رواية الزواج قسمه ونصيب الفصل الثاني2بقلم نور ربيع
سبحان الله 🤍
في شقه رحيم
ريتال كانت قاعده في غرفتها على السرير ماسكه التليفون بملل لقيت رحيم رن عليها في الوقت ده
رحيم: السلام عليكم
ريتال: حبيبي وحشتني اوي
رحيم بغضب منها: ريتال مش بتعرفي تقولي و عليكم السلام انتي مضروبه على ودنك مثلا ولا اي مش فاهم انا
ريتال بزعل منه: اسفه ي حبيبي انا مش وخده بالي والله
رحيم بسخرية: والله ليه اي شاغل بالك لدرجه انك مش تردي السلام عليا، بعصبيه وزهق: زهقت من التصرفات بتاعتك دي اوي لحد امتي هتفضلي كده
ريتال بحزن: انا اسفه والله بقولك مش وخده بالي بجد
رحيم بتنهيده غضب منها وتجهلها: تمام رنيت علشان اقولك ما تنسيش البرشامه
ريتال: يعني انت مش رنيت علشان تسأل عليا يا رحيم
رحيم: هبقي اكلمك لما ابقي فاضي يا ريتال دلوقتي رنيت علشان افكرك ما البرشامه ما تنسيهاش
ريتال بضيق منه: تمام يا رحيم تمام
رحيم بتحذير: اياك ما تاخدهاش انا عداهم بالواحده قبل ما اخرج اجي الاقي واحده ناقصه تمام
رحيم بغيظ: تمام تمام عايز مني حاجه
رحيم: سلامتك اقفلي
ريتال: لا اقفل انت
رحيم: اقفلي انتي
ريتال بغيظ: لا اقفل انت
رحيم ضحك بحب: اقفلي انتي
ريتال: اقفل انت الكبير
رحيم بضحكه: الكبير ربنا يلا في رعاية الله يا اميرتي، وقفل "
ريتال حطت التلفون جنبها ملل شديد و دموع وخنقه جواها
ريتال بدموع: اي اللي يضحك في الموضوع يا رحيم اي.؟ " قامت جابت كوبايه ميه من المطبخ ودخلت اوضه النوم بتاعتها فتح الدرجه الكوميديه واخدت منه برشامه وكان برشامه
ريتال بتردد: لا لا مش عاوزه اخد برشام منع الحمل اكتر من كده انا نفسي اكون ماما فيها اي يعني لما جرب احمل تاني ان شاءلله مره دي ياجي سالم الطفل من غير ضرر
ـــــــــــــــــــــــــــــــــــــــــــــــــــــــــ
في منزل الهواري
تحديدا في شقه وعد
وعد دخلت شقتها بغضب شديد وقعدت على الكرسي وهي جواها بيغلي من ايشان ومن رد ليها
وعد بعصبيه: لما انت مش عايزها اومال بتتكلم معاها ليها وتبعتلها هدايا "سكتت لاحتي تهدي وبعدها اخدت نفس وقالت بحزن علي اختها
وعد بحزن: طيب وورده ورده هتزعل اوي قلبها هيتكسر دا بيتكلم معاها علشان يتسلى مش اكتر ياربي انا كنت عايزاها تبقي معايا في نفس البيت كنت عايزه اؤمن ليها حياه حلوه تتجوز احسن جوزه مكنتش بتحلم بيها بدل ماهي لوحدها كده من وقت ما اتجوزت، صعب عليها اختها جدا بسبب ان ايشان رفضها
وعد: لازم اقولها واوعيها عن اللي هي بتعمله بدل ماهي بضيع وقت معاه كده وبتسلى
ــــــــــــــــــــــــــــــــــــــــــــــــــــــــــ
اسيل كانت قاعده هي و ايشان
ايشان: الا صح برضو بحق
يا ايسو مين خديجه اللي قولتي عليها دي و ازاي مش شبهي مش فاهم كلامك و ليه قولتي لا انها تكون ليا يعني اي سبب
اسيل بصتله وتكلمت: يا عمو مكنش قصدي حاجه بالله افهم كلامي صح اقصد ان البنت دي متدينه وانت يعني
ايشان بضيق: وضحي كلامك يا اسيل
اسيل: عمو هتكلم معاك بكل صراحه صراحه كده سيف عايز البنت دي وهو معجب بيها اوي من اول مره شافها عجبته لانها صراحه كده مفيش منها و يا بخت اللي ياخد البنت دي علي رأي ماما و مرات عمي رامي
ايشان: جميله يعني
اسيل ابتسامه اعجاب فيها: اي اللي جميله دي مش جميله بس دي تقول للقمر قوم وانا اقعد مكانك يا قمري دي جميله جدا جدا وبيضه وقلبوظه مش قصدي بس جميله دي كمان متدينه متدينه مش بيفوتها فرض نهائيا ولابسه لبس الشرعي محافظه على دينها بــمعنى الكلمه بتدرس للاطفال في حضانه
ايشان قلبه حس في اللحظه دي ان تعجب البنت دي
ايشان ابتسم باعجاب: سبحان الله يعني هي فعلا نفس الصفات اللي انتي بتقولي عليها دي
اسيل: طبعاً يا عمي بس صراحه مش شبهك نهائيه شبه سيف هو عايزها من زمان بس كان مستني يخلص الكليه بتاعته
ايشان: لا لا سيبك سيبك من الواد ده عايزها اي بعد الكلام ده عايزني اسيب البنت دي مستحيل هي هتكون ليا
اسيل: ايوه بس هي مش شب
ايشان قطع كلامها: اسيل اهدي بقا اي كل شويه مش شبهي مش شبهي دي الصفات دي انا عايزها يا بنتي اهدي ملكيش دعوه انتي اسكتي
اسيل: تمام براحتك منك لابن اخوك يا حبيبي
ايشان: بس اسكتي خالص انتي
ـــــــــــــــــــــــــــــــــــــــــــــــــــــــــــ
سيف خرج من غرفته بغضب
جواه وغيره من عم وبعد ما سمع الحديث اللي بينه وبين اسيل من شباك غرفه و هما في الجنينه
سيف بــنار الغيره: لا لا ازاي
يفكر في خديجه كل بسبب امي انها جابت سيرتها قدامه انا لازم افتح معاهم في الموضوع ده قبله احسن كده دا حط عينه عليها خلاص
وانا مش أرتاح ولا يهدي ليا
بال الا وهي ليا وتبقي حلالي كده
خبط علي غرفه أمنه و داخل
سيف: احم فاضيه يا ست الكل
أمنه بابتسامة: اه تعال يا حبيبي- حطيت فون جنبها و انتبهت لي
سيف بجدية: انا حابب اتكلم معاكي في موضوع خديجه بنت عمي احمد. اللي قولتلك عليه من سنتين انا نويت خلاص كنا عاوزين نروح علشان اتقدم ليها انا هتكلم مع بابا ليله و اتفق معاه علي ميعاد كوني جاهزه
أمنه ابتسمت: بجد يعني خلاص قررت تخطب
سيف بابتسامة بثقه من كلامه: اكيد
أمنه: وانا معاك في كده ي حبيبي ان شاءلله خير اتوكل على الله
سيف اتنهد: ونعم بالله انا جاهز خلاص نويت اخطب وانا واثق اني هكون قد المسؤولية دي ان شاءلله خير
ــــــــــــــــــــــــــــــــــــــــــــــــــــــــــ
عندي ريتال في شقتها
ريتال رمت البرشامه في سله الزباله
وراحت طلعت على السرير ورقدت
ريتال بدموع وحزن: شكلك خلاص زهقت مني يا رحيم ما بقتش تحبيني ومليت مني لدرجه انك مش عايز مني طفل انا رميت برشامه خلاص مش هاخد تاني على كده انا عاوزه اكون مامي اساسا انت مستحيل تفهمني
مش هيحصل حاجه
تاني ان شاءلله لينا _ بدأت تروح في نوم وهي زعلانه
جدا و دموعها بتنزل من عيونها بحزن وبعد وقت راحت في نوم
وراحت لعلمها الاحلام
نزلت من التاكسي ريتال في
ايديها اكياس ورايحه تجاه منزلهم وهي مبسوطه
لقيت مره واحده ناس كتيره جدا جدا خارجه من بيتهم
لابسين اسود نساء ورجال
ريتال بصدمه: اي الناس دي كلها دي طالعه ليه من عند بابا
و لقيت رجال شايله نحش كبير وكانوا شايلين حد وكانت جنازه كبيره جدا
و كان المنظر مرعب خالص وده رعب ريتال
ريتال بخضه وصدمه: في اي بابا بابا
رامات من ايديها الاكياس و طلعت تجري بسرعه وهي كل جسمها بيتنفض ورجليها مش شايلاها و قلبها بــ يتنفض
الناس كانت ماشيه كتيره جدا و ناس بتبكي و صوت الصرايخ في كل مكان و شكل الجنازه مرعب خالص
ريتال برعب: مين مين اللي مات مين؟
واحده ببقاء شديد: ابوكي ابوكي يا ريتال جيتي متاخر اوي يا بنتي
ريتال بصرخه: بااااابااااا لااااا
بصت حواليها وهي وتصرخ باعلى صوت جامد مش شايفه غير ناس وبس تبكي وتصرخ والمنظر مرعب حواليها وده اثر عليها جدا في اللحظه دي
ريتال بصويت جامد: باااااااباااااااا
ارض الواقع حاليأ
" ريتال ريتال فوقي
قامت مره واحده و صرخت جامد برعب
رحيم بخضه عليها: بسم الله ريتال
مالك يا حبيبي اهدي
اسم الله عليكي
ــــــــــــــــــــــــــــــــــــــــــــــــــــــــــ
في شقه رزان
كانت رزان قاعده تتكلم في
تلفون مع يوسف
رزان ببرود: امم نعم ممكن اعرف بترن عليا ليه
يوسف: اصل هشحط منك عايزك تتصدقي عليا
رزان بستهزاء: مش بتصدق انا
يوسف بنرفز منها: اتظبطي يا رزان تمام
رزان بعند: لا مش تمام
يوسف بغضب وصوت عالي: رزان اقسم بالله اخر مره دي اقولك فيها اتظبطي علشان ما تزعليش من تصرفي اللي هعمله
رزان بخوف لكن بتداري: هتعمل ايه يعني هااا مش هتقدر تعمل حاجه وبعدين انا في بيت اهلي لسه ولا هتقدر تعمل حاجه معايا مش خايفه منك اصلا
يوسف بغضب شديد منها: رزاااان
رزان بعدت فون عندها و غمصت عيونها بخضه وخوف من صوته الغضبان ثم رفعت الفون تاني
رزان بتوتر: احم ن نعم اهدي خلاص
يوسف بعصبيه: انتي بدك في اي بالظبط يعني عايز افهم يا بنت الناس
رزان اتنهدت وقالتله: مش عاوزه حاجه عاوزه اقفل علشان نعسانه انت عايز حاجه
يوسف الغضب بقا
مالي قلبه جامد منها
راح قفل مكالمه في وشها
رزان بضيق منه: بارد قفلت في وشي طيب ماشي
رزان بندم لنفسها: اي اللي انا بعمله ده ازاي اضيق حب عمري
بالطريقة دي لو خسرته دلوقتي هعيط بدل الدموع دم
ياربي اهدي قلبي علشان
حرام اللي انا بعمله فيه ده
ــــــــــــــــــــــــــــــــــــــــــــــــــــــــ
عند ورده في شقتها
ورده كانت بتتكلم
هي واختها وعد
ورده: ليه طيب في اي يا وعد قوليلي
وعد: ورده زي ما قولتلك
انسي ايشان خلاص سيبك منه
هو مش بيحبك عايز يتسلى
مش اكتر ي حبيبتي
ورده حزنت من قلبها: ازاي؟ ازاي يا وعد يتسلى بيا اكيد لا
اكيد عايزني ابقي لي
وعد بحزن: لا مش عاوزك انا عرضت عليه الجواز منك قالي لا افهمي بقا
ورده اتصدمت قالت بدموع: طيب ليه؟ اي سبب مش عايزني ليه طيب و ليه بيتكلم معايا ليه بيجيب ليا هديه
وعد بحزن عليها: عادي بتسلى بيتسلى بيضيع وقته بس لكن عايز شريكه الحياة حاجه تانيه يا حبيبتي صدقيني
ورده صعب عليها نفسها: يعني انا يعني مش استاهل حاجه حلوه مانا كمان استاهل الحلو زيي زي اي واحده في الدنيا دي ولا انا وحشه يعني
وعد: متقوليش كده علي نفسك انتي ست البنات متزعليش نفسك ي حبيبت قلبي هيجي ليكي اللي احسن منه
استنى بس انتي هتشوفي عوض ربنا هيبقي جميل ازاي
انتي جميله و جدعه اوي سيبك من ايشان ايشان مش عاوزك والله هيجي الاحسن
اتنهدت ثم رفعت ايدها مسحت
دموعها وهي حزينه جدا
ورده بزعل شديد: بس انا كنت عاوزه ايشان لاني بحبه والله العظيم
يا وعد
وعد بحزن: انسي ايشان يا ورده
انسي ي حبيبتي انسي
ــــــــــــــــــــــــــــــــــــــــــــــــــــــ
في شقه رحيم
ريتال دخلت غرفه النوم قعدت
جنب رحيم
رحيم ساب الفون وبص ليها بتركيز
رحيم: ريتال
ريتال بصتله بضيق: نعم
رحيم: مالك؟
ريتال: مفيش
رحيم بعصبيه: بقول مالك ها؟
ريتال: مخنوقه
رحيم: من اي اي سبب اتكلمي معايا
ريتال بخنقه وخوف: من الحلم بس
رحيم:حلم اي مش بسالك بقولك مالك حلم اي ده اللي ما خليكي تصرخي من
وقت ما جيت تقوليلي سبني
ريتال بصت لي بخنقه ثم
قامت راحت قعدت في حضنه بدموع
ريتال بدموع: رحيم انا مخنوقه اوي خليني في حضنك
رحيم اتنهدت وخدها في حضنه بحنان
ريتال بدموع وحزن منه: ليه ما بقتش تحبني زي زمان خلاص زهقت مني وكرهتني
رحيم بعتاب: انا مش بكرهك
انا زعلان منك ومن التصرفات دي
ريتال بعصبيه ودموع: انا دلوعتك حبيبتك الصغيره وبعدين انا خلاص مفيش حد في حياتي غيرك احنا ملناش غير بعض مش لاقي حد في حياتي اطلع عينه غيرك انت صدقني
رحيم: والله!؟
ريتال: اه والله صدقني
رحيم: امممم
ريتال بتوتر: رحيم خليني اروح اطمن علي بابا
رحيم طلعها من حضنه بغضب: لا
ريتال بحزن: ليه طيب؟ عارف حلمت بــ اي حلمت حلم وحش جدا خير الله ما يجعله خير ان بابا اتوفى جنازه كبيره طالعه من بيتنا
بتنهيد: عشان انتي بس بتفكري فيه كتير وحاطه في راسك بقيتي بتحلمي الاحلام الوحشه دي ما تفكريش فيه
ريتال: لا والله بس نفسي اشو
رحيم قطع كلامها بعصبيه: سمعتي قولت اي زهقانه هاخدك تروحي تقعدي شويه مع اسيل بكره عند خالتي أمنه لكن انك تروحي عند ابوكي قولتلك الف مره انسي انسي فاهمه ولا لا
ريتال بخوفه منه ودموع: حاضر حاضر خلاص
و قام من جنبها بغضب داخل البلكونة
ريتال بدموع وحزن شديد: اصلا زهقت ياريت مكنتش اتجوزت من
زمان بدل الزهق ده
ـــــــــــــــــــــــــــــــــــــــــــــــــــــ
في شقه ياسين وعد
وعد: ياسين: ما تحاول مع ايشان انه يخطب ورده حاول معاه كده
ياسين بصلها بزهق: هو بالعافيه يا وعد الجواز قالك مش عايز اختك
وخلاص مش حكايه هي
وعد بعصببه: مالك بتتكلم
معايا كده ليه
ياسين بغضب ما تجي تضربيني قلمين احسن مالك يا وعد صوتك بقى يعلى كتير ليه
وعد: انا ولا صوتي عالي ولا غيره
انا اللي ما اعرفش مالك ما بقتش طايقني ليه
ياسين بغضب وصوت عالي جدا: واحده متجوزها بقالي 10 سنين
و لحد دلوقتي مش عارفه تجيب حته عيل صغير عايزني اتعامل معاكي ازاي انا زهقت ولا
ليكي لازمه اساسا
وعد بصدمه من رد فعله: وانا مالي هو بايدي حاجه ده ربنا لسه ما أذنش اننا تخلف _ كملت بدموع: وبعدين مليش
لازمه ازاي ها؟ يا ياسين
شوح عليها بايده ما رضيش يرد عليها و سبها ودخل الغرفه وراح خبط الباب جامد
عيطت من قبلها وعد بحزن بسبب
كلامه اللي زي سم ليها
وعد بعياط وحزن: العشره طلعت ما طمرتش فيك يا ياسين اخص عليك وعلى كلامك
( ما تعترضوش على امر ربنا ربنا لما بيأذن لينا في الحاجه اللي احنا بنلح عليها من زمان بيديها لينا بس بيديها لينا في الوقت المناسب اللي هو امر بيها وبلاش تؤذي اللي قدامكم في وقت غضب بكلمه تتعبه لان هيجي عليكم وقت تندموا انكم ما استعزتش من الشيطان وقت الغضب ده)
ــــــــــــــــــــــــــــــــــــــــــــــــــــــــ
في شقه رامي و أمنه في دور الاول
رامي: في حاجه ولا ايه يا ايشان قولت انك عايزني خير
ايشان: خير ان شاءلله
أمنه خرجت من المطبخ بابتسامة
أمنه: اتفضل يا ايشان اشرب العصير
يلا يا ابو سيف اتفضل
ايشان بابتسامة: تسلم ايدك يا ست الكل
رامي: تسلمي _ و اخدو كل واحد كوبايه
ايشان: انا سمعت ان في قدامكم عروسه حلوه و بتقولوا انها اسمها خديجه ما نشوف البنت دي كده و نتقدم
أمنه بدهشه: ايوه بس سيف عا
ايشان قطع كلامها بسرعه: يا مرات اخويا انا قولت قبله خلاص بقا يلا قولوا لابو البنت و نروح انا مستعجل
رامي بابتسامة: والله يا ايشان في حياتك ما هتلاقي زي خديجه أبداً
ايشان ابتسم بلهفه: متشوق اوي علشان اشوف خديجه دي فعشان كده حبيت افتح علطول معاك في الموضوع ده انت يا اخويا يا كبير عشان تدي لابوها ميعاد ونروح ليهم لان خلاص نويت اني اخطب
رامي: يااه اخيرا باذن الله خير
أمنه في نفسها: وبعدين الاتنين عايزين نفس البنت سيلفي وابني طب انا ارضي مين دلوقتي يا ربي!؟؟ ابني ولا سيلفي؟ ايشان والله طالما حاطه حاجه في راسه مستحيل ان يطلعها من راسه الا لما ياخدها وبياخد كل حاجه غصب عن اللي قدامه
اختار الاحسن للشباب يارب
ــــــــــــــــــــــــــــــــــــــــــــــــــــــــــ
في غرفه سيف
كان بــيتكلم في مكالمه مع
مع صاحبه رحيم وكان سعيد جدا
رحيم اتنهدت بحزن: حاسس انك مبسوط من صوتك مالك يا معلم
سيف بابتسامة وفرحه: انا فعلاً مبسوط يا صاحبي
رحيم ابتسم علي فرحته: ربنا يسعدك كمان و كمان يا عم طيب في اي احكيلي
سيف بابتسامة: ان شاءلله اليله هفتح مع بابا موضوع البنت اللي قولتلك عليها من سنتين اني عاوز اتقدم ليها بعد كليه و اخيرا خلاص نويت
رحيم: يااه اخيرا … كمل بفرحه لي: فرحت قلبي والله رغم الحزن اللي جوايا
سيف بقلق عليه: مالك يا رحيم في اي
رحيم بتنهيده: لا أبداً مفيش يا سيف
سيف بزعل منه: بتخبي عليا يا رحيم
ماشي يا صاحبي بس ما تنساش ان اخوك مش بيحب كده منك ابداً طيب ريتال عامله اي هي كويسه اكيد عملت معاها مشكله ولا حاجه بسبب خلقك الضيق ونرفازك على الفاضي
رحيم ضحك بكل سخريه: طيب ما انت حافظني اهو هو في غير ريتال اللي في وشي تعبت قلبي والله يا سيف
سيف: اوعي تخسر حد بيحبك يا رحيم اوعي تجي عليه يوم من الايام بلاش تقسي عليها شوفها هي عاوزه اي و اعمله ليها خليك حنين عليها ما ترفضلهاش طلب
خليك جنبها حن قلبك عليها علشان يوم ما تخسرها هتندم هتندم اوي صدقني عملها كانها بنتك مش مراتك متنساش انها صغيره و ملهاش حد غيرك وانت من الاول حربت الدنيا كلها علشان خاطرها و اخدتها من ابوها متنساش كل ده مش هيجي بقا في الاخر تسيبها علشان خاطر وقت غضب منك
رحيم اتنهد وقاله: فعلاً عندك حق
يا سيف والله وانا بحاول اسعدها علي. قد ما اقدر والله بس هي عنيده اوي
سيف: و اي يعني عنيده عنيده سيبها هي اخدت علي كده خلاص يا رحيم انت ما تسيبهاش عشان خاطر كده دي مواضيع تافه ولا تحطها في راسك طنش انها بــ تعند فيك وخليك بس حنين انت عليها خليك معاها
رحيم ضحك بسيط بابتسامة: والله انك هتكون احن زوج يا سيف تصدق
سيف ضحك بفخر من نفسه: اممم اومال يا جدع
ــــــــــــــــــــــــــــــــــــــــــــــــــــــــــ
في منزل خديجه
ليلي بعصبيه: شوف بنتك الهانم اللي مفيش اشطر منها يا احمد عملت اي انهارده
احمد: خير عملت ايه؟
خديجه ضحكت: خير ان شاءلله ي
ا بابا يا حبيبي
ليلى بتريقه: اه ما هو فعلا خير الهانم اللي قدامك الشاطر اللي ما فيش منها كانت هتولع في البيت حرقت الكيكه
احمد ضحك علي خديجه: و فيها اي يعني يا ليلى فداها يا ستي
خديجه بتمثيل الحزن: اه قولها يا بابا قولها بالله انه فدايا ما كانش قصدي اني احرقها
ليلي: اه مكنش قصدك يا نن عيني
احمد بضحك: خلاص بقي
حصل خير
المهم و الاهم من ده كله
كنت عايز اقولكم علي.حاجه
خديجه: اتفضل يا بابا قول
احمد بصلها بابتسامة وقال: في عريس
جاي متقدم ليكي اليله
خديجه اتكسفت جامد ثم ابتسمت: احم اي يا بابا الكسوف ده ياريت ما سألت
احمد ضحك علي خجلها: اي اللي حصل
ليكي بسخرية: ومين الاعمى اللي امه داعيه عليه ده عايزها الله يكون في عون اللي هياخدها ده هيفرقع منها
خديجه ضحكت جامد علي كلام امها
احمد بضحكه: براحته بقا هما حرين يا ليلى المهم اننا نعمل اللي علينا وخلاص
خديجه بضحكه: في اي يا جماعه هو انا هضربه ولا ايه ولا اكله
ليلي: احتمال كده يلا
يلا احنا موافقين خلينا نخلص منها بقى
خديجه: ايه يا ماما في ايه الله
احمد: موافقه يا خديجه ندخل الناس
خديجه باحترام: اللي تشوفه يا بابا
اللي انت عايز احنا اكيد هنعمله
احمد: يعني انتي راضيه عاوزه اننا ندخل الناس دي
خديجه ضحكت بخجل: بابا بالله ما عارفه اقولك اي اللي حضرتك عايز انت
ليلي فهمت خجلها: خلي الناس تاجي يا احمد ونشوفهم كده وان شاء الله خير
احمد: خلاص نتوكل على الله
خديجه: والله يكون في عون اللي جايلها بقى
ضحكت خديجه و احمد مره تانيه
على كلام ليلى على خديجه
ــــــــــــــــــــــــــــــــــــــــــــــــــــــــــ
في منزل الهواري
اسيل: يا عمو يا عمو
ايشان: طيب يا يوسف هبقي اكلمك ان شاءلله و احكيلك عملت اي في موضوع عروسه هقفل دلوقتي
يوسف: اشطا يا غالي في حفظ الله ان شاءلله نسمع الاخبار حلوه
ايشان: ان شاءلله يا حبيبي
و قفل المكالمة و نادى علي اسيل
اسيل: اي يا عمو تمشي امتي كده
ايشان: بعد العشاء يا غبيه
هو اللي بيروح يقبل عروسه اول مره بــ يمشي امتي؟
اسيل ضحكت: بعد العشاء صح
ايشان: هههه رخمه اوي
اسيل: شكرا يا عمو
وعد جت عليهم و قعدت معاهم
وعد بفضول: علي فين كده؟
اسيل: عمو رايح لخديجه علشان يتقدم ليها اليله هو و عمو رامي و مرات عمي
وعد بحزن: من غير ما تقول يا ايشان
ايشان بنرفاز: اقول اي يا جدعان هو في حاجه حصلت اصلا
وعد: ايشان انت بجد متاكد انك
مش عاوز ورده؟؟
ايشان بعصبيه: علي ما اظن اني قولت موضوع ده الف مره لا لا لا مش عايزها مش بالعافيه يا وعد
وعد بغضب: اومال ليه بتتكلم معاها وتخليها تتعلق فيك هاا
اسيل لنفسها بارتباك: الدنيا كلها شكلها هتخرب بسببي انا الله يسامحك يا اسيل
ـــــــــــــــــــــــــــــــــــــــــــــــــــــــــ
في شقه أمنه
أمنه دخلت لسيف غرفه و قعدت جنبه
سيف بصلها: في حاجه يا امي
أمنه بجدية: سيف انت مش متقدم لخديجه يا سيف
سيف بدهشه: اي طيب ليه؟
أمنه: كده وخلاص لان عمك عايزها
سيف قام بغضب: انا اللي عايز خديجه قبله يا امي مش هياخد خديجه
أمنه: سيف بس انت عارف عمك
طالما حط حاجه في دماغه هياخد الحاجه.دي غصب عن اي حد
سيف بتحدي: اعلى ما في خياله يركبو والبنت دي اساسا مش هتوافق عليه وانا واثق من كده ومتاكد تماما لانها هي مش شبه ولا هو شبهها نهائيا وانا عارف اللي زي خديجه دي عايزه ايه بالظبط. و صفات الراجل ازاي ومستحيل تلاقيها في عمي حتى لو ايه عمي مستحيل يكون شبه خديجه وانا اللي شبهها وانا اللي استاهل خديجه وهي تستاهلني يا امي
أمنه بتحاول تتكلم بهدوء: سيف يا حبيبي اهدى ده عمك بلاش تحط نفسك في تحديات معاه مش عشان خاطر موضوع تافه زي ده تعمل كل ده ربنا يعوضك بالاحسن
تجهلها سيف ودخل البلكونه وهو مش مهتم لكلامها تماما وجواه حزن جدا وخاف احسن تكون خديجه ما تكونش لي بعد الانتظار ده كله
أمنه بحزن لنفسها: ياربي ارضي مين يارب اهدي قلب ابني يارب
ــــــــــــــــــــــــــــــــــــــــــــــــــــــــــ
سيف بغل وغيره: مش هتبقي ليك حتى لو اي يا عمي ايشان انت خديجه والله ما تستاهلهاش
ايشان بتوعد: حتى لو اخربها الجوازه اخربها على دماغك علشان مكنش ليك