رواية كانها لوزة الفصل الثالث3بقلم اسراء حسن
"ـ أنا يا لوزه
كان صوت جاي من البلكونه..خرج شخص منها ومعرفتش مين هو عشان كان لابس كاب ونضاره..خلعهم و شوفته
ـ مثطفي؟!!!!!!!!
"ـ ازيك يا لوزه
ـ حد يسيب مراته تاني يوم فرح ويجي هنا
"ـ وهل هذا يعقل اني مجيش!!! اصلا أسيل عارفه
ـ وجاي ليه!!!!
قعد قدامي وبابا كان لسه واقف
"ـ جيتي امبارح الفرح...مش عارف مين قلك بس ما علينا..عارفه !! كنت للحظه هحس اني ظلمتك وهقول لأ البنت بتحبك والكلام التافهه ده!!!!! بس النهارده عرفت اني اخترت صح واني فعلاً كان لازم اسيبك
ـ اظبط كلامك واعدل كده بدل ما ادفنك حي هنا
بصيت ورايا لقيت هيثم اللى قال كده
"ـ استني يا هيثم..الاه أنا هقول كلمتين وهمشي على طول عشان اختك متحسبش اني ظلمتها يعنى وتقول الخاين فضل معايا السنين دي كلها بعد كده سبني وراح اتجوز صحبتي
ـ انت عايز اي!!!!
قولتها وانا مش فاهمه هو عايز يوصل ل اي أو عايز يوصل ليا اي!!
"ـ عايز اقولك!!أن احسن حاجه أنا عملتها اني اتجوزت أسيل وسبتك..أسيل محترمه ومتربيه مش بتكلم حد غريب او تقف معاه فى الشارع
ـ أريج محترمه غصب عنك...ويلا بره البيت ومش عايزين نشوف وشك
قالها بابا وهو ماسك أيده
"ـ استني يا عمي بس.....مدام لوزه متحرمه كده اي الصور دي
و رمي الصور على التربيزه
"ـ وإياكي..تفتكري اني سبتك وكده وبعد كل ده اتجوزت صاحبتك...صاحبتك احسن منك يا أريج...شوفي بقي الصور
بص على بابا وهيثم
"ـ وقبل ما تضربوني أو تزعقوا ليا كنتم سمعتم كلامي وتشوفي الصور بعد كده كنتم تعملوا اللى عايزينه....سلام
بص عليا بعد كده ماشي ورزع الباب وراه...روحت مسكت الصور..دي!!!؟دي أنا
كنت أنا والشاب بتاع البلكونه..كنت الصور دي أنا وهو فيها فى البلكونه لما زعقت معاه..والتانيه كان قاعد قصادي فى القطر!!!لحظه هو كان معايا فى القطر؟!!!!!!!ازاييييييي
هيثم قرب مني ومسك ايدي...
ـ اي ده!!؟؟؟؟!!!! عايز افهم اي ده
'--تعرفيه؟!!!!!!!
كان سؤال بابا ليا بعد ما خلي هيثم يشيل أيده من عليا
'-- بره يا هيثم
ـ بابا!!!!!!
'-- من غير نقاش ...بره
نفخ ب ضيق وخرج بره الاوضه وبابا مسك ايدي ب لطف وخلاني اقعد قدامه..شرب مياه بعد كده بص عليا
'-- بهدوووووءءءءء
عايز اعرف اي حكايه الصور دي
ـ هحكيلك..اول مره اشوفه فيها كانت فى البلكونه
وبدأت احكيله على كل حاجه والكلام اللى بينه وبيني
ـ وبس يا بابا..ده اللي حصل والله يا بابا أنا مش شوفته غير مرتين بتاعت البلكونه وفى الشارع تحت حتي هو ساكن فى العماره اللى قدامنا روح اسأله يا بابا
'-- ليه اسأله!!!هو أنا مش واثق فى كلام بنتي...بس مدام هو ساكن جمبك يبقي بسيطه..هتنقلي من بيت هناك..هشوفلك بيت تاني تسكني فيه بدل ما أنتي ساكنه فى البيت اللي لازق جمبه
ضيقت حواجبه ب رد بابا اللى غير متوقع
ـ انقل!!!؟ بس يا بابا البيت ده قريب من الشغل اوبييي والايجار بتاعه رخيص عكس باقي الشقق أو البيوت التانيه
'-- وانتي مالك!!! الايجار غالى..رخيص ده شئ ميخصكيش...وزى ما أنا اللى قررت انك تسكني فى البيت ده برده انا قررت انك هتسكني فى بيت غيره...ولا!!عندك اعتراض
قال كده ب نبره تخوف وهو رافع حواجبه
ـ خلاث يا بابا اللى تشوفه..عن اذنك
'-- هيثم اكيد هيسألك على الصور..قولى ليه كلامك مع ابوك مش معايا
ـ حاضر يا بابا..بس هو..هو ازاى اثلا جاب الثور دي..ومين اللى ثورنا(صورنا)*
'-- خلاص..موضوع مات مش عايز كلام فيه..روحي اندهي هيثم وشوفي امك عشان قاعده فى الاوضه لوحدها
ـ ليه!!!؟
'-- هتقولك هي..يلا بقي بره
خرجت..كان هيثم فى الصاله باصص ليا ب غُل اتجاهلت نظارته وقلت ليه!!
ـ أبوك عايزك جوه
ـ ليا معاكي كلام تاني
ـ كلامك مع ابوك مش معايا
ـ والله!!!! ليه ابوكي يا اللى كان فى الصوره وانا مأخدتش بالي!!؟
'-- هيثم..قالت ليك أن ابوك عايزك يبقي تيجي...ليه بقي الكلام الكتير.....ورايا
كان بابا..مش عارفه ازاى خرج من الأوضة وامتي بس هيثم فعلاً دخل الاوضة ورا بابا وانا روحت ل اوضه امي...خبطت على الباب ودخلت
ـ السلام عليكم..ازيك يا امي
ـ وعليكم السلام..تعالى يا لوزه
ـ قاعده ليه فى الاوضه لوحدك
ـ مصطفي مشي!!!؟
ـ آه
ـ لما جه.. ابوكي قالى ادخل جوه
ـ ليه!؟!!!
ـ جه ولما ابوكي شافه زي اللى مرضيش يدخله بس أنا دخلته وبعد كده قال عايزك يا عم عاطف وابوكي قالى ادخل جوه
ـ طب تعرفي اي اللى حصل بعدها
ـ قعدوا فى الصاله وبعد كده فضلوا يتكلموا كلام كتير كده وفى الاخر هيثم اخوكي ضربه وابوكي دخّل مصطفي جوه وساب هيثم فى الصالة
قلت ب صوت واطي
ـ يبقي اكيد شافوا الثور(الصور)*
ـ بتقولي حاجه!؟!!
ـ لأ لأ يا امي....بس ثحيح يا امي انتي فى الفون قولتي انك عايزاني وبسرعه وعايزه اشوفك ليه يعنى فى حاجه!؟!!!
ـ أنا عرفت أن مصطفي اتجوز صاحبتك....وقلقت عليكي لحسن تعملى فى نفسك حاجه..قلت اجيبك تقعدي معايا يومين عشان تطلعي من مود الحزن اللى اكيد انتي فيه
ـ اعمل فى نفسي حاجه؟!!!!! ليه يعنى..وعشان مين!!؟ عشان ده... فعلاً كلام بابا ثح..اني ولا حبيت مثطفي ولا هو حبني..بعدين مود حزن ايه اللى هكون فيه يعنى ما أنا كويسه اهو
ـ ما باين فعلا انك كويسه؟!!!!!!
ـ ليه فى حاجه!!!
ـ لأ مفيش يا لوزه مفيش
ـ طيب يا انشراح..أنا هقوم بقي أكلم حسناء لحسن تموتني بكره
قومت وفجأه لقيت نفسي بترمي على السرير وامي مسكاني من وداني
ـ بت!!! مش هتبطلي بقي تقولى يا انشراح
ـ اومال اقولك اي يعني يا انشراح
ـ اماني...اسمي اماني يا فتحيه
ـ اوكيش يا انشراح
ـ غوري..غوري من وشي يلااااااااا
قومت وانا بضحك...و روحت أكلم حسناء..معرفش هقول ليها ايه!!!! بس كنت عايزه اكلمها برده
مسكت الفون ورنيت عليها
ـ آلو
ـ ولا صباح ولا مسا ولا كلمه كويسه....اه يا قلبي
ـ نور!؟؟
ـ قلبها..
ـ بتتكلمي كده ليه يا بت
ـ بحبك!!
ـ نعم!!!! لأ الكلمه دي مينفعش اسمعها منك انتي بالذات أنا مش متعوده على الاحترام والحب ده
ضحكت وانا ضحكت
ـ بتعملي ايه عند حسناء يا نور
ـ اعمل ايه!! فلسانه وقلت اجي اطلع فلسي على حسناء...بس انتي بقي رنيتي عليها وانا لأ وده حسابه معايا بكره
ـ وانتي مالك يا بت!!! بعدين فين حسناء
ـ فى المطبخ...بتعمل ليا اكل
ـ بتعمل ليكي انتي!!!؟ ده انتي بارده يا بت
ـ اول مره تعرفي...
ـ لأ
ـ الحمدلله.... بعيدا عن الهزار..عامله ايه النهارده
ـ ولا كأننا شوفنا بعض من ساعات
ـ خالص..بس بجد عامله ايه؟؟!! فى حاجه حصلت معاكي.
ـ مثطفي جه..!! طلع ليا ثور كنت فيها مع واحد وبيقول أن أسيل احسن مني وهو عمل الثح لما سابني بعد ما علقني بيه
ـ صور!!!؟ صور اي يا لوزه
ـ ده موضوع كبير هحكيلك لما اشوفك بكره
ـ ماسكه تلفوني يا واطيه..بتكلمي مين يا بت..!!نوووووووررررررر
كان صوت حسناء من بعيد..سمعتها وضحكت على طريقتها ونور شكلها رمت الفون..بعد شويه وانا سامعه كل كلامهم
ـ آلو يا لوزه..بتكلمي نور من ورايا يا واطيه وكمان ب تلفوني
ـ يا بت بقي اسكتي..انتي اتخانقتي مع نور وجايه تتخانقي معايا
ـ آه..أنا هتخانق معاكي...وهتخانق اكتر لو قلتي أن بكره مش جايه معانا
ـ لأ جايه..
ـ لولولولليييييي..جدعه يا بت
ـ خلاث بقي نتكلم بكره لما نشوف بعض
ـ ماشي...سلام
قفلت معاها..ولقيت باب اوضتي بيخبط
ـ ادخل
ـ ممكن اقعد معاكي
ـ تعالى يا هيثم...
ـ قبل اي شئ...أنا آسف على طريقه كلامي معاكي بعد ما مصطفي ما مشي
ـ من غير اى اعتذار....أنا مش زعلانه منك..
ـ بصي بقي...أنا مفهمتش من ابوكي حكايه الشاب ده وكنت عايز افهمها منك
ـ اوكيش...
وبدأت احكي ليه عنه..وطبعا ما قلتش على الجمله اللى قالها ليا فى أول مره عشان اكيد كان هيقوم يعجني بعد كده يعجن الواد ده...بس قلت ل بابا على الجمله دي
ـ تمام...بابا قال إنه هيشوف شقه تاني غير اللى انتي فيها وانا المسؤل عن المهمه دي ف عن اذنك بقي
ـ ماشي..
معرفش ازاى بقي هادي كده بس اكيد بابا السبب فى ده....فضلت قاعده فى الاوضة ماسكه الفون ولما زهقت من القعده....قلت اطلع السطح اقعد شويه
وطبعا لازم اشتري شويه حاجات عشان القعده تبقي حلوه ومفيش حد بيشتري ليا غير هيثم
ـ هيثااااااااااااممممممم
ـ فى الاوضة يا جعفر
ـ تشكر يا حج والله
دخلت اوضتي هيثم وكان قاعد ماسك اللاب بتاعه وتقريبا لسه بيدور على الشقه ليا
ـ هيثومي!!
ـ لأ
ـ ثومي!!!
ـ برده لأ
ـ يا بتاع نور
ـ الله يخربيتك يا فضيحه...اترزعي قولى عايزه ايه
ـ ايوه كده...روح اشتري ليا خمره على شيبس على شِكلاطه
ـ خمره!!!!شِكلاطه!!!!! اي دول
ـ فى حد ميعرفش الخمره..اخسسس عيل جاهل
ـ ايوه اي هي!!
ـ كنز فيروز هو الخمره..والشكلاطه هي الشوكولاته
ـ وحيات امك!!!
ـ آه....يلا بقي أنزل لا اروح اقول ل. بابا على نور..باااابااااااا هيثم بيحب البنت...
قبل ما أكمل كلامي لقيت هيثم حط أيده على بقي
ـ انت استاهل ضرب الجزمه عشان قلت ل واحده زيك اني بحب نور صاحبتك..يا واطيه !! هاتي الفلوس وانا هروح
ـ هيثومي..الشطور..يلا روح بقي..بس بفلوسك
ـ نعم!!! ليه حد قلك اني قاعد على بنك
ـ بابا
ـ خلاص رايح..رايح...ده انتي فضيحه
ـ تشكر يا غالى
نفخ ب ضيق ومشي وانا فضلت اضحك على منظره..اصل هو بيحب نور صاحبتي وهي مش عارفه بس أنا عارفه وهو لا فى عمره كلمها..عرفها لما كنا فى ثانوي كانت بتيجي تذاكر معايا كل يوم...نور يتيمه الام والاب وملهاش اخوات وبتشتغل من وهو فى تالته اعدادى عشان تقدر تجيب مصارفها....قرايبها فى محافظه تانيه خاااالص بعيده عن هنا ومش بيجوا غير فى الاعياد عشان كده بلاقيها عند حسناء كتير اوي..اصل حسناء نفس الحكايه بس الفرق أن حسناء ابوها مات من سنتين وامها وراه ب سنه وبرده ملهاش اخوات
فضلت قاعده شويه لغايت ما هيثم جه...اخدت منه الحاجات وطلعت على السطح،،،من وانا فى ثانوي مجهزه مكان مخصص فى السطح عشان اعرف اذاكر وبركه عشان اقعد قاعده رايقه كده مع نفسي...طلعت لقيت النور مفتوح والمخده مرميه فى الارض...اتكلمت وصوتي عالي
ـ مين هنا....مين اللى قاعد فى مكاني..ده يومه اسود
ـ بالراحه على نفسك ياختي ....أنا دلوقتى نازل
ـ انت!!! برده انت!!؟! انت ورايا ورايا يا جدع أنت
ـ عجبني المكان هنا قولت اقعد فيه..حلو اوي الصراحه
ـ تشكر يا اخ..تسمح بقي تنزل عشان كل لما اشوف وشك بتحصل مشاكل
ـ مشاكل!!!! ده أنا مُز وربنا
ـ تسمح تنزل..!!
ـ مش لما تيجيبي باكو الورد بتاعي
ـ باكو...باكو اي!!!!؟
ـ باكو الورد اللي امبارح انتي اخدتيه من على الكرسي لما شوفتيه
ـ اااههههههه....هو ده بتاعك!!! اي بقي اديته ل حبيبتك وهي رفضته
ـ لأ..ل اختي
ـ اختك!!! انت عندك اخوات اثلا
ـ آه...اومال فكراني مقطوع من شجره
كنت لسه هتكلم بس لقيته لسه هيكمل كلامه وهو باصص للأرض
ـ أو.....أنا فعلاً مقطوع من شجره
ـ ازاى!!!
ـ دلوقتى عايزه تتكلمي معايا!!! أنا نازل
ـ استني بس..عايز تقعد اقعد يا عن بس مش فى مكاني
ـ ماشي...
ومشي من قدامي...راح الاتجاه التاني..قعدت فى مكاني...بس لقيت نفسي بروح ناحيته
ـ ممكن اقعد!!!!
بص عليا بطرف عينه وسكت بعد كده رد عليا
ـ اقعدي
قعدت فعلاً د..لقيته ساكت قولت افتح الكلام معاه
ـ انت ايه اللي جابك هنا وانت ساكن فى العماره التانيه
ـ عمارتنا...مفيهاش سطح أو فيها بس مبني ب سور عشان الاطفال وكده وانا مش بحب كده ف روحت ل اختي وقالت ليا ان العماره دي سطحها حلو اوي...فكره مجنونه بس حلوه
ـ تلاقي اختك مجنونه عشان كده قالت ليك عن الفكره دي
ـ آه مجنونه شويه..بس حلوه اوي وطيبه..أصلها زي ملهاش اخوات
ـ ملهاش اخوات!!!! ده ازاى يعنى وانت اخوها
ـ أنا اخوها بس اسم فقط...اصل أنا....يتيم أو ب معني اصح متربي فى ملجأ ايتام ابويا وهي اللى مربيني اخدني قبل ما اختي تيجي على الدنيا عشان مكنوش بيخلفوا بس لما جيت خلفوا اختي على طول
ـ وشك كان حلو عليهم
ـ جدآ...لدرجه انهم ماتوا بعد سبع سنين كنت فى أولى ثانوي واختي كانت لسه فى ابتدائي
ـ ما خلاث بقي يا عم..قلبتها نكد كده ليه
ـ هو...انتي لدغه
ـ احممم اي الكسفة دي...اه لدغه فى حرف الثاد
قام وهو بيضحك
ـ أنا ماشي..لحسن اخوكي يجي يلاقيكي هنا..يقتلني ويقتلك
ضحكنا احنا الاتنين..وهو قام مشي وانا رجعت مكاني...
ـــــــــــــــــــــــــــــــــــــــــــــ
|| تاني يوم ||
صحيت متأخر..وكالعادة روحت الشغل..صحيح اني سافرت وده برده ميمنعش اني ابطل شغل،، وصلت وسلمت على صحابي وقعدت على المكتب بتاعي
ـ صباح الخير يا باشا
ـ صباح النور يا خالد
ـ جيت متأخر!!؟
ـ كنت سهران شويه...
ـ ليه!!
ـ بحسك مراتي يا خالد ايه!!!! اقعد ساكت وروح على شغلك
ـ حاضر يا حضرة الظابط..ادهم
ـ روح على شغلك يا حضرة الظابط خالد وحِل عن دماغي
ـ المزة عامله اي!!!!
ـ ولا اتلم.....دي هتبقي مراتي
ـ خلاص خلاص...تزعلش الآنسه لوزه عامله اي..تصدق اسمها غريب
ـو.....