رواية انجدني من الغرق الفصل السابع7بقلم امل بكر
-شكلها مكسوفه حبيبتي.. بس متقلقيش هنعمل خطوبه قريب
بنفاذ صبر ،
-انا هطلع تعبانه جداً
طلعت وانا متعصبه علي الاخر دخلت حمام اوضي مليت البانيو علي الاخر وحطيت شاور نزلت جوا وانا باخد نفس مش معقول اتجوز كمان حد مش بحبه رجعت شعري ورا جامد وقولت وانا بغمض عيني ،
-استحاله انا مش هوافق علي كده ابداً
فتحت عيني وانا بتنفس بسرعه ،
-ابداً مش هوافق
طلعت من الحمام بالبرنس وفتحت الدولاب طلعت طقم رياضي لاني هروح الچيم لبست طقم كامل استرتش وتوب قصير قط تخين وعملت شعري ديل حصان
بصيت في الساعه كانت 7:23 بليل جهزت الشنطه بسرعه ونزلت اتنفست بارتياح صحاب ماما مشو اخيراً وماما كانت ماسكه عصير وبتتكلم في الموبايل علي البسين
كنت هطلع بس سناء وقفتني ،
-اي ياهانم شكلك راحه تلعبي رياضه مش هتاكلي؟!
"والله محدش بيهتم بيا غير سناء "
-اكلت في الشركه جهزيلي بقي مشروب علي ماارجع
-من عينا خلي بالك علي نفسك
رفعتلها ايديا وانا بطلع من الفيلا ماما وقفتني ،
-راحه فين ؟!
-الچيم
-امم تمام
-بابا ويحيي لسه مرجعوش !!
-لا لسه
-طيب سلام
رفعتلي ايديها وبصت بانشغال في الموبايل
مشيت للچيم الي قريب مني بمسافه يكاد تكون كبيره ولكني حبيبت اتمشي افتكرت كلام البنت وافتكرت طريقه معتز ابتسمت بشرود ولكني صوت لما العربيه كانت هدوسني !!
حطيت ايدي علي قلبي برعب وبصيت علي الغبي الي في العربيه علشان اشتمو وكان طارق
قفلت عيني بندم اني طلعت من بيتنا اصلاً اول لما شافني قرب مني وهو بيمسك دراعي المكشوف بقلق ،
-ليال انتي كويسه ؟!
شديت ايدي بهدوء ،
-كويسه خلاص مفيش حاجه
-انا اسف بس انتي مشيتي قدامي فجأة وكنتي سرحانه !!
-اه معلش مخدش بالي
-راحه فين وهوصلك ياحبيبتي
وانا بمشي خطوه بعيد عنه ،
-شكراً انا خلاص قربت اوصل
بصلي من فوق لتحت بابتسامه وقال ،
-شكلك يجنن شكلك راحه الچيم تعالي اوصلك
بتنهيدة ،
-طب لو ركبت ياريت منتكلمش
قال وهو بيرفع صباعه بضحكه ،
-قريب ياحياتي هفكلك القعده دي وهخليكي تبقي رغايه كمان
ابتسمت بسماجه وركبت معاه وصلني ونزلت من العربيه نزل ورايا ،
-حياتي بلاش تشيلي اوزان تقيله للتصابي
بنفاذ صبر ،
-شكراً ياطارق روح انت بقي
-هاجي اخدك رني عليا
كنت هرد ولكن سكت وانا شايفه كارما نازله من العربيه الي وقفت قدامنا بصيت مين ده طلع اخوها صالح !
قولت وانا مش باصه لطارق وعايزه امشي ،
-ماشي ياطارق باي
صالح نزل وهو بيدي لاخته شنطه الچيم شهقت بخضه لما طارق قرب مني وباسني من خدي !!!
بصتله بعصبيه ومعرفتش اعمل اي !! بصيت جمبي لقتهم بيبصولي
رجعت ابص لطارق وانا علي اخري ،
-انتي ازاي تعمل كده !!!
طارق بابتسامه مستفزه ،
-مالك انتي خطيبتي وهنعمل خطوبتنا قريب !!
-بس بقي متقولش خطيبتي انا مش بحبك
-هخليكي تحبيني عادي
مشيت من قدامه ودخلت الچيم ودخلت الحمام فضلت اغسل في وشي شويه ودخلت كارما غيرت هدومها وانا بدأت اسخن علشان اتمرن
قربت منها قولت اسلم عليها ،
-اخبارك ياكارما ؟
ردت عليا وهي مركزه في التمرينه،
-بخير
اضيقت جداً من اختصارها مش انا الي حد يتكلم معايا بالطريقه دي.. قولت ،
-هو في حاجه لي بتتكلمي بالطريقه دي !!!
اتنهدت وهي بتسيب الجهاز وبتقوم،
-مفيش يا ليال
"بدأت اتمرن بضيق كبير وبعد ساعه ونص دخلت اغسل وشي وطلعت لقيت كارما داخله اوضه اللبس علشان تمشي اكيد طلعت انا بره الچيم خالص "
"وقفت لما لقيت صالح ده قدامي قاعد في العربيه بتاعته رفع راسه لما قفلت باب الچيم جامد بصتله بقرف ومشيت طلعت بصيت علي موبايلي الي بيرن "
-هااا
-اي ياحبيبتي انا جايلك في الطريق طلعتي ؟!
-طلعت ومروحه خلاص متجيش
-طب هقفلك قدام الفيلا
نفخت بضيق ،
-لي يعني !!!
-عايزك تيجي معايا هسهر انهارده مع صحابي
-لا تعبانه وانا مش بحب السهر اصلاً باي بقي
"قفلت واول لما وصلت ملقتهوش كويس انه مشي دخلت المطبخ وسناء عملتلي عصير شربته "
-محدش اجي ياسناء ؟!
-منصور باشا اجي وكمان يحيي بس طلع تاني
قولت وانا بقوم من علي الكرسي وطالعه ،
-اممم طيب
-استني ياهانم
لفتلها ،
-في اي ؟!!!
بصت ورايا وكأنها بتأكدت ان محدش موجود ،
-منصور باشا كان متعصب وعاوزك
شاورت عليا ،
-عاوزني لي !!!
-معرفش والله ياهانم سأل عليكي وانا قولتله انك مش موجوده
-اممم طيب ماشي هروحله حضريلي حاجه اكلها علي مااخد شاور
-ماشي من عنيا هطلعهالك لغيت اوضك
-ماشي
"قربت من المكتب وانا راحه اشوف بابا عاوز اي ولكني وقفت لما سمعت صوته بيتكلم بنبره حاديه "
-بقولك اي يااسامه اعمل الي المفروض يتعمل انا مبحبش نفضل نلف وندور ورا حد كده احنا مش فاضين !!
-اهدي ياباشا مظنش انه هيبلغ ولا الحوارات دي
-ده محامي وملهوش في القاضيا دي مستني منه اي !!
الصوت سكت شويه وبابا قال وهنا قلبي دق بخوف ،
-مين واقف ورا الباب!!!
ملحقتش اتحرك ولقيت بابا بيفتح باب المكتب البني الانيق رغم ان الباب مش بيبين حاجه الا ان بابا احساسه عالي جداً ..اخد نفسي بصعوبه وانا بحول نظري علي اسامه المحامي الي قاعد علي كرسي الي قدام المكتب
بابا ،
-انتي بتتصنتي علينا !!!
هزيت راسي بسرعه وقولت بشبه الهمس ،
-لا ء ا انـا انت كنت عايزاني وسناء قالتلي
كلام مش مترتب خرج مني من غير قصد فضل باصصلي ثانيه اتنين ونطق اخيراً
-اطلعي اوضك دلوقتي وبعدين بتعالي
هزيت راسي بأمر ،
-حاضر
طلعت علي السلم حاولت اكون هاديه لفيت بضهري لقيته لسه ماسك الباب وبيبصلي !!! لفيت عادي واول لما وصلت اوضي حطيت ايدي علي قلبي وبرقت لما افتكرت كلامه وقولت بهمس ،
-معقول قصده علي صالح هيعمل في اي !! ولي لسه شغال باله بيه !!!
"اخد شاور كان نفسي انام وخلاص ومنزلش اشوف بابا عايز ي ولكن مينفعش اعمل عكس الي عايزه لبست بيجامه شورت وقط ورشيت برفيوم يمكن اهدي ولكن لاء ! نزلت علي السلم وانا مش فاهمه بابا عايزاني في اي !! وعماله افكر لغيت لما خبط علي الباب وسمعت صوته الحاد "
-ادخل
دخلت اسامه مشا ومفيش غير بابا قفلت الباب ورايا وقعد قدامه ،
-اتفضل يابابا سناء قالتلي انك سألت عليا
كان باصصلي بثبات من غير مايرمش حتي وده وترني قال
-ديماً تصرفك بينزل علي دماغي وبيجبلي المصايب
فركت ايدي في بعض.. بحزن بقي جزء مني وبقيت بستقبله في اي لحظه ،
-انا عملت اي!!!
شهقت بخضه لما خبط علي المكتب وهو بيخليني اندم اني رديت عليه ،
-قولي معملتيش اي انتي بسبب غبائك وبسبب انك جبتي محامي عايز يفضحنا ويسجن ابوكي !!!
بلعت ريقي بصعوبه مفهمتش كلامه كله ولكني منطقتش اتكلم من تاني بنبره اهدي ولكنها مرعبه
-لتكوني عايزه تسجني ابوكي وبتعملي الحركات دي انطقيييي
رفعت عيني ليه وهزيت راسي بسرعه ،
-لا والله انا مفكرتش في كده
بسخريه ،
-مفكرتيش!!! يعني ممكن تفكري عادي
-اكيد مش هعمل كده انت مشوفتش انا اتكلمت معاه ازاي اسأل يحيي حتي
-يحيي قال انك انتي الي جبتيه وانك شكلك عايزه تسجنيني
-ايي !!! يحيي بيقولك كده !!
-مش وقت كلام تااافه … انا هقولك كلمتين لو ليكي ايد مع الي اسمه صالح ولا مش عارف اي هتزعلي مني قولتها قبل كده وهقولها تاني احنا اهلك وعمرك ماهتعرفي تطلعي من هنا ولا حتي تفتحي بوقك لانك عارفه الي هيحصل القتـ.ل انتي زيك زينا انتي فاهمه مفيش فرق
-ف فاهمه بس هو عايز يعمل اي ؟!..
-عايز يبلغ عننا بيفكر وانا مش هستني لما ينفذ انا مش فاضي للكلام ده
قولت وانا ببص للارض وقولت وانا متردده بخوف ،
-بابا انت تصدق اني اقدر اعمل حاجه زي كده فيك !!
كانت تعجب اكتر ماكان سؤال كان عندي امل زي كل مره قرصت رجليا بعصبيه لما قال ،
-انا مش بثق في حد خصوصاً انتي فاكره زمان ولا افكرك !!!!
قولت بهمس وانا مازلت باصه للارض ،
-لا فاكره بس كنت صغيره انت بتسامح يحيي ديماً لي مش بتسامحني!!!
بصوت عالي ،
-بسس انتي الكبيره يعني مينفعش تغلطي وانتي عارفه كده كويس
-صح انا اسفه
تلفونه رن رد عليه وانا بصتله شاورلي بايده بإني اطلع بره طلعت ولقيت سناء جايه عليا ،
-الاكل جهز ياهانم اطلعه اوضك
قولت وانا بمشي من قدامها ،
-لا هاكل في المطبخ
بعد لما قعد علي الكرسي وبدأت اكل سناء قالت بخوف
-بقولك اي ياهانم انا اسفه لو هدخل هو الباشا كان بيزعقلك لي
ضحكت وانا بشرب من المايه ،
-اديكي قولتي ياسناء تدخل !!!
-اخس عليكي ياهانم انا بس يعني م
قاطعتها ،
-في حاجات مينفعش تتقال ياسناء معرفش المفروض اعمل اي بس اظهار مينفعش اعمل اي حاجه !!
"نهيت كلامي بصوت واطي"
اتكلمت وهي بتقعد علي كرسي وراها ،
-والله ياهانم انتي صعبانه عليا غلبانه وملكيش في حاجه
-مفيش حد يصعب عليكي ياسناء واقولك حاجه بقي
-قولي ياهانم
- متخفيش غير من الي بيصعب عليكي
ضحكت اوي ،
-استحاله اخاف منك !!!
فضلت باصلها وقفت ضحك وحطت ايديها علي قلبها بخوف ،
-يلهوييي هتقتليني ولا اي انا بخاف منك والله خلاص اهدي
حطيت الاكل في بوقي وانا بفكر اعمل اي في حوار المحامي !!! سناء بخوف واضح
-بلاش تبصيلي كده .. يامصيبتي لتكوني بتفكري تموتيني لمًا اجي انام !!!'
قومت ،
-بس بقي كفايه كلام مش عارفه افكر دقيقه. !!!
"طلعت اوضي وقعد في البلاكونه فرد رجليا قدامي اعمل اي دلوقتي اكلمه واهزقه ولا اعرض عليه فلوس علشان ميفكرش يعمل تصرف غلط!! ولا اعمل اي بس !!! انا خايفه اوي يعمل حاجه وتكون بسببي د ده ممكن بابا يقتلتني ..خوفت لبابا يخلص منه هو واكون انا السبب!!! لا لا مش هيخصل كده "
"اتنهد بخنقه وحيره ولما افتكرت كلام بابا في المكتب مسحت علي وشي علشان اهدي ومعيطش ازاي فاكر ده انا بنته !!!"
"وانا في تانيه ثانوي كان عندنا ضيوف صحاب بابا وماما وفيهم بنت قدي وكانت صحبتي ووسط الكلام قولت ان بابا بيحبني جداً ولكنه قاطعني وقال وهو بياخد يحيي في حضنه ،
-بس من وقت لما اجي يحيي وهو اخد الحب كله
قالها بكل هدوء خلا صحبتي دي تضحك وهي بتقول ،
-دي مفهما المدرسه كلها يااونكل انك بتحبها اكتر من يحيي!!
بابا رد عليها ،
-ليال الاولي صح وبنحبها لانها بتخاف علي اخوها وبعتبرها اخ ليحيي
البنت الي المفروض صحبتي ضحكت وهي بتحط ايديها علي بوقها ،
-اوووه يااونكل يعني انت بتعتبر ليال ولد !!..
بابا رفع ايده في الهوا بفخر ،
-طبعاً انا أحبها شايله المسؤليه ومبحبش الضعف ابداً
صحبتي بصتلي وقالت بهمس جمب ودني ،
-ده انتي كنتي بتضحكي علينا بقي ومفهمنا انك اميرة
بصتلها بحزن وبصيت لبابا الي كان بيكمل كلام بكل سلاسه ..بليل قولت لبابا اني اضيقت
-عادي ياحبيبتي نغيرها انا اصلاً مكنتش حاببها
فكرني اضيقت من صحبتي ولكن ضيقي الاكبر كان منه ولكني سكت وهريت راسي بماشي ديماً بابا الي بيغيرلي صحابي علشان مش عاجبينه مثلا!!
كنت مضايقه جداً اليوم ده وفضلت افكر ان صحبتي دي حكت الي بابا قاله اكيد لصحابنا كلهم فضلت اعيط كتير وتاني يوم سمعت بابا بيتكلم في الموبايل وبيقول ان مينفعش البوليس يعرف علشان ميتسجنش ده الي فهمته وكنت مش فاهمه اوي ولكن فكره ان بابا خايف من البوليس دي خلتني وانا رايحه المدرسه اتصل علي رقم البوليس الي جبته وبلغت بكل سذاجه عن بابا كنت مضايقه منه جداً ولقتني بعمل كده .. فعلاً اخدو بابا من شغله الي هي الشركه وبليل اتفجأت ب بابا داخل البيت اتصدمت ! قرب مني بكل عصبيه وضربني قلم وفضل يقوم فيا وهو بيقول كلام بعصبيه وفهمت انه عرف انه انا ..ماما فضلت تحوش فيا ولكنه زعقلها وخلاها ترجع مكانها كنت بزعل ان ماما لي مش بتصمم علي رائيها وتاخدني في حضنها حتي لو بابا شديد !!… صحبتي قالت مره باباها كان اتعصب وهيمد ايده عليها ولكن مامتها حضنتها وبعدته عنه بالعافيه وفضلت معاها …اعتذرت لبابا في الاخر ولكنه كمل عليا وحبسني من الشارع نهائي لمده شهر وده وصلني لاكتئاب ولكني اتعافيت منه
"دخلت الحمام الي في الاوضه غسلت وشي اكتر من مره وبصيت علي نفسي في المرايا ونشفت وشي بالمناديل ونمت وانا قررت هعمل اي بكره "
""""""""""""""""""""""""""""""""""""""
"صحيت تاني يوم ومن غير زن سناء بتاع كل يوم فتحت الدولاب وطلعت جيبه بيضا منفوشه فوق الركبه وتوب قط احمر ولبست كوتش المره دي وفرد شعري ولميت حبه من الجناب ونزلت علشان الفطار "
بابا اتكلم ،
-بروحي انتي الشركه ورايا انا واخوكي شغل انهارده كمان
ابتسمت جوايا وقولت حلو اوي كده هعرف اروح من غير ماحد يحس ولا يعرف
بصيت علي يحيي الي بيكلمني ،
-ابوكي بيكلمك رديي!!
هزيت راسي ،
-تمام مفيش مشكله
بابًا خلص اكل ومسح بوقه بالمنديل وقام خرج هو ويحيي
ماما اتكلمت،
-انا راحه انهارده النادي تعالي ممكن طارق يجي
قولت بعد لما بلعت الاكل ،
-لا شكراً انبسطي انتي
غيرت نبرتها لغيظ،
-الله انتي مالك ده بيحبك انتي لي بتعاملي كده !!.
بزهق اكلت بسرعه وقولت ،
-بس انا مش بحبه وبعدين انا مش عايزه ارتبط من اساسه
-اه عايزه انتي الي تجبيي بقي والكلام بتاع البنات ده !!!
ابتمست بهدوء وبعدين افتكرت معتز واهتمامه و قولت ،
-يمكن مين يعرف
-بقولك اي انا هقول لابوكي قريب علي طارق وهو اصلاً هيموت عليكي وهيجي يخطبك
بصيت لماما بخوف لو الموضوع وصل لبابا وهو موافق مقدرش ارفض ولا اقول لاء
-ماما لو سمحت سيبيني علي راحتي
برفض قالت ،
-لاء الراجل كويس يبقي خلينا نقول لابوكي
-يعني بابا هيروح يتقدمله !!!!
-لا ياحبيبتي هو اصلاً عايز معاد بس الايام دي في تسليم بضاعه وشغل زي ماانتي شايفه وعارفه ان ابوكي مبيحبش يشغل عقله بمواضيع تانيه ..فامستنيه لما يخلص الشغل علي خير
اتنهد وقولت لما ادخلها من طريق تاني ،
-طيب بصي سيبينا بس شويه خلينا نتعرف علي بعض كويس
ابتسمت باتساع ،
-طيب كويس انك مش هضيعي طارق
"قولت في بالي طب ماتتجوزي انتي ياماما وتريحينا!!! "
قومت واخد شنطتي ،
-راحه فين
-راحه الشغل عادي.
-طيب متتأخريش بتعالي علي النادي
بمسايره ،
-ماشي باي
طلعت في الجنينه وفضلت ابص جمبي بتوتر كان الحراس بعيد عني وانا لوحدي قعد علي المركيحه الي في وسط الجنينه فتحت الموبايل وفضلت باصه لرقمه بارتباك وانا مش عارفه الي بعمله صح ولا اي !!!
بلعت ريقي ودوست علي الرقم بسرعه وانا بقفل عيني وبحط الموبايل علي ودني وصلي صوته
-السلام عليكم
-ايوة استاذ صالح معايا ؟!
-ايوة
مكنتش عارفه اقول اي ،
-طب انا عايزه اخد معاد عند حضرتك وو
قاطعني وشكله مشغول ،
-حضرتك التواصل مع السكرتير بتاعي متأسف انا مشغول دلوقتي
قولت بسرعه ،
-طب استني مكانك فين !!!
حسيت من نبرته الاستعجال وهو بيقولي العنوان وبعدين قفل بصيت علي الموبايل
-اي قله الذوق دي !!!
بصيت بعيد خلصت اسهل خطوه واجي دور الصعب انا مش عارفه ده ممكن يطردني لو شافني !!!
خليت الحارس يوصلني ولكن قولتله اني هجيب حاجه ونزلت بعيد. عن المكان بمسافه حلوه علشان ميشفنيش
كان المبني كبير طلعت في الاسانسير كان في كذا باب في الدور الكبير والواسع وقفت واحده كانت هتركب الاسانسير
-هو فين مكتب المحامي ؟!
-انهي محامي في هنا كذا مكتب
-صالح
-اه ده كويس اوي بصي ادخلي هنا
شاورت بايديها وانا كنت همشي علشان ادخل ولكنها مسكتني بايديها
-انتي جايه لي في اي ؟!
-حاجه خاصه
بصتلي من فوق لتحت ،
-شكلك كده عايزه تاخدي فلوس واخواتك مش راضين يدوكي حقك مش كده ؟!
عقد حواجبي باستغراب كملت هي
-مش كده ولا اي اصل مش شكلك عايزه تطلقي !!
-اطلق !!!
-امال ده مش شكل واحده عندها مشكله !!
-ممكن تسيبني ادخل
-ادخلي ياحبيبتي
واول لما دخلت كان في اشخاص قاعدين علي الكراسي الي بره وقفت بارتباك قدام مكتب السكرتير ،
-لو سمحت عايزة ادخل للمحامي
-اخدا معاد ؟!
بسخريه ،
-معاد اي انا عايزه ادخله موضوع خاص
-ماشي حضرتك لازم تكوني اخدا معاد انتي مش شايفه الناس دول عايزه تدخل
اتنهد بفراغ صبر ،
-بس انا مش فاضيه دخلني وهديك الي عايزه
حسيته اضايق وقال ،
-حضرتك اي الكلام الي بتقولي ده !!!
"استغربت شكل سنه صغير ده يفرح اني هديله مبلغ يروق علي نفسه غريبه !!! "
-يعني لو قعد هدخل امتي !!
-ممكن لما الناس دي تدخل
بصيت عليهم وبعدين ليه ،
-طيب انا هقعد استني
-اتفضلي
قعد بضيق وبصيت لواحد لابس بدله وشكله حد نضيف مبحلقلي اوي وعمال يبص من فوق لتحت حسيت اني محرجه خصوصاً ان الچيبه قصيره بس عادي يعني مانا متعوده !! تجاهلته واول لما الباب اتفتح وخرج منه شخص
بصيت علي السكرتير ده كان مشغول جريت دخلت من الباب وقفلت ورايا ابتسمت بانتصار وبصيت علي الي قاعد علي كرسي المكتب ومشغول في ورقه بيبص فيها ولكنه رفع راسه وقال اتفضلي
اي مفتكرنيش !! ولكنه ثانيه وقام بعصبيه ،
-انتي بتعملي اي هنا !!!!