رواية العرجاء الجميلة الفصل العاشر10بقلم جمانه السعيدي
رزق.....تحولت إلى خدامه كل شغل البيت عليه
حتى الجهال اذا توصخو تكول روحي غسليلهم
تعبت من حياتي
ماكو شي جديد الاصبح بي امسي بي
مااكدر احجي العقيل لان مايكدر يسوي شي
احنا عايشين بنفس البيت
بلعكس اذا حجا عليها لو ضربها علمودي اتشد وياي ااكثر
وماعندي مكان اروحله اتحمل كلامها واسكت احسلي
بليل من يرجع من الشغل يسئلني شلونج محتاجه شي
وبس
هو اصلا مايعرف اني شلون متبهذله
بهذا البيت
مااريد احجيله وازود همه الي بي كافي تعبان طول النهار شغل
اتواصلت ويا مسلم الي يشتغل بلبصره
كال مااكدر انزل اخذج ما يقبلون ينطوني اجازه
رجعت على وليد
كال اني مو بلعراق طلعنا التركيا اني وزوجتي من ارجع امر عليج
محد بحالي ولا واحد مهتم الوجودي
اني الي جنت مدلله وبس الهوى يمر على خشمي
صرت خدامه السمر
وكلمه والثانيه وبزتني بحجايه
هاا العرجه العانس البايره
ضليتي على كلبي ولج امشي واصيح منو يريد عروس
عروس بلاش
بس كون تاخذوها
محد يقبل بيج ضليتي عله على كلبي
رزق...من سمعت كلامها متت بجي انهظمت لبش هيج
اني رزق من العز والدلال وحده مثل سمر تعيرني
ليش ياربي هيج
يمتى يخلص هذا الامتحان مو تعبت
يارب لو تريحني لو تاخذني وتخلصني من هاي الحياة
كل وقتي ادعي رب العالمين يخلصني منها
اريد اخلص من ظلمها
تعبت من هاي الحياة
جمانه السعيدي
شافني عقيل متغيره
عقيل...شبيج
رزق...مابيه شي تعبانه
عقيل...اخذج للطبيب
رزق...لا مابيه شي بس اريد اروح للنجف اروح الامي ابوي مشتاقتلهم
عقيل...بس أفرغ اخذج
رزق...دائما اعاتب ابوي وااكوله ليش مااخذتني وياك
ليش عفتني وحدي
الدلال والعز والحياة الحلوه راحت وياك
ضليت خدامه السمر من بعدك
سمر تعيرني وتكول عليه عانس واني الي جنت كل يوم واحد يخطبني
ضليت تحت رحمتها
سمر وصت سعد السايق ااكثر من مره على عريس اليه
كلما يوصلها مكان تكوله مالكيتنا واحد منا منا
كلشي الجان ياخذ رزق ويخلصني منها
الصدفه لعبت دورها واجا كمال بيوم وصعد وياا سعد
كمال وسعد تربطهم صلة قرابه
سعد...شلونك أحوالك امورك
كمال.. الحمد لله تمام
سعد....اليوم وين سيارتك
كمال....بلتصليح صار يومين
سعد...خوما عطل جبير
كمال....لا اريد ابدل الجاملغ
سعد....سمعت طلكت زوجتك
كمال...اي ولله خلصت منها
سعد...عندك اطفال
كمال...لا ماكو اطفال الحمد لله ماكو اطفال
الله يحبني ماصار عندي اطفال مثل هيج انسانه
مريضه نفسيا شلون راح تربي جهالها
سعد...هو الزواج مثل الركبه لو حمره لو بيضه
لو صايبه لو خايبه
رن تليفون سعد
سعد....هلو ام علاوي سمر
سمر...اريدك تمر عليه العصر
سعد....صار ندللين
سمر.. الساعه اربعه مو تنسى
سعد...لا ما انسى
طبك التليفون سعد
سعد......استغفر الله ياربي .عندك مثل هاي سمر محد يجرعها ما تنقبل
تورط وياها عقيل الله يساعده عليها
كمال....قصدك بيت ابو عقيل بيت حميد عيدان
سعد...اي هما
كمال...شنو اخبارهم
سعد....الاب والام ماتو
كمال...اي اعرف ورزق ازوجت
سعد...منيين تزوج هاي المسكينه الله يساعدها على سمر
كمال...ليش شبيها
سعد...راح اكولك شغله بس اني اعرفها
بس لا تكول الله يخليك ولو هاي السالفه فات عليها وقت
هواي
كمال....كووول شنوو
سعد...هاي البنيه تأخرت قسمتها بسبب سمر
كمال....شلون بسبب سمر يكولون سمعتها موزينه وعدها علاقات
سعد...تحجي صدك رزق عدها علاقات
مسكينه ماكو وحده مثلها شريفه ومحترمه اسألني عليها
الشرف كله عدها شكد متربيه الخاطر الله
كمال....سمر كالت عنها عدها علاقات قبل اني خطبتها
وسمر كالت عدها علاقات وعفتها
سعد....سمر هاي كبل للنار بدون حساب وكتاب
لو رب العالمين يحاسبها بس على الأشياء الي سوتها برزق
تروح للنار كبل
كمال...شلون احجيلي
سعد....سمر كلش تكره رزق تكرها بشكل مو معقول
لان احلى واهدء منها
لان اهلها مدلليها
جانت تأجرني وتروح هيه وامها الواحد.سحار
معروف اسمه ابو خضر كلها تعرفه
انزلهن وابقى منتظرهن
مره سمعتها هيه وامها تكوول اريد اشوف شلون تزوج
الحلوه ام عيون زرك
اذا مااخليها تحسب شيباتها وحده وحده مااسمي سمر
سعد...اني عرفتها تحجي على رزق لان بس رزق عيونها زرك
ااكثر من مره تأجرني الهذا السحار
فعلا البنيه بقت بلازواج
هااا اذكرت مره طلبت مني رقمك
كمال...اي اني خطبت رزق بس بعدين عفتها قبل المهر بيومين لان سمر اتصلت عليه
وكالت عدها علاقات وتعرف ولد هواي
رغم شكد جانت عاجبتني بس عفتها بسبب سمر
سعد... الله لا يوفقها ليش واكفه بطريق هاي المسكينه
شتريد منها
كمال....اذا كلامك هذا صحيح يعني جذبت عليه
بس حتى تخرب زواجنا اني ورزق
سعد..ااي سمر اكبر جذابه واني مستعد احلف على القراءن رزق شريفه وماعدها هيج سوالف ابد هسه سمر صارلها شهرين تمشي وتصيح
ماكو واحد يزوج رزق ماكو واحد يخلصني منها
حتلو شايب معوق اؤ شي
كمال...ليش رزق وين هسه
سعد....بيت الاهل انباع ورزق راحت عاشت بيت
عقيل
ااكيد ست سمر تريد تاخذ راحتها بيتها
وتريد تخلص من رزق
كمال...شمعنا هسه تريد تخلص منها
سعد...تريد تاخذ راحتها بيتها تريد تشمرها وين ماكان حتى تخلص منها
كمال.......يعني اذا اروح اطلب ايدها يقبل اخوها
سعد...ليش ما يقبل انت شنو ناقصك
كمال...ولله اذا صدك وصارت هاي القسمه
الك مني هديه الله لايوفقج سمر
جان هسه مزوجين وعايشين سوه من زمان
هيه الي خربت هذا الزواج
جمانه السعيدي
سعد...تعال بليل نروح على عقيل ونطلب ايدها
اني اروح وياك
كمال..اي ولله اني بيتي جاهز من كلشي اذا وافقو
كبل اعرس
سعد....انشاء الله خير
كمال......صدك هسه اني ضجت اكثر ما فرحت
ليش صدكت كلام سمر وعفتها ليش
بس بوقتها ماجنت اعرف اكو مشاكل بينها وبين رزق
وتريد تخرب عليها
سعد....ماكو مشاكل بينها وبين رزق رزق بنيه حبابه ومحترمه وشريفه
بس هااي سمر غلبت الشيطان بسوالفها
هيه الي شدة عداوه ويا البنيه وخربت عليها
كمال... ماكو هيج نفسيه حاقده ابد
سعد...هسه انت تريد رزق من صدك
كمال...طبعا أريدها
سعد...خل اتصل على عقيل وأخذ منه موعد
بليل حتى ينتظرنا
كمال....اي الف رحمه على والديك
سعد...انت لو بس سألني قبل لا تبطل من العرس
كمال....شمعرفني اذا هيه سمر حلفتني لا تحجي ولا تكول
يطلكني عقيل اذا عرف
واني اريد مصلحتك
واني كلت احذرك واني شنو مصلحتي بس مااريدك تتورط بهاي الزواجه
كمال...اتصل على عقيل الف رحمه على والديك
اتصل سعد وأخذ موعد من عقيل
رزق....بيومها عقيل رجع من وكت كل يوم يرجع الساعه
عشره بليل
بيومها رجع ويا العشى
سمر...خير شو راجع من وكت اليوم
عقيل...سعد السايق ايكول ااكو واحد يريد يجي وياي
يطلب ايد رزق
سمر...صدك ولله تحجي صدك الله عليك
منو هذا الي يريد يزوجها
يالله واخيرا
اسمع عقيل اي واحد وافق ترا اختك مو زغيره
عمرها ٣٠ سنه
وفوكاها عرجه ولا شهاده ولا راتب ولا املاك
مو تكعد تتشرط
وتخلي يشرد اي واحد وافق علي
عقيل....شنو يعني اشمرها بلشارع شو انتي ما تعرفين
تحجين
لو واحد مناسب الها وهيه تشوفه وتوافق علي
لو ماانطيها
تبقى عايشه هنا معززه مكرمه بيت اخوها
سمر...انت بهذا كلامك راح اطير العريس
هيه اختك منو دك بابها منو يفكر بيها
سنيين صار محد طالب ايدها لا تسويها
ماكو منها
وافق خليها تزوج وتعيش حياتها
عقيل.. اطلعي من هذا الموضوع رجاء مالج شغل
راحت سمر تتصل على سعد تربد تعرف منو العريس
بس سعد مارد عليها
يخاف تعرف منو وتخرب العرس
خلاها تتصل ااكثر من عشر مرات وما رد عليها
سمر...ولله شغله غريبه العصر اني ويا سعد وصلني للسوق ليش ماكال اكو واحد يريد رزق
عافت التليفون ورجعت الرزق
سمر.. باعي رزق راح يجون عليج خطابه
ااي واحد ومنو مايكون وافقي علي انتي مو زغيره
الي بكدج جهالهن تخرجو من الابتدائيه
وانتي كاعده مكابلتني
رزق.. انتي تعرفين العريس منو
سمر...لا مااعرفه بس سعد السايق جابه
افتهمي كلامي معليج بعقيل هاي اخر فرصه اللج
وافقي على العريس
ازوجي لا اضيعين هاي الفرصه منج
بعد محد يجيج
يله كومي بدلي وخلي شويه مكياج
وعطر ااكيد راح يطلب يشوفج العريس
لا تكلبين وجهج ابتسمي حتى من يشوفج يرتاح
ويوافق عليج
جمانه السعيدي
رزق...غير اعرف منو
سمر... شنو عيوني حضرتج تردين دكتور لو مهندس
هو انتي منو بحالج
يالله يالله فوكاها تتشرط العرجه
رزق...كلامها نزل على كلبي مثل السم
كوه جرعته تريد بس تخلص مني شلون مجان
بس كون تدفعني
مدري شايب مدري معوق
مدري واحد مهتلف الله اعلم
شلون اقبل اذا واحد ما يناسبني
غير اعرف منو بلاول
دخلت غرفتي لبست ثوب اسود وحجاب اسود
وماخليت اي شي الوجهي
كلام سمر دمرني دمار احس روحي تحترك من وراها
دخلت عليه
سمر...هااا خير لابسه اسود منو مات
اكو عروس تقابل عريسها بلاسود
خير شكووو كابله وجهج لازم ما عاجبج
ولج اني صار شهرين امشي وادورلج واحد يسترج
ومن اجا واحد يريد يخطبج
هيج تقابلينه
هو اصلا منو يكول راح يوافق عليج
ايجوز يشوفج وينهزم
مثل الي قبله انهزمو
رزق...اسكتي كافي بعد مااتحمل اسمع صوتج
اسكتي دمرتيني
سمر...عشتو حضرتها ماعاجبها صوتي
اشوفه ينهزم مثل للي قبله وشوفي وكولي سمر كالت
انتي وحده نحس
من يوم يومج نحس والزلم تشرد منج
غيري الاسود بلكت الله يلتفت عليج
رزق...كلشي مااغير يريد يقبل يريد يرفض الله وياا
سمر.. اي تردين تبقين على كلبي
عمي اريد اخذ راحتي بيتي انتي شنو مكابلتني
وجه النحس منيين طلعتيلي حضي الاسود جابج عليه
تردين تبقين مكابلتني العمر كله
راح انجلط من وراج
اسمعي توافقين ؤعني توافقين ماتكو اسود عيشتج
فهمتي لو لا
عندج اخوان ثنيين وولي روحي عليهم
شنو اني خلفتج ونسيتج
رزق....انتي الي جبتيني هنا جنت كاعده بيت ابوي
وساكته
جبتيني حتى تاخذيني فلوسي
وهسه بعد مالج مصلحه يمي تردين تخلصين مني بكل طريقه
صاح عقيل وين الجاي بسرعه
سمر...يااا دخل العريس وما شفته منو كله من وراج
شكد اداهرين الخاطر الله
يله غيري ملابسج وتعاي قدمي الجاي
يافلك يمتى اخلص منج
يوم عيد اطش جكليت بس اخلص منج