رواية الزواج قسمه ونصيب الفصل الثالث3بقلم نور ربيع
ولا حول ولا قوة الا بالله 💚
ورده كانت واقفه قدام مكان كبير جدا و المكان ده كان ملجأ
ورده بابتسامة حزينه جدا: وحشاني اوي يا ماسة يا قلب ماما " دخلت الملجأ وهي مبسوطه جت المكان ده
صاحبه الملجأ: ياااه اخيرا بعد المده الطويله دي كلها زورتينا يا انسه ورده
ورده بوجه حزين جدا: معلش بقا انتي عارفه ظروف الواحد واني مش بحب اجي هنا طول ما انا مش جايبه حاجه للاطفال وخصوصا ماسة بنوتي
ابتسمت بلطف: ما يجراش حاجه يا حبيبتي يلا المهم انك انتي جيتي زوردينا ماسة كانت زعلانه جدا الايام اللي فاتت وكانت طول الوقت تعيط عليكي كده لما تشوفك هتفرح اوي
ورده بدموع غصب عنها: حبيبت قلبي جيت علشان خاطرها هي بس والله لانها وحشاني قد الدنيا دي كلها
" ولا حول ولا قوة الا بالله
في اي بس اهدي يا انسه ورده
حاولت انها تهدي ورده وكان صعبان عليها نفسها جدا في لحظه دي
ورده: احم احم انا كويسه كويسه المهم عاوزه اشوف ماسة لو سمحتي
" من عيوني
ــــــــــــــــــــــــــــــــــــــــــــــــــــــــ
ايشان بعصبيه: مالك يا وعد انتي بتتكلمي كده ليه معايا
وبعدين قولتلك مش عايز أختك مش عايزها عايز واحده تانيه هو الجواز بالعافيه يا مرات اخويا ولا ايه!!؟؟؟
وعد بغضب: لا مش بالعافيه مش بالعافيه يا كابتن ايشان روح ربنا يسعدك في حياتك "بتحذير فيه: بس فضلاً فضلاً يا كابتن يا ابن الاكابر ابعد عن اختي ابعد عنها بلاش تحاول تحرك في مشاعرها اكتر من كده و تلعب بيها
ايشان ببرود تام: ولو مش بعدت هتعملي اي يعني؟
وعد بتهديد بسبب البرود: هخرب الدنيا فوق دماغك صدقني كله اللي اختي يا ايشان انا بقولك اهو ابعد عنها
اسيل بضيق منهم: يا جماعه اهدو في اي حصل اي لكل ده
وعد بصتلها بتوعد: وانتي حسابك معايا بعدين يا بنت يامن علشان خاطر اللي انتي عملتيه ده اخلي ابوكي يدبحك
اسيل بخوف شديد: انا اسفه والله
مكنش قصدي حاجه والله يا مرات عمي ا ا
قطع كلامها ايشان بعدم اهتمام: اسيل اسكتي روحي روحي يا وعد شوفي انتي كنتي رايحه فين روحي يلا
وعد مشيت من قدامهم وهي قلبها مليان نار غضب منهم
ــــــــــــــــــــــــــــــــــــــــــــــــــــــــــ
في منزل احمد ابو خديجه
خديجه كانت بترتب اوضه الضيوف وبترتب الانتريه وكانت مولعه بخور ورشه معطر وكانت مخليه المنزل بتاعهم جميل جدا وشكله فخم من جوه جداً
دخلت غرفتها تطلع منه طقم حلو تلبسه
و كانت طلعت دريس شرعي واسع لونه سماوي غامق وعلي خمار نفس اللون لكن سماوي فاتح الخمار
خديجه بابتسامة وحماس: ده جميل هو و الخمار ياااه دا الواحد متحمسه اووي انه اخيرا بابا وافق وسامح العريس يدخل لاول مره ويتقدم
حطيتهم علي السرير ثم اتنهدت وقالت
خديجه بتفكير: متحمسه ليه كده يا خديجه؟ ولا مستعجله علي ايه؟
خديجه بزعل لنفسها: ده سني المناسب للجواز المفروض دلوقتي ده ليه ما فرحش زي اي واحده في الدنيا دي واحلم واحب واتحب و يكون ليا شريك حياه كويس يا رب اجعل نصيبي حلو راجل شبهي يارب يارب واتقي ربنا فيا ومنه ذريات صالحات حلوين كده يارب يمكن
ده اللي يكون في الخير اللي بحلم بيه
ـــــــــــــــــــــــــــــــــــــــــــــــــــــــــ،
عند ورده
ورده بسعادة انها مع البنوته: ماسة ي قلبي اي رايك في الالعاب الجميله دي
مساء بنوته من العمر خمس سنوات كان البنوته جميله جدا شعرها اشقر كلنا عيونها زرقه بيضاء جدا
ماسة بسعادة: جميله خالص يا ماما وانا بحبك اوي اني جيتي ليا أخيراً
ورده بدموع: حبيبتي غصب عني اني مش بجي بس والله وعد منى مش تاخر تاني عليكي خلاص
ماسة بزعل من قلبها رغم انها صغيره: خديني معاكي يا ماما ما تسيبنيش لوحدي هنا انا لوحدي اوي انا محتاجكي معايا وفي حياتي
ورده بدموع وحزن شديد: يا ريت كان ينفع يا ماسه يا ريت لكن الاسف ما ينفعش
ماسة بدموع: ليه طيب ليه مش ينفع يا ماما قوليلي
ورده بدموع: كده وخلاص كده و خلاص ي حبيبتي
نزلت البنوته من على رجليها وحطت قدامها اكل والالعاب كتيره جدا وقامت وهي بتبكي غصب عنها
ورده: انا ماشيه يا ماسة خدي بالك من نفسك ي حبيبتي
ماسة عيطت جامد: لا استني بلاش تمشي يا ماما انتي لسه جايه دلوقتي
ورده بدموع: معلش حقك عليا
لازم امشي بقا
ماسة بعياط: ماما لا بالله عليكي
دارت ضهرها من غير ما ترد عليها وهي بتبكي من قلبها وحزينه جدا وراحت مشيت
والبنوته كان بتبكي جامد وتنادي عليها بماما ورده ما كانتش بترد عليها نهائي
وقفت البنوته ودموعها كانت بتنزل منها وحزينه جدا منها انها سابتها ومشيت كمان المره دي واخدتهاش معاها وكانت منهاره في العياط كانت بصه عليها من بعيد
ماسة بعياط شديد وحزن: انا زعلانه منك اوي يا ماما مش مسامحك أبداً
ورده بعياط لنفسها: سامحيني يا روح قلبي سامحيني غصب عني نفسي اجيبك عندي وتعيشي معايا لاخر العمر بس مش بايدي حاجه مش بايدي حاجه انا اتعلقت فيكي اوي يا ماسة مش قادره اسيبك نهائي من ساعه ما شفتك كده وانتي طفله صغيره وانا روحي اتعلقت فيك يارب يارب
ــــــــــــــــــــــــــــــــــــــــــــــــــــــــ
عند ايشان
اسيل: عمو ايشان مرات عمي هتقول لبابا اني انا سبب اللي خليتك تتوصل مع ورده بابا ممكن يموتني بسبب كده
ايشان: متخافيش هي مش هتقول حاجه
اسيل: بس هي هددت فينا متنساش كده
ايشان بتنهيده: قولتلك متخافيش
وبعدين لو قالت حاجه انا معاكي محدش يقدر يعمل ليكي حاجه
اسيل بخوف: يا عمو انت عارف اني بخاف من بابا و ماما جدا
ايشان: في حد مش بــ يخاف من امه و ابوه اهدي يا اسيل و قولتلك متخافيش تمام تعمل اللي تعمله انا معاكي المهم هقوم اروح مشوار دلوقتي انتي عوزه حاجه
اسيل: ماشي يا عمو ماشي … و شكرا مش عاوزه
ــــــــــــــــــــــــــــــــــــــــــــــــــــــــــ
ميعاد اللي ايشان يروح لخديجه
اسيل: مرات عمي خدوني معاكم بالله انا جهزت خلاص
ايشان: تروحي فين ي بنتي
زينب: خليها تجي معاكم يا ايشان الله
رامي: خلاص يا ايشان تجي تجي خليها تجي
ايشان: ماشي يا ابو سيف خليها تجي لما نشوف اخرتها معاها ست اسيل
أمنه: طيب انتوا جاهزين يلا
رامي: يلا يا جماعه
وطلعوا مشوا على العربيه " رامي و ايشان و أمنه و اسيل
طلعت من البلكونة شقتها وعد وبصيت عليهم
وعد بحقد جواها: ان شاءلله ما يوافقوش عليكي يا متكبر
ــــــــــــــــــــــــــــــــــــــــــــــــــــــــــ
في منزل احمد
و كانت خديجه جهزت نفسها لبست الطقم اللي اخترته على ذوقها
وبعد وقت من مشوار الطويل كانو الجماعه وصلوا
دخلت ليلي مامتها علشان تخليها تخرج عليهم
ليلي: خديجه يلا ناس جت
قامت خديجه من على السرير وهي متوتره جدا و خايفه
ليلي باستغراب: مالك؟
خديجه بخجل وارتباك: ماما مش عارفه مالي خايفه و متوتره جدا والله والله كده
ليلي ابتسمت: اهدي متخافيش اهدي كده دي علشان اول مره يلا ادخلي خدي الصينيه وارمي السلام
خديجه بكسوف: ماما طيب اقول اي ولا اعمل اي دلوقتي
ليلي: يا حبيبتي اهدي
بصي ادخلي قولي السلام عليكم و سلمي علي اسيل ما انتي عارفه اسيل و سلمي علي أمنه ام سيف يلا متخافيش وقت ما تقعدي انتي و العريس هكون موجوده معاكي اكيد خدي نفس كده عرفي علي نفسك براحه تمام
خديجه كانت بتحاول تاخد نفسها وتهدى: حاضر يا ماما حاضر بس خليكي معايا
ليلي بابتسامة: انا معاكي اهو يلا
وراحت بالفعل اخدت الصينيه بتاع الضيافه مامتها دخلت قدامها وهي وراها
ـــــــــــــــــــــــــــــــــــــــــــــــــــــــــ
خديجه وهي عيونها في الارض: السلام عليكم ورحمة الله وبركاته
رفع عيونه عليها ايشان اول ما دخلت و رمت السلام
ايشان بدهشه من جمالها لنفسها: الله اكبر اي الجمال والحلويات دي كلها ياربي … عليكم السلام ورحمة الله وبركاته
رفعت عيونها وهي داخله علي صوت اللي رد عليها
لقيت ايشان باصص عليها نزلت وشها في الارض بسرعه ماتت من الخجل منه سبب نظراته ليها
اسيل بابتسامة: وعليكم السلام خديجه القمر
اللي وحشاني
ليلي مامتها اخدت منها الصينيه علشان علي سلفتها وبنت سلفتها
أمنه قامت حضنتها بابتسامة: اي القمر ده يا عروسه ماشاء الله عليكي
خديجه بابتسامة: تسلميلي يا طنط
و بعدها سلمت علي اسيل
بعد شويه
رامي: احم طيب ممكن نخرج احنا
علشان يعرف يتعرف على بعض يا ابو خديجه
احمد بابتسامة: اكيد طبعاً
ليلي: انا هكون موجوده معاهم
أمنه قامت بابتسامة: مفيش مشكله ي حبيبتي
وخرج الكل منهم بره وفضل ايشان وخديجه وليلى
ــــــــــــــــــــــــــــــــــــــــــــــــــــــــــ
ايشان بصلها بابتسامة: احم هتفضلي باصه في الارض كده كتير
ليلي بابتسامة: خدي دي رؤية شرعيه يا حبيبتي
ايشان ضحك باعجاب فيها: تطلع اللي قالوه ما يجيش حاجه جنب اللي انا شايفه قدامي دلوقتي
خديجه بصت لي باستغراب: قالو؟ قالو اي عليا و مين دول اللي قالو.؟؟
ايشان: اهدي اهدي ما فيش حاجه بس لما حكوا عليكي قدامي قالوا كل حاجه حلوه عنك وفعلا طلع معاهم حق
خديجه ابتسمت بفخر: الحمدلله
ايشان سرح في ابتسامتها الجميله الهاديه وتأمل ملامحهاالبريئه
خديجه كانت بصه عليه
ولقيت فيه انه وسيم جدا
لدي لحيه بسيطه ولون شعره ودقنه اشقر
خديجه لنفسها بخجل: يا جماله " وكتمت ضحكتها جواها
ليلي بصت ليها و ابتسمت وخديجه بصيتلها و ابتسمت
ايشان: احم انا ايشان جابر من عائله الهواري انا الحمد لله كابتن طيار بحب عملي ومتمسك فيه وتعبت كتير اوي لحد ما وصلت هنا والحمد لله اني قدرت وحققت اهدافي انا عندي شقه متشطبه ، كمل بمرح: مش عايزه غير العروسه وبس
خديجه ضحكت بسيط جواها: اتشرفت
ايشان بابتسامة: الشرف ليا
خديجه: عندك كام سنه؟
ايشان: 30 سنه وانتي عرفيني بنفسك
خديجه بهدوء: العمر كله …العمر المناسب هو ده اللي انا عايزاه
ايشان بضحكه بسيطه: طيب الحمدلله
خديجه بابتسامة وعيونها في الارض: انا خديجه احمد وحيده بابا وماما عندي 21 سنه اخر السنه ليا في كليه الازهري في قسم زراعيه ان شاء الله بعد التخرج انا ناويه اشتغل لان ده حلمي وشغاله في حضانه حاليا معلمه بحفظ قران الحمد لله ملتزمه في صلاتي متمسكه في ديني جدا مش بيفوتني فرض بفضل الله متدينه ان شاء الله عايزه منك طلب اني ابقى منتقبه
ايشان: اممم قالولي انا عرفت عنك حاجات كتيره اكتر من اللي انتي تعرفيها عن نفسك على فكره
خديجه ظهرت ابتسامه خجل على ملامحها: اه ممكن سؤال بس؟؟
ايشان لنفسه بارتباك: عارف اللي عندك؛ اممم اتفضلي
خديجه: عامل اي في العباده علاقتك بربنا ازاي بتصلي هل ليك علاقه بــ بنات ملتزم قريب من ربنا او؟!!
ايشان لنفسه: مش هينفع اقول الحقيقه يا بنت الناس لانك انتي عايزاكي ليا انتي البنت اللي بحلم بيها من زمان انتي نفس المواصفات اللي انا عايزها ومش هاخد الا انتي وبس يا ست البنات
ايشان بتنهيده: احم ايوه
خديجه بعدم فاهم: ايوه اي؟؟!
ايشان بكدب: امم بصلي، لا مفيش الكلام ده بنات اي
خديجه فرحت وصدقته و لقيت فيه ان نفس الراجل اللي بتحلم بيه
خديجه بابتسامة: بجد
ايشان شاف فرحتها في عيونها: بجد
ايشان بضيق من نفسه:عندك اي سؤال تاني
خديجه بابتسامة وفرحه جواها: لا
انت عندك اي اسئله تانيه؟
ايشان: لا كده خلاص
ليلي بابتسامة: ان شاءلله هنرد عليكم بعد صلاه الاستخاره
ايشان بابتسامة: اكيد يوم خديجه
وانا اصليها و هستني منكم الرد
وبعد وقت كانوا مشوا الجماعه
( اعرفو انكم بنيتو الجوازه بنفسكم. على الكذبه هتنتهي بالخراب وقتها ما تجوش وتندموا لما تخسروا الحاجه اللي انتوا عايزين تحصلو عليها بالكذب ادخلوا بيوت الناس وكونوا صادقين عشان ربنا مش هيرضى بكده نهائيا وبنات الناس مش لعبه لو عايزها بجد خليك صادق ورضي ربنا وارضيها عشان ربنا يباركلكم في الجوازه واتقوا الله")
ـــــــــــــــــــــــــــــــــــــــــــــــــــــــــ،
في شقه رحيم
ريتال بفرحه: بجد هيخطب
سيف بجد فرحت اوي اخيرا
رحيم: اه
ريتال: رحيم عاوزه اشتري فستان جديد بالله بقا
رحيم: عيوني انا هقوم
اشوف عمل اي
ريتال: اشطا علي ما احط الاكل لينا يا حبيبي، و دخلت المطبخ ودخل البلكونه يكلم سيف
رحيم بدهشه: ازاي ايشان راح ليها و تقدم ليها هو وانت
سيف بحزن شديد: زي ما قولتلك كده
هما قالو لي عليها وهو راحلها
رحيم زعل علي زعله: متزعلش نفسك يا سيف انت متعرفش
الخير فين يمكن مش خير ليك دي
سيف بحزن: صدقني هي الوحيده اللي عايزها هي دي عايزها تكون شريكه حياتي عايزها هي وبس و حاسس انها دي اللي أرتاح معاها غير اي واحده تانيه
رحيم: سيف ما تحطش في نفسك
والله والله لو ربنا كاتب انها تكون ليك هتكون ليك غصب عن اي حد
وانت ربنا شايلك حاجه احسن من اللي انت مختارها خلي ربنا هو اللي يختارلك مش انت اللي تختار يا صاحبي
سيف بتنهيده حزينه: يلا خير ان شاءلله
رحيم: سيف متزعلش نفسك يا سيف
سيف ضحك ضحكه كلها حزن: سيبها علي الله يا صاحبي
رحيم بابتسامة حزينه عليه: ونعمه بالله
ــــــــــــــــــــــــــــــــــــــــــــــــــــــــــ
في شقه ايشان في دور الرابع
شقه ايشان كانت مشطبه وخلصانه
عامل لي غرفه فيها كل حاجه تخصه وحاطط فيها سرير صغير لنوم
ايشان قاعد علي السرير و مسك
الفون
ايشان لنفسه: انا مش نفس
صفات البنت دي اللي هي عايزاها بس انا عايزها عايزها هي لو كنت صرحتها ما افتكرش انها كانت هتوافق عليا
دي جواها صادقه وانبسط اوي
اتنهد ثم قائلا: ربنا يسترها الجوازه ما تخربش بعد كده علي دماغك يا ايشان
بص علي تلفون بتاعه و لاقي ورده رنت عليه كتيره
ايشان بملل: ورده ورده ورده
وبعدين بقا فيها اعمل ايه دلوقتي
بعد معلقتها فيا على راي وعد هنهي علاقتي بيها كده
بعد تفكير كبير وصراع في عقله قرر انه لازم يكلمها
"ـــــــــــــــــــــــــــــــــــــــــــــــــــــــ"
في شقه ورده
ورده كانت قاعده ماسكه تليفونها تقلب فيه بملل جواها وزهق
ورده لنفسها بملل شديد وحزن: وبعدين بقا في الوحده اللي انا فيها دي ياربي استغفر الله _ كملت بحزن: ياريت كان ينفع تجي عندي وتعيشي معايا يا ماسة بس الاسف ما ينفعش ما ينفعش يروح قلبي لان لازم اكون متجوزه وانا واللي هيكون جوزي نتبناكي يارب يارب هونها من عندك يارب
لقيت في الوقت ده ايشان رن
بصت علي علي تلفون
ورده بدموع ولهفه: ايشان اخيرا كنت عارفه انك عايزني انا والله و عارفه ان وعد اختي غلطانه
و فتحت بسرعه بلهفه ورده
ورده: الو
ايشان: عامله ايه با جميل
ورده بابتسامة سعادة انه رن: الحمدلله انا بقيت زي فل من بعد ما سمعت صوتك والله العظيم يا كابتن ايشان
ايشان ابتسم بتنهيده:طيب الحمدلله
ورده بدموع وحزن: هو اللي وعد اختي قالته ده صح؟
ايشان: امم فعلاً
ورده بعياط: طيب ليه طيب؟ وانا طيب علي فكره والله انا بحبك اوي
ايشان: ممكن تهدي يا ورده
وبعدين انا من الاول مكنتش عاوزك ولا كنت بــ فكر فيكي اصلا
ورده بكسره: ليه يعني هو انا وحشه
ايشان بدهشه من كلامها: لا طبعاً وبعدين ليه بتقولي كده علي نفسك انا اه اي نعم ما شفتكيش ولا مره وتعرفت عليكي من قريب بس متاكد انك هتكوني رسمتها في خيالي وربنا يعوضك
ورده بعياط وكسره لنفسها: طيب رفضتني لانك اكيد ما لقيتش في صفه حلوه اكيد بتحلم واحده حلوه وتكون جميله ومتعلمه تعليم حلو و عالي اومال بقا لما تشوفني
وتعرف ان انا عجزانه يا ايشان والله حقك كل واحد بــ يحلم بــ واحده حلوه
ورده: يعني انت كنت بتتسلى بيا؟
ايشان بخنقه: يا بنتي احسبيها زي ما تحسبيها بس قولتلك و هقولك انا مش عاوزك تمام انا بكره هرد علي الناس واتفق معاهم و هنعمل خطوبه ان شاءلله قريب
ورده برجاء وجع جواها: ايشان علشان خاطري انا عارفه اني مليش خاطر عندك والله بس ممكن تخليك معايا
ايشان: مش هينفع
ورده بعياط: طيب انا محتاجك والله العظيم انا مليش حد في الدنيا دي اللي ربنا و وعد اختي وانت وبس
ايشان اتنهد فاضل ساكت لثواني
ايشان: تمام بس علشان تبقي عارفه انا مش هتجوزك انا عايز واحده بس وهي خديجه البنت اللي اخطبها
ورده مسحت دموعها: خليك معايا بالله عليك خليك معايا
( انتي عارفه عارفه قلبك اللي انتي خليتيه يتعلق في واحد مش حلالك واللي انتي اتكلمتي معاه وفتحتي مشاعرك لي وهو ربنا محرم العلاقه دي قلبك ومشاعرك دي هتوصلك لمتاهه دنيتك هتبقى متعبه وهتبقى ضايعه ضايعه جدا بقى معنى الكلمه + اخرتك اخرتك يا حبيبت قلبي هتبقى جهنم عمرك ما هترتاحي وانتي في قبرك ما ارتحتش في الدنيا مش هترتاحي في الاخره
وانت يا ابن الناس مش عايز البنت دي مش راضي عليها و عايز احسن البنات زي اللي انت اخترتها اللي قلبك ارتاح ليها ليه تعمل كده في بنات الناس اعرف انك ابتديتها بخراب هتنتهي بخراب في حياتك زي مبانيت حياتك على المعصيه هتنتهي من ربنا غضب عليك
والله يا بنت الناس اللي انت بتكلميه ده مش هو اللي هيملا عليكي حياتك بالعكس ده هو اللي هيخرب حياتك واخرتك مش هتبقى حلوه فوقي من اللي انتي بتعمليه بقا واعرفي غلطك وارجعي ارجعي ارجعو من اللي انتوا بتعملو فضلاً
"رجائك وتوسلك لي انه يفضل في حياتك مش هيفيدك بحاجه والله خلاص زهق منك عايز اللي احسن منك 🥹")