سليم وصل الكافيه وبص علي مي لقاها قاعده وراح عندها..
سليم: نعم؟عايزه تتكلمي في ايه؟
مي: ممكن تقعد الأول..
سليم قعد وقال: اتفضلي سامعك..
مي سكتت ثواني وبعدين قالت: سليم انا أسفه..
سليم ضحك بوجع وقال: نعم!! اسفه..يعني ايه اسفه؟
مي: يعني اسفه علي كل حاجه عملتهالك..واسفه اني سيبتك فجأه..واختفيت بس انا بجد عندي اسبابي..
سليم: امم اسبابك..ممكن اعرف السبب اللي يخلي حد يختفي فجأه قبل الفرح بشهرين..
مي بحزن: انا كنت مضغوطه اوي..وحسيت اني داخله علي مسؤليه اكبر مني..كنت خايفه..
سليم قاطعها وقال: اه ليكي حق تخافي ازاي هتعرفي تضحكي علي اتنين في نفس الوقت..مسؤوليه فعلا..
مي بصتله بصدمه ومتكلمتش..
سليم: ايه سكتي ليه..فاكراني مغفل وهخليني نايم علي ودني..فكراني مش عارف انتي جايه دلوقتي ليه..
مي: سليم اسمعني بس..
سليم: انتي كمان ليكي عين تتكلمي..بس مش مستغرب عشان واحده زيك عرفت تمثل وتكدب في حبها ومشاعرها تعمل اي حاجه..
مي: لا يا سليم انا حبيتك بجد..
سليم: انتي يا مي متعرفيش يعني ايه حب كل همك الفلوس والمظاهر..بس اللي عايز اسأله بجد انا مصعبتش عليكي..وانا كنت بعملك كل حاجه تتمنيها..معرفتيش تحبيني ولو شويه..انتي اوحش حاجه حصلتلي في حياتي..
مي: سليم انا ندمانه صدقني..انا مش هقدر اخسرك..
سليم: انتي خسرتيني خلاص..ولو لفيتي الدنيا كلها مش هتلاقي حد كان هيحبك زيي..انتي مش ندمانه انتي بس صعب عليكي تتقبلي فكره اني الكل يسيبك..فجايه فكراني هينضحك عليا تاني..
مي كانت بصاله بصدمه وساكته..
سليم كمل : واديكي دلوقتي خسرتي كله اصل الطمع وحش..بس كتر خيرك والله علمتني درس جامد اوي..عرفتيني اني نضيف اوي وبحب بجد..انا مش عايز اشوفك قدامي تاني ولا اسمع صوتك عشان هتشوفي مني حاجه متعجبكيش..ومن غير سلام..
ومشي..
مي بصت عليه وهو ماشي والندم باين علي وشها..
" سليم طلع وركب العربيه وسند راسه علي كرسي وبعدين خاد نفس عميق وساق العربيه "
بعدها بشويه..رُقيه كانت داخله العماره وشافت سليم كان طالع من السوبر ماركت وسند علي العربيه وهو ماسك في ايديه مشروب وباين عليه الحزن..
رقيه كانت شيفاه من بعيد وحست انها زعلت عشانه بس بصتله بصه اخيره وطلعت..
"و كانت في اوضتها بتذاكر بس كل شويه تفكر فيه وتبقي عايزه السبب اللي مزعله"
>>>>>>>>>>>>
تاني يوم في الكليه..
ضحي: بقولك تعالي نروح نشرب اي حاجه..
رُقيه: ماشي..يلا
ضحي: عارفه يا رقيه سليم امبارح كان متدايق اوي..اول مره يبقي مش عايز يتكلم مع حد ولا يهزر عايز يفضل ساكت..بجد صعبان عليا..
رُقيه: طب وهو سابها ليه..ادام بيحبها اوي كده؟
ضحي: بجد نفس سؤالي وهو مش راضي يقول خالص..
رُقيه: ممكن يكون من الناس اللي بتختار السكوت لما تكون مجروحه..
ضحي: ايوا هو كده فعلا كان صعب اوي علي ما يحكيلي حاجه..فنا قررت اني هجيبله هديه..افرحه شويه..
رُقيه: فكره حلوه..بس انتي بتعرف تختاري؟
ضحي: لا ماهو انتي اللي هتختاري..
رُقيه: انا..ولا ايش فهمني في ذوق الرجاله..
ضحي: انت ذوقك حلو في كل حاجه..انا واثقه فيكي..هتعرفي تختاري..
رُقيه: والله نجرب..
ضحي: ايوا يلا بينا..
رُقيه: علي فين..
ضحي: هنجيب الهدية يا بنتي..
رُقيه: دلوقتي!!
ضحي: اه..يلا
رُقيه: هنروح فين..
ضحي: انا عارفه مكان هو بيحب يشتري منه..تعالي نروحه
رُقيه: ماشي..يلا
بعد شويه كانوا وصلوا المكان وبدأوا ينقوا..
ضحي: شمي دي كده يا رقيه توحفه..
رقيه وهي بتكح: يحزني دي بتجيب ضيق تنفس..ده ذوقك يا ضحي؟
ضحي: اه يا بنتي الراجل يبقي ماشي ريحته مفحفحه كده..
رُقيه: اه بس مش للدرجادي..
ضحي: خلاص نقي انتي..
رُقيه: ايه رأيك في دي حاساها حلوه؟
ضحي قربت منها وشمت وقالت: الله بجد دي خطيره اوي..
رُقيه: اه حلوه اوي..نجيبها ولا ايه..
ضحي: اه هاتيها هتعجبه..
رُقيه: كده تمام..جبنا الساعة والبرفيوم..
ضحي: اه كده تمام..بس انا ذوقي وحش اوي..هجيب لخطيبي ازاي؟
رُقيه ضحكت وقالت: هبقي انقي معاكي..
ضحي: ربنا يكرمك يارب..
>>>>>>>>>>>>>>
الباب خبط وسليم راح يفتح..
سليم: ايه يا بت اتأخرتي ليه..
ضحي بابتسامة: عملالك مفجأه..
سليم: بجد مفجأه ايه..
ضحي اديته الشنطه وقالتله: افتحها..
سليم فتح الشنطه وطلع علبه فيها ساعه ابتسم وقال: دي حلوه اوي..
رُقيه بابتسامة: شوفي اللي بعده بقي..
سليم طلع البرفيوم ورشه وسكت شويه..
ضحي: ايه وحش؟
سليم: الريحه دي مميزه اوي..طلعتي بتفهمي يا بت..
ضحي: اي خدمه..بس مش انا اللي نقيت..
سليم: امال مين؟
ضحي: رقيه صاحبتي..اصلها بتفهم في الحاجات دي..
سليم: فعلا ذوقها حلو اوي..بس مقلتليش هديه بمناسبه ايه؟
ضحي: عشان انا بقالي كتير مجبتلكش هدايا وانت كنت بتبعتلي كتير اوي..
سليم بابتسامة: علي العموم شكرا..حلوين اوي..
ضحي بابتسامة: العفو يا صاحبي..الحمد لله انهم عجبوك..
سليم: صاحبي!! انتي بقيتي سرسجيه اوي..
ضحي: حبيبي تسلم..
سليم ضحك وقال: هموت منك بجد..
>>>>>>>>>>>>>>>>>
تاني يوم<ميعاد الحصه >
ضحي: سليم افتح عشان بلبس زمانها رقيه..
سليم: طيب..وراح فتح..: اهلا ازيك يا رقيه..
رُقيه بابتسامة: الحمد لله تمام..
سليم: اتفضلي اقعدي..
رُقيه: تمام..
وسليم قعد سكتوا ثواني بعدين قال: ذاكرتي اللي خدناه؟
رُقيه: ايوا ذاكرته..
سليم: طيب تعالي ما نراجع علي ما ضحي تيجي..
رُقيه: تمام..
" سليم بدأ يسألها وهي بتجاوب كويس سليم كان مبسوط منها"
سليم: برافوا واضح انك ذاكرتي كله ملخصتيش حاجه..
رُقيه: مش بحب ألخص..بحس كأن اجاباتي مش كامله..
سليم ابتسم وقال: بتفكريني بنفسي..كنت زيك بالظبط وعلي فكره هي حاجه مفيده بتخليكي متميزه..
رُقيه: ايوا فعلا..
سليم: انا حاسس انك طموحه كده مش عايزه تنجحي وخلاص
رُقيه: اه عايزه اجيب امتياز عشان نفسي ابقي معيده في الكليه..
سليم:وانتي جبتي امتياز في باقي السنين؟
رُقيه: اه الحمد لله..
سليم: دي حاجه كويسه اوي..ان شاءالله تجيبي السنادي كمان..ونبقي زمايل في المهنه..
رُقيه ضحكت وقالت: ان شاء الله..
ضحي: انا جيييت..
سليم: تعاليلي..يلا عشان اسألك..
ضحي: انا اختك وكده مفيش واسطه ولا اي حاجه..
سليم: خالص..مفيش مفر..
ضحي: أمري لله...
>>>>>>>>>>>
سليم: لسه بدري يا سيف خليك قاعد شويه..
سيف: انت عارف الشغل بقي..
سليم: ماشي يا صحبي..هبقي اكلمك ونخرج شويه..
سيف: ماشي يا حبيبي..سلام
سليم: مع السلامه..وقفل الباب.
ضحي كانت داخله العماره وشايله اكياس كتير في ايديها..كيس وقع منها..بس حد وطي وشاله..
رفعت عنيها تشوف مين..
قالت بتوتر: ايه ده سيف ازيك..
سيف بابتسامة: بخير الحمد لله انتي عامله ايه ؟
ضحي: الحمد لله..وشكرا علي المساعده..
سيف: عادي انا معملتش حاجه..وضحك وقال: انتي اللي لسه بتوقعي الاكياس..
ضحي ضحكت وقالت: اه بيبقوا كتير دايما..
سيف: اتفضلي الكيس اهوه..
ضحي: اه شكرا..
سيف: لو محتاجه اي مساعده..هاتي وانا اشيل معاكي..
ضحي: لا انا تمام..هركب الاسانسير اصلا..
سيف: تمام..مع السلامه..
ضحي: سلام..
سيف مشي وضحي كانت باصه عليه و هو ماشي وقالت: الله يكسفك يا ضحي..دايما تباني هبله قدامه..
وطلعت الشقه..لقت سليم نازل..
ضحي: علي فين كده؟
سليم: هجيب شويه ورق عشان الشغل..
ضحي: طيب هبعتلك ورق اطبعهولي..
سليم: لا..
ضحي: وحياه امك يا شيخ..
سليم: حلفتيني بالغاليه..
ضحي: ايه هتطبعلي؟
سليم: لا..
ضحي بصتله بنرفزه..
سليم بضحك: خلاص ابعتيهم..
ضحي: ايوا كده.
>>>>>>>>>>>>>>>>>>>
فاطمه: راحه فين يا رُقيه؟
رُقيه: عندي كام ورقه هطبعهم..
فاطمه: ماشي..متتأخريش..
رُقيه: حاضر..
" سليم كان واقف في المكتبه عمال يتكلم مع الراجل ويصور ورق"
رُقيه راحت المكتبه ولسه هتقف لقت سليم..
سليم بص عليها وقال بابتسامة: ايه ده رقيه ازيك..
رقيه بابتسامة: الحمد لله..
سليم: جايه تطبعي ورق اكيد..
رُقيه: ايوا..
سليم: اصل ضحي خلتني اطبعلها..
رُقيه: ايوا اصل مهم..
وفضلوا ساكتين شويه..
ياسين قال: هو انتي بيتك قريب من هنا...اصل كزا مره اشوفك هنا يعني..
رُقيه: ايوا قريب منكوا الفرق شارعين..
سليم: بجد كويس..
الراجل: اتفضل ورقك يا استاذ..
سليم: شكرا..اطبع بقي نسختين من اللي بعتهولك..
رُقيه ابتسمت..وفضلت ساكته ثواني وقالت: وحضرتك بقي كان حلمك تبقي معيد؟
سليم ابتسم وقال: والله ولا الهوا..جيت اصلا في اول سنه اولي كنت طايش..ومش حابب الكليه ولا شايف نفسي فيها..لحد ما اتعرفت علي حد ناجح جدا وشجعني وقتها بدأت اشوف الكليه بنظره مختلفه..
رُقيه كانت بتسمعه باهتمام..
سليم كمل: شديت حالي وبدأت اذاكر وخدت قرار اني مش هرتاح غير لما اوصل للحاجه اللي ترضيني..والحمد لله ربنا كرمني..
رُقيه: الحمد لله..وفرحت طبعا
سليم: اكيد حسيت وقتها اني ارتحت ووصلت اخيرا..حسيت اني حبيت الحياه ولو رجع بيا الزمن هدخلها..يمكن مكنتش حلمي بس ربنا اختياراته اجمل بمراحل..يمكن لو كنت دخلت الحاجه اللي كان نفسي فيها..مكنتش وصلت لده..
رُقيه: ايوا ده حقيقي..
سليم: وانت بقي ده كان حلمك؟
رُقيه سكتت ثواني وقالت: لا..الدنيا هي خلتني اقرر اني أنجح..يمكن عشان مسبش ظروفي تتحكم فيا..اتحكم فيها انا..
سليم: سبحان الله..كل واحد بيوصل لنصيبه بس بطرق مختلفه..
رُقيه بابتسامة: ايوا فعلا..
>>>>>>>>>>>>>>>>>>
في الكليه...
رقيه: انا هروح ادي الورق ده للدكتوره واجي..
ضحي: ماشي..هستناكي هنا..
سليم: متشكر جدا لحضرتك..
عميد الكليه: العفو..وان شاء الله تقدر تبدأ شغل من بكره..
سليم بابتسامة: ان شاء الله استأذن انا..
عميد الكليه: تمام..مع السلامه..
سليم خرج وكان ماشي في الكليه..
رقيه كانت جايه ولمحته من بعيد واقف مع حد..
قربت اكتر واتأكدت ان هو...استغربت ومشيت
ضحي: يلا عشان المحاضره هتبدأ..
رقيه: بقولك يا ضحي..انا شفت اخوكي هنا..
ضحي: سليم جه؟
رقيه: اه شفته..هو في حاجه؟
ضحي: اصله هيتعين معيد هنا..
رُقيه: بجد؟
ضحي: ايوا..بس هيدرس لسنه تانيه..
رُقيه: اه كويس..
ضحي: اه اهو يشتغل وينسي..
رقيه: ايوا..يلا ندخل المحاضره..
سليم: ضحي..
ضحي لفت وقالت بابتسامه: وانا اقول الكليه نورت ليه..عشان اخويا هنا..
رُقيه ابتسمت لما شافته..