رواية الطريق للقلب الجزء الثاني2من الوحش الفصل الاول1بقلم حنان احمد ماهر
يا قليل الذوق!!
قُلتها بنرفزة من اللي خبطني من ورا
نزلت من العربية ولسه بتجه ناحيته
ـ ليث!!
قُلتها بصدمة وعدم تصديق ممزوجين ببعض الفرحة
ـ هِاي هِاي سنيوريتا
قالها بترحاب مع ابتسامة جميلة
ـ أنت عرفت منين إني هنزل انهارده
ـ دي حاجه تفوتني يعني
ـ معاك حق
قُلتها بضحك
مال عليا وقال بهدوء ـ وحشتيني ..
قلبي دق وبصيتله بتواهان
أبتسم وبعد عني ـ يلا يا سنيوريتا علشان الكل مستنيكي
بلعت ريقي بهدوء وانا بحاول أنظم انفاسي اللي بعترها وأتكلمت ببعض المرح علشان اخفي توتري ـ ده أنت معرف مصر كُلها بقى على كده
ـ لما تكون جوهرة نازله من السما...طبيعي مصر تعرف لأ وتستنى نزولها على أحر من الجمر كمان
أبتسمت بكسوف وأنا ببعض نظري عنه
ـ يلا يا سنيوريتا ولا ايه
روحت علشان أركب عربيتي تاني
وقفني صوته ـ أنتِ رايحه فين ؟
ـ العربية
قُلتها وانا بلفله
ـ بجد !؟
قالها ببعض السخرية
رفعت حاجبي بإستغراب
راح فتحي الباب من الناحية التانية من عربيته ـ يلا يا سنيوريتا معايا ...انا مخبطتش العربية من فراغ
اتنهدت وأبتسمت ورحت ركبت وهو قفل الباب
وركب جنبي وهو بيدور العربية
بصلي ـ متقلقيش يا سنيوريتا العربية هتوصل على باب بيتك
بصيت لعيونه ـ عمري ما أقلق وأنت معايا يا ليث
ـ علشان كده سافرتي وسبتيني
قالها وهو بيبعد نظره عني وبدأ يتحرك بالعربية
ـ يا الله...هو علشان كملت دراستي بره يبقى سيبتك
ـ أنتِ شايفه ايه !؟
قالها وهو بيبصلي بطرف عينه
ـ شايفه أن انا خلصت ورجعت برغم إني كنت عايزه ابدأ شغل هناك بس قُلت لأ علشان وحشتوني
ـ والله فيكِ الخير
ـ لييييث ...قُلتلك قبل كده كتير بلاش عرق البرود ده يطلع معايا علشان مبحبوش
ـ وهو أنتِ سمعتي كلامي لما مسافرتيش علشان أسمع كلامك
ـ أنت عارف أن حلمي من وانا صغيرة اني اسافر ايطاليا ولما جت الفرصة معرفتش أرفض... أنا مش فاهمه بتتعامل معايا كده ليه وأنت أكتر واحد فاهمني
وقف العربية وبصلي ـ وعلشان أنا أكتر واحد فاهمك وعارفك خليتك تسافري برغم حرقة قلبي وبرغم إنك هتوحشيني وبرغم إني خايف حد يمتلك قلبك غيري
ـ قُلتلك قبل كده كتير متقولش كده ...عُمر ما حد هيقدر يمتلك قلبي غيرك
ـ أنتِ كنتي في فترة مراهقة لما سافرتي يا ياسمين يعني وارد ....
قاطعته ـ ليث أرجوك.... أنا عيني مليانة من شخص واحد وهو أنت...سواء بقى في طفولتي أو مراهقتي أو حتى ...حتى دلوقتي
قُلتها وانا بنزل عيوني من عليه
ـ تيامو (بحبك)سنيوريتا
قالها وبدأ يتحرك بالعربية مرة تانية
بعدت عنه وانا بحط رأسي على الشباك وبضحك بفرحة
لمحته بيبتسم وكل شوية يخطف نظرة مني
ابتسمت وانا بخبي وشي منه
------------------------------------------
ـ منك لله يا ليث يا بن راكان على اليوم اللي عرفتنا فيه
ـ أنت بتدعي على ابني يا غيث
ـ سيبهولي انا يا حياتي
قالها راكان وهو بيقرب منه
رجع غيث بخوف واتكلم بتوتر ـ جرا ايه يا وحش بس ...الواحد كبر وعجز يا راجل مش كده ..استهدى بالله واقعد
بعد عنه ورجع قعد تاني ـ عارف متستاهلش اضربك و اوجع ايدي عليك
ـ عين العقل والله يا وحش
ـ كراميلا
ـ ايه يا حبيبتي
قُلتها ل كايلا
أتكلمت لميس ـ ايوه خليكِ كده أنتِ اللي مدلعاها
ـ لا إله إلا الله....انا مش فاهمه حضرتك زعلانه ليه بجد
ـ وحيات أمك
قالتها لميس وهي بتلوي بُقها بطريقة مضحكة
ضحكت عليها
ـ أيوه أيوه أضحكي خليكِ مدلعها لحد ما تفضل قاعدة جنبنا كده طول العمر
ـ هي ليه محسساني اني تميت الخمسين ولا حاجه
ـ بلاش بقى تفتحي في الكلام ده الواحد مش ناقص ...هتمسك فيا انا كمان
ـ وحيات أمك يا أسر
ـ شوفتي الترابيزه اتقلبت عليا ...انا هطلع الجنينة يا جدعان
ـ ماشي يا أسر لما نروح ...ماشي أنت واختك
ـ خلاص بقى يا حبيبي روقي أعصابك
ـ عجبك يعني اللي عيالك بيعملوا ده يا يزن
ـ لأ يا قلب يزن ...هما متربوش ملكيش دعوة بيهم بس
ـ يزن أبعد عن اختي
كان لسه هيرد بس سبقه غيث في الكلام ـ مش لما تبعد إبنك عن بنتي الأول
ـ يعني هو غلطان أنه راح يجبها
ـ ليه أخوها اتشل
ـ بعد الشر عليه يا غيث متقولش كده
ـ عادي يا ماما مش هتفرق
قالها ياسين اللي كان قاعد ماسك الفون ولا همه ايه حاجه من اللي بتحصل
ـ وحيات أمك ياض
قالها غيث بغيظ منه
ـ جرا ايه يا غيث
ـ مجراش يا قلب غيث ...مجراش
قالها وهو بيقربها لحضنه
أبتسم ياسين بسخرية وهو مازال بيلعب في الفون
بس لما سمع صوتها اتعدل وبصلها
ـ ماما ليث جيه ولا لسه
قالتها لارا وهي نازله على السلم وبتقرب منهم
عيونهم التقوا لوهلة بس بعدت عيونها عنه على طول بضيق
ـ لأ يا حبيبتي لسه
قربت منهم وقعدت جنب كايلا ـ أمال فين أسر
ـ أمي فتحتلنا موشح كل يوم ف زهق وخرج بره
ـ هقوم اضربك يا بت
ـ لأ كايلا الكل في الكل يا لميس انا مسمحلكيش
ـ حبيبت قلبي يا كراميلا والله
قالتها وهي بتبعتلي بوسه في الهواء
أبتسمت عليها
قاطع ذالك الكلام
عُمير
أخر عنقود العيلة وحتت البسكواتيه اللي فيهم
ـ القاعدة الحلوه دي ناقصها مين ...ناقصها عُمير .....مين لما يجي هينور الدنيا ... طبعاً عُمير ...يلا سمعولي احلى تسقيفه وزغروطه ل عُمير
ضحكوا عليه كلهم
ولارا زغرطت و كايلا سقفت
قرب من لارا قعد جنبها وضمها ليه ـ والله انتوا اللي في العيله دي
ـ أفندم
ـ مقصدش يا وحش حاجه وحشه إطلاقاً
مال برأسه قدامي وهو بيقول بغمزة ـ ألا قوليلي يا كراميلا ايه الحلاوة والجمال والسُكر اللي أنتِ فيه انهاردة ده
ضحكت عليه ومسكت دراع راكان قبل ما يقوم ـ في ايه يا وحش ...ده ابنك برضو
بصلي ونوعاً ما اتماسك أعصابة وقال بنرفزة ـ ولا أعرفه
شهق عُمير ـ أنت اتبريت مني خلاص يا وحش
ـ لسه واخد بالك
قالها ببرود ليه
ـ راكان
ـ عيونه
يا الله منك
ـ إبنك يا راكان
ـ ما انا قُلتلك يا عيوني ولا اعرفة
وسط الهزار ده
كان ياسين ولارا بيخطفوا نظرات لبعض
أتكلمت لارا ـ طب أنا هقوم اعمل حاجه نشربها بقى عقبال لما يجوا
ـ اعملي أيس كوفي بالكراميل ل كراميلا يا ليلو
ـ يا بني بلاش تستفزوا ده ابوك
قالتها بضحك ليه وهي بتتجه ناحية المطبخ
أما عن راكان ف اده عُمير كف على قفاه سَطله بمعنى الكلمة
وسط الكلام قام ياسين بدون ما حد ينتبه واتجه ناحية المطبخ
----------------
كنت بَشّب علشان اجيب برطمان السكر
لقيت أيد اتحطت على أيدي
شهقت بخضه وانا بلف
لقيته حط أيده على بُقي
عيوني التقت بعيونه
بس لوهلة فوقت لنفسي وبعدته عني
ـ أنت ايه اللي جايبك ورايا هنا
قُلتها بنرفزة
ـ لارا ممكن تسمعيني
ـ مش هسمع منك حاجه قُلتلك بدل المرة ألف اني مش عايزاك ايه مبتفهمش
شهقت لما شدني من وسطي ليه
ـ لأ مبفهمش .... أنتِ ايه مبتحسيش بيا ...عجبك يعني اللي إحنا فيه ده
دموعي اتجمعوا في عيني ـ اللي إحنا فيه ده بسببك أنت لو تحب افكرك
حاوط خدي بحنان ـ لارا ...لو تسمعيني لمرة هتتحل كل مشاكلنا لكن أنتِ من أول مشكلة بتهربي
ـ أول مشكلة
قُلتها وانا بزقه بعيد عني
ـ أنت مسمي خيانتك ليا دي مشكلة يا ياسين
ـ للمرة الألف بقولها انا متزفتش خُنتك
قالها بنرفزة
ـ هتكدب عيني اللي شافتك صح ...ده كان لسه مكتوب كتابنا ...خُنتني بعد كتب كتابنا بيوم ....ملحقتش أفرح ...كان خلاص...خلاص شهرين ونتجوز
قُلتها بدموع وألم
ـ وأنا مستعد اتجوزك انهاردة قبل بكره
ـ وأنا مش مستعدة اتجوز واحد خاين
قُلتها بثبات
ـ يعني أنتِ عايزه ايه
قالها بعصبية
ـ عايزة أطلق
قُلتها بدموع
قرب مني خطوة
رحت رجعتها راح قرب مني لحد ما حاصرني بين أيديه ـ متأكدة
بصيتله بتواهان ـ متأكدة من إيه
ـ متأكدة إنك عايزه تطلقي
بلعت ريقي بتوتر ودموعي نزلوا
ـ مش قادره تقوليها وعايزة تطلقي
ـ اه عايزة ومتأكدة ارتاحت
قلتها بنرفزة وعيط
بعد عني واتكلم ببرود لأول مرة الاحظ أنه موجود فيه اصلا
ـ اللي تحبي يا لارا
قالها وخرج بره
حطيت ايدي على قلبي وعيطت بحرقة ـ بسرعة دي هيتخلص مني ... بسرعة دي هيتخلى عني عادي كده
مسحت دموعي وانا بنظم أنفاسي ـ ماشي يا ياسين ماشي
--------------------------------------
ـ ياسمين
قالتها رحمة بفرحة وهي بتقرب منها بتحضنها بشوق
بدلتها ياسمين الحضن
ـ كل دي غيبة يا بنتي
ـ وحشتيني يا حبيبتي
بعدت عنها وبدأت تسلم علينا
ـ والله ليكي وحشه يا ياسمين يا أختي
ضحكت ـ أنت أكتر يا عُمير والله
ـ والله!!
قالها ليث برفع حاجب
ـ الاه ...في ايه يا بني مرات اخويا وزي اختي مالك
ـ مرات مين بس كده يا عُمير يا حبيبي
قالها غيث بضيق
ـ مراتي يا عمي
قالها ليث ببرود
قربت ياسمين من غيث على طول وهي بتحضنه ـ خلاص يا بابا حصل خير أهدى بس كده علشان أعصابك
ـ أنتِ ازاي تيجي معاه اصلا
ـ يعني اعمل يعني بس يا حبيبي
ـ متقوليش حبيبي بس يا سنيوريتا
قالها ليث ببرود وهو بيحط رجل على رجل
ـ هقوم اضربهولك يا راكان والله
ـ حقك مش هزعل يا اخويا
ـ هو ايه ده اللي حقه ...حقك عليا أنا يا غيث
ـ ماشي يا مرات اخويا...هعمل لخاطرك حساب ومش هزعل الواد ده
ـ انا مبزعلش يا عمي
ـ ولاااا أنت انا مستحملتش ابوك وبرودة علشان تيجي أنت تكمل عليا هتموتني مجلوط منكم لله
ـ بعد الشر عليك ماتقولش كده
قالتها رحمة وياسمين مع بعض
حضنهم غيث ليه ـ ربنا يخليكم ليا يا حبايبي يارب
كان معتمد يحضن ياسمين علشان يدايق ليث
وبرغم كده ممثل البرود عادي
مال على ياسين اللي قاعد جنبه وماسك الفون و لا همه ـ مالك يا عم مبتنكشنيش ليه
ـ ماليش يا ليث أنا زي الفُل
قالها بضيق وخنقه واضحة
ـ لأ فيك حاجه أنا متأكد
كان لسه هيتكلم بس قاطعت حديثهم لارا وهي بتقول للكل ـ أنا عايزة اعرفكم حاجه قررتها انا وياسين بخصوص حياتنا
بصيتلها بقلق بنتي وانا عارفة دماغها ممكن توديها لفين وأكيد القرار ده مش مريح قلبها زي ما باين على ملامحها كده
ـ إحنا هنطلق