وصلوا المكان وسليم ركن العربيه ونزلوا..
ضحي: يلا عشان نلحق..
سليم: هو طابور ما تهدي..
رُقيه ضحكت وقالت: لا بس عايزين نشوف صاحبتنا وهي داخله كده..
سليم: ده مهم يعني..
رُقيه: مهم جدا بالنسبه لنا...
سليم: عليكوا حاجات غريبه..
ضحي: رقيه انتي ماشيه كده ليه؟
رُقيه بزهق: مش عارفه امشي بالكعب ده مش متعوده..
ضحي: امم..طب ولبستيه ليه؟
رُقيه: عشان الدريس يا بنتي..
سليم ضحك وقال: بس؟
رُقيه ضحكت وقالت: انتي بتتريق عليا..بعدين انا مش قصيره اوي يعني..
سليم ضحك وقال: اه فعلا..احنا الي طوال بس..
رُقيه: ايوا دي حقيقه..
ضحي ضحكت وقالت: اهي صدقت..
رُقيه: قصدك ايه يا بت؟
ضحي راحت ومسكتها من ايديها وقالت: يلا يا حبيبتي عشان لو فضلتي ماشيه كده مش هندخل انهارده...
سليم ضحك عليهم..
بعد شويه كانوا دخلوا وقعدوا..
رُقيه بابتسامة: طالعه قموره اوي..
ضحي: ايوه بجد..عقبالك كده وهفضل ارقصلك طول الفرح..ومش هجيب سليم معايا...
رقيه ضحكت وقالت: اه عشان تاخدي راحتك بقي..
ضحي بصوت واطي: لا يختي لازم يبقي موجود..والا امي تزعل..
رُقيه: بتقولي ايه مش سامعه..
ضحي : لا دنا بفكر في حاجه..
رُقيه: طب يلا تعالي نروح نسلم العروسه ونفرح معاهم شويه..
ضحي بحماس : يلا..
سليم: علي فين..؟
رُقيه: راحين عند العروسه..
سليم: هتعملوا ايه؟
رُقيه: هنسلم عليها..ونرقص معاها شويه؟
سليم: ترقصوا لا مفيش رقص..
ضحي: طب الناس بتعمل ايه في الافراح يعني؟
سليم: بتقعد امال عاملين الترابيزات ليه؟
ضحي: يوه بقي عايزه ارقص؟
سليم: ابقي ارقصي في فرحك يختي..
رُقيه: طب خلاص مش هنرقص..هنقف بس..
سليم: طيب اما اشوف..اشاور لكوا تيجوا..
رُقيه: لا كده كتير بقي..
سليم: بتقولي حاجه؟
رقيه: لا..يلا يا ضحي..
ضحي قامت معاها..
ضحي: انا عايزه ارقص..مليش دعوه..
رقيه بابتسامة: تعالي هنبقي نرقص في الزحمه هنا..
ضحي: ايوا بقي..
بعد شويه كانوا بيسقفوا ويرقصوا مع صحابهم..
رُقيه: بت احنا باينين..
ضحي: تعالي في الزحمه هنا..
رقيه ضحكت وقالت : حاضر..
ضحي: الحقي ده شافنا..
رقيه: ازاي؟
ضحي: الحقي ده جاي..استني الحق ارقص علي الحته دي..
رُقيه ضحكت وقالت: بسرعه..
سليم كان واقف بعيد وعمال يشاورلهم...
رقيه: ده بيشاور...
ضحي: الواد ده فصيل..ده اللي هتتجوزه هينكد عليها...
رُقيه ضحكت وقالت: اه بجد..
ضحي: بس تعرفي حنين وجدع اوي..وشياكه مش كده؟
رُقيه بتوتر: ده سؤال؟
رُقيه: اه يا بت ايه رايك فيه؟
رُقيه: وانا اقول رأيي ليه؟
ضحي: عادي يعني..زي مابسألك علي اي واحد بس اخويا عسول صح؟
رقيه سكتت ثواني وابتسمت وقالت: اه حلو..قصدي يعني كويس..
ضحي ابتسمت بمكر وقالت: ايوا..ايوا..
سليم: ده اللي مش هنرقص..وانتي يا رقيه عماله تداري عليها ليه؟
رُقيه: انا!!..محصلش..
ضحي مدتله الموبايل وقالت: خد خد بدل ما انت عمال تحقق معانا كده..
سليم: اعمل ايه؟
ضحي: صورنا انا ورقيه..
سليم: طب يلا اقفوا..صوره واحده بس..
ضحي: حتي الصور بيعدها علينا..
سليم صورهم كزا صوره..
رُقيه: حلوين اوي..
سليم: يلا بقي صوريني يا ضحي..
ضحي : انت عارف مش بعرف اصور عدل..رقيه بتصور حلو اوي..تعالي يا رقيه صوريه..
رقيه: انا؟
ضحي: اه تعالي..
رقيه خدت منها الموبايل..وسليم وقف وبدأت تصوره..
ضحي وقفت وهي مبتسمة..وبعدين طلعت موبايلها وصورتهم وقالت بابتسامه: لايقين علي بعض اوي..
رُقيه اتوترت وقالت: ضحي!!
سليم ضحك وقال: هي بتقول ايه دي..
ضحي في سرها: يا غبيه ياضحي.. مش قصدي حاجه بقول كده عادي يعني.
رقيه كانت لسه متوتره وقالت بهدوء: اتفضل صورتك كزا واحده..
سليم: شكرا..يا رقيه..
رُقيه: العفو..وراحت وقفت جنب ضحي وقالت: ايه اللي قلتيه ده كسفتني..
ضحي: مكنش قصدي..اصله شكلوا كان حلو فقلت عادي..
رُقيه: اه من لسانك ده..
" رقيه رغم الزهق الي بان عليها بس فضلت الكلمه تتردد في دماغها...وكانت حاسه باحساس حلو مش فاهمه سببه ايه"
>>>>>>>>>>>>>>>>>>
تاني يوم في الكليه..
رُقيه وضحي كانوا واقفين بيتكلموا بعد المحاضره، وضحي كانت ماسكه موبايلها وبتراجع حاجه..
فجأة واحد من زمايلهم وقف قدامهم وقال بابتسامه: ايه يا ضحي.. انا واقف جنبك من..بدري مش بتسلمي ولا ايه؟
ضحي بصتله باستغراب وقالت: هو انا اعرفك عشان اسلم عليك؟
الولد ضحك وقال: انتي مش عارفني بجد؟
ضحي: ايوا لو عرفاك هقول لا ليه؟
الولد: طب ما تتعاملي معايا كويس شويه.
ضحي: ليه؟ هو انا مضايقاك في حاجه؟
الولد: لا بس انتي دايمًا بتقفلي الكلام بسرعه.
ضحي : أصل مفيش كلام بينا أصلًا.
رُقيه : يلا ي ضحي..
الولد: استنوا بس طب نتعرف بقى ويبقي فيه كلام..
ضحي: لا شكرًا..مبتعرفش
الولد: طب خلاص يا ستي..كنت بهزر.
ضحي: وأنا عارفه إنك بتهزر..بس يلا عشان عندنا محاضره.
الولد: ماشي..مع السلامه..
ضحي: في داهيه..
الولد مشي، ورُقيه بصت لضحي وقالت: ايه ده بجد..جاي يتعرف بالعافيه..
ضحي: أنا مش ناقصة وجع دماغ..يلا نشوف هنروح فين..
رُقيه: يلا..
وفي الوقت ده كان سليم طالع وشاف الولد وهو كان واقف معاهم..راح ناحيتهم..
سليم: ضحي.
ضحي لفت وقالت: نعم؟
سليم: مين اللي كان واقف يتكلم معاكي ده؟
ضحي: واحد من زمايلنا.
سليم: وكنتوا بتتكلموا في ايه؟
ضحي بصتله باستغراب وقالت: يعني كلام ملوش لازمه.
سليم: ازاي يعني؟
ضحي: عادي..كان بيهزر وخلاص ومشي.
سليم: بيهزر معاكي؟
ضحي: معرفش هو جه ووقف انا مالي..
سليم: ازاي تسمحيله يتكلم معاكي اصلا..وواقف يضحك كمان..
ضحي اتضايقت وقالت: اعمل ايه..هو قال كلمتين وأنا رديت عليه وعرفته حدوده وخلاص..
رُقيه : يا سليم هي أصلًا مردتش عليه زي مانت فاكر ولا اديته أي اهتمام، هو اللي كان بيحاول يفتح كلام معاها.
سليم بص لرُقيه وقال: رُقيه أنا بكلمها هي.
رُقيه سكتت لحظه، ملامحها اتغيرت..
رُقيه: تمام..براحتك..ومشيت..
ضحي: رُقيه استني.
رُقيه..مشيت وهي متضايقة.
ضحي بصت لسليم بعتاب وقالت: مبسوط كده؟
سليم: أنا قولت لها إيه يعني؟
ضحي: طريقتك ضايقتها وهي كانت بتقول اللي حصل..
سليم: بس انا كنت بسألك انتي..
ضحي: وهي قالت ايه يعني..
سليم سكت وبص علي رُقيه وهي ماشيه..
ضحي: أنا رايحة وراها..ومشيت..
" وسليم فضل واقف مكانه شوية، وهو حاسس إنه متضايق عشان زعلها"
>>>>>>>>>>>>>>>>>
رقيه كانت قاعده اوضتها وكانت مضايقه وبتحاول تلهي نفسها في اي حاجه بس لسه مضايقه رمت الكتاب من ايديها وقالت: ازاي يكلمني كده..ماشي انا بقي هحط حدود..ومش هدخل في حاجه تاني..
بني ادم غريب بحسه بحالات بجد..
تاني يوم في الكليه..
رُقيه كانت واقفة مع ضحي، ولسه بتتكلم معاها، لحد ما لمحت سليم جاي من بعيد.
سليم أول ما شافها بص ناحيتها ومشي ناحيتهم..
رُقيه شافته، لكن أول ما عينيها جت في عينه بصت الناحية التانية واتجاهلته..
سليم قرب منهم، وبص لرُقيه بس هي قامت بسرعه وشالت شنطتها وقالت: يلا عشان المحاضرة قربت...ومشيت.
سليم فضل واقف مكانه وباصص عليها وهي ماشيه وساكت
ضحي : انا همشي عشان المحاضره يا سليم اشوفك بعدين..
سليم: تمام
بالليل..
رُقيه كانت ماشية لوحدها ناحيه عربيه القهوة، ولسه بتعدي من قدامه لقت سليم قاعد هناك..
سليم شافها وقام بسرعة.
سليم: رُقيه.
رُقيه وقفت وبصتله: نعم؟
سليم: استني بس..عايز أتكلم معاكي.
رُقيه: في إيه؟
سليم: انتي زعلانة مني؟
رُقيه: لا.
سليم: متأكده؟
رُقيه: هزعل ليه؟
سليم: يعني عشان اللي حصل امبارح..
رُقيه: لا انت حر تكلم اللي انت عايزه..
سليم: بس أنا مقصدتش أضايقك..
رُقيه: بس انت ضايقتني..
سليم سكت لحظه وقال بابتسامة: خلاص..حقك عليا.
رُقيه: بسهولة كده؟
سليم: أمال أعمل إيه؟
رُقيه: معرفش..
سليم: طب استني..خليكي واقفه..
رُقيه: ليه.؟
سليم راح ورجع شايل كوبايه قهوه في ايده..
سليم بابتسامة: خدي يا ستي..
رُقيه: لا شكرا..
سليم: امسكي بقي..
رُقيه: قلت مش عايزه انا همشي..
سليم: مانتي اصلا جايه عشان تشربي قهوه ميرضنيش تمشي فاضيه.. ولاانتي لسه زعلانه بقي.
رقيه: لا..خلاص حصل خير..
سليم بابتسامة: ايوا حصل خير..خدي بقي..
رقيه خدتها منه وقالت: شكرا..
سليم: العفو..كده عوده العلاقات ولا ايه؟
رقيه بابتسامة: عشان خاطر القهوه بس..
سليم: مش مهم الطريقه..المهم اتصالحنا..
رقيه ابتسمت وقالت: حلوه القهوه..
سليم: عشان ضميري سليم..
رقيه ضحكت وقالت: ايه العلاقه..
سليم: في الصلح يعني..
رقيه: اممم ماشي..
>>>>>>>>>>>>>>>>>>>
في الكليه..
رُقيه كانت واقفه قدام مكتب الدكتوره، ماسكه ملف في إيديها وبتراجع الورق وكان باين عليها التوتر...
ضحي: انتي مالك متوترة كده؟
رُقيه: عشان لازم أقدم الورقة دي للدكتورة النهارده، ولو اتأخرت هتضيع عليا.
ضحي: يا بنتي اهدي..ما انتي مجهزاها من امبارح.
رُقيه: عارفه، بس خايفه متعجبهاش او كده..
ضحي: مش هيحصل حاجه..وان شاء الله تعجبها ادخلي بس..
رُقيه دخلت عند الدكتورة، وبعد شوية خرجت..
ضحي: ها؟ عملتي ايه؟
رُقيه: قالتلي أرجع لها بعد المحاضرة عشان أقدمها، الحمد لله..اهو الحق اراجعها تاني..
ضحي: طيب..رجعيها براحه..
رُقيه: طب استني ثانية..
فتحت الشنطة وبدأت تدور فيها، وبعدين فتحت الملف مرة واتنين.
ضحي: في إيه؟
رُقيه: الورقة..
ضحي: مالها؟
رُقيه: مش لاقياها.
ضحي: أكيد في الملف.
رُقيه: مش موجودة...ازاي؟
فضلت تقلب في الشنطة بسرعة، وكل ما تفتش أكتر كان توترها بيزيد.
رُقيه: لا لا..مستحيل..أنا كنت حطاها هنا.
ضحي: طب اهدي ونفتكر آخر مرة كانت معاكي فين.
رُقيه: كانت معايا وأنا داخلة للدكتورة..وبعدين حطيتها في الملف..أكيد وقعت مني.
ضحي: طب تعالي ندور.
رُقيه: لازم ألاقيها يا ضحي..دي أهم ورقة معايا.
وفي اللحظة دي سليم كان معدي من بعيد، ولما شافهم واقفين بالشكل ده قرب منهم.
سليم: في إيه؟
ضحي: ورقة رُقيه ضاعت.
سليم بص لرُقيه وقال: ورقة إيه؟
رُقيه: ورقة مهمة..كنت هسلمها للدكتورة، ومش لاقياها.
سليم: طيب اهدي..هنلاقيها.
رُقيه: أنا مش عارفة وقعت مني فين.
سليم: آخر مرة كانت معاكي إمتى؟
رُقيه: قبل ما أدخل للدكتورة..كنت حطاها في الملف..
سليم: طب إنتي كنتي واقفة فين قبل ما تدخلي؟
رُقيه شاورت علي المكان وقالت: هنا.
سليم: طيب تعالي ندور واحدة واحدة.
ضحي: أنا هدور عند الباب هنا..
رُقيه: أنا هروح أشوف عند المدرج.
سليم: طيب دوري براحه..
رُقيه: بس أنا ممكن أكون وقعتها في أي مكان.
سليم: طب ممكن تهدي..احنا بندور اهوه..وان شاء الله نلاقيها
رُقيه بصتله لحظة، وبعدين هزت راسها: ماشي.
سليم كان بيبص على الأرض وتحت الكراسي وهي كل شوية تفتح شنطتها تاني كأن الورقة ممكن تظهر فجأة.
ضحي : لقيتيها؟
رُقيه: لا!
ضحي: ولا أنا!
بعد دقائق سليم كان لسه بيدور بعينه في المكان.
سليم: إنتِ متأكدة إنك دخلتي عند الدكتورة بالورقة؟
رُقيه: أيوه..أنا فاكرة إني كنت ماسكاها.
سليم: طب قبل ما تدخلي كنتي قعدتي فين؟
رُقيه سكتت شوية وقالت: استني..كنت قاعدة على الكرسي اللي هناك وأنا براجعها.
سليم: استني اشوف هناك...
سليم: رقيه!
رُقيه: إيه؟
سليم بابتسامة: دي؟
رُقيه بصت للورقة واتنفست براحه..وقالت: أيوه!! هي دي..
رُقيه: الحمد لله..أنا كنت هموت من التوتر.
سليم ضحك: كل ده عشان ورقة؟
رُقيه: ورقة إيه بس..دي كانت هتضيع عليا حاجه مهمة.
ضحي قربت منهم وقالت: الحمد لله يا ستي..أنا كنت خلاص هقولك نعمل إعلان في الكلية.
رُقيه ضحكت: والله كنت هعمل كده.
سليم: المهم إنك لقيتيها.
رُقيه بصتله بابتسامة: بجد شكرًا يا سليم..لوحدي مكنتش هعرف أدور كده.
سليم: ولا يهمك..المرة الجاية خلي بالك منها بس.
رُقيه: حاضر.
ضحي ضحكت وقالت: رُقيه كان فاضل ثانيه وتنهار رسمي.
رُقيه: ده بجد..الحمد لله
سليم ضحك وقال: يلا عشان تلحقي الدكتورة قبل ما الورقة تضيع تاني..
رُقيه: خلاص بقى..مش هتضيع...مسكها بكل قوتي اهوه
سليم : طيب روحي وابقي قوليلي عملتي ايه..
رقيه بابتسامة: حاضر..
>>>>>>>>>>>>
رقيه: بس هنا..شكرا يا سليم..
سليم بابتسامة: العفو..
رُقيه: مع السلامه يا ضحي..
ضحي: سلام يا حبيبتي..
رقيه مشيت..بس سليم فتح الازاز وندي عليها..
سليم: رقيه!!
رُقيه لفت وقالت: نعم..
سليم: مش ناسيه حاجه..
رقيه بصت علي شنطتها وقالت: لا الشنطه معايا..مفيش حاجه..
سليم رفع موبايلها وقال: طب وده..
رُقيه: ايه ده موبايلي كنت هعمل ايه من غيره بجد..
رُقيه خدته منه وقالت: يعني شكراا للمره المليون..
ضحي ضحكت وقالت: سليم المنقذ بتاعك انهارده..
رقيه بابتسامة: ايوا فعلا..
سليم ابتسم وقال: معنديش مشكلة ابقي كده طول الوقت..
رُقيه ابتسمت وقالت: لا هتعبك كده..
سليم بابتسامة: فداكي يا رقيه..
رقيه هزت رأسها بابتسامة...وقالت: يلا سلام..
" ومشيت وهي وشها عليه ابتسامة واسعه وشعور حلو ماليها..بسبب كلمه قالها."