في بيت حمزة
الحمد لله تسلم ايديكم الأكل تحفه
فريدة حاولت تلطف الجو ولسه بقى لما تدوق أكل ياقوت هتاكل صوابعك وراهم
فيروز وهي بتساعد فريدة: طبعا بنتنا بتعمل أحلى أكل ومسكت ايد ياقوت اللي كانت جنبها وقالت الأيادي الحلوة دي يطلع منها كل الحلو
ياقوت ابتسمت ليها بحب
حمزة بص ليها لقاها مكسوفة حب يستفزها شوية (القلب بيحب ينكش في حبيبُه بقى)
حمزة بإستفزاز: لا بس ورق العنب اللي باكله عند عمتي أكيد أحلى
وبص لـ فريدة وغمز لها
فيروز بهمس لفريدة: الواد ابني دا ناوي ينام في الشارع من دلوقت باين
فريدة بنفس الهمس: قولتلكم هي حلة ولقيت غطاها محدش صدقني
ياقوت بغيرة وغضب: طب ايه رأيك أقولك حل حلو؟!
حمزة برفع حاجب: حل ايه دا؟
ياقوت بإبتسامة مصطنعه: انت تاخد نفسك زي الشاطر كدا وتروح تقيم عند عمتك ،وبصيت ليه بسماجه وبالمرة تطفح ورق العنب من ايدين الحلوة
،وربعت ايديها الإتنين أهو نوفر عليك المجاملة الحلوة بتاعتك دي
فريدة : ياقوت ايه اللي بتقوليه دا
ياقوت بنرفزة: يماما يعني انتِ معترضه على كلامي وكلامه ليا دا عادي
فريدة بصيت لها بتحذير : ياقوت عيب احنا لسه ضيوف في بيتهم مينفعش أسلوبك دا اعتذري دلوقت حالاً
ياقوت بصدمة: أنا اللي أعتذر!
فيروز قاطعتها وهي بتبرق لإبنها : اخص عليكِ دلوقت اسمه بيتهم يا حاجة فريدة مكنش العشم ومتدخلنيش في حوارتهم آه أنا قولتلك أهو ،ولو على البت ياقوت الواد ابني اللي عاوز قطم رقبته دا هو اللي بدأ
حمزة قام وقف بتناكه: لا عادي يفوفا أنا مش زعلان هي الحقيقة دايماً كدا بتزعل الناس دلوقت
فيروز: تصدق بالله انت حلال فيك التهزيق
حمزة بيضحك: أنا عملت حاجة
،وقرب على ياقوت وهمس ليها : للدرجادي غيرانه عليا من ورق العنب يحبيبتي لكن أنا أبقى أوڤر لما أغير علشان ايديك لمست ايدين راجل تاني صح!
ولسه ياقوت هترد عليه قاطعها و...
حمزة بص لـ فريدة وفيروز:أنا هخرج البلكونة شوية لو سمحتوا لما الشاي يجهز وبص لـ ياقوت بإستفزاز ابعتوه مع ياقوت
وسابهم ودخل البلكونه
ياقوت فضلت تهبد برجليها في الأرض وبصيت ليهم :أنا مشوووفتش حد مستفز قده ابنك عاوز يموتني يا فيروز ،واتحركت ناحية المطبخ أنا رايحه أعمل الشاي للبيه.
---------------------------
في مكان تاني
-يا بيه يا بيه
=فيه حاجة يا عمي فتحي؟
عم فتحي بينهج: كنت عاوز أقولك حاجة الصراحه بس..
-بس ايه يا عم فتحي اتفضل أنا تحت أمرك
عم فتحي بتردد:الأمر لله يبني هو يعني أصل..
-ما تخلص يا عم فتحي أنا قلقت
عم فتحي: الصراحه كدا فيه راجل جه عندكم من يومين للست هانم والست هانم قالتلي مقولكش يا عز بيه
عز بإستغراب: راجل!
مين دا يعم فتحي
عم فتحي بقلق: معرفش
عز بصراحه: عمي فتحي لو سمحت عرفني لو فيه حاجة تانية
عم فتحي: بص يبني أنا قولتلك علشان انت وصيتني على الست هانم ودي أمانه ولازم أصونها
،أنا كنت بشتري طلبات للست هانم من السوبر ماركت ولما طلعت لقيته واقف قدام الباب ولما شافتني اتوترت وقالتلي مقولش حاجة
عز بإستغراب: طب متعرفش شكله أو اسمه او أي حاجة
عم فتحي بسرعة: أيوة أيوة افتكرت قالتله اتفضل يا أحمد يا ابني وأ.ملك أخت سعادتك يعني..
عز بغضب طفيف: أحمد!
ومالها ملك يعم فتحي هي كمان
عم فتحي: ربنا يسامحني بس أ.ملك كانت قاعدة معاه هي كمان
عز لنفسه: معقول معقول يكون اللي في دماغي صح!!
عز بيحاول يتمالك أعصابه: ألف شكر يا عمي فتحي ومعلش حقك عليا على أسلوبي أنا مضغوط بس الفترة دي
عم فتحي بطيبة: ولا يهمك يبني ويعلم ربنا أنا مكنتش عاوز أتكلم بس انت سلمتني أمانه هتحاسب عليها يوم الدين
عز : ربنا يباركلنا فيك يا راجل يا طيب معلش مضطر أستأذن أنا
عم فتحي: لا اتفضل روح يبني ربنا يوفقك ويكرمك ويوقفلك أولاد الحلال ويرزقك ست البنات يا عز يا ابني اللهم آمين
عز بشرود: ست البنات موجودة يعمي بس باين كدا مكتوب علينا الفراق
عز فاق من شروده: طب أستأذن أنا يعمي سلام عليكم
عم فتحي: وعليكم السلام ورحمة الله وبركاته يبني
لبس عز النضارة وركب عربيته واتحرك للشغل
-----------------------
فريدة كانت قاعدة مع فيروز بيفكروا يجمعوا الشمل من تاني ازاي وفجأة فون فريدة رن
فريدة : دا أبو ياقوت خير ياربّ
فريدة ردت
السلام عليكم يا حاج
لا لا مش هنتأخر بإذن الله
-انتَ خارج؟
........
-طب في أمان الله ،أيوة -ياقوت جات هنا لما عرفت إني موجودة
........
ماشي يا حاج حاضر، الله يسلمك ياربّ ،سلام
فيروز : بقولك ايه أنا هقوم أروح المطبخ
فريدة : وأنا هقوم أكلم حمزة في كلمتين
فيروز اتجهت للمطبخ وهي داخله لمحت ياقوت زعلانه دخلت عليها
فيروز: الشاي اللي بقاله ساعة بيغلي والحلو مش مركز خالص
ياقوت بشبه ابتسامة: معلش يزوزو وبصيت بعيد ومسحت دمعة نزلت غصب عنها
فيروز: مالك يضنايا
ياقوت مقدرتش تمسك دموعها واترمت في حضنها
فيروز : كل الدموع دي بسبب
مقصوف الرقبة ابني ميتساهلش يبت والله
ياقوت بدموع: مبقاش مستحملني يا فيروز بيقولي انا زهقت علشان عاوزة أتخرج وعاوزاه يلاقي شغل كويس يليق بيه قبل ما نتجوز
فيروز بضحك: هو قالك كدا دا حمار وانتِ شبهه يبت يبت هو علشان بيحبك عاوز يخطبك بسرعة خايف من أبوكي والصراحة عنده حق
ياقوت بقمص: عنده حق في ايه بقى هو مش من حقنا نأمن نفسنا قبل الجواز ونعيش مبسوطين
يزوزو أنا مستعدة أتجوز في أوضة بس انتِ عارفة بابا وطريقة تفكيره
لا وعلشان زعلانين من بعض شوية يقوم يكلم البت المفعوصه الحربايه بنت عمته
وبدموع وهو عارف نيتها ايه وإنها بتحبه ومع ذلك معبرنيش ومعبرها هي يرضيكِ اهيء اهيء
فيروز: ما انتِ عبيطة مش عارفة تحتوي خطيبك والبت هتلهفه منك يا خايبه الراجل بيحب الست اللي طول الوقت تبتسم في وشه
ياقوت بإستغراب: حتى لو متخانقين
فيروز بإبتسامة: حتى لو متخانقين الإبتسامة دي بداية العتاب وبتديكم فرصة من جديد، أبو حمزة الله يرحمه كنا نعمل كل خناقة وخناقة
ياقوت: خناقة ايه بقى دا البلد كلها عارفة قصة حبكم
فيروز بتضحك: يا لمضه ، عارفة ليه علشان مكنتش بديله فرصه يشوفني ضده حتى وقت الخناق أصل احنا المفروض واحد مينفعش كل واحد فينا يحاول يكسب الخناقة لا المفروض احنا الإتنين نبقى يد واحدة قصاد الدنيا كلها مش الخناقة بس
ياقوت قاطعتها: عندك حق بس حمزة عصبي وأنا عنيدة احنا مش انتم
فيروز بإبتسامة: بس فيه حاجة مشتركة بينا وهي الحب يبقى ليه نضيعه يا بنت فريدة!
جرب تحسسيه وقت الخناق إنك معاه مش عليه اسمعي كلامي هتكسب يموكوسه
ياقوت ضحكت وهزت دماغها بـ حاضر
فيروز: يلا نجهز الشاي
ياقوت بحماس: يلا
------------------------
في البلكونه حمزة كان بيتنهد
-ممكن أدخل
حمزة: طبعا بفيرو اتفضل
قعدت قدامه : مغلب البت ليه يالا أنا قولت م هكلمك قدامها علشان بس نتكلم براحتنا
حمزة بإرهاق: والله أنا تعبت يا فيرو أقولها نتخطب تقولي لما أخلص
طب ولما تخلص أنا هتحرك ازاي وآخد خطوة جديدة في حياتي طول ما أنا خايف كدا وحضرتك عارفة عمي أبو ياقوت مش هيوافق نتخطب غير بالشرط اللي اشترط عليا بيه..
فريدة: أنا فهماك يحمزة بس فريدة بنتي متعلقه ب باباها ومش هترضى تزعله تخيل كدا اتنين بتحبهم من ناحية باباها ومن ناحية انت وهي في النص م قادرة تتحرك
،خايفة تخسر طرف وتكسب التاني يحمزة
حمزة: أنا فاهم بس اللي احنا فيه دا مش حل لا وكمان أسبوع معيشاني في نكد علشان قفشت معاها في الكلام شوية وكنت جاي تعبان
فريدة : صالحتها بعدها علطول؟!
حمزة : قولتلها معلش
فريدة بسخرية: لا كتر خيرك
حمزة بضحكة خفيفة : هيبقى انتِ وبنتك عليا
فريدة بتسلية: أنا لو كنت مع بنتي كان زماني وخداها دلوقت بعد الدبش اللي انت قولته جوا وكنا في بيتنا حاليا
بس أنا عارفة إنك جدع وبتحبها
حمزة بإبتسامة: بحب جدعنتك يا فيرو ربنا يباركلنا فيكِ ياربّ
فريدة: اسمع مني بقى الكلمتين دول
،الست مش عاوزة غير تلات حاجات في الراجل عارف لو لقيتهم فيه هتاخد عيونها مش قلبها بس
عاوزة راجل حنين وبيعرف يحتوي هرموناتها طول الوقت وشكلها اللي مش ضروري يكون كل يوم تحفه علشان تكون حلوة في عينيك وشاورت بإيديها على قلبه وقالت ودا دايماً يقدرها ويشوفها أجمل ست في الدنيا
حمزة: كل دا دا انتم ستات طماعة
فريدة : احنا من حقنا نكون طماعين في الراجل بتاعنا زي ما انتم منتظرين مننا بعد يوم صعب نحتويكم ونهون عليكم ونقولكم كل حاجة هتعدي ونطبخ أكلة حلوة ونشيل بعض زي ما بيقولوا
حمزة بإبتسامة: ازاي تأثير الست على الراجل في حياته حلو كدا؟
فريدة بإبتسامة: أنا أقولك..علشان احنا بنتعامل معاكم بقلوبنا ، تخيل معايا إنه قلبك دا فازة ورد كل ما تفقد وردة في مكان ترجع بيتك الست اللي في حياتك تعوضك الوردة اللي فقدتها بالحنية والكلام الحلو الإبتسامة الجميلة اللي تحسسك إنه الدنيا لسه بخير
احنا مقدرين تعبكم بس أعتقد من حقنا نتقدر احنا كمان وقت تعبنا أو زهقنا وإنكم تستحملوا هرموناتنا ولا ايه
حمزة فكر شوية وهو بيمسع كلام فريدة : طبعاً يباشا انتَ مبتقوليش حاجة غلط
فريدة : طب يخويا الشاي وراك أهو
حمزة بص لقى ياقوت معاها صنية الشاي وفريدة جنبها..
حمزة بص لـ ياقوت بحب وابتسم:
-----------------------
في بيت عز
كانوا متجمعين على الأكل
عز وهو ماسك المعلقة: أحمد النجار كان بيعمل ايه هنا يا أمي
مامت عز بعد ما كانت بتشرب شرقت
وملك بصيت لأخوها بخوف
مامتهم وهي بتبص لملك: احم أحمد ايه اللي هيجيبه هنا بس يبني
عز بص ليها: والله أنا اللي المفروض أسأل السؤال دا ورجع بص لـ أخته ولا ايه يا ملك؟!
ملك بتوتر: هه هو أصل الصراحه
عز قاطعها: أيوة الصراحة أنا عاوز الصراحة بقى
ملك بصيت لمامتها أمل بخوف وأمل بصت لعز وقالت بص يبني النهاردة أو بكرا انتَ لازم تعرف وياريت تفكر قبل ما تحكم...
--------------------------
تاني يوم في الكلية
تقى: أيوة يعني ايه اللي حصل بردو كملي
ياقوت بهمس: بعد المحاضرة هبقى أكملك ،ممكن نركز بقى
بعد ما المحاضرة خلصت
ياقوت وتقى كانوا بيتمشوا رايحين الكافتيريا
ها يا ستي كملي وبعدين هه هه هه
ياقوت بضحك: تدفع كام الأول
تقى بخبث: برجر تشيكن رانش ومعاه بيبسي وبطاطس عرض مغري خدي بالك
ياقوت بحماس: يكون قدامي دلوقت حالاً وأنا أقولك الجمعية اللي ماما هتقبضها من ورا بابا
ولسه تقى بتتحرك بسرعة وهي بتضحك على كلام ياقوت خبطت في شخص
ياقوت لما شافت اللي قدام نقى وتقى لسه بترفع عيونها تشوف مين
ياقوت وتقى بصدمة: