رواية بابت بقي بطلي تستغلي منصب ابوكي الفصل التاسع9بقلم ليلان سلامة
انا مخطبتش حد!!
اتكلمت بصوت مخنوق وقولت:
_ مش محتاج تبرر حاجه يا يزن خلاص للي بينا انتهي وأنا خلاص بابا حيجوزني أكرم....
لقيته اتنرفز ومسك معصمي وفضل يهز فيا وقال:
_ بطل بقى شُغل استفزاز فيا انتِ ايييييييه مش حاسه بيا ليه؟
اتكلمت بوجع وقولت:
_ انا مش حاسه بيك؟وبستفزك؟لا أنا مش بستفزك هو دا نفس الكلام للي قولتهولي يوم ما قولتلي حتتجوز كارما الحمد لله انك شربت من نفس الكأس و حسيت بوجعي ساعتها!!!
جيت أمشي قاطعني صوته وهو بيقول والدموع بتتجمع في عيونه:
_ متمشيش الحياه وحشه اوي من غيرك!!
غمضت عيني وانا جوايا صراع مش طبيعي بين خذلانه ليا وبين انه صعبان عليا....
بس رغم كدا حاولت أتكلم بثقه وبرود وقولت:
_ الحياه وحشه من غيري؟
_ اوي اسوء فتره عدت عليا!!
_ حارب علشاني وأنا مش حعمل حاجه انا حتفرج بس واشوفك وانتَ بتحاول للي بيحب حاجه مبيسبهاش....
قولت كدا ومشيت ورميتله الكوره في ملعبه حالياً....
_________________________________
روحت لقيت بابا قاعد مستنيني قام لما شافني وقال:
_ ميرال عايز اتكلم معاكي...
اتكلمت بلامبالاه وقولت:
_ نعم....
_ أكرم أكرم عايز يجي نحدد معاد الخطوبه!!
بصتله بكسره وقولت:
_ للدرجادي مش فاهمه بجد يعني للدرجادي انا رخيصه عندك علشان عايز تجوزني بالغصب؟!
أتكلم بابا بزعيق وقال:
_ رخيصه ايه انتِ للي بترخصي نفسك لما تكوني عايزه تتجوزي الصايع دا لكن ماله أكرم ظابط مُحترم وقريب حيترقى اهله ناس محترمه ومرتاح ماديا وحيعيشك في مستوى احسن من للي انتِ فيه و راجل و فوق كُل دا بيحبك....
لقيته عالى صوته اكتر وقال:
_ لكن انتِ بقى عايزه ايه عايزه الصايع للي مش لاقي حد يلمُه من السباقات و القرف....
اتكلمت بصوت واطي وكسره وقولت:
_ بس انا بحبُه....
_ حُب ايه الحب مش كل حاجه زي ما قولت وأكرم اكيد حتحبيه مع الوقت...
_ مش حينفع اتجوز واحد وأنا قلبي وعقلي مع واحد تاني!!
_ غصب عنك حتنسيه فاهمه!!
هنا كان خلاص فاض بيا وجبت اخري وعليت صوتي وكانت اول مره اعملها وقولت:
_ لا مش فاهمه انا مش مجبوره اتجوزه مبحبهوش مش طيقاه هو ايه الجواز بالعافيه!!
جه سليم علىّ صوتي وقال:
_ في ايه؟
اتكلمت بعياط وقولت:
_ تعالى يا سليم بابا عايز أكرم يجي يحدد الخطوبه خطوبت ايه وأنا معرفهوش ومبحبهوش ومش طيقاه!!
_ ميرال اهدي يا حبيبتي مفيش حاجه حتحصل من دي....
زعق بابا ل سليم وقال:
_ وانتَ على اي اساس بتقرر انتَ انتَ مالك اصلاً هي بنتي وأنا حُر؟
اتنرفز سليم وقال:
_ لا يا نوح انا ليا ميرال بنتي وأنا مستحيل اسيبها ومش حتتجوز أكرم مبتحبهوش ايه ترضاها انها يكون قلبها مع واحد تاني وتتجوز اكرم؟بنتك تبقى خاينه ولو رجعتلك مُطلقه متزعلش.....
_ بعد الشر مفيش طلاق وهي حتنساه حتي لو بالغصب...
بابا قال كدا وطلع اوضته،نزلت علىّ ركبتي علىّ الأرض و حطيت دراعاتي علىّ كتفي وضميت نفسي ليا وأنا دموعي نازله قرب سليم مني ونزل علىّ ركبته جمبي وقال:
_ ميرال حبيبتي اهدي مفيش اي حاجه حتحصل ومش حتتجوزي البنادم دا ابداً والله لو علىّ موتي ما حيحصل....
وقفت علىّ ركبتي وحضنته جامد وأنا بعيط وقولت:
_ بعد الشر عليك يا سليم متقولش كدا حزعل منك...
ضحك ومسك وشي بإيده وقال:
_ ممكن تهدي انتِ واثقه فيا؟
اتكلمت بتأكيد وقولت:
_ طبعاً يا سليم!
_ يبقى خلاص متقلقيش طول ما انا موجود كمل بضحك وقال:
_ و الواد مروان...
ضحكت ضحكه خفيفه فا قال:
_ ايوا اضحكي كدا خلي الدنيا تنور...،قومي يا حبيبتي يلا نامي علشان الكليه بكرا....
دخلت نمت ومفكرتش في اي حاجه من كتر التعب....
__________________________
تاني يُوم:
قومت لبست علشان اروح الكليه نزلت لقيت ماما بتحضر الفطار و سليم بيخلص شغل لي نزلت حطيت الاكل مع ماما وللي قالت:
_ ميرو حبيبتي عامله ايه؟
_ الحمد لله يا ست الكُل..
_ يلا يا حبيبتي نادي سليم وأنا حنادي ابوكي...
فعلاً روحت نديت سليم وماما ندت بابا وبدأنا ناكل فا قولت ل ماما:
_ هو مروان فين؟
_ مجاش من الشغل لسه...
هزيت راسي وبعدين قومت غسلت ايدي وقال سليم:
_ يلا يا حبيبتي اسبقيني علىّ العربيه..
روحت للعربيه وبعدين سليم جه ورايا ركبنا ووصلنا الكليه فا إتكلم سليم وقال:
_ ميرال هستناكي في الكافيه علىّ ما تخلصي علشان لو خلصتي بدري ولا حاجه...
_ طيب باي يا حبيبي...
ابتسملي فا مشيت روحت المُدرج قعدت ادور علىّ ملك ملقتهاش روحت قعدت في رُكن لوحدي لحد ما خلصت طلعت لقيت يزن كالعاده شافني بس استغربت لما لقيته قرب مني وقال:
_ انا ححارب علشانك و فكك بقى من العريس علشان مزعلهوش....
اتكلمت وأنا بداري ابتسمتي وقولت:
_ طيب،حتعمله ايه يعني؟
بصلي وهو لافف وشه وقال:
_ ملكيش دعوه...
اتكلمت وهو بيلف وماشي وقال:
_ اديني حذرت..!!
_____________________________
عدا اسبوع ومحصلش اي حاجه جديده بتجنب الكلام مع بابا ومبشوفش يزن غير في الكُليه ويبتسملي بس اغلب وقتي مع سليم و مروان وللي بيحاولوا يعوضوني....
في مكتب بابا:
دخل كريم وقال:
_ عامل ايه يا نوح؟
_الحمد لله وانتَ..
_الحمد لله،انا عرفت مكان يزن!
_فين طيب؟
_ تعالى نروحله...
قام كريم وبابا راحو ل يزن خبطو فتح يزن للي اتصدم من وجودهم وقال بحده:
_ نعم؟!
أتكلم كريم عم يزن بتوتر وقال:
_ طب مش هندخل اكيد مش هنتكلم علىّ الباب...
_ هو احنا بينا كلام اصلاً؟
_ ايوا يا يزن دخلني!!
بعد يزن عن الباب ودخله واتفاجاء ب بابا لانه مشافهوش كان واقف بعيد بصله بقرف أتكلم كريم وقال:
_ يزن حبيبي أنا آسف حقك عليا يا ابني..
ضحك يزن وقال:
_ طب واسفك دا بقى هيرجعلي أبويا للي انتَ سجانته؟
أتكلم كريم وقال:
_ انا اسف لما بلغت مكونتش اعرف انه خالد الله يرحمه اكيد مش لدرجه اسجن اخويا...
بعديها كريم حط عينه في الأرض وقال:
_ وأنا غلطت لما رفضت اسلفه فلوس انا اسف نجاحي غرني بس كل دا راح لما حسيت كل حاجه بتروح مني عيالي ومراتي للي مكنوش طايقني بعد للي حصل و موت اخويا و هروبك واني مبقتش عارف انتَ عايش ولا ميت انا اسف...
_ وانتَ عايز ايه دلوقتي؟
_ عايزك تيجي وتعيش معايا وتسامحني...
_ ياا بكُل سهوله كدا ليه هو انتَ ضربتني مثلاً فا بتعتذر؟
أتكلم كريم والدموع نازله علىّ خده وقال:
_ عارف ان غلطتي ميتغفرش متسامحنيش دلوقتي بس تعالى عيش معايا خليك تحت عيني...
_ لا خلاص مبقتش محتاج حد عندي بيت الحمد لله و بكمل تعليمي و بشتغل فا خلاص بقى أنا مبقتش يزن الصغير للي هرب منك....
_ يا يزن والله من بعد ما مشيت مراتي مش راضيه تبص في وشي و دايماً بتلومني اني السبب و عيالي مش بيكلموني غير لما يعوزو حاجه والله كلهم بيحبوك...
_ اه يعني دا للي فارق معاك للي هو رجعت يزن اهو ارضو عني صلحت غلطتي صح؟
_ لا مش صح انتَ ابن اخويا يعني ابني!
_ فعلاً ابنك اوي بصراحه...
_ حعوضك ان كل للي شوفته..
_ تعوضني عن ايه هترجعلي ابويا؟
_ يزن انا...
_ خلاص بقى كفايااا كفايااا للي بتعملوا فيييييييااا...
اتخض كريم وقال:
_ يزن اهدى يا حبيبي...
راح كريم عمل مُكالمه في البلكونه وفضل يزن وبابا أتكلم يزن وقال:
_ أوعي تكون فاكر اني حستسلم واسيبها...
_ أوعي تكون فاكر اني حوافق عليك واصلاً هي خلاص خطوبتها قربت....
_ مش حيحصل لو كلفتني اخطفها حعملها...
مسكه بابا من هدومه وقال بزعيق:
_ مغلطش لما قولت عليك صايع وبلطجي دا انتَ فعلاً...
دخل كريم علىّ صوتهم وقال وهو بيفك يزن من بابا:
_ في ايه يا نوح سيبه؟
_ بيقولي حيخطف بنتي دا بنادم مترباش...
_ انا الحمد لله أبويا رباني لكن أنا مش حسيب ميرال...
_ في ايه يا يزن؟
_ خلي يقولك...
عدا شويه وقت والصمت ساد في المكان والباب خبط فتح يزن ولقى نرمين مرات عمه و يوسف وياسين ولاد عمه وللي اول ما شفوه حضنوه وقال يوسف:
_ كنت فين السنين دي كلها ليه مشيت كدا؟
أتكلم ياسين وقال:
_ وحشتنا يا يزن اوي..
دخلت نرمين مامتهم واول ما شافت يزن ابتسمت وحضنته نرمين مامت يزن في الرضاعه لان يوسف قد يزن....
_ كدا تسيب امك وتمشي؟
حضنها يزن وقال:
_ مكنش قصدي انتِ عارفه انا بحبك قد ايه...
_ خلاص انتَ حترجع معايا مستحيل اسيبك تاني....
أتكلم كريم بمرح وقال:
_ جت للي حتخدك اهي..
_ انا اسف والله مش حقدر اجي معاكي...
اتكلمت نرمين بدموع بتحاول تداريها:
_ كدا عايز تسيبني تاني يعلم ربنا انك حته من قلبي وزيك زي ولادي دا انا امك وللي ربيتك عايز تسيبني تاني؟
_ معلش مش حقدر...
_ لا مفيش حاجه اسمها مش حقدر انتَ حترجع معايا يا إما والله حطلق من عمك اختار بقى..
أتكلم ياسين وقال:
_ ايوا وتكون سبب في تفكك العائله وضياعي انا ويوسف...
اتكلمت نرمين وقالت:
_ تعالى معانا وصدقني عمك مش حيجي جمبك خد وقتك في الزعل يا حبيبي والله قلبي بيتقطع عليك....
دموعها نزلت وقالت:
_ انا تعبت بعد ما انتَ مشيت وبقيت بروح لدكتوره نفسانيه...
غمض يزن عينه وباس يزن ايديها وقال:
_ حاجي علشان خاطرك بس...
وفعلاً يزن راح عاش معاهم....
بليل رجع بابا وللي طلب يتكلم معايا وقال:
_ خطوبتك علىّ أكرم الاسبوع الجاي....
_ يعني ايه يا بابا؟
_ يعني خلاص انسي بقى يزن...
_ مش حنساه واقسم بالله انا لو اتجوزت اكرم عمري ما هسامحك وانسي ان ليك بنت اعتبرني موت......
قولت كدا ومشيت بس كان عندي امل ان يزن حيعمل اي حاجه......
عدت الايام ومحصلش اي جديد غير اني بجهز لخطوبتي بالغصب من بابا....
يوم الخطوبه الصبح كُنت بعيط ومنهاره من العياط دخل بابا عليا وقال:
_ خلصي يلا علشان الناس قربت توصل...
_ انتَ ليه بتعمل كدا؟
_ بحميكي!
_ بتحميني فا تجوزني واحد مش طيقاه!!
_ حتحبيه مع الوقت ويلا ثواني والاقيكي جاهزه....
دخلت لبست وانا بستسلم ل مصيري مفيش حاجه في إيدي اعملها دلوقتي بس وعدت نفسي اني حطفشه وفعلا روحت لبست وبليل وصل هو وأهله و ناس معارف بابا وماما أتكلم أكرم ل بابا وقال:
_ فين العروسه؟
_ مامتها راحت تناديها....
دخلت ماما عليا وحضنتني و قالت فكي اليوم يا حبيبتي مش حتتجوزيه...
_ ما أنا بتخطبله يا ماما...
_ يا حبيبتي والله ما هتتجوزيه حتتخطبي بس علشان كلمه أبوكي لكن والله لو اي للي حصل ما هتتجوزيه....
هزيت راسي ونزلت روحت ل أكرم وللي قال:
_ ازيك..
اتكلمت ببرود وقولت:
_ الحمد لله..
حسيته حس ببرود ف طريقتي فا قال:
_ طب تعالي نقعد...
روحت قعدت انا وهو وبابا وباباه بيتكلموا وعدا وقت والناس مبسوطه و مهيصه وأكرم نفسه مبسوط بس انا كُنت في دنيا تانيه......
عدا وقت تاني ببص لقيت يزن واقف قُدامي اتخضيت من وجوده لاني مش مركزه سلم يزن عليا فا إتكلم أكرم ليا وقال:
_ مين دا يا ميرا؟
قرب يزن من أكرم وهمس في ودنه وقال:
_ حبيبها!!
أتكلم أكرم بإستغراب وقال:
_ افندم؟
_ انا حبيبها!!