رواية بين سطرين الفصل الثاني2بقلم روضة وليد
الساعه بتكون 12 الليـل
محبش خالد يفتح بـاب الشقه بـمفاتيحه المرا دي.. رن الجرس فـبتفتح عُـلا البـاب لمـا بتشوفه بتتفاجئ >>>>
وتقول
-دي اخر حاجه كنت اتوقعها
رد خالد
= هي ايه دي !!
-انك تيجي النهاردة
ده انا اتوقع جدتي تطلع من تربتها ولا اتوقع ان تيجي الليله دي
=ياهـه علـي الاڤـورة
سندت دراعها علي الباب قدامه وقالت
-سايب دُخلتك وجاي ليه يـعريس
مبيردش علي سـخريتها ويـقول
=انتي قولتيـلي انك بتكرهيني؟!
قالت وهي بـتحط اديها علي وشـها
-يالهوي عليا جاي عشان تقول الكلمتين دول !
زاح دراعها بهدوء ودخـل
=لا انا جاي بيتي عادي .
-اممم
=مردتيش عليا برضو !
-ومش هرد ...
اتجـهت للاوضـه وهـي بـتقول
-البيت بيتك اكيد ..
تـصبح علي خير
=بـكلمك يـ عُـلا
-وعُـلا عايزه تـنام..
قرب مـنها وقـال
=ردي عليا .. انتي قولتيلي بـكرهك ..
-يـبني ايه الاوڤر ده
=معلش انا اوڤر
اتنهـدت وقـالت
-طيب...انا بس اتحمست شويتـين وطلعت مني الكلمه دي ..
سكـت شوية،
حط إيـده علي دراعها، وقـال
=عُلا، مفيش حاجة هتتغير... أنا بحبك، وكل حاجة هتفضل زي ما هـي.. ،فـمتغيريش أسلوبك معايا بعد اذنك..
-خالد.. انا متكلمتش وقولتلك انك حـر تعمل اللي عايزهه.. متبرليش حاجه بعد كدا..
باسته علي خده بـبرود عشان تـقفل الكـلام ..
-تـصبح علي خير
بـتحط السـماعات فـي ودانـها وتـدخل الأوضـة بـهدوء
يـفضل خـالد يبصـلهـا بـعصبيه باردة
لـحد ما بـيقعد و يـسند راسه مـابيـن ايـده بـتعب >>>
...............................
شـويه ويدخـل الاوضـه بيلاقيـها نـايمه .. يتـجه نـاحية الـدولاب عشـان يـغير هـدومه لـف لـما سـمع عُـلا بـتقول بـعصبيه
-النور يـخالـد
=الله..، انتي صـاحيـه !
-صحـتني دلـوقـتي
=طب لحـظه واحدة
اخـد خـالـد الهـدوم ودخـل الحـمام
رجـع قـعد عـلي السـرير شـويه وقـال >>
=يعني اول ما اجـي تقولي عايزه تنـامـي ؟!!!
.. عايـز اتـكلم معـاكي شويه
فضـل شويه مسـتني ردهـا فـقال
=مش عايزه تقعدي معايا !! .. ولو شويه
ردت بـعصبيه وهي نايـمة
-وقـت نـوم ده !
بـصّلها ثـواني قـبل ما يـطـفّى نـور الأبـاجـورة، ويـقول بـهـدوء
= تـصبحي عـلى خـير.
*تفاصيل ملهاش لازمه *
............
تصحي عٌـلا السـاعه 4 الفجـر
مـش بتـلاقي خـالد جمـبها
تـنام بـأريحيه وتـقول
-كنت متـوقعه
بـس مـش فـنص اللـيالي كـدا ....
تقـوم عـشان تجيـب ميـه
تفـتح بـاب الاوضـه بـتلاقي خالد فـ الرسيبشن
بـيصلي.. ومـديلهـا ضـهره .
يـسلم ويقـولها
=عايزه حاجه ؟!!
تـرد
-لا .. انا قايمه اجيب ميه عادي
يـقوم خالد ويـقول
=تمام ...،
متخافيش انا مامشيتش ..
تـرد عُـلا وتـقول
-اخاف ؟؟!!
لسـا هتـكمل رد بـس خـالد يـقاطع كـلامها
=الله اكبـر....
ويـبدأ يـصلي
تـروح عُـلا المـطبخ بـغيـظ وتـقول
-انا غلطانة اني رديت من الاول ..
________________
يعدّي الليل بهدوئه، وتيجي ساعات الصبح واحدة ورا التانية، لحد ما عقارب الساعة توصل لخـمسة مساءً.
تقول ام عُـلا
=ايوا يعني متعرفيش الجوازة دي سببها ايه ..
مل .. ولا طفش ولا في مشكله ف الخلفه بينكم ؟!
سكتـت عُـلا، واكتـفت بـابتسامة صغـيرة مـن غـير مـا تـرد ..
تقول امها بـستغراب
: في ايه ؟!!
عُـلا بـسخرية
-مـلافظ السعد يـ امي
:اه معلش... انا بس من ساعة متصلتي بيا وقولتيلي .. وانا متوترة ومتعصبه وافتكرتك مُـنهارة
لـكن لما شوفت برودك ده اتـوترت اكـتر ..
ترد عُـلا
-لا يـستي ، ولا تتوتري ولا تتـعصبي
:بـرضو هو رجع امـبارح ليه ايه السبب ؟؟
مش كان المفروض يكمل اليوم معاها علي الاقل !!
متردش عُـلا فـتكمل امها
:ممكن يكون مكنش عايز يـسيبك زعلانه منه مثـلا ؟؟؟
-مش عارفة يـماما .. وكفاية كلام عليه.. زهقتت ..
ترد امها
:انتي فقدتي مشاعرك !!!
تـبتسم عُلا بـستغراب وتقول
-ليه يعني ؟!
تـتجاهل امـها سـؤالها وتـكمل
:ولا انتي مش بـتغيري علي جوزك !!!
-يمـاما يـحبيبتي هو اتجوز .. بعد ما اغير عليه ايه اللي هيحصل ؟!!
محدش جبره هو اللي اختار ... مش مضطرة ابينـله بغير ... ولا بحبه ولا اي حاجه من دي
خلاص الموضوع مش هيغير حاجه..
اتجوز وخلصنا
سكـتت عُـلا شـويه لما مـا لقيـتش رد مـن امهـا وقـالت
-انا بـفكر اطلق..
ردت امـها بـهدوء.
:متبقيش غبية يـعُلا ده مش حل
-اومال ايه الحل مـعلش !!
: اصل تطلقي ليه ؟!! ..
لحد دلوقتي مفيش حاجه وحشة عملها فـ حقك عشان تـطلقي
ده سابها وجالك انتي فـ اول ليله ليهم جالك انتي ... ايًا كان ايه السبب بقي .. مش عايز يـسيبك زعلانه ..
مش عايزك تحسي انك وحيدة.. مش مهم .
افهمي خالد بيحبك حتي لو اتجوز عليكي ..
ولو راجعتي التلت سنين جواز بينكم هتفهمي انا قصدي ايه ..
متتسرعيش يـعُـلا ،،وفـ الاخر انتي حـرة ..
..................
كلام امها كـان بـيرن فـودانها بعد ما مـشيت
لحد مـقتنعت .. ، فـكرت كتير .
رغـم ان كـان فـي بـرود متـبادل بـينها وبـين امـها فـ الحـوار
الا ان تفكيرهـا زي امـها بـظبط ..
بتـاخد الامـور بـهدوء و سلاسة ...
وبرود اكتر
قـررت انهـا تسمع كلام امـها
وان حـتي لو مـكنش رجـع امبـارح او لسا هـيقضي شهـر العسـل بـرا
او غيره..
اهـم حـاجه هـي مرتـاحه فـبيتها وحياتها طبيعه زي ما هي
تـقعد وتـسند راسـها بيـن اديـها وتقـول
((بس..بـس الموضـوع صـعب انـه يـفكر فـ غـيري
،يـضحك ويـهزر ويـزعل ويـفرح ويـحضن ويـحب فـ غـيري..
فـ ده كـفاية ان افـكر فـ فكـره الطـلاق
ان علـي الاقـل مكـنش طيقاه ))
فـاقت علـي صـوت رنيـن مـوبايلها لـقيت صاحـبتها اللـي بتـرن ..
اول مـا فتحت المكـالمة بـعدت الـفون عـن ودانهـا ... من صـراخ فـاطمه وهـي بـتقول
:يعني ايه جوزك اتجوز ؟!!!!
-يبنتي سلمي عليا الاول !
تتـجاهل كلامهـا وتـكمل
:بجد اخس علي جوزك ليه عمل كدا
تضحك عُـلا
-يـالهوي عليا..
:هو كان يطولك اصلا عشان يتجوز عليكي
-احم شكرا يغاليه والله
:لازم تطلقي
ردت عُـلا
-لااا ونبي مصدقت رتـبت افكاري
:هتعملي ايه يعني !!
-ولا حاجه
:تمام ده اللي كنت متوقعاه منك لكن واهلك !!
مامتك عملت ايه ؟!!
-كانت هنا و فضلت مستنيه خالد يجي عشان تكلمه بس انا هديتها وقولتلها ان ده موضوعي انا وهو
: ايوا انا شوفتها من شوية وقالتلي لكن مقالتش عملت ايه
وانا من ساعة معرفت وانا عايزة اخنق جوزك
عُـلا تـكتفي بـأنها تـضحك
فـتقول فاطمة
:مش مصدقة بـرودك انتي وامك
تضحك عُـلا اكتر وتقول
-يا امي الموضوع مش مستاهل كـل الانـفعال ده
:اتنيلي طيب ممكن !
-ممكن
قالت فاطمة بـسخرية
=ومامتك كانت مستنيه مين معلش !!
هـيجي يـعمل ايه هنا يعني ؟! مـتلاقيه سافرلـه شهر عسل مـع العـسل
ردت عُـلا بـهدوء
-فاطمه ..، خـالد كـان هـنا امبـارح عـادي جـدا
:والله ؟؟؟؟
يعني ايه بقي !! ماله ده ؟؟
عشان ميزعلكيش يعني ؟!!!
ولا ده عرف قـيمتك بـدري بـدري؟؟ !!
-الله اعلم بقي
-منه لله
انا كنت واخده جوزك ده احسن مثال للجواز فـ شلتنا ..
تبتسم عُـلا شويه .. وبـعدها تـتـنهد بـوجع
......................
خلصت عُـلا كلام وقفلت المـكالـمة ورمـت الفـون جـمبها بـملل
تـفضل قاعـدة سـاندة راسـها عـلي مـسند الانتـرية وقافـله عنيـها بـضيق
لحد ما مـبتسـمع صـوت دوشـه بـرا ....
...تـفتح بـاب الشـقه بتـلاقي اتنـين واقـفين باين عليهم عمال .. ماسـكين ترابـيزة صغـيرة
و واحد طويل بيـنهم بـيقول
:انت ازاي تسيبها تفلت من ايدك كدا !!!
والـتاني يـرد
:انـت اللي ماسكـها غـلط مـن الاول
لسـا الطويـل هيـرد بس بـينزل راجـل لابـس تيـشرت اسود ضـيق الي حد ما .. بارز جسمه وبـنطلون جيـنز
يـقول بـصوته الهادي
:ايه ... ايه هتتخانقوا هنا ؟!!
طلعـوها ونـبقي نحل المشكله دي فـوق
مش شايفين خضـتوهـا ازاي !!
قالـها وهو بـيشوار علي عُـلا بـعنيه
بـيطلعوا العمال
وبيقرب الراجل بهـدوء من عُـلا ويـقول
:اسف لو كنـا ازعجناكي او خـضناكي ..
تـرد عُـلا
-لا مفيش اي مشكلة
:طب الحمدلله ...
قال وهو بيمد ايده ليها
:انا طـارق .. مهندس مـعماري
.. جـديد معاكم هنا فـ العمارة اخدت الشقه اللي فوقيكم
سلمت عليه... وقالت علشان تـنهي الكـلام
-اتـشرفت بـحضرتك جـدا يـ استاذ طـارق
واتمـني تـتبسط فـ بـيتك الجديد
:شكرا لـزوق حضرتك
كـمل بـ احراج
:اسـمك !!
-اه ..انا عُـلا ودي شقتي انا وخالد ، جـوزي
:اتشرفت بـحضرتك جدا
ولازم اتعـرف علي جـوزك اكيـد ...
- اكيد بـإذن الله
:إن شاء الله ...
ومش هتكون آخر مرة نـتقابل فيها
هزّت راسها .. وقفلت باب الشقة، وهي مستغربـة الموقف ...
___________________
بتكون عُـلا واقفة بـتعمل الاكل فـ المطبخ بـتسمع صوت قـفل البـاب الشـقة بـعنف
يـجيلها خـالد المـطبخ ويـقول
=انتي اتكلمتي مع اللي اسمه طارق ده ؟!!
- طـارق ميـن
سكتـت لـحظة وقالت
-اه ..طارق
اه اتكلمنا .... في ايه ؟!!!
قال بـعصبية
-وبتتكلمي معاه ليه ؟؟
-يعني ايه بتكلم معاه ليه !!
جت صدفه اننا نتكلم
انت تعرفه ؟!!
=لا معـرفوش
-طب اومال في ايه
=مـا تـوقفيش معاه لحظة واحدة تانية
بعد كدا سامعة !!
-قولي الاول فـي ايه
قال بـعصبيه
=انا مشوفتش بني ادم بارد بـالشكل ده ! ..
فورلي دمي
قالت
-ايه اللي حصل طيب ؟؟؟ ..
مـردش فـكملت
-ليه كل ده ... عمل ايه عشان متبقاش طايقهه بـالطريقه دي
= كلامـي واضـح يـ عُـلا ....
متتكلميش معاه تاني ..
-لا مش واضـح .. انا مش فاهمة ليه كـل العصبيه دي ..
=انا كلامي خلـص
فـي اكل ولا امشي ...
-امشي
قـالتها بـلامبالاة وهـي بـتلف تـقفل علي الاكل ))
حاول خالد يهدي نفسه ..
فـقال بـهدوء
-يُعلا مش كل حاجه بـتتقال ...
انا قولتلك المفيد وخلصنا
قالت عشان تنهي الموضوع
-مـاشي يـخالد
=طب امشي ؟؟
-الاكل استوي شـوف انت عايز تـعمل ايه
=عايز اكل اكيد
قال عشان يضايقها
=من اديكي الحلوين دول
قالت بـهدوء
-طيب
......................
خلص خالد اكله وقام من علي السفرة وهو بيفك ازرار قميصه وبـيتجه لـلاوضة ومنها للحمام ... وقـال
=هتاخر برا ...محتاجه حاجه
قالت وهي بـتظبط السـفرة
-لا ..
......
خرج من الاوضه وهـو لابـس تيـشرت ازرق قـطن علـي مقـاسه وبنـطلون جينز غامق
وقـال وهـو بـيقرب منـها
= خارج مع صحابي
قالت بـبرود وهي بـتحاوط رقـبته بـدراعيها
-مسألتكش رايح فين يـحياتي !
ضحك وقال
=مش مـهم ..
...................
الساعة بـتيجي 10 ونص ..
يـخبط طـارق علي شـقتهم
تفتح عُـلا
يبـتسم طـارق وهو بـيمد ايده اللـي عـليها طـبق براونـيز
ويـقول
:مساء الخير .. اسـتاذة عُلا
بـما ان انا شاطر فـ عمل الحلويات قولت لازم ادوقكم من ايدي ..
تبـتسم عُـلا بـهدوء وهي بـتاخد الطبق
-تعبت نفسك ليه ...
المفروض احنا اللي نعمل كدا بما انك انت الجديد هنا
يضحك ويـقول
=مش مشكله .. المرا الجايه عليكم .
خـالد مش جوا ؟!!!
-لا لسا مجـاش
يقول بـستغراب
=افف دي الساعه 10ونص !
قالت عُـلا
-مش الفجر يعني ... لسا بدري اصلا
...................
بـيرجع خـالد بـيلاقي الاسانسـير مشـغول ..
فـيطلع السـلم واول مـا بيوصـل قـدام شقته بـيتـفاجئ بـوقف طـارق ماسـك ايـد عُـلا
بـعدها بـيرفع عيـنه لـ عُـلا بـصـدمه ..
لمـا بـيلاقي طارق بـيبـتسمـله ويقـولـه ..
: اهلا بـ العريـس الجديد