رواية الزواج قسمه ونصيب الفصل الخامس5بقلم نور ربيع
لا اله الا انت سبحانك اني كنت من الظالمين 💗
"اللهم اغفر لي ذنبي كله دقه وجله وأوله وآخره وعلانيته وسره"
يوسف بخضه وغضب: ايه ده يا مهره
"بضحكه عاليه: اي رايك في المفاجأة الجميله دي
يوسف بغضب: اقسم بالله يا مهره لولا انك اختي لا كنت مديت ايدي عليكي دلوقتي
مهره اخت يوسف صغيره في تالته اعدادي كان في ايدها بوكيه؛ ورد احمر هديه من رزان بعتت بوكيه الورد لي معاها ،
مهره بضحكه: سامحني انا عارفه ان انا خضيتك بس كنت عايزه اخليك تخرج ورزان هي اللي قالتلي اعملي كده اصرخي بصوت عالي وندمي وقولي يا يوسف خليه يتخض
يوسف شد من ايدها ورد وقال بعصبيه منهم: تقومي انتي تسمعي كلامها مش كل حاجه تقولها تعمليها ما تبقاش تسمعي منها تاني مره روحي يلا غوري من وشي
مهره بهزار وضحك: حاضر حاضر قلبك ابيض يا بابا الله
يوسف: غوري في داهيه يلا
وراحت هي مشيت من قدامه وهو دخل اوضته
ــــــــــــــــــــــــــــــــــــــــــــــــــــــــــ
حدف بوكيه الورد على السرير وراح قاعد بص على التليفون اللي في ايده لقيه ايشان قفل المكالمه
يوسف بزهق شديد: يا ربي استغفر الله العظيم صبرني يا رب على رزان واللي بتعمله _ ثم بص للبوكيه وابتسم ابتسامه ظهرت على ملامحه بحب ليها
يوسف بضحكه بسيطه: والله انك مجنونه يا رزان انا مش عارف بعد ما اتجوزك هتعملي فيا اي تاني احتمال تموتيني _ كمل بعصبيه: والغبيه التانيه مهره متبعه كلامها وبتمشي ورا كلامها وتقوم تعمل كده فيا الصبر يا رب من عندك اللهم اجعلني من عبادك الصابرين يارب
في الوقت ده جات رساله لي وتساب فتحها وكانت رزان. وكانت رساله
رزان: يا رب يكون عجبك البوكيه الورد سامحني
يوسف ابتسم بحب: اسامحك على ايه ولا على ايه كده كده مقبوله يا ست رزان _ بعت رساله
"جهزي نفسك يا عروسه عشان جاي احدد ميعاد الفرح الاسبوع ده ان شاء الله"
ــــــــــــــــــــــــــــــــــــــــــــــــــــــــــ
وفات اسبوع وكان في الاسبوع ده تمت خطوبه ايشان وخديجه
ويوسف راح بالفعل في الاسبوع ده حدد ميعاد الفرح على رزان مع مامتها وباباها واخوها
وحددوا على بعد 20 يوم لحد ما يجهزوا القاعه وتختار فستانها وكل حاجه ويخلصوا اخر حاجه في شقتهم
ــــــــــــــــــــــــــــــــــــــــــــــــــــــــــ
في شقه رحيم
ريتال خرجت من الحمام وكان في ايدها اختبار حمل كانت عاملاه في الوقت ده
ريتال بلهفه على الحمل وحاسه ان قلبها هيقف: يارب يكون في حمل يا رب يا رب يا رب
بعد يجي 10 دقائق بصيت للاختبار ولقيت فيه شرطات حمراء بمعنى ان في حمل
ريتال بسعاده عارمه في قلبها: هيهيهيهي … وبقت تتنطط على السرير من فرحتها و بــ على صوت منها بقت تضحك وهي فرحانه بــ حملها
ريتال قعدت وقالت بزعل: رحيم لو يعرف اني حامل هيزعقلي وهيزعل من اللي انا عملته واني مكنتش باخد حبوب منع الحمل في الاول وفي الاخير هو خايف علي صحتي _ رقدت وحطت راسها على المخده جواها سعادتها مش كامله بسبب انها خايفه من رحيم وخايفه الحمل ينزل مره ثانيه
ريتال بتوتر وخوف: ربنا يسترها بقا انا هسيبها على الله هو هيفرح ومش هيقولي حاجه ولا هيزعل مني ان شاءلله
ــــــــــــــــــــــــــــــــــــــــــــــــــــــــ
في منزل احمد. تحديدا في غرفه خديجه
خديجه كانت راقده على السرير ورافعه ايدها وبتبص على دبلتها والابتسامه مرسومه على ملامحها ومبسوطه جدا . والسعاده ماليه قلبها
خديجه بسعادة جواها: جيت مليت حياتي بجد يا ايشان انا خلاص حبيتك واتعلقت فيك من وقت ما جيت ودخلت حياتي.هو اه كل حاجه جت من مره واحده وبسرعه كل ده في اسبوعين لكن بجد كان احلى اسبوعين في حياتي بدعي ربنا يجمعنا عاجلا غير اجلا في الحلال مع بعض بقى في بيت واحد يا رب والدار يصبح امان
كان ايشان بيرن عليها
خديجه: السلام عليكم
ايشان: عليكم السلام ورحمة الله وبركاته عامله ايه
خديجه: الحمدلله بخير
انت عامل ايه
ايشان: انا بخير طول ما انتي بخير يا قمري
خديجه ابتسمت بخجل: وبعدين بقا
ايشان: ولا قبلين يا ست البنات
خديجه ضحكت ضحكه بسيطه جدا
ايشان: ها بتعملي ايه كده
خديجه: ولا حاجه بحضر الاكل عشان انت جاي النهارده عندنا ان شاءلله
ايشان بابتسامة: ربنا معاكي
خديجه: باذن الله الساعه 9:00 الصبح طالع رحلتك
ايشان: اممم ان شاءلله
خديجه: ربنا معاك يارب هتقعد كام يوم في رحلتك دي
ايشان: ربنا يسهل الحال على حسب الرحله يا خديجه
خديجه: اه ربنا يسترها عليك يارب
ايشان: امين يارب
ــــــــــــــــــــــــــــــــــــــــــــــــــــــــــ
في شقه يامن و زينب
زينب بزعيق لاسيل: اسيل هانم اللي مش بتسيب التليفون ابدا من ايدها احنا خلاص اجازتنا خلصت يا حلوه وعايزين بقى مذاكره احنا في ثالثه ثانوي لو المجموع طلع وحش
منك لابوكي ما ليش دعوه بيكي حلوه
اسيل: ماما حاضر هذاكر بس برن على ريتال هشوفها علشان نروح انا وهي نشوف الدروس والمواعيد ونشتري الملخصات وكل اللي لازم لثالثه ثانوي بس هي مش بترد
زينب: تمام وعليا قولتلك علشان والله العظيم لو ما جبتي المجموع اللي ابوكي عايزو. وما دخلتي الكليه اللي هو عايزها براحتك بقا ابقي شوفي هيعمل فيكي اي
اسيل اتنهدت بزهق: حاضر يا ماما
ان شاءلله خير برن علي البت دي مش بترد
وبقت ترن عليها مره واثنين وثلاثه وما فيش منها رد خالص
لانها كانت نايمه
ــــــــــــــــــــــــــــــــــــــــــــــــــــــــــ
في شقه ياسين
وعد كانت قاعده حاسه بملل شديد
وعد بخنقه: انا زهقانه اوي زهقت من كتر القاعده لوحدي يا ترى بتعملي ايه وقتك بيعدي ازاي يا ورده وانتي قاعده لوحدك يا ختي اكيد مخنوقه وزهقانه وزعلانه اكتر مني
مسكت الفون بقت ترن علي ياسين
جوزها وياسين كان بيكنسل المكالمة
وعد بحزن وخنقه جواها: ياسين اتغير خلاص معايا علي كده شكله ما بقاش عايزني نهائي
يا خساره العشره اللي كانت ما بينا والحب. يا ياسين اللي ما كانش فيه من حبنا ابدا انت خلاص نسيت وعد طلعتها من قلبك يا ياسين الله يرحم ايام زمان _ سندت راسها لورا علي الكرسي وحسيت بخنقه جواها
ــــــــــــــــــــــــــــــــــــــــــــــــــــــــــ
في شقه ورده
جرس الباب بتاعها رن
رحت فتحت
كانت صاحبه الشقه
ورده: ايوه نعم
الست باستهزاء: انعم الله عليكي يا حبيبتي فين ايجار الشقه بتاع الشهر ده
ورده بخوف منها: احم ان شاءلله هيكون عندك الاسبوع ده
الست بعصبيه: امتي يعني برضو؟
ورده: يومين كده حاجه
الست بيزعق فيها: انتي عايشه هنا بقالك عشر سنين والعشر سنين دي تعبتيني معاكي انتي واختك اللي اسمها وعد دي والايجار بيجي متاخر جدا بدل ما بيجي في الشهر بيجي بعد ثلاث شهور والاربع شهور وبسكت وبتحمل واقول حرام اصبر عليها شويه كمان عشان انتي يتيمه وما لكيش حد لكن انا مش هصبر عليكي اكتر من كده يا هانم علشان زهقت صراحه يا ريت تطلعي طالما مش قادره على المصاريف
ورده بحزن وخوف: والله العظيم هسد ليك الايجار بس مستنيه وعد اختي تجيبلي فلوس بس بالله عليكي بلاش تخرجني انتي عارفه ان انا ما ليش مكان وما ليش حد في الدنيا دي اللي ربنا
الست بنرفاز وعدم صبر: صبرت بما فيه الكفايه هو انتي مش ناويه تتجوزي بقى ولا ايه انتي اللي في سنك في ظهرهم بالعيلين والتلاته يا ختي
ورده انجرحت جدا بسبب الكلام ده اصعب عليها نفسها وكانت بتحاول تكتم دموعها وحسيت ان في نزيف في قلبها من الكلمه اللي نزلت عليها مره واحده ما كانتش عارفه ترد تقول ايه
ورده بعدم رد: ا ا انا هكلم وعد هقولها تبعتلي فلوس ا انهارده يا مدام
الست بقسوة: اه يا ريت يا ختي يلا
راحت سابتها ونزلت ورده دخلت قفلت الباب وفجرت في العياط وانقهرت جدا بسبب كلامها ده ليها
( يا جماعه اللي عنده كلمه حلوه يقولها واللي ما عندهوش يتسد ويسكت وبلاش تواجعو في الناس بكلامكم المقرف بالله عليكم اتقوا ربنا اجبروا يا بني ادمين قلب اللي قدامكم بطلو تأذوا العالم بكلام قاسي وبطلو الخبث بقا دا للجواز والخلفه وكل ده بيبقى رزق ونصيب من ربنا مش بيبقى بايد الانسان فينا ان يحصل على حاجه هو بيتمناها كل حاجه بايد رب العالمين وبيجي الوقت المناسب اللي ربنا اذن فيه ومحدد الوقت ده انه ير كل انسان فينا اللي احنا عايزينه وبنتمناه فبطلوا بقى تجرحوا مشاعر العالم)
ــــــــــــــــــــــــــــــــــــــــــــــــــــــــــ
عند ريتال في شقتها كانت نايمه
وكانت راحت لعلم الاحلام
ريتال دخلت منزل باباها
وكانت داخله بتنادي عليه
ريتال: بابا بابا _ وندهت يجي خمس مرت هي . هي داخله ما كانش في رد منه
بصت شمال ويمين وما كانش في حد وكانت الدنيا ظلام جدا في المنزل
ريتال بصوت عالي: بااابااا
"ريتال بنتي"
بصت وراها على الصوت واصدمت
وكان صوت باباها
ريتال بصدمه وصرخه: بااااباااا
كان واقع على الارض وكل الارض مليئه دم منه ريتال اترعبت جدا من المنظر اللي هو فيه
طلعت تجري عليه وقعدت في مستواه وحطت راسه على رجلها وبقت تصرخ وبتبكي جامد على حالته والدم اللي نازل منه ومالي الارض كلها
ريتال صرخه ورعب عليه: بابا بابا مالك يا بابا
الاب وهي تخرج منه اخر انفسه:
"ا ا اه اهربي ا اهر اهربي ب ب بسرعه"
ريتال بصرخه وخوف عليه: بااابااا بااباا مااالك
يااا بااباا
وكانت بتصرخ وتفوق فيه وهو ولا كان لا حياه لمن تنادي وتوفى في اللحظه دي
ريتال بانهيار وصرخه: بااابااااا فوق بالله عليك _ بصت حواليها كانت الدنيا ظلام جدا كان البيت مرعب جدا والدم في كل مكان ما فيش حد حواليها بقت متخيله المنظر اللي باباها بيتألم فيه وهو بيطعن في كل حته في جسمه قبل وفاته
ريتال بصرخه من قلبها: بااابااا
ارض الواقع
ريتال قامت مره واحده وصرخت باعلى صوتها ومسكت قلبها بوجع وهي مش واعيه لاي حاجه حواليها
ريتال بصرخه وجع: باابااا اااااه
حطت ايدها على قلبها بوجع ما كانتش قادره تتنفس نهائيا في لحظه دي
ريتال بدموع ورعب: ااه اي الوجع اللي في قلبي ده بابا بابا في حاجه غريبه بابا مش بيسيبني في احلامي ابدا ليه الايام دي يارب احمي يا رب احمي بابا يا رب
لازم لازم اروح اطمن عليه حتى لو من ورا رحيم لازم كده
ــــــــــــــــــــــــــــــــــــــــــــــــــــــــــ
في المساء وكان بعد العشاء
ايشان كان جاه الزياره لخديجه
خديجه خرجت من المطبخ وحطت قدامه حلويات ولب وسوداني
ايشان ضحك بابتسامة: خديجه اقسم بالله شكلك ناويه كده تخليني انفجر ايه يا بنتي تجيبي طبق مليان وتودي طبق فاضي بالطريقه دي من ساعه ما جيت
خديجه ضحكت: انا عندي كام ايشان يا ناس الف هنا وشفا
ايشان بابتسامة: الله يسلمك يا عسليه
ليلي قالت بضحكه: اهم حاجه تاخد بالك من احسن هي ايه شاطره جدا في عمايل الاكل
خديجه بصيت لمامتها بسرعه علشان تسكت ما تكسفهاش قدام ايشان وضحكت غصب عنها ومش عايزه مامتها تقول حاجه وتكسفها قدامه
ايشان فاهم قصدها ثم ضحك جامد: لا والله يا حماتي
ليلي بضحكه: خد بالك كويس ما تخليهاش في المطبخ لوحدها ابدا
خديجه بضحكه وكسوف: ماما خلاص
ايشان بصلها وضحك: اومال مين اللي عامل الاكل ده يا خديجه
خديجه: انا والله
ليلي: بتنسى نفسها وتسيب الاكل يتحرق لولا انا بفكرها والله يا ايشان
خديجه بكسوف: قلبك ابيض يا ماما
ايشان: لا انتي كدابه حماتي اكيد هي اللي عامله مش انتي بس زي العسل يا حماتي الاكل والله
خديجه بغيظ: والله بقولك انا علي فكره
ليلي بضحك: هي اه مش انا
ايشان بابتسامة: ماشاء الله شاطره يا خديجه الاكل زي العسل من تحت ايدك تسلم ايدك
خديجه بابتسامة خجوليه: شكرا
ليلي: اهم حاجه خد بالك برضو
ايشان ضحك: حاضر دي في عيوني
خديجه: مامااا بالله خلاص بقا ايه الاحراج ده بقى فيا كفايه
ايشان وليلى ضحكوا على نرفزها واكسفها
ــــــــــــــــــــــــــــــــــــــــــــــــــــــــــ
ريتال راحت عند باباها بالفعل بعد تفكير واسرار كبير مع نفسها
ريتال كانت واقفه قصاد باباها ودموعها بتنزل منها
ريتال بدموع وحزن: بابا وحشتيني اوي يا بابا
الاب بقسوة: انتي اي اللي جايبك عايزه ايه
ريتال بدموع: عاوزك انت يا بابا نفسي احضنك كده و افضل معاك
الاب بغضب: والله دا علي اساس اني انا اللي جبرتك على جوازك من الباشمهندس رحيم اللي خدك مني
ريتال وهي تحاول تتماسك نفسها من العياط: بابا رحيم لقاني متبهدله في الدنيا ما رضيش يسيبني ما هانش عليه سيبني اتبهدل واتمرمط اكتر من كده ليه القسوة دي كلها
الاب بزعيق فيها وقسوة: امشي يا ريتال امشي وانسي ابوكي ابوكي مات من زمان
ريتال بوجع من كلامه في قلبها: لا لا ما تقولش كده بعد الشر عليك يا بابا يا حبيبي
خرجت ست من غرفه بكل غضب مسكتها من درعها وقالت بغضب شديد: اخرجي بره يا بت انتي يلا مش عايزه اشوف وشك هنا نهائي يلا غوري
ريتال بزعيق وعصبيه فيها: اوعي كده يا حربايه ده انا بكرهك بكرهك وهفضل اكرهك يا قذره يا اللي اخدتي مني بابا وحرمتيني منه
هي بغضب زقتها لورا وقالت: اقسم بالله لو نطقتي بكلمه زياده لقطع لسانك يا ريري يعني دا ابن الاكابر علمك اهو تعرفي تردي وتاخدي حقك يا توتو كنتي ميته ميته معنى الكلمه يا بنت ضرتي
ريتال بعياط شديد: ابن الاكابر ده ارحمني منك ارحمني من عذابك ومن قرفك حسبنا الله ونعم الوكيل فيكي يا شيخه حسبنا الله ونعم الوكيل ذنب ما انت دمرتيني واخدتي مني بابا
مرات ابوها بغضب فيها: اخرجي بره يا بت يلا اخرجي بره اخلصي يا حيوانه
ريتال بعند فيها: مش خارجه غير لما اسمع من بابا
الاب بقلب قاسي: وانا قولتلك امشي يا ريتال امشي مش هقولك تاني ولا اعيد كلامي
ريتال بعياط وحزن منه: بابا ليه كده يا بابا
اتجاهلها الاب تماما ريتال حصه انها انكسرت بسبب قسوة باباها عليها
ريتال لنفسها بعياط: مش اول مره يا ريتال مش اول مره دا مش جديد اللي بيحصل انتي اللي جيتي برجليكي يبقى انت اللي تخرجي برجليكي يبقى انسي انسي على كده واعتبري مات
وخرجت وهي بتبكي ريتال بشده وحزينه جدا من قلبها بسبب باباها سبب انه مفضل مراته عنها
مرات الاب بكره ليها: غوري في ستين داهيه دا انا ربنا فكني منك من زمان
ريتال وهي خارجه كانت سمعاها وكانت بتعيط ردت عليها وهي ماشيه خارجه: داهيه تاخدك
ــــــــــــــــــــــــــــــــــــــــــ
ريتال بعد وقت كانت وصلت شقتها مشوار طويل جدا طويل ومتعب عليها
قعدت على كرسي الانتريه وحطت ايدها على بطنها بألم ودموعها بتنزل منها وزعلانه جدا
رحيم كان جاه من الشغل
خرج من الاوضه في الوقت ده
ريتال قامت بخضه: رحيم انت جيت امتي؟
رحيم بهدوء تام: كنتي فين يا ريتال
في الوقت ده
ريتال بارتباك وعدم رد: ك كنت كنت فين؟
رحيم: اممم!!
ريتال بكذب وخوف منه: كنت كنت عند طنط ام سيف
رحيم: والله
ريتال: اه وانا اكدب عليك ليه يعني
رحيم دخل جاب التليفون بتاعه من الاوضه وخرج وشغل ليها تسجيل مكالمه كان اخر مكالمه بينه هو و أمنه
"رحيم بقلق شديد: طيب لما هي مش عندك هتكون راحت فين بس في الوقت ده برن عليها طلع تلفونها .. هنا يا خالتي
أمنه بقلق: والله مانا عارفه حتي هي ما جتش ولا حاجه. اسيل قالت انها من شويه انها بترن عليها علشان تروح هي وهي يشوفوا المدرسين ويشوفو مواعيد الدروس امتى
رحيم اتنهد بغضب: انا هشوف الكاميرات واشوفها نزلت من امتى اطمنك ان شاء الله
أمنه: ان شاءلله خير يا سيف ان شاء الله هتكون هنا ولا هنا"
قفل التليفون وحدفه على كرسي وبصلها بغضب معمي
رحيم: اخر مره كنتي فين يا ريتااااال _ واخر حاجه طلعها بصوت عالي جدا
ريتال بخضه وخوف منه: رحيم ا انت
رحيم قطع كلامها بقلم نزل على وشها جامد خلي وشها كله بقى احمر وايده وصوابع الخمسه علمو على خدها
ريتال بانهيار: انا بكرهك يا رحيم بكرهك وطلقني انا مش هفضل معاك انت متجوزني مخليني معاك عشان تحميني صح انا خلاص ما بقيتش عايزك في حياتي ولا بحبك ولا عايزك تحميني طلقني طلقني
وكانت بتتكلم وهي منهاره في العياط مقهوره .منه الكلام بيطلع بصرخه منها
رحيم مسكها من شعرها بغضب: اقسم بالله العظيم طلق ما هطلقك وياكي اشوفك تخرجي بره باب الشقه غير باذني انا فاهمه ولا لا
ريتال بصرخه وعياط: لا لا مش فاهمه وسيبني بقى عشان اغور من حياتك علشان انا مش بحبك اصلا
رحيم بقسوة عليها: مش عاوز حبك ده مش عاوزه منك بس طلق مفيش طلق وغصب عنك كمان
كنتي فين هاااا كنتي فين كنتي عند ابوكي صح؟
ريتال بعياط وعصبيه: اه اه كنت عند بابا ملكش دعوه بيا
رحيم بغضب وزعيق: مش ابوكي ده اللي باعك ليا وقبل كده كان بايعك لحد تاني برضو
ريتال بقت منهاره في العياده بسبب كلامه ليها: اااااه كفايه بقا كفايه انا بكرهكم كلكم بكرهكم كفاااايه
انا همشي واسيبك وابعد عنك زي ما سبت بابا وانا ما بقتش عايزه حد فيكم اساسا
زقها رحيم راحت وقعت على الكرسي وراح قفل الباب بالمفتاح .. واخد المفتاح و اخد النسخه اللي معاه و معاها وشالهم منها
ريتال بصرخه وعياط: افتحلي يا رحيم افتحلي الباب عايزة امشي من هنا
رحيم بقسوة : مفيش خروج من هنا لو هتموتي كده
ريتال بصرخه: رحيم انا بكرهك بكرهك
راح داخل الاوضه بتاعته بتاع المكتب وقفل الباب في وشها وخبطه جامد
وسابها منهاره في العياط وعماله تكسر كل حاجه في الشقه