رُقيه: وانا مش هتجوزه يا ماما..
فاطمه: ليه يا بنتي انتي كل شويه ترفضي عريس من غير ما تقعدي معاه حتي..
رُقيه: مش عايزه..
فاطمه: مش عايزه ليه..انتي حد تاني في دماغك؟
رُقيه: والله ولا حد تاني ولا حاجه..انا عايزه اركز في جامعتي واحقق حلمي..كمان مش ده الشخص اللي اتمناه او اكون مبسوطه معاه..
فاطمه: ناقصه ايه يا رقيه؟
رقيه: ياماما انا عايزه واحد متعلم ومعاه كليه شكلي و يكون شخص ناجح ويدعمني..
فاطمه: يا بنتي من ساعه ما باباكي اتوفي واحنا عايشين لوحدنا..نفسي تتجوزي وتلاقي راجل يسندك..ومش لازم اللي ييجي يبقي زي اللي في بالك يا بنتي..
رُقيه: يا ماما انا عارفه كل ده وسبيها علي الله انا عايزه اركز في كليتي وابقي حد ناجح وان مجاش يستي بلاها جواز خالص..انا مش عايزه اتجوز وخلاص واضطر اتنازل عن حاجات كتير..واسيب الظروف تتحكم فيا..ياريت تفهميني يا ماما..
فاطمه سكتت ثواني وقالت: تمام يا رقيه..اللي انتي عايزاه يا بنتي..ربنا يريح بالك..
رقيه: اللهم امين يا حبيبتي..انا هنزل اشتري شويه حاجات واجي.
فاطمه: طيب متتأخريش..
رقيه: حاضر وخدت شنطتها ونزلت..
ولسه هتدخل السوبر ماركت..رقيه: يووه لأكون نسيت البوك..وفتحت الشنطه وقعدت تدور..
كان في عربيه عماله تزمرلها فهي باصت وقالت: حاضر ثانيه..
اللي في العربيه فضل يزمر..ورقيه كانت باصه في الشنطه..
سليم نزل من العربيه...وراح ناحيتها وقال: انا بقالي ساعه عمال ازمر لحضرتك
رقيه كانت بصه في الشنطه وطلعت البوك وقالت: الحمدلله لقيته..وبصتله وقالت: معلش كنت بدور علي حاجه..
سليم: وحضرتك حد يقف قدام عربيه ويدور؟
رقيه: يعني هقف في نص الطريق..وبعدين حضرتك اللي راكن هنا في المكان اللي الناس بتقف فيه..
سليم: ايوا يعني انا داخل سوبر الماركت اركن فين...فيه ركنه معينه هنا يعني؟
رقيه: خلاص محصلش حاجه يعني..حضرتك مكبر الموضوع..
سليم بصلها وضيق وقال: انا مش فاهم والله ايه ده..
رقيه:ايه اللي حضرتك مش فاهمه..
سليم؛ ممكن تفضلي عشان امشي..
رقيه: اهوه اتفضل..
سليم ركب عربيته ومشي..
رقيه: ماله ده؟!..ودخلت السوبر ماركت..
«««««««««««««««««»»»»»»»»»»»»»»»»»
رقيه: ايه يا ضحي انتي فين؟
ضحي: قربت اوصل اهوه..انتي فين؟
رقيه: انا وصلت في الكليه اهوه..
ضحي:طب انا عشر دقايق وهبقي قدامك..
رُقيه:تمام..
بعد شويه..
ضحي وصلت وسلمت علي رُقيه...
رُقيه: ايه يا بنتي مجاتيش امبارح وكلمتك مردتيش..
ضحي: كان فيه دوشه مسمعتش الموبايل..
رُقيه: ليه في حاجه؟
ضحي: اه يابنتي اخويا جه من السفر بقاله يومين..وعيله كلها اتجمعت امبارح عندنا..
رُقيه: اه انتي كنتي بتقولي هيرجع عشان يتجوز..
ضحي: لا ماهو مش هيجوز..اصله قالنا انه فسخ خطوبته من شهرين...ومكنش راضي يقولنا..
رقيه: بجد ليه كده..
ضحي: مش عارفه بيقول انهم مرتاحوش مع بعض..مع انهم كانوا بيحبوا بعض اوي..
رُقيه: اكيد فيه سبب بس هو مش عايز يقول عشان متضايق او كده..
ضحي: اه هو متضايق فعلا..و بيحاول يداري بس احنا عارفين انه زعلان..
رقيه: ده طبيعي..بس مصيره هيبقي كويس..
ضحي: ايوا...علي رأيك..
رقيه بصت في الساعه وقالت: يلا عشان المحاضره هتبدأ..
ضحي: يلا..
«««««««««««««»»»»»»»»»»»»»
بليل رقيه كانت قاعده في اوضتها بتذاكر...مامتها دخلت عليها..
فاطمه: بقولك ايه يا رقيه..
رقيه: نعم يا ماما..
فاطمه: عايزاكي تروحي عند خالتك هتديكي حاجه..واهو بالمره تغيري جو من المذاكره دي..
رُقيه: حاضر يا ماما..هلبس واروح..
فاطمه: ماشي يا حبيبتي..
رقيه قامت لبست وجهزت..
رُقيه: ماما انا نازله..
فاطمه: طيب يا حبيبتي..خلي بالك من نفسك..
رقيه: حاضر..ونزلت وفضلت تتمشي (بيت خالتها مش بعيد جنبهم بشارعين) لقت عربيه القهوه اللي بتحب تشرب منها موجوده راحت هناك..
رُقيه: ازيك يا عمي محمود..عايزه كوبايه قهوه مظبوطه وحلوه كده..
محمود: اهلا يا بنتي..ثواني وتجهز..
رُقيه بابتسامة: تمام..
الراجل حط الكوبايه..مدت ايدها عشان تاخدها..حد مد ايده وخدها..
رقيه رفعت عنيها و بصتله قالت: انت تاني؟
سليم: انتي شايفه ايه؟
رقيه مدت ايدها وقالت: ممكن الكوبايه..
سليم: ليه..
رقيه: ليه ايه..الكوبايه بتاعتي..
سليم: لا بتاعتي انا..انا طالب قبلك..حتي اسألي عمي محمود..
رقيه: عمي محمود مش دي كوبايتي..؟
الراجل ضحك وقال: لا يا استاذه رقيه..دي كوبايته هو..
رقيه: بس انا لما جيت كانت الدنيا فاضيه..
سليم: منا روحت اعمل تليفون..علي العموم اتفضلي خديها..
رُقيه: ليه دي بتاعتك..
سليم: لو عايزاها معنديش مشكلة..واستني علي ما يعمل غيرها...
رُقيه: لا شكرا..هي بتاعتك مش هقدر اخدها..
سليم: تمام براحتك..انا قلت من باب الذوق يعني..وخاد الكوبايه ومشي..
رُقيه بصتله باستغراب وقالت: ده ملحقش يعزم حتي.. طب كان يصر شويه...
«««««««««««««»»»»»»»»»»»»»
تاني يوم...
ضحي: يااه اخيرا خلصنا المحاضرات..
رقيه: بجد كان يوم مرهق اوي..
ضحي: انا همشي بقي..متنسيش انهارده..
رقيه: ليه فيه ايه؟
ضحي: يووه انتي نسيتي مش قلنا هتيجي ونذاكر مع بعض ونشوف حل للماده للرخمه دي..
رقيه: اه افتكرت..طيب هاجي..
ضحي: ماشي يلا سلام..
رُقيه: مع السلامه..
رقيه ومامتها كانوا قاعدين بيأكلوا..
رقيه: بقولك ايه يا فطومه..
فاطمه: امم شكلك عايزه حاجه..
رقيه: كده دنا علطول بدلعك..
فاطمه: قولي يا بت عايزه ايه..
رقيه: انتي عارفه انتي امتحانات الفاينال قربت..وانا عايزه اروح عند ضحي عند نذاكر ونتفق علي كورس ناخده..
فاطمه: امم طيب روحي..بس متتأخريش..
رقيه بابتسامة: حاضر..
بعد حوالي ساعه..فاطمه كانت وصلت عند بيت ضحي..ورنت الجرس..
الباب فتح..ورقيه سمعت صوت راجل رفعت عنيها بسرعه..
قالت بصدمه: انت بتعمل ايه هنا؟
سليم: انا اللي المفروض اسأل السؤال ده..
رُقيه: ايوا صح..هو مش ده بيت ضحي؟
سليم: ايوا..
رقيه بعدم فهم: طب وانت ايه..
سليم: انا اخو ضحي..
رقيه: بجد؟!
ضحي طلعت وقالت: مين يا سليم...رقيه تعالي واقفة بره ليه..
رقيه دخلت وقربت من ضحي وقالت: هو ده اخوكي ازاي؟
ضحي ضحكت وقالت: يعني ايه ازاي..
رقيه : قصدي مكنتش اعرف انه اخوكي..
ضحي: طب وانتي هتعرفي ازاي...انتي مشوفتيهوش قبل كده..
رقيه: لا شفته..
ضحي: بجد..فين..
رقيه بدأت تحكيلها اللي حصل..
ضحي ضحكت وقالت: مش قادره..ده كويس انه اتكلم معاكي..مسبكيش ومشي..
رقيه: ليه هو علطول مش طايق حد كده..
ضحي هزت رأسها وقالت: اه من ساعه من رجع من السفر..تحسيه بيداري زعله بالزهق..
رقيه: امم زمانه مجروح..
ضحي: اه..عايزه اخرجه مين اللي هو فيه بس مش عارفه ازاي..
رقيه: هفكرلك انا..بس نشوف حل في الماده دي..
ضحي: اه طب يلا نبدأ..
" بدأوا يذاكروا بقي بس فيه حاجات محتاجين انهم ياخدوا كورس فيها او حد يشرحها لهم..خصوصا انهم في كليه علوم وعايزين يجيبوا تقدير مش ينجحوا وخلاص..بس فضلوا يدروا ومش لاقيين "
رقيه: طب وهنعمل ايه كلهم مش بيدوا ماده لوحدها..
ضحي: امم انا عندي فكره..بس مش مضمونه..
رقيه: ايه هي؟
ضحي:سليم اخويا..
رقيه: ماله؟
ضحي: يابت هو اصلا دارس نفس الكليه ونفس القسم كمان وسافر بره كمل ماجستير واشتغل معيد..هو اللي حببني في القسم ده اصلا..
رقيه: بجد كويس والله..يااه نفسي ابقي معيده..طب وبعدين يعني اخوكي هيعمل ايه؟
ضحي: مش هو بيدرس اصلا..هخليه يساعدنا ويشرحلنا في وقت فراغه وكده..
رقيه: فكره برضو بس هو هيرضي...
ضحي: منا هقنعه..انتي عرفاني نحله في الزن..
رقيه ضحكت وقالت: انتي هتقوليلي..منا عارفه..
ضحي: استني تليفون مني..
رقيه: حساكي شغل عصابات اوي..
ضحي: تصدقي كان حلمي من وانا صغيره..
رقيه ضحكت وقالت: انا برضو مش مطمنالك..
ضحي: لا اطمني انتي غلبانه مش هعملك حاجه..
رقيه: كتر خيرك والله..
«««««««««««««««»»»»»»»»»»»»»»»
سليم: يا ضحي قلت لا..
ضحي: ليه بس..دحنا شطار والله مش هنتعبك..
سليم:مش فاضي..
ضحي: مش فاضي ايه..دانت هتيجي من الشغل الساعه تلاته..هما ساعه ونص ولا ساعتين تشرحلنا فيهم..انا والبت الغلبانه..
سليم ضحك وقال: حسك بتشحتي اوي..
ضحي: هو انا بشحت من حد غريب..دانت اخوكي حبيب قلبي..
سليم: اه منا عارف..
ضحي: هااه قلت ايه..
سليم: هشوف جدول اعمالي وارد عليكي..
ضحي: اه اعملنا فيها مهم بقي..
سليم: نعم!!
ضحي: يوه شوف فهمتني غلط ازاي..دانت اهم واحد في البيت ده..
سليم: ايوه كده اظبطي..
ضحي: ايه بقي هتشرحلنا..
سليم: ماشي يستي بس بشرط..
ضحي: مش هندفع اكتر من خمسين..
سليم ضحك وقال: هو انا مادي زيك.. وبعدين انتي هبله انا مش هاخد فلوس..
ضحي: اخويا الجدع..بس ايه الشرط..
سليم: مش عايز لعب..الكلام اللي اقوله يتذاكر عايز اشوف نتايج تعبي..
ضحي: لا من الناحيه دي اطمن خالص..
سليم: اما نشوف..
ضحي بفرحه: اما اروح افرح البت رقيه..ومشيت بسرعه..
سليم ضحك عليها...
«««««««««««««««»»»»»»»»»»»»»»»
بعد يومين..
ضحي ورقيه كانوا قاعدين وهو بيشرحلهم..وكانوا مركزين معاه..بس فجأه موبايلها رن..
بص عليه وملامحه اتغيرت..وقفل الموبايل وقال: يلا نكمل..بس الموبايل رن تاني..
خد الموبايل وقال: ثواني بس هرد علي الموبايل..
ضحي: يا تري..ملحقتش ابص..انتي لمحتي حاجه يا رقيه..
رقيه ضحكت وقالت: وانا هبص ليه يا بنتي..
ضحي: معاكي حق..
سليم بضيق: مش قلتلك مترنيش عليا تاني..
مي: سليم انا محتاجه اتكلم معاك ضروري..
سليم: وانا معنديش كلام اقوله..ويريت مترنيش تاني..ولسه هيقفل
مي: استني يا سليم..اوعدك ان دي هتكون اخر مره نتكلم فيها...لو سمحت تعالي..
سليم سكت ثواني وقال: طيب..ابعتي اللوكيشن..
سليم قفل معاها وطلع للبنات وقال: معلش احنا هنوقف هنا انهارده عشان عندي ميعاد مهم..
ضحي: تمام ماشي..
رقيه: تمام..
سليم لف وبص لرقيه وقال: انا عايز اللي شرحته يتذاكر دي اهم حاجه عندي..اتفقنا..
رقيه: تمام..اتفقنا