رواية بين سطرين الفصل الثالث3بقلم روضة وليد
: اهـلا بـ العريس الجديد
يقـرب خـالد وهـو بـيلف مفاتيـحه بـين صـوابعه ويـقول
=عريس مين معلش ؟؟
يـقول طـارق
=انت !
يـقف خـالد جـمب عُـلا ويـقول
-لا .. انا كنت عريس جديد من تلت سنين لكن ...
يـقاطعه طـارق ويـقول
:اومال كتب الكتاب امبارح ده كان بـتاع مين ؟؟؟
يـقول خالد بـابـتسامة بـاردة
=لا .. ده شئ ميخصكـش
:هو في ايه ؟! مالك ؟
بـتتلكم معايا كدا ليه !! انا مكنتش اعرف الموضوع هيـضايقك كده ..
يقول خالد بـهدوء
=متخبطش علي الباب ده طول ما انا مش موجود
يرد طـارق بـستغراب
:وانا هعرف ازاي اذا كنت جوا ولا لاء ؟!!!
يقول خالد
=بـظبط .. عشان كدا متخبطش هنا تاني
يـبص طارق لـيهم بـستغراب ولسا هيتكلم بس .. خالد يتنهد ويقول
: طيب علشان نكون علي نور
يـستحسن ميـكنش بينا كلام اصلا
يبـص طارق لـ عُـلا ويـرجع يكـلم خـالد
=هو ده اسلوبكم وتعاملكم مع الجيران الجُدد ؟؟؟..
تـبص عُـلا لـخالد بـحيرة وتـحاول تهـديه
وتـقول
-في ايه يـخالد ..
يـقاطعها خالد ويقول بعصبيه باردة وصوت واطي
-هـسس .. ادخلي جوا
تـبصله عُـلا للـحظة لـكن طـارق يـتدخل
:لا بجد هو في ايه ؟؟
انت حتي فـ الصبح مـردتش عليا واحنا واقفين بـنتكلم
=انا بارد يا اخي ومـبحش الاختلاط الكتير بـالناس فـ متـبقاش بـجح
يـتفاجئ طـارق من صـراحه خـالد ويقـول
: اهه انا شكلي ازعجتكم جاامد
كـمل وهو بـيبص لـ عُـلا
: ده مش طايقلي كلمة ..
يـشاور خـالد بـإديه قدام طـارق ويـقوله
:كلامك معايا انا هنا ...
يـبصله طـارق بـضيق
بعدها يـقولهم
:انا اسف جدا جدا لو كـنت فرضت نفسي عليكـم ...
شكل الموضوع كان غصب عنكم زيادة عن اللزوم
ويـمشي بـهدوء، محاولًا يخفي ضـيقه وعصبـيته.
تـدخل عُـلا و وراهـا خـالد اللـي بـيقفل الـباب ويـفضل سانـد علـيه
يـبصلها ويـقول
=يعني انا من قبل ما امشي اقولك متقفيش معاه لحظة واحدة ارجع الاقيه ماسك ايدك !!!
تـرد عُـلا
-ايه ماسك ايـدي دي !!!!
ده كان بـيسلم عشان يمشي
كملت بـسخرية
-لما سأل علي حضرتك وقولتله مش موجود
قـال بـحدة
=دي اخر مرا هسمحلك فيها يـ عُـلا انك تسلمي علي راجل غريب..
تمام ..
وانتي حرة المرا الجاية
لان دي مش اول مرة اقولك فيها بطلي تسلمي علي رجاله غريبه
.. انتي مش صغيرة عشان اقولك حرام وحلال ..
سـكت للـحظة وكـمل
=ثـم معرفتيش تقوليله الكلمتين دول من ورا الباب !!
قالت وهي بـتقعد
-لا معرفتش ...
قال وهو بـيلف حوالين نفسه
=تمام ..... انا هـعرفك
وقـف .. بـصلها وقـال ..
=وايه حوار العريس ده ؟؟
انتي قولتيله ؟!!
-مقولتش حاجة
انا بس لـقيته بـيسألني لما شافك فـ العربية مع واحدة غـيري
فـقولتله انها ممكن تكون مراتك التانيه ..
قال بـسخرية
=يااه .. شـرط ان اي سـت تكون معايا فـ العربية تبقي مراتي
قـالت بـبرود .. وتـجاهل لـكلامه
-ليه بـتتكلم وبـتعمل معاه كدا ..
ده رغم كـل اللي قولتهـوله
رد بـأدب واحترام واعـتذر ومشي ...
=عايزه تعرفي ليه ... ها !
عشان الاستاذ اللي بـتدافعي عنه ده اخد تلت سنين سجن فـ قضية تـحرش ...
تمام ؟ ... وعاطل كمان
..
قامت وهـي بـتقول
-نـعم !!!
=ها عرفتي بـعمل كدا ليه ؟!!
انا خايف علي حضرتك منه
سكتـت شويه وقـالت
-ما انت لو كنت قولتلي كدا من الاول انا كنت اتجنبت الكلام معاه
قرب عليها ومسكها من دراعها وقال بـعصبيه
=ما انا قايلك ..
زعقت وقالت
-قـايلي ايه معلش ؟؟؟؟
وانا كنت اعرف منين انه كان زفت مسجون وفـ قضـية تحرش ..
قولتلك قولي الحوار كامل
=وانا عشان مقولكيش الموضوع كله يبقي تعملي عكسه !!!!
-عكسه ايه ؟؟
ما انا قولتلك انه كان جاي يتعرف علينا ويـقعد معانا
......ثم انت مش قولتلي انك متعرفهوش ؟؟
=وانا اعرفه منين ده
انا عارف شكله واسمه من الصور وبس ..
رجعت قعدت مكانها
لكن خالد بـيفضل رايح جاي قدامها .....
شوية ويـقول
=لا ..، انا مـش هـاهدي طول ما البني ادم ده قاعد هنا
انـا نـازل لـ طـه صاحب العمارة واقوله علي اللي اعرفه عنه عشان يـمشيه اكيد هو كمان هيخاف علي مراته وبناته منه
بـيبص لـ عُـلا بـيلاقيها بـصـاله .. وهـزت كـتفها بـمعني (متعرفش )
يـبصلها بـضيق من الامبالاة بتاعتها ....
ويفتـح البـاب ويـمشي
.........................
بـيرجع خـالد مابيـلاقيش عُـلا فـمكانها ، بـيدخل الاوضـة فـيلاقيها طـالعة من الحـمام بـلبس النوم ...
تتفاجئ عُـلا لما تـشوف خالد بـيبدل هدومه لـلبِس البـيت بـمعني انه مش ماشي تاني )))
تقول وهي بـتاخد مُرطب إيديها وتقعد على السرير
-حصل ايه !! ... اكيد وافق
يقول خـالد
=انا اول مقولتله طارق ده لازم يمشي
قالي ان طارق نزلهه قـبلي وقطع عقد الايجار وقالـه انه هيـمشي ... وقاله كمان انه محتاج يومين بس لحد ميلاقي شقه جديدة
قالت عُـلا بـهدوء
-حركـة جريئة ....
انت اكيد غلطان يـخالد دي مستحيل دي تكون افعال واحد متحرش ..
قال بـسخرية وهو بـيعلق هدومه
= ايوا ما انا بضحك عليكي ..
يـكمل بـجديه
=ما لولا هو عرف اني عارف العملة الوسخه اللي عملها مكنش هيضطر يـنقل من الشقه اللي لسا جاي فيها الا انه حس اني ممكن افضـحه ..
ويطرد بقي والكل يـعرف
فـبيلحق نفسه ..
تقول عُـلا بـهدوء
-تمام تمام .. بس شكله تاب ، مـثلا ..،. الله اعلم !!
يقـول خـالد وهـو بـيقعد علي السرير
=تاب مـاتبش مش شغلتنا اهم حاجه نبقي مطمنين فـي بـيتنا
يسكت شويه ويقول وهو بـيقرب منها لـتخفيف الجـو بـينهم
-تعرفي لو دافعتي عنه تاني هـزعلك بـجد ..
قالت وهي بـتطفي النـور وتبـدا تـنام
-انا مش بـدافع .. انا بـقول اللي شيـفاه
يـلا تصـبح علي خيـر
يـبصلها خالد شويه قبل مـا يـتنهد ويغمض عينيـه
...................
بعد يومين ..
بـتكون الساعه 1 الـضهر
تمسك عُـلا الموبايل تقلب فيه بـملل بـعدها بـترميه جـمبها
بصت حواليها بـضيق،
وقامت تشغل التلفزيون>>
قلبت بين القنوات شويه وبعدين قفلته تاني
اتنهدت وقالت
-مفيش حاجة تتشاف
دخلت المطبخ تعمل لنفسها كوبايه شاي حست نفسها مقفوله ...
رجعت كل حاجه مكانها بصت حواليها بـزهق وقررت تقوم تطلع طاقتها فـ الشقة ..
________________
بـيطلع خالد من الاسانسير مستعجل
وصل للـشقه فتـح الـباب
لقـي الشـقه رأس علـي عقـب وعـلاُ بـتحاول توقـف السـجادة جـمب الحيـط ومـش بـتقف اتكـلم وقـال
=ايه ده يـ عُـلا
السـجاده وقعت من ايـد عُـلا وهي بتلف بـسرعه و اديـها علـي قلبـها
-ايه انت ... ،، خضتـني
=معلش .. اسف
تقول عُـلا
-ايه اللي جابك بـدري ..ايـه الـلي جـابك اصـلا
=نعـم
-يعني افتـكـرتك مش جـاي النهاردة
=لا انتي متفكريش فـ الموضوع ده تاني .. بعد اذنك
-تمام ،،... انا لو كنت اعرف انك جاي بـدري مكنـتش نضفـت النهاردة
=انا ماشي تاني ....،، انا كنت جاي اخد الملف بس ...
تقاطعه وتقول
-اه هتلاقيه جوا فـ اوضة المكتـب لسا مـدخلاه
=ماشي بس.. هو مش لما كل مرا بتقلبي الشقه كدا بنتفق قـبلها عشان نساعد بعض . يعني مقولتليش ؟؟!!!
-قولت ان ملهاش لازمـة المرا دي .. عادي يعني محصلش حاجه
=عادي يعني ؟!!
-اه عادي !
=هو في ايه يـ عُـلا
-انا اللي فـي ايه ؟؟!!
=ليه عامله كأن مفيش حاجه .. بس انتي بـطريقتك واسلوبك بـيقولوا فيه !!
-انا !!
=اه انتي .. انتي مكنتيش بـتنضفي منغيري ايه اللي حصل يعني !!!
=مضايق اوي عشان التنضـيف يـخالد .. روح غير هدومك وتعالي ساعدني انا لسا مخلصتش..
واكون شاكرة جدا ليك والله ..
قـال بـعصبيه
=متستهبليش يـ عُـلا الموضوع مش موضوع تنـضيف دلوقتي ..
-انت اللي عايز تكبر الموضوع
ثم انت بتزعق ليه !!!!
= انا مزعقتش.. انتي اللي مش شايفه بتتعاملي معايا ازاي ..
و بـرودك المستفز ده ..
قالت وهي بتجيب السجاده من علي الارض
-خالد ..، زي مقولتلك بـنضف عادي متـكبرش الموضوع بـعد اذنـك
قال بـزعيق
=ممكن تقفي دقيقـتين تكلميني فيهم عدل زي مـا بـكلمك !!!!!
سابت اللي فـ اديها ولفت بـصتله وقالت
-عايـز ايه يـخالـد
بـصلها شـويه بنـظرات مفهـمتهاش
قال بـعصبيه وهو بيتجه لـ اوضة المكتـب عشـان يـجيب الملـف
=عايز سلامتـك يـعُلا
......
بـيطـلع تاني عشان يميشي فـتقول عُـلا بـصوت عالي
-طفل اوي علي فكره !!
<< بـس خـالد بـيكون رزع الباب >>
فضـلت عُـلا واقفـة مكـانها كـام ثانيـة وهـي بـاصة للبـاب اللـي اتقـفل بـعنف
بلـعت ريقها وبـصت للسجـادة اللي كانـت واقعـة على الأرض وقـالت
-طفل أوي ...
قـعدت علـى طـرف الكـنبة وهـي بـتفتكر شكـله وهـو بـيزعق ... ،،فـ اتعصبت وقـالت
-هو عايز ايه انا مش فاهمة ...
ما يبـعد عني بقي ..
سكتت شـويه وقالت
-مـش قـادر يـستوعب ليه ان انا محتاجه شـوية وقت بعيدة عنه ..
بعـد شـوية قامـت تـكمل ترتيـب الشـقة
وفجـأة لقـيت نفسها واقفة قـدام صـورتها هـي وخـالد يـوم فـرحهم
فضـلت بـاصة للصـورة شـويه حلويـن
وبعديـن قلـبتها علـى وشـها ونزلـت إيديـها بـسرعة وقالت
-أنا بـعمل إيه ...
ورجعـت عدلتها تاني وقالت
-بلاش دراما ..
________________
نـزل خـالد السلـم بسـرعه وهو متعصب
فتـح بـاب العربـيه بعـنف
قعـد مكانـه وسـند راسـه علـي الدركسـيون
فضـل ساكـت شـويه بعدهـا
ضـرب الدركـسيون بـإيده وقـال
=يعني كنت مستني منها ايه !!!
اخـد نفـس طويـل ورجـع سـند ضهـره ..
=طبيعي تكون متغيره ..
مـرر ايـده علـي وشـه بـتعب وقـال
=المشكله لو تتكلم لو تعاتبني طيب
ساكته ومش عايزه تبين اي حاجه
وانا حاسس بيها ...
همـس لنـفسه بـضيق وجـز علـي سنـانه
=عُـلا بـتبعد>>>
بـص قـدامه شـويه وبـعدها للملـف اللـي فـ ايـده
ودور الـعربيه واتحـرك
_______________
الساعه 8 مساء
مصـدقت عُـلا خلصت تنـضيف، اخـدت شـاور سخـن،
لبسـت الاسـدال واخـدت مـصليتها ودخلـت الاوضـه عشـان تصـلي العـشاء..
..
بـعد مخلـصت صـلي حبـت تـدعي بـس معرفـتش تـدعي بـ أيه وقالـت
-اكيد مش هدعي علي جوزي ..
ولا هدعي عليها هي كمان دي مش انا ...
سكتـت شـويه وقـالت
-ادعيلهـم طيب
ضـحكت بـسخرية علـي نفسـها واكتفـت بــ يـارب))
قعدت شويه علي المصلية ..
وبـعدها وقفـت قـدام المـرايه .. فكـت طـرحه الاسدال ولسا هتبدا تكـلم نفـسها ..
بـس بـتسمع صـوت رن الجـرس ..
قـالت لنـفسها وهي ماشيـه لـناحية لـلباب
-مـا يـفتح بـمفاتيحه ... هو ايه الشغل ده !!!
بـس بتـفتح البـاب ومبـيكونش خالد )))
فـنفس الوقـت خـالد بـيكون راجـع مـن شـغله
بـيسمع صـوت راجـل جـاي من جـوه شـقته بـيقول
اديه اتجـوز عليـكي اللي سبـتيني عشانـه ))))