رواية الزواج قسمه ونصيب الفصل الرابع4بقلم نور ربيع
اللهم صلي وسلم وبارك على نبينا محمد
في منزل الهواري
ايشان لاسيل بتحذير: اسيل اياك تجيبي سيره لخديجه عن اي حاجه عني
اسيل: في ايه يا عمو؟
ايشان: موضوع ورده ولا ان سألتك عن اي حاجه عني في موضوع صلاة او اي حاجه من دي
اسيل بعدم موافقه: بس حرام الكذب يا عمي كنت. صرحتها على الحقيقه
ايشان اتنهد وقال بضيق:سمعتي قولتلك ايه يا اسيل
اسيل: تمام براحتك بقا
طيب بقولك ورده خلاص علي كده نهيت علاقتك بيها
ايشان: لا بتكلم معاها
اسيل بدهشه: اي بس انت
رايح تقرا الفاتحه ازاي تعمل كده في خديجه
ايشان بعصبيه: اسيل خليكي في
حالك تمام و اسكتي ها
اسيل بزعل منه: بجد هتندم الا خديجه خديجه ما ينفعش يحصل فيها كده منك يا عمو خديجه ما تستاهلش يحصل فيها الخيانه دي كنت سبتها لسيف احسن هما يستاهلوا بعض
ايشان بغيره وغضب: اسيل هو انتي
لو ما جبتيش سيره سيف.في المواضيعي انا وخديجه هتتعبي يا بنت اخويا قومي قومي
يا اسيل من جنبي روحي شوفيلك مصلحه يلا ولا مذاكرة تذاكري فيها
ــــــــــــــــــــــــــــــــــــــــــــــــــــــــــ
في المساء
في شقه رامي
أمنه: سيف رايحين علي بيت عمك احمد نقرا الفاتحه اليله تعال معانا
سيف: روحي انتي مش رايح في مكان
أمنه بحزن عليه: سيف ليه بتعمل كده
في نفسك ربنا يعوضك يا حبيبي
سيف بحزن وعتاب فيها: لو انتي مكنتيش جبتي سيره خديجه قدام ايشان كان زمانها دلوقتي هي اللي ليا يا امي
أمنه بحزن: حقك عليا متزعلش منى
والله افتكرت انها خلاص طلعت من جواك.و مش عايزها
سيف بسخرية وحزن جواه: افتكرتي افتكرتي اي بس
أمنه: سيف حبيبي ا
سيف قطع كلامها: بالله عليكي تسيبيني يا امي لوحدي تمام
أمنه: سيف يا حبيبي طلع خديجه من تفكيرك بلاش تفكر فيها اكتر لان حرام كمان والله
اتنهد بحزن شديد جواه وفضل ساكت
ــــــــــــــــــــــــــــــــــــــــــــــــــــــــــ
في شقه ياسين
وعد دخلت غرفته النوم لقيت
ياسين بــ يلبس لبس خروج
وعد بحزن شديد: ياسين انت رايح فين؟
ياسين بعدم اهتمام: رايحين نقرا فاتحه ايشان و خديجه هتيجي!؟
وعد بضيق جواها: لا مش عاوزه اجي
ياسين بصلها وقال: براحتك ان شاءلله عنك ما جيتي
وعد بغضب من الاسلوب بتاعه: ياسين انت بتعمل كده ليه معايا ها؟
ياسين راح خرج من غرفة
وما ردش ولا اهتم ليها
وعد بغضب شديد لنفسها:ياسين انت بقيت عامل كده ليه معايا في اي مالك بالظبط بقيت تعمل كده ليه
ــــــــــــــــــــــــــــــــــــــــــــــــــــــــــ
تحت قدام عمار عائله الهواري
كان الكل من العيله واقف في الشارع
قدام عربيته علشان يمشوا
ايشان: ياسين هي وعد مش جايه ولا ايه؟
ياسين: لا يا ايشان
زينب: ليه؟
ياسين بتنهيده: مش عارف
اسيل: اروح انادي عليها يا عمو
أمنه: اه روحي يا اسيل
رامي: طيب و سيف ما نزلش لحد دلوقتي ليه
أمنه: احم سيف مش جاي
ايشان بعدم اهتمام ليهم: احسن حاجه
اللي عايز يجي يجي اللي مش عاوز براحته يا مرات اخويا
وعد خرجت من المنزل وقالت
وعد: انا جيت اهو
ياسين بص تجاه صوتها
وعد راحت حطت ايدها في ايده وقالت
وعد: انا خلصت يا حبيبي
ياسين ابتسم بسخرية عليها
ثم راح ركب العربيه
و هي مشيت ورا
ايشان كان باصص عليها و قلقان
لا تعمل مشكله لي ولا تقول حاجه
لخديجه عنه و عن موضوع ورده
ــــــــــــــــــــــــــــــــــــــــــــــــــــــــــ
ياسين كان ماشي بالعربية بتاعته
وعد كانت جنبه
ياسين بغضب: انا مش محذرك على موضوع هدومك الضيقه دي اللي مقسمه جسمك
وعد بصتله وقالت: يا حبيبي مالها هدومي بس ما هي حلوه اهي
ياسين بغضب: والله العظيم يا وعد انا مش احذرك تاني على تطنشت كلامي ده و دي اخر مره اقولك سيبك من الدريسات الضيقه وشيلي الاحزمه اللي في الدريسات دي من على وسطك
وعد بدلع: حاضر يا عمري حاجه تانيه
ياسين: لا
وعد ضحكت برقه: ماشي يا عمري
ــــــــــــــــــــــــــــــــــــــــــــــــــــــــــ
الجماعه كانوا وصلوا منزل احمد
خديجه كانت لبسه لبس شرعي
دريس ابيض و عليه خمار نفس لون
ايشان كان لبس تيشيرت ابيض عليه بنطلون جينز
ايشان كان معاه بوكيه ورد احمر
قدمو لخديجه وهي اخدته منه بابتسامة
ايشان بحب: اي الجمال ده كله
خديجه بابتسامة وخجل: تسلميلي
ايشان ضحك بابتسامة: اه والله قمر
خديجه ابتسامتها كانت منوره وشها جدا و الخجل ظهر في عيونها وشها احمر جدا من الكسوف
وتمت بعد وقت قراءه فاتحه العرسان
و الكل كان سعيد بيهم الا شخص واحد وهو وعد
أمنه قامت بابتسامة حضنت خديجه
أمنه: مبارك يا قمر
خديجه بابتسامة: الله يبارك فيكي يا طنط
زينب قامت بالفعل هي ايضا حضنتها وباركت ليها هي و ايشان
زينب بابتسامة: مبارك يا قمر ده انت هتنورينا يا غاليه مبارك يا ايشان
ايشان بابتسامة: الله يبارك فيكي يا ام اسيل
ياسين بص لوعد انها تقوم تبارك ليها و وعد قامت بالفعل بكل غل جواها وحضنتها وباركت ليها
وعد بضيق جواها: مبارك يا قمر
مبارك سيلفي الغالي
ايشان لنفسه: حاسس بالنار اللي جواكي لو عليكي عاوزه تربقيها فوق دماغنا كلنا يا وعد هانم علشان خاطر اختك ورده _ الله يبارك فيكي يا ام موسى
رامي: خديجه ما فيش منها اثنين ابدا يا ايشان اوعى يوم من الايام تفرط فيها انت لو لفيت الدنيا كلها مش هتلاقي زيها وزي ادبها واخلاقها ابدا
ايشان بحب ليها وهو عيونه عليها: دي في عيوني يا اخويا ما تقلقش
اسيل بسخرية لنفسها: يا خوفنا منك يا عمي يا خوفنا تتكسر كسره من بعدها ما تقومش ابدا بسببك
خديجه ابتسمت على كلام ايشان بحب وحست ان قلبها ومشاعرها اتحركت من ناحيته
خديجه لنفسها بابتسامة: الظاهر كده هو ده اللي انا طلبته من ربنا وحاسه انك انت العوض الجميل اللي انا بحلم بيه من زمان وبتمنى من ربنا
خديجه بتفكير بس لازم اختبرك واشوفك انت بجد موافق على اللي انا محتاجه منك ده او لا
خديجه بهمس لمامتها: ماما كنت عاوزه اتكلم مع ايشان في موضوع لوحدنا
مامتها: موضوع اي ده
خديجه: هتعرفي قوليله عاوزين نبقي لوحدنا وانتي يا ماما
ليلي: من عيوني
وبالفعل ليلى طلبت من ايشان انهم يكونوا لوحدهم
و ايشان رد بالموافقه
وليلى راحت هي وخديجه وايشان على الجنينه عشان يكونوا لوحديهم
اسيل لوعد بكيد: مرات عمي ايه رايك في هو خديجه مش قمر بالله وهي تستاهل عمو و عمو يستاهلها
وعد بصتلها بحقد: اه ي حبيبتي اه
اسيل ضحكت ضحكه كلها كيد فيها
ـــــــــــــــــــــــــــــــــــــــــــــــــــــــــ،
في جنينه المنزل
ايشان بابتسامة: طلبات طلبات ايه دي
اللي انتي عايزاه يتعمل اكيد يا قمر اطلبي
خديجه بابتسامة خجوليه: كنت عاوزه الخطوبه على الضيق واغاني اسلاميه بالدف احسن من الاغاني الثانيه
ايشان استغرب من طلبها: اي بس ليه اشمعنا؟؟
خديجه بهدوء: لان حرام علشان ربنا يبارك في جوازتنا وما يبقاش فيها مشاكل بعد كده
ايشان برفض: بس انا مش عاوز كده
خديجه بزعل: ليه طيب صدقني كده احسن وانا بحلم بكدا من زمان
ايشان بضيق من طلبها: هيفرق معاكي اوي ده وبعدين طلبك غريب علي فكره
خديجه حزنت جواها: اه يفرق معايا جدا انا عايزه ارضي ربنا قبل ما ارضي البشر وبعدين مش غريب ولا حاجه ما الغريب الا الشيطان على فكره بقى لو نفذت طلباتي انا مستعده اعمل اي حاجه انت عايزها كفايه اني احبك وهتعلق فيك انا كنت عاوزه واحد زيي بالظبط من زمان بس الظاهر كده ان انا مش شبه بعض نهائي
ايشان شاف انها زعلت اتضايق من نفسه وقال انه لازم ينفذ طلبها بدل ما يخسرها قال بابتسامة
ايشان برضا: لو ده اللي هيفرحك ويسعدك فانا موافق انا عندي كام خديجه اللي انتي عايزاه انا موافق عليه كله يا قمري
خديجه بقت فرحه: بجد يعني
موافق يا ايشان
ايشان ضحك بحب: موافق يا قل
خديجه قطعت كلامه بسرعه وهي خجلانه منه جدا: بس بس بقا علشان كده حرام اي الرومانسيه دي كلها علي فكره حرام بلاش قمر قمر قلبي و مش يا قلبي انت كده بتخلي مشاعري تتحرك و ده حرام
ايشان بملل: والله
خديجه: اه والله حرام
ايشان بتنهيد: تمام حاجه تانيه
خديجه: اه
ايشان: اطلبي
خديجه: هتخليني بعد الجواز بجد والله ان شاء الله اشتغل
ايشان: سيبيها على الله
خديجه: ونعمه بالله طيب قولت اي
ايشان: قولت لا اله الا الله يا بنت الناس بصي انتي سيبيها علي الله مش هقدر اوعدك والله لاني انا طول الاسبوع طاير في شغلنتي و يومين بس اجازه
خديجه: ايه بس
ايشان: اه بس في قرارات جديده بتنزل وكدا
خديجه: اها ربنا معاك احم ممكن اخر سوال لو مش هيضايقك السؤال ده
ايشان بابتسامة بسيطه: لا مفيش تضايقه ولا حاجه اسالي
خديجه عمرك حبيت او اتكلمت مع بنات
ايشان بدهشه من السوال: لا ما عمريش حبيت واحده _كمل بصدق وحب: بس بدأت احب اهو خلاص وهو انتي اه والله فعلاً حبيت
خديجه بصت لمامتها بابتسامة خجل وقالت: و تاني سوال و اخر سوال؟!
ايشان: يهمك
خديجه بابتسامة: طبعاً والله
ايشان بكذب: طالما يهمك كده وعايزه تعرفي لا
خديجه بسعادة صدقت: بجد والله
ايشان: اممم
خديجه بابتسامة وفرحه: انت عارف انا كمان عمري ما اتكلمت مع حد لان حرام اصلا و عمري ما حبيت حد الحمد لله
ايشان بفخر فيها: انتي شطوره و عسل اصلا
خديجه ضحكت بفخر من نفسها: طبعاً
ايشان بضحكه و بابتسامة: بس انا اللي هبقي حبك الاول و الاخير و كل حاجه ليكي اكيد
خديجه بخجل: ان شاءلله
ايشان: طبعاً يا ست البنات
ولا دي فيها حرام كمان
خديجه ضحكت بسيط: لا
ايشان بضحكه: ماشي يا ست البنات
ليلي بابتسامة فرحه ليهم: ربنا يسعدكم يارب ويجعلكم زوجين صالحين يا رب
ـــــــــــــــــــــــــــــــــــــــــــــــــــــــــ
في يوم جديد علي الابطال
في الصباح
عند سيف
سيف كان في العمل بتاعه
كان في مبنى كبيره جدا العمال بيشتغلوا فيها وهو واقف بيراقبهم كل خطوه بخطوه
واقف بيراقب العمال بعيونه عليهم
وراكب كل حركاتهم خطوه بخطوه وكانت عيونه بتطلع شرار من كتر الغضب النار اللي في قلبه
ما كانش عاجبه حاجه الغضب كان عم قلبه في اللحظه دي
سيف بغضب معمي وصوت عالي جدا: جرى ايه منك لي
هو ده شغل فين الحركه بتاعتكم مالو الشغل نايم كده ليه يا بني انت وهو
وصوت الغضبان وعيون اللي بتطلع شراره هزت اركان المكان من الغضب بتاعه
العمال اللي في المكان خافوا جدا من نبره صوته وغضبه اللي كل مدى بيزيد كل واحد بقى منتبه على شغله وحركتهم زادت اكتر
سيف تلفونه رن في الوقت ده
كان رحيم
سيف بغضب: الو
رحيم: ولا حول ولا قوة الا بالله
مالك يا بني
سيف: مفيش
رحيم: صباح الخير
سيف: صباح النور
رحيم بهدوء: صباحك فل باذن الله يا صاحبي
سيف بغضب شديد: هيبقي فل ازاي مع ام العمال دي الواحد يرفض احسن
رحيم بيحاول يهدي: ممكن تهدي استهدي بالله عمري ما شوفتك بالحالة دي غير فتره دي اهدي كده
سيف اتنهد بعصبيه جواه: تمام سلام يا رحيم
رحيم: ممكن تهدي يا سيف وتبطل عصبيتك دي شويه انت ما كنتش كده يا صاحبي
سيف بحزن وغضب شديد: عايز حاجه يا رحيم
رحيم بتنهيده: ربنا يهدي بالك
ــــــــــــــــــــــــــــــــــــــــــــــــــــــــــ
في شقه رحيم
رحيم بص علي ريتال اللي قاعده على السرير ماسكه التليفون من الصبح
رحيم باستغراب: غريبه يعني صاحيه النهارده بدري كده من الساعه 8:00 يا ترى مين اللي هيموت ده انا بتحايل عليكي كل يوم تصحي بدري عشان تعملي ليا فطار قبل ما امشي ما ترضيش ابدا ايه اللي مصحيكي بدري النهارده
ريتال بفرحه: مبسوطه عشان سيف لاقي عروسه اخيرا وهيخطب بختار فستان حلو يشرف كده
رحيم بحزن على صاحبه: لا انتي تختاري الفستان بقى الخطوبه عمه مش خطوبته هو لان هو هيخطب البنت اللي كان سيف عايزها وقراوا الفاتحه النهارده عليها كمان
ريتال بصتلها بدهشه وسابت الفون وقامت وقالت بزعل عليه
ريتال: اي بس ازاي كده
دا سيف عايز البنت دي من زمان يا رحيم وكان مستني لما يخلص كليته وهي تخلص جماعتها
رحيم: النصيب بقا
ريتال بحزن عليه شديد: بجد هعيط سيف كان عايزها من زمان بــ معنى كلمه كان حبيبها. هو اكيد زعلان.؟
رحيم: زعلان بس ده النار بتاكل في قلبه من غيرته من غضب من عمه
والله ايشان ده الله يهديه
ريتال بعصبيه: دا غبي حرام عليه سيف هو اللي يستاهل خديجه
رحيم بتنهيده : يلا ربنا يختار لي الاحسن ويرزقه بنت الحلال الاحسن عاجلا غير اجلا
ريتال: يارب يارب
ـــــــــــــــــــــــــــــــــــــــــــــــــــــــــــ
في شقه ورده
ورده كانت قاعده فاتحه فيس لقيت على الاكونت بتاع ايشان انه قرا الفاتحه نزل دعوه لكل زمايله على خطوبته
ورده بحزن شديد: يعتبر خطبت خلاص وهس بقت خطيبتك رسمي ياريتك كنت انت اللي من نصيبي والله العظيم حبيتك حبيتك اوي و اتعلقت بيك
و كنا اتبنينا ماسة وكانت تبقي معايا و في حضني _ صعبان عليها نفسها حاسه ان قلبها مكسور جدا حاسه بالتوحد والفراغ _
لقيت اختها وعد بترن عليها
ورده: الو
وعد: عامله ايه يروحي
ورده بنبر حزينه: الحمدلله يا قلبي
وعد: ادام الله حمدك يروح قلبي
اي بتعملي ايه كده
ورده: قاعده اهو ولا حاجه
وعد بحزن: ايشان ليله امبارح قرا الفاتحه
ورده: اه مانا عارفه شوفت وانه منزل بوست على الاكونت بتاعه
وعد: اه _ كملت: متزعليش نفسك علشان خاطري يا ورده ربنا يعوضك بالاحسن ان شاء الله يا روحي وبكره تقولي اختي وعد قالت
ورده: ان شاءلله ي قلبي، انا و ايشان لسه بنتكلم مع بعض يا وعد
ورده بدهشه: ايه لسه بتتكلموا مع بعض وتتواصلوا ببعض
ورده: اه
وعد بعصبيه: سيبيه يا ورده سيبيه اعملي لي بلوك وانسيه على كده لان حرام كلامك معاه هو محرم عليكي يا حبيبي
ورده بدموع وخنقه: بس مش قادره
وعد بغضب: بقولك حرام انكم تتكلموا مع بعض اكتر من كده
وعد بدموع وعصبيه: ما لكيش دعوه سيبيني
وعد بعصبيه وزعيق: ورده سمعتي بقولك ايه بدل ما انا اللي هخليه يسيبك بطريقتي
ورده بعند فيها: لا ملكيش دعوه يا ريت تخليكي في نفسك وجوزك وفي بيتك انا حره سيبيني بقى
وقفلت المكالمه في وشها ولا اهتمت لكلام اختها الكبيره نهائي
( لما تلاقي حد اكبر منكم بينصحوكم في حاجه يا ريت تسمعوا منهم وتقتنعوا بكلامهم لانهم بيبقى عارفين الصح من الغلط جداً واحمدو ربنا ان في حياتكم ناس ينصحوكم وبيحبوكم وبيحبوا مصلحتكم احنا في الزمن ده الكل بياكل في بعضه والله
وكل غلطه بتغلطيها هتندمي عليها بعدين وكل الكلام اللي انتي بتتكلمي مع واحد محرم عليكي هتتحاسبي عليه وهيبقى حساب عصير جدا مع ربنا)
ــــــــــــــــــــــــــــــــــــــــــــــــــــــــــ
في منزل يوسف صاحب ايشان وده اول مره نروح ليهم
يوسف بابتسامة: مبارك يا ابو الصحاب فرحت قلبي
ايشان: الله يبارك فيك يا عم _ كان هيقول شيء ثم افتكر وسكت و ضحك جامد
يوسف ضحك: اي ي بني مالك
ايشان بضحكه: كنت هقولك عقبالك والله
يوسف ضحك اكتر: لا والله يا عم عقبالي اي بس ده انا بفكر افشكل
ايشان: ليه يا بني دا انت لسه خاطب. من اربع شهور بس
يوسف بتنهيده: عنيده عند الدنيا كلها يا ايشان زهقت و تعبت منها وعليها تصرفات من دماغها مش علي حد أبداً
ايشان بمرح: معلش بقا يا عم بتدلع عليك
يوسف: دا دلع ده الله يهديها
سمع صوت بره الغرفه صوت صرخه عاليه جدا بتنادي
" يوسف
ايشان بخضه: هو اي الصوت اللي عندك ده يا يوسف
يوسف قام بخضه: معرفش يادي ام النيلة هو واحد واخد الاجازه عشان يرتاح ولا عشان خاطر يتعمل في كده يا ربي
وخرج بره الغرفه وانصدم جدا من اللي قدامه
يوسف بصدمه: لا والله
وكانت صدمه هي ...!