رواية عودة عاشق الجزء الثاني2 الفصل الرابع عشر بقلم منة الله الجزار
عند جاسر ومازن في المكتب.
جاسر بهدوء.. مازن إيه اللي خلاك تعمل كدا؟
مازن بعدم فهم.. أعمل إيه؟
جاسر.. أنا مش عيل صغير يا مازن عشان اللعبة اللي انعملت بره دي تخيل عليا أنا فضلت ساكت عشان عارف إن وراك سبب إنك تعملها وإني جبتك هنا عشان أعرف السبب ده؟
مازن بقهر.. جالي رسالة تهديد يا أطلق حسناء يا يموتوها.
جاسر بصدمة.. مين اللي بعتها ليك؟
مازن.. بحزن.. معرفهوش وأنا لو أعرفه يا عمي هكسر قلبها قدام الكل كدا وأخرب بيتي كان زماني مخلص عليه.
جاسر.. بشك.. وإشمعنا مراد بالذات اللي اتبعتت ليك صورته مع حسناء ما بعتش حد تاني؟
مازن بغضب وكور إيده.. ده واحد عاوز يوقع بيني وبين مراد ويبعد الكل عني عشان يدمرنا واحد واحد بس أعرف مين هو وأنا هخلي أمه تولول عليه.
جاسر بحيرة.. طيب هنقول مراد وبتاع مشاكل وليه أعداء لكن إنت طول عمرك في حالك يا ولدي مين اللي عاوز يأذيك إنت بالذات.
مازن.. أنا بذات.
جاسر.. بقلة حيلة.. ما هو يا حمار لو عاوز يأذي مراد كان بعت ليه هو الرسالة مثلاً إنت والبت اللي أخوك فاقع دماغنا بيها اللي عاوز يأذي حد بيأذيه هو يا ولدي وزي ما إنت قولت عاوز يدمرك إنت الأول وبعدين مراد.
مازن بغل.. ده باين عليه بيحبنا قوي يا عمي بس مين ده أعرفه بس وأنا هقطع وشه.
جاسر.. دلوقت إحنا منعرفهوش تمام بس اللي هنعمله إننا هنكمل الخطة وإنك محكيتش ليا حاجة تمام وإنت اعمل إنك طالع متعصب وإني زعقت ليك كتير عشان أكيد ليه عيون في البيت.
مازن.. ماشي هتعمل إيه في موضوع عمر.
جاسر.. موضوع إيه؟
مازن.. بتاع جوازه.
جاسر بضحك.. هههههه دخلت عليك البنية أصلاً مخطوبة كيف هتكون مرات عمر.
مازن بصدمة.. مخطوبة أمال البقف ده قال إنها مراته ليه؟
جاسر.. ده لسببين.. الأول عشان إنت غلطت فيها وزعلتها وهو من غضبه قال أكيد لكن عمر متجوزهاش.
مازن.. والتاني؟
جاسر.. قوم شوف هتصالح حسناء كيف وردها لذمتك.
مازن بخبث.. بتوه ماشي.
جاسر.. امشي يا.
مازن بعند.. وربنا مانا طالع من هنا غير لما أعرف السبب التاني.
جاسر باستفزاز.. لا.
مازن بفضول.. وحياة جليلة تقولي.
جاسر بضحك.. عشان جليلة.
مازن باستغراب.. عشانها كيف؟
جاسر.. عشانها عشان تشيلوه من القايمة اللي حاطها لشربات وبكدا عمر متجوز ومش هينفع تجوزوا شربات وإنت بغباءك انضفت دلوقت للقايمة دي.. ههه.
مازن بصدمة.. أحيه شربات وأنا لا دي حسناء تقتلنا سوا.
جاسر.. قوم اعمل اللي قولتلك عليه وكفر عن اليمين اللي رميته ورجع مراتك.
مازن بحزن.. كدا حسناء مش هتوافق ترجع ليا.
جاسر.. حسناء بتحبك بس الصدمة كانت قوية عليها.
مازن.. ومراد.
جاسر.. لو قربتله دلوقت مراد مش بعيد يطخك عيارين.
مازن.. بخوف.. فعلاً مراد ولد مجانين هه.
جاسر.. قوم يا بدل ما أوريك الجنان على أصله.
مازن قام وباس راس جاسر وخرج وقبل ما يخرج رسم على وشه علامات الغضب.
شربات أول ما شافته كدا راحت ليه بس مازن معبرهاش وخرج ورزع الباب وراه بقوة.
جاسر.. يا ولد المجانين إنت.. مسيرك تقع تحت إيدي ووقتها مش هرحمك وأصل. كان بيتكلم بغضب كبير.
ـــــــــــــ
كان قاعد على السطح بيشم هوا بعد اللي هببه تحت وهي واقفة عند الباب ومتعصبة.
راحت لعنده بعصبية.. إنت إيه اللي قولته تحت ده؟
مردش عليها وده عصبها أكتر.
شوق بعصبية.. عمر رد عليا؟
عمر ببرود.. عاوز إيه؟
شوق بغضب.. عمر أنا مش بشحت منك قولي إيه اللي إنت عملته تحت ده وبتقول عليا مراتك مراتك إزاي وأنا مخطوبة.
عمر ببرود.. اعتبري محصلش حاجة.
شوق بعدم فهم.. قصدك إيه؟
عمر.. زي ما سمعتي اعتبريني مقولتش حاجة تحت وبعدين يعني أنا قولت كدا عشان كنت متعصب الحوار خلصان.
شوق بغضب.. عمر إنت إزاي تكلمني بالأسلوب ده؟
عمر ببرود.. شوق فك من دماغي.
شوق بغضب.. عمر احترم حدودك معايا ومش أنا اللي تكلمني بالأسلوب ده.
عمر بزهق.. عاوزة إيه يا شوق.. قولتلك حوار وخلص وأنا عملت كدا عشان ما أحرجكيش زي ما مازن كان بيحرجك تحت وأنا الصبح هقولهم أنا قولت كدا عشان كذا كذا وخلص الحوار.
شوق.. بحزن.. عمر إنت فعلاً هتقول كدا ليهم بكرة..؟
عمر باستغراب.. أه هقول ليهم كدا بكرة ولو عاوزة أنزل أقولهم هنزل أقولهم كدا دلوقتي.. في إيه غلط بقا الكلام؟
شوق بحزن.. مفيش.. وكانت نازلة بس هو مسك إيديها.
بصت على إيده وإيديها ورفعت عيونها ليه.
عمر بهدوء.. شوق مخبية عني إيه؟
شوق.. بتوتر.. هخبي عنك إيه يا عمر؟
عمر.. معرفش بس حاسك متغيرة شوق هو إنتي عاوزة ترجعي القاهرة ولا تفضلي هنا؟
شوق بتوتر.. هفضل هنا ليه يا عمر أنا حياتي هناك.
عمر.. بحزن.. أوك. وساب إيديها ونزل.
فضلت تبص على أثره بحزن ونزلت في الأرض وقعدت تعيط.. غصب عني يا عمر غصب عني.
عمر نزل وراح أوضته.. وقفل الباب وخبط إيده في الحيطة.. بغضب.. هتفضل هنا عشانك ليه هي حياتها هناك هي أصلاً مخطوبة إزاي جه في بالك إنها تكون ليك وهي بتحب واحد تاني غبي يا عمر غبي.. وفضل يعيط.
ــــــــــــــــ
عند حسناء ومايا.
حسناء كانت مقهورة أوي من اللي حصل ومايا كانت بتعيط 😢 عشانها.
الباب خبط.. وكان مراد
مايا.. اتفضل.
مراد فتح الباب ودخل بحزن.. حقك عليا أنا يا حسناء هو غبي ومبيفهمش كمان بس أكيد في سبب خلاه يعمل كدا مازن بيحبك واللي بيحب مبيجرحش حبيبه.
حسناء بقهر.. سبب إيه يا مراد سبب إيه قولي ده حتى متعبش نفسه عشان يتأكد إذا الكلام ده حقي ولا لا قدر ينطقها إزاي ده دمر كل حاجة بينا.
وحطت إيديها على وشها وقعدت تعيط.
مراد بحزن.. عشان كدا بقولك غبي ومبيفهمش متسرع زي ناس أعرفهم.. وكان يقصد مايا اللي بصتله بغيظ..
حسناء اللي أقدر أقوله ليكي ومعرفتي بمازن إن في أكيد سبب قوي خلاه يعمل كدا مازن مش ممكن يدمر حياته عشان مجرد صور متفبركة وأنا هاخد حقك وحقي منه ومين اللي عمل كدا بس أهم حاجة دلوقتي إنك ما تسيبيش البيت وتسافري خليكي موجودة في البيت.
حسناء.. أفضّل هنا ليه خلاص مبقاش بيتي يا مراد.
مراد قعد قصدها على الأرض.. واتكلم.. لا بيتي واللي يقول عكس كدا يبقى حمار إنتي مرات أخويا يا حسناء ومش هسيبك تسيبي بيتك عشان موضوع زي ده القلب الصافي اللي بيحب بجد مينفعش يسيب مكانه ويمشي وبعدين مش إنتي كنتي بتقولي دايماً اللي بيسيب المعركة من غير ما يكملها يبقى محارب فاشل ليه بقا عاوزة تكوني فاشلة وتخليهم ينتصروا عليكي.
مايا بدعم لكلامه.. معاه حق يا حسناء إنتي مش ضعيفة عشان حاجة زي دي تكسرك هو فعلاً حيوان ومايستاهلش بس دي معركتك إنتي هتسيبيهم ينتصروا عليكي.
مراد.. صح وأنا واقف في ضهرك ومش هسيبك غير لما نعلم مازن الأدب إزاي؟
حسناء.. إزاي؟
مراد هرش في مناخيره.. مايا ممكن تسيبينا لوحدنا شوية.
مايا بغيظ.. اشمعنا أطلع منها أنا..؟
مراد ببرود.. عشان الكلام ده كلام كبار وإنتي لسه صغيرة.
مايا بغيظ.. صغيرة فين أنا 24 سنة.
مراد.. بزهق.. مايا بجد عاوز حسناء في حاجة بجد مش هينفع تسمعيها.
مايا.. ماشي وسابتهم ومشيت وهي شاكة فيهم وعارفة ومتأكدة إن مراد هيعمل مصيبة بس إيه هي مش عارفة ولازم تقرر حسناء بعدها.
قفلت الباب ومراد بيبص عليها وهي شايفها منغاظة.
حسناء بعتاب.. ليه خرجتها؟ دلوقتي تزعل؟
مراد بابتسامة.. عشان أنا عاوزها تزعل.
حسناء باستغراب.. ليه بتعمل معاها كدا؟
مراد بهدوء.. مايا عنيدة وأنا عنيد يا هنكسر رؤوس بعض يا هنشيل بعض وبعدين مايا متعاقبة دلوقتي.
حسناء.. مراد.. ما تعملش كدا مايا بتحبك.
مراد.. بابتسامة.. عارف وأنا بعشقها بس ميمنعش إني أربيها شوية عمو أحمد معرفش يربيها كويس دلعها والدلع ده جه على دماغي أنا.
حسناء.. بحزن.. مايا كانت متعلقة بيه أوي ولما هو مشي جيت إنت ودخلت حياتها وطلعتها فوووق فوق السحاب ونزلتها سابع أرض إنت ومازن زي بعض.
مراد بحزن.. وقام قعد جانبها على السرير.. مراد ادمر من جوه يا حسناء هو أنا سهل عليا إني أشوفها زعلانة كدا أو إني مقدرش أخدها في حضني ببقى أوقات كتيرة ببقى نفسي أخدها في حضني وأقولها تعالي اضربيني وألف دمعة معايا ولا ضحكة مع غيري ببقى في نار جوايا لما حد بيقرب منها أو بيتكلم معاها أقولك على سر أنا بغير منك أه بغير منك.
حسناء بصدمة.. مني أنا ليه إن شاء الله؟
مراد.. عشان إنتي بتقدري تحضنيها تمسحي دموعها تمسكي إيديها أنا آخر مرة حضنت فيها مايا كان في كتب كتابنا وأقولك على سر كمان.. وضحك.
حسناء بشك.. أوعك تكون عملتها.
مراد بضحك.. عملتها من يومك لماحة.
حسناء بخوف.. يلهوي يلهوي دي لو عرفت هتولع فينا كلنا.
مراد.. معاكي حق بس مقدرتش.
حسناء.. ده إمتي يا منيل؟
مراد.. من أول ما نزلت مصر.
حسناء.. أحيه بتهزر صح؟
مراد.. بتحذير.. حسناء ده سر بينا لو قولتي لحد هنفخك.
حسناء برعب.. أنا أخاف أقولها دي مش بعيدة تدبحني دي بنت مجانين.
مراد.. المهم دلوقتي عاوز منك بكرة...........
حسناء كانت بتسمع منه ومصدومة 😳.
ــــ
مايا راحت أوضتها وفضلت تدبدب برجليها بغيظ....
ماشي يا مراد يا كلب البحر بتتفقوا من ورايا وإنتي حسناء هولع فيكم سوا بس ربنا يسترها وعمو جاسر مش يولع في الكل بقا ويبقى نهارنا مش فايت.
ـــــــــــ
عند ورد وكايا.
كايا مكنش عارف يقول إيه ولا يعمل إيه ولا حتى في فكرة في دماغه أصلاً عشان يكدب عليها.
ورد كانت بتبص عليه بشك وهو التوتر بدأ يبان عليه.
ورد.. مترد عليا يا جدع إنت ؟
كايا بتوتر.. مش لما تسكتي الأول وبعدين إيه الأسئلة دي كلها عشان تسألهالي أنا مش عبد عندك عشان أجاوب على الأسئلة دي كلها وبعدين دي شكراً بتاعتك على اللي حصل الصبح وسابها ومشي.
أخد نفسه براحة لما مشي.
ورد بشك.. إنت وراك حاجة ولازم أعرفها مش يمكن تكون من رجالة الشبح وجاي هنا عشان تبقى بطل قدامي وأوثق فيك وتسلمني ليه؟
ورد راحت أوضتها وقعدت تفكر كانت أمها نايمة في أوضة تانية فضلت قاعدة وبتفكر وإزاي في حركات كتيرة من كايا هو يخلق من الشبه أربعين بس دول مش شبه بعض وده اسمه كمال بس الاتنين نفس الحركات في حاجة غلط وبعدين كايا مات.. مين ده؟
ــــ
عند هند كانت بتتكلم مع مغاوري في التلفون.
هند بغضب.. إنت غبي إيه اللي إنت عملته الصبح ده كنت هتودينا في داهية أهي البت بقت عندي في البيت بدل ما أخلص منها بقت قاعدالي في نص بيتي وقدام مراد.
...........
هند بغضب.. مليش صالح بالحديث ده أنا عاوزة البت تغور في داهية.
........
هند.. اتصرف يا مغاوري أمال الشبح كيف؟
......
هند.. بكرة البيت هيبقى مشغول وأنا هخليها تطلع الجنينة اللي ورا وإنت ورجالتك تكونوا جاهزين وتاخدوها وتخلص منها إنت فاهم.
.....
هند.. ما تخافش هزودلك الفلوس المهم إني أخلص منها.
.....
هند.. ماشي اقفل دلوقت.
وقفلت معاه.
هند بشر.. مش هيهدى ليا بال غير لما أخلص منيها.
ــــــــــــ
الصبح.
كان الكل نايم ما عدا هند وجليلة وشربات وورد وثنية.
ثنية.. أنا هروح أسلم الطلبية دي خلي بالك من نفسك يا ضنايا.
جليلة بحب.. ما تخافيش عليها ورد في وسطينا.
ثنية.. ما أنا متأكدة من أكيد إنها في وسطيكم.
هند.. بخبث.. شربات ما تاخدي ورد وتتحدتوا في الجنينة بره خليها يا بتي تشم هوا بدل ما هي مكتومة أكيد.
شربات.. ما تخرج حد حايشها.
ورد.. لا أنا هدخل جوه.
هند بخبث ومكر.. يا بنتي هتفضلي مكتومة جوه أكيد ليه إنتي في بيت العزايزي يعني ما حدش هيقدر يقرب منيكي هنا اخرجي أهو إنتي وشربات اتحدتوا مع بعض بدل النكد اللي الواحد فيه من امبارح ده.
هند بهمس لشربات.. خديها أهو تكسبي ثقة حد من الشباب ويشوفوكي بنت كويسة.
شربات.. ماشي.
وأخدت ورد وخرجوا بره وهند بتبص عليهم بخبث.
فضلوا قاعدين بره ساكتين وجه مكالمة لشربات وقامت ترد عليها وفضلت ورد لوحدها وهند رنت على مغاوري يدخل ودخل هو ورجالته يتسحبوا من ورا لحد ما يشوفهم ومرة واحدة مغاوري طلع منيل وحطه على بق ورد وفضلت تقاوم وبعدين قوتها انهارت وأغمي عليها وأخدوها في شوال ومشيوا.
مغاوري اتصل بهند.. البت بقت معايا خلاص وأبقى سلميلي على مراد العزايزي ههههههه.
شربات شافت ده كله ومرة واحدة حد خبطها على دماغها ووقعت في الأرض.
في حد كان واقف فوق وشايف كل حاجة