رواية كانها لوزة الفصل الثاني2بقلم اسراء حسن
ـ طلع عارفك وعارف ثاحبتك فى نفس الوقت يا بت يا لوزه..يوووووههه أنا وعدت بابا اني مش هفكر فيه..خلاث يا دماغي بطلي تفكير فيه
شغلت عقلي وشغلت اغنيه ل ام كلثوم عشان اغني معاها وأبطل تفكير شويه
||خليني فى حضنك خليني||
ـ طب ما تيجي فى حضني هو أنا حُشتك
ـ ايه!!!!
بصيت ورايا عشان اشوف مصدر الصوت بس لقيت شاب كده ولا اعرفه ولا هو يعرفني و واقف وشكله واقف من بدري...قمت من مكاني وانا متجه ليه
ـ ايه!!!؟ انت مين عشان تقول كده وازاى اثلا تقول كده ومين سمحلك انك تقعد فى البلكونه وانا قاعده..ها؟!!
ـ ايه كل ده ايه بلاعه بتتكلم ومحدش قفل عليها...ما تصبري هفهمك أنا قلت كده ليه!!
ـ لأ وكمان فيه مبررات...أنا مش عايزه اسمع منك حاجه لانك انسان مش محترم عشان قلت الكلمتين دول لأ وكمان قاعد فى البلكونه اللى لازقه جمبي
ـ يا بنتي خليني اوضحلك سوء التفاهم ده بعدين يبقي هزقيني براحتك
ـ لأ طبعا انت عايزني اسمع منك حاجه تانيه.....
علىٰ صوته وجسمي اترعش من نبره صوته
ـ ما خلاق بقي شغاله تتكلمي من الصبح ومش مدياني فرصه اني اشرحلك...بصي وقبل اى كلمه انا كنت بنده عليكي كتير وانتي كنتي مندمجة اوى مع الاغنيه ومعرفتش اكلمك روحت قلت اعاكسك يمكن تسمعي
ـ وانت شايف أن المعاكسه هي الحل!!
ـ ف دي معاكي حق..أنا آسف يا ستي بس كنت عايز اقولك يعنى
ـ لأ لأ..شكرا اوي لغايت كده انا يومي كِمل ما هي ناقثه واحد زيك يطلع ليا يقولي كلمتين زيه ويقول أنا مكنتش بعاكس....ياخي اتنيل
ـ واحد زيك؟!!! واحد زي ازاى يعنى
ـ ما ايه رأيك نجيب تسالى عشان نكمل سهره فى البلكونه...جاتك نيله
ودخلت الاوضه وقفلت باب البلكونه وانا سامعاه وهو بينده عليا.. لأ لحظه!!! هو عارف اسمي ازاى ؟!!!!!! قعدت على السرير...سرحت ومش عارفه نمت ازاى ولا امتي
********
|| تاني يوم ||
على الساعه عشره
صحيت على رنه تلفوني وكالعادة من امي
ـ الو يا تيفا...قثدي(قصدي) يا انشراح
ـ أنا عايزاكي يا لوزه
رديت بصدمه ـ ايه يا امي فى ايه!!
ـ لأ مفيش بس أنا عايزاكي..وحشتيني وعايزه اسمع صوتك
ـ ايه يا امي ما أنا بكلمك كل يوم...هو فى حاجه؟!؟
ـ لأ مفيش يا لوزه...ولا الشغل اهم مني
ـ مفيش حاجه اهم منك يا انشراح.. النهارده هركب وبكره بإذن الله هكون عندك
ـ تمام يا لوزه...روحي بقي تجهزي عشان شغلك
ـ شغل ايه بقي...الساعه دلوقتى عشره لو روحت الشغل المدير هيقولى بره من غير مطرود
ـ ماشي خلاص يا لوزه...ارتاحي النهارده عشان بكره هنقضي اليوم كله مع بعض
ـ فى حاجه يا امي!!؟
ـ شيفاني بشد فى شعري عشان تقولى كده
ـ العفو يا امي...بس طريقتك معايا غريبه شويه!!!؟
ـ ولا غريبه ولا حاجه ما غريب إلا الشيطان يا لوزتي...يلا بقي سلام عشان اسيبك ترتاحي
وقفلت الفون.... لأ لأ ف. حاجه فعلاً غريبه مع امي دي مش طريقه كلامها فى العموم معايا....قلبى مش مرتحاله !!!!؟؟؟؟
اتصلت بالمستر ايهاب مديري فى الشغل وقولت ليه أني عايزه اجازه عشان مسافره وهو واقف ودي برده حاجه غريبه اصل مش بالساهل أن المستر ايهاب يوافق على أجازتي...تقريبا نسيت اعرفكم ب نفسي..أنا لوزه أو اسمي الحقيقي أريج بس من زمان وهم بيقولوا ليا "لوزه" ف اتعودت على "لوزه" بدلا من "أريج" اتخرجت من سنه و بشتغل مهندسه ديكور فى نفس المكان اللى بيشتغل فيه مصطفي اصل أنا وهو دخلنا نفس القسم....فضلت سبع شهور فى نفس المحافظه بتاعتي وبعد كده المدير نقلني إلى محافظه تانيه فى الوقت ده مصطفي اتنقل معايا و صحابي عشان ملزقين جُم معايا ده طبعا بعد ما لقوا شغل هنا والوحيده اللى بتشتغل معايا من صحابي "اللى هي خريجه هندسه زي " هي حسناء...
اخدت شاور وبعد كده فطرت لقيت تلفوني بيرن وكالعاده "حسناء" سلمت عليها وهر ردت السلام بعد كده سكتت وانا سكت مكنتش عارفه اتكبم اقول ايه بس هي اتكلمت
ـ ايه رأيك نخرج مع بعض أنا وانتي ونور
ـ للاسف مش هعرف أخرج معاكم...أنا مسافره..
ـ مسافره؟؟؟؟ ازاى يعنى وكيف انتي مسافره وازاى انتي متقوليش انك مسافره انتي عبيطه يا بت
ـ اهدي يمااااا اهدي...أنا رايحه ل امي يومين وكده وهرجع
ـ خلاص يا صلاح هتسبني...طب والعشره والعيش والفينو اللى كان بينا بالسهولة دي هتسبني
ـ ايه يا بت ده هو انتي خطيبي!!!!
ـ لأ جوزك...هيهيهيههيهي
ـ خفه دم مش مستحبه فى المواقف دي
ـ خلاص خلاص..انتي ليه مسافره طيب..امك حصلتلها حاجه
ـ لأ مفيش هي ثحيت (صحيت)* قالت إنها عايزاني وطبعا لازم اروح
ـ اممم تمام..خلاص هنأجل الخروجه لغايت انتي ما تيجي ولا اقولك ما نسافر معاكي
ـ تسافري معايا!!!؟ ليه يعنى
ـ عادي يا بنتي بدل ما تقعدي لوحدك هناك احنا هنسافر معاكي
ـ احنا مين لمؤاخذه؟!!!!
ـ أنا ونور
ـ وهى نور هتوافق؟!؟؟ بعدين خليكوا انتوا هنا وراكوا شغل انتوا الاتنين
ـ نور اكيد هتوافق ما انتي عرفاها أنها بتحب السفر...أما الشغل ف ده عادي ممكن ناخد منه اجازه
ـ بس أنا مش عايزه...
ـ بصي يا بنتي محدش طلب رأيك...بعدين انتي ومالك أنا مسافره ل امي برده ونور جايه معايا
ابتسمت من ورا التلفون عشان عارفه هي جايه معايا ليه
ـ طيب..أنا مسافره النهارده عشان بكره اكون عند امي
ـ وانا هتصل بالمستر ايهاب عشان أقوله على اجازه وانا هكلم نور عشان السفر وكده
ـ هو انتي مش فى الشغل
ـ اسكتييييييي؟!!!!! مش انا النهارده مروحتش الشغل عشان صحيت متأخر
ـ اختشي...برده أنا مروحتش عشان ثحيت متأخر
ـ طب يلا سلام...رايحه احضر شنطتي وكده ونتقابل الساعه خمسه
ـ ماشي..سلام يا لوزه
قد ايه جميل انك تلاقي صحاب يقفوا معاك فى الوقت اللى انت عايز فيه كل الدعم والسند بس اوقات الصحاب دي بتكون مجرد اسم محطوط على شويه ناس ميستهلوش الصحوبيه بتاعتك...أنا كده مع حسناء وأسيل..حسناء صاحبه بجد واللى بيدل المواقف اللى بتحصل بتثبت أن حسناء صاحبه حقيقيه ونفس المواقف يثبت أن أسيل كانت مجرد واحده عابره فى حياتي
قومت من مكاني وبدأت احضر شنطتي وكل حاجه أنا عايزاها...بصيت على تلفوني لقيت الساعه لسه واحده كنت فلسانه جدآ وده اللى خلاني اقوم اروح ل حسناء....اتصلت عليها وعرفتها اني جابه عندها وهى فرحت جداً عشان كده....بعد نص ساعه كنت واقفه قدام بيتها معايا شنطتي..خبطت على بابا مفيش ثواني وهي فتحت الباب حضنتي بقوه...فى اللحظه دي أنا فعلاً كنت محتاجه الحضن ده
قعدنا فى الصاله وبدأت تتكلم وانا كنت برد عليها لغايت ما سكتت واخدت نفس طويل قبل ما تتكلم وقالت وهي باصه لفوق
ـ مش ناويه تتكلمي ؟
ـ اتكلم اقول ايه!! كل حاجه راحت ف مفيش فايده من الكلام فيها
ـ ساعات كتير الحزن لما يتشارك بالكلام بيكون اخف شويه على القلب
ـ كنت ثغيره (صغيره)*لما حبيته...
انتبهت ليا وبصت عليا
ـ كان هو كل حاجه حلوه بالنسبه ليا....تخيلي أن أنا حبيته من أنا عندي 10 سنين لغايت اللحظه دي بس هو فى الاخر سابني وراح واتجوز.....
افتكرت كلام بابا..هزيت دماغي عشان مش عايزه افكر فيه بقي..
ـ ربنا يهنيه هو وأسيل ويخلي الدنيا بينهم فرح وسعاده...بس أنا!!أنا مش عارفه أخرجه ازاى من دماغي مش عارفه...أنا تعبت من التفكير فيه كل لما اقول مش عايزه افكر فيه اكتشف أن أنا أصلا كنت ومازلت بفكر فيه أنا تعبت يا حسناء تعبت
حضنتي جامد اوي وانا كنت ماسكاها اوي...متكلمتش بس الحضن لوحده حسسني أن أنا مش لوحدي،،عدي الوقت وجت نور وروحنا احنا الكل للمحطة..قعدنا شويه عقبال ما يجي القطر وبعد شويه جه القطر ركبنا وانا قعدت جمب الشباك......اخدت نفس طويل و غمضت عيوني...معرفش قد ايه عدىٰ من الوقت وكنت وصلت عند امي...مشيت أنا ونور وحسناء فى صمت لغايت ما حسناء قطعت الصمت ده واتكلمت
" اعملوا حسابكم انتوا الاتنين هنخرج النهارده بالليل
رديت عليها
ـ ليل ايه بس.. دلوقتى الساعه تسعه يعنى الليل جه وقرّب يخلص...خليها بكره عشان أنا مش هقدر أخرج دلوقتى
" ماشي يا لوزه..بكره هرن عليكي عشان نخرج ومتحاوليش انك تهربي مننا
اتكلمت نور
ـ طب يلا يا حسناء وصلنا...باي يا لوزه
ـ يعنى يرضيكوا امشي شارع كامل لوحدي
ـ مش ذنبنا انك عايشه فى الشارع اللى ورانا ياختي وانا وحسناء عايشين قصاد بعض
ـ كده بتغظيني مثلا...اتنيلي اقعدي ساكته يا بت
قالت حسناء
"سلام يا لوزه..يلا يا نور
ـ سلام يا حسناء و نور
مردوش عليا ومشيوا وانا كملت طريقي...سمعت خطوات جايه ورايا بصيت ورايا ولما شوفته اتنرفزت بضيق واتجهت ناحيته
ـ انت جاي ورايا وماشي ليه ورايا اصلا.. لأ بُث *بص) شغل التلزيق ده أنا مش بحبه وفكك مني و...
ـ صلي على النبي
ـ عليه افضل الثلاه والسلام
ـ هتسبيني اشرحلك المره دي ولا لأ
ـ يعنى انت جاي كله ده عشان تشرح ليا الموقف السخيف اللى حثل فى البلكونه
ـ حد قلك اني تافهه لدرجه دي عشان اجي وراكي...ليه سندريلا وانا مش واخد بالي!!!
ـ اظبط كلامك يا عسل بدل ما أنا اظبطه بنفسي
ـ مش عايز خناق...أنا جاي تعبان ومش فيا خُلق اتكلم...أنا مجتش وراكي ولا زي ما انتي فاهمه أنا عايش هنا وفى العماره اللى هناك ويا سبحان الله عايش فى الشارع اللى انتي عايشه فيه....شوفتي الصدف
ـ وهي الثدف برده انك تسافر معايا وفى نفس التوقيت بتاعي
ـ طب افَهَمْها ازاى دي...بصي أنا ساكن فى العماره دي يعنى قصاد العماره بتاعتك بالظبط يعنى وشنا فى وش بعض كتير ف بالراحه على نفسك عشان شكلنا هنقصي مع بعض ايام هباب...عن اذنك
ومشي وانا متعصبه منه اوييييييي...كائن مستفز !! وصلت البيت وكان فعلاً ساكن قدامي مش عارفه ايه الصدف الهباب دي فعلا...خبطت على الباب واول واحد فتح ليا الباب كان اخويا " هيثم "
ـ هيثم..وحشتني اوييييي
ـ وانتي كمان وحشتيني..ادخلى يلا
دخلت الشقه لقيت امي وبابا قاعدين فى الصاله جريت عليهم وحضنتهم.....حضنت بابا وكان بيطبطب عليا...قعدنا وفضلوا يسألوني عن حالي وانا عامله ايه وكده....سبتهم وروحت اغير هدومي..اخدت شاور وطلعت لقيت هيثم واقف فى نص الصاله وباب الشفه مفتوح وبابا مش موجود وامي فى الاوضه
قربت من هيثم وسألته
ـ هيثم!! انت ليه واقف وكده وايه منظر الثاله ده وفين بابا
ـ بابا فى الصالون....وعايزك
ـ عايزني!!! متعرفش ليه!!
ـ لأ.
ومشي وسابني وانا مش عارفه ايه اللى بيحصل هنا..خبطت على الباب قبل ما ادخل...لقيت الرد ودخلت
لقيت بابا واقف مديني ضهره
ـ بابا!!! هيثم قال انك عايزني
ـ فى حد هنا عايز يتكلم معاكي !! انتي عايزه تكلميه
ـ حد؟!! مين
ـ أنا يا لوزه !
كان الصوت جاي من البلكونه..خرج شخص منها ومعرفتش مين هو عشان كان لابس كاب ونضاره..خلعهم وشوفته
ـ مثطفي؟!!!!!!!