رواية حب بين نارين الفصل الثامن عشر18بقلم ايمان احمد
هيا دى عمتى
شاور على الهام وابتسم وقتها الكل بص باستغراب
أما الهام فقالت بغضب: انت اتخبلت عمة مين انا اول مرة اشوفك فى حياتى!
الشاب قرب منها وقال بابتسامة عريضة
=حتى انا كمان اول مرة اشوفك بعد كل السنين دى ياعمتى من هروبك مع مجدى السيوفى
مجدى وشه جاب الوان ومنطقش اما ياسين فهجم على الشاب بعصبية شديدة وهو بيقول..
= انا هقتلك ياكلب ال بتتكلم عنها دى تبقى امى ازاى تتجرأ
اقترب حرس الشاب من ياسين ومسكوه فشاورلهم الشاب أنهم يسيبوه
وقال :ابن عمتى العزيز ياسين اومال فين اخوك التانى عمار
ياسين كان لسة هيتعصب لكن مجدى بسرعه قال
= انت شكلك غلطان فى العنوان ياإبنى ومعلوماتك مش صح
الشاب بصله من تحت لفوق بتقييم وقال
= يبقى انت مجدى السيوفى ال دمرت عليتنا وخدت عمتى مننا
الهام صرخت فيه:هيرجع يقول عمتى تانى ياحبيبى انت غلطان انا مليش اخوات يعنى مستحيل اكون عمتك
ندى بصت لميرا ال كان باين عليها انها مش متفاجئة بكل ال بيحصل لكن لفت انتباهها أن التليفون مش فى ايدها بدأت تدور حواليها وبعدين بصت لميرا بغضب وقربت منها قالت
=هاتى التليفون ال انتى سرقتيه
ميرا ببرود: تليفون ايه ياحبيبتى وبعدين ايه سرقته دى ماتحترمى نفسك
ندى حاولت تاخد شنطتها منها لكن ميرا زقتها بعنف وقتها الكل بص
الشاب : الظاهر انى جيتلكم فى وقت مش مناسب
وآسف انى هقاطع خناقتكم الجميلة والله بس اخرررسوا انتم الاتنييين بدل مااخلص عليكم
ميرا وندى اتفزعوا وعلى الفور ياسين قال وهو بيجز على أسنانه
صوتك ميعلاش فى بيتنا وال بتعمله ده هتندم عليه انت مييين وعايز اييه؟
الشاب قعد على الكرسى بكل غرور وقال
= قولتلكم انى عايز عمتى وبالنسبة انا مين فأنا ايهاب رياض الجبالى
مجدى مجرد ماسمع الاسم اتأكد من كل شكوكه وعرف ان سره على وشك كبير أنه ينفضح
الهام بغضب : وانا الهام الشبراوي يعنى حتى اسمائنا مش متشابهة ازاى هكون عمتك
_ يعنى انتى مش نادين سامح الجبالى ؟؟
الهام :لا مش انا وده ال بحاول أقوله من بدرى وانت نااازل رغى وكلام فاضي بتقول.. بتقول كلام غريب
الشاب سكت مرة واحدة بعدها ضحك بقوة فالكل بصله باستغراب
توقف وقال :مش ده بيت مجدى السيوفى ولا انا غلطان؟
ياسين بص لمجدى ال كان ساكت وقال
=ايوا هو
رد الآخر بكل بساطة:خلاص يبقى عمتى موجودة هنا او على الاقل مجدى يعرف هيا فين!
فى جانب معين فى الفيلا كان حسام واقف بيسمع كل الحوار وهو مبتسم بشماته فيهم
الهام بصت لمجدى وقالت : هو بيقول ايه يا مجدى انت تعرفه ولا تعرف عمته ال اسمها نادين دى
مجدى بتوتر: وانا يعنى هعرفها منين ده جاى يخرف ويقول اى كلام
الشاب رفع سلاحه فى وش مجدى فياسين بدون تردد وقف قدام والده
- بطل كذب يامجدى مش كفاية أن بسببك اسم عيلتنا بقى فى الارض بعد ماعمتى هربت معاك وعموما انا جيت عشان عايزاها تتنازل عن كل الأراضى ال جدى كتبها باسمها ماهو لو كان شاف عملتها قبل مايموت مش بس كانت هتتحرم من الورث لا دى كانت هتبقى المرحومه
كل العيلة بصت لمجدى بصدمة لكن الصدمه الأكبر كانت من نصيب الهام
نفس اللحظة كان عمار داخل الفيلا معاه اياد
اول مالشاب شافهم اشار لرجاله فهجموا على عمار وحاولوا ياخدوا منه اياد عمار مكنش فاهم ايه ال بيحصل لكنه قاومهم بكل قوته
ياسين حاول يدخل لكن وجهوا السلاح ناحية ندى وناحية باقى عيلته
فى النهاية نجحوا أنهم ياخدوا اياد من ايد عمار بصعوبة
الشاب وهو ماشى قال:قدامكم يومين... يومين اتنين استلم عمتى تستلموا ابنكم وعمتى عارفة العنوان
اياد كان بيعيط وهو بينادى مامته ميرا أما ميرا فصرخت وحاولت تروح وراهم لكن كانوا غادروا
___________
فى غرفة مجدى
— اتكلم يا مجدي.. ساكت ليه؟! الكلام اللي اتقال تحت ده صح؟! نادين سامح الجبالي دي مين؟! مين دي اللي هربت معاك؟ انت كنت متجوز عليا ولا هربان مع واحدة قبل ما تتجوزني أصلاً؟!
— بس بقى يا إلهام! ارحميني واسكتي! الكلام اللي قاله الواد الصايع ده كله هبد وكذب في كذب! أنا لا أعرف نادين ولا زفت، والواد ده جاي يستفزنا وياخد قرشين
إلهام قربت منه وزقته في صدره بعنف:
— كداب! عينك في عيني وقولي إنك كداب! أنت واديتنا في داهية! بسبب بلاويك وأسرارك الوسخة، حفييييدي اتخطف قدام عينيا! إياد.. الطفل اللي مالوش ذنب، بسببك انت يا مجدي! بسبب ماضيك القذر اللي كل يوم بيطلع لنا منه مصيبة ألعن من اللي قبلها!
مجدي بص في الأرض وهو بيجز على أسنانه ومردش، وده زاد جنونها أكتر.
— أنت مش بس خنتني وهدمت البيت ده.. انت دمرت كل حاجة بينا قولي الحقيقة دلوقتي يا مجدي.. ابننا فين؟! ابننا الأولاني هو كمان ضاع بسبب قرفك وعلاقاتك المشبوهة دي؟! أنت تعرف طريقه صح؟! أنت عارف ابني فين ومخبيه عليا كل السنين دي؟!
— انتى اتجننتى يا إلهام؟! ابن مين اللي أعرف طريقه بعد العمر ده كله؟! قولتلك دورت كتير ملقتهوش يمكن حد اتبناه يمكن ماااات معررفش
إلهام بعصبية وتهديد ودموعها نازلة:
لو إياد حفيدى مارجعش في خلال الـ 48 ساعة دول، ولو ما كشفتليش مين ال غفلك و خطف ابنى منك وسر الزفتة اللي اسمها نادين دي.. انا ههد البيت ده فوق دماغك
مجدى بحدة: انتى بتهددينى هتعملى ايه يعنى ياالهام؟
_ هقول لياسين الحقيقة انه مش ابننا وانك جايبه من الملجأ
برة الاوضة تماما كان عمار واقف ايده متسمرة على مقبض الباب اللي كان هيفتحه. عيونه اتسعت بصدمة شلت حركته تماماً، وهو بيسمع كلام امه
قال بعدم تصديق: اخويا الضايع! و.. وياسين مش اخويا!
____________
حسام كنت فين يابنى بدور عليك من بدرى
حسام بفرحة وشماته: روحت اخد بقيت حسابى من مجدى لكن شوفت بعينى فضايحهم طلعوا عيلة قذ-رة وعاملين فيها محترمين
هدى بعدم فهم: تقصد ايه هو فى حاجة حصلت؟
حسام بضحكة شماته: حصل حاجات كتير تخيلى ان مجدى ال كان بيدينى نصايح طلع خاين مش بس خان الهام ده دمر عيلة كاملة
هدى حست برعب تملك قلبها بسماع كلام حسام قالت بتوتر شديد: عرفت ازاى؟
حسام: فى واحد هجم على البيت و
هدى بخوف شديد: ياااسين حصله حاجة.. بتبص كدة ليه رد عليااا
حسام بسخرية: تااانى ياااسين؟
هدى بارتباك: اقصد ياسين وعمار وباقى العيلة يابنى
حسام ببساطة: اطمنى محصلهوش حاجة بس خطفوا الولد الصغير
هدى: يامصيبتى ليه هو ايه ال حصل ياحسام!
حسام: كنت لسة بحكيلك فى واحد هجم على الفيلا وقال ان اسمه.. كان اسمه ايه.. اه افتكرت ايهاب الجبالى كان بيسأل على عمته
هدى همست: نادين الجبالى
حسام بصدمة: عرفتى منين!؟ انتى كمان كنتى هناك ...بس انا مشوفتكيش.. طب شوفتيهم خطفوا الولد ازاى؟
هدى دموعها نزلت وشردت فى ذكرى
فلاش باك
كانت قاعدة فى اوضة ضلمة وهيا فى شهورها الاخيرة من الحمل
دخل اخوها عليها وقال بسخرية: عجبك الحال ال انتى وصلتيله ده؟
رفعت عينها وقالت بتعب: مجدى لو عرف ال حصل مش هيسكت
قرب منها وقال بغل: مجدى ال انتى واثقه فيه هو ال بعتلى مكانك يامغفلة قدر يضحك عليكى للمرة المليون
صرخت فيه بعدم تصديق: مجدى بيحبنى مستحيل يعمل كدة
ضربها بالكف وقال: اخرسى متعليش صوتك عارفة انا هعمل فيكى ايه اول ماتولدى هاخد ابنك واقت-له بعدها هرمى جثته لمجدى وبكدة ابقى غسلت عارنا وانتقمت لموت ابويا يازبا-لة
خرج وقفل الباب وراه
اما هيا فرددت بخوف وهيا بتحط ايدها على بطنها: لا لاا محدش هيأذى ابنى اقتلوو-نى بس سيبوا ابنى يعيييش
باك
ماما.. ماااااما
هدى صحيت من شرودها وقالت وهيا على وشك المغادرة: مش هسمح حد يتأذى انا هروح بنفسى ارجع اياد حتى لو التمن المرادى حياتى
حسام بعدم فهم: استنى انتى رايحة فين وايه علاقتك بالموضوع متسيبيهم يولع-وا احنا مالنا
_ حسام مفيش وقت انا عارفاهم كويس مش هيسبوا الولد دول مجرم-ين
حسام وقف عند الباب وقال: انتى بتقول ايه ياماما انتى مش هتتحركى من هنا مش هسمحلك تدخلى نفسى فى امور متخصكيش
هدى صرخت فيه بأعلى صوتها: انا اساس الموضوع ده كله
حسام بصلها بعدم فهم وقال: تقصدى ايه؟
هدى بثبات: انا هحكيلك كل حاجة من البداية جه الوقت ال الحقيقة تتكشف وكل حاجة تبقى فى مكانها الصح
_______________
مين الغبى ال دخل ده ...نددى امشى اطلعى برررة انا مش فايقالك
ندى بسخرية:صح انتى واحدة ابنها مخطوف وفيكى ال مكفيكى
ميرا بغضب :بررة انتى عااايزة ايه مش كفاااية ال انا فيه
ندى بنفس غضبها : ليه هو ايه ال انتى فيه ؟ مش ده كله كان اختيارك مش دى كلها خطتك عشان تاخدى التسجيل منى قبل ماافضحك قدام كل العيلة؟
ميرا : لحظة واحدة انتى تقصدى ايه ! إن انا ال جبت البلط*جى ده البيت ؟ لو ده قصدك تبقى مجنو-نه انا هخليهم يخطفوا ابنى عشان موضوع تافهه !
ندى لمحت تليفونها محطوط على سرير ميرا فبسرعه خدته فتشت فيه لكن التسجيل مكنش موجود وصلها فى نفس الدقيقة رسالة من طارق بتقول
" ندى عرفت انك ضحيتى عشانى لو كنتى لسة بتحبينى خلينا نرجع لبعض وانا هحميكى من ياسين وامى وكل الدنيا واصلا انا سبت بيت أمى خلينا نبدأ من جديد ياندى مستنى ردك "
التفت لكنها انصدمت أما شافت
---------------
مين الولد ال بيعيط ده وجايبه معاك ليه ؟
ايهاب :ده مفاجئة ليك
رد والده باستغراب:مفاجئة ليا انا! جايبلى عيل بيعيط وبتقول مفاجئة
ايهاب :تؤ مهى المفاجئة هتيجى لحد عندك من خلاله
اياد بعياط:انا عايز ماما
ايهاب :بس ياحبيبى روح العب بعيد
اياد برفض وهو بيعيط: لا انا عايز ماما
ايهاب بغضب رفع ايده عشان يضرب اياد لكن وقفته واحدة
ـ انت هتعمل ايه هتضر-ب طفل صغير!
- انتى مش شايفاه بيزن ازاى وانا اكتر حاجة اكرهها العيال الزنانة دى
ميلت عند اياد وقالت بحنية
ـ ايه ياحبيبى بتعيط ليه؟
عايز ماما وتيته الهام
بصت لايهاب وقالت :انت كمان خطفه من أهله
مردش عليها وبص ببرود
- ماما هتيجى تاخدك بس تاكل الاول ومتعيطش
ايهاب مسك ايدها وقال :رايحه على فين بالولد؟
زقت ايده وقالت : متخافش لا انا ولا الولد هنعرف نهرب منك
ايهاب ببرود: كويس انك عارفة ..آه واعملى حسابك هقضى الليلة عندك
قالها وهو بيبصلها بوقاحة فبصتله بكره ومسكت اياد ومشيت
ايهاب:مش عارف انت ازاى ببيقى عندك طولة بال تتعامل مع الستات ياحاج..
رد الآخر :الست عايزة الحنية والدلع مش العنف
- وانا الست ال معايا مبتجيش غير بالعنف
= طب جرب تعاملها بحب وبراحه عليها شوية وهتشوف النتايج
- ماشى هحاول
ـ المهم يابنى مش هتقولى على مفاجئتك العظيمة
- خليها لوقتها ياحاج
قال فى عقله بشر: متأكد انها هتيجى بنفسها تستلم الولد بس الاتنين هيبقوا المرحومين شكرا ياميرا بس آسف انتقامنا اكبر
--------------------
ميرا كانت حاضنة ياسين ال جه
قالت بعياط :شوفت خطفوا ابنى ازاى مين دول وعايزين ايه مننا ياسين انت الوحيد ال تقدر تساعدني وترجعه
ندى كانت لسة هتمشى لكن ياسين مسك أيدها
بعد ميرا عنه ببطئ وقال : ندى تعالى معايا بسرعه
ميرا بغضب : ابنى مخطوف وبدل ماتيجى تواسينى وتشوف هنرجعه ازاى جاى تاخد مراتك عشان تتمسخروا سوى
ندى بغضب:احترمى نفسك يابتاعة انتى
ياسين مسك ايد ندى : مترديش عليها وتعالى معايا
لكن ميرا وقفت قدامهم وفرقت ايدهم حضنت ياسين للمرة التانية بس المرادى بوجع حقيقى
= ياسين بلاش تعمل فيا كدة انت مش عارف بيحصل فيا ايه اما اشوفكم مع بعض انا اتعاقبت بما فيه الكفاية وتعبت من بعدك عنى
أما ملقتش اى استجابة من ياسين وشافت نظراته لندى جن جنونها وبدأت تكسر كل حاجة قدامها فى الاوضة ياسين وقف ندى ال كانت خايفه وراه ومحاوش حتى يهدى ميرا
ميرا بجنون وهيا بتكسر:انت متعررررفش عملت ايه عشااانك انا خسررررت كتييير وضحيت بأغلى ماعندى
بعدها انهارت على الأرض ياسين قرب منها قعد قدامها ورجع شعرها للخلف بص للوشم ال بحرف R وقال بحزن : خسرتى مين غيرها ؟ بس أنا ال خسرت كتير بسببك ياميرا
بعدها قام بجمود مسك ايد ندى وقال : من غير ولا كلمة
-------------
بعد قليل
جايبنى على البحر ابن اخوك مخطوف وجايبنى هنا نعمل ايه ؟
سكتت أما شافت الحزن والضعف ال فى نظرات ياسين وال اول مرة تشوفها
- مش ابن اخويا
ندى بصدمه :ايه !
ياسين : فى اسرار كتير فى حياتى انتى متعرفهاش والنهاردة هعرفك كل حاجة تخصنى
ندى بذهول : ليه هتعرفنى ؟
ياسين بحزن: عشان تعبت ياندى وعايز ابدأ بداية جديدة معاكى انتى وبس انا هحكيلك كل حاجة عنى وبعدها هسيبك تختارى تكملى معايا أو..او ننفصل
ندى مكنتش مصدقة ال بتسمعه معقول فعلا هيسيبها تختار يعنى فى ايدها دلوقتي تختار طارق او ياسين بكل إرادتها
ياسين قال : قبل مااقولك اى حاجة عايز اقولك أن تلت بنات دخلوا حياتى أهمهم كانت ميرا بص على الوشم ال على ايه وقال بحزن وصاحبة الوشم كانت اكتر واحدة اثرت فيا اما التالته ...
اتحول الحزن ال فى عينه لابتسامة حب وقال