رواية خيوط نور الفصل الثالث3بقلم ايه طه

تانى يوم فى بيت احمد قعد مع ابوه وامه وفتح معاهم الكلام... 

احمد: بقولك ايه يا بابا فى موضوع كدا عايز اتكلم معاك فيه... 

حسن ابوه: خير يابنى قولي حصل ايه... وموضوع ايه دا.. 

احمد: لا متقلقش موضوع خير ان شاء الله هو انا بس ناويت اخطب... 

فوزية امه بتزغرط وتقوم تحضنه وتطبطب عليه... 

فوزية بسعاده: يانور عنيا كبرت ياقلبي وهتتجوز اخيرا ونفرح بيك يا ضنايا... قولي بقى فى حد معين عايزه ولا اشوفلك انا.. 

احمد: ايوا يا ماما بصراحه وكنت معشمه والبت استنتي لما اخلص دراسه وبحبها اوي وعايزة.. 

حسن: كل دا وسنين دى واحنا نايمين على ودنا اه من شباب الايام دي وعمايلهم... طيب من دي بقى اللى عبيها العين والخاطر.. 

احمد: سعاد بنت الحاج مهران صاحب محلات العطارة اللى على اول شارعنا... 

حسن: والله يا زين ما اخترت بنت حسب واصول والحاج مهران الكل بيتكلم عن اخلاقه وكرمه والبت محترمه عايشه معانا ولا عمرنا شوفنا عليها حاجه ولا ايه يا فوزيه.. 

فوزية والسعاده اللى هي فيها قلت شويه: لا والله يا حاج الناس فعلا لا عمرنا سمعنا عنهم كدا ولا كدا بس يعني... 

احمد: بس ايه يا ماما قولي انتى عارفه عليهم حاجه... عارفه على سعاد حاجه

فوزية: لا والله البت زى الفل وعمرنا ماشفنا عليها حاجه حرام اقول غير كدا بس يعنى هي وحيده ابوها ومدلعه كتير ومش عايشه عايشتنا ودايما مناخيرها فى العالي حاسه انك هتتعب معاها يا ابنى وانها مش لايقه عليك ولا علينا ومش من توبنا... 

احمد: لا من الناحية دى اطمنى سعاد بتحبنى وانا بحبها وهى عارفه كل حاجه وموافقه متقلقيش..  

حسن: اذا كان كدا مع ان رايي من رايك امك بس اللى يريحك يا ابنى نروح ونخطبهالك ان شاء الله بس قولى الاول وفهمنى انت ناوي على ايه علشان لما اقعد مع الراجل اعرف اتكلم معاه... 

احمد وحكي ليه على المبلغ اللى محوشه ونقدم الشقه اللى هياخده ويحطه فى الشبكه والخطوبة ولما ابوه ساله هيتجوز فين هنا كانت المشكله والصدمة الكبرى لان احمد قاله انه هيبيع الارض... 

حسن بصدمه: تبيع ايه؟! انت اتجنيت فى عقلك ياواد انت... مين سمحلك تبيع الارض اصلا واخد موافقه مين على حاجه زى كدا... الارض ارضي ولا هتورثني بالحياة.. 

احمد: استهدى بالله بس يا بابا انا لسه مبعتش انا بقولك عايز اعمل كدا وشفت مشتري وسمعت سعر حلو فيها وانا مستعد اردلك تمنها على اقساط كل شهر، وبفوايد كمان لو حابب... 

حسن: هو انا كنت مدخلك كلية التجارة علشان تكتب كمبيلات وتمسك حساب الديون اللى بينى وبينك... الارض دى مش هتتباع لو فيها مليون جنيه دا ورث عن ابويا وانت هتاخدها بعدى وتورثها لعيالك الارض مالهاش هى اصلك وسندك بعد ربنا ومتتعوضش لو بكنوز الدنيا واذا كان مكنش عجبك كلامي ابقى استنى لما اموت يا احمد واعمل اللى يريحك بس طول ما انا عايش الارض دى مش هتتباع... 

احمد بعصبيه: انت بتتحكم فيها كدا ومحسسنى انها فدانين يرمح فيها الخيل دى كلها اول عن اخر نص فدان اعمى وبعدين انا ابنك الوحيد مش عايزه تساعده وتوقف جمبه فى جوازته لو انت معملتش كدا مين اللى يعمل وبعدين الارض باسمي يعنى بعلمك ولا من غير علمك انا اقدر ابيعها بس انا جيت وقولتلك علشان انت كبيري وباحترمك وبقدرك... 

حسن بصدمه وعصبية: انت بتعلي صوتك عليا يا احمد وبتهددني تبيع الارض علشان عملت منك راجل وكتبتهالك علشان انت وحيدي وضهري فى الدنيا.... طب ملحوقه يا احمد بيه من بكرا الصبح هلغيك التوكيل العام بتاع الارض وانقلها باسمى انا تاني وابقى وريني هتبعها ازاى وانا وعلى وش الدنيا ونفس فيها.... 

احمد: انت بتعمل فيا كدا ليه بتعمل كدا ليه.... ليه عايزنى اكون اقل واحد وقليل انت عارف انا بقولك هناسب مين وبنت مين ومين اللى داخل طالع بيتهم يطلب بنته ليه انا ابقى اقل واحد فيهم وانا عندي استعداد اكون زيهم ليه اروح اكسف حالي مع ابوها واخليه يتشرط ويشتري ويبيع فيا ليه ليه... انت ليه عايز تشوفنى مكسور... 

ابوه اتصدم من كلامه وانفعاله عليه وامه اللى فشلت تهديه ودا خلى حسن يجيلي جلطة ويتنقل المستشفى فورا ويتحجز فى العناية المركزه وفوزية واقفت لاحمد وقالت نفس كلام جوزها ولو احمد صمم على اللى فى دماغه لا يكون ابنها ولا تعرفه... بس بعد ايام وفى انتظار احمد خروج ابوه من المستشفى علشان يتقدم كان الحاج مهران اتوفى وسعاد سافرت البلد لمراسم الدفن والعزا.... وبعد شهور واخيرا وصله جواب من سعاد من بعد ما كان مش عارف يوصلها بانها اتجوزت ابن عمها غصب علشان املاك ابوها متروحش للغريب ويتحافظ عليها... 

                 الفصل الرابع من هنا