رواية الزواج قسمه ونصيب الفصل الاول1بقلم نور ربيع
اللهم صل وسلم وبارك على نبينا محمد 🌺
هبدا بتعريف شخصيات والابطال الروايه
في مدينه القاهره الجديده في منزل من احد المنازل الكبيره اللي في المنطقه. وهو منزل عائله الهواري الكبيره وهي اكبر عائله في القاهره الجديده كلها
المنزل عباره عن عماره كبيره جدا والعماره ثمان شقق فوق بعض
واهل المنزل بس هما اللي موجودين فيها وهما حوالي 10 اشخاص
وهو اولا( رامي الاخ الكبير وهو كبير العيله. وزوجته امنه وتبقى الحاكمه هي على سلايفها في المنزل وتبقى كبرتهم ما بينهم شاب ابنهم الكبير)
الاخ الثاني(يامن وهو متزوج السلفه الثانيه وتبقى زينب وعندهم عيلين)
الاخ الثالث( ياسين الاخ الوسطاني يبلغ من العمر 35 عاما زوجته وعد عمرها 29 عاما السلفه الثالثه ولحد الان ما فيش ما بينهم اطفال)
الاخ الرابع وهو اخر واحد واخوهم الصغير ( ايشان يبلغ من العمر 30 عاما ويبقى كابتن طيار ويبقى شاب اعزب)
اولاد العائله ( سيف يبلغ من العمر 26 عاما وباشمهندس معماري اعزب ابوه وامه يبقى رامي و أمنه)
اسيل عمرها 17 عاما في تالته ثانوي عام وتبقى بنت يامن وزينب ليث ابنهم التاني ويبقى اخو اسيل الصغير عمره خمس سنوات)
♕♕♕♕♕♕♕♕♕♕♕♕♕♕
في منزل كبير من اكبر المنازل اللي في القاهره هو منزل الهواري
وكان اول دور في الطابق التحت شقه الاخ الكبير والسلفه الكبيره
في غرفه من ضمن الغرف اللي في الشقه أمنه لفت. الخمار قدام المرايه وبعدها خرجت بابتسامه حتى تستقبل سلفها
كانت واقفه قدام السفاره الكبيره اللي في شقتها وبتحط الاكل اللي في الاطباق اللي جابته من المطبخ ونادت بصوت عالي
أمنه: اسيل يا اسيل تعالي انزلي عايزاكي
كانت نازله من على السلالم بسرعه قبل ما تنادي عليها
اسيل بنت سلفتها: نعم يا مرات عمي انا اهو كنتي عاوزه حاجه
أمنه بابتسامة: اه تعالي يا حبيبتي هاتيلي باقي الاكل من المطبخ عشان عمك زمانه جاي عايزه اخلص كل حاجه قبل ما يكون هنا
اسيل بابتسامة: حاضر، ودخلت بالفعل جابت باقي الاكل
♡♡♡♡♡♡♡♡♡♡♡♡♡♡♡♡♡
في الدور الثالث وكانت السلفه الثالثه ما بين السلايف وهي وعد مرات ياسين السلفه الوسطانيه
كانت قاعده في الصالون على الانتريه بتاعها وماسكه التليفون تقلب في الفيس بملل شديد وبتتفرج على صور اطفال بتيجي قدامها. في بوستات
ثم ثم طلعت من الفيس وقفلت الواي فاي وسندت راسها لورا على الكرسي بحزن وملل شديد جواها
" الاطفال هما روح الحياه وعطرها هما البسمه البريئه ورؤيه الحياه البسيطه السهله خاليه. من المشاكل والهموم هي عالم وردي؛ قالت اخر كلمه لنفسها ثم طلعت تنهيده من قلبها حزينه جدا طالعه من قلبها انها لحد الان ربنا ما رزقهاش باطفال منذ مده طويله من بعد جوازها من ياسين
سمعت صوت سلفتها زينب بتنادي عليها في الوقت ده
وعد: ااايوه نازله اهو يا ام اسيل، قامت دخلت اوضه النوم بتاعتها تلبس الاسدال وتلف الطرحه وتنزل ليهم
«»«»«»«»«»«»«»«»«»«»«»«»«»
في القاهره في محافظه جاردن سيتي
وهي المحافظه دي عايشين فيها عائله بسيطين جدا متكونين من ثلاث اشخاص وهو راجل وزوجته وابنته الوحيده
في القاهرة في محافظة جاردن سيتي كان منازلها جميله جدا والشوارع مليانه اشجار ورود كلها الوان جميله وعربيات متعرشه حوالين البيوت في كل مكان الاشجار اللي لونها اخضر ماليه الشارع كانت جميله جدا حوالين العماير والبيوت
في منزل من احد المنازل اللي في المحافظه جاردن سيتي منزل متوسط و في جنينه بسيطه و صغيره جدا لكنها جميله اوي مالي بــ اشجار الخضراء والورود اللي بكل الالوان اللي مزروعه في قلب الجنينه. و كان منزل عائله الجندي
المنزل موجودين في ثلاث اشخاص وهو احمد الجندي يبلغ من العمر 42 سنه وزوجته ليلى تبلغ من العمر 39 عاما ولديهم بنت واحده
( خديجه البطله تبلغ من العمر 21 عاما في جامعه الازهر قسم زراعيه واخر سنه ليها في الدراسه وتتوظف وظيفتها الاساسيه بنت وحيده لباباها ومامتها وتبقى معلمه بتدرس للاطفال الصغيره معلمه تحفظهم القران وتسمع عليهم وتعرفهم معاني القران الكريم)
»«»«»«»«»«»«»«»«»«»«»«»«»«
الام بصوت غاضب:خدييجههههه
ثابت التليفون من ايدها وقامت بسرعه من على السرير خرجت بره الغرفه بخضه
بخضه: في اي يا ماما حصل اي.؟
الام ليلي بغضب:اي الريحه دي
رفعت وجهها للسقف وبدات تشم ولقيت ريحه شياط
خديجة باستوعاب: يا خبر ابيض انا نسيت الكيكه في الفرن يا ماما _ وجرت بسرعه على المطبخ بكل لهفه على كيكتها اللي نسيتها في الفرن
وبالفعل دخلت بسرعه وقفلت الفرن وفتحته ومسكت الفوطه بتاعت المطبخ وطلعت صينيه الكيكه ولقيتها عباره عن رماد
قامت حطيتها على رخام المطبخ وهي مذهوله تماما وبصت وراها لمامتها إللي واقفه مصدومه على باب المطبخ
ليلي بصدمه مامتها: اي ده.؟؟
خديجة بذهول: ماما دي دي اا ا دي بالشوكولاته
ليلي بغضب: دي بالكدبه مش بالشوكولاته
خديجة بصه نظره على الكيكه ثم بصت لمامتها وبقت تضحك بصوت عالي
خديجة بضحكه عاليه جدا: دي كيكايه بالشوكولاته يا ماما ده يبقى طعمها تحفه ما فيش احسن من الكيكه ام شيكولاته
ليلي بعصبيه: يقطع التليفونات على اللي طلعوها بسبب التليفون اللي انتي قاعده عليه نسيتي الكيكايه ادي اخره اللي يعتمد عليكي يا ست خديجة
خديجه كانت بتضحك ومش قادره توقف من الضحك بسبب منظر الكيكه المضحك اللي اتحرقت منها
خديجة بضحكه: اسفه يا ماما بجد اتحرقت مني غصب عني وبعدين كنت قاعده على التليفون بشوف حاجه مهمه والله عشان كده نسيتها وبعدين اصلا انتي ما كنتيش عايزه كيكه قالتلك هتاكلي كيكه قولتيلي لا .قولتلك خلاص انا يا ماما هاكل هعمل ليا خلاص بقى يا ماما ما تتعصبيش الله
ليلي بغضب منها: ريحني منها البنت دي يا رب بقى
خديجة بضحك شديد: هيريحك هيريحك قريب ان شاء الله يا ماما لما اتجوز واسيبها ليكي
خرجت من المطبخ وهي متعصبه مامتها ليلى بصت للكيكه خديجه وبقت تضحك وهي هتموت من الضحك على منظر الكيكه المضحكه رميتها في الحوض
خديجة بضحكه: اه ياني تعالى لما اغسلك يا صنيه اتوسختي على الفاضي - ثم ضحكت تاني جامد
<><><><><><><><><><><><><><><>
في منزل الهواري كان وصل في الوقت ده الكابتن ايشان بعد الرحله الطويله المتعبه وقف على باب الشقه بتاع اخوه الكبير بابتسامه وهو لابس البدله الزرقاء بتاعته بتاعت شغله الطيران وماسك في ايده القبعه بتاعت البدله
وعد فتحت باب الشقه بابتسامه: حمد لله على السلامه يا كابتن اتفضل
ايشان بابتسامه على ملامحه: تسلمي يا مرات اخويا _ ثم دخل
اسيل بنت اخوه جت عليه وراحت حضنته بابتسامه
اسيل بابتسامه: حمد لله على السلامه يا عمو الكابتن
ايشان ضحك بابتسامة: الله يسلمك يا قلب الكابتن' وبدلها الحضن بحب
ليث ابن اخوه الصغير اخو اسيل وهو يجري عليه وقال
ليث بابتسامه طفوليه:عمو ايشان
حملو بحب ايشان:قلب عمو ايشان حبيبي اللي واحشني
رامي اخوه بابتسامه: حمدلله على السلامه
ايشان: الله يسلمك غالي
. وكانوا متجمعين الكل على السفره الكبيره مع بعضيهم في شقه رامي و أمينه في الجو كله هدوء
وبعد وقت طويل بعد ما خلصوا العشاء وشربوا الشاي راحوا على الصالون وقعدوا كلهم مع بعض
ايشان بابتسامه: يا جماله علي الاكل.كان عسل كدا تسلم ايدك مرات اخويا.. وكان بيوجه كلامه لمرات اخوه الكبير أمنه
زينب بسرعه: والله هي بس اللي تسلم ايدها ما انا كمان عامله معاها وسعادها في كل حاجه وايدي كانت بايدها يا ايشان
وعد بغيره:وانا كمان علي فكره مش لوحدها ولا هي ولا زينب عملو لوحديهم
اسيل :وانا كمان ساعدت مرات عمي على فكره يا عمو
ياسين ضحك: ههههه في اي انتي وهي وهي استهد بالله انتوا هتاكلوه ولا ايه
ايشان ضحك: خلاص اهدوا يا جماعه في ايه تسلم ايديكم كلكم مكنتش اعرف
أسيل: اديك عرفت
سيف :بكره تتجوز يا عمي وما تحتاجش لواحده فيهم
ايشان: عمي
رامي ضحك: عمك مره واحده
سيف ضحك:هههههه عمي يا جماعه يبقى قدي بس الفرق اللي ما بينا خمس سنين ولا اربع سنين كمان بس
يامن بضحك: المهم يا ايشان اي احلي حاجه عجبتك في الاكل ده كله بتاعتهم
ايشان: اا ا
اسيل قطعته عن الكلام بسرعه: السلطه طبعا السلطه حلوه عشان انا اللي عملتها يا عمو صح؟
ايشان ضحك: هو ده اللي انتي قدرتي عليه بس
زينب: وانا اللي عملت البط والفراخ
أمنه ضحكت:وانا عملت المحشي من اولها لاخرها كلهم و حلويات
وعد: وانا يا سيلفي عملتلك انواع الطبيخ كله اي رايك في حلاوه الملوخيه الفاصوليا والباميه
ايشان ضحك ثم ابتسم بهدوء: والله انا ما عارفه اقولكم ايه يا جماعه والله تسلم ايديكم الاكل زي العسل و سكر كده من ايديكم.
أمنه بابتسامة: الف هنا وشفا علي قلبك يا غالي
سيف: ما قلتش رايك في السلطه برضو يا ايشان
ايشان ضحك: عسل والله تسلم ايدك يا قمر
ياسين ضحك: كل قوم و سلطه اسيل قوم تاني خالص
اسيل بــتصنع الحزن: ليه مالها السلطه يا عمو هاا؟
يامن: عسل كده _ بعدها ضحك
سيف: دا يا بخت اللي هياخدك وهتكون من نصيبه والله الله يكون في عونه
اسيل: دا يبقي يا بخته بجد هو انا اتعوض و اكلي جميل كمان
زينب امها بتريقه: دا الله يكون في عونه امه داعيه عليه مش عارفه السلطه قدرت تاكلها ازاي بس يا ايشان من الملح اللي فيها
يامن ابوها: ده انتوا احمدو ربنا انها عرفت تعمل السلطه اصلا
اسيل بصت ليهم بغضب بسبب انهم بيتريقوا عليها
اسيل: تصدقوا دا انا غلطانه ان انا كنت بساعدكم اصلا في حاجه علشان تلحقوا تخلصوا بسرعه
وعد بضحكه: لا ياريتك ما كنتي عملتي حاجه كنتي وفرتي تعبك ده احسن
اسيل بغيظ: تمام شكرا ليكم بجد
أمنه: هشش اسكتوا بقا السلطه كانت حلوه يعني انتوا ما اكلتوش منها يعني خلاص يا جماعه بنتنا عسل تعرف تعمل كل حاجه
رامي: اللي هياخد ك هيبقى يوم الهنا ويوم السعد عليه يا قمر متزعليش نفسك سيبك منهم
اسيل بحب: اصلا اصلا بحب عمو رامي و مرات عمو أمنه
ايشان بابتسامة: بجد تسلم ايدك يا حبيبتي كفايه انك بتساعديهم لو في حاجه حتي بسيطه وبتتعلمي ان شاء الله هتتعلمي الاحسن وهتبقى احسن منهم
سيف: ايوه عشان ما تفضحناش مع اهل جوزك لما تتجوزي
اسيل: مش هرد عليك اصلا
سيف: اصلا
اسيل: هه اصلا
يامن بابتسامة: انا عندي كام اسيل يا جماعه ربنا يحفظها ويبارك فيها يارب و يرزقها ابن حلال اللي يستاهلها بجد
ياسين: باذن الله العسل يستاهل العسل اللي زيه
اسيل بابتسامة خجل: تسلمولي
ـــــــــــــــــــــــــــــــــــــــــــــــــــ
في محافظه 6 اكتوبر
في منطقه 6 اكتوبر من احسن العماير الفخمه اللي في المحافظه كلها
وقفت عربيه كبيره جدا فخمه قدام عماره عباره عن برج عالي جدا
العماره شكلها فخم من بره وجرش الشاب العربيه بتاعته قدام العماره ثم طلع ركب الاسانسير وطلع لشقته اللي في الدور الثامن
والشاب ده يبقي ( رحيم صاحب سيف يبلغ من العمر 27 عاما
و يبقي صحاب روح بالروح من و هما في الثانويه العامه رحيم لدي شركه حسابات خاصه بيه كبيره متزوج من بنوته جميله وصغيره جدا تبلغ من العمر 17 عاما ما تتجوزين من سنه ولحد الان ربنا ما رزقهمش باطفال)
كان وصل للطابق اللي في شقته نزل من الاسانسير طلع المفتاح
فتح الباب لجوه عشان يدخل ما كانش راضي يفتح
رحيم باستغراب: ماله ده، الباب مره ثانيه ما كانش راضي يفتح
جوه الشقه كانت زوجته واقفه على الباب وسانده عليه بضهرها علشان ما يدخلش. غير لما تعرف جيب ليها طلباتها ولا لا
" مش هدخلك قبل ما تقولي انت جبتلي معاك ايه!؟
"بزعيق فيها وهو بره: اي ام شغل العيال ده افتحي يا ريتال بطلي هبل
" لا مش فاتحه
" افتحي ي بنتي بدل مكسر دماغك اليله اخلصي
" تؤتؤ لا لا لا قولي جبت حاجه حلوه ولا لا
رحيم بعصبيه منها: ياربي علي شغل الاطفال ده بقا بتاع كل ليله افتحي يا ريتال مش هقولك تاني
ريتال بعند: تؤتؤ
رحيم وهو يحاول يتماسك نفسه:جبتلك كل اللي انتي عايزاه كل طلباتك يا قمر
ريتال بفرحه: بجد
رحيم: اه افتحي بقا ام الباب ده
ريتال: حاضر بس اوعدني انك مش هتزعق ليا ولا هتمد ايدك عليا
عشان اللي بعمله في كل ليله ده
رحيم بغضب: طيب كويس انك عارفه انتي بتعملي ايه فيا كل يوم خليكي عارفه وانا يبقي جاي متنيل تعبان ومش هعديهالك يا ريتال علشان تبقي عارفه
ريتال بتصنع الخوف منه: اسفه يا عمري اخر مره
رحيم: طيب افتحي علشان ما افتحش دماغك الليله
قدمت لقدام وطلعت تجري في الصالون وزق الباب ودخل بغضب رحيم منها
رحيم بزعيق وصوت عالي: ريتال وبعدين معاكي كل اليله كده تعملي نفس الشغل بتاعك بتاع الاطفال ده وانا ببقى جاي تعبان
ريتال شهقت ببرود: واطي صوتك النااس نايمه ي حبيبي الله
خبط الباب بغضب وقفلوا رحيم بصلها بغضب ريتال طلعت جري من الصالون الغرفه وهو طالع يجري وراها بغضب منها
ريتال بخوف منه وهي تضحك: والله اسفه اخر مره مش هتتعاد تاني مني
رحيم بزعيق فيها: كل مره بتقولي كده و ترجعي تعملي نفس الحوار بتاع كل ليله ده
ريتال ببراءة: خلاص خلاص والله اسفه هو انهارده وخلاص مش هعمل كده تاني _ و قربت منه بتحزير تمامأ وهي خايفه منه و اترمت في حضنه بسرعه بضحك
رحيم شد شعرها جامد بعصبيه منها
ريتال مسكت ايده بألم: اااه خلاص بالله بحب العب معاك انا ببقي. زهقانه طول اليوم لوحدي يا رحيم
رحيم: بس مش بالطريقة دي انا ببقي جاي تعبان وانتي تعملي فيا كده
ريتال: بالله بالله اخر مره ي حبيبي بقا خلاص سيب شعري وبعدين انا حبيبتك ازاي تمد ايدك عليا
سب شعرها بضيق: و ما هو المشكله اني مش بيهون عليا اجي عليكي يا ريتال بس انتي طفله اوي بتصرفاتك دي اعقلي شويه بقا انتي مش صغيره
ريتال: لا مش عاوزه اعقل انا طفلتك حبيتك؛ مدت ايدها في جيب الجاكت و جبت منه الشكولاتة بتاعتها اللي متعوده عليها يجيبها ليها كل ليله
ريتال بحب: تسلملي يا عمري
رحيم ابتسملها بحب: عندي كام ريتال انتي بنوتي
ريتال: هي بنوتك واحده بس
رحيم: طبعاً
ــــــــــــــــــــــــــــــــــــــــــــــــــــــــــ
في القاهره في المناطق الشعبيه البسيطه جدا محافظه الجيزه في منطقه شعبيه البسيطة جدا
في احد العماير القديمه الزمنيه
تعيش بنت بسيطه جدا في شقه ايجار صغيره على قدها لانها عايشه لوحدها ويتيمه الاب والام وهي
( ورده اخت وعد الاصغر منها ورده تبلغ من العمر 24 عاما متخرجه من جامعه الازهر من سنه ولا تعمل في شيء ولا حتى ليها وظيفه عايشه حياه بسيطه جدا وعايشه على معاش والدها من بعد ما توفى)
جرس الباب رن في الوقت ده
" باستغراب: مين اللي عايزني في الوقت ده، قامت سندت على سريرها بايديها ومشيت بالراحه جدا بألم في رجلها لانها ( عندها شلل في رجلها اليمين بسبب حادث من وهي صغيره مقصر على نص جسمها)
وراحت فتحت ورده ما لقيتش حد على الباب اتفاجئت جدا
ورده: مين؟. بصت شمال ويمين ما لقيتش حد
ورده بضيق: مين اللي رن غريبه مفيش يمكن عيل ولا حاجه
عيونها بصت علي اللي في الارض واتفاجئت جدا من جمال بوكيه الورد اللي كان على عتبه الباب الشقه
اخدتها من علي الارض وهي من دهشه من جمال بوكيه الورد
بوكيه الورد عبارة عن ( باقه ورد احمر مع شيكولاته فيريرو روشيه باقه الورد كلها مليانه شوكولاته)
ورده بدهشه من جماله: وااااو اي ده مين اللي جاب ده وحاطه هنا
لقيت جواب محطوط في الورد طلعت الجواب وقفلت الباب وراحت دخلت كان مكتوب في جواب
( ما فيش حمد لله على السلامه
الكابتن يا وردتي )
ورده اتفاجئت وفرحت جدا: ايشان بجد اجمل هديه عيني شافتها في الدنيا دي اول مره في حياتي حد يجيبلي هديه جميله غاليه زي دي كده يا ايشان و رجعت اخيرا من رحلتك دي
دخلت قعدت علي السرير وهي سعيده جدا من جواها من ان ايشان رجع من رحله السفريه وبعت ليها الهديه دي
اخدت شوكولاتايه من البوكيه واكلت منها واحده بحماس
فتحت الكاميرا و صورت الورد و بعتت لاختها وعد ان سلفها بعتلها هديه دي
$$$$$$$$$$$$$$$$$$$$$$$
اسيل: عمو مش ناوي تخطب بقى ولا ايه
ايشان: قدامك عروسه يعني
اسيل بمرح: لو عايز من بكره اجيبلك احسنها العرايس بس انت قول عايز وموافق
ايشان ضحك: عسل ي اسيل والله انا خلاص سايبها على الله وهخليكي.انتي تجيبيلي من ذوقك العسل اختاريلي عروسه حلوه
وعد لنفسها: ده شكله خلاص نوى يخطب بجد " احم احم بقولك يا ايشان طيب اي رايك في ورده اختي ومتعلمه تعليم حلو وهي جميله برضو
ايشان ابتسم: ورده
زينب بسرعه: لا ورده لا بلاش
وعد بغضب: ليه مالها اختي وحشه هي ولا. فيها اي
زينب: احم ها لا مفيش حاجه بس خليه هو اللي يختار
ياسين بحده: اهدي مالك لازمته ايه التصرف ده
وعد بعصبيه: انت مش شايف هي ازاي اتقلب وشها لما جبت سيره اختي ليه مالها اختي ان شاء الله
ياسين.: طيب اهدي و اتكلمي بالراحه الكلام اخد واعطى بالهدوء
زينب: انا مش قصدي حاجه علي فكره يا وعد
وعد اتجاهلتها ما ردتش عليها
أمنه: استهدوا بالله يا جماعه بقى
رامي بهدوء: اهدو يا جماعه ما تسيبوه هو اللي يختار محدش يفرض رايه عليه تمام
يامن: شوف يا ايشان انت براحتك واختار اللي على مزاجك ويوم ما تلاقي بنت الحلال المناسبه اللي انت عايزها تعالى قول لينا بس واحنا هنوافق على اللي انت عايزها و باذن الله ربنا يرزقك بــ بنت حلال اللي تستاهلك
أمنه بتفكير: خديجه اه خديجه بنت الاستاذ احمد دي بنت مفيش منها ادب واخلاق وجمال مش عند واحده بجد اللهم بارك عليها ويا بخت اللي هياخدها ويا بخت اللي هتكون من نصيبه
زينب بابتسامة: صح بنت تستاهل والله ما في منها اتنين فعلاً
اسيل بسرعه: لا لا بلاش يا ماما دي مش شبه عمي خالص عمي اي بس اللي ياخد خديجه بلاش بالله
ايشان باستغراب: ليه مالها مش شبهي ازاي مش فاهم
اسيل: احم مفيش عادي بس؛ سكتت من هنا وبصيت لسيف وفضلت ساكته تماما
اتضايق جدا اول ما سمع اسم خديجه انها تكون لايشان وحس بالضيق جواه و كان مش موافقهم على كلامهم تماما وهو كان سيف
وعد قامت بزهق: عن اذنكم تصبحو على خير؛ وراحت طلعت على شقتها
قام سيف ايضأ بخنقه:تصبحو على خير هدخل انا بقى انام عشان هقوم الصبح بدري عندي صفقه جديده في ارض
ياسين: ربنا معاك ي حبيبي
___________________________ـ
وفات الليل بكامله على الجميع وبقى في يوم جديد عليهم
في شقه وعد
وعد فتحت الواي فاي لقيت رساله من اختها ورده وشفت الرسائل والصوره بتاع الهديه
وعد بفرحه لنفسها: معنى كده ان سيلفي ايشان عايزها دا طلع بيتكلم معاها و بعت ليها هديه كمان حلو اوي ، قامت وقفت في البلكونه لقيت بالصدفه ايشان قاعد في جنينه المنزل ابتسمت. بتفكير ثم راحت دخلت المطبخ بتاعها و عملت فنجان قهوه وراحت نزلت لي
♡♡♡♡♡♡♡♡♡♡♡♡♡♡♡♡♡♡
الجنينه
وعد بابتسامة: صباح الخير
ايشان بص وراه على الصوت: صباحو فل يا مرات اخويا _ و كان لابس نظاره الشمس بتاعته وراح خلعها وحطها قدامه وحطها على الترابيزه
وعد بابتسامة، حطيت فنجان قهوه و راحت قعدت
وعد: عامل ايه يا ايشان
ايشان: انا الحمدلله زي فل والله
وعد بابتسامة: ربنا يجعل كل ايامك فل يا خويا يارب
ايشان: تسلميلي
وعد: اتفضل عملت ليك فنجان القهوه ده
ايشان ابتسم: تسلميلي يا
وعد قطعته بحزن: قولي يا ام موسي ان شاءلله لما ربنا يرزقني بعيل هسميه موسى علي اسم ابويا الله يرحمه
ايشان بابتسامة: الله الاسم جميل ان شاء الله ربنا لا يرزقك بــ عيل وهتسميه موسى يا ام موسى بس انتي تفائلي خير
وعد بحزن جواها: يارب يارب ان شاءلله
مد ايده واخد فنجان القهوه وشرب منه وابتسم من حلاوه القهوه
ايشان بابتسامة: تسلمي علي فنجان القهوه الحلو ده انتي عارفه طلبي فعلشان. كده عملتيه مظبوط حسب الطلب بتاع كل مره
وعد بابتسامة: طبعاً انا عارفه كل حاجه عنك بتحب ايه وما بتحبش ايه ايشان _ سكتت شويه ثم اتشجعت واتكلمت: احم ايشان كنت عاوزه اتكلم معاك في موضوع
حط فنجان القهوة قدامه وقال: اتفضلي!!
وعد: تسلميلي يا خويا في موضوع الخطبه وكده وانك انت خلاص قررت انك انت تخطب وتتجوز و انك تعمل اسره
ايشان بعدم فهم: اه
وعد: احم اي رايك في ورده
ايشان: ورده اممم. احم فهمت قصدك يا مرات اخويا
فضلت مستنيه منه الرد ورايه في اختها ورده و هو عايزها او لا وبتدعي من جواها ان يطلب ايدها منها
ــــــــــــــــــــــــــــــــــــــــــــــــــ
في محافظة الوراق تقف سياره كبيره جدا فخمه لامبورجيني أوروس لونها رصاصي
قدام منزل كبير جداً
ونزل من سيارته وهو حامل هديه في ايده عباره عن علبه شيكولاته كبيره وهو ( يوسف صاحب ايشان
يوسف يبقى رائد جيش
و يبقى من نفس عمر ايشان
و صحاب من مده طويله جدا علاقه الصحبه اللي ما بينهم قويه
يوسف خاطب بنوته جميله جدا وتيقي بنت عمته)
وقف قدام شقه خطيبته اللي هي شقه عمته بكل هيبه ورن جرس الشقه
فتحت للباب خطيبته رزان
" لسه بدري يا بيه
"ضحك باستهزاء: بدري من عمرك يا عسل
" بسخرية: هههه لا والله
اتجهلها ببرود تام يوسف لانه عارف حواراتها بتاع كل مره
يوسف: طيب اي هندخل ولا هتفضلي موقفاني كده كتير على الباب
تضايق جدا برودو ده
ثم اخدت من ايده علبه الشيكولاته اللي جايبه وراحت قفلت في وشه الباب
يوسف بغضب من تصرفاتها: رزان خلي عندك دم و افتحي قولتلك ميت مره بيبقي ام الطريق واقف
قعدت على الانتريه وفتحت الشيكولاته وبقت تاكل وهي مش مهتمه لي
رزان وهي تاكل: علشان تبقي تتاخر حلو وارن عليك تقفل في وشي
يوسف بغضب وهو بره: وانا قولتلك الطريق واقف واقف و لما بقفل التلفون بيبقي في التدريب
رزان ردت بحزن منه: علي الاقل ابقي طمني عليك يا اخي
امها خرجت من الغرفه في الوقت ده علي صوت
" انتي بتتكلمي مع مين و سمعت صوت يوسف دلوقتي هو فين" بصت اللشيكولاته و كملت: منين دي يا رزان
قامت رزان بحزن وندم: ماما يوسف بره افتحي لي
امها بغضب منها: يا قليله الادب يا اللي ما عندك دم أبداً
راحت فتحت الباب ليوسف
"عمته بأحراج: حقك عليا يا ابن اخويا علي اللي بنتي بتعمله ده
يوسف: لا يا عمتي دا انتي اللي حقك عليا علشان خاطر طلبت منك بنتك البلوه دي من زمان الله يسامحك يا ابويا انت و امي
رزان بعصبيه: والله لو مش عاجبك سيبني ها
يوسف: نفسي والله العظيم بس مش قادر
بصتله بغضب وقالت: روح امشي من بيتنا يلا
امها بغضب: ما تخرسي بقا اومال طفحتي علبه الشيكولاته اللي جابها ليه يا اللي همك ع بطنك
ضحك بسيط يوسف ثم راح ناحيتها وقلبه مالي بالغضب منها
رجعت لورا بخوف منه رزان: في اي هتضربني ولا ايه؟
يوسف: والله لتشوفي ايام حلوه معايا ولا تاخدي ضرب عمرك ما اخدتي في حياتك من امك و الكلام ده تشهد عليه
رزان بعصبيه: خليكي شهده ان هو بيهدد فيا اهو و شوفي و بيقولي هيعمل فيا اي يا ماما
امها: ياريت يكسر دماغك يا شيخه والله هفرح اوي من قلبي يا يوسف عاوزك تعلمها الاب اللي ما عرفتش اعلمه ليها
يوسف: دا من عيوني الاتنين يا عمتي
رزان بصدمه: يا خربي منك يا ماما انتي معايا ولا معاه
امها: مع الحق ياريت تاخدها وتخلصني بقا منها
يوسف: كده كده جاي علشان احدد مع ابوها انهارده علي ميعاد الفرح والله يا عمتي
امها: ياااه أخيراً هم كبير هيتزاح من ع قلبي يا عالم
يوسف: انتي مش طايقها اطيقها ازاي انا
رزان: و مين قالكم اني موافقه اصلا انا اساسا مش موافقه علشان تبقي عارف يا بيه
و راحت قعدت تاكل في الشكولاتة
يوسف بص لعمته بنرفز من بنتها