رواية انجدني من الغرق الفصل السادس6بقلم امل بكر
قولت باستفسار وتردد ،
-بابا هو الشغل عربيات فعلاً ! و ولا يعني الشغل التاني ده ؟!!!
رفع عينه الحاده في عيني وانا قلبي دق بتوتر ملامحه بتخوفني من كتر جديتها!
-الشغل التاني ده هو الي مخليكم عايشين في المستوي ده ياهانم
سكت وكمل ،
-بس هرد عليكي لا ده شغل تصدير عربيات بجد يعني هبقي رايح الشركه دي اي فشخره!!!
-لا مقصدش سؤال بس
بصوت اعلا اتكلم ،
-متسأليش عايزه اي يعني مش عايزه تبقي زينا!!!!
هزيت راسي برفض بخوف وقولت بسرعه ،
-لا ل لا
بسخريه نطق ،
-اه فكرت يعني علشان تكوني عارفه دي هتبقي شغلتك
مسكت كوبايه العصير وشربتها بسرعه بلاعبكه وبابا نظراته متحاوطه عليا حسيت اني مش قادره اخد نفسي قومت وقفت ،
-انا شبعت
يحيي وجهلي الكلام،
-طب وانا خلصت يلا نمشي
-نروح فين ؟!!
بابا بنبره ضيق مني ،
-الشغل اخوكي مركز عنك خليكي زيه واتعلمي
هزيت راسي ،
-طيب هطلع اجيب شنطتي
طلعت اخد الشنطه ونزلت لقيت يحيي مستني بره في الجنينه وهو بيتكلم في الموبايل ،
-انا مش فاكر حاجه من امبارح !! بس مش مهم السهره كانت حلوه اوي
سكت بيسمع وبعدين قال بضحكه،
-عايز ليال معانا ماشي وماله هقولها يلا سلام
لف وشافني وانا اتكلمت ،
-مين ده ؟ وبيجيب سيرتي لي!!!! واجي فين !!
-اهدي علينا تعالي اركبي ونتكلم في الطريق
الحارس فتحلنا الباب الخلفي باحترام وفي الطريق يحيي اتكلم ،
-انتي الي فتحتي الباب امبارح وصاحبي الي معايا م
-ايوا ماله برده !!!
بصلي ،
-اهدي مانا بتكلم اهو !.
-عايزك معانا في السهره بتاعت انهارده باجهزي بقي
قفلت عيني لوله وفتحتها وانا بقول بنرفزه مكبوته ،
-يحيي انت بتتكلم جد عايزاني اجي معاك مكان زي ده علشان صاحبك قالك هاتها !!!!
-واي المشكله مانا معاكي
-بس يايحيي بس وقول لصاحبك ده يلم نفسه والا والله هزعله
مسكني من دراعي وضغط عليه ،
-ليال اعدلي كلامك
بسخريه وانا مستحمله ايده الجامده ،
-لي اخويا الكبير !!!
هو الحقيقه ميبانش ان يحيي اصغر مني من قامته العريضه ومن لحيته الي مدياه وقار
ساب ايدي. ،
-انتي اي مش بتحسي زي البنات ايدك موجعتكيش!!!
بصيت قدامي وانا بحاول ارد بثبات،
-لا انا مش بنت مسهوكه ومعرفش الحركات دي خليك في حالك
-انتي فعلاً مش طبيعيه !
مردتش عليه وصلنا قدام الشركه نزل مشا قدامي وانا مشيت جمبه نزل النضاره اول لما دخلنا العيون كلها بقت عليا بنظرات مستغربه اكيد اي الي جابني هنا!!!
دخلت مع يحيي مكتبه ونده واحد يجيله كان شاب محترم عينه مبصتش عليا حتي
استغربت جداً هو في حد بيقدر ميبصش!! غريبه
طلعت معاه بعد لما يحيي قاله انه يعرفني علي الشركه ويعرفني انا دوري هيكون اي قعدنا علي مكتب في وسط الشركه ووسط الموظفين كمان كان في بنات بتبص علينا ورجاله كمان وحاسهم مستغربين !!
قولت بزهق وانا برجع قصتي القصيره لورا ،
-بقولك اي انا تعبت كفايه
رفع عينه ليا ،
-لسه مخلصناش !
-مش مهم انا مش فاهمه اصلاً
-طيب خلاص هندهلك حد تاني تفهمه منه اكتر
-لا لا مقصدش كده انا يعني مش حابه ا
مكملتش كلامي وانا بفتكر اني مينفعش اقول كل حاجه انا عايزه اقولها
كملت كلامي بتعديل ،
-مرهقه انهارده يعني
-طب بصي معتش غير افهمك تعبتي ايميل ازاي
هزيت راسي باستسلام،
-طيب ماشي
فهمني والصراحه محترم وطريقته هاديه انا اول مره اشوف كده ولا انا الي عارفه ناس مختلفه معرفش
بعد شويه ،
-تمام احنا كده خلصنا لو حاسه انك مفهمتيش اوي ممكن افهمك تاني بكره ولو فاهمه فاشتغلي دلوقتي عادي
بخوف وبتوتر،
-لا لا ممكن أتأكد بكره انا بصراحه مش حاسه اني هعرف
-لي وانتي جربتي بنفسك
-لا ماهو ممكن يحصل غلطه مني وده شغل خليني اعيد بكره افضل
-علي راحتك انا هروح شغلي محتاجه حاجه تانيه ؟!
-لا معرفش هو في حاجه تانيه !!!
ابتسم بهدوء ،
-لاء
مشا ومعرفش راح فين وانا قومت بزهق واخد شنطتي وكنت هطلع ولكن قبلت بابا وهو طالع من الاسانسير
-خير راحه فين
-خلصت وماشيه
-خلصتي ازاي يعني الشغل مبيخلص دلوقتي
بعدم فهم ،
-يعني اي
-يعني الدوام بتاع الموظفين لسه مخلص
ضحكت ضحكه بسيطه ،
-بس انا مش موظفه يابابا
بحزم قال ،
-الاستاذ منصور او منصور باشا الي تحبي احنا هنا في شغل وبعدين انتي هنا موظفه عاديه
فضلت بصتله شويه باستغراب اتكلم هو ،
-اتفضلي ادخلي كملي شغلك
بخوف،
-بس انا لسه متعملتش كويس يابابا وخايفه ل
قرب مني وبص يمين وشمال ونطق بتحذير ،
-انتي بنت منصور يعني مش عايز اسمع كلمه خايفه دي تاني فاهمه
هزيت راسي بسرعه وانا بحاول امسك نفسي نفس الايد الي ضغط عليها يحيي ودلوقتي بابا بيكمل عليها
-يلا افردي ضهرك كده .. علشان اعرفهم انك بنتي
اخد نفس ومشيت جمبه وهو محاوط كتفي بحب مفيش غيري الي يعرف انه مش حقيقي وكذب
قربنا علي الساحه الي فيها الموظفين اتكلم بنبره حاديه خلت الكل ياخد باله منه كلهم وقفو ومستنين يتكلم
بابا قال وهو مازال حاطط ايده علي كتفي ،
-اعرفكم بنتي ليال هتشتغل هنا
بدء التهامس والاستغراب ولكن بابًا قطع الصوت ده بزهق ،
-هي هنا زيها زيكم موظفه عاديه والشغل حاجه والحياة الخاصه حاجه تمام ..وهي هنا بتتعلم
كنت مضايفه جداً من الكلام يعني اي ابقي موظفه عاديه وانا في شركه بابا نفسه حاسه ان شكلي مش لطيف بالمره قدام الناس دي ومش مبسوطه بكلامه ده !!!
بابا مشا معرفش راح فين اكيد مكتبه الفخم ولا حاجه وسابني انا هنا!!!
سألت واحده اني عايزه اشرب قهوه منين شاورتلي علي مطبخ كبير ادخل شمال وبعدين يمين
مشيت زي ماقالت وفضلت اندهه ومفيش حد موجود باستغراب
-ياعمو يالي هنا عايزة اشرب قهوة!!!!!
بصيت علي الي اتكلم من ورايا ،
-مفيش حد هنا
كان هو نفس الي بيفهمني بره ،
-يعني اي مفيش حد اي الاهمال ده !!!
-لا هو مفيش حد هنا اصلاً
-لا مش فاهمه ازاي الكلام ده ؟
-انتي الي بتعملي لنفسك الي عايزا
-اييي! انا اعمل لنفسي !!
هز كتفه ببساطه .
-ايوه !!
نفخت بزهق ،
-لا طبعاً انا مبعرفش اعمل قهوة ومقدرش مشربهاش برده
ابتسم بهدوء وهو بيلف وبيدخل المطبخ ،
-انا هعمل لنفسي مفيش مشكله اعملك معايا
قعد علي الكرسي وانا بفتح موبايلي ،
-اه ياريت بسرعه
كنت متردده ادوس علي رقم كارما ولا لاء حاسه ان اخوها منعها انها تكلمني هو واحد مش بيفهم من اساسه مش فاهما جاي من كوكب لوحده اخته احسن منه
بعدين قولت لنفسي ،
-احسن منه شبه ما يعني معإنها شبه برده وحاسها كمان شبه كلامه
قفلت الموبايل وحطيته في شنطتي ولقيته حط الكوبايه قدامي اخذها وقولت ،
-شكراً
-العفو
قومت وكنت همشي ولكن وقفني ،
-مكنتش اعرف انك بنت المدير نفسه
لفيتله وقولت ،
-هتفرق في حاجه !!
-اه طبعاً الكل هيكلمك باحترام
ضحكت بسخريه جوايا احترام قال ده انا موظفه عاديه زيه زي ،
-لا مظنش انا مش متكبره وبحب اتعامل عادي
قرب مني وقال ،
-يعني عادي اندهلك باسمك ؟!
بصتله شويه باستغراب وكأنه مش الشخص الي قولت عليه محترم من شويه
-اه عادي طبعاً
ابتسم ،
-شكلنا هبقي صحاب
ابتسمت وقولت ،
-يمكن … انا همشي
-طيب
"مشيت وانا مستغربه علي الاخر ممكن كان بيكلمني باحترام يعني قدام يحيي !!! غريبه بجد بس ماهو محترم يعني معملش حاجه ! "
خلص الدوام ومسكت شنطتي ودخلت الاسانسير بسرعه قبل لما بابا يشوفني ويقول كلام يضايقني
نزلت وفضلت اتمشي بعيد عن الشركه نهائي اتنهد بارتياح قعد علي كرسي في مكان عام طلعت موبايلي ورنيت بتردد علي "كارما"
الرنه خلصت كلها وهي مردتش قولت بضيق ،
-يمكن نايمه!!! او عاملا الموبايل سايلنت ايوا مفيش غير كده
قولت بنرفزه وانا بقفل الموبايل خالص ،
-انا مالي هموت واكلمها كده لي عادي يعني زي اي واحده اتعرفت عليها وبعدنا
قولت وانا بفوق نفسي ،
-مش انتي ياليال الي تجري ورا حد مش انتي ..انتي بنت منصور يعني هما الي يجرو وراكي
روحت وغيرت هدومي ونزلت اكل في المطبخ دخلت وسناء بتنظف المطبخ
-اعملك اي ياهانم ؟!
بضيق وانا بقعد علي الكرسي ،
-بلاش هانم دي بتخنقني قولي اسمي عادي
هزت راسها برفض ،
-مقدرش منصور بيه ولا سلوي هانم يبهدلوني لو سمعو
حطيت ايدي علي دماغي ،
-انا جعانه
-حاضر هعملك بس يعني شويه وهجهز الاكل كلي معاهم
-حطيلي دلوقتي وباكل تاني ياسناء
ضحكت وهي بتطلع الصنيه من الفرن ،
-ماشاء الله عليكي ياليال هانم بتاكلي وجسمك اي حكايه
بصتلها شويه وبعدين انفجرت في الضحك ضحكت هي كمان وهي مش فاهمه !!
-بتضحكي علي لا مؤاخذة ياهانم ؟!
حطيت ايدي علي بوقي وانا بحاول مضحكش،
-طريقتك ياسناء تفتص من الضحك
اتكلمت وهي بتحطلي الاكل في الطبق ،
-تعرفي ياليال هانم
-قولي ياسناء قولي !!
حطتلي الطبق قدامي وجابت شوكه وحطتها كمان ،
-انك غيرهم خالص
حطيت الاكل في بوقي ورفعت عينيا ليها وهزلتها راسي
-ابلعي ابلعي هجبلك عصير
قامت حطتلي عصير اخد منها شربت بوق وقولت ،
-غير مين ؟!..
قالت وهي بتبص لاخر المطبخ لحد يدخل ،
-اهلك يعني
ضحكت بمراره ،
-لاء ياسناء انا زيهم وبما انك عارفه حياتنا فانا مفرقش حاجه
-لا والله متقوليش كده انا كنت في البيت ده من وانتي في ابتدائي كنت بريئه ومازلتي والله العظيم بس بقي دنيا ومحدش بيختار اهله
لعبت في الاكل وانا ببص عليه ،
-كنت ياسناء كنت ومش هينفع ارجع تاني ليال الطفله البريئه… تعرفي ياسناء
قعدت علي الكرسي الي قدامي ،
-قولي ياهانم
ضحكت بغلب من هانم دي !!
-انا معرفش انا عايزه اي بس مقدرش اعيش من غير اهلي
-انتي معشتيش اصلاً ياحبيبتي علشان تقولي كده ولا عندك صحاب ولا حبيب ولا اي حاجه !!
بصتلها وكأنها فكرتي بس انا مش ناسيه كملت وهي بتحط ايديها علي بوقها ،
-انا اسفه والله العظيم مقصدش يعني كده ان…
قاطعتها،
-ده الحقيقه ياسناء انا معنديش حياة اصلاً
ابتمست وهي بتقول ،
-بس تعرفي والله العظيم ربنا هيعوضك بناس كويسه
رفعت عيني ليها ،
-هيعوضني ازاي ؟!!
سألتها سؤال جادي خلاها بصالي شويه بدهشه وعلشان انا بكره النظره دي قولت بسرعه
-اقصد صح عندك حق كفايه كلام بقي عايزه اكل
عنيها مفرقتنيش وانا كنت باكل بسرعه علشان اطلع ولكنها اتكلمت
-عوض ربنا ده بيكون جميل اوي بيجي بعد تعب وبعد طريق طويل وكأنها مكافأه
بصتلها باهتمام وانا عايزاها تكمل
-بس اهم حاجه ان الانسان يكون عنده يقين
قاطعتها ،
-يقين ؟!!..
ابتسمت وكملت ،
-يعني ثقه في ربنا وتكوني عارفه ان "بعد العسر يسرا" وان بعد الصبر فرج جميل اوي
-تقصدي اني لازم اكون واثقه في ربنا ؟!!
-بالظبط واثقه ان ربنا هيعوضك بالخير وبالاحسن اكيد بس الانسان لازم برده ميعملش حاجه تغضب ربنا ماهو لازم نعبد ربنا صح
-بس ازاي ي
قاطعني دخول ماما المطبخ ،
-اي ياسناء محضرتيش الاكل لي!!!
سناء قامت بسرعه ،
-حاضر في ثواني ؟!
ماما بصتلي ،
-انتي بتاكلي في المطبخ !!
كلامها وكأني عملت عاملا
-اه كنت جعانه
قربت مني ،
-مالاكل هيتحط اهو ..مش عايزه تاكلي معانا !!!'
-لا مش كده
-معتيش تاكلي في المطبخ تاني مينفعش كده
اتنهد بضيق وسيبت الاكل وطلعت الجنينه
كل حاجه لا و مينفعش واوعك وكأني روبوت بتحرك علي مزاج الكل بابا اجي ويحيي كمان دخلت علشان سناء حضرت السفره
شديت الكرسي وقعد وبدائنا ناكل عادي وبابا سألني بسخريه طفيفه،
-الشغل عجبك فهمتي اهم حاجه !!
-يعني مش اوي ل
قاطعني ،
-يعني اي مش اوي لي معندكيش دماغ مثلا!!!!
بص ليحيي وسأله ،
-مين كان بيساعدها انهارده ؟!!
يحيي رد عليه ،
-معتز
بصلي وقال ،
-طيب معتز ده شاطر جداً ازاي بقي مفهمتيش ؟..
-يابابا انا اقصد اني عايزه افهم تاني يعني
بتحذير قال ،
-بقولك اي انتي الكل عرف انك بنتي يعني عايز تكوني موهوبه بدرجه عاليا كمان في شغلك مفهوم !!!
بتوتر بلعت ريقي ،
-مفهوم يابابا
-كويس اما نشوف اخرتها معاكي ..واه حاجه تانيه مش عايز اي حركه تقصر فيكي وتعيطي تمام انا مبحبش الضعف
يحيي ادخل بسخريه ،
-تعيط اي ياحج دي مش شبه البنات بقت معندهاش دم اوي
بابا رد عليه بحده اخرصته ،
-طبعاً تبقي معندهاش دم احسن من مايعه !
يحيي هز راسه بربكه ،
-ايوه طبعاً
"بس انا بحس بكل حاجه ولكن مبقدرش افتح بوقي بكلمه وكل كلمه بتجرحني بس مينفعش اقول اني زعلت وعدم الاهتمام بيأثر فيا بس مينفعش اعبر عن الي جوايا والزعيق بيخوفني بس مينفعش اقول علشان مبقاش ممحونه والضلمه بتخوفني بس مينفعش اخاف لاني قويه ايوه ده الي بابا بيقولهولي وكأنه درس مهم واستحاله انسا طول عمري "
قومت طلعت اوضي وقعد علي الكرسي الي قدام المرايا وحطيت ايدي علي ماسكه يحيي الصبح وبعدها بابا
"غمض عيني بوجع وبصيت جمبي من البلاكونه أتأكد ان الحارس بعيد علشان مينفعش حد يشوف وجعي !!! تفكيري بقي علي الناس وبحاول ابقي ثابته عشانهم مش عشاني "
"حطيت مرهم علي دراعي وقومت اقف في البلاكونه شويه شوفت يحيي الي ركب عربيته ومشا اكيد راح السهره … دخلت جوه نمت بخنقه بقالها سنين مش بتروح ابداً نفسي لمره واحده انام وانا مرتاحه نفسي "
"""""""""""""""""""""""""""""""""""""""
-ياهانم اصحي بقي الفطار جهز
مسحت علي وشي ،
-طيب خلاااااص صحيت اهو
-ماشي اوعك تنامي يلا فوقي
غسلت وشي وغيرت هدومي چيبه سودا فوق الركبه وعليها بلوزه بيضه بنص نازله من علي الكتاف لبست كعب ونزلت اقعد معاهم افطر
يحيي اتكلم،
-ليال انتي هتروحي الشركه انهارده لوحدك
-لي؟!!
بابا رد ،
-ورايا انا واخوكي شغل بره الشركه
فهمت انه اكيد شغلهم التاني ،
-طيب ماشي
طلعنا كلنا الحارس فتحلي الباب ولكن قبل لما اركب بابا قال وهو بيقرب عليا ،
-اوعك تقولي اننا في شغل لو حد سأل يعني
-ماشي مش هقول حاجه
مسك خدودي وهو شكله فرحان ،
-شاطره
ركبت وصلت الشركه وصوت الكعب ماشي معايا خطوه بخطوه قعد علي المكتب بتاع امبارح وشوفت معتز ده
رفعتله ايدي وهو اجي ،
-ازيك اي الحلاوي دي ؟!
-شكراً انا بخير وانت
-الحمدلله اي نبدء لاخر مره ؟!
هزيت راسي ،
-اه ماشي هبدء اشتغل انهارده
شد كرسي وقعد جمبي وكنت منتبه كويس هو بيعمل اي علي الالب
-تمام شكراً فهمت
بصلي ،
-طب ياستي برافو لو احتاجتي حاجه انا معاكي
"كلمه بسيطه لاول مره حد يقولهالي!!"
-شكراً ليك يامعتز
حد نده عليه بصيت لقيتها بنت قربت منه وكانت بتتكلم بضيق واضح مكنتش سامعه لانهم بعدو ومعتز كان مضايق وبيرد عليها
"حطيت عيني علي الالب وحاولت مركزش معاهم ولكني رفعت عيني ليهم ومعتز مشي من قدامها بعد لما رفع صباعه وكأنه بيحذرها!!! دخل مكتبه الي في اوضه لوحده ! ده شكله مهم بقي ده انا نفسي قاعده وسط الموظفين !! البنت قعدت مكانها الي قدامي كانت بتبصلي بضيق واضح مهتمتش وكملت شغل "
اجي معاد البريك اتنفست براحه وانا بسند ضهري علي الكرسي بصيت علي الي واقف جمبي معتز ،
-مش هتاكلي ؟!
عدلت نفسي وقولت ،
-اه هنروح فين ؟!
-في مطعم في الدور الي تحت
قومت واخد شنطتي ورميت نظره علي البنت نفسها كانت مش طايقاني بالمره ،
-يلا بينا
ركبنا الاسانسير ونزلنا طلبنا اكل وبدئنا ناكل وهو دخل الحمام وانا قومت علشان انتهي وقت البريك ولكن لقيت البنت جايه عليا ومسكتني من ايدي وقالت بنبره كلها عصبيه بتحاول تتحكم فيها ،
-متفكريش انه هيحبك متحلميش كتير
بعد عنها وانا مندهشه بعدت عني ومشت اول لما معتز نده باسمي فضلت بفكر اي معني كلامها اكيد تقصد علي معتز بس لي بتقول كده !!
وقف قدامي ،
-هي البنت دي قالتلك حاجه ؟!
هزيت راسي بنفي ،
-لا لا مفيش حاجه
-تقدري تقولي متقلقيش
بصتله ،
-وانا هقلق من اي !!!
استغرب من ضيقي وقال بهدوء وابتسامه ،
-مقصدش متزعليش يلا بينا نطلع
"طريقته كانت مريحه كلام كتير بيقولهولي عمر ماحد قالهولي وكان نفسي اسمعه هو معقول ده العوض الي سناء بتقول عليه ؟! "
طلعنا وبدئت ارجع لشغلي ولكن في رساله اجت علي الالب قلبي وقف بخوف ومعرفتش اتصرف روحت بسرعه خبط علي المكتب بتاع معتز واول لما شافني من ورا الازاز ابتسم وقال ،
-ادخلي
دخلت وانا بقول بسرعه ،
-معتز ممكن تيجي معايا في رساله اجت وانا مش فاهمه اي دي !!
قام بسرعه وقال ،
-طيب تعالي
روحنا فعلاً وهو بصلي وقال ،
-الايميل الي انتي حولتيه كان غلط ياليال!
طلعت بجسمي بتوتر وقولت ،
-يعني اي غلط يعني انا بوظت الشغل !!؟
حاول يهديني ،
-متقلقيش انا بحلها اهو
كنت متابعا وكنت متوتره جداً ومن شخص واحد بس وهو بابا وكنت خايفه لمعتز يقوله حاجه
بعد شويه قعد بصتله وانا علي اخري ،
-عملت اي حلتها ؟!…
بصلي،
-متقلقيش وانا معاكي
بلعت ريقي بتوتر من كلامه كل كلامه غريب عليا وحلو كمان
-طيب يعني اتحلت ؟!
-اهدي اتحلت والله بس ياريت تركزي بعد كده يعني علشان منصور باشا مش بيحب الغلطات
فوقت علي نفسي اول لما جاب سيره بابا وقولت بسرعه ،
-بص هو مش لازم تقوله يعني طالما حلينها
حسيته استغرب وقال ،
-هو اه مش بيحب الغلطات بس انتي بنته مظنش انه هيكلمك
-ولو بلاش يضايق تمام
-ماشي ياستي ولا تقلقي هرجع مكتبي لو احتاجتي حاجه تعالي
-طيب شكراً يامعتز
-العفو
دخل مكتبه وانا حطيت ايدي علي دماغي انا مبحبش الشغل ولا بعرف اتصرف وبابا مُصر اني اعمل كل حاجه بكرها نفسي يطلب مني حاجه واكون حابها
بعد شويه وقت الشغل خلص لميت حاجتي وانا مازلت بفكر في كلام البنت دي !!
معتز نزل معايا في الاسانسير فتح عربيته وقالي ،
-فين عربيتك؟!!
-لا انا لسه مجبتش عربيه
بهزار ،
-احسن برده تعالي اوصلك
-لا لا انا هروح لوحدي
-انتي خايفه ؟!
نفيت راسي بسرعه ،
-لا طبعاً انا مبخافش
عقد حواجبه باستغراب شويه وقال ،
-طب يلا تعالي اركبي
اتنهد وفتحت الباب الي جمبه وركبت طول الطريق عمال يتكلم عن مراهقته وحياته بشكلٍ عمومي وانا بسمعه وانا بقارن نفسي بيه !! ده انا معشتش حاجه بقي !
-اقف هنا ؟!
-اه اه هنا شكراً ليك تعبتك
-لا خالص لو معندكيش مانع احب اوصلك بعد الشغل
-لا لا مش للدرجه بعد كده هخلي عربيه تيجي تاخذني مفيش مشكله
-ياستي اعتبريني السواق بتاعك
ضحكت وقولت ،
-طب شكراً اشوفك بكره
-ماشي مع السلامه
"دخلت وانا مبتسمه ان في حد مهتم بيا ولكني كشرت لا اكيد ده زميل عادي مش حوار "
دخلت قابلت ماما في الجنينه مع اصحابها يوووه وطنط نڤين مامت طارق موجوده قربت سلمت عليهم بسرعه علشان اطلع
طنط نڤين اتكلمت ،
-ليال حبيبتي مشيتي من عيد ميلادي بسرعه زعلت منك
ابتسمت بتصنع،
-دماغي وجعتني وكنت عايزه انام
-كنت خلي خطيبك يوصلك
-خطيبي !!!
رفعت كتافها ،
-ايوه طارق خطيبك مالك ؟!
سكت وهي ضحكت بصوت عالي وهي بتكلم صحابتها وماما .
-شكلها مكسوفه حبيبتي.. بس متقلقيش هنعمل خطوبه قريب