رواية الطريق للقلب الجزء الثاني2من الوحش الفصل السادس6بقلم حنان احمد ماهر
ـ أنتِ بتعملي إيه هنا
قالها عُمير باستغراب ممزوج ببعض الصدمة
رد عليه ياسين ـ أنت تعرفها منين
ـ ألا اعرفها ده انا الصبح انقذتها وهربت قبل ما تقولي حتى شكراً
ـ اتقذتها من ايه
قالها ياسين وهو بيضيق عينيه
بص لكرما ـ هو في حاجه حصلت معرفش عنها ولا ايه
كرما رفعت كتفها بلا مبالاة ـ يا عم محصلش شويه عيال تافه كانوا بيضيقوني وده أدخل معرفش ليه...مكنتش محتاجه اصلا
ـ نعم نعم مكنتيش ايه سامعيني كده
قالها عُمير ببعض الردح
ردت عليه ببرود مكنتش محتجاك
ـ ده لولاية كان زمانهم خطفينيك مش بس مسكوا ايديك
بصلها ياسين بزهول ـ مسكوا أيديك
ـ لا يا عم بفضلي ممسكوش وقفت قدامها ولا أبطال الافلام
قالها عُمير وهو بيعدل ياقة قميصه اللي مش موجوده اصلا
ـ افلام ايه وأبطال ايه يا جدع أنت... أنت قُلتلهم أنا ابن الوحش راح جريوا ده أنت موجعتش ايدك حتى
ضحك ياسين والبنات ضحكوا
وراكان قال بسخرية ـ يخربيت الفضيحة يا جدع
ـ جرا إيه يا وحش كانوا كُتار هعمل إيه يعني
ـ ف تستغل لقب أبوك مش كده
ـ أيه يا عم الّيث هو انا لوحدي اللي بستغله
ـ أنا مش فايقلك والله أنا تعبان
قال كده ودخل قعد
قربت منه ياسمين ـ ألف سلامة
قالتها بدلع
ـ لأ انا بقول تعبان مش ترفعيلي ضغطي اكتر
ضحكت وبعدت عنه راحت تسلم على ابوها
ـ يعني برضو مش هتشكريني
قالها عُمير وهو مازال واقف قدامهم
ـ متشكرين
قالتها ببرود
حاول يقلد برودها ـ عفواً
بصيت له بغيظ وهو دخل قعد
ومهتمش ليها
بعد فترة جهزوا الأكل وقعدوا كلهم على السفرة
ـ بقولك ايه يا عمي
قالها ليث وهو بيوجه كلامه ل غيث
رد عليه بضيق ـ متقولش
ـ معلش يا عمي مضطر أقول بقى
ـ عايز ايه يا إبن راكان اشجيني
ـ انا طالب إيد ياسمين منك
بصيت له ياسمين بصدمة مكنتش متوقعة ده دلوقتي
ـ وانا برفض
قالها غيث ليه ببرود
ـ معلش يا عمي انا هخطبها برضو
ـ أفندم
قالها غيث برفع حاجب
ـ الرأي رأي العروسه يا عمي وكلنا عارفين رأيها إيه
ـ لأ معلش انا سألت عنك ولقيتك انسان مَتلّقش بينا
ـ سألت فين يا عمي وأنا لسه طالب ايديها منك
قالها ليث بسخرية
ـ مش أنت متربي معايا ف عرفك كويس ومش حابب اجوزهالك يا عم هي بنتي وانا حُرّ
ـ جرا ايه يا غيث
قالتها رحمة ليه
ـ جرا إيه يا قلب غيث
ـ اللي جرا يا سي غيث إنك بتقول عن ابني مش متربي
ـ استغفري الله يا هَنا أنا مقولتش كده تربيتك لا يعلى عليها بس انا مش عايزهُ انا حُرّ
ـ بابا
ـ يا نعم
ـ يا بابا اللي بتقوله ده
قالتها ياسمين بتوتر
ـ شوف يا بابا اللي بتقوله ده
قالها ليث بإبتسامة ممزوجة ببعض البرود
ـ خلاص يا عمي وافق علشان اجهز ليهم الشعر بتاع خطوبتهم
قالها عُمير بضحك
ـ كتب كتابهم
قالها ليث بتصيحيح المعلومة
ـ كتب كتاب مين يلا أنت
قالها غيث بنرفزة
ـ كتب كتابي يا عمي على بنتك
بصله غيث بغيظ
ـ نفسي افهم عجبك في ايه ده
نزلت ياسمين عيونها بكسوف
ـ يعني وافقت يا عمي
قالها عُمير بحماس
ـ لسه بفكر
قالها غيث بضيق
رد عليه عُمير بحماس ـ يبقى اجهز الشعر بقى
ردت عليه ياسمين بضحك ـ ليه هو أنت بتعرف تكتب شعر يا عُمير
ضحكت كرما بسخرية وهي مركزه على الطبق اللي قدامها
راح بصيلها عُمير بضيق بعدها قال ـ طبعاً يا ياسمين أُمَال اسمعي دي......يعيني على العاذب لما تدواخه الأيام يصبح يلاقي نفسه لابس بنطلون بكمام يقف قصاد المرايا يلاقي نفسه مدام ودارت الأيام
ـ جورءة حلوه مافيش كلام
قالتها لارا بضحك
ـ اديله وادي في اللي فاهمني يا عم
ضحكوا عليه كلهم
وياسمين قالت بضحك ـ طب والله حلو يا عم
ـ تسلميلي يا مرات اخويا المستقبلية
ـ ما تعرفنا على خطيبتك يا ياسين
قالها أسر بضحك
ـ أنت رايق انهارده ولا إيه
رد عليه ياسين وهو بيضيق عينه
ـ اه يعم يسهلهُ
قالها عُمير بضحك
ـ مين دي يا أسر
ـ هي إيه اللي مين يا أمي ده بيهزر
ـ وأنت ليه اتلبكت كده قول عادي مش هناخدها منك
ـ ما تحترم نفسك يلا بقى انا سكتليك بقالي كتير
ـ شوفتوا شوفتوا قُلتلكم
قالها عُمير بضحك وهو بيشاور عليه
مسح أسر على وشه بغيظ
ـ لأ ده إحنا لازم نتعرف عليها بقى
قالتها لارا بضحك
ـ لارا
قالها أسر بغيظ
ـ يا نعم
قالتها لارا بضحك مكتوم
ـ أسكتِ الله يباركلك مش أنتِ وأخوكِ عليا
ـ أنا هعرف مين دي يا أسر على فكره ...ده أنا ما صدقت ...بل ريقي أنت على الأقل
ـ طب يا أمي ...ماشي ماشي ربنا يسهل
قالها بضيق علشان يقفل الموضوع
ـ شوف بتلقح عليا بالكلام ازاي
قالتها كايلا ل أسر بهمس
ـ يا ستي معلش ماهي بتلقح عليا برضو مش لوحدك
ـ شوف ضَايقته ازاي يا عُمير ..الراجل كان رايق
قالها ياسين ل عُمير بضحك مكتوم
ـ الله وانا مالي يا لمبي
ـ والله يا ياسين ...الحق عليا إني كنت عايز نتعرف على بنت خالتك دي
قالها أسر بغيظ
ـ يا عم حقك عليا أنا
قالتها كرما بضحك
ـ أنا يا عم لسه راجعه من دبي إمبارح وجيت أكمل دراستي هنا وبعدها هرجع تاني
بصيت لها لارا وهي بضيق عينيها بشك
ف سألها ليث ـ ليه مش هتستقروا هِنا ؟
ـ لأ بابا شغلوا هناك ف مش هينفع
ـ و أنتِ اول ما تنزلي تتخطبي ل ياسين كده على طول قالتها كايلا بإستفسار
هي عارفه اللي فيها بس علشان تدايق ياسين مش أكتر
ـ القلوب عند بعضها بقى يا كايلا
قالتها كرما برقه
ضحك ياسين عليها هي وكايلا علشان فاهم دماغها
تأفأفت لارا واستأذنت ـ عن إذنكم يا جماعه انا شبعت هروح أجهز الحلو وأعمل حاجه نشربها
وقامت
بعد ما قامت
اتكلمت هنا بغيظ وصوت واطي ـ عجبك كده
ـ الله ما انا قُلتلك يا كراميلا اللي فيها
قالها ياسين بتمثيل البراءة
ضحكت رحمة ـ خلاص يا ستي هما عارفين بيعملوا ايه
ـ عارفين إيه بس ده هيشل البت
ـ أنا قايم يا كراميلا اشوفها حلو كده
ـ روح يا ابن غيث لو زعلتها هزعلك
قالها راكان ليه بتهديد
رد عليه غيث ـ لو زعلتها ماعنديش بنات للجواز يا راكان
ـ هنبقى نشوف ده يا غيث
قالها راكان ببرود
ف رد عليه غيث بنفس البرود ـ نشوف يا عم منشوفش ليه
-----------------------------
في المطبخ
كانت لارا بتقطع الكيك وبتحطه في الأطباق
للحظة شمت ريحة البيرفيوم بتاعته
أبتسمت بمكر وكملت كأنها مخدتش بالها
راح وقف وراها واتكلم بهمس ـ نفسي أفهم بتغيري على واحد عايزه تطلقي منه ازاي
شالت المعلقة من ايديها ولفيت له
قربت منه وهي بتحاوط رقبته ـ مش الغيرة برضو هي السبب في اللي إحنا في ده ولا ايه يا ياسو
قالت كلامها بدلع
ياسين بلع ريقه بتوتر وهو بيحاول يبعدها عنه
ف مسكت في أكتر ـ ايه مبقتش تحب أقرب منك خلاص كده
اتنهد بقلة حيلة ـ أنتِ عايزه مني إيه
ـ وانا هعوز إيه يعني
شدها ليه ـ أُمَال بتجنيني ليه
ـ طب ما أنت بتوجع قلبي عادي حد أتكلم
قالتها بوجع والدموع بدأت تتجمع في عيونها
حاوط خدها ـ أنا عمري ما قصدت اوجعك يا لارا وأنتِ عارفه ده
ـ أُمال تسمي اللي بتعمله بره ده إيه...مش كفاية الخيانه لأ وكمان بتوجع قلبي بواحدة كل شويه تتقرب منك وهي ميحقلهاش أصلا
ـ وهو مين بقى اللي يحقله يا جميل
قالها ليها وهو بيرفع حواجبه
زقيته بعيد عنها ـ شوف أنت بقى
قرب منها ـ هو أنتِ لما تحبي تقربي تقربي ولما تحبي تبعدي تبعدي إيه بتلعبي على أعصابي
حطيت أيدها على صدره وهي بتبعده عنها ـ أنا مبلعبش على أعصاب حد يا ياسو بيه أنا بس حبيت أعرفك أن مافيش واحده تقدر تجننك بقربها زي كده
بعد عنها وقال ـ ماشي يا لارا ماشي
ـ ماشي إيه يا حبيبي بس
ـ ماشي هوريكِ
ـ هتوريني إيه بس ده أنت بتجهز ورق الطلاق
قالتها وهي بتضحك بسخرية
ـ والله لو حابه اأغي كل ده انهارده قبل بكره
ـ لأ يا حبيبي اعمل ما بدالك انا أصلا عرفت أد ايه أنت حابب أوي تخلص مني
ـ أنا كده حابب أخلص
ـ أنت شايف حاجه غير كده
قالتها برفع حاجب
ـ أنا كل اللي شايفه إني حاولت معاكِ بدل المره ألف إن إحنا نتكلم بس أنتِ كل اللي على لسانك عايزه أطلق برغم أن كلمة الطلاق دي مكنتش موجوده في قاموسنا اصلا بس ازاي لازم توجعي قلبك
ـ أنا اللي بوجع قلبك
قالتها بدموع
ـ وأنتِ مفكره إني لما اشوف البنت اللي بحبها واللي أغلى ما أملك تطلب مني الانفصال هكون مبسوط ... الكلمة لوحدها بتحرق دمي
بصيت له وعيطت ومقالتش كلمه
شدها احضنه
وحاوط وشها وهو بيمسح دموعها ـ أنا بس عايز افهم حد يبقى معاه الجمال ده كله ويخونه
ـ قول لنفسك
قالتها وهي بتضربه على صدره
ـ أول حاجة ودي لازم تصدقيها أنا مخنتكيش ...اسمعي مني الأول... أنا كنت في مهمة والبنت دي يعرفها ليث كمان ...كانت بترسم عليا وانا علشان عارف كده قُلت اوقعها علشان أعرف منها معلومات والدنيا تخلص ...لكن انا عمري ما لمست بنت تانيه اصلا ولا في حياتي هتحصل
ـ ده انا شوفت الروج بتاعها على قميصك ـ مكنتش هي ...افهمي هي اللي مسكت قلم الروج بتاعها ورسمت بيه على قميصي علشان يتهيألك كده ..لكن والله ما حصل حاجه ولا حتى لمست ايديها ...قُلتلك عمري ما المس بنت تانيه غيرك ...كل ده حصل بسببها هي كانت عايزه تعرفك إني خنتك علشان تحرق قلبي علشان عارفه إنها عاجلاً أم آجلاً هتتمسك
ـ وبمناسبة كرما اللي بتقول ما بتلمسش واحده تانيه غيري ...داخل انهارده إيدك في أيديها وإمبارح كانت في حضنك
أبتسم وقال بهدوء وهو بيبص في عينيها ـ دي تبقى بنت خالتي وأختي في الرضاعة يا هبلة
بصيت له بصدمة وزقيته بعيد عنها و...