيهم جدا
ناهد: رجعتو بسرعه ليه يحبيبي ده انا قولت هتاخدو شهر انتو مكملتوش اسبوعين
اسر: قولنا كفايه عشان كلية ليلي خلاص الدراسه قربت وعشان بابا الشايل الشغل كله لوحده انتي عارفه انو شايل شغل شركته وشركة خالو انا مامنش يوسف على الشركه
يوسف: ومتامنش يوسف ليه ي ابو نسب بس
دخل يوسف الاخد اسر وليلي بالحضن على عكس المتوقع
اسر : مقصدش يجو بس الشيله تقيله بس مش اكتر
يوسف: ولا يهمك ي ابو نسب منوره يلولو
ليلي : بنورك يجو انا طلع ارتاح بقا عشان مش قادره
اسر : وانا كمان يلا بينا صحينا على الغدا ي امي
ناهد: عنيا يحبيبي
طلع اسر وليلي نامو ونزلو على الغدا كان داوود جه وسلم عليهم وقعدو يتغدوا
ناهد: اي يولاد مفيش حاجه جايه في السكه ولا اي
شرقت ليلي وفضلت تكح اتخض اسر عليها وشربها مايه
هند: اسم الله عليكي يحببتي
اسر : اي يماما كل حاجه في وقتها يحببتي
ناهد: انا قولت حاجه يبني
ضحكو كلهم كان يوسف متابع في صمت بيخطط لحاجه هنعرف اي هي بعدين بعد الغدا دخل اسر وداوود المكتب يتكلمو في الشغل وعدا اليوم ورجع كل واحد لحياته الطبيعيه ليلي بتجهز لرجوعها الكليه واسر بين شغله في المقر وشغله في الشركه وبيرجع تعبان وينام عدا الوقت وجه اول يوم في السنه الدراسيه الجديده واول يوم جامعه لليلي في السنه التالته ليها في هندسه وصمم اسر انو يوصلها
ليلي: شكرا يا اسر يلا باي عايز حاجه
اسر : اه استني خدي الفلوس دي خليها معاكي ولما تخلصي كلميني هعدي اخدك
ليلي : اوكي باي اسوره
باسته ليلي من خده ونزلت خلت اسر يبتسم دخلت ليلي الكليه وراح اسر شغله وخلص اليوم وعدا اسر اخد ليلي من الكليه وروحوا وهما بيتعشو
داوود: اسر اعمل حسابك هنروح الصعيد عند جدك يومين اخر الاسبوع كده
اسر : ليه يا بابا
داوود: جدك عايز يشوفك ويشوف عروستك
اسر : ليلي عندها كليه وانا مش هاخدها وسط عماتي وبنات عماتي ي بابا عايز يشوفني هاجي معاك
داوود: يعني اي البتقوله ده انا قولت العندي وكلنا هنروح خلص الكلام
كان لسه اسر هيرد بس ليلي مسكت ايده ف سكت طلعو اوضتهم
اسر : ممكن افهم كنتي بتسكتيني ليه
ليلي : فيها اي يا اسر لما نروح واهو نغير جو
اسر: نروح فين انتي واعيه احنا رايحين لمين
ليلي : يحبيبي اهدى مالهم يعني دول عيلتك
اسر : ما هما عشان عيلتي مش هنروووح
ليلي : يا اسر مينفعش تصغر باباك قدام جدك احنا نروح وهما يومين ونرجع مش هيحصل حاجه متخافش انت قلقان من اي
اسر : يبنتي انتي مش متخيله الرايحين ليهم دول عاملين ازاي دول ياكلوكي وانتي واقفه يا ليلي
قربت ليلي منه : متقلقش عليا ي اسوره انا هعرف اتصرف وبعدين انت معايا
سرح اسر فيها
ليلي : ها قولت اي
اسر : هاا
ليلي : ها اي يا اسوره هنروح ولا لا
اسر : هنروح وامري لله ربنا يستر بقا
عدا اليوم وجه تاني يوم نفس الروتين بس اسر وهو في الشغل تلفونه رن وكانت ليلي
اسر : ليلي انا مش فاضي دلوقتي ممكن شويه وا..
بس سكت اسر لما سمع صوت عياط ليلي وقام وقف
اسر : ليلي في اي
ليلي بعياط: اسر ممكن تيجي الكليه بسرعه
اسر : طب اهدي انا جاي حالا
راح اسر بسرعه وعرف ليلي فين وراحلها دخل مكتب العميد بدون استئذان
العميد: اي الهمجيه دي ازاي تدخل كده هو ده الانتي مقعدانا نستناه
اسر : المقدم اسر الخولي معاك كلامك معايا مش معاها اي البيحصل هنا بالظبط
العميد: اهلا يافندم اتفضل ولا حاجه حصلت ده بس سوء تفاهم بسيط
اسر : لما اسمع منها ابقى اقرر بسيط ولا لا اي الحصل يحببتي
ليلي : انا كنت خارجه من المدرج وهو عاكسني ولما مردتش عليه شدني من ايدي ف قولتله ابعد عني انت اتجننت لما قولتله كده بدأ يعلي في صوته وجينا هنا قعد يتطاول عليا
لف اسر للشاب وبصله خلاه اترعب بعدين قعد وحط رجل على رجل و وجه كلامه للعميد
اسر : رأي حضرتك اي في البيحصل
العميد: يا فندم انا شايف ان نمشي الدنيا والولد غلط وهيعتذر
اسر : لما حضرتك هتمشي الدنيا خلتها تجيب ولي أمرها ليه وفين ولي أمر البيه
العميد: والده عنده محاضرات
اسر : اه يعني ابوه دكتور هناا طب يجي حالا معلش
الشاب : لا ونبي بلاش ابويا انا اسف والله بس بلاش ابويا
بصله اسر بقرف : لما انت مش حمل ابوك بتعمل حاجات تندم عليها ليه
الشاب : انا اسف يباشا حقك عليا حقك عليا يا انسه
اسر بزعيق : كلامك معايا انااا
الشاب: انا اسف يبيه ونبي والله ما هتتكرر
اسر : ماشي يااا
الشاب: محمد اسمي محمد
اسر : ماشي يامحمد انا هعديها المرادي عشان واضح ان والدك محترم وانت لا بس لو حصلت تاني وجيت بسببك صدقني هزعلك
هز الولد راسه بطاعه ومشي اسر وليلي ركبو العربيه
اسر : انتي كويسه ؟
ليلي : كويسه شكرا يا اسر
طبطب اسر علي ليلي واتحركو من غير كلمه زياده بس اسر كان متعصب وليلي كانت ملاحظه ده وقررت انها لما تروح تهديه روحو البيت واسر قال انو مش هياكل وطلع وليلي طلعت وراه
ليلي : اسر
اسر بحده: نعم
ليلي : في اي مالك متعصب ليه كده بس
اسر : مفيش يا ليلي سبيني في حالي
اخد اسر هدومه ودخل اخد شاور وطلع قعد على الكنبه وفتح اللاب يشتغل عليه جت ليلي من وراه تعمله مساج
ليلي : هديت شويه ولا لسه
اسر : انا هادي يا ليلي مفيش حاجه ممكن تسبيني اشتغل
ليلي : متشتغل هو انا عملت حاجه
اسر : اشتغل ازاي وحضرتك فوق دماغي كده
بصتله ليلي : يعني امشي يا اسر
اسر : هاا
ليلي : امشيي
اسر : لا
شدها اسر عليه ف بقت في حضنه
ليلي : اسر بتعمل اي
اسر : ششش
باسها اسر برقه خلاها اتكسفت كانت ليلي بدات تستسلم لاسر بس فجأه بعدت عنه
ليلي : تصبح على خير
فاق اسر ومكنش مستوعب هو ازاي عمل كده وقام نام هو كمان جه الصبح وليلي قامت جهزت واستنت اسر من غير ولا كلمه وقبل مينزلو وقفها اسر
اسر : انا اسف على الحصل امبارح
ليلي : محصلش حاجه عادي
اسر : انا عارف ان مكنش ينفع كده خصوصا ان انا القولت حقك عليا
عيطت ليلي : انا تعبت ي اسر انا مبقتش فهماك شويه قريب مني وشويه بعيد بقيت محتاره انت عايز اي
حضنها اسر : حقك عليا يا ليلي اوعدك كل حاجه هتتظبط
بعدت ليلي ومسحت دموعها وابتسمت
ليلي : حصل خير يلا عشان منتاخرش
عدا اليوم وخلص الاسبوع وليلي بتتجنب اسر وده مضايقه جدا ومخليه متعصب وجه يوم السفر للصعيد تفتكرو اي الهيحصل ؟؟
في مكان مهجور
مجهول1 : انا مستعد اعمل اي حاجه عشان ادمرهم انا معاك متقلقش
مجهول2 : الصبر حلو يا.... الصبر حلو انا هوريهم عايزك بس تبقى معايا وانا هعملك الانت عايزه
مجهول1 : وانا معاك
تفتكرو مين دول وبيخططو لايه ؟