رواية انجدني من الغرق الفصل العاشر10بقلم امل بكر
-ليال افتحي الباب ده انتي ازاي تكلمي طارق كده
-افتحي ليال بقولك افتحي
عليت صوتي وانا بمسح دموعي ،
-كفايه بقي والله تعبت كفايه
-بلاش كلامك الي ملهوش لازمه
كملت بعد لما سكتت ثانيه ،
-بكره هتفهمي ان كل ده لمصلحتك
بانفعال ،
-مفيش حاجه لمصلحتي لان اصلا انتو مش بتفكرو فيا ولا عمركم هتفكرو
"قولت كلامي ودخلت في نوبه عياط دخلت الحمام وفضلت اغسل وشي كتير ورجعت نمت علي السرير "
<<فات اربع ايام وانا مش عايزة انزل الشغل ولا اتكلم مع حد وخصوصاً طارق الي كل شويه رن رن
-اي ياطارق !!
-انتي مش بتردي علي موبايلك بسرعه لي!!
-مش فاضيه
-بتعملي اي يعني ؟
-انتي بتتكلم كده لي
-علشان انتي مطنشاني جامد
-انا مش عايزة اتكلم مع حد وحتي بقالي كام يوم مش بنزل الشغل
-عارف
-مين قالك
-امك يومين مش بتردي وانا كنت بطمن عليكي منها
سكت وهو كمل
-اي رائيك تنزلي تسهري معايا انهارده
-هو انت بتسهر كل يوم ؟
-اه
-ومع بنات
ضحك بصوت عالي ،
-انتي بتغيري
قولت بسرعه وبنفي ،
-لا
-من وقت لما خاطبنا وانا قولتهم ان خلاص معتش ينفع
رفعت حاجبي بسخريه ومردتش
-مش مصدقاني ؟
-انت تعمل الي عايزة مش ملزم تقول اي حاجه
-ازاي يعني انتي خطيبتي وحبيبتي واقولك كل حاجه
-طارق بلاش تقول الكلام ده كفايه
-طب اي اجي اخدك بليل
اتنفست بزهق بقالي فعلاً كام يوم حابسه نفسي في الاوضه ،
-مش عارفه هشوف
-هكلمك اشوف هتعملي اي
بتنهيده ،
-طيب باي
قفلت معا وفضلت باصه قدامي لغيت لما قاطعني دخول ماما الاوضه قعدت قدامي
-مش هتطلعي تخرجي مع طارق بقي؟..
-هطلع انهاردة
ابتمست اوي ،
-كنت عارفه انك شويه وهتحبي
-بس انا محبتهوش انا هطلع علشان اتخنقت بس
-هتحبي اكيد بعدين
-اظن دي حاجه مفيهاش اجبار !!
-المهم دلوقتي هتلبسي اي ؟
-معرفش لسه هشوف انتي لي مهتمه
-فرحانه بالخطوبة وكمان علشان بحب طارق
"كنت هتفاجئ لو كانت قالت انها بتحبني انا !! ضحكت غصب عني
اتكلمت بضيق ،
-بطلي تضحكي ضحكتك دي بقي
قومت وقفت وانا راحه الحمام اخد شاور ،
-كل حاجه عايزاني ابطلها
-علشان مستفزه
اتنهد وانا ببصلها وقفلت الباب ورايا اخد شاور وطلعت اشوف هلبس اي بعد تفكير طلعت فستان قصير قبل الركبه اسود
بعد وقت اتصل طارق ،
-جهزتي ؟
وانا بسرح شعري ،
-اها ثواني بس
-ماشي انا مستني قدام البوابه
-ماشي
خلصت ونزلت ركبت واتحركنا من غير كلام
واول لما وصلنا بصيت علي المكان ،
-اي ده انت جبتنا هنا لي
-ده المكان الي هنسهر فيه مالك !
-لا انا مش بحب الاماكن دي انا فكرت هنروح مكان عادي !..
رفع كتفه باستغراب ،
-مش فاهمك وهو فين الغريب في كده !!
-انا مش بحب الاماكن دي
ضحك ببساطه ونزل من العربيه وفتحلي الباب وقال ،
-انزلي وانا متأكد انك هتحبي
سكت بتردد وهو كمل ،
-مش انتي مخنوقه صدقيني هتطلعي من هنا وانتي مروقه
"نزلت معا ودخلنا مكنتش مرتاحه بس جيت علي نفسي وقولت يمكن فعلاً اطلع مروقه شويه.. طلب عصير ومدلي الكوبايه بتاعتي ناحيتي
اتكلم بصوت عالي بسبب الموسيقي وهو بيقرب من وداني ،
-اشربي هيعجبك اوي
اخذها منه وبصيت علي الكوبايه وبعدين عليه ،
-اي دة؟..
-مش مهم الاهم انه هيخليكي تفكي
هزيت راسي ورفعت الكوبايه علي شفايفي واخد بوق واول لما شربته رجعته بقرف
-طعمه وحش اوي !!
-اشربي علطول
-انا مش سامعه حاجه صدعت بجد
اتكلم من تاني وهو بيععلي صوته ،
-بقولك اشربي علطول
-ماهو طعمه وحش اوي مش مستحمله
-علشان لسه اول مره دوقي
فضلت ابص حواليا كله كان مندمج اوي وبصيت علي طارق الي مركز معايا وبيشاورلي اني اشرب
-يلا اشربي علطول
بصيت علي الكوبايه بتردد رفعتها لشفايفي مره واحده وقولت مش هتفرق ماحياتي بنفس طعم البتاع ده الي انا إتأكد اي هو من طعمه ولكني عملت نفسي مش واخده بالي
طارق طلب كمان كاس ولكنه مكنش بيشرب كان بيبصلي وبس اخده منه واخد نفس وشربته تاني
"""""""""""""""""""""""""""""""""""""""
-ايوة ياكارما
-انت فين
-في الشغل خير
-عمتو عندنا وبتقول ان عمرو راح يسهر في المكان نفسه وخايفه ليشرب تاني وو
-طيب خلاص هروحله
-خلي بالك من نفسك
ضحكت،
-مش داخل حرب كارتيه ياكارما
-يابني بقي.. اخر مره اجيت انت وعمرو متشملين ضرب من ناس عمالقه
-ما عمرو السبب رايح يبجح مع دول انا معرفش دخلت ازاي ده انا كنت بحل والله
ضحكت بصوت عالي ،
-امك خايفه عليك وبتشاكل مع عمتك وبتقولها ابني ملهوش دعوه
-اي الصوت ده !!
ضحكت ،
-اقفل اقفل امك شبكت مع عمتك
-طيب خلي بالك بس من المرايه الي جايبها في الصاله لو حصلها حاجه هقتلكو عمرو
-يوووه ياصالح انت عارف انت بتبهبني عليها كام مره في اليوم
-ما براحتي مش بفلوسي !
-ناقص تقولنا محدش يبص فيها
-اه وياريت انتي بالذات علشان ميجلهاش صدمه من وشك وتتكسر
-حبيبي دي بتنور لما ببص فيها
ضحكت ،
_طبعاً ياكرومي تنوير ماقبل الحرق
-اعععععع يارخم
-الله يسامحك اخد منك حسنه اي ده الووو كارما
بصيت في الموبايل دي قفلت،
-مش فاهم بتزعل لي من الحقيقه !!
قومت اخد حاجتي وطلعت عرفت شريف اني ماشي نزلت ركبت عربيتي وشويه ووصلت اتنفست بنفاذ صبر من عمرو دخلت وفضلت ادور بعيني عليه لغيت مالقيتو واقف مع واحد
قربت منه وحطيت ايدي علي كتفه ،
-اي جاي تضرب ؟!!
لفلي وضحك ،
-اي ده !! صالح بتعمل اي هنا ؟.
-جاي اخدك وانا اي الي هيجبني المكان ده
-معرفش استغربت
-طب يلا نطلع من هنا
-انا لسه داخل خليك معايا شويه ونمشي
بحزم،
-ولا انا ولا انت هنفضل في المكان ده يلا نمشي
-ياصالح والله ماهشرب انا واقف مع صحابي بس
اتنفست بخنقه اني واقف في مكان زي ده،
-عمرو وجودك هنا ده اكبر غلط خلينا بس نطلع وبعدين نتكلم
بصلي بضيق،
-انا مش فاهم انت بتعرف مكاني منين!!
ضبطبت علي كتفه بمسايرة،
-معلش حقك عليا
-استني اعرفهم علي الاقل اني ماشي
-اخلص
موبايلي رن طلعته من جيبي ورديت،
-ايوا ياشريف
-انا متأسف بس انا همشي وهرجع المكتب من بكره الصبح
-ماشي بس اهم حاجه ظبط المواعيد
-متقلقش
-ماشي ياشريف
قفلت معاه ولقيت عمرو اجي وباصصلي بضيق،
-يلا نطلع
مشينا خطوة ولكن بصيت علي الصوت العالي رمشت باستغراب وانا باصصلها من انها طلعت نفس البنت !!
عماله بتقول كلام بصوت عالي وتضحك وكأنها سكرانه !!! لاء دي اكيد سكرانه
عمرو قاطع شرودي ،
-انت مستغرب كده لي ده عادي بيحصل
هزيت راسي وبعد نظري عنها عمرو ضحك ،
-اي رائيك نقعد شكلك عايز يقعد
مردتش عليه وبصيت علي الي قريبين منها محدش مهتم ولا بيبصلها وكأنه شئ عادي بس في واحد كان واقف جمبها بصيت علي ايده الي اخدت من ايديها الكاس وبعدين اخد شنطتها وسندتها وماشين ناحيه الباب
معرفش لي قلبي مرتحش لحركاته وانها هي الي سكرانه وهو لاء ده خلاني مبعتش نظري عنه قولت لعمرو "يلا" وانا اقصد اقرب منهم لانهم برده خارجين من الباب
عنيها اجت عليا ووقفت الحركه حتي الي واقف جمبها استغرب وبص عليا
ضحكت هي اوي وهي بتشاور عليا وبتقول كلام اكدلي انها مش في واعيها ،
-اهاا المحـ امي صاحب الحـ ق
خلصت كلامها من هنا وفضلت تضحك والي جمبها حاول يسكتها بس هي في عالم تاني بعدت عنه وقربت مني
-ب بتعمـ ل اي هنا قفشتـ ك!
فضلت تضحك جامد كانت هتقع كنت هلحقها بس هي سبقت ومسكت في التيشرت بتاعي
هو قرب وشدها من ايديها ،