رواية الزواج قسمه ونصيب الفصل الخامس والعشرون25بقلم نور ربيع
في شقه ورده
وعد كانت قاعده علي كرسي وايدها علي بطنها و تعبانه جدا
خرجت من المطبخ ورده في أيدها كوبايه يلسون
ورده: وعد خدي اشربي أن شاء الله هتروقي عليه
وعد اخدت بتعب: شكرا يا حبيبت قلبي
ورده: شكرا؟ بس يا بت دا احنا اخوات يختي
ابتسمت بحزن وتعب شديد بعدم نفس وعد وتعبانه جدا من جواها
ورده بقلق: يا وعد ما تجي نروح للدكتوره وشك اصفر اوي ودبلان
وعد بتعب: لا مش لازم
قطع كلامهم رنه الجرس
ورده هقوم افتح انا
وفتحت وكانت
دخلت الست صاحبه الشقه و معاها اتنين شباب
ورده باستغراب: اي ده في اي
وعد قامت بقلق: في اي يا مدام
الست بصيت ليهم بستحقار: انتي واختك تاخدوا بعضكم و يلا من هنا
وعد بصدمه: ايه ليه طيب
ورده بزعل شديد وصدمه: ليه بس انا دفعت فلوس الشهر ليكي
الست بغضب فيهم وصوت عالي: انا ما يشرفنيش اقعد شويه زبالة في قلب بيتي فيلا بكل ادب وذوق من هنا
وعد بدموع وعصبيه: و ليه الغلط ده انتي شوفتي مننا اي وحش يا ست انتي
ورده بعصبية وحزن: احنا مش هنمشي من هنا احنا قاعدين فلوسنا مش ببلاش يا ماما
واحد من الشباب مسك دراع ورده بغضب وقال: انتي سامعه الكلام ولا لا ولا أمد ايدي عليكم
ورده عيطت بخضه: ابعد عني كده انت حيوان
وعد جريت عليها بسرعه: ابعد ايدك عنها
التاني نفس الشئ راح لوعد وقال تلمو كل حاجه تخصكم وتمشوا من هنا يلا احسنلكم يلا يا شاطرة منك ليها
الست بغل: هاا هتمشي انتي وهي ولا هخليهم يشوفوا شغلهم معاكم
وعد بعياط: لا لا هنمشي
ورده بعياط وحزن: حرام عليكي انك تخلينا نمشي بالطريقه دي واحنا مفيش عندنا مكان
الست ببرود: شئ ما يخصنيش عندكم ما عندكمش مليش فيه تلمي هدومك منك ليها و يلا من هنا وكل حاجه ليكم كده كده لما اخدته الشقه دي كانت كانت مفروشه يعني كل حاجه هنا تخصني
ورده بعصبية: طيب هاتي فلوسنا اللي دفعناها ليكي لما جينا هنا طالما ملناش مكان هنا
وعد: اه يلا
الست بغضب شديد: بقولكم اي يا بت انتي وهي انتي هتوجعو راسي ولا اي فلوس ما لكمش فلوس فلوس ايه يا ام فلوس انتي وهي انتوا حالتكم حاجه يلا من هنا انتي وهي بدل ما اخليهم يعلمكم الادب
ورده بعياط وزعيق: ولا تقدري يا حبيبتي اعلى ما في خيالك اركبيه
واحد من الاتنين الشباب نزل علي وشها ضرب
وعد بصرخه وخوف عليها: ابعد عن اختي كده يا حيوان ابعد سيبونا في حالنا بقى منكم الله روحو
ـــــــــــــــــــــــــــــــــــــــــــــــــــــــــ
كان سرحان إيشان في كل الاشياء اللي في حياته وجواه بيموت بالبطئ و المرض أصبح ياكل في كل حاجه في دماغه مره علي مره
كلام الدكتور بيتردد في و.دانه وتعبه جدا مش بس صدمه وهمه حرفيا تعبه نفسيا وجسديا اكتر مش قادر يصدق لحد اللحظه دي اللي بيحصل معاه أصبحت الدنيا ضيقه جدا في وشه
دخلت اسيل الشقه بصت لي وهي حزينه جدا مهمومه عليه حرفيا من الحاله اللي هو فيها
راحت دخلت جوه الشقه وقعدت جنبه و حضنته وهي حزينه جدا
اسيل بحزن شديد: على فكره هي مش نصيبك انت تستحق تحب و تتحب بدل المره مرتين بلاش توقف حياتك على حد تاني وانساها يا عمو انت شاب من حقك تحب بدل مره اثنين وثلاثه
ايشان بهم مالي حياته: هي فعلا مش من نصيبي يمكن ربنا كشف حقيقتي بدري بدري قبل ما تتوجع على فراقي وتتدمر وتفضل ارمله العمر كله
اسيل بدهشه وعدم فهم: نعم؟مش فاهمه كلامك يا عمو انت بتقول ايه وليه بتقول كده وضح كلامك .؟؟
بصلها ايشان بروح متعبه جدا: الاحسن انك ما تفهميش يا بنت اخويا
اسيل اتأملت في ملامحه وحست انه تعبان جدا فعلا وما كانتش واخده بالها منه الفتره اللي فاتت دي نهائي
اسيل بدموع حزينه عليه: مالك يا عمو إيشان انت بقيت عامل كده ليه انت مش كويس .
خالص حالتك بقت عامله كده ليه
ايشان: عمك عنده ورم في المخ يا اسيل
اسيل الكلمه نزلت عليها زي ما يكون ميه مغليه واتحطت على دماغها
صرخت بصدمه كبيرة وعيطت بشده
اسيل: اااااي
ايشان ضحك ضحكه سخريه متعبه:ههه دي الحقيقه
اسيل بصدمه كبيرة وعياط: ازاي ازاي عندك المرض ده وما تقوليناش ليه ما قلتش ليه
حضنته وفضلت تبكي بحاله انهيار صادمه جدا
$$$$$$$$$$$$$$$$$$$$$$$
وعد ورده كانوا ماشيين في الشارع واخدين شنطهم في ايديهم فقط
الدمعه كانت نازله من عيونهم والحزن مالي قلوبهم
ورده بدموع وحزن: هنروح فين دلوقتي يا وعد ما لناش مكان ابدا وما لناش حد في الدنيا دي غير ربنا
وعظ حطت الشنطه في الارض وراحت قعدت على مصطبه في الشارع وهي تعبانه جدا وألم بيزيد في بطنها وكانت بتنهج بشده
وعد بعياط وتعب شديد: ما اعرفش ما اعرفش هنروح فين المشكله والمصيبه الاكبر ان ياسين وقفلي البطاقه بتاعتي اللي بجيب منها الفلوس مش عارفه هنجيب منين دلوقتي أو هنعمل اي تعبانه خلاص مش قادره حاسه اني هموت
قعدت جنبها بقلق وبدات تمسح ليها وشها بالمنديل والدموع
ورده بحزن شديد: كفايه يا وعد بطلي عياط وشك باين عليه التعب خالص دا حتى مش معانا فلوس كنا نروح المستشفى ونكشف عليكي
وعد بتعب شديد: يارب يارب رحمتك اوسع من كل شيء اللهم ارحمنا برحمتك يا رب هونها يارب
في الوقت ده حد نزل من العربية و كان
وعد رفعت عيونه بصتله بدهشة: سيف!
سيف قرب ناحيتهم: وعد انتوا بتعملوا ايه في الشارع في الوقت ده وايه الشنط اللي في ايديكم دي
وعد بدموع: سيف الست صاحبه الشقه طردتنا من البيت يا سيف
سيف: ليه بس طردتكم ايه السبب يا وعد
وعد: معرفش
سيف اتنهد بحزن عليهم: طيب اهدي اهدي يا وعد وانا هتصرف حالا انا كنت اصلا جاي هنا منطقتك علشان بدور على الشقه بتاعتكم لاني كنت جاي اطمن عليكي
وعد ابتسمت بحزن شديد: بجد مش عارفه اقولك ايه يا سيف أو اشكرك ازاي كتر خيرك بجد
سيف: وعد انتي من يوم ما دخلتي علي بيتنا وانتي بقيتي اختي الكبيره وانتي غاليه عليا اوي مش بس مرات عمي
ورده: شكرا بجد ليك ربنا يحفظك يارب
سيف بصلها وقال: طيب يلا يلا يا وعد تعالى انتي واختك في سكن قريب هنا هشوفلكم شقه
ــــــــــــــــــــــــــــــــــــــــــــــــــــــــ
خديجه خرجت من اوضتها قعدت جنب مامتها بهدوء
خديجه: ماما انا صليت الاستخاره
ليلي: طيب اي طيب حسيتي بأي ؟
خديجه بحزن شديد: حتى لو حسيت بعدم الراحة برضو موافقه يا ماما
ليلي: كل ده بتعمليه علشان خاطر ايشان تردي لي اللي عمله فيكي؟
خديجه: اه يا ماما بس الاستخاره طلعت فيها قبول
ليلى بفرحه: الحمدلله
&&&&&&&&&&&&&&&&&&&&
في منزل الهواري
ايشان بعتاب وغضب: ازاي محدش فيكم يقولي علي كل ده يا أمنه ازاي
أمنه بزعل علي حالته: ايشان احنا محبناش نقولك علشان متزعلش وبعدين خديجه خلاص طلعتك من قلبها شوفلك طريق تاني بقى نصيحه مني بالله عليك
ايشان بغضب معمي وألم: لا خديجه انا مش عايزها لابنك بالذات انا خديجه خلاص عشقتها بقيت مدمن بيها كده سيف مش هياخدها
أمنه: ايشان دا نصيب نصيب عارف يعني اي نصيب و البنت دي مستحيل تكون ليك لانه ربنا مش أمر انكم تكونو لبعض سعادتها مع حد تاني وهي راضيه
ايشان بجنون: ازاي ازاي وهي هي موافقه.؟
أمنه: طبعا
ايشان بتعب شديد وألم: لا لا مستحيل تكون نسيتني بسهولة دي دا انا حبيبها شريك حياتها اللي اخترته وانا اخترتها ازاي يا خديجه تعملي كده " و من شده غضبه وحزنه وصدمته والاكبر كمان بنسبه لي أن حبيبته أصبحت لشخص تاني
وجع جاه في دماغه علي غفله
ايشان بألم شديد: اااااه دماغي
أمنه بخضه: في اي يا ايشان مالك
ايشان: رأسي ااااه
اسيل طلعت بسرعه علي صوت بخضه
اسيل بخوف شديد: عمو عمو مالك
أمنه بخوف عليه: مش عارفه مالو يا اسيل مره واحده ماسك راسه وبقى يشتكي منها
اسيل بخضه وعياط شديد: عمي ايشان عنده ورم في المخ يا مرات عمي
أمنه بصدمه عارمه: انتي بتقولي ايه يا اسيل عنده ورم ازاي في المخ
اسيل بعياط: والله العظيم زي ما بقولك
في نزله زينب من علي السلم سمعت هي ايضأ واتصدمت جامد
و كان الكل منهم و رامي و يامن
الكل هنا اتصدم جدا
رامي بصدمه وعدم صدق:ورم ورم اي اللي عندك يا ايشان