رواية اين لقياك الفصل السادس6بقلم مريومة محمود
ادهم وصل ل مكان نادر
نزل من عربيته وراح ل عربية نادر
خبط ع الشباك وبعدها برق بعنيه لما شاف نادر مش لابس حاجة فوق
نادر فتحله الباب وادهم دخل قعد ورماله الشنطة الي فيها التيشيرت وقال ب ذهول من شكله
"انت اي الي عامله ف نفسك دا
فين تيشرتك!"
قال نادر وهو بيلبس التيشيرت
"قلعته ورميته"
"ايوا قلعت ف الشارع لي مش فاهم"
اتكلم نادر بعد م لبس بنفاد صبر
"قلعته ي ادهم والي كان كان بق
محتاج امون عربيتي
خلصت بنزين"
اتنهد ادهم
"في بنزينة قريبة
هروح اجبلك منها بنزين وامري لله"
قبل م يفتح ادهم العربية وقفه نادر
"اي اخبار فريدة؟"
"احسن الحمدلله
هجيب البنزين ونرجع تطمن عليها بنفسك"
هز نادر راسه وادهم اتحرك وراح عشان يجيب ليه البنزين
——————————
والد فريدة بعد م شاف الصورة وقرأ الكلام
صابه الذهول والصدمة شلته
قال بصدمة
"فريدة
بنتي
مش معقول!"
بصتله مامت فريدة الي كانت بتقطع الفاكهة وسابت السكينة لما سمعت اسم بنتها
"مالها فريدة"
قام والد فريدة من مكانه وبلع ريقه بخوف على بنته وهو لسة عيونه ع الفون المفتوح ع الصورة وبيقرا الكلام تاني
مامت فريدة قامت واتوجهت ناحيته وشدت منه الفون تشوف في اي
وهي كمان صدمتها كانت لا تقل شئ عن جوزها لما شافت الصورة
خصوصا لما قرأت الكلام
رمت الفون وشدت جوزها من هدومه وقالت ب انهيار
"مالها فريدة
انطق
فريدة بنتي مالهاا"
محمد بص ع امه واتوتر لما لقاها كدا وساب حيم البابجي الي كان بيلعبه وقرب من امه يشدها من ابوه
"في اي يماما
بتشديه كدا لي
ومالها فريدة"
عيطت امه
"فريدة كانت ف المستشفى ي محمد
اختك كانت ف المستشفى
واتخطفت"
رجعت بصت لجوزها الي واقف مش عارف يعمل اي
وبدات تزعق
"بنتي لو جرالها حاجة بسبب منصبك ي ايمن اقسم بالله لهروح بيك ف داهية"
راح ايمن عند مكان مفاتيح عربيته وكان بيجري عشان يفتح الباب وينزل
بس وقفته مراته
"استنى
هاجي معاك
مش هسيب بنتي"
لف ليها
"خليكي ي ام محمد الله لا يسيئك
انا رايح المديرية وهقلب الدنيا عليها
وقبل طلوع النهار بنتك هتكون عندك متقلقيش"
اعترضت كتير وهي بتعيط
بس منعها من انها تيجي معاه وامر محمد يبق جمبها
بس محمد لاول مرة يحس ب اخته
لما شاف انها بتضيع منه
عارض ابوه وراح معاه
اما روان الي اتصدمت بعد م عرفت
فضلت مع امها يهونو على بعض
————————————————
ادهم جاب بنزين للعربية ورجع ل نادر الي كان واقف برا العربية وساند عليها
اول م ادهم نزل من عربيته جري عليه وخد منه البنزين
مون عربيته وبعدها بص لادهم
"اركب عربيتك وحصلني ع المستشفى"
مستناش رد ادهم وركب عربيته وطار بيها للمستشفى
وادهم كذلك الامر
وصلو الامستشفى وطلعو الدور الي فيه فريدة
ولاحظه الفوضى الموجودة ف المكان خصوصا الممرضات الي ماشيين يدورو ف كل حتة على حاجة ضايعة
او مريض ضايع
مسألش نادر في اي واي سبب الفوضى واتجه لاوضة فريدة وهو بيجري
كان عايز يشوفها
يتفحصها بعنيه
عايز يطمن قلبه
اما وصل للاوضة فتح الباب ب اقصى ما عنده لدرجة الباب خبط ف الحيطة
ولكنه تفاجئ
السرير فاضي تماما
فريدة مش موجودة
دخل وقعد يتلفت عليها ف الاوضة ويصيح ب اسمها
بس مكانش في اي رد
فتح الحمام
ولكن فريدة فص ملح وداب
خرج بسرعة برا وسمع صوت زعيق ادهم
"معقول مش عارفين تاخدو بالكو من مريضة واحدة يشوية متخلفين"
جري نادر عليه وهو بيبص ع الدكتور الي عمال يهدي ف ادهم وبيوعدو انهم هيلاقوها
بص نادر ع ادهم
"ادهم
فريدة.."
قاطعه ادهم
"فريدة اختفت فجأة ي نادر
محدش عارف راحت فين
والاستاف كله هنا بيقول انه مشافهاش وكانو موجودين ف الطرقة طول الوقت"
عقل نادر وقف من التفكير
هتكون راحت فين
حط ايديه ع جبهته وقعد ع اقرب كرسي لي
"هنعمل اي ي ادهم
هندور عليها فين"
قام وقف وقربله وكمل
"فريدة كانت مسئوليتنا
معقول حتى دي معرفناش نشيلها"
وقف ادهم شوية وبعدها لقى فونه بيرن
خرجه من جيبه ولما بص ع الاسم اترعب فضل باصص ع الاسم الي شافه
وكان اللوا ايمن
والد فريدة
مد ايديه ل نادر بالفون ووراه الاسم
نادر صدمته مقلتش عن نادر
الفون كان عمال يرن
ادهم قال
"هنعمل اي
هنقولو اي"
"اعتقد مينفعش نخبي اكتر من كدا
لازم نعرفه"
بلع ادهم ريقه ورد على اللوا
الي اول م ادهم فتح عليه اتكلم برعب
"الحقني ي ادهم
بتوع المطرية رجعو
وخطفو فريدة بنتي
اتصرف الله يخليك هي اكيد مبعدتش عن المنيا
انت الوحيد القريب منها
اتصرف ي ادهم"
ردد ادهم بصدمة
"المطرية؟!"
ورجع كلم اللوا
"رجعو امتة
وحضرتك عرفت منين"
"بعتولي صورة وهددوني وهي معاهم
ي ادهم ارجوك اتصرف
انا كلمت المديرية هنا وجايلك ف الطريق
اعمل حاجة عقبال م اوصل
مش هتأخر عليك"
قفل ادهم مع والد فريدة وبص ع نادر الي ملامح الاستغراب مالة وشه
"مين المطرية دول ي ادهم"
قال ادهم وهو بيجري
"عدو قديم للوا ايمن لازم اتصرف فوراً"
جري ونادر جري معاه وركبو عربية ادهم
اتحرك ادهم لمقره ف المنيا بسرعة البرق بعربيته
———————————————
فريدة كانت نايمة على سرير ف اوضة عتمة
واخيرا فتحت عنيها
كانت متكلبشة ف السرير
حاولت تتحرك بس الجرح وجعها اوي
بصت ع بطنها
الجرح كان بينزف
صوتها طلع مع دموعها وهي بتكرر
"انا فين"
بصت حواليها بصعوبة
بس الاوضة كانت عتمة
يدوب كشاف ضارب على سريرها بس
كانت عايزة تزعق
عشان اي حد يسمعها
بس مكانتش قادرة
الجرح بدأ يوجعها اوي
قعدت تعيط بصمت
الجرح مانعها تعمل اي حاجة
حاكم حركتها
حتى صوتها
مر وقت وباب اتفتح
ونور الاوضة اشتغل كله وبقت فريدة قادرة تشوف بوضوح هي فين
كان مكان زي مخزن بس قديم اوي
قرب منها الشخص دا ببطئ
بطئ قتل اي امان كان ف قلب فريدة
جاب كرسي وقعد جمب فريدة الي كانت ممددة ع السرير
والملاية البيضة بدأت تتملي دم من الجرح
فريدة كانت بتبص لملامح الشخص دا
بتحاول تتعرف عليه
كانت حاسة شكله مألوف بنسبالها
كانت عمالة تعصر دماغها عشان تفتكر شافته فين
بس مكانتش عارفة توصل لاي معلومة
حط رجل ع رجل وقال
"كفاية عصر ف دماغك عشان تفتكريني
انا هوفر عليكي المجهود واعرفك انا مين
وافكرك بيا"
قرب من ودنها وكمل
"انا كامل
ملك المطرية"
ورجع ل ورا
اما هي ف برقت بعنيها من مجرد ذكر المطرية
افتكرت الماضي
ووالدها
ضرب النار بتاع زمان بدأ يتكرر ف عقلها
رجعت بصتله
"مش معقول
انت؟
انت مش مت من 10 سنين"
"مت؟
منا قدامك اهو
مين قالك اني مت"
"انا شوفت بعيني
شوفتك لما خدت اتضربت ف النار وسيحت ف دمك
انا شفتك بعيني"
ضحك ب استهزاء وكمل
"محتاجة تلبسي نضارة يحبيبة قلبي"
قرب منها ولمس وشها ب ايديه
"بس كبرتي واحلويتي ي فريدة
يترا لسة لسانك طويل؟"
بعدت وشها عن ايديه بقرف وتفت عليه
"طول عمرك قذر
وهتفضل قذر ي كامل"
"بلاش طيب العصبية دي
انتي كلها كام ساعة وهتصفى ف دمك
مش همد ايدي عليكي ولا هبذل اي مجهود
هسيبك هنا تتعذبي بجرحك
لحد م تصفى خالص
بعدها هقدمك لابوكي مع احلى كفن يليق بيكي"
محاولتش تترجاه يسيبها
او يعالج الجرح
سكتت بعد كلامه ليها وسابت الدموع يغرقو وشها
مش مهم لو ماتت
كدا كدا محدش مهتم
ع الاقل هترتاح
هترتاح من المقارنات الي بتدخل فيها مجرد محد يشوفها مع روان اختها
هترتاح من كره الناس ليها
هترتاح من النبوذ الي كانت بتحس بيه كل م رجلها تخطي مكان
نتيجة الي هيحصل رغم العذاب الي هتعانيه بسبب الجرح
هو انها هترتاح
————————————————
والد فريدة كان بيسوق بجنون
مش متخيل ممكن يعملو فيها اي
كامل
الوحش المتنكر بهيئة إنسان
لانه مستحيل يكون انسان
هيرجع يكرر نفس غلطة زمان
هيرجع يندم اللوا ايمن
زي مندمه ف بنته مليكة من ١٠سنين
كرر ب رعب
"مستحيل اسيبك تاخد بنتي فريدة مني زي معملت مع مليكة ي كامل
اقسم بالله فريدة لو اتمس شعرة منها لهكون اسوء منك بمراحل ي وا.طي
بصله محمد بعد م افتكر المأساه الي عاشوها من ١٠ سنين
واخته مليكة الي كان بيحبها اوي
بدأ يفتكر ذكرايات كان بيحاول ينساها من زمان
ذكرايات غيرت منه ومن نفسه للأبد
يمكن الحادثة دي هي الي خلقت الفجوة دي بينه وبين فريدة
الي شكله هيخسرها زي مخسر مليكة
————————————————
ادهم ونادر وصلو القسم
ادهم جري على مكتبه
جاب مفتاح وفتح درج خاص بيه
طلع اوراق كتيرة اوي وكان بيدور على ورقة معينة فيهم
نادر مكانش فاهم حاجة
"ممكن طب تفهمني بتدور عليه واساعدك واهو نكسب وقت
بدل منا عامل زي الاطرش ف الزفة كدا"
بصله ادهم وهو بيدور ف قلب الورق
"حتى لو شرحتلك ي نادر
مش هتفهم
الورق دا مهم اوي
فيه كل التفاصيل بتاع قضية كامل من ١٠ سنين"
عقد نادر حواجبه ب استغراب
"مين كامل دا"
"دا اوسخ انسان ممكن تشوفو ف حياتك"
"طيب عرفني اي نوع الورق ادور معاك"
مردش عليه لانه مسك ورقة معينة وبصلها ب انتصار
"كنت عامل حساب رجوعك ي كمال الكلب
عشان كدا شيلت الورقة دي معايا"
طبقها وحطها ف جيبه وخرج جري
نادر كان بيجري وراه وهو مش فاهم اي حاجة
ونادر عايز يوصل لاي
حط ادهم كام طلقة ف مسدسه وركب عربيته ونادر جمبه
قال نادر بنفاذ صبر
"كدا كتير اوي ي ادهم
محتاج افهم كل حاجة
انا مش هفضل اجري وراك كدا زي الاعمى ونا مش فاهم بجري ليه"
دور ادهم العربية وقال وهو بيحرك الدريكسيون
"كامل الي رايحين ليه الوقت
مسميينه ملك المطرية
المطرية الي كانت مقر والد فريدة ف بداية شغله
كان اللوا ايمن وحيد ف المكان دا
مش عارف فيه اي حد
بس التعيين جاله هنا
حاول يكون صداقات ويبدأ يتعود ع المكان
بالفعل العساكر والظباط حتى الاهالي بتوع المنطقة حبوه اوي
الا واحد بس
وهو كامل
كان واقف بيراقبه
من غير اي كلام معاه
عمره مراح سلم عليه حتى
كامل كان معاصر ف المطرية
يعني اقدم من اللوا ايمن ف المكان
عشان كدا قرر يمحي اللوا ايمن
لما لقاه بدأ ياخد مكانه
وبدأ يظهر انيابه
ووشه الاسود الي كان مخبيه عن الناس