رواية ضره من عالم اخر الفصل السابع عشر17بقلم نوسه حمد
علا قالت لي نوسه امك بقت طريحه الفراش وابوك حالتو تحننن جاتو رجفه ومافي زول معاهم اخوانك مافيهم واحد كلف نفسو ينزل عشان يراعيهم وهم في عز حوجتهم ليكم انسي الحصل منهم من قسوه وما تلوميهم بجد الحاصل عليك حاجه كانت لا تصدق وحاجه تدهب العقل اضعي ليهم العزر علا بتتكلم معاي وانا دموعي م وقفت وقلبي بين لان ليهم وبين قاسي عليهم ما بنسي منظر امي وهي بتتعوذ مني وفي لحظه ختيت نفسي مكانها لاني بقيت ام قلت لا قدر الله لو في يوم شفت بتي حاصل عليها زي ما الحصل علي مستحيل اخاف من اقعد معاها واتهرب منها ابسط حاجة بضمها علي بقرأ ليه وبرقيها ولو مجنونه بجري بيها من الشيوخ للدكتور بس اخليها تتوجع وتتالم مستحيل لحظات مرت علي وانا بقارن نفسي بي امي كانت صعبه شديد ابدا مالقيت مبرر لي تعامل امي معاي انا اكتر واحده متعلقه بيهم وكنت شايله البيت وشايلاهم لو واحد فيهم كان حاسي بي الم انا نوم م بنوم بس لمن احتجت ليهم مالقيتهم وكنت ساكته ما رديت علي علا قلت ليها علا الله لا ضوقك تقعي واهلك يعاينو ليك وما يرفعوك انا كنت زي الفي بير وبستنجد بيهم بس لا حياه لمن تنادي شفت اصعب مواقف منهم وقلبي ما بقا حجر بس ختيت نفسي مكان امي علا انا مستحيل اجي يوم واخلي بتي براها مستعده اقع معاها في النار قالت لي نوسه معليش احتمال امك م قدرت تتصرف وراعي للحته دي وانا والله مفتكراك نسيبه الزمان الما بتحمل في امها وابوها عشان كده لمن سمعت كلام الناس قلت اجي اكلمك العبره خنقتني قلت ليها هم السبب في تغيري يا علا وانا هسي ما بلوم فيهم مافي زول بلوم والدو بس انا سند محتاج لي وبمر بظروف صعبه قالت لي سند الله اعلم يرجع طبيعي بعد الجن اتمكن فيهو قعدت ابكي وقلت ليها اتفائلي ليهو خير وانا بتمني يبقا كويس ويربي معاي اولادو قالت لي كلنا بنتمني ليهو كده بس كمان ما بنتمني ليك انك تعاني ي نوسه قلت ليها دا نصيبي ودا امتحان من ربنا ادعي لي انجح فيهو قالت لي ان شاءالله قلت ليها ح انزل الحله بكره بس ع شرط سند معاي وخايفه من رده فعل ابوي قالت لي مابقول حاجه هم محتاجين ليك قلت ليها تمام وقفلت طلعت لقيت سند يلعب في اولادو قلت ليهو سند اهلي محتاجين لي قال لي خير ي نوسه حكيت ليهو بالحاصل قال لي وانا قلت ليهو انا م ح اخليك وراي يا سند ح تمشي معاي ابتسم وقال لي نوسه كيف اقعد مع نسيبي واخلي الشغل قلت ليهو مافيها حاجه وانت محتاج لي قال لي انا مستحيل امنعك من اهلك ي نوسه بس كمان م بقدر امشي معاك خليني ربنا كريم بس م اوصيك علي اولادك خلي بالك منهم قلت ليهو سند انا اتعودت عليك ما تحرمنا منك ارح معانا قال لي نوسه انتي عارفه انا ما حابي اشوف اهلي قلت ليهو سند انسا الحصل وسامحهم قال لي ما قادر يا نوسه في حاجات جواي م قادر احكيها ليك عشان كده م تركزي معاي ي نوسه وخلي بالك من نفسك وحسيتو مضايق شال تلفونو ومفتاح العربيه وطلع انا ضميت اولادي علي وبقيت ابكي قلبي مقطوع علي سند بس مابي يدي امي وابوي محتاجين لي وزوجي ما معارض بس رافض يمشي معاي قلت امشي واقنع اهلي انو يجو معاي واشوف رايهم شنو
مرت الايام وبقيت اجهز عشان امشي اهلي ومشيت ودعتا ناس محمد وابتهال وامهم قالو لي احسن حاجه عملتيها ومافي زول بعيش من دون اهلو وقالو لي ح نجيكم ان شاءالله
سند تاني يوم وداني الموقف وركبني البص ونظارتو لي كانت قاتله وضامي اولادو ويبكي لغايه ما بتاع البص شاكلو ونزلو انا العبره خنقتني وقربتا انزل وكانت جنبي بت قال ليها عليك الله ساعديها والبص كلو وصاهو علي لمن البص اتحرك قلبي وقف والمسافه كلها ابكي لمن حسيت حيلي انهد من كترت البكا البت تشيل وتحنس فيني قالت لي زوجك شكلو بحبك وربنا يحفظكم لبعض وونستني وساعدتني في اولادي لغايه ما نزلتني حلتي اجرت لي رقشه ومشيت البيت طقيت الباب فتح لي ابوي لمن شفت الرجفه الفي يدو قلبي وجعني شديد وبقيت حاضناهو وابكي بس ما حسيتو ابوي الزمان ولا حتي عاين لي اولادي قلت م مشكله ما اتاثر بيهو وابقا في امي وامي دمعتها ما وقفت دايره تتكلم وغالبها وكنت بردد ليها يمه انا اسفه وعافيه ليك اي شي حصل منك كانت بتعبر بالدموع واهلي كلهم عرفو اني رجعت جو اسلمو علي وقالو لي انتي احسن من اخوانك كويس انك جيتي لي امك وابوك عندهم عليك حق قلت ليهم اكيد وعلا جات زارتني وانبسطت شديد اني جيت
مرت الايام وشيلتا تلفون امي اتصلت علي اخواني واخواتي ولومتهم كيف ما يجو يقيفو لي امي ودا الوقت المحتاجه ليهم فيهو كلهم اتججو لي بي انو مدارس اولادهم شغاله وما بقدرو ينزلو قلبي وجعني قفلت الخط وقلت الله يسامحهم
مرت الايام وسند متواصل معاي بالرسايل وكل يوم بحس بيهو بحبني اكتر واعتزرت منو اني خليتو براهو قال لي لا انتي معزوره اهلك اولي بيك مني وكل يوم بمر علي سند بقول لي انا فاقدك وفاقد طلتك في البيت مرات صوتو ما قاعد اطمني واغلبيه مكالمتو معاي بقول انو ماعاوز يخسرني ولا يبعد عني بس الظروف كانت اقوي مرات بحس بالذنب اتجاهو لانو محتاج لي بس انا واقعه بين اتنين امي وزوجي وابوي معاملتو لي قاسيه شديد ومن جيت بطلع اليوم كلو بجي نهايه اليوم ولمن اسالو كان وين بشاكلني وبقول لي انتي طلعتي ومشيتي وين ما عارفنك وجيتينا شايله ليك طفلين مرات بحسو بقرب اقول لي ديل ابوهم وين وكان زهجان مني ومن اولادي وصوت بكاهم بعمل ليهو قلق وبطلع من البيت مرات بقفل الغرفه عشان الصوت م يطلع بس برضو بسمعهم كانو خاتي اضانو قصاد بكاهم ومرات كتير بحسو انو بتحجج عشان اطلع لغايه ما جا اليوم المافي الحسبان ابوي قرر اتزوج الخبر نزل علي زي الصاقعه كيف يا ابوي تتزوج وامي بالحاله دي قال لي انا كبير وعاوز البتهتم بي زعلت منو شديد وما ركزت معاهو قلت ليهو هو انت عندك قروش صدمني انو اخواني رسلو ليهو حسيت بي امي فاهمه الحاصل ودموعا نازله طبطبت عليها بس حاسه قلبها موجعها شديد اتصلت علي اخواني ونبزتهم قلت ليهم دا جزات امي العلمتكم والكبرتكم ترسلو لي ابوي انو اتزوج قالو لي ابوي كلامو كتير وشكلو خرف في العرس قلت ليهم طيب ذنب البتزوجها شنو موش واجبنا بعد اخرف نمسكو علينا قالو لي ما بتمسك ونحنا نخلي الشغل ونجي نحرسو ولا شنو وناكل ونشرب من وين احسن نسكتو قلبي وجعني من ابوي واخواني الهمهم نفسهم يعني امي لو ما لقتني انا كان الحصل ليها شنو زعلت شديد وبطني طمت منهم وكنت بفتش لي رضا ابوي بس تاني بقيت م مركزه معاهو ولا سالتو كتير عن اي تفاصيل بس ناس الحله يخلو الشمارات لمنو كل مره واحده تجيني بي كلام ومشكلتهن بقولنو قدام امي كانو امي جثه وامي كل م تسمع اخبار عن زواج ابوي ترفض الاكل والشراب ودموعها بتكون ماليه الوساده عرفت انو اتزوج بت صغيره كانت دفعتي البت دي انا بعرفها بت كعبه شديد مافي ولد ما حبتو وكانت اكبر قليله ادب في الحله لمن عرفت بيها واجهتو وشاكلتو عديل وصل لدرجه انو ضربني وسمعني كلام فارغ قال لي اشرف منك مالا شردت من اهلا محسسني كاني انا زمان شردتا وهم م طردوني بقيت محتاره البت دي اتزوجت ابوي لشنو اكيد ما حبا فيهو والشي المحيرني هو م عندو قروش رضت بيهو لشنو لغايه ما ابوي كره اخواني الحياه كل يوم طلبات وبصرف صرف خيالي والبرفض اديهو قروش بقول ليهو ماعافي ليك قلت لي اخواني تستاهلو دا حق امي وكنت ممغوسه منهم وضقت الضر انا امي ضاقتو وهي طريحه الفراش ياريتا لو كويسه كانت اتكلمت وعبرت عن الجواها بس امي م بتقدر تتكلم وكل مره بطبطب عليها واخفف عليها بس الوجع الجواها الله اعلم اخف وجع اولاد وراجل والحمد لله مرت ايام وابوي جابا لينا في البيت وطبعا دي هي البتكون قالت ليهو وديني انا افتكرتهم جو زياره بس صدمتني قالت ليهو الغرفه دي احلي انا عاوزه دي ابوي طوالي قال لي تحولي امك وتقعدو في الغرفه التانيه قلت ليهو لا دي غرفه امي حرام عليك شاكلني وضربني ونادا اولاد اختو شالو معاهو امي وحولوها ونزل فيها غرفه جديده امي من اليوم داك لا دخلت اكل لا شراب في خشمها وكلمت الدكتور كتيب لي ليها دربات وحسيت حلقها اتورم كلمت الدكتور اداني ليها مضاد حيوي اديتو ليها بس بدون فايده وشكلها دي العبره خانقاها وانا زاتي العبره خانقاني بس نعمل شنو ابوي جنا علي اخر عمرو واخواني ايدوهو علي الجن ما عقلوهو وبقو لي امي سبب في دخولها في صدمات وعدم اكل وابوي صوت ضحكو مع مرتو تحلف تقول عمرو عشرين كوا امي كي امي مرات بتخت يدها في اضانها عشان م تسمع صوت ابوي وكل يوم حالتها النفسيه والصحيه ماشه في تدهور وعدم الاكل عمل ليها مضاعفات مرات تفقد الوعي م بتصحا الا بالدربات لغايه ما يوم فقدتها ولقيتا قاطعه النفس لا بتجر يد ولا كراع وربنا يستر …