رواية وجه اخر الفصل العاشر10بقلم سما
- قاعده بتعملي إيه كده؟
- سيبت الموبايل من إيدي وقلت: مفيش كنت بلعب في الموبايل..
- امم طيب انتي قولتيلي حاجه كده انهارده لما كنا في الشغل..
- حاجه إيه؟
- كنتي بتقولي نفسك نملي البلكونه كلها ورد وزرع..
- ابتسمت وقلت: ايوا نفسي اوي..
- طب يلا قومي..
- اقوم فين؟
- هنروح نجيب و نزينها..
- اقعد يا نديم انت ما بتصدق..
- مش دي حاجه هتفرحك؟!
- هتفرحني اوي..
- طيب يلا..
- لا يعني مش كل حاجه عايزنها نجيبها..
- وليه لا؟
- مش عارفه بس ازاي؟
- ازاي إيه؟ هنروح محل ونشتري كل اللي انتي عايزاه وكمان نيجي نحطه سوا..
- ابتسمت وقلتله: دلوقتي؟
- ايوا..
- يعني هنروح بجد؟
- ايوا والله..
- ابتسمت وقلتله: تعرف انك دلوقتي هتحقق حلم من احلامي..
- اعيش واحققلك يا حبيبتي..
- بصيتله بابتسامة وقلت: شكرا يا نديم..
- هيام مش عايز اسمع شكرا دي تاني..
- بس انا متعوده علي كده..وانت هتعمل حاجه بحبها لازم اشكرك..
- بس ده واجبي..ده اللي لازم اعمله مش اختياري..
- لا هو مش شرط..
- لا شرط كل واحد واولوياته بقي..
- وانا بقيت اولوياتك..؟!
- طبعا..يا هيام دي فيها كلام..
- يعني ربنا يخليك..
- هيام قوليلي كلمه حلوه..
- سيبها تطلع لوحدها..
- لا ماهي شكلها مش هتطلع..
- اصبر علي رزقك..
- اديني صابر اما اشوف..
- يلا بقي عشان البس..
- ماشي متتاخريش..
- لا مش هغيب..
- طيب هستناكي بره..
- بعد شويه لبست وطلعت ونديم كان قاعد بره في الصاله..
- هيام: يلا انا جاهزه..
- نديم ابتسم لما شافها وقال: حلو اوي الدريس ده عليكي..
- تسلم..
- حاف كده؟
- تسلم يا ابن خالتي..
- نعم ياختي؟!
- ضحكت وقلتله: ايه مش انت ابن خالتي برضو..
- ده كان زمااان دلوقتي انا قره عينك..
- ماشي يا قره عيني..
- يخرابي عسسل عسسسل..
- ضحكت وقلتله: هموت بجد..
- بعد الشر..
- نديم..
- اممم
- هتزعل عليا لو مت؟!
- يا حول الله ايه اللي جاب سيره الموت بس ماحنا بنضحك ومبسوطين..
- يعني هتزعل كام شهر؟
- هيام ممكن تقفلي السيره دي عشان اتضايقت والله..
- طب خلاص..بس ابقي ازعل هااه..
- نديم نفخ بضيق ومردش عليها..
- هيام: رد طيب..
- ارد علي هبلك ده و أقول ايه بجد؟
- طيب خلاص دانت الواحد ميعرفش ياخد ويدي معاك في الكلام..
- ليه انا اللي بقلبها غم في ثانيه..
- براحه علي نفسك شويه..
- يلا يا هيام خلينا ننزل..
- طب مش راحه
- ليه طيب؟
- شايف طريقه كلامك..
- يستي حقك عليا رأسك ابوسها..
- لا خلاص..ابعد..
- لا لازم ابوسها..
- ضحكت وقلتله: لا ابعدد
- والله ما يحصل..
- يا عم خلاص..
- نديم قرب منها و باس رأسها..
- قلت وانا بخبي ابسامتي : ارتحت كده..؟!
- اهم حاجه تكوني مرضيه بس..عشان لو مش مرضيه ابوسها تاني..
- لا لا مرضيه..
- من قلبك؟!
- ابعد بقي انت بتتلكك؟!
- نديم ضحك وقال: اخر كلام يعني؟!
- يلا يا نديم قدامي..
>>>>>>>>>>>>>>>>>>>>>>>>>>>>>>>>>>
- بعد شويه وقفنا قدام محل و نزلنا من العربيه..
- نديم: يلا ادخلي ونقي اللي انتي عايزاه..
- نقي معايا..
- انا؟
- ايوا مش بلكونتنا احنا الاتنين..
- اه بس اختاري انتي..
- لا تعالي..
- طيب
- بدأت اتفرج علي الورد وانا مبتسمه وبصيت لنديم وقلت: فاكر الورد ده يا نديم؟
- اه جبتهولك في حفله التخرج..
- يااه دانت شاطر جدا..
- علفكره انا فاكر كل التفاصيل طب فاكره انتي البوكيه ده؟
- ابتسمت وقلت: اه ده في عيد ميلادي لما جبته لون فستاني..
- خلي بالك انا التفاصيل لعبتي..
- امال ازاي مكنتش بتحبني وفاكر كل ده؟!
- نديم سكت وقال: انا يمكن مكنتش بحبك او مش متأكد يعني بس اللي متأكد منه انك كنتي مهمه اوي في حياتي وكل تفصيله عشتها معاكي كانت من قلبي..
- غريب اوي الموضوع ده؟
- بس حلو..
- كان حلو..
- نديم: ولسه حلو..
- يمكن..
- أدام لحد دلوقتي سايب ذكري نفتكرها واحنا مبسوطين يبقي حلو..
- ابتسمت وقلت : معاك حق..
- نديم: عايزه تيجيبي زرع ايه؟ غير النعناع؟
- إيه ده عرفت ازاي اني هجيب نعناع..؟!
- انت كنتي بتجيبي عندنا عشان تشميه يا هيام..انت تقريبا حبيتي الشاي اللي بعمله عشان النعناع..
- امم فكرتك فاكر حاجه..
- يعني فاكر حاجه شبه كده..في مره انتي قلتيلي انك نفسك تصحي الصبح كده وتدخلي البلكونه وتسقي النعناع بتاعك وبعدين تشميها كده وتحسي ان الحياه حلوه..
- بصيتله باستغراب وقلت: نديم انت فاكر الجمله بالحرف..
- ايه ده بجد؟
- ايوا بالمللي..
- قلتلك كنت مهتم وكده..
- ماشي ياعم..
- بعد حوالي ساعتين كنا خلصنا وطلعنا البيت..
- نديم: هاتي يلا عشان نحطهم..
- قلتله بحماس: يلا..
- دخلنا البلكونه وبدأنا نختار مكان لكل حاجه..
- هيام: حطها هنا..
- لا علي الجنب التاني احلي..
- لا انا عايزها هنا..
- لا..هناك احلي..
- طب مش هتتعلق غير هنا يا نديم..
- يا بنتي اسميعني..
- هتعلقه ولا اطلع..؟!
- خلاص خلاص هلعقه.
- ايوا كده..
- عايزه بقي الترابيزه دي والكرسيين في انهو ركن.
- امم هنا..
- ايوا هيبقي حلو..
- حطينا الورد في البلكونه وخلصنا ووقفت ابص للبلكونه وانا مبسوطه اوي..
- شكلها حلو اوي..
- رديت بابتسامة: ايوا..نديم صورني..
- عيوني..
- وقفت وهو كان بيصورنيي..
- نديم: يلا ناخد سليفي انا وانتي للذكري..
- يلا...نديم وقف قريب مني ولاول مره اكون مش مضايقه من قربه..
- نديم: حلوه الصوره..كلها ورد ياخواتي..
- لا والنعناع..
- انا قصدي كلها ورد انتي والورد..
- امم معلش مفهمتش..
- نعناع إيه بس..انتي فصلان..يا هيام..
- ضحكت و بصيت للورد وبعدين بصيتله بابتسامة وقلت: نديم شكرا من قلبي..علي كل ده..
- علي إيه بس يا حبيبتي..والله انا كمان مبسوط كفايه اننا بنعمل الحاجه دي مع بعض..
- هزيت رأسي بابتسامة..
- نديم: اروح اعمل كوبايتين شاي بقي..
- ايوا ياريت..
- طيب اعملك في انهو مج؟ مودك جايب إيه؟
- ابتسمت وقلتله: اللي بشرب فيه قهوه..
- طيب..
- نديم مشي وانا قعدت علي الكرسي وفضلت ابص علي البلكونه وابتسمت حسيت اني نديم بقي عارفني اكتر مني..ومركز علي كل تفصيله وقربه بقي يفرحني...انا معتش فاهمه حاجه بس الاهم اني مبسوطه..
>>>>>>>>>>>>>>>>>>>>>>>>>>>>>>>>>
- تاني يوم في الشغل طلعت انا وهو من الاسانسير..
- نديم: ابقي افطري.
- هيام: حاضر..
- وبعدين حد جه وقال: اهلا هيام..
- ازيك يا عبدالله..
- نديم: مين ده؟!
- هيام :عبدالله
- ايوا مين الباشا يعني؟!
- عبدالله: انا زميلها وبنشتغل مع بعض في المشروع الجديد..
- امم ماشي..
- عبدالله: مش حضرتك رئيس القسم..؟
- نديم: ايوا..
- عبدالله: اتشرفت بحضرتك..يلا يا هيام عشان ندخل..
- نديم : تدخل فين يا حبيبي انت مش شايفها واقفه مع جوزها؟!
- عبدالله: جوزها؟!
- هيام: ايوا نديم يبقي جوزي..
- عبدالله: اسف مكنتش اعرف..
- نديم:خلاص اديك عرفت..
- عن اذنكوا..
- هيام: ايه يا نديم؟
- نديم: إيه ؟مين ده اصلا..ويقولك هيام ليه اصلا؟!
- عشان اسمي..
- لا يقولك استاذه هيام...
- ليه يعني؟!
- ده الصح..
- احنا زمايل عادي..
- وبعدين تدخلي معاه ولا تمشي معاه ليه اصلا؟!
- فين اللي مشيت منا واقفه اهوه..
- وهو مش عارف اني جوزك؟
- لا .
- ليه ان شاء الله..
- انا يعني المفروض اي حد جديد اروح اقوله انا مراتك..
- ايوا وإيه المشكله..
- ازاي يعني؟
- بقولك إيه يا هيام حطي حدود في الشغل عشان بتضايق..
- وتضايق ليه اصلا..
- عشان جوزك..لو ناسيه يعني..
- اه ماشي.
- يعني ايه ماشي؟
- الله انت عايز تتخانق وخلاص قلتلك ماشي..
- طيب اما اشوف..
- بقولك ايه يا نديم انا مبتهددش ولا بخاف..
- ليه هو معني انك تحترمني وتحترمي وجودي يبقي بتخافي؟!
- نديم انا مش قصدي كده..يعني..
- خلاص يا هيام خشي..
- طب انت زعلت..؟!
- لا عادي يلا انا هطلع..
- طب خلاص متزعلش...انا بحترمك علفكره..
- ماشي..
- دانت قماص اوي..
- ربنا يسامحك..
- ضحكت وقلتله: طيب هتجيبلي قهوه انهارده..
- اه..
- طيب مستنيه...
- طيب خشي يلا..
- مع السلامه..
- سلام..
- افرد وشك كده..
- نديم: اهوه..
- ايوا شوف كده احلي ازاي..
- نديم ضحك وطلع شغله..
>>>>>>>>>>>>>>>>>>>>>>>>>>>>>>>>>>
- بعد الشغل طلعت انا وهو..
- نديم: هااه قلتي إيه؟!
- هتوديني مطعم إيه؟
- يعني شوفي انتي عايزه تاكلي إيه..
- امم نفسي جايباني لاي حاجه عادي..
- طب خلاص انا عارف مكان حلو..
- تمام..
- وصلنا المكان وقعدنا وقلتله: بس ده كافيه؟!
- ايوا بس فيه هنا كل الاكل اللي انتي عايزاه..
- طيب..بقولك ايه صحيح؟
- نعم؟
- انت كنت كل شويه تنزل انهارده ليه؟
- عادي يعني عشان مكنش عندي شغل كتير كل شويه انزل ابص عليكي..
- لا بس زمايلي كانوا بيقولوا ان كان فيه كذا اجتماع مهم..
- اه منا خلصتهم..
- يعني مش عشان حاجه تانيه؟
- لا عادي عشان اشوفك..
- امم ماشي هصدقك..
- عشان دي الحقيقة..هكون نازل ليه اصلا..
- طب وكل شويه لما تلاقيني واقفه مع عبدالله بعمل حاجه تيجي تلزق فيا ليه..؟!
- مين عبدالله ده؟!
- ضحكت وقلتله: بجد والله؟
- يعني مرتحتش للواد ده..
- ايوا اقول كده بقي..
- منا بقول اهو..وهو المشروع ده فاضل قد إيه ويخلص؟
- حوالي اسبوع..
- امم طيب يارب نخلص..
- إيه..
- لا بقول شوفي هتأكلي إيه؟.
- امم عايزه بيتزا..
- وإيه كمان؟
- بس كفايه..
- لا شوفي حاجه كمان..
- ايوا هو انا باكل إيه يعني؟
- امم عايزه بطاطس..
- ماشي..
- نديم بص علي الترابيزه..اللي قدامه وقال لهيام بصي عليهم..
- هيام: حلوين اوي..يعني بعد كل العمر ده ومملوش من بعض..
- يا تري سامحته كام مره؟!
- هيام: يا تري هو اللي حاول يصلح كام مره؟اصل الست مش بتسامح غير لما اللي قدامها يثبت انه اتغير فعلا ويستحق الفرصه اللي قدامه بجد..
- نديم: طيب وانا استحق يا هيام؟!
- بصيت وقلتله:سيبها تطلع مني لوحدها يا نديم..خلي احساسي هو اللي يقولي فعلا انك تستحق فرصه..
- حاضر يا هيام..
- وانت هتطلب ايه..؟!
- هطلب برجر عشان ناكل مع بعض..انتي بتحبي كده..تأكلي حجات مختلفه..
- هزيت رأسي وانا مبتسمه..
- مبتسمه ليه؟
- مفيش اصلك شاطر اوي..
- مستوايا اتحسن ولا إيه؟
- شكلك مذاكر كويس..
- والله ابدا كل ده من قلبي..
- ابتسمت وقلتله: عارفه...
>>>>>>>>>>>>>>>>>>>>>>>>>>>>>>>>>
- بليل نديم كان بيجهز..دخلت الاوضه وقلتله: علي فين كده؟
- نازل مع صحابي..
- طب وهتتأخر؟
- ممكن..
- امم يعني حوالي قد إيه كده؟
- يعني تلت ساعات..
- ليه هتيجي الساعه ١٢؟
- اه يعني..
- ليه ان شاء الله؟
- عادي كلنا هنبقي متجمعين وكده..
- لا بس مترجعليش الساعه ١٢..
- حاضر هاجي الا خمسه..
- اذا كان كده ماشي ١٢ لا.
- نديم ضحك وقال: هتفرق اوي يعني؟
- اه عيب..
- نديم ضحك وقال: اصلي سندريلا..
- إيه ده انت عارف سندريلا..؟!
- اكيد يعني..
- شاطر عايزاك شكلها بقي..
- حاااضر..
- اول ما تيجي ١٢ الا خمسه هتقول ايه؟
- يخرابي دي الساعه ١٢..الوداااع..
- ضحكت وقلتله: برافو عليك..
- نديم ضحك وقال: يلا همشي انا..مع السلامه يا حبيبتي..
- قلتله بابتسامة: سلام...
- فضلت مستنياه بس مجاش فنمت علي الكنبه..
- بعد شويه نديم كان رجع و لقاها نايمه..: ايه ده دي نامت علي الكنبه..نديم قرب منها..وقال بهدوء: هيام..
- فتحت عيني ببطء وببص لقيته: انت جيت يا نديم؟
- اه خشي نامي جوه..عشان البرد..
- لا هقوم احضرلك العشا..
- لا انا اتعشيت بره..وجبتلك معايا..
- بجد؟
- اه اهوه..
- هات هات..وشغل الشاشه دي..
- إيه ده مش هتنامي..
- لا دي فرصه متتعوضش..
- طيب بالهنا والشفا..
- تسلم..
- استني اجيبلك مايه..
- بصيت عليه وهو ماشي وابتسمت بقيت احس بشعور حلو اوي طول ماهو جنبي..
- نديم: اتفضلي..
- رديت بابتسامة: شكرا..المهم عملت إيه بقي مع صحابك؟اتبسطت؟
- ايوا يعني كانت خروجه حلوه..
- طيب كويس..
- وفضلنا نتكلم انا وهو ونهزر وخلاص اتعودت علي وجوده حتي مش عايزه اقول كلمه تزعله ولا ارجع افتح الموضوع تاني واقلبها نكد خلاص مش مهم اللي فات المهم دلوقتي..
>>>>>>>>>>>>>>>>>>>>>>>>>>>>>>>>>
- تاني يوم كنا قاعده تحت مع خالتو وصافيه..
- منال: والشغل حلو بقي؟
- صافيه: اكيد يماما..زمان الدنيا فراشات هناك..
- قلت بابتسامة: بس يا بت..
- صافيه: بيدلعك صح؟
- الصراحه اه..
- ايوا اخويا الحنين..
- منال بابتسامة: ربنا يسعدكوا يا حبايب قلبي..
- يارب يا حبيبتي..
- هيام: هو نديم قال انا رايح فين صحيح..
- صافيه: راح مع حازم يجيبوا حاجات..
- ايوا صح..
- هيام: صافيه انا متحمسه اشوف شقتك اوي..
- منا عماله اتحايل عليكي تيجي امال لو مكنتش تحتنا بقي..
- يا بنتي عايزه اشوفها كده بعد ما تتفرش..عشان اتفاجئ كده..
- ادعيلي يا بنتي..
- بدعيلك والله..
- صافيه: شوف بقي يعني انا كده مش هبقي عمه حربوقه ضاع المحتوي..
- هو فيه اطيب ولا احن منك يا صفصف..
- حبيبه قلبي والله يا هيومه..
- ايه ده الباب بيخبط..
- صافيه: زمانهم جم استني اقوم افتح...إيه ده فيه إيه؟مالك يا نديم؟
- أول ما سمعت اسمه قمت بسرعه..ببص لقيت ايده عليها جبس..جريت عليه وقلتله: نديم ايه اللي حصل؟
- مفيش يا حبيبتي والله كنت معدي الطريق وعربيه خطبتني في دراعي..
- يعني يا نديم مش تخلي بالك ينفع كده يعني؟
- نصيبي يا هيام..
- الحمد لله بس هي بتوجعك؟
- اوي يا هيام..
- يعيني طب معلش..تعالي اقعد..
- نديم خبي ابتسامته وقال: استني اسند علي كتفك..
- ماشي اسند..
- صافيه ضحكت وقالت: شوفي الواد يا هبله هيسند عليكي ليه ودراعه اللي مكسور..
- بصيتله وقلت: تصدقي صح انت بتضحك عليا ؟
- الله مش انتي مراتي وسندي..
- نزل ايدك خلعت كتفي..
- اه دراعي واجعني همشي ازاي؟؟
- طب حتي قول الجمله صح..
- ايه ما الدراع بيأثر علي الرجل مدرستيهاش؟
- لا كانت فين دي جديده عليا!
- يبقي انتي مكنتيش شاطره بقي..كانت في كتاب الدراسات..
- ضحكت وقلتله: ليك عين تهزر..
- بفرفشك كده..
- ليه هو انا اللي مكسوره..؟!
- اصلك خفتي عليا..
- لا عادي اتخضيت بس..
- يا بت..
- يعني خفت شويه..
- دانتي كنتي هتعيطي..
- انا محصلش..
- بس بتوجعني اوي يا هيام..
- طب معلش ما هي لازم توجع..
- مفيش الف سلامه يا حبيبي..
- الف سلامه..
- يا حبيبي..
- اقعد بقي..
- بالله عليكي..
- يا عم خلاص..
- عشان خاطري..
- قلت بخجل:الف سلامه يا حبيبي..
- الله يسلمك يا قلبي..يخرابي قلبي بيرقص دلوقتي..
- ضحكت عليه وقلت: خليك في ايدك دي..
- الوجع راح خلاص بعد حبيبي دي..
- صافيه: يارب اتجوز بقي..