رواية الزواج قسمه ونصيب الفصل الرابع والعشرون24بقلم نور ربيع
الحمدلله 🩵
رامي لبنه بعصبية: يا بني انت بتقول ايه هي البنت في اي ولا اي دلوقتى
أمنه بحزن: يا سيف طيب احنا في اي ولا اي دلوقتي بس ي بني سيب الناس دلوقتي باللي هما فيه تمام يا سيف
سيف قام بنرفاز وغضب: لا مش تمام مش مقتنع بكلامكم أبدا انا مش عاوز اخسر خديجه تاني انا ما صدقت أنها عرفت الإنسان ده علي حقيقته بالله عليكم اقفوا معايا مره محدش فيكم يحاول لايشان في حاجه فضلاً يا بابا انت و ماما
رامي بعدم رضا علي قراره: سيف ده عمك انت إزاي تجي عليه بالطريقه دي
سيف بحزن شديد وزعيق: افهموا يا جماعه اني بحب البنت دي وعايزها وقلبي رايدها من زمان ليه بتعملوا فيا كده ليه مش عاوزين تعرفوا أنه مش المناسب ليها " دار ضهره بحزن وغضب شديد: من الواضح انكم مش هتفهمو ابدا غير لما تكون هي ليا غصب عن الكل عن اذنكم
و راح خرج من الشقه وهو متعصب جدا
رامي بغضب منه: دا اسلوب ده يا أمنه شوفتي ابنك علي آخر الزمن بيشطح بدماغه لينا ازاي
أمنه بتحاول تهدي الوضع: أهدي يا رامي حاول تفهم هو عاوز اي بالظبط احنا جينا عليه بما فيه الكفاية فعلا علشان خاطر ايشان و في الاخر طلع ما يستاهلهاش الناس نهت كل شئ معاه من رايي نشوف سيف عاوز اي
رامي بحيره: انتي شايفه كده
أمنه بثقه: اه يمكن العوض ليها يكون ابني وتنسي ماضيها مألم لعلها يكون اللي جاي احسن ليها
ـــــــــــــــــــــــــــــــــــــــــــــــــــــــ
في شقه إيشان
ايشان بنار شعله في عقله: ليه ليه كده يا ايشان ليه تطلع وحش قدام الإنسانه دي ما لقيتش غير دي يا مخادع ليه تخدع فيها انت أذيت ملاك علي وجه الارض ازاي هان عليك ازاي يا ايشان
كمل ايشان بندم وشتات: انت اللي دمرت كل حاجه انت انا عمري ما كنت اتخيل اني وحش كده ازاي انا وحش كده ازاي
حس بألم شديد في دماغه مره واحده من غير ما يحس على روحه
ايشان مسك دماغه بألم: اااااه اااه دماغي فيها نار كده ليه اااااه
قام بسرعه داخل الحمام فتح ميه بتاع الحوض علي راسه يغسل فيها
ـــــــــــــدـــــــــــــــــــــــــــــــــــــــــ&ــ&ــــــ
في المستشفى 6 اكتوبر
رحيم كان قاعد في غرفه من ضمن الغرف إللي في المستشفى جنب ريتال
رحيم بوجع في قلبه ع حبيبته: ليه كده يا ريتال عاوزه تموتي كافره عاوزه توجعي قلبي عليكي بالطريقه دي اخرتها تعملي كده
ريتال بعياط هستري وألم: ماعدش في حاجه في الدنيا دي حلوه اعيش علشانها ما بقتش عاوزه الدنيا باللي فيها
رحيم ضعف قدامها دمعه نزلت من عيونه عليها بحزن كبير: مين فينا عاوز الدنيا دي محدش فينا عايزها عاوزين اخرتنا بس اخرتنا الحلوه مش الوحشه عاوزين الجنه الدنيا دي مش حلوه الدنيا دي وحشه اوووي وغريبه وصعبه جدا وقست علينا بما فيه الكفاية وتعبتنا بس كله ده نصيبنا في الحياة احنا في دار ابتلاء يا ريتال في دار ابتلاء و كل اللي في حياتنا ده ابتلاء لازم نرضى بيه
ريتال ضحكت بعدم وعي وتعب فيها: هههه شوفت شوفت انت ازاي بقيت ضعيف و بكيت ههههه
رحيم بضعف جواه: الضعف اللي بقيت فيه ده بسبب مين مش بسببك مش بسبب الحاله اللي انتي فيها فوقي يا ريتال من إللي انتي فيه فوقي ورجعي ريتال حبيبتي العقله الطفله من غيرك بموت بموت بالبطئ يا طفلتي
ريتال بانهيار شديد: ااااااااه يا ريتال ااااه
رحيم رفع رأسه وايديه للسماء وقال بنار شعله في عقله: اسال الله العظيم رب العرش العظيم انك تشفيها يارب وترجع عقلها السليم يارب يارب
ريتال بعدم وعي: عاوزه بابا و ادم والبيبي رجعهم ليا يا رحيم رجعهم ليا بقى
رحيم يصلها: انسيهم لانهم خلاص راحو اللي بيروح مش بيرجع تاني واحنا كمان مسيرنا هيجي علينا اليوم اللي هنروح في مش هنرجع وهنتنسي
ـــــــــــــــــــــــــــــــــــــــــــــــــــــــ
في منزل احمد
خديجه بعياط وجع: انا مكنتش اعرف يعني اي وجع مكنتش اعرف يعني اي خذلان مكنتش اعرف يعني ايه حبيبه تتخزل من حبيبها ويضحك عليها من حبيبها مكنتش بصدق أنه موجود في حياه أساسا لما كنت بسمع عنه بس لما زقته عرفت معناه فعلا حسيت بيه ايشان عرفني يعني اي وجع يعني اي خذلان يعني اي الواحد يتعلق في شخص ويبقي كل حاجه عنده و يجي في لحظه كده يشيل الشيله دي كلها منه
ليلي بدموع حزينه: خديجه ي بنتي كفايه عقلك هيختل كده كفايه وانسيه
خديجه بانهيار: انسي.؟انسي ازاي يا ماما!! ازاي عايزاني انسي بالسهولة دي ازاي دا مستحيل عارفه يعني اي مستحيل
ليلي بخوف عليها وحزن: كفايه كفايه هتتعبي كده يا خديجه ربنا والله العظيم لا يبعتلك شخص احسن منه
خديجه بكسره وجنون: خديجه مكنتش تستاهل كل ده يا ماما مكنتش تستاهل أن يحصل فيها كده كانت تستاهل حاجه احسن و احلي ليه كده يا ايشان لييييهههه
ليلي اخدتها في حضنها بدموع: كفايه علشان خاطري ي بنتي والله لربنا ليعوضك أحسن العوض صدقيني بس أنتي استهدي بالله و احمدي ربك علي كل حاجه ي حبيبتي
ـــــــــــــــــــــ&ـــــــــــــــــــــــــــــــ
كان ياسين وعد موجودين في المحكمه قصاد بعض قاعدين
والقاضي معاهم قاعد علي مكتبه
كان صامت ما بينهم تماما مفيش غير نظرات عيونهم هما الاتنين بس كلها عتاب لبعض ودموع وعد كانت بتنزل منها بألم وجع وندم بيناهش في قلبها في اللحظه دي
وقرر أنه لازم يقطع الصمت اللي ما بينهم القاضي
" ده اخر قرار يا جماعه عندكم
ياسين وهو باصص ليها بحرقه وستحقار: اه اخر قرار
" القاضي لوعد: اخر حاجه يا بنتي موافقه علي الطلق
وعد بعياط شديد: انا مش عاوزه أطلق قوله حاجه بالله عليك
ياسين بغضب شديد: اخرسي خالص لو عملتي اي ده قراري النهائي مش عاوزك
وعد بعياط ورجاء: سامحني بالله عليك انا اسفه والله العظيم أخر مرة يا ياسين انا بحبك انت وربنا
" القاضي اتكلم بهدوء بمحاوله الاصلاح ما بينهم: حاول تفهمها وتديها فرصه تانيه يمكن الدنيا مره تبقي كويسه معاكم باذن الله
ياسين: ولا تانيه ولا ثالثه حتى
كمل بسخرية: مش دي اللي تتغير والله
ياسين بوجع شديد في قلبه: انتي طلق طلق طلق مني بالتلاته يا وعد
واخد وثيقه الطلاق ومضى عليها
وانتهت اجراءات الطلاق عند القاضي ما بينهم في حضور الشهود ايضا
كانت منهاره جدا وعد مكنتش قادره تصدق ان حب عمرها خلاص ما بقاش ليها نهائي أصبحت الدنيا سود اكتر في حياتها
ورده بعياط وحزن شديد: خسرنا كل حاجه يا وعد
وعد بانهيار وندم: لدرجه دي ربنا غضبان علينا للدرجه دي احنا وحشين علشان كده ربنا ابتلانا بكل ده انا وانتي
ورده بعياط ورضا باللي مكتوب: تصدقي بالله يا وعد احنا فعلا نستاهل عشان نفوق من الغفله اللي احنا فيها اه ربنا مش راضي عننا يا ختي أبدا طول عمرنا طريقنا غلط فربنا وقعنا في شر أعمالنا
وعد بكسره قلب وندم: يارب يارب سامحني سامحني يارب ياااااا الله
ــــــــــــــــــــــــــــــــــــــــــــــــــــــ
داخل ياسين الشقه بتاعته
وهو تعبان جدا بنسبه كبيره مهموم حزن الدنيا شايله في قلبه من وعد
و كل ذكرى حلوه ما بينهم مش قادر يفرقها من عقله
اخد باله من شئ في شقه بص شمال ويمين وغضب جدا
فرح بابتسامة كلها سعاده وشماته: مساو الهنا عليك ي حبيبي اي رايك
و كانت عامله جو رومانسي لي
رحت حضنته: حمد الله على سلامتك يا عمري
ياسين زقها بعنف وقسوه قلب عليها: انتي الظاهر تجنني علي الاخر
فرح بصدمه منه: في اي ياسين دا جزاتي اني عامله ليك جو رومانسي علشان نسهر واطلعك من اللي انت فيه واحنا مبسوطين بطلاق مراتك
ياسين بزعيق: انتي مجنونه يا فرح ها مجنونه .؟ طلق اي اللي نفرح ونبسط بيه انتي فرحانه وشمتانه.للدرجه دي فيها.؟
فرح بغيره وغل منها: اوي اوي لانها ما تستاهلكش وبعدين انا اللي مراتك مش هي انا بحبك هي خاينه خانتك مش بتحبك افهم بقى
ياسين اتعصب اكتر منها راح نزل علي وشها بالقلم
ياسين بصوت عالي غضبان: اظهري على حقيقتك بقى يلاااا
فرح بغضب شديد ودموع: انت تستاهل أنها تخونك انت انسان غبي واناني مش بتحب غير نفسك يا ياسين كان معاها حق لما خنتك
مسك شعرها بعنف وضربها بالقلم تاني
وكان هيضربها اكتر صرخت بسرعه بتمثيل وعيطت
فرح: ياسين ياسين انا أسفه البيبي خلاص انا غلطانه والله مش هتتكرر تاني
ياسين فعلا خاف علي البيبي وصدقها
راح زقها بغضب لورا وقال: لو طلع منك تاني اللي سمعته ده النهارده هرمي عليكي يمين الطلاق وهتبقي محرمه عليا لو سمعتك بتجيبي سيره وعد علي لسانك هقطعهلك فاهمه ولا لا
فرح بخوف وتمثيل: حاضر حاضر ي حبيبي والله اخر مره انا كنت متضايقه بس شويه
ياسين بص لشقه بعصبيه وقالها: وتلمي اللي عامله في الشقه ده وتغيري المسخره اللي لبسها دي وتغوري تقعدي في اوضه تاني
فرح بعصبية: ياسين ده جزاتي في الاخر
ياسين بزعيق: سمعتييي قولت اي
فرح بغل وخوف منه: حاضر حاجه تانيه
ماشي من قدامها ياسين وهو الغضب عمي قلبه من كل حاجه حواليه
و من هنا الايام كانت واقفه بشده مع الجميع
من الرغم انها الايام كانت بتجري بسرعه لكن واقفه معاهم من كتر الحزن اللي عبى قلوبهم الايام كانت صعبه جدا علي
كل واحد منهم أصبحت القلوب متألمه جدا
لكن كل شخص فيهم اتغير تماما عن الاول كل واحد منهم أخيراً اقتنع أن كل حاجه وقعوا فيها هي ابتلاء من الله لحتي يتغيرون الاحسن
و من اللي كان قريب من ربنا اتغير اكتر واكتر وبقي قريب جدا جدا من ربنا
و هنا فاتت فترة صغيره جدا عليهم
&&&&&&&&&&&&&&&&&&&
في منزل الهواري
في جنينه المنزل
يوسف بحزن شديد: قدر الله وماشاء فعل يا صاحبي الحمدلله على كل حال
اهم حاجه يارب تكون اتعلمت من اللي عملته
ايشان بتعب شديد: طبعا اتعلمت و عارف اني غلطان انا ندمت على كل حاجه والله العظيم نفسي تديني فرصه واحده بس اثبتلها اني اتغيرت الأحسن
يوسف بتنهيده: ما افتكرش لانها اتوجعت اوي حط نفسك مكانها يا ايشان دي بنت والبنت مينفعش يحصل فيها كده منك بعد ما حبتك
ايشان بندم شديد وجنون: بس انا بحبها بحبها اوي يا يوسف افهم أن كانت لحظة طيشان مني انا مقدرش اعيش من غيرها انا بموت فيها كده عارف يعني اي انت مجرب و عارف يعني اي انسان يخسر اللي بيحبه بيحصل فيه اي
يوسف بحزن: أهدي يا ايشان وحاول معاها يمكن تقدر تسامحك وتديك فرصه ما فيش حاجه بعيده عن ربنا
ايشان الألم في دماغه جاه في لحظة دي ايشان بوجع: ااااااااه
يوسف بخضه عليه: مالك يا ايشان في اي
ايشان بألم شديد: وجع وجع في دماغي حاسس ان في دماغي نار
يوسف بقلق: من اي بس يا ايشان حاول تهدي يا صاحبي ده من زعلك الزايد
ايشان بتعب: معرفش في أي من فتره بقى يجي بحس بنار في دماغي مش بحس على نفسي خالص
يوسف قلق اكتر: لا كده الموضوع ما يتسكتش عليه قوم معايا المستشفى يلا نشوف مالك
قوم فيه وسنده وراح علي العربية وراحو ماشيين
ــــــــــــــــــــــــــــــــــــــــــــــــــــــــــ
في شقه رحيم
كان جرس الشقه بيرن راح فتح .... وكانت
رحيم بتنهيده غضب: امممم عاوزه اي
اخته تالا بأسف: انا جايه علشان اعتذر منك علي كل اللي عملته
رحيم بسخرية: والله عال يا شاطره جايه بعد اي بعد ما الدنيا جت عليا بسببك انتي والست ام اسلام
تالا بدموع وندم شديد: والله العظيم مكنش قصدي اني اعمل فيها حاجه انا كنت متضايقه منها بس علشان خاطر انت جيت علينا علشانها وانك اخدت عيله في سن ده وقعت الواقعه دي واتجوزتها كنت تستاهل حاجه احسن من كده
رحيم بغضب شديد وزعيق فيها: مالها دي هااا مالها دي احسن جوازه وقعت فيها دي بنسبه ليا هي الجنه دي اللي هتاخد بايدي لجنه عارفه يعني اي هتاخد بايدي لجنه
تالا قالت بسرعه بأسف: عارفه عارفه والله فهمت فهمت وندمت علي كل حاجه بس بعدين سامحني والله العظيم هتشفى وهترجع هتبقي زي فل باذن الله حبيبتك
رحيم بتنهيده: انتي عايزه اي يا تالا ها
تالا بدموع: عاوزك تسامحني يا خويا بالله عليك ـــ حضنته بحزن وندم شديد: أسفه بجد بجد أسفه سامحني
قلب رحيم حنين جدا وطيب من جواه مقدرش يقسى عليها اكتر من كده في الاول و الاخير هي اخته الصغيرة برضو قبل اعتذارها بدلها الحضن بحنان
تالا فرحت: بحبك بحبك والله العظيم يارب تكون ما سامحني يا حبيبي
رحيم اتنهد بحزن شديد: ربنا يسامحك يا تالا علي كل حاجه
تالا بندم: يارب يارب ــ طلعت من حضنه افتكرت شئ: صح انا الحمد لله بقيت قريبه من ربنا اختمرت زي ريتال الحمد لله يارب و في كل صلاة بدعي لريتال بالشفاء والله
رحيم اكتفى بابتسامة بسيطه جدا حزينه: ماشاءالله ربنا يجعله في ميزان حسناتك يارب وثبتك على صالح الاعمال يارب
تالا: امين يلا ندخل بقى هتفضل كده موقفني على باب الشقه ولا ايه علي اي ده
رحيم داخل: طيب تعالى تعالى أدخلي نسيتيني
ــــــــــــــــــــــــــــــــــــــــــــــــــــــ
" كل اللي حصل معايا فترة الأخيرة دي كان كله خير وكله ابتلاء من الله ليا كان مكتوب ليا أن يحصل كل ده فانا راضيه راضيه باللي حصل و إللي بيحصل و إللي هيحصل الحمدلله الحمدلله يارب علي كل حاجه حصلت
اتنهدت بحزن مالي قلبها خديجه و هي تايهه في الكلام مع نفسها وقلبها وجعها جدا من خذلان ايشان ليها
ليلي قعدت جنبها وقالت بهدوء: عامله ايه دلوقتي ي حبيبتي
خديجه: الحمدلله يا ماما
ليلى: جعلك الله من الحامدين الشاكرين ي نور عيني انا ليا خبر عندك حلو اوي سيف ابن عمك رامي اتقدم من كام يوم ليكي و ابوكي قاله مش حابب اننا داخل حد تاني دلوقتي نهائي انا شابفه أنه عامل يحاول مع ابوكي اي رايك ندخلهم باين عليه شريكي يمكن يكون خير ليكي و يكون ده اللي بتحلمي بيه المره دي
خديجه اتفاجئت قالتها بحزن: ايه متقدم
ليلي بارتباك: اه مالك يا خديجه انا قولت خلاص نسيتي اتعافيتي من اللي انتي فيه وافقي وندخله حاسه ان كويس والله ومناسب ليكي
خديجه بوجع وقهره: انسي.؟ انسي اي في حد يقدر ينسي اللي ايشان بيه عملو فيا دا مستحيل يا ماما
ليلي بحزن: والله لا تنسي نهائي و ليعوضك عوض يخليكي تنسي اللي خذلك وجرح مشاعرك يا خديجه و هتشوفي بس كملي في طريقك انتي و قولي يارب
خديجه: ملناش غير ربنا يا ماما الحمدلله
ليلي: الحمدلله ي حبيبتي ها قولتي اي
خديجه بصتلها وقالتلها بعد تفكير كبير: موافقه موافقه يا ماما دخلوه
ــــــــــــــــــــــــــــــــــــــــــــــــــــــ
يوسف و ايشان كانو عند الدكتور
مستنين الاشاعه لحتى تخرج
وكانوا قاعدين لعلى نار ولا على بارد بسبب الدكتور اللي قال لازم يعمل اشاعه متوترين جدا ومش مطمنين
ايشان لنفسه بقلب متعب: ياالله اللهم أيام جميله وحنينه ولطيفه علي قلوبنا يارب
يوسف بصله حط ايده علي كتفه وقال هو بيوصي ويطمنه: خير يا صاحبي أن شاء الله اطمن
إيشان بعدم طمانيه في قلبه: يارب يارب يا يوسف
الدكتور اداهم خبر ان الاشاعه طلعت
دخلو المكتب للدكتور في الوقت ده
الدكتور بص لايشان بكل حزن وقائلا: كابتن ايشان عاوزك تكون قوي وتتمسك نفسك وحاول ما تيأس من رحمه ربنا وخليك مؤمن بالله مهما ان كان ايه علي كل حاجه هقولها حالا ليك و خليك متأكد أن مهما أن كان اي فاده نصيب ربنا
يوسف بقلق وعدم فاهم: في اي يا دكتور قلقتنا كده حضرتك اتكلم يلا
ايشان بعدم طاقه وخنقه: دكتور قول اللي عندك بالله عليك بسرعه وبلاش الغاز انا الدنيا تعبني لوحدي
الدكتور بتنهيده عميقة: الاسف حضرتك عندك ورم في المخ يا كابتن ايشان
ايشان بصدمه عمت عيونه حرفيأ: ا ا انت انت بتقول اي أ ازاي از ازاي الكلام ده
يوسف بصدمه كبيرة وعدم صدق: لا يا دكتور اكيد الاشاعه دي مش على صح وانت غلطان الاشاعه فيها غلط ازاي ازاي عنده المرض ده
الدكتور: انا متفاهم وضعكم وانكم مصدومين و مستحيل تصدقون الكلام ده بس دي حقيقه والله يا شباب
ايشان ما كانش شايف قدامه من صدمه الي نزلت علي دماغه مره واحده مكانش يتوقع أن يوم من الايام يوصل لحاله دي
يوسف بصله بقلب مصدوم تماما بعيون هيان عليها البكاء في لحظة دي علي رفيق عمره مفيش اي رد فعل عنده بعدم صدق من كلام الدكتور ليهم
&&&&&&&&&&&&&&&&&&&&
خديجه لبست الأول لقاء ما بينها هي و سيف
انداء أبيض علي خمار ابيض ايضأ ماليزي
وقفت قدام المرايه رفعت أيدها ثم مسحت دموعها بكسره وعدم نفس لشئ
خديجه لنفسها بحرقه: والله يا ايشان الاكسرك زي ما كسرتني وعند فيك وما هختار غير ابن اخوك و لدخل بيتكم بالفعل و اكون واحدة من أهل البيت علشان اكيد فيك اكسرك زي ما كسرتني ـــ و هنا بكت اكتر غصب عنها بوجع
خديجه بحرقه وجع: اااه يا قلبي اللي وجعني ااااه هونها يارب يارب وجعل فيه الخير ده يارب
ليلي دخلت في الوقت ده
ليلى بحزن شديد: يلا ي بنتي بقى اي كل ده وبعدين امسحي دموعك دي الناس جت بره ينفع تخرجي ليهم بالكسره اللي في عيونك دي ليه كده بس استهدي بالله الله يرضى عليكي ي بنتي
خديجه مسحت دموعها بصتلها بألم في قلبها: انا زي الفل اهو يلا علشان نخرج
ليلى بصتلها بابتسامة حزينه جدا: اي الحلويات دي بس الله واكبر عليكي
خديجه اكتفت بابتسامةظهرت على ملامحها التعبانه حزينه وعدم نفس الشيء
و بعد وقت قصير
كانت رؤيه الشرعيه ما بينهم
سيف كان باصص علي خديجه من وقت ما دخلت عيونه ما شالهاش من عليها و كان في لحظة دي اسعد انسان حرفيا أن اخيرا وصل للحظه دي لكن جواه حزين عليها أن شايف الحزن ظاهر علي ملامحها وباين في عيونها حزن
جواه صراع شديد وما لهوف ليتكلم معاها ويسمع صوتها و صمت تام ما بينهم
ثم خديجه كانت عيونها في الأرض من وقت ما دخلت جواها تعبانه جدا نفسياً و جسدياً
و اخيرا قطع الصامت سيف
سيف بابتسامة: احم عامله ايه
خديجه وعيونها في الأرض: الحمدلله
سيف: ادام الله حمدك وغفر ذنبك
خديجه: امين . تسلم
سيف بلطف في كلامه: طبعاً ندمانه علي اللي فات و مش عاوزه تعيدي . التجربه دي في حياتك تاني و و
خديجه قطعته بسرعه: ثانيه بس أسفه اني قطعتك في كلامك بس ممكن انا اتكلم بعد اذنك يعني
سيف أبتسم: امم تمام اتفضلي سمعك
خديجه اتنهدت ثم قالت: أولا اللي فات ده نصيب أنه يحصلي تجربه وفشلت الاسف كنت مبتليه بانسان مش مش شبهي ولا انا شبه بس الحمدلله و عمتا انا اللي رضيت انكم تدخلوا محدش غصبني ولا حاجه و أن شاء الله خير
شيف بحزن عليها: انتي تستاهلي احسن حاجه انتي ست البنات اولا ثانيأ هو ما يستاهلكيش على فكره كنت حاسس انكم مش هتكونو لبعض انتي تستاهلي حد زيي من زمان ما كنتيش تستاهلي تتوجعي منه بالطريقه دي بس النصيب بقى
خديجه ما فهمتش كلامه: نعم مش فاهمه ازاي ده
سيف بارتباك: احم مش قصدي
خديجه بفضول: لا اتفضل اتكلم عاوزه افهم قصدك
سيف بابتسامة جميله وحنينه: كله هيبان في اوانه يا خديجه علي فكرة المهم قولتي اي موافقه أو لا .؟هتقولي اي لاعمي احمد .؟!
خديجه رفعت عيونها بصت لي من هنا قلبها دق ونبض ومشاعرها اتحركت من ناحيته غصب عنها
خديجه لنفسها ببراءة: ياااااه هو في كده في براءه زي براءتك دي يا اللي اسمك سيف انت
سيف ( شاب لدي لحيه صغيره جدا بشرته بيضاء جدا شعره اسود و عيونه عسليه فاتحه و ملامحه بريئه جدا و هادي من جواه اوي حتى صوته هادي ورقيق خالص وهو رياضي جدا وعنده عضلات)
سيف أبتسم وجواه نفسه يضحك في لحظة دي عليها انها صرحت
سيف: احم احم
خديجه انتبهت لي وخجلت جدا فضلت عيونها في الأرض
سيف بضحكه بسيطه و بابتسامة: طيب قولنا اي
خديجه بخجل شديد ورقه: انا طنط أمنه حكت ليا كل حاجه عنك هي و ماما وانك مش شبه حد خالص " كملت بحزن: وانك مش بيفوتك فرد ماشاء الله و قريب من ربنا مش بتشرب سجاير ولا حاجه وانا طبعا موافقة وانا جاهزه في اي وقت وكل حاجه شوف حضرتك بقى.!!!
سيف فرح جدآ: وانا طبعا جاهز اللي انتي عاوزه يا ست البنات طالما موافقه خلاص لو عاوزه الفرح الاسبوع الجاي انا موافق ـ ثم ضحك بسيط
ابتسمت بسيط جدا بعدم نفس وقالت: شهر حلو..؟ و يومين نقرأ الفاتحه بعد الاستخاره هرد عليك !
سيف بابتسامة سعيده جدا: اللي إنتي عاوزه تمام و أن شاء الله أن شاء الله خير
خديجه بتنهيده عميقة حزينه جدا: اتفقنا أن شاء الله
سيف: أن شاء الله احم انا مهندس معماري وبحب الرياضه جدا يا خديجه وعندي هويات كتيره حلوه طبعا ان شاء الله كل حاجه هتعرفيها عني مع الوقت
خديجه: ماشاء الله