رواية اسيرة عشقه القاسي الفصل العاشر10بقلم جنات واسراء ابراهيم

مراد اتوتر من سؤال رفيف وحاول يرد بثبات :

وتفتكري يعني انا محتاج اني اقول عشان تعرفي كدة ؟ ده كفايا اني واجهت خالد عشانك رغم انك عارفة كويس انا جوايا ايه من ناحيته 

رفيف اتأثرت وردت بحب :

عندك حق ....ده كفايا يخليني اتأكد انك بتحبني ....مراد انت متعرفش انا بحبك ازاي ....بجد انت روحي اللي لما بتغيب عني  ببقي تايهة وضعيفة 

مراد للحظة حس بالذنب للحظة بس استدرج نفسه ورد بابتسامة :

وانتي بنت قلبي يا رفيف وعمري ما اتنازل عنك ابدا 

رفيف بابتسامة متفاجئة :

بنت قلبك ؟ بجد يا مراد انا كدة بالنسبالك ؟

مراد بصدق وهو باصص في عنيها وسرحان :

بجد يا رفيف انتي بنت قلبي .....يلا بينا ؟

رفيف بخجل :

يلا بينا يا ميمو 

ركبت رفيف ومراد كان هيركب بس وقفته بنت خارجة من الجامعة بالصدفة وشافته 

البنت بصدمة ممزوجة بفرحة :

معقولة مراد الحديدي ؟ مش مصدقة اني شوفتك مرة تانية 

مراد لف ولما شافها ابتسم بتلقائية وقرب منها وهو بيمد ايديه يسلم عليها  :

ريماس .....ازيك اخبارك ايه ؟

ريماس بابتسامة :

انا تمام ...انتت اخبارك ايه ؟ انا قولت مش هتفتكرني بصراحة لان بقالنا فترة طويلة من وقت ما اتقابلنا وكانت اول مرة كمان 

مراد بمجاملة :

لا انساكي ازاي ...انا مش بعادتي انسي الوشوش الجميلة اللي قابلتها  

رفيف من وراه بغضب وهي مربعة ايديها :

لا يا راجل ؟ طب وايه كمان يا دنجوان عصرك ؟

مراد بتوتر :

احم تعالي يا رفيف اعرفك علي ريماس وتبقي بنت صديقة ماما واتقابلنا صدفة في حفلة خيرية تبع مامتها 

رفيف بضيق وبرود  :

اه اهلا ....وانت بقي مش هتقدمني ليها عشان هي كمان تعرف انا مين ولا ايه ؟

ريماس بدلع وهي بتبتسم وعنيها علي مراد  :

مش محتاجة يعرفني يا رفيف احنا زمايل في جامعة واحدة وانا عارفاكي كويس 

رفيف ببرود:

والله ؟ بس انا بقي مش عارفاكي خالص ....

مراد بنظرة بعتاب :

 رفيف في ايه .....

رفيف بعند وضيق :

في انك معرفتهاش انا مين يا مراد  

.....ايه مش هتقولها انا ابقي يالنسبالك ايه ؟

مراد بص لريماس ورد بابتسامة :

اعذري رفيف هي بس لما بتهزر بتبقي كدة 

رفيف بانفعال وغضب :

والله ....يعني انت شايف كدة ؟ عموما تمام .....انا ماشية وانت خليك معاها اشرحلها 

مراد بسرعة وهو بينادي علي رفيف :

رفيف رايحة فين ....استني مينفعش كدة ؟

رفيف مردتش عليه وسابته ومشيت ووقف هو يبص لريماس باحراج:

معلش علي طريقتها معاكي .....هي متقصدش 

ريماس بتصنع :

لا عادي انا بس مستغربة هي واخدة مني موقف ليه ؟ بصراحة مش عارفة رغم انها ملحقتش تعرفني يعني 

مراد بثقة:

تقدري تعتبريها غيرة لانها خطيبتي 

ريماس بتفاجئ :

بجد ....مبروك بس يعني انا مسمعتش حاجة زي كدة رغم اني متابعة اخبارك 

مراد بثقة وهو بيتكلم بجدية  :

لا ما احنا لسة مأعنلناش بس الفرح قريب واكيد هنعزمك .....يلا اسيبك انا بقي واروح اشوف رفيف 

ريماس بتصنع الرقة :

اوك واسفة لو عملتلك مشكلة مع خطيبتك يعني ياؤيت تفهمها اننا صحاب 

مراد بجدية:

اه اكيد ....يلا باي 

.........................................

كان واقف حازم في الفراندا بتاعة اوضته وبيشرب قهوته وهو بيفكر في لورين وقد ايه اتغيرت عليه وان هو السبب لانه هو اللي بعد عنها فجأة بعد ما كان قريب منها واتعلقت بيه .....انتبه ليها وهي خارجة من الفيلا واتفاجئ بيها لابسة لبس ضيق وقصير وملفت اوي فكور ايديه بغضب ونزل بسرعة وراها ولحقها قبل ما تركب عربيتها وشدها من ايديها وقفها 

حازم بعصبية مكتومة :

استني هنا ....انتي رايحة علي فين  بالشكل ده ؟

لورين بغضب وهي بتحاول تسحب ايديها منه :

وانتت مالك اصلا بيا وبعدين هو ماله لبسي بقي ؟

حازم بانفعال:

ضيق وقصير .....انتي من امتي بتلبسيي كدة ؟

لورين ببرود متصنع:

والله هو ده لبسي من هنا ورايح وانت مش واصي عليا وكدة كدة انا هقول لمراد  ان انت بتمشي ورايا ناس ...اوعي تكون فاكر اني مش عارفة وانا اصلا مش صغيرة ومش هسكت عالموضوع

حازم بغضب اعمي حذرها :

لورييين اتعدلي ومتختبريش صبري واظبطي كلامك  كدة ومتفتكريش انك كدة بتضايقيني عشان انا مش هسمحلك تخرجي كدة ابدا 

لورين بعصبية :

وانت اصلا تقربللي ايه عشان تسمح ليا ومتسمحش ؟ انت اصلا مش واصي عليا لاني مش صغيرة انت فاهم  ؟ 

حازم بغضب بيحاول يتحكم فيه وهو باصص في عنيها :

ممكن اعرف ايه اللي غيرك كدة ؟ انا عملت ايه ضايقك مني اوي كدة ؟فهميني 

لورين بحزن :

انت معملتش حاجة يا حازم ....انا اللي غلطانة .....كنت فاكرة ان قربك ده كان عشاني ....عشان عاوز تكون معايا ....عشان انا اهمك وافرق معاك بس اكتشفت الحقيقة وده  اللي خلاني اقرر اني ابعد 

حازم بلهفة وهو بيوقفها :

استني بس يا لورين .....نفسي اعرف مسن الللي فهمك كدة .....انا لما قربت منك كان منن نفسي مش عشان مراد قالي اقربومنك ولا عشان خايف تكرري تاني اللي حصل والا كان من باب اولي كنت قولتلك متخرجيش من الفيلا بس فعلا انا كنت حابب نكون صحال 

لورين باندفاع وانفعال وهي مخنوقة:

اومال بعدت ليه ؟ ليه لقيتك بعدت واكلمك متردش عليا وارن عليك تكنسل وبقيت بتتهرب مني .....ليه حسستني اني كنت حمل واني عبئ عليك ....ليه يا حازم 

حازم اتأثر فرد بجدية :

عشان خوفت عليكي يا لورين ......مش عاوزك تاخدي عليا وتتعلقي بيا وعقلك يصورلك حجات هي مستحيل تحصل .....لورين انا مش عاوز اسببلك اي جرح بس حقيقي انا خوفت عليكي تتجرحي بسببي 

لورين بصدمة ودموعها بتنزل :

انت خايف تقولي انك بعدت عشان خوفت اني احبك مش كدة ؟ بعدت عشان متعلقش بيك واحبك فقولت تاخدها من اصيرها وتبعد عشان متعلقش بيك .....للدرجادي انت خايف من قربي ؟ 

حازم بصلها ومقدرش يتكلم او يبرر فمسحت لورين دموعها بعنف وردت بقوة مزيفة :

عموما متقلقش يا حازم لان ده مستحيل يحصل لاني عمري ما شوفتك غير اخ وصديق ولو كنت فرحلنة بقربك مني لاني طول عمري لوحدي وعمري ما حسيت ان 

حد بييحبني ويخاف عليا حتي امي وعشان كدة كنتت فرحانه بقربك لكن تقدر تقول تعود اختياج لكن عمره ما هيكون حب وده لااني محبتش غير شخص واحد بس ومعتقدش اني هقدر انساه 

حازم كان كل كلمة من لورين بتع في قلبه فقالها بغضب وغيرة :

وده مين ده ان شاء الله ؟

لورين بابتسامة باردة:

نديم يا حازم ....هو اه اتخدعت فيه بس للاسف انا حبيته بجد وصعب اني انساه ودي حاجة مش بايدي عشان كدة مش عاوزاك تخاف من علاقتنا لاني عمري ما هفكر فيك غير اخويا الكبير زي مازن بالظبط مش اكتر ......بعد اذنك بقي انا لازم امشي 

حازم كان مصدوم  من كام لورين ومش متخيل انها فعلا لسة بتحب نديم وانها مستخيل تبصله زي ما قالت ووقتها كان في قمة غضبه وهو متابعها بتبعد 

.....................................

كانتت واقفة زينب مستنية الاتوبيس وكل شوية تبص في ساعتها وهي مضايقة انها هتتأخر علي رفيف اللي كلمتها وطلبت منها تجيلها ضروري وكان باين من صوتها انها مضايقة 

همس بقلق :

يا تري يا رفيف مالك ....صوتك ميطمنش خالص ....اكيد اللي اسمه مراد ده هو السبب علطول حارق دمها اوووف 

انتتبهت همس لصوت سيف من وراها خلاها اتصدمت ولفت بسرعة

همس بتكشيرة:

انت تااني ؟  ايه عاوز ايه يا جدع انت ...انا مش قولتلك متتعرضليش تاني ؟

سيف بجدية وصوته باين فيه الحزن:

اانا عارف بس فعلا محتاج اتكلم معاكي ...ارجوكي اسمحيلي اخدك ونقعد في مكان انتي اللي تختاريه ونتكلم 

بصتله زينب بشك وخصوصا اما لاحظت نبرة الحزن اللي في صوته:

وانت عاوز تتكلم معايا في ايه ؟ ولا تكون هتكمل كلامك الخايب بتاع اخر مرة دي ...والله صدقني المرة دي بقي مضمنش رد فعلي ويمكن افتح نفوخك هه 

 سيف بتنهيدة ورجاء :

لا انا مش هتكلم انا عاوزك انتي اللي تتكلمي يا زينب ....عاوزك تحكيلي كل حاجة تخص مامتك وبابا حصلت زمان .....عاوزك تفهيني لاني اكتشفت اني كنت مغيب 

زينب بتكشيرة وشك :

او عي تكون دي لعبة منك وجاي تلعبها عليا يا حضرة الظابط انت ؟

سيف بابتسامة باهتة:

ابدا والله .....انا تايه يا زينب ومحتاجك تكوني جمبي وتفهيني كل حاجة انا حاسس كأني لسة عارف بابا من كام يوم بس 

زينب بتردد :

طيب انا صاحبتي محتجاني ولازم ابقي جمبها .....بص مش هتأخر هما ربع ساعة بس ....قولت ايه ؟

سيف بلهفة وثقة:

وانا موافق ومش محتااج غير الربع ساعة دي بس وانا بنفسي هوصلك لحد باب بيت صاحبتك .....ممكن نمشي بقي 

زينب بتردد:

تمام موافقة .....انت مهما كان ابن عمي واكيد مش هتأذيني ماما اللي قالتلي كدة 

سيف بصلها وعنيه فيها ندم انه مصدقهاش من الاول وان فعلا شكلها في حاجات هو ميعرفش عنها حاجة ابدا وعشان كدة لازم يفهم ويعرف كل حاجة ووقتها يقرر هيعمل ايه 

..............................

كانت واقفة ندي مستنية ادهم ومش عارفة هو اتأخر عليها ليه ولا حتي عاوزها ليه وخصوصا انه مكلمهاش خالص من وقت اخر مرة  شدو قصاد بعض فيها  لحد ما شافته جاي عليها من بعيد ومعاه بنت جميلة اوي وقتها النار قادت فيها 

ادهم بابتسامة :

ازيك يا ه

ندي ....اتأخرت عليكي اعذريني معلش 

ندي ببرود وهي بتبص للبنت اللي معاه :

انا.كنت خمس دقايق كمان وهمشي ...انا اصلا مش عارفة انك من النوع اللي مبتحترمش مواعيدك .....طب حتي كنت اعمل حساب انك المفروض بتحميني 

ادهم بابتسامة باردة :

علي فكرة انتي  مش واقفة لوحدك وفيه اللي متابعك خطوة بخطوة فبلاها بقي طولة لسان 

ندي بغيظ وانفعال:

هي مين دي اللي لسانها طويل ....علي فكرة بقي انا مش هيهمني حد وممكن اعلي صوتي وارد عليك كويس 

البنت بسرعة وهي بتكتم ضحكتها:

خلاص يا انسة ندي اهدي ....ادهم ميقصدش ....هو بس شكله بيحب ينرفذك 

ندي ببرود متصنع وهي بتبص للبنت بغيظ:

وانتي مين بقي عشان تعرفيني علي خطيبي وطلعتي عارفاه اكتر مني ؟

ادهم بابتسامة :

دي ريهام يا ندي هتبقي جمبك لحمايتك و معاكي في قلب المدرسة كمان وهي اللي هتاخد بالها منك وهتفضل ملازماكي علطول وهي عارفة كل حاجة وانا واثق فيها جدا 

ندي ببرود  :

بادي جارد يعني ؟ وحد قالك اني محتاجة حماية جوة المدرسة.....انا مش موافقة ومش محتاجة حد يحميني 

ادهم  باصرار :

احنا اتفقنا انك هتسمعي كلامي ومش هتعترضي يا رفيف .....وبعدين انا كدة هبقي مطمن اكتر عليكي 

ندي ببرود :

وانا قولتلك اني مش موافقة ومش معني اننا ارتبطنا يبقي اي حاجة تقولي عليها اقولك حاضر ...انا برضه مش لعبة يا ادهم بيه 

ريهام باقناع:

طيب ممكن تسمعيني  انا يا ندي ....انا والله مش هضايقك خالص..... ياستي اعتبريني زميلتك في المدرسة وصاحبتك ...مش يمكن تحبييني ونبقي صحاب بجد ؟ وعلي فكرة بقي ادهم باشا بيعزك وبيحبك جدا لانه طلب مني الموضوع ده بشكل شخصي بعيد عن الشغل وانا وافقت لاني لاحظت انك تهميه جامد يعني 

ندي بصت لريهام بتردد وكانت مضايقة عشان اتفكرت ادهم اكيد قايلها انه خطبها كدة وخلاص عشان يحميها بس اتفاجأت بيه بيمسك ايديها فقلبها دق بعنف وبصتله بصدمة لما لقته بببص في عنيها وبيتكلم مع ريهام 

ادهم بابتسامة :

اكيد طبعا تهمني يا ريهام ....مش خطيبتي وحبيبتي ولو مكنتش خايف عليها من الحيوان ده مكنتش هعين اللي يحميها وياخد باله منها جوة المدرسة وهي بعيد عن عيني 

ريهام بابتسامة :

ربنا يخليكم لبعض يارب ومتقلقش عليها دي في عيوني

ندي اتوترت وسحبت ايديها بخجل  :

احم تمام ....ممكن امشي بقي انا لازم اروح لرفيف 

ادهم بقلق :

في حاجة ولا ايه ؟ رفيف معاها مشكلة ولا حاجة؟

ندي وهي لسة متوترة  : 

احم لا هي بس مستنياني عشان هنقعد مع بعض شوية بقالنا كتير مقعنداش مع بعض 

ادهم وهو بيقرب ودنها وبيهمس ليها :

ايوة كدة بتبقي شاطرة وانتي بتسمعي الكلام بس اوعي تنسي اننا بنمثل ها وانك خطيبتي يعني تمثلي معايا  

ندي بخجل وهي مكشرة وضربات قلبها بتزيد:

طب لم نفسك بقي وبطل تستهبل ومتعملش اللي عملته ده تاني 

ادهم بغمزة وهو بيرفع حاجبه:

وايه بقي اللي انا عملته مش فاهم ؟ 

ندي بخجل وتوتر ؤدت يصوت عالي  :

مش يلا بقي يا ادهم ...هتأخر 

علي رفيف 

ادهم بابتسامة :

تمام يلا بينا يا روحي 

ومسك ايديها ومشيو شوا وريهام معاهم وندي قلبها في حتة تانية 

......................................

 كان واقف مراد في مكتبه بعد ما كلمته امه وطلبت منه يجي ضروري عشان تتكلم معاه 

مراد بجدية:

خير يا امي .....مالك طلبتيني فجاة وقولتيلي انك عاوزاني ضروري 

هند بجدية وهي بتقف قدامه :

ماهو  لازم اطلبك تيجي بسرعة عشان افهم منك ازاي انا امك واعرف من مرات عمك فريدة انك هتتجوز وقريب كمان ؟

مراد بجدية وهدوء:

ما انا عشان كدة طلبت منك ترجعي يا امي وقولتلك اننا هنتكلم 

وكنت هحكيلك كل حاجة في وقتها 

هند بغموض وهي بتقعد :

واهو جه وقتها يا مراد ...اتكلم انا سامعاك ......يا،تري هتتجوز فجأة كدة ومين هي دي اصلا ؟

مراد بهدوء وجدية وهو بيقعد :

مش فجأة ولا حاجة انا كنت مستني تيجي عشان اقولك اني هتجوز رفيف بنت خالي خالد 

هند بجمود لانها كانت عارفة من حازم :

نعم ؟يعني ايه هتتجوز رفيف ...ده اللي هو ازاي وامتي اصلا فهمني ؟

مراد بكدب :

ايه يا ماما .....هتجوز عادي زي الناس ....فين المشكلة بقي ؟

هند بغموض :

المشكلة اني عارفاك كويس يا مراد .....وعارفة انت بتفكر في ايه ....من امتي انت بتحب خالك عشان تتجوز بنته رفيف ....انت عاوز تنتقم من خالك في بنته مش كدة

مراد بثقة :

والله مش بالظبط كدة .....انا بس اتجوز رفيف والباقي بقي سهل ان شاء الله 

هند بصدمة من برود مراد :

مراد انت عمرك ما كنت كدة ...متخليش كرهك لخالك يعميك عن كل اللي بيحبوك ....ورفيف مذنبهاش حاجة ان خالد ابوها وبعدين ده موضوع  عدي عليه سنين ....انسيي يابني وكمل حياتك بقي لمن تدمرها وتدمر نفسك انا مش موافقة ابدا ولا يمكن هيحصل يا مراد 

مراد بثقة وجمود:

ماما لو سمحتي دي حياتي وانا فعلا عاوز اتجوز رفيف وبالسنبة للانتقام  فانا لو عاوز انتقم منه كنت عملت كدة وخصوصا انا رفيف بتحبني وواثقة فيا

هند بقصد وجمود:

وهتعمل ايه لما تشوف نظرته ليك لما تلاقيك خونت ثقتها فيك ؟ ...مراد بكل تدمر علاقتك بكل اللي بيحبوك ومتحملش رفيف ذنب اللي ابوها عمله ومتنساش ان ابوك برضه مكنش شغله مظبوط وانه نفس عينة خالك 

مراد بحسم وانفعال:

وايه لازمة السيرة دي دلوقتي يا امي .....انا قولتلك اني هتجوز رفيف وخلاص انا روحت وطلبتها من خالد وهو وافق ....هو بس كان شارط انك تيجي وتبقي موجودة 

هند بصدمة وخزلان :

يعني لولا خالك هو اللي شرط عليك اني اكون موجودة كان زمانك تممت كل حاجة  من ورايا 

مراد بلهفة:

لا يا امي مش كدة ولو سمحتي بطلي تاخدي الموضوع بشكل شخصي .....انا اكيد مكنتش هعمل حاجة الا لما ارجعلك بس فعلا انا خلاص قررت اتجوز رفيف وهي كمان موافقة وبتحبني وكل حاجة مترتبة 

هند بانفعال:

انا عارفة اني مش هقدر اخليك تغرر قرارك يا مراد بس صدقني هتندم لما البنت دي تعرف حقيقة جوازك منها ...وقتها هتخسرها وتقول ياريت اللي جري ما كان 

مراد بتجاهل :

انا قررت الفرح يكون اخر الشهر .....ياريت يا ماما تقفي جمبي لو فعلا يهمك سعادتي 

هند بتننهيدة كلها حيرة:

اكيد كنت هفرح لو كنت فعلا بتتجوز عشان بتحب رفيف مش عشان تنتقم من ابوها يا مراد .....ربنا يهديك يابني فكر كويس وراجع نفسك ...لسة قدامك فرصة 

مراد بهروب :

انا عندي مشوار مع مازن ابن عمي ولما ارجع هنتكلم في تفاصيل الفرح واااه ياريت متقوليش للي هنا مين العروسة ...خليها مفاجئة للكل 

هند بحيرة:

ماشي يا مراد ...ربنا يهديك يارب يابني 

مشي مراد وهند وقفت بتبص لاثره بقوة وبعدين مسكت تليفونها  واتصلت برقم معين 

هند بغموض :

اهلا يا خالد .....احنا لازم نتكلم ضروري

........................................

كانت واقفة همس في اوضتها متوترة اوي وهي لابسة فستاان الخطوبة اللي صمم جدها انها تلبسه فكانت محرجة اوي 

حامد بابتسامة :

حبيبة جدو جهزت ولا لسة؟

همس بخوف وقلق:

والنبي يا جدو انا مش مرتاحة للموضوع ده ....ارجوك بلاش وانهي التمثيلية دي 

حامد بابتسامة وهو بيطبطب عليها:

ليه بس يا همس يا حبيبتي ....طب والناس واهل الحارة اللي برة دول بس ؟ وبعدين احنا قولنا قراية فاتحة عشان وليد يعرف انك خلاص اتخبطتي ويبعد عنك و مازن شاب محترم وراجل وانا واثق فيه 

همس بحزن:

وهو انا في حاجة مضايقاني غير كدة بس يا جدو .....دكتور مازن اتدبس فيا وكل ده بسبب وليد وانا مكنتش عاوزة ابان قدامه بالشكل ده ابدا ولا احس اني عملتله مشكلة او انه مغصوب عليا

حامد بغموض وهو بيبتسم :

متأكدة ان هو ده السبب برضه اللي مخليكي مضايقة اوي كدة ؟

همس بتوتر :

ايوة طبعا ...اومال هيكون ايه يا جدو بس وبعدين اديك سمعته اخر مرة قال ايه .....قال انه بيييعمل كدة عشان احساسه بالذنب من ناحيتي 

حامد بغموض وخبث :

طب ما طبيعي يا همس يقول كدة اومال عاوزاه يعمل كل ده ليه عشان بيحبك مثلا ....ماهو عمل كدة عشان يساعدك 

همس بانتتباه وحزن:

اه صح يا جدو ....عندك حق انا اللي كبرت الموضوع 

حامد بابتسامة لها مخزي :

متقلقيش من موضوع شكلك ده ...جدك عمره ما هيقلل منك ابدا ودي خطوبة عادي جدا وانسي اي حاجة تانية 

همس بحزن:

حاضر يا جدو اللي حضرتك شايفه 

حامد بابتسامة كلها حنان :

طب يلا يا قلب جدك اجهزي واخرجي وانا هطلع عشان زمان العريس علي وصول 

وفعلا خرج حامد من اوضة همس ووقفت هس تبص لنفسها فس المراية 

همس لنفسها بعتاب :

جدو عنده حق ....هو كتر خيره انه ساعدني وليه حق يقول كدة ومليش حق ازعل منه ...اومال انا كنتت،مستنية ايه يقولي بحبك مثلا .....انتي مجرد ممرضة عنده يا همس فوقي وافتكري دايما انه كفايا طلع شهم ووقف جمبك 

برة كان داخل مازن بهيئته اللي تخطف ومعاه مراد بكاريزمته وهيبته اللي بتفرض نفسها 

حامد قرب يستقبلهم:

اهلا وسهلا ...نورت يا مازن بابني انت واللي معاك اتفضلو 

مراد وهو بيمد ايديه لحامد :

اهلا يا حج حامد ...انا مراد الحديدي ابن عم مازن وكبير عيلة الحديدي

حامد بابتسامة ودودة:

اهلا يابني نورت المنطقة كلها ...اتفضلو ...نورتو 

مازن بابتسامة وهو بيقعد هو ومراد :

منورة باهلها يا حج حامد .....اتمني مكونش اتأخرت عن معادي 

حامد بابتسامة :

لا يابني في معادك مظبوط .....هروح اجيب العروسة بعد اذنكم 

مشي حامد وقرب مازن من مراد :

متشكر اوي يا مراد انك جيت معايا ....حقيقي تسلم يا صاحبي 

مراد بابتسامة :

احنا مش بس ولاد عم يا مازن احنا عيلة ولازم نكون سند لبعض وبعدين انت كبرت في نظري لما حكتلي اللي عملته مع الممرضة دي وعلي فكرة انا برضه عملت تحرياتي وعرفت انهم فعلا ناس كويسين جدا سواء البنت او جدها اما بقي عمها وابن عمها دول فعلا مش تمام 

مازن بتننهيدة:

مش بقولك يا مراد .....انت لو شوفتهم كمان تحسهم غير همس وجدها خالص 

انتبه مازن لهمس اللي كانت بتقرب عليهم مع جدها وكانت بفستانها الهادي وملامحها البريئة خلته يتسحر بيها وكانه اول مرة يشوفها فقام وقف يستقبلها 

مازن بابتسامة :

اهلا يا همس ....ازيك 

همس بابتسامة خجل :

الحمد لله .....اتفضلو 

قعدت همس جمب مازن اللي عنيه مترفعتش من عليها ولقي نفسه بيقرب منها 

مازن بابتسامة :

تعرفي انك زي القمر .....حاسس اننا في خطوبة بجد 

مكنتش همس عارفة تفرح ولا تزعل علي كلام مازن بس بان عليها  الحزن ومازن لاحظ 

مازن بقلق :

مالك يا همس ...انتي اضايقتي من كلامي ...انا اسف انا مش قصدي

همس وهي بتفتكر كلام جدها وان مازن ملوش ذنب وكفايا انه وقف معاها

همس بهدوء:

لا خالص يا دكتور مازن انا بس صعبان عليا انك تتحك في الموقف ده بسببي ...انا اللي اسفة بجد  

مازن بابتسامة :

متقوليش كدة وعلي فكرة انا مش مضايق ولا ندمان اني بعمل كدة وبعدين هو حد يطول يخطب قمر كدة بصراحة يا بخته اللي هتبقي من نصيبه 

همس بحزن باين في عنيها :

متشكرة اوي لزوقك بس بصراحة هو يا بختها فعلا اللي هترتبط بشخص شهم زيك مستعد يعمل اي حاجة عشان يقف جمب بنت حتي لو هيجي علي نفسه ....حقيقي يا بختها 

 ابتسم مازن وهو مركز عنيه في عيون همس لاول مرة وكان حاسس بحاجة غريبة بتشدو فيهم فاتكسفت هي وبصت في اللارض

 وانتبه مازن وقتها لمراد اللي اتكلم 

مراد بجدية:

احنا جاين انهاردة بالنيابة عن عيلة الحديدي ونتشرف اننا نطلب ايد الانسة همس لمازن ابن عمي 

حامد بابتسامة :

الشرف لينا يا ابني ....احنا هنلاقي احسن منكم فين وانتو ناس فعلا ولاد اصول 

مراد بابتسامة :

تسلم يا حج حامد .....طيب نقرا الفاتحة 

كان حامد هيتكلم بس فجأة سمعو صوت سيد عم همس اللي رد علي مراد  ......

                الفصل الحادي عشر من هنا