رواية الفراق هو نصيبنا الفصل السابع والعشرون27 بقلم حبيبة الديب
27
_جودي.. جودي يلا قومي..!
فتحت عيني بالعافيه و انا نايمه :
_ايه يا جدو في ايه عل الصبح.! و داخل الاوضه ليه وانا نايمه مفيش خصوصية في البيت ده؟
_ماهو انا بقالي ساعه بخبط، قومي يلا نمتي تاني ليه..!
قومت اتعدلت و انا نص نايمه حرفيًا :
_يا جدو عايزة اناام...، هى الساعه كام كده
_سابعه ونص..
_طب مانا مش عليا جامعه بتصحيني بدري ليه..؟!
_عليكِ شغل ياختي، قومي..!
_شغل ايه كفانا الشر..! انا هستقيل خلاص، اول ما اصحى هجيلك الشركه مخصوص اقدم استقالتي حلو كده..!
_أنتِ مش مضيتي عقد الشغل مع استاذ حسام امبارح..؟!
قومت اتعدلت و دعكت عيني وانا بدات اركز في الكلام :
_ايوة عقد الشغل..
_قرأتيه كويس..؟
_ولا شوفته، مضيت و خلاص..!
ضربني على راسي بخفه :
_أولاً كده المفروض تتعودي ماتمضيش على اي حاجة غير لما تقرئيها كويس، حتى لو بتثقي في اللى قدامك ده اوي فاهمه..؟!
_فاهمه يا جدو ممكن تخليني انام بقا ولما اصحي تكملي محاضرة ادارة الاعمال دي..؟!
_قومي يابت أنتِ، لو اتأخرتي مدام علياء هتخصم لك انا مش مسؤول عنك هى مديرتك..، و كمان محدش يعرف انك حفيدتي عشان مايفكروش اني بميزك عنهم ولا حاجة.. فاهمه..!؟
_فاهمه ايه؟
انا بقولك ياجدو مش عتيزة اشتغل في الشركه..
_أنتِ مش ممكن تسيبي الشغل الا بعد سنه من مدة العقد، و لما تسيبيه لازم حد يجي مكانك دي شروط العقد..!
و اسمعي بقا لازم تكوني قد المسؤولية و تتحملي نتيجة اختياراتك، و اتفضلي قومي البسي يلا و روحي على شغلك..!
قالي كده و خرج من الاوضه، وانا طنشت و نمت تاني بس دقيقة و قومت زي الكلبه لا اختيار لدي حرفيّا يعني، قومت لبست بسرعه و نزلت و يادوب قعدت على السفره اللى عليها الفطار، جدو كان مشي و سبني و كريم بايت في الشركه من امبارح...
يادوب مابدأتش اكل حتى لقيت موبايلي رن و كانت رودي اللى خدت رقمها امبارح :
_الو..
_أنتِ فين يا جودي؟
_انا هفطر و جاية اهو..
_هتلحقي طيب؟
اخنا كده كده بنطلب اكل في الشركه اول مابنوصل، انا قدامي عشر دقايق و ابقا في الشركه اهو...
_اه يعني هعمل ايه، ماكولش؟
_تعالي بسرعه عشان تلحقي، لو اتاخرتي هيتخصم منك انتي حره..!
_استغفرالله العظيم يارب، يعني حتى من اول يوم فيه خصم..؟
_أنتِ احمدي ربنا انها ماخصمتش امبارح على اللغبطه اللى عملناها دي..!
_طب سلام انا جايه اهو...
قفلت معاها و قومت قبل ما افطر حتى و خليت السواق يوصلني بسرعه للشركه..!
و لأن الشركه جنب الفيلا فـوصلت في ميعادي بالظبط
_صباح الفل ازيك يا رودي..!
_الحمدلله، تعالي اعرفك دي ياسمين، و ده فتحي اللى قولتلك عليهم!
روحت ناحيت البنت و سلمت عليها :
_ازيك ياسمين..!
انا جودي جديدة معاكم هنا
سلمت عليا و اتعرفنا على بعض، بعدها سلمت على فتحي زميلي و باركت له كمان..
و بعد شوية فتحي بدأ ياخد مننا فلوس و هو رايح يجيب لنا فطار كلنا، و انا فهمت ان كل يوم واحد فينا بيروح يجيب اكل، بالدور يعني..
ياسمين اتكلمت :
_بص هتجيبلي انا اتنين باتيه و كيس شيبسي و علبة عصير..!
_تمام
اتكلمت رودي :
_وانا عايزة بسكويت اي نوع و بيبسي..!
_ماشي وانتِ يا جودي؟!
_بص يا سيدي انا عايزة واحد كرواسون بزبدة الفستق و علبة توت مُجفف و علبة زبادي
قولت طلبي وانا بديله ٥٠٠ جنيه لقيته خدهم باستغراب و اتكلم :
_ليه مدياني ٥٠٠؟
و كمان اجيب التوت المجفف ده منين!؟
_ هتلاقيهم كلهم في كايرو فيسيفال، التوت تقريباً بـ ٢٥٠ والكرواسون بجيبه على طول بـ١٨٠ بس و جيب زبادي اي نوع بقا مش فارقه..!
لقيتهم بصوا لبعض بدهشه و هو رجع بصلي و اتكلم باستفسار :
_ماينفعش اجيب زبادي بس طيب كده اسهل..!
_وانا هاكل زبادي وبس يا فتحي؟
_ماشي بس لو نسيت الاسامي جيب لك اي حاجة بقا..!
رودي اتكلمت:
_طب لو نسيت يا فتحي رن عليا انا خلص بس بسرعه الله يباركلك..!
هو مشي و لقيت ياسمين و رودي بيبصولي بنظرات غريبة و بيهمسوا لبعض، بصيت لهم بأستغراب :
_معلش ممكن افهم فيه ايه؟!
ياسمين اتكلمت :
_بصي هو فضول مش اكتر بس أنتِ مش كتير عليكِ تفطري ب
فتحي راح يجيب الفطار و احنا جالنا طلبات و بدأنا نعمل شغلنا، و اول ما كريم طلب قهوة عملتها و طلعاله بيها اهو، و حاجة جديدة عرفتها و هى ان عادي اي حد من الموظفين او المهندسين ينزلوا يعملوا لنفسهم قهوة او اللى يحبوه يعني..
خبطت كريم و دخلت على طول من غير ماسمع صوته حتى، كان ساند ضهره على الكرسي و مريح لورا و بيتكلم في الفون، و اول ما الباب اتفتح و دخلت هو اتعدل بسرعه، بس اول ما شافني انا رجع لوضعه تاني و هو بيبرق لي بتحذير كده...
حطيت القهوة على المكتب و قعدت قصاده عقبال ما ينهي المكالمة و هو اتكلم :
_ماشي يا زهرتي، هجهز نفسي و هجيلك..!
_دي زهرة سلملي عليها..!
_جودي بتسلم عليكي.... ماشي ثواني..
ادني الفون:
_خدي كلمي زهرة..
خدت الفون منه و هو بدأ يشرب القهوة
_زهرة ازيك يابت وحشتيني..!
_و أنتِ كمان، بقولك انا و كريم هنتقابل و رايحين لهنا و يحيى، حتى كريمة و جوزها هيسبقونا على هناك ، هتيجي معانا صح؟
_اه يا اندال، رايحين من غيري؟
_لا كنت ناوية ارن عليكِ اعرفك..!
_طب بصي يا زهرة اتحايلي على كريم يديني اجازة بالله عليكِ، هيسمع منك أنتِ اكتر...!
كريم شد الفون مني :
_اوعي كده، و بعدين خدي الاذن من جدك مش مني انا ماليش دعوة...
=اذن ابه يا كريم فهمني..!
_استني يا زهرة دلوقتي..!
بصلي واتكلم بنبرة غير قابله للنقاش :
_يلا أنتِ روحي على شغلك..!
قومت وانا ببرطم بالكلام و رزعت الباب ورايا:
_واحد بارد مش عايزني اخد اذن...
قولتها بصوت مسموع بس اتفجئت بالسكرتيرة واقفه و معاها المهندس مهند، و كانوا بيبصولي بدهشه عشان رزعت الباب دي مع برطمتي، بس الاكيد الاندهاش كان من نصيب مهند اكتر بكتير من هانيا..
_احم مساء الخير، او صباح الخير مش عارفه هو الضهر أذن يا هانيا..!؟
_احم لا لسه يا جودي ها....
سكتت قبل ماتكمل وانا بصيت لمهند ده بارتباك و مشيت بسرعه، اكيد فكرني هربانه من مستشفى العباسية..!
سبحان الله و بحمده
***
_كريم انا مش فاهمه اجازة ايه..؟!
_اصل جودي هانم عايزة تشتغل، و جدي جابها الشركه هنا تعمل قهوة و كده يعني ، بقت موظفه هنا فمش هينفع تيجي و تمشي بمزاجها، كل حاجه بمواعيد..
_طب هنا و يحيى هيسافروا الصبح بدري، بالله عليك خليها تيجي معانا، هنا وحشتنا كلنا اصلا عايزين نشوفها قبل مايروحوا شهر العسل..!
_ماشي عشانك أنتِ بس..!
اتكلمنا شوية بعدها قفلت مع كريم، عرفت انه سهران من امبارح في الشركه و لسه هيروح يجهز و هيجي ياخدني، امبارح بابا و ماما راحوا ليحيى زيارة صغيرة كده ماكملوش ساعه هناك و جم تاني..
و انهارده يحيى و هنا عزمونا على الغدا كلنا قبل ما يسافروا..
و دي كانت فكرة هنا طبعاً عشان كانت عايزة تشوفنا قبل السفريه...
كنت قاعده على اللابتوب بدور على شغل مصممة في شريكات كتير و مش لاقيا حاجه مناسبه، لحد ما لقيت شركة صغيرة لسه و مطلوب مصممين و مش شرط خريجة فنون جميلة كمان، و دي كانت اكتر شركه مناسبه ليا عشان كمان كل الشغالين هناك نساء بس...
بعت التفاصيل لكريم يشوفها وقت ما يفتح بقا و روحت اجهز نفسي...
و بعد وقت كنت جهزت نفسي عقبال ما كريم يجي، وانا بلف الطرحه سمعت صوت الباب
_ادخل
دخلت ماما اللى بقالها فترة مش بتكلمني اصلاً :
_كريم تحت خلصي و انزلي.!
قالتها باقتضاب و لسه هتخرج انا وقفتها :
_ماما ثواني..!
وقفت وانا لفيت لفه بالفستان :
_ايه رايك شكلي حلو..؟
ماردتش عليا بس هزت راسها بالايجاب و قبل ماتخرج حضنتها :
_يا ماما خلاص بقا ماتزعليش مني..!
قلبك أبيض يا صوفيا...!
_قولتلك انا مش صوفيا أنا عيشه عيييشه..!
ضحكت عليها و انا ببوس خدها :
_طب خلاص يا عائش بقا ماتزعليش مني، حقك عليا..!
_مازعلش منك ازاي وأنتِ غبية يا زهرة؟
_انا غبية يا عائش بقا كده..!
_اه غبية و ستين غبية كمان..!
عايزة تضيعي تعبك السنين دي كلها في دلع، يعني هى جت على اخر سنه دي؟!.
_يا ماما قولتلك انا مش حابه اكمل بجد..!
_يا زهرة ده مستقبلك فكري فيه بجدية أكتر..
انا سكت و هى سكتت لحظات بعدها اتكلمت :
_طب بصي، ايه رايك تكملي السنه دي و تاخدي الشهادة و بعدها بقا تركنيها زي ماتحبي و تشتغلي مصممة زي مانتِ عايزة..!
اتنهدت و رديت عليها :
_طيب يا ماما هفكر تاني في موضوع الجامعه ده، بس هلف الطرحه و هنزل لكريم الاول..
_ماشي يا زهرة بس اوعديني انك هتفكري بعقل هاا؟
ضحكت و حضنتها تاني وانا برد :
_حاضر يا ماما وعد..، ماتزعليش من زهرتك بقا..؟
_مش زعلانه منك يا زهره، انا عايزالك الاحسن مش اكتر، يلا تعالى خلصي و انزلي..!
استغفروا
***
نزلت تحت و كان كريم مستنيني و روحنا كلنا سوا،
اتمشينا للبيت يحيى عشان كان قريب اوي من الفيلا....
سألت كريم على جودي و قالي انها هتخلص شغلها على سبعه و هتيجي على هناك..
اول ما روحنا بيت يحيى استقبلونا و لقينا اهلها كلهم هناك... قعدنا معاهم شويا كلنا سوا بعدها كل شله بقت مع بعض
بابا و ابو هنا دخلوا البلكونه، ماما و مامت هنا قعدوا مع نفسهم بيتكلموا، و كريم و يحيى و انور بيلعبوا بلستيشن،
و انا و هنا و كريمه كنا قاعدين مع بعض، هما بيتكلموا و انا قاعده ساكته سامعاهم و مكتفيه بلعبي مع ليان...
و بعد شويا كنا دخلنا المطبخ كلنا، هنا استغلتني اعمل سلطة و كريمة كانت بتصبع الكفته و هنا واقفه بتعمل رز بسمتي
_الساعة خمسه و نص اهي و جودي لسه ماجتش..!
قالتها هنا و هى بتعمل الرز، و بصتلي انا و كريمة واحنا قاعدين على الترابيزة الصغيرة اللى في المطبخ
_يابنتي قلتلك هتخلص شغلها و جاية، يعني على الساعه سبعه، سبعه و نص هتكون هنا كده
ردت كريمة :
_بقولك ايه تعالي نكلمها فيديو كده..!
_استني هرن انا..!
قالتها هنا، وطت على الرز و مسكت الفون طلبتها
لا حول ولا قوة الا بالله العلي العظيم
***
وصلت قهوة لضيوف جُم عند جدو فوق، قدمتها و نزلت مالقتش حد من زمايلي و عرفت انهم بيوصلوا طلبات برضوا، بجد الشغلانه دي مرهقه بشكل....
قومت اعملي قهوة ممكن افوق شوية، الساعه خمسه و تلت اهي هانت هانت، و انا واقفه بعمل القهوة و اهو يادوب صبيتها لقيت مدام علياء بترن على الرقم الارضي
استغفرالله العظيم يارب، الناس هنا بتشرب قهوة اكتر مابتشتغل حرفيًا..!
_الو
_بسرعه واحد قهوة سادة للبشمهندس مهند، خلصيها و وصليها على مكتبه..!
خلصت كلامها و قفلت في وشي، ايه المعامله الكلابي دي بجد..!
الشغل طلع مرمطه فعلاً...!
وبعدين ايه مهند اللى طالع شارب قهوة نازل شارب قهوة ده..؟
بصيت لكوباية القهوة بتاعتي بحسره، هديهاله و هنزل اعملي غيرها بقا...
طلعت الدور التاني، دور التانكه كله، المهندسين كلهم فوق مش بشر لا دي ناس واقفه بتكلم بعض من مناخيرها كده..
اكتر دور نرجسي في الشركه هو الدور التاني..!
روحت مكتبه و خبطت و هو بصلي و شاورلي ادخل..!
دخلت و حطيت القهوة على مكتبه بهدوء و هو ابتسم و تلقائي غمزته بانت اااه ياني ااه اي الحلاوه دي يلا، دي من كتر القهوة صح؟
انا هشرب قهوة كتير بعد كده.
تقريباً كنت سرحانه في جماله الرباني ده عشان كده طرقع صوابعه قدام عيني تاني :
_روحتي فين بكلمك..!
ياباااي على الكسفه اللى أنتِ فيها يا جودي، انا مانفعش في شغل انا اخيري البيت على رائي كريم..
_احم، نعم انا هنا اهو..
شرب منها و هو بيرد:
_بقولك تسلم ايدك..!
_تسلم.. احم عن أذنك انا.....
رن موبايلي و طلعته من جيبي لقيتها هنا و مكالمة فيديو كمان.. بصيتله و هو شاور لي و هو بيرد :
_ردي... ردي
_طب هستأذن انا
_اتفضلي
طلعت برا بسرعه روحت ناحية الاسانسير و فتحت عليها بسرعه :
_هنون، عامله ايه يا عروسه، ايه ده الشله كلها عندك..
كان هنا و زهرة و كريمة بانيين في المكالمه و هنا اتكلمت :
_وحشتيني يا جودي بجد، كان نفسي تيجي بدري نقضي اليوم من اوله سوا..!
_معلش يا هنونه اكل العيش مُر يا قلبي..!
ضحكت كريمه :
_أنتِ اللى غاوية مرمطه ياختي، غيرك بيتمنى يفضل في معزز مكرم في بيته..!
الاسانسير وقف و طلعه عملته الدور الارضي :
_يا ستي انا واحده عبيطه عايزة ابقا سترونج إندبندنت ومان..!
_كان غيرك فلح ياختي..!
قالتها زهرة، الاسانسير وقف و انا روحت مكان شغلي بس وقفت بعيد عنهم شويا ، و زهره اتكلمت :
_بصي يا جودي حاولي ماتتأخريش عشان فيه خبر حلو عايزاكوا تسمعواه كلكم..!
بخصوص الشغل و الجامعه سوا..!
اتكلمت انا بحماس :
_هتكملي الكلية صح؟
هنا راحت تشوف الرز و زهرة اتكلمت:
_لما تيجي هقولك، بس حاولي ماتتأخريش..!
ردت كريمه:
_الصايعه جودي تلاقيها بتتهرب من عمايل الغدا معانا صح.؟
_ياختي حتى لو جيت وانتو لسه ماخلصتوش مش هساعد في حاجة ، انا عامله قهوة ليا وللزمن انهارده..!
رجعت هنا تاني و خدت الفون من كريمة :
_احنا قربنا نخلص الغدا ياجودي حاولي ماتتأخريش..!
اتكلمت كريمة:
_جيبي معاكي شيبسي صح اطعمه كتير.!
_ماشي حاجة تاني.؟!
و قبل ما ترد جالي صوت رودي من بعيد شويا :
_جودي تعالي بسرعه واحد اسبريسو للمهندسه سناء..!
حطيت ايدي على راسي وانا حاسه بصداع رهيب، انا اللى محتاجه قهوة بجد :
_طب يا بنات انا هقفل دلوقتي عشان مش فاضيه..!