✦ساد صمت...
لم يجرؤ أحد على كسره.
✦ ───────────────────────── ✦
اتسعت عينا تيا في ذهول.
تيا: إيه...؟!
✦ ───────────────────────── ✦
تقى فتحت فمها من الصدمة.
تقى: يا نهار أبيض...
هو إحنا كنا بنتكلم في مطاردة... ولا في جواز؟!
✦ ───────────────────────── ✦
حتى ياسين، الذي نادرًا ما يفقد تماسكه...
نظر إلى حازم غير مصدّق.
ياسين: حازم...
إنت واعي للي بتقوله؟
✦ ───────────────────────── ✦
أما الأم...
فظلت تنظر إليه طويلًا.
لا تتكلم...
ولا تُظهر رفضًا أو قبولًا.
فقط...
تحاول أن تفهم.
✦ ───────────────────────── ✦
نظر حازم إلى الجميع...
ثم عاد ببصره إلى الأم.
وقال بنبرة صادقة:
حازم: يمكن الوقت مش مناسب...
ويمكن طلبي يبان مفاجئ.
لكن بعد اللي عرفته...
أنا مش هقدر أسيبها تواجه الخطر ده لوحدها.
وأول باب هخبط عليه...
هو باب أهلها.
✦ ───────────────────────── ✦
التفتت تيا إليه...
وكانت ملامحها خليطًا من الدهشة، والغضب، وعدم التصديق.
لم تجد كلمة واحدة تقولها...
فكل ما كانت تسمعه...
فاق قدرتها على الاستيعاب.
✦ ───────────────────────── ✦
ظلت تيا تنظر إلى حازم...
عدة ثوانٍ.
كأنها تنتظر أن يبتسم...
ويقول إنه كان يمزح.
لكنه لم يفعل.
✦ ───────────────────────── ✦
وقفت ببطء.
وعيناها لا تفارقانه.
ثم قالت بصوتٍ خرج مهتزًا من شدة الصدمة:
تيا: إنت... بتقول إيه؟
✦ ───────────────────────── ✦
لم يجب.
✦ ───────────────────────── ✦
ضحكت ضحكة قصيرة...
لكنها كانت ضحكة لا تحمل أي فرح.
تيا: أنت بتقول إيه؟!
تيا: إحنا من شوية كنا بنتكلم عن ناس بتطاردنا...
وعن واحد ممكن يقتل من غير ما يرمش...
وفجأة...
تطلب إيدي؟!
✦ ───────────────────────── ✦
هزت رأسها بعدم تصديق.
ثم أكملت:
تيا: هو أنا بالنسبة لك إيه؟
قضية؟
مسؤولية؟
ولا شايفني صغيره ومش هعرف احمي نفسي ؟
ولا طريقة تصلح بيها ذنب قديم؟
✦ ───────────────────────── ✦
ساد الصمت.
كانت الكلمات قد أصابت هدفها.
✦ ───────────────────────── ✦
اقتربت خطوة واحدة.
لكن نبرتها هذه المرة كانت أهدأ...
وأشد ألمًا.
تيا: أنا مش محتاجة حد يتجوزني علشان يحميني.
ولو طلبك ده سببه الخوف...
أو الإحساس بالذنب...
يبقى إنت ظلمت نفسك...
وظلمتني معاك.
✦ ───────────────────────── ✦
نزلت دمعة واحدة من عينها...
مسحتها بسرعة قبل أن يلاحظها أحد.
ثم قالت وهي تحاول أن تحافظ على ثباتها:
تيا: أنا عايزة أعرف الحقيقة...
مش أتجوز بسببها.
✦ ───────────────────────── ✦
كان الليل بدأ ينسحب ببطء…
وخيوط الفجر الأولى بتدخل من شباك الشاليه.
الجو كله كان تقيل بشكل غريب…
كأن الليل ما خلّصش تمامًا، بس قرر يسيب أثره.
✦ ───────────────────────── ✦
تيا وقفت قدام حازم…
مش زي الأول.
لا ارتباك… ولا انهيار…
لكن ثبات فيه وجع واضح.
✦ ───────────────────────── ✦
نظرت له مباشرة وقالت:
تيا: لا......
✦ ───────────────────────── ✦
كلمة واحدة…
لكنها كانت كفاية تقطع كل اللي بينه وبينها في اللحظة دي.
✦ ───────────────────────── ✦
سكتت ثانية…
ثم أكملت بهدوء أخطر من الصراخ:
تيا: طلبك مرفوض .
✦ ───────────────────────── ✦
رفع حازم عينه لها ببطء…
كأنه مش مستوعب الرفض.
مش متوقعه.
✦ ───────────────────────── ✦
الصمت طال…
وصوت الفجر بدأ يزيد برا…
لكن جوا الشاليه…
في حاجة كانت بتتقفل.
✦ ───────────────────────── ✦
حازم: …
✦ ───────────────────────── ✦
استغرب لحظة صمته أكثر من كلامها نفسه.
ثم قال بجملة واحدة، بصوت منخفض لكن ثابت:
حازم: أنتي شايفة إن دا قرار صح ؟
✦ ───────────────────────── ✦
تيا ما ردتش فورًا…
لكن عينيها كانت ثابتة عليه.
ومع أول ضوء شمس دخل المكان…
كان واضح إن القرار…
مش مجرد لحظة غضب.
✦ ───────────────────────── ✦
بعد سؤاله مباشرة…
ساد صمت طويل.
✦ ───────────────────────── ✦
حازم كان واقف مكانه…
لكن لأول مرة…
مش ثابت من جوّه.
✦ ───────────────────────── ✦
عينه ما كانتش عليها بس…
كانت كأنها بتحاول تفهم:
"أنا غلطت فين؟"
✦ ───────────────────────── ✦
الرفض ما جاش زي ما توقع.
ولا كان لحظة غضب…
ولا خوف…
كان قرار.
✦ ───────────────────────── ✦
وده اللي كسره أكتر.
✦ ───────────────────────── ✦
حازم خفّض عينه ببطء…
وكأن الحمل اللي كان شايله فجأة…
مال عليه كله في لحظة واحدة.
✦ ───────────────────────── ✦
صوته خرج منخفض جدًا، أقرب للهمس:
حازم: تمام…
✦ ───────────────────────── ✦
لكن الكلمة ما كانتش رد.
كانت محاولة تماسك.
✦ ───────────────────────── ✦
ابتلع ريقه بصعوبة…
وإيده قبضت نفسها بدون وعي.
كأنه بيمنع حاجة جواه تخرج.
✦ ───────────────────────── ✦
في لحظة قصيرة…
مرّ قدامه كل شيء:
الخوف…
الذنب…
الدم…
وإحساسه إنه لأول مرة حاول يعمل “الصح”…
واترفض.
✦ ───────────────────────── ✦
رفع عينه لحظة واحدة…
لكنها ما كانتش نفس العيون اللي كانت من دقيقة.
فيها حاجة مكسورة…
هادية…
أعمق من الرفض نفسه.
✦ ───────────────────────── ✦
ثم قال بصوت شبه ثابت، لكنه مجهد:
حازم: أنا كنت فاكر إن ده… هيكون الحل.
✦ ───────────────────────── ✦
سكت.
ثم أكمل بدون ما يبص لأي حد:
حازم: بس واضح إني كنت فاهم غلط.
✦ ───────────────────────── ✦
خد خطوة لورا ببطء…
مش هروب…
لكن انسحاب صامت من فكرة كان شايلها كطوق نجاة.
✦ ───────────────────────── ✦
ومع أول ضوء فجر يلمس وجهه…
بان لأول مرة إن حازم…
مش بس محامي قوي أو حارس قرارات…
لكن إنسان…
اتكسر من جواه بدون ما يصرخ.
✦ ───────────────────────── ✦
في الغرفة…
كان الباب مقفول بهدوء.
لكن جوّه…
كان في صخب ما بيتسمعش.
✦ ───────────────────────── ✦
تيا وقفت لحظة قدام السرير…
مش عارفة تقعد ولا تكمل واقفة.
✦ ───────────────────────── ✦
ببطء…
سندت بإيدها على طرف السرير…
وبعدين قعدت.
✦ ───────────────────────── ✦
سكون.
✦ ───────────────────────── ✦
لكن عينيها…
ما كانتش ساكنة.
كانت بتعيد كل حاجة حصلت النهارده.
كلمة كلمة…
نظرة نظرة…
✦ ───────────────────────── ✦
"بطلب إيدك"
✦ ───────────────────────── ✦
"حد كان بيراقبكم"
✦ ───────────────────────── ✦
"أنا السبب في موت شخص بريء"
✦ ───────────────────────── ✦
"المكان مبقاش آمن"
✦ ───────────────────────── ✦
كل جملة…
كانت بتضغط على حاجة جواها أكتر.
✦ ───────────────────────── ✦
همست لنفسها بصوت مكسور:
تيا: أنا إيه ال دخلت نفسي فيه …؟
✦ ───────────────────────── ✦
سكتت لحظة…
ثم كملت وهي بتشد شعرها بخفة من التوتر:
تيا: أنا كنت عايشة عادي…
إزاي كل ده يحصل في شهر؟
✦ ───────────────────────── ✦
دمعة نزلت غصب عنها.
مسحتها بسرعة…
كأنها بتمنع نفسها تضعف أكتر.
✦ ───────────────────────── ✦
لكن الدموع ما بطلتش.
واحدة ورا التانية…
بس بصمت.
✦ ───────────────────────── ✦
رفعت عينيها للسقف…
كأنها بتدور على إجابة هناك.
✦ ───────────────────────── ✦
تيا: هو أنا السبب؟
ولا أنا مجرد لعبة في النص؟
✦ ───────────────────────── ✦
سكتت.
والمرة دي…
مردّتش على نفسها.
✦ ───────────────────────── ✦
لفّت على جنب السرير…
وحضنت نفسها بإيديها…
كأنها بتحاول تثبت إنها لسه موجودة.
✦ ───────────────────────── ✦
وفي الخارج…
كان البحر هادي…
لكن جواها هي …
كان في موج ما بيقفش......