رواية بريئه في حضن الشيطان الفصل الخامس5بقلم اميرة خالد
اما نور الدين كان قاعد في مكتبه قدام صوره ابنه
وهو بيقول حقك عليا ما حافظتش على امانتك بس ان شاء الله هصلح كل حاجه في اقرب وقت
ومسك التليفون واتصل على المحامي وطلب منه انه يجي له وقفل معاه وفضل يبص للصوره
اما في الجامعه عند شيري كانت قاعده مع اصحابها في الكافتيريا
وقالت ساره ايه شيري مش هنخش المحاضره ولا ايه
ردت شيري ما تسيبك من المحاضرات والجو ده نبقى ناخد المحاضرات من العيال الدحيحه دولت
ردت ساره براحتك انا هخش انا المحاضره وجت تقوم
قال فادي ايه يا ساره مالك النهارده مهتميه بالدراسه قوي يعني
ردت عليه اصل انت ما تعرفش بابي هددني اني لو ما نجحتش السنه دي والتقدير هياخد مني العربيه والكريدت
ردت شيري تزعليش يا ساره ويلا هخش معك المحاضره ودخلوا المدرج وكان زحمه وراحوا قعدوا في اخر بنش
وقالت ساره احنا كده هنفهم الدكتور بيقول ايه
ردت شيري لا يا اختي هتفهمي السماعات ورانا اهي
قالت لها طيب ودخل الدكتور وبدا المحاضره بعد وقت وكتب معادله
وقال مين يقدر يحلها والكل شاف المعادله انها صعبه وكذا شخص يحاول يحلها
لغايه ما شخص حلها وقال انا حليتها يا دكتور
رد الدكتور باستغراب حلتها ازاي يعني
رد عليه حليتها
قال له طب فاهمني انت حليتها ازاي
رد عليه حضرتك اصلا كاتب المعادله غلط والمعادله الاصليه بتتكتب كده
وقعد يشرح له المعادله وشيري انتبهت لشرحه وفهمت منه المعادله احسن من الدكتور
رد الدكتور برافو عليك انت اسمك ايه
رد عليه اسم عز يا دكتور
قال له انا في سؤال محيرني انت عرفت المعادله دي منين مع انها مش مكتوبه في الكتاب
رد عز اصل كنت في المكتبه بعمل بحث لحضرتك واتفاجئت بيها في كتاب وحاولت معاها كذا مره لغايه ما فهمتها
رد الدكتور شاطر وان شاء الله هيكون ليك مستقبل وتكون معيد هنا في الكليه
رد عز شكرا يا دكتور وقعد مكانه والدكتور خلص المحاضره
وشيري قالت مين الولد ده
رد فادي ده يا ست دحيح الدفعه وبيطلع الاول على طول حتى داخل الكليه بالمنحه بسبب انه طلعت تاني على الجمهوريه في الثانويه العامه
ردت شيري ممتاز
و قالت ساره بس غريبه انا عمري ما شفته هنا
رد فادي ما هو ما بيصاحبش حد وعلى طول لوحده
وشيري فضلت سرحانه فيه اما عز خلص المحاضره وخرج
وفي مكتب رحمه خلصت الشغل اللي معاها
ودخلت ليليان وقالت لها يلا بينا يا رحمه عشان الاجتماع
قالت لها طيب وخرجت معاها وفضلوا يتكلموا في الشغل وركبوا العربيه
اما في القصر خرجت مشيره ركبت عربيتها ومسكت التليفون وقالت له قابلني في مكاننا ومشيت بالعربيه
وبعد دقائق وصل المحامي ودخل مكتب نور الدين وقعد
وقال المحامي ايه اللي حصل يا نور بيه
رد نور الدين انا عايزه اكتب وصيتي
رد المحامي طب ما احنا كاتبينها
رد نور الدين لا هغير حاجات فيها
رد المحامي اتفضل
وقال نور الدين طلباته كلها
رد المحامي تمام يا فندم كتبتها تاني من اول وجديد لازم حضرتك تمضي هنا وادي الوصيه القديمه اللي حضرتك طلبتها ان اجيبها معايا
واخدها نور الدين ومسك الولاعه وولع فيها ورماها في الباسكت والمحامي استاذن ومشي
ونور الدين قال كان لازم اعمل كده من بدري
اما رحمه وصلت شركه ودخلت بخطوات واثقه ومعاها ليليان
وخرج سعد رحب بيهم ودخلوا اوضه الاجتماعات تحت نظرات حيدر على الشاشه قد ايه جميله واثقه من نفسها ووحشته جدا
واتكلم سعد حضرتك طبعا عارفه ان انتى هتخشي معانا شريكه بنسبه 35%
ردت رحمه بص يا استاذ سعد الكلام ده ما ينفعش معايا وانا ما بخشش شريكه اقل من 55% تبقى نسبتي
رد سعد ما ينفعش طبعا حضرتك عارفه اللي موقفكم من مالي ما يسمحش بالنسبه ديت
ردت رحمه بقوه ومين قال لك ان موقفنا المالي في مشكله احنا الحمد لله كل حاجه كويسه حضرتك اللي محتاجنا مش احنا ولو وافقت على الشراكه هتنازل واخليها 50% اكثر من كده مش هقبل
سعد كان ساكت وبيسمع كلام حيدر في السماعه اللي قال له وافق وامضي معاها العقد
وتكلم سعد ماشي يا فندم هنمضي العقد دلوقتي
وقفت رحمه وقالت له ان شاء الله بس امضه العقد هتكون في شركتي انا وجت تمشي
تليفونها رن ردت بسرعه اول ما شافت الاسم
وقالت تمام انا جايه دلوقتي وقفلت على طول وبصت ليليان انا ماشيه خلصي كل الاجراءات
ردت ليليان طب فهميني في ايه
قالت لها بعدين
وخرجت رحمه من الشركه بتجري
وحيدر كان مستغرب خروجها بالسرعه ديت من الشركه ومسك التليفون وقال خليك وراها وقفل
اما سعد قال في حاجه حصلت
ردت ليليان لا ما فيش حاجه ان شاء الله هنمضي العقد الخميس الجاي في الشركه وفضلوا يتكلموا على البنود اللي هتتحط في العقد
اما حيدر كان قلقان وركبه رحمه العربيه
وقالت على المطار واتصلت انا عايزه تذكره للندن دلوقتي حالا
رد الموظف تمام يا فندم في طياره كمان ساعه الا ربع هقدر احجز لك عليها
ردت رحمه يا ريت بسرعه وقفلت التليفون وهي قلقانه
اما سليمان كان في المحطه الفضائيه بيتابع الشغل وبيقول اتصلوا بالمذيعه وشوفوها هتنزل النهارده الحلقه بتاعتها ولا لسه مصممه هعلي في دماغها
رد عليه مدير القناه احنا خلاص يا فندم حلنا كل حاجه ولو هي رفضت هننزل بالمذيعه الثانيه واحنا اتفقنا مع رحمه هانم على الكلام ده
رد سليمان تمام وخرج مدير القناه وسليمان يخلص الشغل بتاعه
اما في شقه اصاله كانت قاعده على رجلي ماجد وبتدلع عليه وتليفونها رن بمدير اعمالها وكنسلت عليه ورجعت اتصل تاني
وقال ما تشوفي مين اللي بيتصل عليك
ردت عليه ما فيش ده شادي هو اللي بيتصل
رد ماجد طب ردي عليه ده يكون في حاجه
قالت له طيب ثواني يا قلبي
ردت عليه في ايه يا شادي مش انا بكنسل عليك يعني مشغوله
رد شادي اسمعيني بس انا جات لي اخبار لو انتي ما جيتيش النهارده الحلقه هينزلوا واحده ثانيه مكانك بتعصبت اصاله
وقالت له ازاي يعني
قال لها هم متفقين مع المذيعه الثانيه وده كلام رحمه مع مدير القناه
ردت اصاله طب اتصل بيهم وقولوا لهم ان انا نازله الحلقه النهارده
قال لها طيب وقفل معاها وهي اتضايقت وراحت على ماجد
وهي بتقول له ينفع كده اللي مراتك بتعمله فيا
رد ماجد في ايه في اللي حصل يا حبيبتي
قالت لي يعني مش عارف انا بعرف ما انا بقى لي يومين معاكي ما روحتش البيت حكيت له كل اللي حصل
رد ماجد انتي غلطانه ده شغل ملوش دعوه بعلاقتنا ببعض
ردت اصاله قصدك ايه على فكره انا مراتك
رد ماجد قصدي اللي انتي فهمتيه انا جوزك بس في البيت وعلى السرير بس في الشغل انا مش جوزي ورحمه طبعا اكيد عملت كده عشان عارفه ان ده الصح
اتصدمت اصاله وقالت له ايه اللي انت بتقوله ده
رد ماجد عايزاني اقول لك ايه وانتي بتلوي ذراعهم في الشغل
وقام دخل الاوضه عشان يلبس هدومه ودخلت وراه اصاله ولقيته بيلبس
وقالت له انت رايح فين يا حبيبي
قال لها انا مروح عشان القاعده شكلها بقت عكننه
ردت اصاله اهدى بس يا حبيبي انا هنزل امضي العقد تاني المهم انت ما تزعلش مني
رد ماجد انا مش زعلان بس انتي بتحطي علاقتنا قصاد الشغل وانا ما بحبش كده
ردت عليه حقك علي بقى ما تزعلش
قال لها تمام وكمل لبس هدومه ومسك التلفون واتصل على حسن
وقال له تعال عنده العماره
رد حسن حاضر يا بيه وقفل معاه
اما في المطار فوصلت رحمه واخذت التذكره وطلعت على الطياره
اما الشخص اتصل على حيدر وعرفه انها في المطار وحجز الطياره لندن
رد حيدر تمام واقفل معاه وهو مستغرب سفرها لندن دلوقتي
وقرر يعرف اللي خلاها تسافر في الوقت ده واتصل على شخص وعرفه ان رحمه في لندن
وعايز يعرف خط سيرها رد الشخص حاضر يا فندم المهم ابعث لنا صورتها
رد حيدر تمام وقفل معاه وابعت صوره لرحمه وقاعد بيفكر اللي يخلي رحمه تسافر دلوقتي
بعد وقت طويل وصلت رحمه لندن وخرجت من المطار
ركبت العربيه على طول اللي كانت مستنياها وراحت على الفيلا بتاعتها
وكان وراها شخص بالعربيه واول ما دخلت
قالت في ايه يا انور انت قلقتني
رد عليها اهدي بس ما تقلقيش ده شويه سخونيه بسيطه
ردت رحمه سخونيه ايه وطلعت تجري على فوق الطابق التاني ودخلت اوضه جميله باللون البينك ولقيت طفله نايمه على السرير
وجنبيها كريستينا بتعمل لها كمادات ميه ساقعه جريت عليها والدموع في عينيها
وهي بتقول مالك يا قلب ماما فيك ايه فتحت الطفله عينيها
وقالت ايه ده انتي جيتي يا مامي وحشتيني قوي
ردت عليا وهي بتبوسها من خدها وانتي اكتر يا روح مامي مالك يا قلبي تعبانه في ايه
ردت عليها بصوت ناعس انا كويسه جدا يا مامي احضنيني حضنتها رحمه
وقالت كريستينا اهدي بس ما فيش حاجه ده شويه سخونيه بسيطه والدكتور طمنا
ردت رحمه شكرا يا كريستينا انك مخليه بالك تاج
ردت كريستينا ما تقوليش كده انتي عارفه تاج بنتي قبل ما نكون بنتك فاهمه ولا لا
ضحكه رحمه وقالت لها ماشي يا ستي
وقال انور يلا يا كريستينا خلينا نطلع ونسيبها ترتاح شويه
ردت كريستينا ماشي هنزل اعمل الغداء عقبال نوح يرجع من المدرسه
ردت رحمه ماشي وخرجت كريستينا مع انور وقعدت رحمه جنب بنتها وحضنتها ونامت جنبها
اما بره الفيلا الشخص مسك التليفون واتصل على حيدر
وقال له ان مدام رحمه جات الفيلا وقال له العنوان
رد حيدر طب خلي لي عينك عليها ولو في اي جديد اتصل عليا
رد عليه حاضر وقفل معاه وحيدر قال اللي يخليها تروح الفيلا ديت في الوقت ده يا ترى مخبيه ايه يا رحمه
اما في القاهره في القناه وصلت اصاله بعد ما مضت العقد ودخلت تصور البرنامج بتاعها
وقال مدير القناه اهي جت بكل سهوله كان لازم يعني مدام رحمه تتدخل في الموضوع
قال فادي انت عارف اني اصاله مش اي مذيعه وخلاص بس انتوا مش مقدرينها
ضحك بسخريه رد عليه طبعا مش مقدرين وساب ومشي
وفادي كان واقف بيتفرج على اصاله في التصوير
وفي الفيلا نور الدين كان قاعد في مكتبه ودخلت الخادمه باحترام
وقالت له احضر الغداء يا باشا
رد عليها من اللي جه بره
ردت البنت عليه لسه يا باشا ما حدش وصل بس ده ميعاد الغداء قلت اسال حضرتك عشان العلاج
رد نور الدين طيب اخرجي انتي وخرجت البنت ومسك نور الدين التليفون وبدا يتصل على رحمه
اما رحمه كانت نايمه في حضن بنتها وصحيت على صوت التليفون وبصيت عليه ولقت اسم جدها اخذت التلفون
وقامت بالراحه من جنبها وراحت في البلكونه بعد ما قفلت الباب عليها
ردد وقالت ايوه يا جدو عامل ايه
رد نور الدين ايه يا بنتي مش هتيجي القصر
ردت عليه لا يا جدو خليني ارتاح شويه من اللي حصل الفتره اللي فاتت
رد نور الدين اللي انتي بتعمليه ده غلط يا رحمه ما تبعديش عني
ردت عليه مش هبعد يا جدو بس هرتاح شويه وصدقني هرجع
رد عليها طيب يا حبيبتي المهم تكوني كويسه
قالت لي شكرا يا جدو وقفلت معاه وخرجت من البلكونه لقيت طفل عمره خمس سنين واقف جنب سرير تاج وقربت منه
وقالت له وحشتني قوي يا نوح واول ما شافها جري عليها وحضنها وقال لها وانتي كمان وحشتيني قوي يا ماما رحمه عامله ايه
ردت عليه انا كويسه انت لسه جاي من المدرسه
رد عليها ايوه يا ماما رحمه لسه جاي وقلت لمامي اني اطلع اطمن على تاج عشان هي وحشتني قوي
ضحكه رحمه وقالت له طب يا سيدي هي نايمه دلوقتي
قال لها طيب طب يلا عشان نتغدى مامي بتقول لك
ردت عليه حاضر يا حبيبي هاخد شاور وهنزل
قال لها طيب وخرج نوح
ورحمه دخلت الحمام تاخد شاور بعد ما اطمنت ان الحراره نزلت من عند تاج وبقت كويسه
اما في القاهره مشيره كانت قاعده مع شخص وقالت له انت متاكد من الكلام ده
رد عليها طبعا متاكد الراجل اللي بيراقبها قال لي ان هي سافرت
ردت عليه يمكن عندها صفقه ولا حاجه
رد عليها صفقه ايه دي كانت في شركه اتش زد وكانت بتخلص الصفقه بتاعتها وفجاه كده طلعت على المطار
ردت مشيره طب انت ما عرفتش اسافرت فين
رد عليها لا ما عرفتش بس سيبيني يومين وانا هقول لك هي راحت فين
قالت له البنت دي بقت بتشكل خطر علينا حتى جوازها من ماجد منفعش وما عرفناش ناخد منها اي حاجه
رد عليها عشان ماجد خايب ما عرفش ياكل عقلها بكلمتين ولا يخليها تخلف منه
ردت عليه ما انت عارف اللي فيها لما راحوا للدكتور والدكتور قال انها ما بتخلفش
رد عليها المهم خلينا نشوف حالنا شويه هو انا ما وحشتكيش ولا ايه
ردت عليه بضحكه طبعا وحشتني
اما عند ماجد كان لسه في شقه اصاله ومسك التليفون واتصل على حسن اللي طلب منه انه يجي ياخده
وحسن واقف تحت العماره مستنيه وماجد نزل راكب معاه العربيه
وقال له اطلع على البيت
رد حسن حاضر يا بيه
تاج بنت رحمه