رواية انجدني من الغرق الفصل الخامس5بقلم امل بكر
-ليال !..
اخد نفسي وبصتله بتوتر،
-نعم ؟!
-سلوي فين ؟!!
-ماما لسه في عيد ميلاد صحبتها
-انتي مروحتيش لي ؟!
-روحت ورجعت دماغي وجعتني
-كلمتي حد وانتي راجعه ؟!
بتوتر :
-حد مين ..لا مفيش حد
-امم طب كويس يلا انا هنام
طلعت اوضي وانا بقفل الباب بخوف وبرقت بصدمه لما افتكرت كلامه محامي!!! وماشي مسطره !! ده شكله يقصد صالح ايوه مفيش غيره
فضلت امشي في الاوضه بتوتر ،
-معقول بابًا ممكن يأذيه!!! طبعاً ممكن لو صالح ده فكر يعمل حركه غلط او يبلغ مثلاً
لا لا بس هو لو كان عايز يبلغ كان زمان الشرطه عندنا في البيت … ولا هو مستني يجمع معلومات علشان يمسك حاجه
نفخت بزهق وطلعت البلاكونه اشم هوا هو انا لي خايفه اكيد مش عليه انا خايفه لبابا يدخل السجن !! ولا يحيي كمان وانا !!هو ممكن يقول اني انا كمان عارفه
دموعي نزلت ،
-لا لا مش معقول انا مش هدخل السجن ولا اي حد من اهلي انا مش هسمحله يعمل حاجه زي كده
شوفت يحيي بيوقف عربيته وواحد بيساعده ينزل منها ركزت اكتر لاحظت انه مش ماسك نفسه !! نزلت جري علي تحت وفتحت الباب والشاب الي معاه كان هيرن الجرس ابتسم وهو بيبصلي
-ازيك ليال مش كده ؟!
بصيت علي يحيي ومسكت دراعه بخوف ،
-ماله هو مش فايق لي ؟!!!!
بابتسامه وهو بيبصلي ،
-متقلقيش هو بس تقل في الشرب
-هيييي حشـ يش!!!!
-لا لا خمـ.را
-طب شكراً سيبه وانا هطلعه
-لا هطلعه انا مش هتقدري عليه
برفض شاورت للحارس الي علي الباب ولكنه مش واخد باله مني فمشيت خطوه ناحيته وبصيت ورايا لقيت الشاب ده بيبصلي
قولت بنرفزه ،
-انت بتبص علي اي !!!!
مردش عليا واتعدل ولف وشه ندهت الحارس قولتله يجي يطلع يحيي اوضه شاله وطلعه
-شيل ايدك علشان اقفل الباب
انتبه علي نفسه من نظراته وبعد وانا قفلت الباب كان هيقول حاجه ولكنه واضح جداً واحد نظراته مقرفه هيقول اي يعني زي طارق كده
طلعت ليحيي اوضه وقلعته الجزمه ومسحت علي شعره وقولت ،
-انا مش فاهمه انت بتعمل في نفسك كده لي !!
قلعته الشاكت الي لابسه وشغلت التكيف وقبل لما اطلع سمعته بيتمتم قعد علي السرير علشان اسمع
-انـا م مش ضـ عيف ا انا م مش مرتـ اح
اتنفست وغطيته كويس وطلعت وقفلت الباب ورايا
دخلت اوضي من تاني ورجعت ابص في البلاكونه من تاني هو لي انا رغم اننا في مستوي كويس مش مرتاحه ولا حاسه باي نوع من السعاده لي !!!
قفلت عيني بتعب وكنت هدخل انام ولكني شوفت ماما الي داخله من بوابه الفيلا وهي بتروح يمين وشمال
-دي شكلها شاربه هي كمان !!
نزلتلها وفتحت باب الفيلا ابتمست بدوخه وهي بتقول ،
-ليال بنـتي بتـستقبلني ع لي الباب؟!!
مسكت دراعها بهدوء ،
-بتشربي لي ياماما بس !!!
بصتلي وقالت ،
-بشرب علي حياتي ا اه
-بس ياماما انا هدخلك اوضه تانيه بابا هيصحي كده
بسخريه وصوت واطي ،
-يع يعني هو هيحس بيا
دخلتها الاوضه وهي رمت نفسها علي السرير قلعتها الهيلز الي علم في رجليها وكأن بتعاقب رجليها وبتجرحها علشان شكلها يبقي مظبوط !!
شلتلها الحلق الكبير الي لابسه وحطيته جمبها علي الكمدينو
غطيتها وقولت ،
-اجبلك حاجه ؟!
-اممم
-طيب يلا نامي
مشيت علشان اطلع ولكنها قالت بعدم وعي ،
-متب بقيش شبـهنـا يابنتي
عقد حواجبي بعدم فهم وقولت ،
-كفايه ياماما ونامي
مسكتتش وقالت بكسره،
-ا انا تعبـ انه ا وي
طلعت ودخلت اوضي اتنفست بخنقه وبصيت علي البلاكونه وقفلتها
-مش هقف تاني للمره الجايه الاقي الحارس نفسه سكران
نمت علي السرير وانا كلام يحيي وماما بيتردد في دماغي هما كده بيقولو الحقيقه ولا دي اثار الشرب عمري ماجربت فا مش عارفه !!
"""""""""""""""""""""""""""""""""""""""
"روحت مكتبي قابلني السكرتير علي السلم "
-ازي حضرتك ياحضره المحامي
-بخير ياشريف انت كويس
-بخير في نعمه والله
-ديماً
فتح الباب وشاورلي بايده ،
-اتفضل انا متأسف كان لازم اوصل قبلك
رديت ببساطه وابتسامه ،
-حصل خير بس متتكررش
ابتسم شريف بهدوء ،
-من عنيا
"شريف في كليه قانون ونفسه يطلع محامي وطلب يشتغل معايا ويحاول انه يستفيد مني وانا وافقت لاني شوفت فيه نفسي واجتهاده كان جادي مش واحد بيهزر رغم ان الي في سنه بيبقي حابب قاعده القهوة اكتر الاغلب يعني "
-اعملي قهوة ياشريف
-ثانيه وتوصلك
دخلت مكتبي وقفلت الباب قعد علي المكتب وفضلت افكر بتردد ولكني مسكت موبايلي واتصلت بصاحبي "سالم "
-اخيراً افتكرتني والله ياشيخ اتصدمت لما لقيت اسمك بيرن
ضحكت وانا بحط ايدي علي دماغي ،
-ياعم انا واحد مشغول خلي عندك حسن ظن بقي
-اه اه ماشي عايز اي يعني ؟!
-اي ده والله هقفل
-خلاص ياعم بهزر انت وحشني اوي والله فينك
-في الشغل
-هتخلص امتي صحابنا هيجو علي القهوة بتاعتنا
-مظنش هعرف ورايا قضيتين انهارده
-ربنا يفوقك ياحبيبي
-يارب تسلم
-ماله صوتك ادخل في الموضوع علطول
-فاضي تجيلي عايزك في موضوع
-لا لا نيجي لحضره المحامي بشحمه ولحمه!
-بلاش افوره ساعه الاقيك مرزوق قدامي
-ماشي ياعم انت تؤمر اجبلك مصاصه وانا جاي
-لا هاتلي الرضعه اقفل ياسالم بدل مااجبلك انا المصاصه
-فك ياعم انا غلطان يعني بفرفشك
-اخلص ياسااالم
"قفلت معاه وضحكت غصب عني هو راجل بس عيل مفيش منه خمسه "
شريف خبط ودخل ،
-القهوة
-شكراً ياشريف
-العفو تؤمر بحاجه تانيه
-تسلم
-انهارده هيجي مسعد
بتذكر ،
-اه الي مراته مش عايزه تخليه يشوف بنته ؟!
-ايوا هو بعد لما قالت ان خلاص هيشوفها وقت لما يحب رجعت تاني تمنعه من رؤيتها اخد معاد وقولتله يجي الساعه تلاته
-طيب كويس انك عملت كده
-ربنا يوفقك ياحضره المحامي
-تسلم ياشريف امتحاناتك امتي ؟!
-اخر يوم اخر الاسبوع ان شاء الله
-بالنجاح عايزين تقدير
-ده اكيد بإذن الله انا قطعت نفسي مذاكره
-متقلقش خير
-يارب هطلع انا علشان معطلكش
بعد وقت اجي سالم وقعد قدامي علي كرسي المكتب
-هااا ياعم مالك احكي
-مش عارف المفروض اعمل اي
-الله امال انا هنا لي !!! لحل فك الاسحار ورد المطلقه ومسح التراب من علي الشبابيك بالعصا السحريه ووو
بابتسامه ،
-بس ياسالم ياحبيبي
-قول ياحبيب اخوك مشكلتك ماهو انا مكتوب علي وشي حلال المشاكل ماتسمعوني مره انتم بقي
نهي كلامه بدراما
-ماهو انت ياسالم هيكون عندك مشكله اي يعني دكتور اطفال صدعت مثلاً!!..
-كويس انك عارف اني دكتور يعني سايب شغلي وجايلك
-سااالم
-هااا
-انت انهارده اجازه
غمزلي ،
-ايوه واخد بالك انت ماشي ياعم قول بقي مالك
"حكلته الي حصل من يومين حوار الراجل الي اتمسك في تسليم بضاعه مخـ.درات وعياله الي عارفين كمان وبنته الي مكنتش عايزه تتكلم زي ابوها ولكن اخوها اتكلم في الاخر بس هي بقي انفعلت لمًا قولت اني مش بحل انواع القاضيا دي "
-وانا ضميري مأنبني ومش عارف اعمل اي !!
اتعدل في قعدته واتكلم بجديه ،
-لا طبعاً اوعك تدخل نفسك في الحوارات دي انت متعرفش الناس دي ممكن تأذيك ازاي اكيد معندهاش قلب وممكن يعملولك حاجه
كمل كلامه وهو بيقول ،
-صالح ابعد الموضوع ده عن دماغك خالص اديني بقولك اهو
-انا محتار ياسالم
-لا متحترش لاخر مره هقولك اوعك تدخل نفسك في حوارات ملهاش لازمه
شبكت ايدي في بعض قدامي واتنفست ،
-فيلتهم قريبه من فيلتنا برده
-نهارك ابيض يعني همًا جمبك !!!!
-لا مش اوي بينا شارع اظن هي شاورت بس انا مبصتش
-هي مين دي الي شاورت ؟!
-بنت الراجل ده مع علينا خلاص بقي فكك
-بص ياصالح لو انت مش خايف علي نفسك خاف علي اهلك امك وابوك واختك اي !!! ممكن يأذوهم انت متعرفش ياصالح
هزيت راسي بتفكير ،
-مفكرتش في كده خالص
-لا فكر ياحبيبي بقولك اي عزله وانقلو في مكان تاني
-لا طبعاً هننقل علشانهم !!
-ابعد عنهم واهو انت كمان متفضلش عينك عليهم انت في الاول والاخر محامي ودي شغلتك وعقلك هيفضل ياكلك
-لا خلاص وانا هشوفهم فين تاني !!
-طيب اهم حاجه مش عايزك تشغل عقلك ياصاحبي الله يسترك
ابتمست وانا ببصله علي خوفه ،
-متقلقش خلاص انا اخاف علي اهلي برده
-بس تعرف جدع انك مقبلتش تبقي المحامي بتاعه
-انت عارف انا لما دخلت المهنه دي وانا عهد ربنا اني مش هحل اي حاجه بتغضبه
-ربنا يعينك هتلاقي الشغل في الاول قليل بس والله هتتيسر قريب
-يارب
-انت تعبت وتستاهل ربنا يوسع رزقك
-كله بوقته منعرفش الخير فين
"موبايله رن قام وقف وبعد مسافه ورد وانا فتحت الالب اشوف البيدج الي بنزل عليها كل فتره وفتره كلام يوعي كل شاب وبنت وفيه كمان قصص انا بعيشها بنفسي ولقيت ان فيه تفاعل والناس حابه كده وطبعاً فيه الي مش حابه ويكتب كومنت معترض علي كلامي ..بقي فيها خمسين الف متابع في مده قليله مش مهم العدد الاهم عندي الناس تستفيد وبس "
سالم خلص مكالمته وقال ،
-طب انا همشي انا
رفعت راسي وقولتله ،
-في حاجه ؟!كله تمام
-تمام مفيش حاجه دي مراتي الغدا وكده
قومت وقفت وانا بسلم عليه ،
-ماشي ياعم الله يسهلك معلش عطلتك
-لا متقولش كده شوف انت فاضي امتي وكلمني خلينا نتقابل
-ماشي خلي بالك من نفسك
-وانت كمان في رعايه الله
-في رعايه الله وحفظه
"قعد علي الكرسي من تاني وانا بنقل نظري علي الالب اخد نفس وكتبت "
"مهما كانت النهايه مغريه بس هي هتكون نفس النهايه هتغضب ربنا ! من غير تفكير ارفض علطول رضا ربنا احسن واجمل بكتير من ميلون معصيه هتغضبه ولو كنت فاكر انك كده خسرت فانا بقولك والله ابداً ربنا هيرزقك وهيعوضك بحاجه انت مكنتش تتخيلها خليك عندك يقين قوي انت بس وشوف عظمه وقدره ربنا في حياتك "
اخد نفس وابتسمت ابتسامه صغيره ودوست "نشر "
بدأت اشتغل وانا عندي يقين ان ربنا هيرزقني وهو في حاجه احسن من رضا ربنا !!
"""""""""""""""""""""""""""""""""""""""
صحيت الصبح لبست بنطلون چينز وتوب قصير اسود وعملت شعري ديل حصان وبعدين صفرته نزلت فطرت وكله كان قاعد بصيت علي ماما ويحيي الي شكلهم بقي احسن
حطيت اللقمه في بوقي من هنا وبابا اتكلم ،
-ليال هتنزلي انهارده تشتغلي
مكنش سؤال كان أمر بلعت الاكل بضيق وقولت ،
-بابا معلش انا مش عايزه ارفضلك طلب بس انت عارف انا مليش في الشغل يعني
-وماله يبقي ليكي
يحيي ادخل ،
-حضرتك يابابا عايزها تنزل الشغل لي!!
قال بهدوء ،
-علشان انت وهي بعد كده تشتغلو مع بعض وتعرفو ازاي تديرو الشغل كويس وتكتسبه خبره
قولت باستفسار وتردد ،
-بابا هو الشغل عربيات فعلاً ! و ولا يعني الشغل التاني ده ؟!!!
رفع عينه الحاده في عيني وانا قلبي دق بتوتر ملامحه بتخوفني من كتر جديتها!